Wednesday, May 28, 2008

اجازه و راد انشالله

اجازه وانشالله ما اطول ... بس عقب هالايام الي ترفع الضغط والسكر وتلعن خير القولون العصبي لابد من اجازه طبعا التشكيل الحكومي ماراح اتكلم عنه بهالبوست وبخليه لما ارد لان ماابي ارفع ضغطكم بهالموضوع ويمكن وليد الجري قال مالم يقوله البعض ..... المهم البوست راح احط فيه جم صوره انا مصورهم شكو لا تسألوني قاعد افكر شنو احط تذكرت ذاك اليوم لما كنت احوس بتلفوني
الاخوان وايد مستانسين على الغبار لا ويصورون بعد ... تصورون شنو ؟؟؟؟





هالصوره فلم بروحها ... ماادري الحبيب من وين يايب هالجاي ؟؟؟ مت من الضحك على الاسم ... شاي بو كبوس الافضل للطلبه المتفوقين .... والله محد قارده الا هالجاي .... لي الحين بحلجه غصه





وانا اتمشى بالبر والا اشوف هالصخره .... مو جنها خريطة الكويت ؟؟؟؟ اعجبتني صورتها وخذيتها ... تالي باقها مني واحد من الربع







شيليز وقت السرايه الي قلبت الديره ... السقف قام يخر الكهربا طفت وانا طايحله تكساس فرايز ... مو كنت طالع من معتقل الدوام الي كنت قاعد فيه 21 يوم مع الشغل والنفاذ ... لو مو سرايه لو زلزال ... اكل يعني اكل




وانا اسحب من البنك والا رازين هالستيكر ... انزين شكو الاتحاد الاوروبي .... واهم شي لكم الجنه ؟!؟ خلاص يااخي قاطع كل الكفار ... المشكله الكبير الي مسوي هالحمله سيارته اوروبيه ... شي غريب





هايد بارك الكويت ... جبال ساحة الصفاة .... ركزا على الحمام ولا اتشوفون المكان لان عيب اقول هذي عاصمتنا ... اشلون الي ماشي بس كسر خاطري حسباله صج





انا حسبالي اسم الحمله خوشخبرى ... لما وريتها حق واحد يعرف اللغه الفرنسيه ضحك وقالي يعني خوش خبر ... للعلم هذا الاعلان على كشك صغير بنفس المكان الي فيه الحمام .... عاصمتنا صارت مو عاصمتنا شنو خوش خبري ؟؟






هذا عاد قصته قصه ... شكوووووووو ماادري ... ؟؟ اقروا شكاتب ورا سيارته ... ترى سعودي مو كويتي جيكوا على اللوحه








جنه يقول صورني ... ذبحني مره يمين ومره يسار ... مجابلني ويقعد يسوي حركات ... شريهان على هالوقفه .. صورته عناد










بيبسي بربع دينار لييش؟؟؟؟ لا و 250 ملي ... س سؤال وين المسئولين ؟؟
ترى هالهاي لايت الاصفر اهم حاطينه ... يعني بعين قويه ترى اذا شفت السعر غالي جيك على البيبسي !!؟








كاريكاتير بالقبس عجبني وحطيته ... صج تنتفنا








حتى راجو صار بلازا








مطعم الفراوله .. لوووووووووووووول مالقى غير غير الفراوله لا وليتاته طافيه







لا تخافون ... هالاعلان بمول الامارات مو بالكويت ... بس يايتكم مثل هالاعلانات وايد ... اهم شي لحد يبوس بالمجمع ... لا ويقولون ملابس محتشمه ما فهمتها لاني دشيت وشفت بلاوي اشلون محتشمه يعني ؟





يا حليله ... شخبااااااااااري علامة النصر .... مستانس بشبابه







عقب كل بوست او مجابل المدونات :)







بلا باسكن بلا هاجين داز .. فضه وسندويش واقطع







عجبني الرقم ... اهم شي اني حاط محطة الغناء العربي شكوووو ... بغيت اوقف السياره ومااحركها عجيب الرقم ... جيكوا على درجة الحراره ... حلموا فيها الحين






س سؤال ... هذا منو علمه عربي ؟؟؟ شركة صارت شركت ..درايه صارت دريه ؟؟؟ يمكن مرته اسمها دريه .. التجاره صارت تحاره ؟؟؟؟ اهم شي اهم شي ذ.م.م صارت ز.م.م







سألت صبي الدوانيه .. قلته ليش تتيمعون بالدوار بالعطل ؟ قالي بابا عشان لما يسأل واحد انت وين يقول عند دوار ؟؟؟؟؟ يعني علشان ما يضيعون بعض ؟؟؟ المهم هالصوره مو بالكويت وهم متيمعين بالدوار يوم الجمعه ... يعني هذا عرف عندهم علشان لا يضيعون بعض









بس الباجي غير صالحين للنشر .... انشوفكم على خير ... انشالله
اللــــــــــــهم لا اعتــــــــــــــــــــــراض

49 comments:

حسافتج يا كويت said...

