فتاوي و بلاوي

1

كنت صايمه وفكرت اني افطر هل فطرت والا لأ ؟؟

هل يجوز سماع القرآن بالسياره ؟؟

أسناني عوروني وانا صايم هل يجوز افطر وآخذ مسكن ؟؟

هل يجوز اني اكلم خطيبتي بالتلفون ؟؟؟

هل يجوز ان اصبغ شعري حق زوجي ؟؟

ما هو معنى المنكبين ؟؟؟؟؟؟؟؟؟؟؟؟

هل نحاسب ما في نفوسنا ؟؟؟؟

شفط الدهون حلال والا حرام ؟؟؟

هل يجوز حلق الخد بالمكينه ؟؟؟؟؟؟؟؟؟؟؟؟؟؟؟؟؟؟؟؟

اسأل عن كيفيه السجده ؟؟؟

لا حول ولا قوة الا بالله .... اللهم تمم علينا نعمة العقل يا رب العالمين .... وانا احوس بين القنوات الاسبوع الي طاف خبركم كنت مريض وانجبرت اطالع التلفزيون .... المهم حطيت قناة اقرأ شكووووو لا تسألوني المهم اطلعت جدامي

والا برنامج اسمه حاورني .... وحده اخونجيه قاعده وحواليها شباب اخونجيه بعد ... فقلت خل اشوف شنو يقولون والا الحبايب يتكلمون عن ثقافة المرأه .... وكل واحد قام يسترسل بالحديث ... الي يقول المرأه تحب جذي وتكره جذي والي يقول ماادري شنو المهم تأليف .... والا ولا واحد فيهم متزوج ؟؟؟؟؟؟؟؟؟؟؟؟؟؟؟؟؟ هاااا شالسالفه ؟؟؟ اشدراهم عيل بالمرأه ؟؟؟ وللعلم ان الكلام ما يخص المرأه مثل الام او الاخت ..... لا يبا يتحجى عن المرأه الزوجه ... انزين انتوا اشدراكم بالي قلتوه ؟؟؟؟ لا ويظحكون بعد يبطووووون الجبد .... عاد سوالف اخونجيه اشتبونها تطلع يعني .... والاخونجيه لازم يعرفون كل شي بالدنيا ولازم يكونون اهم الصح ولازم يكونون اهم الملائكه الي يهدون الناس لطريق الصلاح ... الطامه الكبرى بعد يتكلمون عن الثقافه ؟؟؟؟؟ بدون ذكر اسامي اذكر اني التقيت بجم واحد منهم ... بالظبط بالظبط قوطي قاعد اهو وين والثقافه ويين ... لا وبعد ثقافة المرأه ... سؤال بريء اشدراك ؟؟؟ واشلون اتعرف اشلون اتعامل معاها لا وبأدق التفاصيل .... سؤال بريييييء جدا جدا ... وعلى فكره ماكو كتاب يتكلم عن الي اهم يتكلمون فييييييه نهائيا ... موضوع عن الثقافه الحبايب قالبينها تعامل

المهم وانا قاعد اطالع المسخره الي جدامي وودي ادخن بس ماني قادر حدي مريض ... والا اقرى المسجات الي حدر الشاشه..... شنو هذااااا ؟؟؟ شهالأسئله؟؟؟؟ معقوله الي يسألون مسلمين ؟؟؟؟؟اخاف توه صايرمسلم ؟؟؟؟؟

بصراحه صدمه والمشكله ان السؤال سخيف والجواب اسخف والبرنامج هم بعد سخيف وانا اسخف منهم لاني قاعد اطالع المهزله بس قلت بشوف شتاليتها

يعني في مسلم بالدنيا ما يعرف يسجد ؟؟؟؟؟لي الحين في مسلمين ما يدرون اشلون يصير فاطر برمضان ؟؟؟؟ لي الحين في مسلم ما يدري ان المريض يجوز يفطر برمضان ؟؟؟؟ والسؤال العبيط ان يشيل خده بمكينه والجواب الاسخف يقول الخد من اللحيه فحرام اتشيله بالمكينه .... شنو هذا ؟؟؟؟؟؟؟؟؟؟؟؟؟؟؟؟؟؟؟

ومنو هالمفتي الفاااااااااااااضي الي مجابل المسجات تالي الليل ؟؟؟؟؟؟؟ ترى مو جذي وصل التخلف عندنا والله عيب الناس وصلوا القمر وطالع اسئلة ربعنا ؟؟؟؟؟؟

انا ما اقول لا تسأل اسأل بس يا اخي اسأل سؤال يدش المخ .... والا المنكبين شكوووووو بالفتوى ؟؟؟؟ اذا جذي اسألتكم عيل الي دارسينا من اولى ابتدائي ليييي الثانويه شنو ؟؟؟؟ وين راح بس قاعدين ويعيدون علينا نفس الحجي ولي الحين ما احفظوه شهالتخلف العقلي الي عايشين فيه

