Wednesday, December 26, 2007

عوار قلب

شقول اشلون بدا ... شكتب ؟؟؟؟


في مواضيع ودي اكتبها بس هالديره تخليك ؟؟؟؟؟؟




هالصوره مو عكرت مزاجي الا من كثر ما تحطلمت العموم خاف وخلوني بروحي بالصاله ..... يا ناس شنو هذا ؟؟؟؟ شهالاشكال تكفون ؟؟؟؟ مكياج اكووو ريال يحط مكيااج ؟؟ علامة الشيطان هذي مالتهم ؟؟؟ لا وبكل فخر يتكلمون ويصورون بالجريده يعني احنا شباب الروك الله يرحمك يالمطرف يعني شنو ؟؟؟؟ظ لا ويقولون مو عبدة شيطان ؟؟ لابس اسود ليش عيل ما تنطق ؟؟؟ والا الحريه الشخصية تسوي جذي ... اقول انا بهالمواقف بالذات مستعد اقلب اسلامي واقول ماكو حريه استريحوا ... حاطين صورتهم بالجريده لا حيا ولا مستحى لا وواحد عمره 26 سنه يعني بغل شكبره لي الحين مو متوظف ولا يدرس ؟؟؟؟؟ شهالشباب .... لاتقولولي وقت فراغ وماادري شنو انا اقول هذيل ما خيازرين استغفر الله العظيم الله لا يبلانا ولا يبلاكم .... اقروا القبس وشوفوا المصخره

لاااااااااااااااااا والطاااامه الكبرى في بنااااااات يا الاااااااهيييييي يا ربيييييي شصاااار بالديره

حسافه عليج يا كوييييييييييييييييييييييييت هذيل شباب المستقبل

=========================================================

طبعا حبايب الكل مجلس الامه ما يصير يخلون احد بحاله ... طلعولك طلعه الحين بالضريبه وبقانون سنه 50 يعني قبل ما يكون اي واحد اهني انولد ...ايام ما كان يدي كبري ... الحين بطبقونه ماادري شبيسوون فيه

مو هذا موضوعي الموضوع ومافيه هو هل تستحق الدوله ان يدفع الشعب ضريبه ؟؟؟؟ ضريبه على شنو ؟؟؟؟؟؟ على الشوارع الحلوه على المستشفبات السنعه على الخدمات المو طبيعيه على شنو قولولي ؟؟؟؟؟ ابي شي مثل خلق الله بهالديره؟؟؟ لا شوارع لا مدارس لا بيوت لا جامعات لا مستشفيات لا ملاعب لا خدمات حتى الانترنت ما توفره لك حتى البريد انقرض يا ناس يا عالم الحجي صار بفلوس اغلى الدول بسعر الدقيقه بالعالم الله ياخذهم ولا يوفقهم بكل فلس يخذونه ... عيب ترى مصر اقل منا

ويبون ضريبه ؟؟؟ ضريبه على شنووووووو ... والله العظيم سيارتي تكسرت من شوارعهم قمت مااطلع فيها يعورني قلبي من الشوارع الجميله والصخر المتطاير بالسماء جو رومانسي على هالصخر

تبون ضرايب اخذوا من التجار مو اي تاجر مو واحد عنده قهوه خذيتوا منه مسيكين والا مكتب خدم اخذوا من الي ماكلين الديره من هالشق لي هالشق ... خل يدفعون شوي خلوهم يحسون على دمهم هذا اذا عندهم دم اي صح نسيت دمهم ازرق بوكيمون مو تجار .... هذيل الي خل يدفعون مو يلهفون الديره ومشاريعهم الزينه بره الديره .. خل تستفيد منهم الديره ... بس منو يحاجيهم منو يحاسبهم محد ااااااااااااااااخ يا قلبي اااااااااااااااااااخ

========================================================

اطفال بعمر الزهور توفوا الله يرحمهم ... صج كارثه هزت الكويت ... مسئولية منو هل هي مسئوليه الاب ام الشركه ام شركة المبيدات الحشريه ام الحكومه

بنظري الكل مشترك بهالجريمه ... لكن لي فات الفوت ما ينفع الصوت ... عسى الله يرحمهم برحمته انشالله

بس لازم انشوف حل لهذا الموضوع الجديد ... حسبي الله ونعم الوكيل فيكم ذبحتوا اليهال

========================================================

اللهم لا اعتراااااااااااااااااااااااااااااااااااااااااااااااض


من القهر نسيت سامحني يخوك مخي ضارب
ابارك حق اخوي وحبيبي المهندس لافتتاح مدونته الجديده الفحيحيل موفق يالزميل

45 comments:

darkness said...

