Sunday, April 20, 2008

ماادري ليش

تحديث تحديث بالاسفل
ليش بالاسفل لا تحديث اهني
اقروا اهني ؟؟؟؟؟؟؟؟؟؟؟؟؟؟؟ س سؤااااااال انتوا متى صرتوا قبيييييييله ؟؟؟!؟؟؟!؟؟ مع احترامي لابناء الكنادره الشرفاء الكرام الي ما يرضون بهالاشياء ... ولكن الي قريته مو صج شنو هذا ؟؟؟؟ على اي اساسا فرعيه ؟؟؟ وعلى اي اساس قبيله وعلى اي اساس ساكتين عنهم ؟؟؟؟ اتمنى من عقلاء هالعائله الي وقفوا بويه جمال الي كان يبي يصير شيخ القبيله ووقفوه عند حده ان يقفوا بوجه هالدايخ ترى مو حجييي شنو هذا ؟؟؟ قبيله مره وحده لا وفرعيه ؟؟؟ جذي يطلع شقران كوستاريكي؟؟؟؟
عيش بالكويت وقت الانتخابات ترا فوق العجب وانشالله ما تشم الفوز لو تناقز
-------------------------------------------
.
هالموضوع قريته مره ومرتين وثلاث وما عرفت شنو فايدته ؟؟ يعني الحين هالمجلس اذا قدم النصيحه راح اتكون النصيحه ملزم فيها مجلس الامه والا لا ؟؟ اذا كان لازم ف خل انشيل مجلس الامه لان المجلس بس يعارض وغصب راح ياخذ بالنصيحه .. واذا مو ملزومين ياخذون برايه عيل وجوده من عدمه واحد ليش حاطينه يعني ؟؟... مجلسين ومو ملحقين هالدور مجلس امه وبلدي وشوره ... بنلحق على منو والا منو والا منو ... مو قلتلكم عقلي زر من هالديره
.
-----------------------------------
.
بما ان في ناس بايعه بايعه اصواتها لو شنو اتقولهم ..عندي اقتراح مادام سعر النفط طق فوق ال 100 دولار انا عندي حل حق ظاهرة شراء الاصوات .. ان الحكومه تعطي كل ناخب 4000 دينار عشان لا يبيع صوته وبجذي استخدمنا الفلوس الزايده بانقاذ المعسرين ومساعدة المحتاجين ومساعدة الي يبون يسافرون و القضاء على ظاهرة شراء الاصوات
.
----------------------------------
.
اشياء وايد في بالي بس ماني قادر اجمع والاخوه الزملاء مكفين وموفين .. بس عندي جم سؤال
.
ليش ولا مرشح لحد الحين طرح طرح مثل خلق الله؟؟
.
وليش الراشد لي الحين يتكلم عن الاختلاط جنها قضية العصر؟؟
.
وليش القوات الخاصه ما يلبسون اقنعه ؟ عشان نفتك من سالفه ولد عمي وولد خالي ؟
.
وليش الليبراليين ما شاركوا الاخونجيه بساحة الارادة ؟؟
.
ليش يزيدون معاشات الداخليه والجيش بالسنه مليوون مره وكادر المهندسين لي الحين ما اقروه ولما زادوا ال120 لعنوا خير العالم ؟؟ هل اهم على راسهم ريشه هل اتقارنه مع الطبيب هل تقارنه مع المهندس غريبه والله ؟؟؟؟ على اي اساااااااااااااس فهموني كل يوم عن يوم اتحسر على الايام الي درست فيها ومادشيت ضباط
.
.
-------------------------------
.
خبر ادمى قلبي وهو ما جعلني متكدر ومالي خلق نفسي ... الملك وتاج روس اللاعبين كلهم توتي انصاب وصار فيه تمزق بالرباط الصليبي وراح يغيب 6 اشهر ... ااااه يا قلبي يا توتي راح افقدك يا بو توتينيو ماكو حظ لا لعب مباراة مانشستر ولا راح يلعب بالدوري يعني راح نطلع هالموسم بدون حتى دلاغ الامل على الكاس وانشالله مايخورونها الربع ........ وفووورزااااا كابيتاااانووووو
.
--------------------------------
ت
او مره اشوف حلقة الوشيحي امس ... بصراحه ما استفدت شي .. الا ان جمال العمر يقول شي حتى بوش يدري عنه ان الوشيحي يميل للتكتل الشعبي ... واول مره بحياتي اشوف مسلم البراك ساكت ما عجبني البرنامج بصراحه لحد الان بعطيه فرصه ثانيه وبشوف
-----
.
اللهم لا اعتـــــــــــــــــــــــــــــــــراض

