Sunday, January 6, 2008

معاناة مريض بالكويت

نزولا عند رغبة الجمهور وخصوصا اختي العزيزه سيليزيا الي تبيني اكتب بوست قبل لا اموت راح اكتب هالبوست مع اني حدي مريض .... بس تستاهلون يا اصدقائي الاحباء ... واحب اوضح ان حتى المريض بهالديره يعاني وما يرتاح من ال يشوفه ويسمعه ويقراه حتى وهو بعز المرض


1






اقتراح وبرغبه بعد طلب النائب علي الراشد اعادة تشكيل اتحاد الجودو والتايكواندو من خلال اتخاذ قرار بفصل الاتحادين الرياضيين بعضهما عن بعض مثلما سبقتها الاتحادات الوطنيه في دول العالم ...؟؟؟؟؟؟؟



بصراحه اقتراح جوهريييي ... لا صج اشلون طلع هالموضوع صج الديره محتاجه تفصل اتحاد التايكواندو عن الجودو ...... صدمني والله الحين الديرة مختبصه والحبيب يقول خل يفصلون الجودو عن التايكواندو ... بذمتك؟؟؟ لا والله حليت مشاكل الديره بهالاقتراخ يعطيك العافيه على الاقتراح لا ممتاز لا عجيب ... اذا نوريه متكله عليك لا بالله كدت خير يبين عقب باجر ..... بس قلتلي تايكواندو عن جودو هااا ... شخبارك بعد .... قالولك الصين والا اليابان مو الكويت ..... صل على النبي... بتتحجى عن الرياضه تكلم عن الكره رقعها شوي
والراي لي الحين يطلبون موافقة طلال الفهد على المناظره مع مرزوق لووووووووووووووووووووووووووووووووووووووووووووووووووووووووووووووووووووووووووووول
شر البليه ما يظحك ساحب عليهم سحبة قهر




========================================================



2





هل المرض الي فيني أثر على الجرايد ؟؟؟ والا اثر على الناس

شوفوا هالاعلانين الي فوق اثنيناتهم نازلين اليوم الاول بجريدة القبس والثاني بالراي .... انزين انصدق منو ؟؟؟؟ انصدق الشيوخ والا انصدق الشباب ؟؟؟؟؟؟؟؟؟؟

اولا انا اقول انصدق الشيوخ ... والشباب هم دزوهم الشيوخ ... اكيد طبعا فالولاء اولا واخير للقبيله ... يالله انقول الشباب من صجهم منزلين هالاعلان ولا يزعلون

انا بسأل الشيوخ سؤال ... على كيفكم بتفوزون اثنين بالانتخابات ؟؟؟؟ عفوا يالحبايب شفتوا مخرجاتكم للمجلس ؟؟؟ وليد العصيمي.. فيصل المسلم... الجبري سابقا و سعدون حماد

لا للعلم للساده القراء ان سعدون حماد كانوا ما يبونه يفوز ... وللعلم ايضا ان ولد احد الشيوخ الي حاطين اساميهم وفوق بغى يموت لما درا ان سعدون فاز لان ما يبونه ... وعقب ما فاز راحوا يحبون خشمه ويباركوله ؟؟؟

بس لي الحين ما قلتولي اصدق منو ؟؟؟؟ وبعدين الي رشحوا اثنين محد راح يحاسبهم ؟؟؟؟؟؟؟؟؟؟؟؟؟؟؟؟؟؟؟؟؟؟؟

ويقولون ماكو قبليه ... والدوائر الخمس راح تقضي على القبليه .... اي خييييييييير انشالللللللللللللللللللللله ادي وشي اذا قضت عليهااااا ... راح تقضي على الديره