مساك الله بالخير اخوي المهندس

انقمت قلبي

يا ربي لما اقول اكو ناس لازم نبيدهم

يعني انا ابي اعرف هذولي مو لازم يعاقبون عشان الباجي يهابون؟؟

اذا اهلهم ما عرفوا يربونهم لازم المجتمع يربيهم

و يا فرحتي يا هنااااي قلت لي الجريده حاطينهم؟؟

شحاطين فيهم

هذولي بدال لا يسترون علينا

و طبعا يشجعونهم؟؟

اقول آآآآآآآه عيليج يا كويت

يا ربي احفظها من كل مكروه و ابيد هالاشكال من على ترابها الطاهر

و بعدين حاط مكياج يعني تشبه بالنساء؟

و حاااط لي صورة الشيطان شيطان يطيره اهو و ربعه ما اقول الا مالت على اهل ما عرفوا يربون

هذا مو كافر مو لازم يقام عليه حد الرده؟؟

و الا هذولي كول؟؟

وااااااي بموووت قهر

----

مجلس الغمه هذولي شيبون بعد انا اقول شنو فايدتهم اهم؟؟

ليش موجودين؟؟؟

مو يشيلونهم احسن

و الضرايب اظن عشان الخدمات بالكويت وين الخدمات؟؟

انا بطالب ضرايب من الديره نفسها اذا العلاج نروح خاص و على رايك سياييرنا تكسرت و السبه شوارعهم و التعليم الاغلبيه اتجهو للخاص

ضرايب على شنو؟؟

هذولي يستعبطون علينا دخل الفرد بيتحمل شنو و الا شنو؟؟

كل شي غالي على غير سنع

الله يغم مجلس الغمه

-----

و بالنسبه للعايله الله يصبر ذويهم و يرحمهم

لا حول و لا قوة الا بالله

اخوي مهندس انقمت

Eng_Q8 said...

darkness

مساج الله بالبنور والعافيه

سلامة قلبج

شتسوين بعد فيهم اي والله مال اباده

اميييين عسى الله يحفظها

------

ماادري ليش حاطينهم اهم ما تكلموا عن هالموضوع بالظبط بس اتوقع قريبا

-----

الله يرحمهم

خلاص بحطلج البوست الياي شي ما يغمت :)))

يعقووبوو said...

ياعزيزي ليش زعلان؟ حرية شخصيه (:

Q8i_Blogger said...

يا عمي اقلب اسلامي .. هذا الحل :)

بس منو هذيل
تره اول مره اشوفهم

وهل اشكال تره تارسه الشوارع عادي
خلها على الله

Eng_Q8 said...

يعقوبوو

اول شي حياك الله اخوي يعقوب

ثانيا يكون بعلمك انا من اكثر المنادين للحريات
لكن يا بو يوسف مو جذي شهالحريه الدايخه ؟؟؟ ناس قاعده ادمر مستقبلها بالغناوي ويعبد شيطان ؟؟؟؟؟ بذمتك اكو احد يعبد شيطان ؟؟؟؟ ملحدين وبلعناها اما شيطان قويه؟؟

يبا اعبد الي تعبده بس يا اخي طور نفسك عشان تنفع ديرتك مو تحطم روحك

ترى الحيويه والنشاط الشبابي الي فيهم تحتاجه الديره وللاسف مظيعين طاقاتهم على اشياء بطييخ

Eng_Q8 said...

