شاب كويتي قرر يروح الحداق شي عادي الكل يروح الحداق .. جك بم ياهم الطراد الايراني وتل الولد التفاصيل عند الاستاد حمام
يعني حتى الحداق اتخاف اتحدق يا طالعين من الشمال والا الجنوب والا الشرق على الاقل لو من الجنوب نقدر انتفاهم وياهم هالايراني اشلون تتفاهم وياه بالله اشلون اقوله ياي احدق بالايراني ؟؟؟ نتمنى من وزارة الخارجيه بذل اقصى ما يستطيعون لاخراج حسين الفضاله واعادته الينا سالما غانما وتقر عين الكويت برجوع ولدها ... ردوا لنا الفضاااله
--------------------------------
من قاريء الى مدون موفق يا ويلسيرفس بالمدونه اليديده
-------------------------------
اللهــــــــــــــــــــم لا اعترااااااااااااااااااااااااااااااااااااااض
30 comments:
اوووولى لول
اول شي يعطيك الف عافية وبارك الله فيك على هالبادرة
انا وانا قاعده افكر بالموضوع خطر على بالي شي .. الحين لو صج مثلا هالايرانيين قاعدين يتمشون بالبحر وشاطرين بس يجقدون بعيالنا معناته ان خفر السواحل عندهم مضبوط وهذا شي ما نقدر ننكره .. يعني اربعه وعشرين ساعه يفترون .. هالفكرة تطرح لنا سؤال ثاني .. خفر السواحل عندنا ليش ما يصيرون جذيه ؟؟ وتصير دوريات عشان تتطمن ان الامن مستتب ؟؟ عيالنا ما عليهم قاصر هذي 1
ثانيا وايد ناس ما عندهم وظايف 2
ثالثا سالفه الدوريات البحريه اتوقع متعبه بس ممتعه 3
رابعا عندنا امكانيات ولا تقولون لا 4
وغيره وغيره وغيره
يعني شنو اللي يمنعهم مثلا؟؟
حكومتنا مشغولة بالاشياء المهمه (مثل قانون الانترنت) وشوف وين وصلوا البلد
اما الاشياء الغير مهمه مثل ارواح ابناء الكويت وكرامة الدولة وهيبتها فهذه غير مهمه
اصحى يا النايم!
عندك أسيــــــــــر!
والحكومة نايمه بالعسل!
ء
بل
الله يستر يا معود
ماقول الا مالت عالخفر... لو فيهم خير جان وزعوا عالاقل طراريد متابعه وسيطرات بحريه.. مو شاطرين يفترون عند المسيله والشواطئ مالت العوايل.... والله يرده سالم انشاءالله.. وشاكرلك حبيبي مهندس على الاعلان.. تاج راسي..
بنت بطنها
الله يعافيج هذا حق وواجب مو بادره لازم الكل يوقف وياه
بيني وبينج خفر السواحل اشوفهم لما انحدق عند المحميات يقولونلنا ممنوع :)
ماادري علمي علمج
--------------------------
كويتي
اي اهم شي قانون الانترنت جن احنا الي قالبين الدنيا ما جن احنا الي انخاف على الديره
لا عادي من قاال مهمه
اي والله عندك اسير عسى الله يرده بالسلامه
-------------------------------
كويتاوي
الله يستر من زمان
-------------------------------
ويلسيرفس
شتقول بعد
تستاهل حبيبي
انشاءالله يطلع
بس اكيد مو ببلاش
اكيد راح يكون ورقة تفاوض يحاول الايرانيين تحصيل شيء منها
يا معود عاد اول امس انا نازل البحر بس ما باعدنا بالجون ...
الله يرده بالسلامه و ترى هذي مو اول مره .. و المفروض الحدود البحريه يكون عندها علامات واضحه مو فوضى
مطقوق
شيبون بالضبط؟ فلوس نعطيهم الا اذا كانوا راسمين على الحدود البحريه خل يستريحون عاد
اهو بس خل يرد تالي يحلها ربك
-----------------------------
دكتورنا
اي احسنلك الارياق خطر واذا باعدت عن الجون هم خطر واذا رحت فوق شوي هم خطر
يعني حوس بالجون والا خلك على اليال والا لا اتحدق بالاساس
انشالله يردلنا
اي والله اتصدق لازم انحط شي
عمتيك طاحتلك على خوش فلم بنغالي أكشن لحق قبل لا يحذفونه
شلون يعني ما نحدق ؟؟
لا لا لا مو حجي ..
عاد و الله ذاك اليوم ماكو صيد و كل شوي مار علينا يخت و اخذ من هالموج، عفسونا والله
المهم اذا بخاطرك الطلعه اليايه حياك ويانا ترى ما نطلع من الجون :)
بلوق العمه
اوكي خلني اشوفه قبل لا انام
-------------------------------
دكتورنا
لا لا تحدق
اي يقولون ماكو صيد ماادري شالسالفه
روحوا الطبعانه جود اتحصلون شي
اخاف ناوي علي شر تبي اتسلمني حق طراد من هذيل يا معود انا اسمي فضيحه على طول اعدام عندهم لوووووول
عندي كتيب اسمه كيف تتعلم الفارسية بخمسة أيام
خل الحداقة يشترون مثله!
الله يصبر اهله و يرده سالم ان شاء الله
من ردى وزارة الخارجية
مرة طاقين دبلوماسي
والحين خاطفين حداق
المرة الياية شبيسوون !
