Tuesday, January 22, 2008

كوكتيل

1





مبروك للكويت ... ومبروك لنوريه بتجديد الثقه وتستاهل ام عادل


واتمنى ان جريدة عالم اليوم تستريح بلا رضخت بلا بطيخ


------------------------------------------------------

2




قبل جم يوم كانوا حاطين مقابله مع سعود صاهود المطيري ... والحبيب تحجى عن بداياته وعن العذال الي يبون الفتك به انا كنت بكتب من زمان عنه ولكن حبيت اني أتريث حتى اتقصى الحقائق عدل لاني مااحب اظلم احد


على العموم هذا الكلام مو مني الا من عيال عمه وجيرانه وربعه يعني على ذمتهم وانا بصراحه اثق بالي نقل لي هالحجي لانهم ناس جديرين بالثقه


اولا سعود صاهود صحيح كان يشتغل بحراج السيارات صح كلامه ما جذب .. ولكن نسى يذكر شي الا وهو انه في بداياته شارك واحد من عيال عمه بمشروع وبعد ما عرفه عدل وعرف شنو يملك وشنو الدجاجه الي تبيض ذهب حقه الا وهي عماره بالديره .. وكان لهذا الرجل ايضا محلات لبيع السيارات باسم مرته ... فاستغل سعود صاهود هالشغله ونبش نبش نبش لين لقى اخطاء بمحلات السيارات وبقدرة قادر انسحبت مرت الريال للمخفر بسبه سعود صاهود ... وعشان يهدها قال حق الريال تبيني افكها سجل العماره باسمي والريال سجلها باسمه عشان مرته


وهالسالفه ايضا من ابناء عمه يقولكم يا طويلين العمر ومحفوظين السلامه ان سعود صاهود حب يساعد الناس .. فكان يقولهم بدال ما تتسلفون من البنك تسلفوا مني .... المهم تسلفوا منه بس كان عنده شرط يقولهم تدرون الدنيا حياة وممات فخل البيت رهن عندي لين تسدد .. والرياييل بنيه صافيه وقعوا ... يقولكم ما يمر شهر الا مودي الورقه المحكمه ويطالب بفلوسه ... يا اخذ بيتك يا تنسجن ... وحصلت مع كثيرين وهم عيال عمه


وفي رواية ايضا اتقول ان هذا الضابط السابق يشتغل بغسيل الاموال وظهره قوي

خلونا من كل هالروايات بصراحه انا مصدق اغلبها وفي جم وحده ما كتبتهم لان المصدر مو موثوق ولكن لنكن واقعيين من وين له هالملايين؟؟؟؟؟؟ اشلون اطلعوا هل يبينا انصدق ان بيع السيارات وجم عماره بتييب اكثر من 100 مليون ؟؟؟؟ ترى الناس مو اغبيه يا سعود صاهود ... نحن لسنا نحسدك هنا ... ولكن اليس من الغريب هذا الظهور الاعلامي وهذه الطفره بسرعة البرق ؟؟؟ لا تظحك على الذقون فالناس كاشفينك واولهم عيال عمك فلا تحرج نفسك بالجرايد رجاء

بس بصراحه اعترف ان اذكى واحد بالكويت عقب علي الخليفه اثنينكم لعبتوها صح




-----------------------------------------------------
3

موضوع حساس بصراحه

في جريدة الراي كانوا حاطين عن مجموعه من الضباط الي اقتحموا بيت ويرأسهم صحافي ؟؟؟؟؟؟؟؟؟؟؟؟؟؟؟؟؟؟؟؟؟

راح احط الرابط اخر شي بالموضوع ومستجدات الموضوع بعد

يعني هل صارت الكويت دولة عسكريه ؟؟؟؟ هل ذهب القانون ؟؟؟؟ وين قاعدين احنا ادشون بيت خلق الله واطقون لناس وهم في بنيه بالبيت لاا وداشين غرفتها واهي نايمه ؟؟؟؟؟؟؟؟؟؟ شنو هذا ... لا ومنو القائد القائد الله يسلمكم صحفي وليش كل هالبلبله لان مشاري وهذا اسم الولد الي دشوا بيته يكلم بنت اخو الصحفي