Q8i_Blogger

المشكله مااقدر اقلب :))))))

هذيل شباب مصورينهم بقهوه من القهاوي يحبون الروك وماادري شنو بس لما تقرا المقال تنبط جبدك من هالسالفه

مو هذا الي باط جبدي اهم وااااايد

marshmallows said...

بعد نسيت سالفت البدون اليدد

الله يسلمك 300 منهم بس غيرمحددين الجنسية و 800 عندهم جنسيات ثانيه

لا بعد 3 عراقيين مواليد 87 و 89 و 93 بيجنسونهم عشان اعمال جليله بالله هذيلا اشسوو من اعمال

وكله بصووووووووووووووووووب و البنغالي الي بيجنسوونه بصووووووووووووووووووووووووووووووووووووووووووب

Eng_Q8 said...

marshmallows

لا ما نسيت

بس شبنغاليه ؟؟؟؟

بنغالي ويتجنس

maikait said...
This comment has been removed by the author.
Bznschya said...

ابييييييييييييييييييييه @@

شنو هالأشكال ؟ لاااااااااااااااا

لا لا

لا

لا
لالالا
لالا

مو جذي :( ارجوكم كفا

الكويت وين راحت ؟ منو يجاوبني :( شي يعــــــــــــــور و يقهر !!

Eng_Q8 said...

maikait

Bznschya


بعد شنسوي هذا الواقع

marshmallows said...

تخيل بنغالي يصير كويتي

كفايه الشرطي المصري الحين بنغالي كويتيه
ودام كل من هب ودب صار يتجنس لاعمال جليله عيل لازم يوظفون كل الخبابيز مو اعمال جليله بعد و كل عامل يصب بانزين و كل عمال النظافه و كل الحراس هي خاربه خاربه

Selezya said...

احنا العجائب السبع كلها موجوده عندنا بالكويت لا تستغرب

Selezya said...

ماشالله شهالتوقيت المميز

5roofa said...

الله يهديك يالمهندس هالعبده الشيطان منتشرين من زمان

لو شتوفهم بالمدراس بالزي المدرسي و العيون متروسه كحل اسوووووووود
و ياخذولك بنت وي قنعونها بالي يسونه و بما انه بنات صغار و مافي توجيه من الاهل فبسرعه يمشون وره هالشي

تدري انه هالنسبه زايده هالايام مو بسبه فراغ
بسبه انه ماكو اهل
ماكو تربيه
وين اول الي كل ريال و ابو ياخذ ولده من ايده صلاة الجمعه غصب طييييب
ولا الام الي تاخذ بنتها معاها بكل زواره

الحين الابو لاهي بالبورصه و التحلطم و الام لاهيه بالعزايم و الاستقبالات

ولا اذا لقيت ناس دينه صاكه على عيالهم صك تخليهم ينحرفون

يعني ماكو شي معتدل

الضرايب صارلهم دهر يتحجون عنها
:/
لاعت جبدنا منها


واليهال الله يرحمهم والله حرام استغفر الله
:(

مشكور على البوست

salamz dear...

Eng_Q8 said...

marshmallows

لا حول ولا قوة الا بالله استغفر الله على هالديره

-----------------------------------

سيليزيا


اي والله ام العجايب

اشرايج :))) انظبطج طول عمرج مميزه :)

-----------------------------------
ابله خروفه

اهني ايي دوركم يا ابلاتنا انتوا وين رحتوا حطوا بالكم على عيالنا حسبالكم هذا شي بسيط؟؟؟؟
انتوا عين الاهل بالمدارس تكفون لا تخلون اليهال

===================================

bass said...

مهندسنا

مساء الورد

1) بناء على رغبت سيادتكم تم رفع صور. النائب الشريف العفيف المنافق الطبطبائي ؟

2) الشباب المايع و و البنات البويات الاهل ثم الاهل و من بعدة المجتمع المغلق الله يرحم حالنا و حالهم

3 ) المجلس صار مصدر رزق لنواب من مناقصات و عطيات و لا حياة لمن تنادي لشعب و الكويت

4) الطمع و ما يسوي ؟؟

و مبروك لصديقك المهندس

دمت بخير

strawberry said...