بوستك رروعة وخفيف طينة

وألحين يوم إني رديت بتاخذ إجازة؟؟

Kuwait said...

لووووووووووووول ..
خطيررررره الصــور ..
اما الجاي شنو من مصر ؟؟؟؟؟؟
غريبه بالامارات ممنوع هالسوالف!!
الهنود شعندهم على الدواويير الظاهر ماعندهم هناك ويايين يطلعون حرتهم عندنا والا تقول عشان ما يضيعون بعض ;p
البوست مفاجأه أول مره من فتره تطلع من مود السياسه على مود التصوير ..
يعطيك العافيه مهندسنا
وتروح ترجع بالسـلامه ..
ناطرينك ..
تقبل مروري ..
kuwait

صبا said...

هلا والله خوش لقطات

الصخره عجيبه مرسومه مثل خريطة الكويت

وأشفبكم انت وسدره مدوناتكم فيها آيس كريم
شوقتني ما قاوم البريد

اجازه سعيده وانشالله ترد فريش
لا طول
:>

Eng_Q8 said...

حسافتج

شكرا :)

شسوي بعد ماراح اطول انشالله

عودا حميدا

--------------------------------

كويت

اشدراني عنه

اي ممنوع :)

هالدوار مو بالكويت :)

اقلدج :p

الله يسلمج :)
---------------------------------

Eng_Q8 said...

صبا

حاظرين :p

خوش صخره

صيف صيف لازم برد عشان يبرد القلب

شكرا وانشالله مو مطول على حسب التساهيل :)

----------------------------

JuVeNTiNa said...

بالسلامه ان شاء الله .. و خف عاد من التدخيييييين

Eng_Q8 said...

اليوفي

الله يسلمج

انشالله :)

Fahad Al Askr said...

دز لي الصور اللي مو يصلحون للنشر إيميل، خل أتمقل بهالويك اند

Eng_Q8 said...

فهد العسكر


لووووووووووووووووووووووووووووووووول

لا تفهم غلط الصور يعني انا طالع فيهم شتبي بويهي :p

قلب طفله said...

لوووووووووول

شريهان بدشداشه خطيره هالوقفه

و الهنود مو يتيمعون ع الدوار و عقب لا اكتمل العدد يترسون كل رصيف اكره ادش الديره يوم الجمعه اخاف ادوس اريولهم عسى ما ريول :(

عجيبه الصور و التعليقات
و اجازه سعيده اخوي
تروح و ترد بالسلامه

Q8 Chili said...

ممنوع البوس يازتلي !!

:)

الحين عرفت الطبطبائي والهايف ومن هم على شاكلته، والسبه هالسوالف !



Q8 Chili

هذيان said...

صفر ,,, شنو هالقهر

شـقـــــران said...

اتعب على الشيباني
:))


وكلش بوقفة ميالي
:)



من حقك تاخذ اجازة لأن التشكيلة الحكومية تونس بالحيل

Aldenya said...

عجييييييييب
بو شريهان
فطسني من الضحك
بالله هذي وقفة :/
والحمام
يم دوامي
منتزه الحمام
جنك بلندن

عموما
بنفقدك يا ملح المدونات
ان شاءالله تستانس باجازتك
بس
لا تطول

فريج سعود said...

انا ركبت بدماغي وباشوف الي مو صالحين للنشر

Salah said...

دزلي اللي ما يصلح للنشر على الايميل

مُحَسّدْ said...

يبيله جاي بوكبوس
هذا جنه جاي ام حسن

موفق خير

5roofa said...

ترد باالسلاااااااااامى يارب

لوووول و الي بالدوار عجييييييييب

salamz dear...

wa6an-alnhar said...

ترجع بالسلامه مهندس
:)

الصور حلوين و بوستاتك الغير سياسيه نادره و ماتتكرر وايد مع انها حلوه بعد

نبي صور الاجازه
:p

Selezya said...

تروح وترجع بالسلامه

لوول احلى شي الوقفه عجيبه حدها اغراء
ماقدر جذي
:pP

Selezya said...

بما إن عندي وكاله عامه على البلوق


وبما إن وصلتلي وصايه خاصه على هالبوست خصيصا


وبما إن عندي امتحانات هالايام


إذا :
راح احاول ارد على اللي اقدر عليه
و
تستريح الامتحانات :pp

Selezya said...