بالله عليكم شنو هالصحفي الي داش ومعاه مباحث ؟؟؟؟ ووزاره الداخليه تنكر واطبطب الموضوع ؟؟؟؟ منو هالصحفي الاقشر؟؟؟؟؟؟ وزير الداخليه من عقب سالفه المتجنسين واهو مو مترقع والحين تطلع هالسالفه وينكرها ويقول في اذن من النيابه واساسا اهم اخترقوا القانون لما دشوا على البنيه بغرفت نومها وطقوا اخو الولد ؟؟؟؟؟؟؟؟


شصاير بالديره شنو هذا ؟؟؟؟

كل يوم انشوف ضابط طاق واحد والا مسوي بلوه والمخفر يمتنع عن تسجيل قضيه ؟؟؟ اشوف الضباط احكموا الديره وعلى شنو يحكمونها ؟؟؟؟ منو الي يردعهم ؟؟؟؟ لو داش ضباط احسنلي جان الحين نقيب واشق واخيط ... واذبح الاوادم على بن ضابط هزلت والله

انا مااقول الا الله يرحم العقرب ... والله يرحم الشرطي لما كنا اناديه واحنا صغار عمي الشرطي لا وهم امس ضابط طاق حارس عماره بشبل ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟


http://www.alraialaam.com/Templates/frNewsPaperArticleDetail.aspx?npaId=21272


http://www.alraialaam.com/Templates/frNewsPaperArticleDetail.aspx?npaId=21460

----------------------------------------------------

4




هالصوره وصلتني بالايميل صورة الرئيس بوش مع امرأه بحرينيه .... سؤال وجيه لو بالكويت جان شصار ؟؟؟؟ هالمره منو بيستجوبون ؟؟؟ وشنو الفتوى الي راح تطلعلنا ؟؟؟ ومنو المسئول ؟؟؟ بعد هذي محجبه مو سفور الحمدلله ما راح اييبون هالطاري بعد .... ودي اشوف شيصير


---------------------------------------------------

5

بما اني اتعرض لهجمات شرسه من قبل الكومينتات عند سيليزيا مع اني ماقلت شي قلت اغاني اخونجيه ماادري اشفيهم شبوا علي ... مع اني حبيب الاخونجيه على ارض الواقع مع اني معارض تماما للفكر لكن الربع وايد منهم اخونجيه ومثل ما أطفر ربعي راح اطفر الاخونجيه الي اهني :)) وراح اقاطع الارانب والمخيمات والباصات وكل شي حطته سيليزيا في بوستها لين تظهر الحقيقه ... فهذه المؤامره لن تنطوي علينا والله ولي التوفيق وهذا اهداء حق كل اخونجي http://wasa6.org/audio/ram/1999-baraza.ram وحق سيليزيا وبعضكم راح يتذكر ايااااااام راحت :))))



نعم للمقاطعه :p
اللهم لا اعتـــــــــــــــــــراض






44 comments:

فتى الجبل said...

شوف سعود وكيل منو وانت تعرف من وين الفلوس
الا على فكرة ليش اهوا يمشي ويقول الشيخة سعاد الحميضي قالت والشيخة سعاد افعلت؟
اهما الحميضي أساسا من متى صاروا شيوخ؟

فتى الجبل said...

وعلى طاري الهجوم على البيت ترى أي تدخل بدون اذن نيابة يعتبر غير قانوني ويعاقب عليه القانون

Eng_Q8 said...

فتى الجبل

ماادري الظاهر عنده صاروا شيوخ

صحيح صحيح بس منو الي يمشي على القانون بهالديره

إبراهيم said...

بالنسبه لصاهود ..

أنا من يوم دريت انه بيشرتي الشارع اللي عليه الفنار ويقول انتظروه بحلته الجديده ... وأنا داري انه وراه مصيبه..