30 comments:

Shaima'a Alkandari said...

لان هذي خطتهم العجيبه اللى بيتبعونها

وخوش اقتراح :)

ومايلبسون لانهم يبووون ينفعلون وينحطون بالجرايد :) ويصيرون مشهورين

وسلامته حبيب ألبك ومعلش انطره مصيره يرجع للسااااااحه

بس said...

مبروك على اللوك الجديد

في الوقت الحالي صعب وجودة ، يمكن بعد أستقرار الامور ؟


صج والله يعني ما تقدم شيء لديرتك أبلاش ؟


الله يعينك على فريقك لوووووووووول :))

Eng_Q8 said...

شيما الكندري

اها

حاظرين :)

يمكن :)

الله يسلمج ... اميييييين

---------------------------------

بس

الله يبارك فيج

والله انا برايي الشخصي ماله داعي واهم كيفهم عاد

يبا انا متنازل عنهم مو في ناس بتبيع خل يعطوهم عشان يصوتون عدل هذا يزاي افكر عشانكم :p

اي والله الله يعيني :)

--------------------------------

Mohammad Al-Yousifi said...

عطه فرصة

Eng_Q8 said...

مطقوق

انشالله :p

Anonymous said...

Hello. This post is likeable, and your blog is very interesting, congratulations :-). I will add in my blogroll =). If possible gives a last there on my blog, it is about the Servidor, I hope you enjoy. The address is http://servidor-brasil.blogspot.com. A hug.

Kuwait said...

قوووووووه مهندسنا ..
مبروووووووووك شنو نزلت المعاشات أشوفك امغير الديكورات ;p
يحـــلاته اللوك اليديد واللي إمحليه أكثر الكومنت مالي لووول
;D

حسافه مجلس الشوري يعني ماكو أمل يحطوني عضوه فيه ؟؟
لازم أصير عيوزه وشخصيه بارزه ..
عاد سياسيه خالصيين منها دارستها على أصولها بس باقي المواصفات ماكو شالحل !!
مايحطولنا مجلس الشباب ويعطونا فرصه نعدل الديره ؟؟
أما اقتراح بو 4000 آلاف كلش ما ينفع ..
ماتدري ان ابن آدم ما يترس عينه غير التراب واذا عطتهم الحكومه 4 آلاف بيقولون آخذ 4 ثانيه من مرشحين بالدائره واشوفلي بعد 2 ثانين يعطون حتى لو بو 1000 وبجذي بدال الـ 4 مالت الحكومه أحصل 14 .. شفت الفرق !!!
سالفة ليش وليش بختصارها لك وبقولك ليش انت معطيهم اهتمام وتفكر فيهم ويرتفع ضغطك ؟؟
والا تقول توتي ما راح يلعب 6 شهور !!
ماتبوني ألعب بداله ؟؟
برنامج الوشيحي أكثر من حلقه اشوف منها بو ربع ساعه ولا أقدر أتحمل الحوار الهامشي الي يتكلمون عنه ومداخلتها وأسئلته الغبيه ..
والا شكو يقول حق المحاميه ذكرى ذاك اليوم انتي نازله تبين الشهره ؟؟
جان ترد عليه انا بالعماره الي فيها مكتبي المحاماه مو حاطه لوحه عليها فلو أبي الشهره جان حطيت اسمي وكتبت مكتب المحاميه ... أعتقد قالت صارلها 7 سنين أو اكثر مو ذاكره
والا يرد على سلوى الجسار يقولها ظهرتي فجأه مع ان ما كان لج ظهور وحس بالسابق والمره صورها ترس الجرايد والمؤتمرات خارج وداخل الكويت ..
أعتقد المقدم لما يقدم برنامج عالاقل يكون قاري وعارف عن ضيوفه ..
نصيحه لا تضيع وقتك ..
حط قناة فلاش وشوف حوار السلمان مع عايشه الرشيد الاسلوب جدا مشابه بالذات لما يقولها يقولون انج تكرهين الرياييل لانج ماتزوجتي ...
بالله هذا سؤااااااااااااااال ؟؟؟
تخلف ..
بس اللهم لا أعتراض مني انا هالمررررررررره ..
إرتفع ضغطي ..
تقبل مروري ..
kuwait

