Friday, July 11, 2008

الفرنسيه والغانم وشرين

تحـــــــــــــــديث

استغفر الله العلي العظيم والله ماادري شقول لي هالدرجه ؟؟؟ وصلت فينا المواصيل ان كويتي يشتغل غسال سيارات لا ومحد يبي يخليه يغسل سيارته لاحول ولا قوة الا بالله يالله صباح خير على هالخبر الي يكدر .. يعني هالجمعيات الخيريه الي مقزرينها بره ما يشوفون شصاير بعيال ديرتهم ؟؟؟؟ والا بس يبون يقعدون بره ويقزرونها على الاندونيسيات والبوسنيات والشيشانيات على بن جمعيات اسلاميه .... واحياء التراث الي على قولتهم سمعتها واصله المريخ بالاعمال الخيريه والي دافعوا عنها زين ما ماتوا واهم يدافعون ما يشوفون هالحالات ؟؟؟؟ ولجنة زكاة بس شاطره اتزوج اوكرانيات وبوسنيات ؟؟ وثانيه حق انتخابات .... ما تستحون على وييهكم وين اسلامكم ... حسبي الله عليكم جانكم اتقطون هالفلوس بره وتاركين اهلكم يتمرمطون .. وهذاك طالعلي بالجريده يقولي جهاد اقول طييير بس ذبجتووونا .. ماراح اتكلم عن الحكومه لاني زهقت بتكلم عنكم انتوا ... يعني لازم تطلع هالحالات بالجريده ؟؟؟ ترى الكويتي عزيز نفس حتى لو ما عنده يقول عندي لييييش ما اتروحون تساعدووونهم لييييييييييييييييييش ؟؟؟؟؟؟ مو كويتيييييييييييييين ؟؟؟؟ لعنبوكم كويييييتييييي يطر ماعنده يوكل عياااااله .... حتى صلاة اليمعه نسيتها من كثر ما انبطت جبدي ... حسوا على دمكم ... والي يقولي شوف البدون وشوف ماادري منو والكويتي على راسه ريشه .... اقول اي الكويتي على راسه ريشه غصبا على الي ما يرضى والي مو عاجبه خل يطق راااسه بالطووووووفه ... ااااااه يا كويت يالي صاروا عيالج يطرون من الي يسوى والي ما يسوى والي توه ماخذها بااايق بوووووق اللهم لا اعترااااااااااااااااااااااااااااااااااااااااااااااااض

--------

بما ان اليوم ويك اند وبعض الناس الي يعرفون روحهم راح ياكلوني اذا كتبت شي يضيق الخلق بكتب هالبوست الي ماله داعي

ذاك اليوم ماكو شغل قعدت احوس بالمدونات الاجنبيه منها والعربيه والا اطيح على مدونه ماادري شمكتوب فيها الظاهر فرنسيه المهم من الاصور فهمت مره تظغط ومره منصدمه ومره رايحه البر ومره ريلها لابس غتره شوفوا البلوق بس ماادري اهي تطنز علينا والا اشلون يعني مااعرف فرنسي للاسف
ثبتت الرؤيه وطلعت هولنديه شكرا سدره و انيموس ودكتور اكاديمي لتوضيح الرؤيه
---------------------------

يا سلام يالغانم ... افظل ها .. قول احنا لي حطينا حرف الظاد بدال الضاد يعني نتكلم كويتي كل شي ضايع اما اعلان






وصلني ايميل يقول انهم مطبقين مخالفات على الملابس والحجابات لو يطبقونه اهني الحجاب بو نفخه جم مخالفته اتوقع لجنة الظواهر السلبيه راح اتعجبهم السالفه شوفوا الاصور
















ايااااااااااام شرين توني ادري انه لي الحين موجود









تم القبض على عصابه تبيع المواد المحرمه بالجمعيات الاسلاميه من سجائر وكاكاو وخلافه من بلاد الفرنجه وقد قبض عليهم نسور الهيئه وقطاوة ماادري منو



يالله يبا هابي ويك اند



21 comments:

Anonymous said...

