Thursday, February 21, 2008

ااااه يا ديرتي

كنت بكتب عن الزياده وعن الوضع الاقتصادي بالديره ... قلت بروح اكتبه بالدوانيه بس مامداني اكتب سطرين ويسولفون عن عبدالصمد ولاري .. جان ينقز واحد ويقول يعني شنو يبون غزو ثاني عشان يتعلمون ؟؟ انا اهني سكت وقعدت ادخن واشوف اليوتيوب ... يعني صج تبون غزو ثاني والا شسالفتكم ؟؟؟ المهم مخي قفل وماقدرت اكتب عن الزياده وقلت بسوي بوست ثاني شوي والا الشباب حطوا الوطن والا خالد العبدالجليل
رغم اختلافي مع هالشخص ومع هالقناة بالذات و لكن اعترف العبدالجليل سبقني ونزل دموعي ... لما حط عن شهداء
الجابريه وحط الشيخ جابر الله يرحمه واهو يبجي بمجلس الامن ولما يسجد لما نزل من الطياره ودمعته لما تكلم عقب حادثة الاغتيال ... بصراحه ما قدرت استحمل مع ان العبره ما تخنقني بسرعه بس بهالموضوع والبلاوي الي اتصير بالديره وكلمة غزو ثاني والفيديو الي حطه اثروا فيني حيل
يا ناس يا بشر انتوا اشفيكم ؟؟؟ لي متى بتظلون جذي ؟؟ هالعنصريه والطائفيه عمت عيونكم ... بس خلاص ترى زهقنا والله العظيم زهقنا ما تذكرون الغزو الي ما فرق بين سني وشيعي وبدوي وحضري ؟؟؟؟ ما تذكرون معاناة اهلكم الي اقعدوا بالديره ما تذكرون دموع الكويتيين ماتذكرون شهداءكم ماتذكرون اسراكم نسيتوا ؟؟؟ نسيتوا يوم كنتوا مشردين بدون ديره ؟؟؟ ماادري وقتها انفعوكم حزب الله والا انفعوكم الاخونجيه والا انفعوكم السلف .... لا تنسون الي صار يا ناس
نسيتوا الفلسطن والي سووه فينا نسيتوا لما اذبحوا عيالنا نسيتوا لما بلغوا عن الضباط نسيتوا كل مظاهره حارقين علمنا ؟؟؟ في واحد الحين يقولي مو كلهم ... اوكي مو كلهم بس الاغلبيه العظمى ... لن ننسى ما فعلوه بنا ... والحين كل واحد فلسطين وفلسطين اقول استريحوا بس ورب الكعبه كلهم يكرهونا اكثر من اليهود ... والي يقولي فلسطين وناسي ديرته خل يذلف يحارب معاهم .... وبو نباطه بس يقعد يصرخ وهو قاعد روح ياخي روح فكنا ... انا اكره كل فلسطيني كيفي وماراح انسى الي سووه فينا شي انطبع بمخي من الصغر وشفت بعيني الي سووه عسى الله لا يوفقهم
وصدق خالد العبدالجليل لما قال ان احنا اكثر ناس انساعدهم بس اهم ما يجي بعينهم شي ... والثاني يقول اخوانا بالعراق وواحد يقول افغانستان .... والي يرحملي والديكم شفتوا واحد قال الكويت ؟؟؟ لا والله حشى ما شفت الكويت عندهم مثل البير يغرفون منها وما يعطونها ... حسبي الله عليكم فرقتوا الديره قسمتوها على كيفكم ... والتحالف يقولولي منع اختلاط شنو يقول الواحد ؟؟؟؟؟ استغفر الله العظيم .... ورب الكعبه مااشوف احد قلبه على الديره الكل يبي مصلحته
كلمة بقولها لكم ترى مالكم غير ديرتكم واذا انتوا مشيتوا ورا هالاشكال راح اتضيعونها بايدكم وعقبها اذا فات الفوت ما ينفع الصوت ... الكويت تحتاج الى وقفه والوقفه ما تحصل الا اذا وقف الكل بوجه طيور الظلام لا تخلون الفتنه تدخل بينكم لاتخلون احد يسيطر على عقولكم ... حبوا ديرتكم عطوها مثل ما عطتكم ...متى لما يسالك الواحد انت شنو اتقوله كويتي مثل ما كنا انقول قبل ما تقوله حضري والا بدوي والا شيعي والا سني ... اصلحوا انفسكم واصلحوا الي حواليكم ولا اتخلون هذيل يلعبون فيكم .... والي مو عاجبته الكويت خل يذلف من الديره ويروح فسطين والا افغانستان والا ايران والا لبنان والا جهنم الي تاخذه
بحط جم فيديو واتمنى انكم اتشوفونهم كاملين يمكن اتحسون بالي اقوله
اللـــــــــــــــهم لا اعتــــــــــــــــــــــراض

14 comments:

5roofa said...

:'(

ما اتوقع في احد راح يوصل الشي اكثر من الي انت قلته و وصلته

بعد اذا محد فهم و استوعب و شاف العذاب الي عاشته الكويت

ما اتوقع شي ثاني بياثر فيهم

يعطيك العافيه و دموعك غاليه عيلناا

و يارب يحسون الناس و يوقفوون هالمشاكل و يخافون على ديرتنااا

ياااااااااااارب

بعد عمري بابا جابر و الشهداء
ربي يمسح على اهلم و يصبرهم و يرحمهم ياب



salamz dear friend...