اعيزوا وهم يرقعون بهالعلاقات بينا وبين الدول لما صرنا مطقاقه
كل من يمشي ويدوس علينا واحنا نقول مانبي نخرب العلاقات معاهم خلونا ساكتين لو يبون يقدروا يردونه بدقيقه
الله وكيلك أمريكا طاح اقتصادها وخسرانه للحين ترليون دولار حسب آخر احصائيه سووها بس عشان حرب العراق وافغانستان وللحين تعادي الي يعاديها واحنا نقط على هالدفاع والداخليه وما منهم فايده
خل أهله يروحون البحرين ولا السعوديه يناشدونهم ان جان ما ولدهم بليلتها بايت عندهم
الله يرده بالسلامه حق بيته وعياله
على فكره ما اشوف النواب صرحوا عن هالموضوع ولا تابعوه !!!!!!!!!!!!!
والا بس شاطرين هذاك يوقف مع خرابيط الوطن وساكب الاخ بالصفحه الأولى يتبني قضية ابناء الكويتتين بمصر وذاك راز عمره يأبن بمغنيه وذاك شاطر يطلعلي بيستجوب الوزير الفلاني وذاك كاشخ ومصور وحاط صورته قبل المانشيت يمنع ستار اكاديمي والحفلات الغنائيه والفالنتين وهذووولا صافين ومصرحين ضد الاختلاط وذولاك مع لجنة الظواهر السلبيه ، مو هذا بعد ولد الديره وقضيته هم قضية الديره وأهم من كل هالخرابيط والكلام الماصخ الي طالعينلي فيه
اذا بتحدق
ود وياك بطل مهياوه
وبطل فيمتو
بعدها
دربك خضر
:P
اول شي منطقة الأرياق مو ايرانية
هي منطقة كويتية يعني اهم اللي داشين علينا
ثاني شي تعودنا كل يومين ماخذين لهم حداق وقامتيه شهرين ثلاث
تالي يردونه
!!!!ثالث شي يعني وين نروح نحدق
على القمر
ليش ديرتنا مالها هيبه
ولين حكومتنا مالها كلمة
الحين حداق مع شوية هنود مو عارفين يرجعونهم حق اهلهم
عيل لو كان متهم بشي اكبر
اوووووووف
شي يبط الجبد
يبط الجبد ويحررررر
بس ماني مكمله
والله ضيق صدري هالخبر يمه
انا حسبت يومين ثلاث ما هقيت المده طالت وعفيه عليكم لا تسكتون .. وانا بعد معاكم
يا ربي يا حبيبي رده لاهله سالم غانم
...
انجنير يمه انت لا تروح حداق
اشتر لك حوض سمج وسناره
واذا المغناطيس ملوت قبل بعد احسن واحسن
بو صلوح
لووووووول راح اتصير البدليات لي قبل
--------------------------------
اليوفي
اللهم امين
---------------------------------
محسد
اي والله ذكرتني بسالفة الدبلوماسي ما يندرى شيسوون تالي
----------------------------------
انيموس
لا تعليق :(
--
عشان يعرفون الناس حق منو مصوتين
--------------------------------
فريج سعود
امين الله يسمع منك
--------------------------------
بو راشد
خوش خطه لووووووووووووووووووول
-------------------------------
الزين
ديري بالج لا تطلعين بحر
لا تكملين لا تكملين يبا ادري شبتقولين
--------------------------------
العيوز
انشالله يرجع
لوووووووول شخباري المغناطيس
احلى شي لما نفتح حلوجهم غصب عشان انصيدهم
--------------------------------
عسى الله يرده سالم لأهاه يارب
و ذيلاك ربي فوقهم و بياخذ حقنا منهم يعلهم ما يربحون
لا ما قالو لا تحدقون
لا تظلمهم
و بعدين عادي
اشفيك
بيورونه معالم تهران و يرجعونه
حسبي الله و نعم الوكيل
بتنفقع مرااااارتي
:((((((((((((
كل واحد يحطله برجه بالبيت فيها نويبيه و زبيديه و جم سمجه و يحدق ابيتهم
what to do
انشالله يرد بالسلامه
عساه يرد سالم
ان شاء الله
و الحمدلله سأمارس
هواية تربيةالاغنام و الرعي
ناحية الجنوب
على الاقل
فرع العائلة الممتد هناك يفكونا مع كلمة نخيتك و هم ارحم من الحرس الثوري و لامنة حكومتنا الرشيده
الله يردك سالم انا متفائل
وزير الخارجية بطهران
احتمال بيسوي مفاجاءة و يرد معاه علىنفس الطيارة
:((
مؤلم
ان يصبح الانسان
من آخر اولوياتهم
!!
سدره
امين
--------------------------------
داركنس
سلامة مرارتج
-------------------------------
مارشميلو
مافي الا جذي
انشالله
----------------------------------
انتر
انشالله
على الاقل عيال عمنا يفهونا
اتمنى
----------------------------------
واي مي
:(
--------------------------------
وطن
مؤلم وايد
الله يرده سالم.. والخفر اداءهم غير مرضي عنه البته في هالموضوع
ايه صح عيال عمكم اللي يابولنا هايف و ربعه
يعني بترقعوهنا
انتوا الظاهر ما سافرتوا السعوديه و ما شفتوا المعامله الزفت و التخلف اللي عندهم
ما طاح الا انبطح
صج الكويتيين يتلزقون بالغير و متحسفين ان عندهم الجنسيه
يا يتلزقون بإيران يا يتلزقون بالسعوديه، ليش عند اقرب مشكله تنسون انكم كويتيين و تتلزقون بأقطاب التخلف في الشرق الأوسط؟؟
Post a Comment