Eng_Q8 said...

سيرفيدوريس

سوري اشجع ايطاليا
الا جان عازمني على مهرجان السامبا ما عندي مانع
-------------------------------

كويت

يقويج

الله يبارك بحياتج حاظرين :)

اي وايد محليه قصدج بوستج مو تعليق

ما عليه تنقبي ودشي

اي والله اشلون طافتني

لا ما نبيج نبي توتي

ماادري عنه :)


اللهم لا اعتراض

ولد الديرة said...

حجي

الكنادرة عرفوا اللعبة

و قرروا انهم يلعبونها

ليش لا؟

هم مجموعة كبيرة من الناس و سووا لهم ديوان اكبر من دواوين كثير من العوايل و قاموا يسوون زي الناس

مش دفاعاً عن الفرعيات و غيرها

لكن على الأقل ما عمرهم حذفوا احد بأي شيء :)

Eng_Q8 said...

وجهة نظر ولكن مو المفروض هذا الي يصير

حطوا ديوان حطوا ماادري شنو مو شغلي اهم شي ان القوانين تحترم في هالبلد

وكل شي يبدي بشي صغير

Selezya said...

في ناس يبون يبيعون اصواتهم عشان يحطون مقدم كبير حق سياره يديده
اصحى يا نايم :)
السعر عالي ليش ما يبيعون :p
اهم يشوفونها فرصه وفورية مو مثل الحكومة لو بتعطي هال اربع الاف اللي تقول عنهم ما يستلمونهم الا بعد سنين واقساط بعد

على نفسها جنت براقش said...

لا تسميها فرعيه

تشاااااوريه و تصير قانونيه

الخيلاء said...

والله هالانتخابات يننت الاوادم

شكلهم تعادوا من منتخبنا لول



:)

Hamad Alderbas said...

مشاركة الليبراليين في تجمعات الاخوان مرفوضة

الاخوان لهم مرشحين في الفرعيات

و كأننا نضع يدنا في يد علي الخليفة ونؤيده وهو يتحدث عن الطهارة السياسية

JuVeNTiNa said...

ماشاء الله عندك وايد أسئله و هالشي يدل على انك مهتم وايد بوايد اشياء حاول تخفف اهتماماتك لا يصير فيك شي من القهر

و سلامااات لتوتي .. و يالله كلها 3 نقاط و تلحقون الانتر ال..... هاهاها ما احبهم

rai said...

1-ال قبيلة ال

2-شرايهم بعد يسوون بيعة

3-اقتراح حلو 4000 اقدر اشتري مسامير واحطها بحارة الامان لانه توه صار الخط السريع 6حارات :)

4-اعجبتتني الاسئلة :)

5-اسم الله عليه توتي :)

6-لاتعليق عشان لا اخوره :)

5roofa said...

مهندسنا

انا خل افهم الموضوع اول بعدين افهم التحديث لوووول

والله احسك تحجه بالطلاسم

امبي لا من صج يبيلي دورات سياسية كلش مو قاعد يمشي الوضع

:P

بس ماره يعني اسجل حضور مادري حظور شلون تنكتب لول
:D

salamz dear...

Anonymous said...