لا وقناة ثانيه ماادري شسمها حاطين مسجات وكل واحد يدعي ان يشفي ابوه او امه ؟؟؟؟؟؟؟؟؟؟؟؟؟؟؟؟؟؟ يالحبيب شكو المسج بالدعاء لا حول ولا قوة الا بالله

اذا هذي اهي العقليات الموجوده عندنا اشلون نبي نطور اشلون بتصير مخرجات التعليم اشلون بيصيرون اعضاء مجلس الامه؟؟؟؟؟؟؟

يا امه ضحكت من جهلها الأمم

واذا هذي اسألتهم بشتغل مفتي فلوس والناس كلها حواليك واسالتهم بطييخ ولا ترتقي حق واحد متعمق بالدين لانها اشياء سطحيه لا حول ولا قوة الا بالله العلي العظيم

==============================================

2

موضوع قريته اليوم الصبح وكدر خاطري كان كاتبه شيخ الكتاب محمد مساعد الصالح

http://www.alqabas.com.kw/Final/NewspaperWebsite/NewspaperPublic/ArticlePage.aspx?ArticleID=350905

عن الكويتيات وتجديد الجواز .... وهم الاخت بنت الشاميه قايله جم سالفه عنهم

ليش تجديد الجواز المتزوجه ما يمشونه الا يكون زوجها موجود ؟؟؟؟ او توكيل من زوجها ؟؟؟؟ شنو بتبيع سياره ؟؟؟ شكو توكيل بالله الاخت ريلها مسافر وجوازها انتهى وبتسافر حقه شتسوي ؟؟؟؟؟؟؟ وبالله زوجها متهاوش وياها او بينهم انفصال بس مو مطلقها شتسوي ؟؟؟؟ يا اخي بالله زوجها مو فاضي يروح يجدد الجواز ؟؟؟؟

منو صاحب الشأن الزوج والا الزوجه ؟؟؟؟ وشكو الزوج بالجواااااااااز شهالقانون القراقوشي؟؟؟؟؟ الحين المرأه صارت وزيره وما تقدر اتجدد جوازها ؟ شهالحجي ؟ عاد ممكن يقولك البعض ان في زوجات يجددون الجواز وينحاشون بره الديره .... اوكي هل هالزوجه هذي كويتيه كويتيه ؟؟ والا خذت الجنسيه من زوجها اهني السؤال .... بناتنا متربين وما يسوونها وان سووها فهم شواذ ولكل قاعده شواذ ... وزير الداخليه يجب ان تكون له وقفه في هذا الموضوع الي يعور القلب .... ويوقف هالقانون المهزله الي ماله داعي

=============================================

3

نوريه قالت ونوريه سوت .... لي الحين معاندين لي الحين مو مقتنعين انها سكتتهم كلهم

الوم بالجريده مكتوب عن موضوع صار بالجامعه وطالبين من نوريه التوضيح ... طبعا اهم يبون يحركون الشارع عليها والا الموضوع لا توضيح و لا بطيخ

المهم يقول الخبر ان مدير الجامعه رد قيد طالب يصيرله بالجامعه والطالب هذا كان مفصول وبالتحديد من كلية الهندسه والبترول قسم الهندسه الميكانيكيه

طبعا انا انصدمت من الخبر لان الطالب الي يتكلمون عنه اعرفه معرفه شخصيه ... دزيت مسج حق الريال وقلتله لو سمحت ابي توقيعك لان حاطينك بالجريده وراح اتسبب ازمه

مسيكين دق علي مختبص وتوه قاعد من النوم يقولي شالسالفه يبا شكو انا شمسوي؟؟؟؟

فقلتله شكاتبين

اولا ابي اقول حق الاخوان الي تكلموا عن هالموضوع بالذات اني اعرف السالفه بالظبط ولا يقولون شي اهم ما يدرون عنه

الطالب الي تكلموا عنه كان مداوم حاله حال البشر وعقب شهرين من الكورس قالوله انت مفصول؟؟؟؟ وهالكلام قبل كورسين من الآن

لاحظوا ان عقب شهرين واهو مسيكين قاعد يداوم وما بقى شي من الكورس

ولما راجعهم قالوله لا انت مفصول خلاص ؟؟؟؟ اشلون مفصول وعلى اي اساس انا مفصول وليش ما قلتولي ؟؟؟؟ وبعدين انا ما عندي انذار معدل عام عشان تفصلوني .... قالوله هذا الي صار انت مفصول