wyyyyyyyyyyy3a shno hal2ashkal yeeeeeeeeee3...
ana a55aaaaf menhom :(((((....
wallah 7aram tara shabab 9`3ar ysooon b3morhom chthy..
o0 ba3den el7orya mo m3natha ena nkfr bdena .. no halklma laha m3any waid but ll2asf elnas mfhoomha `3al6 ..
9damtny b9ra7a 3ala ha9oooora :( tbal3amt madry shagool

Eng_Q8 said...

bass


مساء الفل والياسمين


مشكوره تسلمين :))

امين

للاسف من زمان

من طمع طبع

الله يبارك فيج

وياج :)

-----------------------------------

strawberry

الصوره موجوده بالجريده
ومثل ما لاعت جبدي لازم تلوع جبدج :)))

===================================

strawberry said...

ya3ny shlon? ana agool lek shay ..
meta ma 7aset ena elmao`9oo3 belaowe3 chabdk la t7e6a l2na 100% btloo3 chabdy :(

Smarties said...

الله يستر عليهم ... راحو رياييل أول


لا و يبونا نتزوج بعد ... ظل في رياييل بهالديرة؟؟؟

:)

Barrak said...

هذا جيل مظلوم تربى على خطط خمسيه وهميه
تربى على استجوابات خرطيه
تربى بزمن ماانعرف فيه الريال من البنيه

لاتلومهم

سلبيات كثيره اثرت على عوايلهم وابائهم وامهاتهم ونتج من هذه السلبيات هالصوره
السؤال الجيل القادم يعني عيال الحبايب شنو بيطلعون

مره قالتلي مره عجوز شتريوون من هالوقت اللي فيه الجدات لابسين جينزات


لاتلومهم

صبا said...

مساااء الخير

من صجك باش مهندس اول مره تشوف هالاشكال!!

الكويت انترست !!!وصارت ظاهره؛؛ الصراحه شي يلوع الجبد

عسي الله يحفظنا ويحفظ عيالنا ...

_____________

ضرايب !!! علي شنو ياحظي ؟يسكرون المجلس وااايد ااحسن

______________

الله يرحمهم ويرحمنا جميعا يارب

Eng_Q8 said...

strawberry

اوكي يبا ولا تزعلين ماراح احط موضوع يلوع جبدج
وسلامة جبدج :)

-----------------------------------

Smarties

صاروا ينعدون على الاصابع وانا اخوج

-----------------------------------

براك

اي والله صاج الله يستر

-----------------------------------

صبا
مساء الانوار

اشدراني انا بعد كنت اسمع عنهم بس اول مره اشوفهم لا وبكل وقاحه مصورين

الله يستر من الي ياي


الله يرحمهم

===================================

Eng.S said...

صديقي

الحين عرفت سبب مزاجك الشتوي اليوم .. هذا جزا اللي ما ياخذ بنصيحه و يكبر عقله :)
__
اما بوستك اليوم فهو مصدر رئيسي لجميع امراض القلب و المعده
لذلك رحمة لقراء مدونتك ما راح اعقب عليه كله
و سأكتفي بموضوع عبدة الشيطان - على قولتك-
فالموضوع يعتمد على مدى هضمنا لمفهوم الحرية
والايمان بها لا يقبل القسمة على اثنين

ان شئت اقبلها و ان شئت ارفضها
لكن لا تساوم عليها


وقبل لا انسى شكرااا لمباركتك و انشالله
نحوز على رضاكم

Eng_Q8 said...

صديقي المهندس

ما انلام صح لي صار مزاجي اسود

هذا زقاير مو بوست :))

الحريه اذا جذي مابيها

خل يعبد شي مثل خلق الله مالقى الا شيطان صج خبل

استغفر الله

انا شهادتي فيك مجروحه اترك الموضوع على غيري انا اكيد بيعجبني :))

فتى الجبل said...

وين النفيسي الله يرحمه خل يشب راس هالشباب ويطفيهم بنعال:p
أما الضريبة فلا تخاف هذي على الشركات وأساسا كانت موجودة واللي صار انهم خفضوها

سدرة العشـــاق said...