========================================================




3












الله واكبر عليج يا ديرتي ... الحين باقري وماادري منو تعطونهم جناسي عشان اعمال جليله .... وبنت قائد مجموعة المسيلة تطلب مقابلة احمد الفهد ؟؟؟؟؟؟؟؟؟؟؟؟؟؟ خليتوا البنيه تطلع بالجرايد وتطلب المساعده من النااااس ........ حرام عليكم حرااااام عليكم ... بنت الشهيد اتعاني واطر بالجرايد ؟؟؟؟؟


مااقدر اكمل شقول يعني شقوووووووول؟؟؟




والصوره الثانيه كويتيه ولدها مو داش مدرسه وتترجى عشان يدخلونه؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟




لا حول ولا قوة الا بالله ..... كاسك يا وطن صج كاسك يا وطن والي يفهم يفهم.... مستذبحين على البدون والفداويه وناسين عيالهم







وهذا الفيديو راح يذكركم بشهداء القرين الابرار عسى الله يرحم شهداءنا واسرانا يارب يا كريم ... وهم حق الي ما شافوه ولا لحقو عليه

















===================================================================




4

اعذروني اني قطعت بس انا الحين بحرب ضروس مع المرض المليق الي ماله داعي وماادري منين طلعلي مو وقته صج مو وقته والحين انا قاعد احاربه باسلحة الدمار الشامل ... اي حبه يقولولي زينه بلعتها .... وطبعا ماراح انسى بشتي العزيز الي صاير لي درع من البرد القارس والهجوم الكاسح ... واليوم رحت الدوام يعني صحيت ومرضت اهناك ورديت مره ثانيه احارب الظاهر هالمرض ما ينفع وياه الا النوووم وزيادة الاسلحه ... ادعولي بالنصر










وقبل لا اودعكم راح اهديكم هالصوره الي صورتها يوم الخميس عقب ما درت 3 مرات ووقفت بنص الشارع عشان اصورها .... هالصوره الله يسلمكم صورتها على البحر حيث شفت هالمنظر على اليمين عقب كنتاكي الي على البحر بالجرم المشهود وماقدرت اقاوم المشهد .... الحبايب حسبالهم قاعدين على جبال الألب اخيليكم مع الصوره ... والظاهر حوبتهم مرضتني







اللهم لا اعتراض

55 comments:

فتى الجبل said...

ألف ألف ألف سلامة عليك
حتى المرض اشتركنا فيه
بس آنا صحيت منه اليوم
وانت ان شاء الله بتصحى منه بأقرب وقت
مأجور
يا مهندس الديرة صارت حوسة
وللأسف الاسرة لاعبة فيها لعب

سدرة العشـــاق said...

سلامتك و ما تشوف شر إن شاء الله

في دوا عندي ايبه من أمريكا مادري إذا موجود هني و لا لأ بس ماني ذاكرة اسمه لي رديت البيت أكتب اسمه جود تلقاه

:)

Eng_Q8 said...

فتى الجبل

الله يسلمك
شفت اشلون حتى بالمرض متشاركين
الحمدلله على سلامتك
اي والله لاعبه فيها لعب

-----------------------------------

سدرة العشاق

الله يسلمج والشر مااييج

اوكي ... مشكوره

بس انشالله نفع مع ريلج :)

===================================

Selezya said...

LOOOOOOOOOOOOOOOOL

سلامات يالغالي سلامات وغدااا الشر من عقب السخوونه
لوول
ماتشوف شر :) سلامتك

البوست تحفه :) خوش ختاميه
:P
خلاص الحين على راحتك تبي تنتحر ماكو مشكله
(A)
بعيد الشر :))
ضروسك احسن علاج لها وعلى طول يسكتون اهو البروفين والعلاج الثاني انك تهدي شوي عشان تتحسن وخر عن الجرايد اهم شي :) ترا وايد تشيشك الجرايد حاسه بهالشغله
دير بالك

Eng_Q8 said...

Selezya

الله يسلمج

أهم شي انه اعجبج الحين انتحر وانا مرتاح الضمير :)

Eng_Q8 said...

وانتي اشدراج ان ضرسي يعورني ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

Selezya said...