جد من أين لك هذا ؟؟

هذا ذكرني بالوليد بن طلال .. يقول بديت بمسباح من فضه :)

بس على قولة فتى الجبل ... شوفه وكيل مين

Eng_Q8 said...

ابراهيم

هذا اهو الكلام شكرا للمرور

Eng_Q8 said...

ابراهيم

اهو شرى سوق السالميه القديم ومجمع الفنار مو الشارع الي فيه الفنار :)

kila ma6goog said...

لوول

بس صادك صاهود

يقول الكويت تصدر شيين

النفط

و الحسد

الداخلية يبيلها داخلية

Eng_Q8 said...

مطقوق

والله ياخوي احنا ما انحسد احد ... شي غلط ولازم نتكلم عنه

وبعدين منو الي يحسد احد على مال حرام؟؟

darkness said...

مساك الله بالخير

=1=

الف مبروك مع امل ان تنتبه الوزيره لاخطائها السابقه و تجعل مصلحة الوطن و رفع مستوى التعليم هم اهدافها و ربي يوفقها لما فيه الخير للكويت

=2=

قلتها انت لعبها صح

و بس بقول ان اخونا ابراهيم قصد انه بيشتري كل المجمعات اللي على الشارع
اظن ما بقى له وايد و يشتريهم

=3=

حسبي الله و نعمة الوكيل وين قاعدين احنا؟؟

=4=

هوهوهو وش هالصوره؟؟؟

@@

=5=

ما ادري شالسالفه بس لا تقاطع سيليزيه
:(

البنت حيل طيوووبه

حمودي said...

مادري عن موضوع سعود بس كل شي جايز اما عن الداخليه فهذوله مصيبه يبيلهم دوره بالخلاق قبل لا اي احد يتخرج وبلاويهم اكثرت

ومبروك للكويت على نوريه

بو حامد said...

( 1 )

مبروك لنورية

وان شاء الله تتفرغ من تدوير الوكلاء واحالتهم للتقاعد للتطوير والعمل الجدي

وان شاء الله تتراجع عن قرار الابتدائي ان محد يرسب .

---
( 2 )

سعود صاهود قالوا غسيل اموال وقالوا سلاح واذكر اول ما شرى بيته اليديد بهديه اهل المنطقة يقولون حق عيالهم لحد يروح هالبيت ترى صاحبه تاجر مخدرات :)

عاد شنو اهو انا واثق ان الكبار عارفين ... لكن مخلينه لوجود فوائد مشتركة

---

العرزاله said...

وينه وينه اللي يغلط على مهندسنا

هدوني عليه

Someday said...

ان هذا الضابط السابق يشتغل بغسيل الاموال وظهره قوي
I heard that too, wa allah a3lam!!!

about the Meshary story!!!!
akthar ma 9edamney ena he is supposed to be 19 and he has been with that girl for 7 years!!?!?!? they've been involved since they were 12????!?!!!!!!
wa ne3ma el tarbeyah!!!! 9akoow 3la el ajaneb!!!!!!!

5roofa said...

سلااام برد على كل شي عادي؟

لووول عاد انا برد
:P

1

يحليلها والله تستاهل كل خير صج خبر يونس

2

تصدق انا ماكنت ادري منو هذا الا امس وحده من المدرسات قاعده تسولف انه شلون كان فقير و صار غني بعرق جبينه
و اقره الي انت كتبته اصدمت الصراحه

امبي الناس شلون تقلب الحجي و تسوي افلام حق عمرها مادري
:/

حده شي يحز بالخاطر الصراحه

3

امبي منصج؟؟؟؟

انزين يعني سؤال اهو الولد طق اخت الصحفي على راسها و قالها كلميني يعني بدل ما يمسك اخته و يستر على الفشيله الي سوتها يفضح عمره و يطق الولد
و لا امبيي داشين البيت
امبيييييييي
منصجهم؟؟؟