كلكم
لوول بختصر عفيه يا جماعه



1- الله يسلمكم كلكم


2- وكان بالاجماع ان احلى صوره اهي صاحب الوقفه " شريهان " اوافقكم ولو سمحتوا انا حاجزته قبلكم


3- واضح ان الاغلب يبي الصور الغير صالحه للنشر واعتبر نفسي معاكم بعد
وانشالله راح نحاول نشوفهم باقرب وقت واذا وصلت حق احد بالايميل خل يدزها حق باجي القروب :Pp
نبي نتمتع بالنظر معاكم لوووول

Selezya said...

سوري نسيت اقول شي

خروفه فوووووووووقه لوووووول
هذي الفرصه يتلنا مره ثانيه خلينا نستفيد منها وماتضيع علينا مثل ما ضاعت قبل


يبييي خرفانج حبيبتي المكان يوسع لهم هههههه



ياويلي

3ateeja said...

الشغله اللي استفدتها الصراحه ملت الدوار
دايم اسئل نفسي هالسؤال
والحمد الله حليته
thx

why me said...

looooooooooooooooooool


خوش بوست


ابي ايس كويم ساندوتش

;p

كويــتي لايــعه كبــده said...

انت الحين ماخذ اجازه وترد على التعليقات؟

بو طبيع
:)

تروح وترجع بالسلامه ان شاء الله

بس لا تطول
لا ينحل المجلس قبل وانت برا

تراه مو مطول

Najmah said...

ترد بالسلامة ان شاء الله

وكل مرة حط لنا صور جذي
احلى من السياسة :))

الخيلاء said...

have Fun

احلى شي بالدنيا الاجازه

:)

someone_q8 said...

السلام عليكم
اتروح واترد بحفظ الرحمن
والحين عرفت ليش صاير عصبي من هالسجاير
لو اتهدها وايد افضل لك على الاقل ما تقتل نفسك كل ساعة
لكن الصور وايد حلوه لا وبعد بمزاج امصورها :)
تحياتي لك بشمهندسنا

Eng_Q8 said...

men belad el'3orba agoolha

alla yaster

allahom la e3tera'9

Selezya said...

لوووووووووووووووول مهندس
شتبيييييييييي داش بلوقك حتى وانت هنااك
ياخي خلنا نستولي عليه عدل :)

فتى الجبل said...

تروح وترد بالسلامة
استانس وانسى الهم والغم

Eng_Q8 said...

sloza

a'7theeh ana bas adesh achayek 3ala el 7alal :p

Eng_Q8 said...

fata

ma'agdar

Selezya said...

مهندس


أي حلال؟؟؟

لا يبه راح عليك كل شي
كل هذا لي انا
انته بح

marshmallows said...

=(

مابي

wa6an-alnhar said...

يالله عاااااد
طال الانتظار

مهندس وينك
بيتو وبيقول بيتووو
اللهم لا اعتراااااض

Selezya said...

خلووه خلووه يا جماعه

اخذ راحتك يا باشا

Eng_Q8 said...

LoooooooooooooL


ya 7lookom

manee m6awel enshalla

marshmallows said...

اممممممم

جنك مصختها شويه ولازم ترد بسرعه

wa6an-alnhar said...

انت قصيت علي

قلت بروح جم يوم وراد

شنو هذا !! كل هذا جم يوم

يالله عاد
مره ثانيه ريلنا على ريلك
:p

عاجــل said...

ساحة الحمام وناسة حق اليهال

marshmallows said...

@@

لي متى

Blog 3amty said...

طالت الإجازة؟


:)


Blog 3amty
Q8 Chili سابقاً

wa6an-alnhar said...

يا جمااااااعه

eng_q8
انخطف على يد احد الجماعات الارهابية

:S

marshmallows said...

لا وي بسمالله عليه ;p

يمكن انا خطفته

يالله رد بقولك شي مهم ;p

@@ ليكون رحت ايطاليا يالخاين

حمودي said...

الصخره كلش مالها علاقه بالخريطه
او مادري يمكن اخوليت
:)

Kuwait said...

(ة_ة)

Anonymous said...

هلا بالزين والحلا كله... هلا بالحبيب ... شخبارك وعساك بخير.. شهالبوستات الجميله.. اول مره بوست من غير عصبيه هههههههه... شخباركم وشلون الديره واشلون الغبار؟؟ شلون الربع وشلون الدوام؟ وين الوعود ووين الغرام؟ احم...


اخوك : مساعد مهندس متقاعد