لوول اي خلاص ارتاح .. أييبلك المشنقه ؟

بعدين شنو شدراج انت كاتب لوول شككتني بقرايتي

Selezya said...

ولا اقولك لا انت مو كاتب
انا من نفسي عرفت بس ماني قايله
:p

فتى الجبل said...

والله والله والله
ان آنا هم ضرسي كان يعورني

هذيان said...

سلامتك يا مهندسنا
عزيزي هذا واقعنا الحقيقي ما أستوردناه من بره صدقني البلد مش محتاجة مدخل لحبها و للولاء لها ,,؟
المشكلة أصبحت الكل يحمل الكل الغلط وناسين أن الغلط جماعي
الله يحفظ هالبلد

Selezya said...

والله والله والله
ان هم انا قبل يومين ضرسي عورني

DiLLi O MiLLi said...

عجييب البوست
ومااااا تشوووف شر
أنشالله بأحمد الفهد ولا فيك
:)

ومقابلة طلال الفهد مع مرزوق مااااراااح تشوفها
ولا حتى بدربيل مقلوب

وعتبة .. لا تصدق لا شيوخها ولا شبابها

وأحمد الفهد مثل الجربه المقضوضه
لا منه فايدة ولا عايدة
وبنت الشهيد لها رب يسمعها
والله يوفقها وين ما كانت

هههههههههههه
هذي صيدلية
Boots !!!
الله يساعدك
Toplexil >> حق الكحه
Zertec >> مال الحساسية
Claranace >> مال حساسية
غير البندول
وووييييييه الله يشافيك
هذا وللحين ما دخلت علينا الشماله ولا البرد السحتني
يقول المتنبئ الصغير مشعل الرومي
أن راح يبين علينا البرد باجر
تدفى عدل
:)
شي شي البشت .. هذا بروحه دفاية

ولا تقرى الجرايد لين تطيب .. لا يزيد عليك المرض



مع تحياتي
دكتورة دللــي
:)

5roofa said...

سلامااااااااااااااااااااات

شفيك؟؟؟

عسا ما شر عين عين ما صلت على النبي
لوول والله خرعتناا علييك

انا اقول وينك غاط فتره ما تبين

حط بالك على نفسك خيوو

الكويت تحتاجك

و طمنا علييك و انا بعرف انت مريض و حار نفسك بالجرايد و تقول للحينك مريض اي اكيد

ماكو الا اقول حق خالتي الله يطول بعمرها ممنوع جرايد حزت التعب و المرض

موووزييييييين


و لوول ضرس شنو الي يعورك لا يكون العقل؟؟
:D

لازم نفسيتك تصير زينه اول عشان صحتك تصير زينه

ما تشوف شر يالغالي و اجر و عافيه يااارب

طمنااا خيوو

salamz dear friend...

Salah said...

أجر وعافية وما تشوف شر

ان شاء الله

someone_q8 said...

السلام عليكم
سلامات سلامات ماتشوف شر
لابأس طهور ان شاء الله كله بأجره

اعتبر ان المرض عبارة عن هدية من الله لان هالمرض يمحي من السيئات وهي كفارة لك
وقال الله تعالى : ( وعسى ان تكرهوا شيأ وهو خيرا لكم ) ماكو الا الخير بس لا تتحلطم وايد عشان ما يزيد المرض :))))

marshmallows said...

سلاااااااااااااااااااااااااااااااماااااااااااااااااااااااااااااااااااااااااااااااااااااااااااااااااااااااااااااااااااااات

يالله انت مرضت و انا اندعمت و انكسرت اتهقى حوبة الطبطبائي ؟؟

اما بالنسبه للجودو هذي صج تحفه احسه فجأه قام من النوم و صرح

و الهنود الصراحه قتلني الهندي الي منسدح على جنب حطمني بضمييير

اخذ بندول كولد اند فلو و بندول اكتي فاست وايد زينين

marshmallows said...

احم نسيت حرف السين ;p

سلامات

cheb_ali said...

