Friday, December 21, 2007

الوضع هادي خلونا نستانس شوي

بما ان الاوضاع هاديه ... فهذه دعوه للوناسه والترفيه عن النفس





















لمتابعين الكره الجميله والفن الراقي هذي قرعه دوري ابطال اوروبا





مباريات شيقه وجميله





روما وريال وبما اني من مشجعي روما اتمنى فوز فريقي انشالله وكما كان متوقع من قبلي فالمواجهه صارت مع ريال مدريد

ليفربول وانتر ميلان قمه قمه قمه بس انشالله ما يتعادلون وتصير المباراة بايخه .. احب ليفربول واشجع الطليان فالي يفوز فيهم يستاهل

ميلان وارسنال مباراة تجمع بين الخبره والتكتيك وبين الفريق الشبابي يعني مباراة متميزه من كل النواحي بس هل تنتصر الخبره ام روح الشباب نحن بالانتظار وهم الي يفوز يستاهل

سيلتك والبرشا ... اتوقع بتكون مباراة قويه سلتيك لعبهم هالموسم قوي وحماسي والبرشا ايتو رد يلعب وميسي هذا موسمه

والمباريات الباقيه اتوقع عادي الا ليون ومانشستر شكلها زينه بشجع ليون مااحب مانشستر مو ناسي السبعه :)))













.












ديربي ميلان ... هل سيتوقف زحف الانتر ويسونها ميلان ؟؟؟ انشالله عشان يقل الفارق مع روما ويحلو الدوري شكله اليوفي اخر شي ماخذ الدوري لا انتر ولا روما بس هم يستاهلون

مباراة جميله وقمه رائعه الساعه 5 يوم الاحد



هل سيعملها كاكا :))

.







اخيرا الكلاسيكو .. واليوم بودي الشباب المطار بيروحون المباراة ياحظهم كان المفروض انا معاهم لكن الظروف لم تسمح للاسف


البرشا وريال قمة مباريات الموسم منو راح يفوز الله واعلمب س حسافه ميسي ماراح يلعب


بس يظل كلاسيكو وانشالله نتمتع بمشاهدتها


.


.












اطل علينا بوخالد بهذا الالبوم الجميل ... وبصراحه توقعته بايخ مثل الي قبله .. لكن هالالبوم بصراحه روعه بالاداء وانتقاء جيد للكلمات .... بس فيه شي واحد ... ماادري ليش ماكو اغنيه من الحان خالد الشيخ للاسف
عموما من احسن الالبومات .. وبما اني انا دقه قديمه ومااسمع اليديد فهذا البوم يستحق الاستماع اليه
اغنيه الدويتو مع المرحومه ذكرى ممتازه
المصريه روعه
اقوى اغنيه الاغنيه رقم 13 يا فراقها حبيتها وايد بصراحه
ليش اطول الحجي يبا هاكم الاولى للاتنزيل والثانيه للاستماع


مساكين
مساكين
في موعد
في موعد
قبل نبعد
قبل نبعد
جرب تسافر
جرب تسافر
تعتذر
تعتذر
الحلم ما يصدق
الحلم ما يصدق
ما فقدتك مع ذكرى
ما فقدتك مع ذكرى
تبقى عيبة
تبقى عيبة
إتركني
إتركني
في صحوتي
في صحوتي
للحين
للحين
محتاجك
محتاجك
يا فراقها
يا فراقها
كلمة أحبك
كلمة أحبك
حوار مع ذكرى
حوار مع ذكرى


.
.
.
.
اول مره انزل بوست جذي ولكن دعوه مني للفرح والتفاؤل خلونا ننسى شوي
وماني متكلم عن مقابلة السعدون بجريده الراي الي يبي يقراها خل يقراها مالي خلق عوار قلب
.
.
.
.
اللهم لا اعتراض




===================================================================

مع ان بوستي اليوم يدعوا للوناسه .. لكن ما نقدر انرد ابله خروفه

فأبلتنا العزيزه مسويه بوست حلو عن الاغاني الوطنيه ... وطلبت منها تحط هالاغنيه وطلعت ماتعرفها وطلبت مني احطها ... فاهديكم هذي الاغنيه الي احبها وايد وايد وايد ومن اجمل الاغاني الي تغنت لاجل ديرتنا العزيزه الكويت

ترابج احنا انبوسه لو يحصل ما اندوسه

يالله عساج محروسه يا ديرتي يا كويت

فاليكم اغنيه يا نبع الوفا






35 comments:

ezain_kilah said...

