Sunday, April 27, 2008

؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

تحـــــديـــــــث
توني راد من ندوة احمد المليفي .... بصراحه هذا الرجل يستحق ان يمثلنا بمجلس الامه ... لن اتطرق لما قاله ساترك لكم قراءته بالصحف ... ولكنه تطرق للمدونات وقال ان هناك من يسعى الى اسقاطه وانا اقوله يا بو انس اذا كان في ناس ضدك ترانا معاك قلبا وقالبا وسنرد على من يتكلم بالسوء عنك .... والله العظيم اني لا اعرفك ولا يصلني معك اي شيء لكن مواقفك تشهد يا بو انس وخاااصة موقفك من عملية التجنيس ... الله يوفقك ويكتب الي فيه الخير لمصلحة الكويت
...
.
الاتحاد الوطني لطلبة امريكا مسوين سايت عن الانتخابات وفيه الكثير من المعلومات وهذا سايتهم وهذا سايت الانتخابات يعطيهم العافيه والله يوفقهم
.
==========================
صدمني هالمقال يعني الحين التحالف الوطني الديمقراطي ما يعتبر تيار ليبرالي انما محافظ ؟؟؟؟؟؟؟؟ والمشكله ان هالكلام قاله الامين العام للتحالف ومرشحه عبدالرحمن العنجري ... عفوا يعني شنو ؟؟ وشنو قصدك ؟؟ هل فعلا انسلخ الليبراليون من جلدتهم مثل ما ذكر الكاتب ؟؟
.
اذا كان عبدالرحمن العنجري جاد بكلامه فلا تعليق ؟؟؟ يعني شقول بالله عليكم هل الليبراليه صارت عيب وحرام والا شالسالفه ؟؟ ... واذا كان العنجري يريد ان يبرر او يوضح معنى الليبراليه الكويتيه وتوضيح الفروق بينها وبين الليبراليه العالميه فهو اخطا بالتوضيح .... اليس عليك يا اخي العزيز ان تقول ان الليبراليه الكويتيه تخضع للعادات والتقاليد اليس عليك ان تقول ان الليبراليه الكويتيه لها حدود وليست كما بالعالم الغربي لان الاسلام يحكمنا في بعض الممارسات الخارجه عن عاداتنا وتقاليدنا وديننا ؟؟؟ اتوقع كان الجواب راح يكون احسن من الي انت قلته ... بس هل صحيح انهم محافظون وليسوا ليبراليون ؟؟
.
اتركوا الوطنيه والانتخابات على صوب الحين ..اليسوا الليبراليون ما يسمون بالوطنيون اليس الليبراليون هم من عانى الامرين لاجل حرية الرأي والارتقاء لمصلحة الوطن ؟؟ عندما تكون لدينا بالكويت اكثر من تجمع ليبرالي الا يؤثر هذا على مسيرتها بالكويت راجعوا الحلم الجميل ؟؟ لن اقول ماذا يجب ان يفعلوا ولن اكتب حرف واحد وساراقب من بعيد وسارى ماذا سيفعلون هل سيفيقون من هذه الغيبوبه ام سيضلون يتشدقون بما يفعلون ويقولون الكل يحاربنا واحنا محافظون ؟
.
-----------------------------
.
بجريدة الرؤيه وبالصفحه الاولى فوق مكتوب ان مرشح الدائره الرابعه محمد دهيم الظفيري رفض الانصياع لرأي قبيلته للتخلي عن رفع شعار الحركه الدستوريه في الانتخابات بعدما قامت القبيله بتزكيته ولكنه طبع اعلاناته تحت شعار حدس ووزع دهيم مساء امس رسائل هاتفيع على ابناء قبيلته يطلب منهم فيها عقد اجتماع بمقره الانتخابي تحت شعار تبيها فزعه ظفيريه ؟؟؟؟؟؟؟؟؟؟؟؟؟؟؟؟؟؟؟؟ دورت الخبر بالانترنت ما لقيته اشتروا الجريده اذا بتشوفونه
.
يعني الحبيب دش الفرعيه الي سموها تزكيه بالقبيله وعقب قال انا مرشح حدس ولما شاف ان قبيلته بتعطيه طاف قال نبيها فزعه ظفيريه ؟؟؟؟؟؟؟؟؟؟؟؟ الله اكبر عليكم يا حدس بسكم نفاق وجذب على خلق الله .... يا ناااس تكفون فهموا شوفوا شيصير وهم تعطونهم اصواتكم ؟؟؟ ترى هذيل ناس متسلقين وعندهم الغايه تبرر الوسيله شي مسلم به .. اشتبون اكثر من جذي ؟؟؟
.
------------------------------
.
صوتكم امانه يا اهل الكويت صوتوا للي يستحقون ترى الكويت تستاهل
.
------------------------------
.
.
اللهــــــــــــــــم لا اعــــــــــــــــــــــــراض

21 comments:

فتى الجبل said...