سلامات وماتشوف شر
كله من سبة هالاخبار لابارك الله فيها

بس سالفة بنت قائد فرقة المسيلة حدها قوية حرتني

لكن اشوى انك حطيت خبر الراشد فحسيت انه الديره ليلحين بامان لانه مشكلة التكواندو والجودو مشكلة نعاني منها صراحة بس لاتلومه يمكن عقب ماشاف خبر العتبان في الجرايد واحتار بين الشباب والشيوخ فجذي فصل بين التكواندو والجودو

واتقوم بالسلامة
وكااااااااااااسك ياوطن :)

Fahad Al Askr said...

سلامات

darkness said...

مساك الله بالخير

لا باس و طهور ان شاء الله

سلامات سلامات

هذا كله بسبة ان التكوندو الجودو مختلطين مع بعض

ههههههههههههههه

:p

حمد said...

سلامات

وماتشوف شر

احنا عندنا جودو وتايكواندو ؟

Eng_Q8 said...

Selezya

انا كاتب حرب ضروس .. باللغه العربيه يعني حرب قويه :)))

-----------------------------------

فتى الجبل

اخاف انت توأمي ... احلى فلم هندي اخر شي انعرف بالبلوقز انا احنا توأم :)))
سلامة ضرسك يبا ... حط عليه مسمار مال القهوه ... ترا شغل عدل
-----------------------------------

هذيان

الله يسلمج

الله يحفظها

-----------------------------------

Selezya

وتطلعين انتي بعد اختنا :))

-----------------------------------
DiLLi O MiLLi

شكرا من ذوقج :)

الشر مااييج
انشالله :))

ماني مصدقهم

الله يوفقها انشالله

غير المضاد الحيوي :)))

لاااا تقولين هم بعد برد .... توه قالب الجو غبار ... وصدري ذابحنيي .. ولاني قادر ادخن

قوليله متى يروح الغبار

مشكوره على النصايح يا دكتوره :)

-----------------------------------

5roofa

الله يسلمج ابلتنا

مريض :(

اي والله عين ... بسويلي شبه وحرمل :)

عشان اتعرفين ان الغايب حجته معاه

انشالله

حلوه الكويت تحتاجلك ... صكيت على رأفت الهجان :))))))))))))))))

بعد شنسوي لازم نقرى شصاير بالديره

عشان اقلب البيت فوق حدر :)) الله يطولي عمرج

ماادري الصوب اليمين كله يعورني

الشر مااييج يااختي العزيزه

-----------------------------------

Salah

الله يعافيك والشر ما اييك

-----------------------------------

someone_q8

عليكم السلام

الله يسلمك الشر مااييك
يزاك الله خير

انشالله :))

-----------------------------------

marshmallows

الله يسلمج

والله يجوز عاد سيد وحده بوحده :)

اي شكله حلمان في بروسلي

شفتيه صك على هيفا وهبي

انشالله :)

-----------------------------------

cheb_ali

الله يسلمك والشر ما اييك

اي والله تحر

يمكن لوووووووووووووووووووووووووووووووووووووووووووووووووووووووول

الله يسلمك

وكاسك يا وطن

-----------------------------------

فهد العسكر

الله يسلمك

-----------------------------------

darkness

الله يسلمج

مشكوره يزاج الله خير

الله يسلمج

اي الظاهر جذي :)))

-----------------------------------

حمد

الله يسلمك

الشر مااييك

الراشد يقول :)))

===================================

DiLLi O MiLLi said...

شكلة ماكو غبار
:)

www.q8weather.com

Mishaal Al Roomi Weather Site

Eng_Q8 said...

DiLLi O MiLLi

بشرج الله بالخير

يا معوده انا بالغبار اموت واحيا


خوش سايت
وبما اننا نشجع الكفاءات الوطنيه وخصوصا الشابه منها راح احط سايته عندي
يستاهل ولد الرومي

esTeKaNa said...