حلو موديلي وأنا اول واحدة معلقة

الله يسامحك... بوستك طلاسم... ما أفهم بالطمباخية

عيدك مبارك حجي

الحب said...

من يوم سافرت .. وكل شي بعدك مسافر
ماعاد باقي معاي الا معاناتك ..

عيا الزمن يبتسم وانا اكسر الخاطر ..
اشرب ملامحك .. واتنفس بآهاتك ..
الحين .. محتاجك ..

كلمات محتاجك تعور القلب

و اغنية صحوتي حلوة بعد

مشكور عالبوست :)

Bass said...

مهندسنا

متعصبة لرويال مدريد الي ماله نهاية أسمحلي:))

بوخالد قلييل ما اسمعلة

بوعبدالعزير مابي اغلط بس انصحة ان يعتزل العمل السياسي


بش مهندس أشرايك بالمطره

دمت بالف خير

Eng_Q8 said...

ezain_kilah

وايد حلو :)

ما عليه لازم انوع شوي ولا يهمج البوست الياي عن شي راح يعجبج :))

ايامج سعيده حجيه
انا لي الحين ماصرت حجي :)

-----------------------------------

الحب

والله كل شريطه حلو هالمره
عفوا ومشكوره على المرور الحلو :)

-----------------------------------


اختي العزيزه بس


يعني راح تصير بيني وبينج :))) لاول مره نختلف بشي انا متوقع انفوز عليكم 1/0 وبعدين تفوزون علينا 3/1
وانشالله توقعاتي ما تصيب

انصحج تسمعينله وهم حق بو خالد الثاني عبدالكريم عبدالقادر :)

وانا معاج اوجهله النصيحه

المطره عجيييييب عساها دوم ما بغت الديمه اتيينا

وياج يالغاليه

===================================

strawberry said...

hi
that`s post sooo sweet about 3abdulla reweshd keep going

Selezya said...

والله خوش اغنيه يافراقها :) اختصرت كلام وايد
عجبتني


===
مالي علاقه بسوالف الكره :)

هذيان said...

أنا اشجع مانشيستر يونايتد ايه نفس متسوى القادسية عندنا اذا لعب ......؟
الله يا ذكرى أعطت للفن الحديث قيمة وطرب أنصحك تسمع اغنية لها اسمها الكتاب رائعة وأكثر
وانت بوستك حلو وايد

Eng_Q8 said...

strawberry

hi
thanx :)


-----------------------------------


Selezya

حاظرين :)) اعرف ذوقج :)
المهم انها اعجبتج

ادري ان مالج علاقه بالكره بس خوش مباريات لازم اتكلم عنها :))

-----------------------------------

هذيان

لا يبا القادسيه احسن :)))

ذكرى من الاصوات الي ما راح تتكرر احب هالمغنيه الله يرحمها

مشكوره اختي :)

===================================

marshmallows said...

شريط رويشد نزل بوقته مع هالمطره الحلوه
بس الله يهداه بأغنية كلمة احبك اعتقد جذي اسمها بس انا لما قريته قلت الله من اسمها شكلها حدها رومانسيه بس لما سمعتها الصراحه مت من الضحك

و اغنية جرب تسافر بعد وايد حلوه خصوصا لانها انهدت لي من شخص عزيز =p

لا بس اشوه عوض عن الالبوم الي طاف

بس بالنسبه للكره ايطاليا و تيي بعدها البرازيل و البس تي شيرت تشيلسي لان لونها الفسفوري عاجبني مع جاكيت وردي :D

Someday said...