المشكلة ان الكنادرة الله يهداهم قبيلة بدون أمير :)

عشنا وشفنا

صبا said...

عاد الكنادره معروفين

لا فيهم فخوذ ولا جتوف

مو مثل فرعيات باجي الربع سوتهم الحكومه دياي ساديه

طشرت فخوذهم وبزرانهم عقب التحذف

Kuwait said...

ردا على التحديث ..
والبقيه تأتي ..

كويــتي لايــعه كبــده said...

اولا: مبروك كبسة جمال الدبوس مادري عصام العمر

:)

ثانيا: 1- انتوا متى صرتوا قبيييييييله ؟؟؟"

امس الساعة 6

2- "شنو فايدته ؟؟|"

فتحة باب لامنياتهم

3- لا يا ابن الحلال لا تصير دشة الجمعيه ب600دك!

4- ليش ليـــش ليش يا جاره...
:)

"ليش يزيدون معاشات الداخليه والجيش بالسنه مليوون مره " :مشعل الاحمد

5- :)

6- زين البراك كان ساكت. حسيت انه لو تكلم كان طب فوق العمر وطاح له بقسات
:))

فريج سعود said...

اذا عقلك بيزر احنا عقولنا زرت واخلصت

بو محمد said...

مهندسنا الغالي
بالنسبة لمجلس الشورى اللي طرحت جريدة السياسة خبر ورود كلام حول إنشائه هو بالضبط أحد ملحقات المنهجية التي تسير عليها الأمور مؤخراـ محاولة لطرح التجربة الأردنية (مجلس الأعيان) على الساحة الكويتية
1- انشاء مجلس شورى
2- تهميش دور مجلس الأمة التشريعي بحيث يصبح فقط لأبداء الري
3- الإقتصار على الدور الرقابي المرحلي و من ثم تضعيفه هو أيضا
و يصبح من خلال ذالك مجلس الأمة مجلس صوري لوناسة الناس و لهية ياهون اعمارهم فيها كل ما ملوا

تذكر العام يوم راح وفد الأردن و طرح عليهم المجالية هالكلام و قال إن مجلس الأعيان يخفف حدة التصادم ما بين مجلس الأمة و الحكومة، اشلون يخففها، قريز هو، يخففها عن طريق تهميش أدوار مجلس الأمة الذي يحدد أعضاؤه بالإنتخاب و انشاء مجلس يحدد أعضاؤه بالتعيين

يعني بالضبط مثل لجنة التثمين اللي بدرب الزلق، كل ما دش عليهم واحد مثل بو سند مو يخلي فوته بعشره إلا بألف

أسأل الله العلي القدير أن لا يتم انشاءه

دمت و الأحبة بحفظ الله

Eng_Q8 said...

سلوزه

اقرب شبه انشالله اول ما يطلعها

اي والله سنتين بالاقساط مشروعي طلع فاشل

Eng_Q8 said...

براقش

اها تشاوريه

مااقول الا والا اقول ماني قايل خليني ساكت بس

-------------------------------

الخيلاء

اي والله تعادوا عاد منين انييبلهم علاج

--------------------------------

حمد

اقنعني ردك :)

--------------------------------

يوفنتساويه

بلاج ما عرفتيني عدل صار فيني شي من زمان من القهر وانا خيج بس انتي توج يديده على الساحه ماتدرين :)

الله يسلمج ... صارت 6 خلاص راح الدوري

حياج الله باول مرور حقج وانشالله مايكون الاخير

---------------------------------

بو علوه

اعجبتني البيعه ويسمونها بيعيه على وزن فرعيه

انت رقع روحك نبيل العوضي شرشحكم امس لووووووول

--------------------------------

خروفه

مو شي يديد :)))

مدرسة انجليزي ما تنلامين حضور حضور

خلاص راح اسجلج حضور واعطيج بدل طريق :)

--------------------------------

محسد

لازم امير يعني ؟ :)