الله يا أنا ودي اسوي مثل اخر صورةبس رادني الحيا
ومشاعر ابوي واخواني
اخاف اذا سويتها ما يردني الا ساحة الصفاة يعلقوني هناك
pP~
سلامات ما تشوف شر
انا اقول اقرا المعوذات على نفسك واجر وعافيه ان شاء الله
:)

ManalQ8 said...

مساء الخير

ما تشوف شر




وبالنسبة للاعلانين
فجو الغبار مأثر اليوم



والي قاعدين على جبال الالب
بدون تعليق

بعد خلو الناس تستانس بطريقتها

صج عرب
لازم نعلق
:-)






بالتوفيق

صبا said...

سلامتك وماتشوف شر يالغالي

انا اقول بس وخر عن الجرايد تطيب

وانما الهنود تحفه :::

ضحكتني

مأجور وهنشالله باجر احسن

تحياتي مهندسنا

Eng_Q8 said...

esTeKaNa

ساحة الصفاة كلها هنود الحين سويها ومحد يدري عنج :)))

الله يسلمج
الله يعافيج

-----------------------------------

ManalQ8

مساء النور

الشر مااييج

يمكن

خليهم يستانسون ماقلت شي :)))

-----------------------------------

صبا

الله يسلمج الشر مااييج

انشالله

مشكوره يزاج الله خير

انشالله
===================================

bo rashed said...

سلامات واجر وعافيه انشالله

الظاهر فايرس عاليوند انتشر بالديرة مو قلنالكم لا تجنسون هالاشكال ما صدقتونا

:>

Eng_Q8 said...

بو راشد


وان هم قلتلهم :))

الله يعافيك

vancouver said...

ماتشوف شر
اجر وعافية


بس المرض ترى يبيله راااحة
مو بس ادوية


رجعتي حق الايام السودة الله لايعودها
عسى ما تحوشنا حوبة عيال الشهداء
والله اللي قاعد يصير يشيب الراس
يعني اكو اكثر من النفس قدموها
حق هالارض
وهم مو معترفين فيهم

الله واكبر عليهم

Eng_Q8 said...

vancouver

الشر ما اييك الله يعافيك

وين نرتاح بهالديره

الله لا يعيدها من ايام

اي والله صاج

bass said...

ما تشوف شر مهندسنا و اجر و عافية

1. لووووول

2. امة ضحكت من جهاها الامم

3. لا تصدق كل شيء ينقال و ينكتب و لاحظ مو قاعد يطلبون الا احمد الفهد ؟؟
على شنو ؟

4. يا حلو القناعة

Eng_Q8 said...

bass

الشر ما اييج يا بعد قلبي

1 شر البليه ما يضحك
2 صاجه
3 بعد بيجذبون حتى بهذي ؟؟؟ وشدراني ليش احمد الفهد
4 القناعه كنز لا يفنى :)

bass said...

مر علي عندي لك هدية :))

فتى الجبل said...

قلت أسير عليك
اشلونك اليوم؟
ان شاء الله اشوا

Sn3a said...

سلامات
عين ماصلت على الني




بنت شهيد يعني مالها ابو يطالب بحقها
يعني الكويت كلها اهلها
تكتب بالجرايد تبي مساعده
حرام

ونبويه وكومار وغلام وجعبر صارو كويتيين

Eng_Q8 said...

bass

Ok SiS

-----------------------------------

فتى الجبل

يا بعد جبدي

طبت لما شفتك :)))

-----------------------------------

Sn3a

الله يسلمج من الشر

اي لازم احط بمخباي ملح لما اطلع :))

لا يبا عشان اتصير بنت الكويت لازم اتسوي البصمه الوراثيه والي يعطونها اياه ناس معينه

اااه يا بنت الشهيد

===================================

Someday said...

salamat ya el'3ally!!!
al7yen ana ba9ykik 3yen!!!hatha ent mary'9 o 7altik 7allah kateb hal kether?!?!?
mashallah!
o b3deyn about the last pic! inta sh7aryk?!?! 9ij el 7asanh fy eyyed el yateym 3agabah!