طبعا لكل طالب حق التظلم .... ولكل طالب الحق بالمطالبه باسترحام كورس او كورسين اذا كان خريج ... فالطالب هذا اخذ حقه الشرعي بغض النظر ان مدير الجامعه عمه .... واحد فاصلينه بدون ما يقولوله ... واحد بيتخرج ... واحد ماعنده انذار معدل شكوووووووووووو ينفصل ؟؟؟؟ على اي اساس ؟؟؟؟ مو شغلكم انتوا بمعدل التخصص ماكو قانون يقول الي عنده معدل تخصص تفصلونه ؟؟؟ والا بس يبون اي شي على الوزيره ؟؟؟؟؟؟

على فكره وانا اكلم الريال قالي ان ولد عمه ... الي هم عمه مدير الجامعه... انفصل من كليه العلوم الاداريه و عمه ما رده .... مع انه يقدر يرده لكن ما رده لان يستاهل الفصل ؟؟؟؟؟؟؟؟؟؟؟؟؟؟؟

لش ييتوا على هذاا وهديتوا هذااااك ؟؟؟؟؟ والله انك مقرود يا بو شهيب ..... انشالله تتخرج وتفتك ... قلبي معاك يالشايب

==================================================

4

امس في جريدة الراي حطوا هالمقابله مع جنس ؟؟؟؟؟؟؟

بكل وقااااحه رايح الجريده .... ليش ؟؟؟ يقول خل يعيدون النظر بالقانون .... حرام هيفا رفيجتي صادوها وقرعوها وودوها السجن وماادري منو اشسوو فيها .... اقروا الموضوع لان جبدي لاعت لما قريته وماابي اقراه مره ثانيه

لا ويقول الوحده منا عن 20 ريال ... برافو عشريييين ريال الله اكبر .... دام انك عن عشرين ريال ليش مسوي بروحك جذي؟؟؟؟؟؟؟

لا ويقول احنا مريضين نفسيين ..... دام انك تدري انك مريض نفسي ليش ما تروح اتعالج ؟؟؟ والا تبي تنشر بالارض فسادا ولي زهقت قلت خلاص بطيب وبروح اتعالج ؟؟؟؟ شهالمنطق الرهيب

ويقول انحكرنا بالبيت ومانقدر نطلع

احسن لا تطلع بروحنا لايعه جبدنا من الديره انشوفك انت واشكالك لييييش عشان مره وحده انرجع بالشارع ؟؟؟؟

احنا شذنبنا ؟؟؟؟ ليش تبي تلوع جبدنا ليش ؟؟؟؟؟

شنو ذنب فتى الجبل وحرمه المصون سدره اذا كانوا رايحين المطعم ليش اتخرب عليهم الطلعه وتسد نفسهم؟؟؟؟؟؟؟؟

شنو ذنب البنات اذا شافوكم وطلعتوا احلى منهم ؟؟؟؟

شنو ذنب الشباب اذا الحقوكم وحالته حاله وطاف الاشاره الحمرا واخر شي تطلع شي ميل ؟؟؟؟؟؟

انا اطالب كل جنس ان يروح يتعالج ويفكنا ترى ما يصير شنو هذاااااااا ؟؟؟؟؟ لا وطالع بالجريده

الحمدلله والشكر

والمشكله يا اعزائي القراء مو اهنيي هذا على الاقل امبين انه شي ميل .... وخالص يعني الريال مخلص روحه ومتفخ بكل مكان

الطاااااااااااااااااااامه الكبرى بالمغتر والي حاط قفل اتقول قفل ايراني ... واتشوفه واهو يتكلم اتقول شهالزلم رجل والرجال قليل .... اخر شي الحبيب يقلب بالليل ؟!!!!!!!!!!!!!!!!!؟

والله العظيم سمعت عن كذا حاله ومن مصادر موثوقه .... مجسمييين وقرعان .... وباليل يقلبون ناهد شريف وليلى علوي

لا حول ولا قوة الا بالللللللللللللللللله اللهم استر علينا ..... مو باط جبدي الا انه طااالع بالجريييده ويطااااااالب اهم شي يطاااالب ان يعيدون النظر بالقانون الجائر

نسيت اقولكم شي توه توه خمس بنات بعمر الزهور متطلقين ليش ؟؟؟؟ رياييلهم يقلبون تالي الليل ؟؟؟؟؟؟؟؟؟؟

شصاير بالديره ما ندري اللهم استر عليها من هالاشكال

ماادري اهو غضب من الله ماادري الناس حاسدينا ماادري من كثر ما عيبنا على غيرنا ..... بلوه وابتلينا فيها ... والله ما تدري باجر وانت قاعد بالدوانيه وتلقى بو سعيد يغمزلك ... والا بو ناصر بالليل يلبس لبس تحية كاريوكا ... وعلاقة حب بين فهد و بوراشد

اللهم لا شماته واستر علينا وعلى الديره وعلى المدونين وعلى القراء وعلى كل الي قرا هالخبر وهالموضوع الي ماله داعي

.

.

.

اللهم لا اعترااااااااااااااااااااااااااااض