Etha enta 3la goltek da2ah 2adeymah o 3gbik!!!! 3yel ana sha6la3 ely ma 3agabney?!??! Ma before el naf6 or 3a9er el daynasoures?!?!?!
Ana walla rwaished allah yahadah min b3d “Weyeney?” galab el galbah el chaydah o shaklah byel7ag Nawal, ely to me a’7er ma ‘3annat was “shams o gomar”!!!!! o salamtik!!!

Mishari said...

عيدك مبارك اولا :)

ثاني شى
مانشستر وبس

معلش الباجي فمان الله :))


رويشد بهالشريط صح صح صح

حمودي said...

ما احب الكره

5roofa said...

لووووول

اول شي انت كتبته اجذب عليك اذا قتلك اني فهمت شي

ولله كانك تسولف بلغه غير مفهومه لوول

بس على عبد الله رويشد انا نفس حالتك مااسمع شي يديد كله قديم حتى اكثر الناس تكح لي شافت الغاني الي بلابتوبي
بس شسوي ايام اغاني اول احلى الصراحه

مشكور على البوست الخفيف اللطيف الاظريف لووول

تسلم ايدك

salamz dear friend...

Eng_Q8 said...

marshmallows

اي والله بوقته
بعد مايصير الشريط كله حلو :)
يالله زين اهم شي شخص عزيز كلش ما عرفنا منو :)))
كفو والله صحيح ايطاليا اول شي
الجاكيت الوردي اهو الي محلي الفانيله :)

-----------------------------------

Someday

سمعيه عدل وراح يعجبج صدقيني
الله يسلمج :)

-----------------------------------

Mishari

ايامك سعيده :)
مانشستر خل يفكون روحهم من بن زيما :))

اي والله صح

-----------------------------------

حمودي

اوكي طال عمرك ماراح انييب طاريها ثاني مره :)

-----------------------------------
5roofa


ابله تبين مدرس خصوصي يدرسج اللغه :))


اي والله ماكو على القديم

العفو يا ابلتنا اللطيفه الظريفه :))

الله يسلمج من الشر
سلامز:)

===================================

5roofa said...

احم احم لا جذيي استحيي

بس امبي الاغنيه
عجيييييييييييييييييييييييبه

حبيتها حبيتها حبيتها

امبي امبي اول مره اسمعها
:/
ويني عنها عاد الحين شفكك بقعد اسمعها ليما احفظها لوول

مشكوووووور

صوته جنه يشابه صوت عبدالله رويشد

احب الكويت ايام اول احسها تينن
بسيطه و حلوه


salamz dear friend...

5roofa said...

امبي مقطع ترابج احنا نبوسه لو يحصل ما نبوسه
عجيييييييييب

:'(
thanks 3ala el great song

salamz...

Eng_Q8 said...

5roofa

زين انها اعجبتج :))

اذا انا الي حافظها لي الحين قاعد اعيدها :))

سليمان الملا عجيب قبل :)

لابد ترجع الايام الحلوه دام في احد يبي رفعه هذي البلد



اي هذا احلى مقطع :))

يو ولكم ابلتنا

سلامز :))

أبو شملان said...

كل عام وانت بالخير

وتقبل الله طاعتك

Eng_Q8 said...

بوشملان

وانت بخير وصحه وسلامه ومنا ومنك صالح الاعمال

حلم جميل بوطن أفضل said...

ليفربول و بس

Eng_Q8 said...

حلم

احب الليفر بس هل يطوفون الانتر ؟

ما يندرى عقب لعبتهم مع مانشستر الفريق مو ذاك الزود

AnGlOpHiL said...