Eng_Q8 said...

Someday

الله يسلمج

تف تف تف تف ماشالله ماشالله :))



بس بطوا جبدي متسدحين على الشارع ليش؟؟

Dr.paula said...

slamat o ma choof shaaaaaaar

Eng_Q8 said...

Dr.paula

الله يسلمج الشر مااييج

سدرة العشـــاق said...

سوووووووووووووووري اخوي
نسيت احطلك اسم الدوا اللي عندي ... اسمه ياطويل العمر

Theraflu - cold&Sore Throat

hot liquid

ايي مثل جياس صغار بودرة على نكهة لومي و برتقال و دارسين و تصب فوقهم ماي حار و تشربه انا الصراحة وايد نافعني ... بس فتى الجبل الله يهداه ماياخذ دوا موليه حتى بندول ما يحب عشان جذي لي يتله الفلو تهد حيله عدل بعد قلبي

و عسى الله يشافيك و يطيبك
:)

إذا تبي واعد فتى الجبل بمكان و يعطيك اياه
:)

marshmallows said...

هلوووو

ماعندي سالفه بس بسأل عنك شلونك اليوم

strawberry said...

salamat yal`3aly ma tshoof shar enshallah ma tstahl

o0 la tkather waid 7bob mo kel 7aba t5alek t9er zen

ana agoool shfek halcham yoom :))) yallah belly ma y7bk enshallah
-------------------

al7en bent eldera ma da5loo waldha el-school??
why ?? ma tstahal ya3ny kafy enha kuwaitya lazem el2olaoya l3yal eldera ya3ny wallah 7aram 14 sena
o0 ma dars wallah 7aram

wetha 3an ethanya elly taby elshe5 a7mad elfahad?
3ady tara mo awal wala a5er wa7da taktb halshay o0 ma7ad ra7 yred 3aleha o0 hatha elshay elly ya8hrrrrrrrrrrrrrrrrrrrrrrrrrrrrrrrny cous 3arfa halshay
why ya eng_q8 enta tyy 3ala eljar7 bhalmowa`9e3
ya3ny so2al bs2lk ayah o0 aby radk mmken?

ay a7san?
1-taktb e3lan enha taby tkalm whatever kan elsha59 o0 ma t8abla

2-wella tro7 bnafsha o0 tn6red?

Someday said...

7oby!! re-read my first comment!! I said mashallah!!! o btw deary! ana ely el mafroo'9 atafel 3lik!! 3ashan ma an'9lik:-P
ballah shino tabeyhom yesawoon?!?!? nesyet kil el indian movies?!? kil el song o el dances ely 3la el thayel!?!?! mo awadem!?!? let them express them selves!!! at least they aint hurting no body!!
o again! mashallah!

الخيلاء said...

ماتشوف شر .. هذا حال اغلب البيوت الحين .. الله يعينك

انت الظاهر المرض متاثر عليك .. ماتدري انه الحين مجلس الامه احتمال ينحل على سالفه يفصلون الجودو عن التايكوندو ولا لا .. منشقين بينهم و الكنل منعفسه على هالسالفه ..

2-
هذيل مستعسلين .. يحجزون كرسيهم قبل لا ينحل المجلس .. لول


3-
الي ستاهون محد يدري عنهم و السياق و الطبابيخ يركضون لهم بالريل الطويله حق الجناسي

اما الصوره انا ارشحها احسن صوره ل 2008 لول

و ان شاء الله اترد لنا باتم صحه :)

بو محمد said...

ما تشوف شر يالغالي و على طاري الجودو و التايكوندو لا يضيق خلقك، مجلسنا بربس من زمااااااااااااااان والله يعين، أما عن النداء فلا أقول إلا حسبي الله و نعم الوكيل

Selezya said...