لووووووووووووول
مهندس شكو رايح عند الفرنسيه وقاعد تتطمش عليهم ؟؟
الله وكيلك مره من المرات إفتريت فر بين المدونات إخترعت من الي شفته ولهالسبب قررت لا لـ الفراره مره ثانيه
ياحلاتني وانا احوس بين مدونات رفيجاتي وربعي اهني داخل الديره :P
هابي ويك انك لك انت بعد

Eng_Q8 said...

انيموس

ماادري شفت الكويت قلت خل اشوف شمكتوب

ماشفت شي يخرع

انا بعد :)

سدرة العشـــاق said...

دشيت المدونة اللي حاطها مو فرنسية وحدة من الثنتين يا ألمانية او هولندية بس زايرة الكويت شي جذي هذا اللي فهمته

لووول مستانسة بهالغبرة اخذيــــــــه سوفينييييير

: )

ميرسوووو

Eng_Q8 said...

سدره

والله ماادري المهم مو انجليزيه

وزين سيرتي علينا

Anonymous said...

مهندس بعد ما شفت رد سدرة ورجعت أجيك البلوق الي حاطه تدري شنو اكتشفت ؟؟؟؟
ان البلوق لوحده هولنديه نظرا لخبرتي السابقه بالكلام الهولندي والألماني ..
وبعد التفحيص والتمحيص تبين ان هولندي لانها رايحه راده تقول
Dag
وهالكلمه معناها بالهولندي(يوم)أما
بالألماني يقولون
Tag

عنصر وطني said...

هاهاهاهاهاها

الله يستر لا يكون اتطنز
مو وقتة خاصة الاشارة

هاهاهاهاهاها
فضحتنا

Dr. Academy said...

هابي ويك اند يا باش مهندس :)

الا ما قلتلي وينك عن مدونتي من زمان مو شايفلك تعليق ؟

Dr. Academy said...

على فكرة هذي وحده هولنديه عايشه بالكويت مع عايلتها و اتوقع انها بالخارجيه الهولندي :)

اذا ودك و لك خلق
http://translate.google.com/translate?u=http%3A%2F%2Feveline-muis.blogspot.com%2F&hl=en&ie=UTF8&sl=nl&tl=en

هذا اللنك مال النسخة المترجمة انجليزي

Anonymous said...

هلا بالحبيب... شلونك حجي شخبارك.. وشلون الديره وشخبار الشباب والأهل انشاءالله تمام؟.. ياخوك نسمع اخبار ماتسر اهني بره عن الديره.. طمنا ياخوك...

أخوك: مساعد مهندس متقاعد

Eng_Q8 said...

انيموس

ثبتت الرؤيه واطلعت هولنديه :) شكرا

-------------------------------

كش ملك

ما يندرى :p

--------------------------------

دكتورنا

فور يو تو

امر والله يا دكتور سامحنا على القصور

شكرا للمعلومه :)

---------------------------------

انيموس

هلا بو جاسم هلا ابوي تمام بخير

كل شي تحت السيطره المهم انت خلك بامريكا لا تفكر اترد

لما اكلمك اقولك شصاير :)

سلم على الربع كلهم

Mohammad Al-Yousifi said...

حجاب بو تفخة فيها سحب ليسن و دفتر

Salah said...

:)

هابي ويك ان

الزين said...

:)
صبحك الله بالكويت

اول شي ابي اعرف شلون اوصل حق الريال

=========

ثاني شي


عندي سؤال

الحين اللغه وما فهمتها

شله بلاغة الشف

:)

ماكو فايده كويتي

=====


ثالث شي المخالفات هذي بايران

والكويتيات مالهم علاج

باسهم قوي

وعندهم قدرة عجييييبه على الإبتكار بالفاااااااشن

ويعين الله

فلا تحاولون

:)

========

خامس شي

؟؟؟؟

اهو ماكو خامس

بس ثالث ورابع بدون تعليق

وخامس هذي مالتي

وهد اعصابك

مو شي ترى شكلك وانت معصب

:)))

HaPpy WeEkeD

عنصر وطني said...

بخصوص التحديث

ياخوي عورت قلبي

حسبي الله ونعم الوكيل

ليش شصاير بالديرة قلّة فلوس

لا حول ولا قوة الا بالله

اذا بديرتة جذي وين الكويتي يروح

As YoU LiKE said...