عزيزي واخوي مهندسنا
التيارات السياسية متشعبة
وحتى الفكر الليبرالي فيه المحافظ والمتحرر
لا يقصد بكلمة ليبرالي محافظ انه منغلق على ذاته كالتيارات الدينية
ولا يقصد بالليبرالي المتحرر انه الانسان المتفسخ من الاخلاق
مثال
الحزب الجمهوري في امريكا مو حزب ديني
اهوا حزب ليبرالي محافظ بمعنى معارضته لبعض السياسات كالاستنساخ والاجهاض والابحاث الجينية
اما الحزب الديمقراطي فهو حزب ليبرالي متحرر بمعنى انه يؤيد مثلا الابحاث الجينية والاستنساخ الحيواني لا الانساني لاغراض العلاج

Mohammad Al-Yousifi said...

اعتقد ان هناك سوء تفاهم و القصار بالغ في الكلام على لسان العنجري

Fahad Al Askr said...

خوش

Eng_Q8 said...

فتى الجبل

عزيزي واخوي الكبير الغالي نهاش

اعرف هذه التقسيمات جيدا واعرف ما يمثله هذه الاحزاب جيدا

وبالنسبه للحزب المحافظ الامريكي باعتقادي انه حزب ديني وليس ليبراليا ولكن امريكا لها خطها ولها خططها المستقبليه التي تخطو وتسعى اليها

مو اهني الكلام .. الكلام يا فتى الجبل شوف الكلمه اشلون انفهمت واشلون ترجمت من قبل القصار وذا ما سيفهمه الجميع من هذه الكلمه

ونرجوا التوضيح ورد العنجري على الكاتب

---------------------------------

مطقوق

حلو ... خل يفند العنجري كلامه
نحن بالانتظار

--------------------------------

فهد العسكر

حيالله من يانا

خوش خوش يا بو عسكر :)

---------------------------------

Kuwait said...

مهندسنا ..
باجر نقرا شقال ونحكم ونرد نعلق على التحديث ..
التحـــالـــف ... لا تعليق ..
أبناء القبائل مرجعهم الأول فزعت القبيله ..
لاحظت كثير من الندوات بالتلفزيون كذا مرشح يرفع عقاله ويقول
"ناخيكم يا عيال .... أبي فزعتكم "
مو واحد ..
وماعندي مشكله أعدد أسامي ..
أعتقد المرشح الواثق من فوزه ماله داعي يقول هالكلمه ..
الناس تبي مرشحين تقنع بكلامهم يكونون قادرين على الاصلاح مو واحد يطلع يقولهم ناخيكم وابي فزعتكم واحنا الــ.... ليش يعني ؟؟
بعدين في كلمه قالها المرشح مادري شسمه بو خوصه ..
وجد إعجبتني ..
ولو ان اهو مو عاجبني كونه طلع نتيجة فوزه بالفرعيه ..
ما علينه منه المهم قال ..
" اختاروا من يمثلكم لا من يمثل عليكم "
وصج كلامه والله لازم نختار الي يمثلنا ويعمل للإصلاح مو الي يمثل الاصلاح والشرف علينا ..
يعطيك العافيه مهندسنا ..
سوري بس اندمجت شويه لوول ..
صاير توه شايفه مقابلة مرشح وايد يصارخ ويبجي ناطر الفزعه ..
تقبل مروري..
kuwait

Eng_Q8 said...

كويت

اوكي

اتعلقين شتقولين

انا كان قصدي ان حدس تلعب على الحبلين :)

اي هذا الي يبجي فلم

حلم جميل بوطن أفضل said...

و النعم في أحمد المليفي. صاحب أفضال كثيرة و مواقف مشرفة

Selezya said...