ما أقول غر حسبي الله و نعم الوكيل ... حسبي الله عليهم السبع تحاسيب شنو هالاشكال الأرف؟
وين التربية و ين الأهل؟
------

والله العظيم يا مهندسنا
أعرف وحدة بيتهم مافيه سجادة صلاة لا الابو و لا الأم ولا الإخوان يوهم ناس و كان حزة صلاة ماعندهم سياييد !!! خذوا السيادة من خدامتهم !!!
بالله شنو تتريّا من عيال عيالهم يطلعون؟
حسبي الله و نعم الوكيل و لا حول و لا قوة إلا بالله
------
الله يرحم من اللي توفى بهالعايلة و يلعن الفلس اللي صار أغلى من الظنا
------
ياربي تحفظ ديرتنا و أهلها الطيبين و تبعد عنا قضاء السوء و أهل السوء يارب

Smile said...

منو هذول .. يعني فرقه كويتيه
ويييييع
اللشره اللي معطينهم ويه

cheb_ali said...

اسمحلي عزيزي ان اعارضك بنصف ماذكرت و اوافقك بنصفه الاخر
فموضوع عبدة الشيطان ومن يعبد مارادونا وحتى لو عبد كومار هذه حريته الشخصية اذ لم يسبب اذى لاي شخص لكن ما اوافقك عليه هو سبب عدم اتخاذهم لوظيفة تساعدهم وتطور البلد
او اكمالهم لدراستهم هنا الدولة لها الحق بمعاقبتهم ليس لمايؤمنون به بل لصرفها الكثير من الاموال على محاولة تربيتهم وتعليمهم حتى تجني ثمار مازرعت

اما لموضوع الضرائب فاليوم استوعبته من بعد قراتي له بالامس فقد ظنتت انها دعابة او ماشابه , انا مازلت متسمك براي بهذا الموضوع وهو
ان تقام ضرائب على التحويلات الخارجية كحال باقي الدول
وبما ان اغلب الخدمات المتوفرة مدعومة من الحكومة من اجل المواطنين ويسارع المقيمين بالاستحواذ عليها
لذلك توضع نسبة مئوية بسيطة تستقطع من رواتبهم
فمثلا صاحب المعاش 20 دينار يؤخذ منه 100 فلس
وتزداد مع زيادة الرواتب
كحال باقي الدول ايضا
اما للمواطنين انا اوفق على الضرائب ايضا ولو انها تؤخذ بطرق ملتوية وبمسميات اخرى لكن انا مستعد على الدفع اذ ماوجدت خدمات ترقى بانسانيتي وتنافس بها باقي الدول المتحضرة
ونبارك لل2000 شخص الذين سينالون الجنسية الكويتية لاعمالهم الجليلة في بيوت كبار القوم كما ذكرت جريدة الشاهد

بس ارتفع ضغطي :)

شـقـــــران said...

مساك الله بالخير مهندسنا

بالنسبة لموضوع عبدة الشيطان الله يحفظنا
هذي ظاهرة وابتيلنا فيها ونرجوا من الناس إن يديرون بالهم على أولادهم

فالموضوع خطير لأبعد الحدود واتمنى من وزارة التربية انها تتدارس هذه الظاهرة وتستعين بذوي الخبرة من الاكادميين المختصين بعلم الاجتماع لوضع حلول منطقية في تربيتهم على أسس سليمة وطبعا بمساعدة الاهل

اللهم عافنا واعفو عنا
>
>
أما بخصوص الضريبة فأني اتفق معك تمام الاتفاق والعتب كبير على أعضاء مجلس الأمة
لكن سأتريث بتعليقي الى أن أقرأ القانون ومن ثم سوف أعلق عليه حتى لو تتطلب الأمر أن اكتب مقالة عنه فالموضوع مهم جدا
>
>
أما بخصوص حادثة ضاحية عبدالله المبارك والتي راح ضحيتها أطفال بعمر الزهور نسأل الله أن يصبر ذويهم على هذا الابتلاء