يعني لوس انجلس الي معروفه انه اغلب الشرطه فيها يعتبرون من النوع الفاسد حتى اذا بهاجمون بيت لازم قبل ما يهاجمونه يقولون تره الاف بي اي بره استسلمو ولا بنهاجم
:/

وين قاعدين منصجهم؟؟؟

صج صج صج شي يحرررررر


4

لوووول ويي جان حرب عالميه ثالثه بالكويت
منصجك يصير جذي و يسكتون بيسون فلم من ستعش الف جزء و اخر شي يستجوبون بوش
:P

5

واااااااااااااااااي

ابي ارد الكليه
:(

صج صج صج احلى ايام ذكرتنا بايام عجيييييييبه

و لا تحاتي كلش كلش تره ابواب بلوقي مفتوحه اذا تبي لجوء سياسي
:p
حاظرين خيوو

sorry 3ala el garga

salamz dear friend...

bo rashed said...

مهندسنا العزيز

صدقني الايام اثبتت انا احنا

كنا نفعل ثم نتكلم

ثم اتى علينا زمن

نتكلم ثم نفعل

والان نحن فقط نتكلم

الخوف من باجر يا مهندسنا

ان نكون مجرد فزاعات توقف

عليها القربان وتنعق

تحياتي

Eng_Q8 said...
This comment has been removed by the author.
Eng_Q8 said...

بو راشد

الله لا اييب هاليوم يا بو راشد وانشالله بنكون قول وفعل

Eng_Q8 said...

darkness

بالنور والعافيه

انشالله بتبيض الويه

لا ما يقدر يشتريهم :)

لا بقاطع :)))

-----------------------------------

حمودي

اي والله صاج ماكو اخلاق ولا شرف مهنه

-----------------------------------

بو حامد

الله يوفقها لما هو مصلحة للكويت

طبيعي فوائد مشتركه :))

-----------------------------------

العرزاله

بر القلم حق الهوشه :Pp

-----------------------------------


Someday

مسلسل مكسيكي ... وبعدين ليش تستغربين كل شي يصير بديرة العجايب

-----------------------------------

خروفه

وعليكم
ردي على الموجود والي مو موجود :))

افا عليج انا اكشفلج الحقائق :))

سالفتهم طويله وعريضه... اقري اللينك الي حاطه

لا غلط راح يستجوبونج :)))

يالله انرد انا وياج الكليه :))

كفو والله هذا العشم خلاص بقدم على اوراق اللجوء السياسي :))

-----------------------------------

Selezya said...

loooooooooooooooooooooooool




:(((((((

بعد كل هالعشره والظروف اللي مرينا فيها بحلوها وبمرها
صرت تبي تقطعني الحين
:((
زين عيل انا بصير احسن منك وما انسى ذيج الايام فماراح اقاطعك وبقعد ازورك 24 ساعه
واللي عندي ماقالو شي بس قالو مالج شغل فيه لوول شاللي يزعل بالموضوع

:(

Selezya said...

btw

الله يباارك بعمرك :)

حياتي هدف مو عبث said...

تستاهل نوريه الصبيح
وإن شاء الله نشوف التغيير الإيجابي

..

بوش .. والبحرينيه
صراحه لا تعليق
أنا لو أشوف بوش ..راح أسوي شي
وراح يقولون عني إرهابيه هههه

..

ترى مو كل الإخونجيه يسمعون جذي
:p

someone_q8 said...

السلام عليكم

=1=

الكويت تستاهل بوحدة مثل نورية الصبيح

=2=
بالنسبة لصاهود ما راح اعلق عليه لان الله يعلم من وين ياب الفلوس واذا كانت فلوسه حلال فا الله يهنيه واذا كانت فلوسه حرام فاسأل الله ان يهديه ويبتعد عن طريق الحرام

=3=

بالنسبة للداخلية فا ياخوي لا تتوقع ان الداخلية مثل قبل لها هيبة واحترام لان اللي قاعد اشوفه من بعض افرادها المياعة والظلم وعدم ضبط القانون
الله يخلف علينا

=4=

بالنسبة للكومنتات
عادي تقبلها بصدر رحب :))))))
يحبون يطفرونك لانك غالي
واللي يحبك يطفرك

عساك عالقوة وبعدين قلنالك لا تتحلطم وايد خلها عالراحة خل نفس اشوية حق باقي الزمن :)))))

bass said...