سوالف رياييل مالي شغل

فريج سعود said...

سايت اتحاد الطلبة وايد حلو
الله يعينهم صعبة الواحد يطوف تظاهرة كبيرة مثل الانتخابات

rai said...

صوتكم امانه يا اهل الكويت صوتوا للي يستحقون ترى الكويت تستاهل
===============

صح لسانك

فتى الجبل said...

مهندسنا
الحجوة اللي تنقال ممكن يفسرها الانسان على مشهاته
عشان جذي الانسان دايما يدقق على الافعال مو الاقوال
والناس مخابر مو مناظر

Eng_Q8 said...

حلم

صحيح والنائب الذي يستحق هو نائب المواقف

---------------------------------

فريج سعود

الله يوفقهم :)

--------------------------------

بو علوه

صح بدنك

---------------------------------

فتى الجبل

انا معاك ... ولكن اذا اتت من شخص محسوب على الليبراليين فيجب ان يفند ما قاله الكاتب

--------------------------------

Eng_Q8 said...

سلوزه


تغطي يا مره :p

Q80 Blogger said...

وانت شتقول ذاك اليوم يا مهندس؟
تقول انك علماني !!!!

اذا ربعك كلمه ليبراليه خايفين منها !!

وينهم او وين العلمانيه !!!!!

انا ما انكر انه تفكيرهم علماني الصراحه .. لكن الخوف والخوف اهو الي يجبرهم على هل انكار
وتجميع الاصوات يخليهم مو بس محافظين بل تكفيريين اذا كانو سيصلون بهذا المسمى لقبه البرلمان
تدري ليش !!!
الفلووووووس
والله الفلووووووس

الله يعينا على هل اشكال

سدرة العشـــاق said...

q8i-blogger

فلوس؟

اسم الله عليك الرحمن الرحيم عيل حدس اللي تشاخيلهم شيدورون ؟
ابرة ام احمد ؟

و كفاية انهم يشجعون الفرعيات و اللي يفوز فيها ضموا حقهم
جنهم حيايا يغيرون يلدهم على مشتهاتهم و حتى الحية نستفيد منها بجناط و مكرم السامع جواتي و هذيل بس جذب بجذب

لووول دشيت عرض
شلونك مهندسنا عساك بخير
و اسمحلي على الكلام اللي كتبته بس اشتطيت
غيرهم يغلط لأ و اهما يغلطون اي احنا بشر نخطي و نصيب

آآآخ يا قلبي

Eng_Q8 said...

بلوقر

لا يبا انا وطني متعصب وليبرالي مع وقف التنفيذ

اولا كل الكويتيين ربعي مو بس التحالف واولهم انتوا :) ربعي من كل اطياف المجتمع

واهم ليسوا بعللمانيين انما ليبراليين وارجوا قراءة مدونة حلم الي حطيتها بالبوست

بس استغرابي هو ليش ما قال ليبراليين

بس فلوس مااعتقد بصراحه

عطني دليل وانا بوقف وياك

هم ارد واقولك انا ماادافع عن احد لكن الحق حق وانا اخوك
-------------------------------

سدره

سلامت قلبج تكلمي يبا تكلمي بالقلب غصه وانا اخوج بس الواحد شيقول

----------------------------------

As YoU LiKE said...

احمد المليفي بطها بكل صراحة .. وبكل صراحة قمت ادعم حملته الاصلاحية.

اما التحالف .. عليهم "نجاااال" بس يتمشى .. مو مثل حدس مايترقعون :)

وسلام مربع ومدور ومثلث

كويــتي لايــعه كبــده said...

المليفي والنعم
وكلامه صحيح وصريح

حدس نصابين
ومن زمان

اللبراليين ذو فكر
واخرجوا لنا من اشرف سياسيين الكويت

بس كلام العنجري ما سمعته وما نقل لي استغربته

Eng_Q8 said...

as u like

يستاهل بو انس ونعم الرجال

سلام معين سداسي :)

---------------------------------

كويتي

صحيح

بس منو يفهم انهم نصابين

ولا احد يستطيع ان ينكر هذا الكلام

وانا استغربته عشان جذي كتبته

esTeKaNa said...

يفرحني الكلام الطيب عن بو أنس
رجل والرجال قليلو
الله يوفقه يارب
:)

Eng_Q8 said...

استكانه

يستاهل ابو انس