-------------------------------

صبا

لا يبا غلطانه عندهم فخوذ وسألي اي كندري ويقولج

احنا نحترم كل الكويتيين وما انغلط على احد واذا كان للقبايل فخوذ فاحنا نحترمهم اذا كانوا يسعون لخدمة الوطن

--------------------------------+

كويت

منو ؟؟؟ ليكون الي في بالي ؟؟ والله سمعت انهم سووها

---------------------------------

كويتي

الله يبارك فيك اشرايك فيني وانا اكبس عليهم وراح اسميها ليلة القبض على فاطمه :p

اها امس

مممممم فتحة باب


اي والله بعد الزقاير يصير اغلى ما تسوى انا قلت ان اقتراحي فاااشل

شكو ؟؟؟

جان زين صارت لان العمر باط جبدي

---------------------------------

فريج سعود

لا انا قبلك زر وصار زرزور وطار

---------------------------------

بو حمود

اذكر اذكر وادري بس خلني استعبط شوي :)

عرفت الي يقولك ادري بس استعبط هذا انا افهمني عاد يا بو حمود :))

وانشالله ما يصير

---------------------------------

فتى الجبل said...

يصيرون قبيلة ليش ما يصيرون
مو كل من طق طبله قال آنا قبله
آآآآآآآه بس لو يعتبرون الكويت قبيلتهم وكل ما لهم
ومبروك على اللوك اليديد

شقران said...

مهندسنا العزيز

كوستريكي
:)))))))))))

اعجبتني

عزيزي الفرعيات والتنسيق والتشاور بين العوائل والقبائل أصبح عرف وثقافة متأصلة عبر السنون

ومحاربتها لا تتم عبر القانون فقط..فسيجدون ألف طريقة وطريقة للالتفات عليه
يجب محاربتها بالوعي والتثقيف وارساء المبادئ العامة للدولة من عدالة اجتماعية وتكافؤ فرص

بالنسبة لمجلس الشورى فهذا حلم يريده البعض..ولكن هيهات

نحن نعلم ان كثير من الدول المتقدمة فيها مجالس أقرب الى مجلس للشيوخ..ولكنه يأتي عبر الانتخاب المباشر!؟

ومثال المجلس الأعلى للتخطيط يجعلنا نرفض مجلس الشورى جملة وتفصيلا

فمجلس التخطيط وجد للرزة وللمرشحين الساقطين والوزراء الذين علامات الاستفهام عليهم أكثر من التعجب!!؟؟؟؟؟؟؟؟


أما معاشات الداخلية والدفاع فإني مع رفعها حتى تتنتهي عملية التسرب من هذه القطاعات المهمه للغاية

أما كادر المهندسين فلاعزاء لنا ياعزيزي



والعوض في كاس ايطاليا
:)


لا اتابع برنامج الوشيحي...فوقتي ثمين ولا أضيعه على هذه البرامج..التي تبدأ بالجعجعة وتنتهي..بتخسي وتخسي انت!!؟

وبالتأكيد لاترى طحينا من تلك الجعجعة!!؟؟


ملاحظة
مبروك الشكل الجديد للمدونة
:)


مع وافر الاحترام والمودة


المحـــــــــــــــب/

شــقـــــران

Eng_Q8 said...

فتى الجبل

عذا حلم يا نهاش

الله يبارك فيك عقبالك :)

---------------------------------

شقران

لا تسالني من وين اطلعت هالدوله :) اهم شي انها اعجبتك :)

صحيح

اي والله صاج مجلس حق الي يبون يرزونهم غصب

شقران الله يرحملي والديك شوف الشرطه شيسوون كثر ما تزيدهم ما يجي بعينهم

لي والله لا عزاء لنا كلما قلنا نبي كادر العموم يرز ويهه

مو المشكه اذا ما خذينا الدوري الحين متى راح ناخذه ؟؟

اعجبتني جعجعه

الله يبارك فيك :)

حياك يالغالي :)

==============================

loco said...

a9lan hathy ma95ara wa 3ar 3alla el kuwait !
noo comment !

Eng_Q8 said...

loco

بعد شنسوي