ترا هي افضل .. بس العصا طويلة شوي، نفس القزمة اللي نكتبها.

انا اؤكد واجزم .. لأني قريتها عن قرب قبل.

كويــتي لايــعه كبــده said...

لا حول ولا قوة الا بالله

لا والرجل كبير ولحيتة شيب!

ماني متكلم على هالخبر الزفت لأني ان تكلمت قلت شيء كلنا بنتحسف عليه!!!

الله يهد حيل اللي كان السبب

أبــو بنــــدر said...

يقول فهد برسلي رحمة الله عليه

الدار جارت ما عليها شافه
والحر فيها شايف ما عافه

بالك تكاثر صدها وإن صدت
عادتها عقب القبول أنكافه

دار لغير عيالها مشكوره
ولا إبنها تلعن أبو أسلافه

دار يعيش بها الغريب منعم
وتعيش فيها أم أحمد العجافه

دار أوصفها عجوز شمطا
همازة مناعة حلافه

تغذي عيال الناس وتداويهم
وعيالها لعيونهم خطافه

آسف على الطيب تردى حاله
ولا الردي مامن عليه حسافه

مثل الحمامة فرخها في البيضة
عند طيرانه تنكره وتعافه

ما دامنا شتى ابفلك واحد
ذاب الشراع وضاعت الغرافه

هذا جزانا زين سوت فينا
خل الغرق مايوهل النزافه

نصبر غصب أو طيب هذي القسمه
لو نلحس التمرة ورى الخصافه

أنا أعرفها زين ما استنكرها
اللي يوصفها تذيع أوصافه

هذي عذاري الجار ما ينكرها
تسقي البعيد ولا ترش لحافه

حنا تقاطعنا وشلنا نفوسنا
والزود خلانا على مهيافه

والحسد والبغضا وقل الرحمة
ما واحد فينا سعى بأنصافه

يالله دخيلك عقب ذيك النخوة
ما من الواجب ولا طرافه

نجني الثمر من كل علب وافي
ولا نجني الثمرة من الصفصافه

من داخل الداخل وواره بجنسه
كل على أكتافه يشل حتافه

Eng_Q8 said...

مطقوق

الا كابح وانت الصاج

---------------------------------

بو صلوح

ظل فيها هابي بعد

--------------------------------

الزين

مالنا الا انروح الراي

من الاصور :p

بناتنا ينوا وقعدوا على هالحجاب

عادي عادي 24 ساعه معصب بس اذا ضحكت مااسكت يا ابيض يا اسود لكن مش رمادي

------------------------------

كش ملك

يروح يصير اندونيسي

-------------------------------

از يو لايك

عاش سيبويه :)

اهم شي تجزم

-------------------------------

كويتي

خلنا ساكتين بس الله يعينه

------------------------------

بو بندر

دار يعيش فيها الغريب منعم وتعيش فيها ام احمد العجافه

اييييييييه

الي كاتبها فهد العسكر

mo3ath said...

تتوقع الحريم بالداخليه جذي راح يسوون بالبنات ؟

الهولندية تحفه قاعده تتصيد :)

ضيقت خلقي الله يسامحك على الخبر :(

قلب طفله said...

الاجنبيه اللي حاط
صورها فرحانه بديرتنا و يحق لها


و الله يا ليت تصير عندنا مخالفات
حق عاشقات الموضه الغريبه :P


شحلات كوكتيل شيرين :)


حسبي الله و نعم الوكيل
الكويتي اللي يغسل سيارات عور
قلبي من الصبح امي قالت عنه
وقريت الجريده و انا اتحلطم ع الوقت
الاقشر اللي خلى الكويتين يتمرمطون بديرتهم و خيرها للغريب

:(((

الله يعينه و يعين اللي مثل
حالته و ما ندري عنهم

Eng_Q8 said...

معاذ

ودك راح اضحك بصراحه

اي يحليلها شكلها اتصير حق فان نستلروي

لازم انعيش الواقع

-------------------------------

قلب طفله

اي وايد يحق لها

محد راح يطلع منهم

انا احب المنجا

اي مسيكين الله يعينه