فوجهة نظري أن هذه القضية ماهي إلآ انعكاس لحالة التسيب التي وصلت اليها الكويت
فأغلب وزارات الدولة مشاركة في الجريمة حسب المعطيات الأولية للحادث كما أن والد الضحايا له طرف بالمسؤولية ولكن الله يصبره على بلواه

وستكون لي وقفة مع هذا الحادث بعد اكتمال الصورة وانتهاء التحقيقات الاولية

نسأل الله العفو والعافية لنا ولكم
>
>
بخصوص مدونة الفحيحيل الجديدة فها أنا ذا ذاهب لها إن شاء الله والاطلاع على ما تحتويه

ونبارك له دخوله عالم التدوين حتى تعم الفائدة للجميع
>
>
واعذرني لانقطاعي عن مدونتك العامرة بالمقالات والاحداث وذلك للانشغال

السموحة يالغالي


وتقبل مني خالص التحية القلبية


أخوك المحـــــب/

شــقـــــران

حمودي said...

شنو هذوله مسوين فرقه ولا شنو بالزبط ؟

Eng_Q8 said...

فتى الجبل

الله يرحمه

ادري والله ادري وقلت مو هذا موضوعنا موضوعي الضرايب الي كل شوي مخرعينا فيها على المواطنين وشكرا للتنويه :)

-----------------------------------

سدره

ماادري وينهم :)

لو الدين يحل كل شي جان انحلت المشاكل

الاخلاق اهم شي وين الاخلاق

عسى يرحمهم ويحفظ الديره

-----------------------------------

Smile

مو فرقه هيلق بعيد عنج

-----------------------------------

Eng_Q8 said...

cheb_ali

اولا انا فاهمك وانت فاهمني عدل :))

وتدري انا شقايلك :)

المهم بالنسبه للحريه الشخصيه انت تدري اني من المنادين بالحريات لكن يا اخي العزيز هل نترك الحبل على الغارب؟؟؟
مايصير يضيع مستقبل الشباب عشان مسمى حريه ؟؟؟؟؟
اذا كانت الحريه ستجعل الجيل القادم بلا هدف وبلا مستقبل فمانبيها والله ماابيها حرام عيال ديرتي ينتهون جدامي واحنا انقول حريه
بلا حريه بلا بطيخ الخيازرين لابد ترجع والطق بالمدارس لابد يرجع كلام اشباه المثقفين مو عاجبني ولا هامني
اهم ما علي ديرتي واذا كان هالشي يظرها فبالطقاق ما نبيه

وبالنسبه للضرايب انا مو قصدي عن قانون امس مال المستثمر الاجنبي وانا مع انهم يقللونه عليهم عشان اييونا

انا قصدي عن الموضوع الي دايما يتكلمون فيه

واذا انت معاه وراضيتك الخدمات سوري انا ضده لانها مو عاجبتني

Eng_Q8 said...

شقران

هلا وغلا بالحبيب فاقدينك يالغالي

انا معاك في كل ما قلته

وقانون الضريبه لي الحين ما حطوه الي على الشعب انا قاعد افترض فقط لا غير :)

ومسموع يالغالي :)

-----------------------------------

حمودي

جان زين فرقه ... هذيل فرقة الانحلال الاخلاقي

===================================

يرحل الانسان.... وتبقى.. ذكراه said...

جلس رجل وزوجته بمحل ليشربون سوياً القهوة وفي اليوم التالي سألهم شخص ما عن

رأيهم في اليوم السابق





رأي الزوجة





أعتقد أن زوجي كان متعباً بعض الشيء، هو كان يخطط لسهرة نجلس فيها بمقهى لنشرب

القهوة سوياً، وأنا كنت اتسوق مع أصدقائي طول اليوم منذ الصباح، لذلك أعتقد أنه

كان متضايق من تأخري عليه قليلاً، ولكنه لم يظهر لي ذلك الإحساس





الحديث بيننا كان مملاً، لذلك فإنني اقترحت أن نخرج من هذا المقهى ونذهب لمكان

آخر، فعرضت عليه الفكرة وهو وافق عليها ولكنه لم يتحرك من مكانه، فسألته هل

هناك شيء ما؟ فأجاب "لا"، فسألته هل أنا السبب في هذا الملل، فقال لي "لا لست

أنتي بل أنني في حالة مزاجية ليست جيدة "