ماعتقد بطلع اختكم شكلي بصير امكم دام فلم هندي

فريج سعود said...

سلامات وماتشوف شر يالعزيز
وسامحني على التقصير
بعد ما راح اطوف لك بوست باذن الله
اقول الاخت ليش كاتبة لاحمد الفهد سمو ومن متى صار سمو
ومن وين ياب السمو

Selezya said...

look i know eny malgofa bs its ok kefek 3ad
greet ur comment n sedart al3oshaq blog about lesh ma y6la3lk el post byomah ..
ctrl+f5 etha dashet ay blog wy6al3lk akhr post katbah and all the new things ely mo 6al3atlk

allahoma eny bala`3t allahoma fash.had

slam 3lekom
:p

Eng_Q8 said...

سدرة العشاق

يا بعد قلبي والله مشكوره ... هذا حسو مو دوا :)))

الحمدلله صرت احسن اشوي

وفتى الجبل شايب والشياب ما ياخذون دوا اعرفهم عدل :)))
وراح اواعده بمكان بس مو عشان الدوا عشان شي ثاني بس خل اطيب وتتعدل الامور :)))
واكيد بييبه وياه عشان المرض الياي مو انا بكل فصل امرض الناس مرتين بالسنه انا 90 مره :)

-----------------------------------

marshmallows

زين الحمدلله

انتي اشلون ايدج ؟ :)

-----------------------------------

strawberry

الله يسلمج الشر مااييج يالغاليه
مو انتي مو مسيره علينا من زمان ماادري شمغيرج علينا :))

شفتي اشلون مسيكين ولدها
والمشكله في قانون ان ولد الكويتيه يعامل كمواطن الى ان يبلغ سن الرشد بس الواحد شيقول

وبالنسبه حق الثانيه وردا على سؤالج
انا اقول لا هذا ولا هذا احنا المفروض الديره ما يصير فيها معتاز ولا يصير فيها ظلم بس الي يلعبون فيها يبون هالسوالف اتصير
بس حامض عل بوزهم الكويتي ما ينذل والكويتي عمره ما ييترجى فلان وعلان
نفسنا عزيزه دوم لو انموت يوع ما انطر
وخليهم يموتون قهر

-----------------------------------

Someday

قاريها والله قاريها بس اطفرج :))

خليهم يعبرون يبا خليهم ... وخلاص المره اليايه اذا شفتهم بييبلي تنكر وارش ماي فوقهم عشان يغنون زين جذي
:))
===================================

Eng_Q8 said...

الخيلاء

الشر مااييج .. اي المرض مستشري في كل البيوت الكويتيه :)

1 وانا اقول شالسالفه ليش الدنيا معفوسه :)))

2 اي بيركبون قطار الموت مو داشين مجلس الامه

3 اي والله

4 :)))

مشكوره

-----------------------------------

بو محمد

الشر مااييك يا بو حمود

اي والله بربس
وبالنسبه للنداء الله يعينها

-----------------------------------

Selezya

لوووووووووووووووووووووووووول

اي والله امنا اشلون طافتني :))

-----------------------------------

فريج سعود

الله يسلمج والشر مااييك
ما من قصور حبيبي
كفو :)
الحاجه اتخلي حتى خليف سمو

-----------------------------------

Selezya

انا اقدر اقول شي حق اختي الصغيرونه الدلوعه تليقفي يبا تليقفي:)))
ويازين اللقافه لي يت منج

والله مو هينه حتى لقافتج تنفع :))
شكرا لحسن تعاونكم ... انقذتيني :))

===================================

marshmallows said...

ايدي =\

الله لايراويك لاقادره انام ولا اكل و لا اسوق ولا ادرس

strawberry said...

eng_q8
صدقني مو متغيره ولاشي وحط فبالك انا ستروبيري مو نوعي اتغير:)) جذي عموما
دش بلووقي وتعرف شفيني
:))

وانشالله ماتشيل بخاطرك علي