وناسه كرة...تصدق ما افهم شي فيها, بس يوم كنت صغير اخوي قالي شجع تشيلسي و ليومك اشجعهم لووول

و كنت كل ما العب كرة مع الشباب اكسرهم و كل شي اسويه غلط..فصاروا يحطوني حكم!

و البوم رويشد حلو..الافتتاحية عدنيه

Sara said...

هممممممم اتمنى فوووز ريال مدريد وبس ;p

وصج عاد ألبوم رويشد حلو؟ جنه المصرية بايخة :S

روويشد ماقام يغني مثل اول حتى احساسه تغير :/

للحين ما سمعت الألبوم عدل انشالله اليوم أسمعه :)

وعفية كمل على هالبوستات الطيبة وايد أحسن من السياسة اللي نييب المرض
الله يكافينا مرض هالسياسة :)

خوش بوست :)

SHISH said...

nice blog..

KEEEp it up
:)

Eng_Q8 said...

AnGlOpHiL

اهم شي انك حكم :))


-----------------------------------



Sara


سمعيه عدل وراح يعجبج انا كنت اقول مثلج

وانشالله ريال يخسون فال الله ولا فالج

المشكله ان مو لايق علي هالبوستات السياسه بدمي مااقدر اهدها بس راح احاول

واسم علينا وعليكم من المرض

-----------------------------------

SHISH

ثانكس

===================================

cheb_ali said...

مالي بالكرة .. بس مشكور على تنزيل الاغاني لانها عملية متعبة :)

وكثر من سوالف البوست السابق لانه عشرة على عشرة

Eng_Q8 said...

cheb_ali

العفو

انشالله :)

5roofa said...

وول ارد الزياره

تدري للحين ما حفظتها :/

اتنح على المقطع الي عاجبني و ارد اعيدها لووول

salamz dear friend...

bo rashed said...

اول شي عيدك مبارك وثاني شي انشالله اليوفي ياخذون الدوري وثالث شي باجر انشاله مدريد يفوزون والاهم من هذا كله انك اليوم متفائل وانشالله دوم مستانس :>

والسلام ختام

Eng_Q8 said...

5roofa

المطرح مطرحك يا اختي :)))

اترابج احنا انبوسه لو يحصل ما اندوسه يالله عساج محروسه ياديرتي يا كويت :)))

كتبيه عشر مرات تحفظينه

سلامز :)


-----------------------------------
bo rashed

ايامك سعيده

فال الله ولا فالك انشالله روما

ليش لا خل يفوزون بس انشوف مباراة حلوه

وياك يا بو راشد

وعليكم السلام ورحمة الله وبركاته

===================================

الخيلاء said...

هذا الهدوؤ الي يسبق العاصفه .. الي اتوقع تبدي باجر مع بدايه الدوام الرسمي .. و بنتظار هبوب العواصف .. البوم عبدالله رويشد محد يمدحه .. بس انا ما سمعته .. وشكرا للزياره :)

Eng_Q8 said...

الخيلاء

الله يبعدنا عن العواصف

سمعيه وانشالله يعجبج

حياج

عتيج الصوف said...

متعتنا و امتعتنا و وونستنا

بس التشيلسي يكسب رغم الكبوات و العثرات
!!!!!!!!!!!!!!!!!!!!!!!!!!!!


عبدالله رويشد للحين يغني ؟
انا خابر ان اللي قايم سوقهم بالكويت مطربين هز الخصور و طق الرقبه و النعومه بس


رويشد المفروض يعتزل و يعطي فرصة حق الخمه الصغار اللي لوعوا جبودنا نبي نشوف تاليها معاهم

marshmallows said...

اي اهوا شخص عزيز بس انت الله يهداك صف النيه ;p

Eng_Q8 said...

عتيج الصوف

تشيلسي حظ مع اوليمبياكوس :)))

لا يبا خله والا خلاص ماكو غناوي من عقبه

-----------------------------------

marshmallows

اغنيه وشخص عزيز وتبيني اصفي النيه
اوكي ولا تزعلين صفيناها :))

===================================