وفي طريق العودة للمنزل بينما كان يقود السيارة قلت له "إنني أحبك يا زوجي

العزيز" فنظر لي وابتسم فقط ثم تابع القيادة، ولا أدري ما الذي منعه من قول

" أنا أيضاً أحبك يا عزيزتي" وبعد أن عدنا لمنزلنا جلس أمام التليفزيون، فسألته

أن يصعد لينام فرفض





فصعدت وحدي وأنا أبكي بسببه وظللت أبكي طول الليل حتى غلب علي النوم وأنا أشعر

أن في حياته شخص غيري، إن حياتي بالفعل تنهار











رأي الزوج





اللعنة لقد خسر ريال مدريد المباراة


دريت فيك ظايق خلقك جان احطلك اياها وترى هذي الكويت صل على النبي فيها كل اللي نبي
وسلامتك

Ni3Na3aH said...

اخوي انا مالومك اذا عصبت من اللي قاعد يصير... بس هم هد اعصابك عشان صحتك بس
على الصوره... احنا شعب بس يحب يقلد حتى لو اشكالهم مو لايقة هم يقلدون

بعثرة مشاعر said...

استغفر الله

حرام والله

وين أهلم عنهم

لهالدرجه وصلوا

乂♥Not.ViRGo♥乂 said...

اول مره اشوف هالفرقة عزك الله
بصراحة مو كفوو تحطهم في مدونتك

:)

يالله ان شالله سنة 2008 خير على الكويت و أهل الكويت :)

Eng_Q8 said...

يرحل الانسان ويبقى ذكراه

يعطيك العافيه حبيبي :)))

وانشالله يخسرون صج :)

-----------------------------------

نعناعه

خل يقلدون الدياي ويدشون داخل الشوايه عشان يحترقون ونفتك

-----------------------------------

بعثرة مشاعر

وصلوا وخلصوا

-----------------------------------

فيرقو

مو فرقه يا يبا مو فرقه اقري البوست عدل الله يسلمج

امين يا رب العالمين

===================================

حياتي هدف مو عبث said...

أستغفر الله يارب
شي محزن فعلاً
أهؤلاء شباب الكويت ؟؟ أهؤلاء مسلمين ؟؟
أهؤلاء رسولهم محمد صلى الله عليه وسلم الذي ذاق ما لم يذق إنسان حتى يوصل لنا الإسلام
حسافه والله
وليش تقلب إسلامي ؟؟ بوستك هذا دليل على قلب حي والقلب الحي قلب مسلم ;)
وهذه الأمور التي نراها أليست ثمن الحرية التي يطال بها البعض

حياتي هدف مو عبث said...

يطالب =

Eng_Q8 said...

حياتي هدف

نعم انا مسلم ولكني لست متأسلم

نعم انا اطالب بالحريه ولكن للحريه حدود لاننا مجتمع لا يرضى بهذه الاشياء

والله يستر على شبابنا اذا هذي الحريه الي يبونها فبئس الحريه

Arabian lady said...

Salam 3laikum , modawena jathaba min na7yat il6ar7 il'3areeb .. :)

le kilmetain taqreban..

hathail ishabab ya ina ma3indihum min y3alemhum.. - fa lazem ma inti6anaz 3laihum laken inwajeh'hum -

thaneyan ..
Aw ina il7al ithany ina i7na inkon akthar minhum .. shlon ? hathe fe2a tamshe 3la ill new style fa law zadat ilfi2a izaina fil mojtama3 inthamaw laha o 9araw minha. . :)

as2all Allah ilhedaya wil 9ala7 7ag kill il shabab wil shabbat..

sorry gilt kilmetain o 9araw alf , ma3alaih :)

Salam 3laikuam

Eng_Q8 said...

Arabian lady

وعليكم السلام

شكرا على الاطراء الجميل

او الحل الثالث نحطهم بسرداب وانلسبهم بالخيازرين

شكرا على الزياره

واخذي راحتج المدونه مدونتج