Saturday, May 17, 2008

لا يجوز

تحديث + تصحيح
وصلني مسج ... تحت اسم الحقيقه مكتوب فيه
يا اهل السنه فزعه .... ترى الشيعه كلونا .... انشر تؤجر ؟!؟!؟!؟!؟!؟!؟!؟!؟!؟!؟!؟!؟!؟

وحينما بحثت بالمسجات لقيت نفس الاسم عندي دازلي مسج قبلها كانت تطعن ب جاسم الكندري مرشح الدائره الاولى

ما تستحي على ويهك ؟؟؟؟ شهالحجي ؟؟؟؟ شنو الشيعه كلونا انت نازل انتخابات مجلس الامه والا حرب ؟!؟!؟!؟ وبعدين لماذا هذا التدليس
لا حول ولا قوة الا بالله ... اذا كانت الانتخابات تفرق بين الكويتيين فبئسا للانتخابات
هذي الاصور عشان تتأكدون ... من هو وراء اسم الحقيقه ولماذا هذه النعرات الطائفيه .... واسف على الخطأ الغير مقصود مني من كثر ما بط جبدي ما قريت المسج الثاني عدل .... ولكن لمصلحة من هذا العمل القذر ؟؟؟؟؟؟؟؟؟ شكو السنه والشيعه ؟؟؟؟
:*كويت بلوقر سوري
واشكرالضابط العقيد الركن طيارحارس البوابه الشماليه المحقق كونان الي يمي الي اكتشف هالالتباس

27 comments:

rai said...

اهم شي انشر تؤجر :)

Eng_Q8 said...

تخلف يا بو علوه

Q8i Blogger said...

حبيبي المسج هذا من الصبح منتشر
كلنا وصلنا

وجاسم الكندري ماله شغل
الكل يدز فيه


وقول حق الي أسس قوائم كامله من طائفه وحده حجي الوحده الوطنيه

Kuwait said...

لوووووووووول وصلني ..
ووصلني بعد مسج ثاني ..
حتى الي استغربته ان كان باللهجه العاميه مكتوب ..
" لا تصوتون لعبدالواحد العوضي لو فيه خير جان ما هده رئيس لجنته وراح لمرشح ثاني "
؟؟؟؟؟؟؟؟؟؟؟؟؟؟؟؟؟؟؟؟
يعني شنو هالناس الفاضيه !!!
والله من أمس والمسجات فصله ..
بس افتحها واقعد أضحك ..
عشرين مسج بالدقيقه الوحده يوصلك ..
أما المرشح صاحب المسج ..
" امي وابوي ، اختي واخوي ، بنتي وابني محتاج فزعتكم وياي "
بصراحه كسر الرقم القياسي
وصلني منه 17 مسج هذا اليوم بس غير الي امس ...
يالله كلها جم ساعه ونرتاح من المسجات ويبدا الهم الجديد لان النتايج ماتبشر بالخير ..
تقبل مروري ..
kuwait

Q8i Blogger said...

:)

مهندس

ماكنت اقصدك

ادري المسج واصلك جذي

بس المسج غبي .. يعني هل في مرشح بالغباء هذا .. الي يحط اسمه تحت مسج طائفي بهالشكل !!!!

قصدي الي مسوي المسج اهو راعي الاشاعه مو انت

Eng_Q8 said...

بلوقر

ادري انه من زمان منتشر لانه واصلني بس ما كنت فاضي اكتب

اذا ماله شغل جيك على الاسم نفس الشي وذبحني كل يوم يدزلي بنفس الاسم جنه غصب اصوتله

قلتلهم بالبوست السابق :)

---------------------------------

كويت

الشرهه على الاتصالات الي تخلي كل من هب ودب يكتب الي يبي ويدزه

وصلوني هالمسجات مايدرون اني راح اصوت حق الكوي :)

---------------------------------

Eng_Q8 said...

بلوقر

بلوقر ترى الاسم يكون ثابت حق الي يدز المسجات

والدليل قبلها كان واصلني مسج كم خدمة برلماني اتقول التوجه حق الرومي وجمال ومحمد والعوضي

تالي وصلني مسج من نفس الخدمه ومكتوب ان في ناس استغلت الاسم

ولما لاحظت شفت اخر شي الاحرف غير

وحده بحرف ال آي ووحده بحرف الواي

Q8i Blogger said...

انت بس عطيت منو ؟

:)

Eng_Q8 said...

عطيت الكويت

Q8i Blogger said...

زين تسوي :)

وخوش تصحيح مهندس

Eng_Q8 said...

بلوقر

حاظرين :*

حمد said...

هذه اساءة لنا قبل لا تكون اساءة لاخوانا الشيعة

كلنا كويتين

هذا هو الرد على هذا المسج

تحية لك اخي العزيز

JuVeNTiNa said...

شاركوني في مدونتي

Eng_Q8 said...

حمد

صحيح

----------------------------

اليوفي

تامرين امر

Q8 Chili said...

عادي أنتخابات أخذ وخل، نكبر ونشوف !

Q8 Chili

Eng_Q8 said...

كويت شيلي

اكثر من جذي


شوف النتايج الاوليه الي اتلوع الجبد

5roofa said...

ماحبيت الانتخابات ولا النتايج

للحيني قاعده و مادري شلون الوضع

والدوام بقه علي ساعة وما خلصوو
:(

salamz dear...

Eng_Q8 said...

خروفه

ميخالف

صبا said...

ملييييت ابي انام :(

النتايج ما خلصت

Najmah said...

مبروك حق اللي فازوا

المفروض عطلة اليوم :((

Shaima'a Alkandari said...

لاحول ولاقوة الا بالله

ماكوو فرق بينا كلنا اخواان

5:20 said...

جليل الحيا

وعيب جاسم ولا مو جاسم عيب ينكتب جذي


أنخلص من مغنية يطلع لنا هذا

someone_q8 said...

السلام عليكم
هالمسج ياني وعلى طول مسحته
واللي كتب هالمسج ياهل ما يسوى
واللي يتأثر بهالمسج ويروح يفزع له يعتبر اكبر يااااااهل لا وخبل بعد
لااتعور راسك بهالسوالف بشمهندس

بس said...

مهندسنا


بس يجوز خسرتوا الدوري
:))

فتى الجبل said...

لما نصير دولة من صج
راح تتعدل احوالنا
لي ذاك الوقت بنواصل محاولات الاصلاح دوم

فريج سعود said...

والله احنا الي فينا بلى اذا مسج بيأثر علينا
شسالفة هالانتخابات مع الاكل
الي يقول كلونا
ونبي ناكل وياكم
و خلولنا الباجي
طاقنا اليوع هالانتخابات

Eng_Q8 said...

صبا

نوم العوافي

---------------------------------

نجمه

لا مافي عطله :)

---------------------------------

الكندري

عدل

---------------------------------

ست وثلث

بعد شتسوي

---------------------------------

انسان كويتي

عليكم السلام

بس شي يبط الجبد ... ياهل منين له فلوس يدز هالمسجات وعلى اي اساس زين دزتله ؟

----------------------------------

بس

للاسف يجوز اذا لعب ابراهيموفيش

ذبحنا بو خليل

----------------------------------

فتى الجبل

وضح :)

---------------------------------

فريج سعود

في ناس يأثر فيهم

وثاني شي انا مو حاطه عشانه يأثر والا لا انا حاطه لاني انصدمت منه لاه مسج طائفي وترى في ناس عقولهم صغيره

واشلون الشركه اسمحت انها تنشر هالمسج

اي والله لي الحين يوعان :p

----------------------------------