Eng_Q8 said...

خروفه

محد راضي يفههههههههههههههههم

الله يرحمهم

سدرة العشـــاق said...

عسى الله يحفظ ديرتنا من كل شر يارب

و اللي فكر و دبر أ, اللي بيفكر يسوي شي يضر الكويت

عسى ربي يجازيه شر بالدنيا قبل الآخرة يارب

يا عمرنا يا أغلى من كل العمر يا كويت

يعطيك العافية و عساك على القوة ان شاء الله

Eng_Q8 said...

الله يسمع منج

الله يعافيج ويقويج

bo rashed said...

مهندسنا
احترم رايك جدا بس انا بقول رايي
واسمحلي ماعليه
اذا بنحسبها بحسبة العاطفة فانا معاك لاكن هالحسبه دوم تخلينا نغض النظر عن بعض الاشياء اللي ممكن بالمستقبل تخلينا نقول اخ لو سوينا وماسوينا
واذا بنحسبها بحسبة العقل يعني
1+1=2
فلازم شوي ندوس على بعض جراحنا ونسمو فوقها ونعالج اخطائنا بكل جرأه وحزم ومن غير مجاملات
مهندسنا انا بالكويت صدقني ما اجامل حتى اقرب الناس لي لان جربنا انها تروح منا مره ومانبي نجربها مره ثانيه
تحياتي

darkness said...

حبنا للكويت

يدفعنا للثوره ضد الخطا

اخوي المهندس

لا تطالب انه نتغاضى عن الاخطاء خوفا من الفتن

لان ان تغاضيني ستسمر مثل هذه الاهانات للارض الطاهر و سيتمادى انصار هذه الافعال

لا تدعو للسلام مع من ينشا الفتنه

بل انصر البلد و طالب برحيل كل من لا يحترم هذه الارض

wa6an-alnhar said...

محد راضي يفهم
محد راضي يفهم
محد راضي يفهم
محد راضي يفهم

لله بلا هالارض و بلانا فيهم
عسى الله لا يوفقهم

:((

Anonymous said...

انا ما طمئن قلبي ان مغنية هو المسؤول عن الجابرية ــ هذا كلامهم شتقول لهم؟

Snow White said...

والله كلامك كله درر وكتبت اللي يشعر فيه أغلبية الشعب اللي قلبهم على هالديره وما أعتقد أحد يقدر ينسى كل اللي ذكرته وشلون ننسى أيام الغزو وصمود شعبنا وتكاتفهم بيد وحده سني وشيعي وبدوي وحضري كلهم اتحدوا في سبيل تحرير هالديره ومقاومة الغزاة

والله شي يحز بالنفس اللي قاعد يصير هالأيام في ذكرى عيد الإستقلال والتحرير يبا مو عاجبتكم الديره باب المطار مفتوح روحه بلا رده

أسال الله العلي العظيم أن يحفظ وطننا من كل حاقد ويجعل كيدهم في نحرهم يارب

Snow White said...
This comment has been removed by the author.
Sn3a said...

اخييه
والله الله حمى هالديره
ومازال يحميها
ربي انت عارف معدنا
عارف طهارة الارض اللي جمعتنا
عارف ان لا الكويت ولا اهلها قصرو عن احد الغريب قبل القريب
ايد هالديره وصلت لكل الدول

ربي لاتؤاخذنا بما فعل السفهاء منا
ربي بحق محمد وال محمد القي بظلال رحمته وامدنا بقوة من قوتك
ربي سامحنا واحفظ الكويت

لهالديره حوبه
لحد يجربها
فلحد يمسها

Eng_Q8 said...

بو راشد

بو راشد انا ما قلت ما انحاسبهم لازم انحاسبهمكلهم وكل الي راحوا العزا

بس القصد اهني ان ما يصير انقول كل الشيعه نفس عبدالصمد

وانشالله الكويت باقيه

-----------------------------------

داركنس

وانا اطالب بعد

بس هل كل الشيعه جذي ؟؟؟؟

يا يبا لازم في منطق

-----------------------------------

وطن النهار

من التعليقات امبينان محد راضي يفهم

-----------------------------------

انيموس

اقولهم روحوا له

-----------------------------------

سنو وايد

مشكوره

والله يحفظ الكويت

-----------------------------------

سنعه

امين يا العالمين

-----------------------------------

Desert-Roses said...

I agree with you somehow..

well, I got a similar post as urs...


CHEER UP DUDE!!

kuwaitya_7saweya said...

كلامك عدل عدل عدل
وربي هذا اللي انا اقوله من زمان
يقولون لي لاحرام فلسطين ناس ابرياء
اي ابرياء اي بطيخ
والله جد ماننسى اللي سووه
مانسنا
والناس يقولون اطفال العراق
احنا شكو
لما غزونا احد فكر باطفال الكويت
احد قال تبرعوا للكويت
والله محد درى عنا
اصلا اما اعتبر كل فلس يروح لهم حرام
وماراح ننسى
وانا معاك مهندسنا
وعلى طاري اسم بلوقك
اقولك الكاس انترس وطفح