وألف مبروك بعد
حلم أبليس بالجنة و لا ترضخ

****

الله يبعدنا عن الحرام
بس نسوا يقولولك ان شريك ضيف الله شرار

****

بدون تعليق

****
لووول
ولي يسلمك أسال الطبطبائي

****

أنا مليش دعوة :)

سدرة العشـــاق said...

سعود وراه سعاد الحميضي

فتى الجبل قطها نغزة و انا قلتها اشكره

--

هاو وين قاعدين ... اللهم يا كافي
و هالشرطة مادري ضباط
شوف وزيرهم اول

الله يصلحهم

--
مبروك للصبيح تستاهل

--

انت غالي و سيليزيا هم غالية
:)

هذيان said...

مهندسنا أما سعود صاهود يبتها ييب

تعرف شنو فساده
بالتاكيد مش أنه حرامي لأنه الحرامي صار بالديره زين ... مصيبته غبي انزين تبي تجذب قول شئ يعدي
اشتغل بالعقار بعد الغزو
بليز مهندسنا قوله العقار بعد الغزو كان طايح حظه شلون ربحك يا سعود وانت بيزه ما عندك




يقول فيه شارع في دبي فيه هنود وأفارقه
هناك الفلوس تنكت كت

من قال يغسلون أموال فقط يصوبنون
والسلام عليكم

معلومه سعود مش وراه سعاد
سعود توه ابتدى من سنتين يتعامل مع ريم بنتها بس سعاد ما تتعامل معاه

والسلام عليكم ايضآ

cheb_ali said...

يعطيك العافية :)

على نفسها جنت براقش said...

مريت و قريت كل شى بس ما عندى تعليق
:)

مو تقول قاطعه

صايرين على طريف و تزعلون
الحساسيه زيادة بالديرة

لوووووووووووول

Eng.S said...

صديقي

شدني سالفة الصحفي و الشرطة اللي مقتحمين
وكأننا نعيش بدولة بوليسية! بالذمة شنو الفرق بين هالتصرفات اللي تتباناها جهة رسمية و الاعتقالات العشوائية في دول البعث!
شنو الفرق? :S

____
يعطيك العافية
;)

ولد الديرة said...

عزيزي المهندس

ابتدي في بو صاهود

اول مرة سمعت فيه في برنامج على المكشوف اظن من سنتين

واحد من عياله ماني قايل خدامه متصل يقول بو صاهود متبرع لأحد الفرق الرياضية

تالي شفت اسمه على شاليه يمي

بعدين السوالف التالية عاد من فنار و غيرها

عندي صديق يعمل في مجال الإستثمار يقول ان الرجل
Loan Shark

عموما الله يعينه على بلواه و يعين الديرة على بلواها

Selezya said...

اسمع كلام داركنس وسدررة وانسان كويتيي
;)

hayat said...

مرحبا ..

صورةعلام الرسمي عنه بوش و البحرينية .. انتشرت في الانترنت و لا اعلم من اين مصدرها و اين الصحافة و الاعلام الرسمي عنها .. و كيف و اين التقيت ببوش ؟

خل اعتبرها قبله اخويه !!

تحياتي

5roofa said...

هااااااااي
وينك مو مبين؟
انشالله المانع خير؟

طمنا عليك خيوو فقدنااك

Slamz dear friend...

فتى الجبل said...

وينك غاط
اذا زعلان ترى حق علينا نراضيك

Sn3a said...

شسالفه عالم اليوم ماني فاهمه


اما بالنسبه لسعود صاهود
فمادري شسالفه
ماندري منو الحرامي منو الشريف ومنو اللي يشتغل ظل لغيره
اني وي
شي طبيعي هالثروة ماتتكون بفتره بسيطه
كيفه ربي يحاسبه بديرتنا محد يحاسب احد


اما بالنسبه لموضوع الراي
فلته
بدال مايسترون على البنت
فاضحينها
عفيه خال يمشي ويتحجى للضباط بنتي مكلمه ولدهم
جله حيا
ناس مادري شلون

والبنت نفسها مو متربيه
شلون داشه بيت ناس غرب لأنها تكلم ولدهم


فوق هذا الشرطه داشين البيت وداشين غرف البنات

زمن
والله
زمن

عثماني said...

صاهود

ظاهرة من ظواهر هالديرة اللي ما ينعرف لها اساس

عموما

نورية ...ياليت كل الحكومة ..نوريات

Selezya said...

الحين يعني انت والعرزالة بتسوون هوشه معاي؟
قولي عشان استعد واييب لجنة الدفاع عن سيليزيا البريئة

بو محمد said...

كنت أشاهد أحد البرامج في أحدى القنوات الامريكية و كان عن الثراء و و الاقتصاد و قد ذكر فيه أن الكويت سجلت رقما قياسيا بظهور "المليونيرز" اي من يملك المليون و ما فوقه خلال 10 سنوات فهممت بالضحك و قلت اللي بقوله لك يا خوي يا مهندسنا العزيز، الدبق ما يلم إلا الذبان، والكويت كوكب من الحلوه و عليك الحساب يا خوي
و ما طار طير و ارتفع إلا كما طار وقع
و إذا حسباله بنحسده فالله المغني مو هو و أسأل الله و أدعوه أن لا أصبح مثل سعود صاهود، و إذا هو عنده نظرية اقتصادبة أو تجارية خل يروح يدرس بالجامعات المرموقة و إذا هو بلش من الحراي و غيره من مسباح آنه ببلش بحب شمسي و بشوف
و آسف على الإطالة

5roofa said...

تره بلشت احاتيييك

وينك غاط ما تبين خيوو؟؟

طمنااا علييك تره جد مكانك مبين

salamz dear...

Eng_Q8 said...

سيليزيا

شفتي اشلون ... انا خاين العشره :P

-----------------------------------

حياتي هدف

تستاهل ام عادل

ترى ماارضى على بوش :))

ممممممممم بس هالاغنيه ما يسمعونها هالاغنيه الي حاطها اهداء حقهم يعني احنا نسمعها :))

-----------------------------------

انسان كويتي

وعليكم السلام والرحمه

صحيح تستاهل

هذا ما وصلني من معلومات والله واعلم

الله يخلف

لا ماني متقبلها :pp

اذا كان الزمن بظل جذي خل النفس اتروح لبراءها احسن

-----------------------------------

بس

:)))

اهو شريك واحد ماني قايل منو لان قويه :)

لا علقي ليش بدون تعليق

ودي اسأله بس اخاف ينتحر اذا شاف الصوره

انتي صفي وياي ومالج شغل :)

-----------------------------------

سدره

سعاد او بنتها ما هم الا القليل في اسم مدوي وراه بس ماني قايله

والله اهم من قبل وزيرهم جذي ومحد رادعهم ياخوج

تستاهل ام عادل

وانتي هم غاليه وريلج غالي :)

-----------------------------------

Eng_Q8 said...

هذيان

سعود وغيره وايد بس الحبيب يبي يطلع على الساحه ماادري ليش

-----------------------------------

شاب علي

الله يعافيك :)

-----------------------------------

براقش

سجلتج حضور :)))

-----------------------------------

مهندس

اقولك الفرق لما اشوفك :))

-----------------------------------

ولد الديره

المشكله محد قاله من اين لك هذا

-----------------------------------

سليزيا

مابي :pp

-----------------------------------


حياة

انا معتبرها اخويه

بس الي عندنا شراح يعتبرونها

شكرا للمرور

-----------------------------------


خروفه

خير انشالله

موجود :)

-----------------------------------

فتى الجبل

موجود بس منبطه جبدي

ماينزعل منكم خاصة انت :))

-----------------------------------


سنعه

سالفتهم انهم يبون الوزيره لانها لعنت خير ربعهم


مافي شي اسمه كيفه احنا ديرة قانون لابد من معرفة مصدر الثروه


زمن اغبر

-----------------------------------


عثماني

جان زين


-----------------------------------


سيليزيا

يبي خالد العبدالجليل عشان اضحك عليه :))

-----------------------------------

بو محمد

درر درر يا بو حمود

-----------------------------------

خروفه

عمري الشقي بقي لا تحاتيني :))

===================================

Anonymous said...

حمود محمد مطلق
سلام من حمود لسعود الصاهود رجل المكارم و الوفا و الشكاله
بالطيب و المعروف و الجود محمود كل يشهد له بالكرم و الجزاله
اشكي عليك الحال يا منقع الجود عندي خبر ما خاب منهو شكاله
يا سعود من تاقف مع ذاك مسعود و للطيب في وجهه المقابل دلاله
انخاك يا للي بالكرم زايد زود سمعتك عند الناس لا جاء مجاله
كل يقول و النعم و الطيب مشهود و الناس ميزان الوفا و العداله
جاك ابن عمك من عنا الوقت مضهود و اغذي تسوي ببن عمك جماله
الشاهد الله تفعل بالقلب بارود و عزي لمنهو دمر الوقت حاله
جاك الجواب و زبدة الهرج يا سعود لا تترك اللي صرت له راس ماله
و ختامها جعل والولي يرحم العود أبوك و أنته واحد من عياله

Anonymous said...

علي محمد العلوش
البارحه هاضت اهجوسي عليه مدري وش اللي هاضني و شعلامي
حرام و الله ما تركني اشويه اشغلني الهاجس و كدر منامي
اثريه مدح اللي منومس خويه مدحه ينومسني و هذا مرامي
هذاك أبو مشاري اعزومه قويه يفرق بطبعه عن كثير الاسامي
لسعود ابن صاهود مني تحيه حيثك يبين صاهود رجل عصامي
نسل الحرار أهل الوفا و الحميه عزيز من ناس احشام اكرامي
كافحت بالدنيا يدينك خليه وعليت قدرك يا عزيز المقامي
وافي و نفسك للنشاما وافيه تبل كبد اللي من الوقت ظامي
قصرك امبين واضح في هديه واضح مثل راعيه ما هو كامي
كل شهد لك بين روحه وجيه ما هوب هرج مزيفين الكلامي
من جاك ينخا راح نفسه رضيه عليك مني كل يوم سلامي

Anonymous said...

الدكتور / حاكم المطيري

لـكل امرئ من دهره ما تعودا و عادات ابن صاهود السماحة و الندا
فلا تضرب الأمثال في جود حاتم فقد صـار هذا الحر اسمى واجودا
إذا كانت الاجواد تعطى تكلفا فان سعود المجد يسخو توددا
إليك أبا صاهود جاءت قصيدة يرن بها سمع الزمــان ترددا
تظل لها الأذان تصفو أسيره بألــحانها غنى الجميع و انشدا

Anonymous said...

طلال محمد العجمي

سلام الله عدد مـن الـورق غنـى إعداد مـا هـل و بلن مـن مخيلـه
لابن صـاهود يـا زبن المجنـى عريــب الجـد يـا منجـى دخيلـه
سـعود بن صـاهود و نتمنـى و المعنــا ويــن بيلقالـه مثيلــه
بـذكره بــول الـدنيا سـمعنا يرفــع رأس منهــو ينتميلـــه
حنـا لحـــدانا الوقت حنـا ما نـذكر كـون أبـو يمـنا طويلـه
مـن إديار أم الهيمـان لكم زبنـا زبنت أبو مـشاري كـساب النفيلــه
أفتري يا سعود لو نقـدر صبرنا لا شـك اليـوم مـا باليـد حيلــه