Saturday, August 16, 2008

الاتحاد الكويتي لطلبة الكويت شربوا شاي

قبل جم يوم رحت جمعية من الجمعيات لان زقايري خلص وانا طبعا مااروح الجمعيه الا حق الزقاير فقط لا غير .. المراد وانا طالع من الجمعيه والا اشوف واحد فليبيني لابس كبوس ويوزع كوبونات مد ايده بيعطيني قلتله شكرا ماابي والا المح شعار الاتحاد الوطني لطبة الكويت ؟؟؟؟ قلتله ييبه خلاص ابيه خذيته منه وانا اقول الاتحاد شنو يوزع ؟؟


الطامه الكبرى مكتوب وفر اكثر من 80 دينار والخصومات بس من مطعم بوبايز و ليتل سيزرز ؟!؟ اعتقد ان الاتحاد الوطني يخدم طلبة جامعة الكويت واعتقد انهم لما سوو هالكوبونات اقنعوا الشركه ان هالكوبونات حق طلبة الجامعه مو يوزعونهم بالجمعيات


والشي الي يضحك ان الكوبونات غير صالحه مع خدمة التوصيل وغير صالحه بالاعياد وبعضهم زادوا عليهم صالح في فرعي حولي وسيتي سنتر الشويخ وكلهم صالحين لغاية 30\8 يعني عقب اسبوعين تقريبا .. الظاهر ما وزعوا هالكوبونات الا حق ربعهم ولما طاح بجبدهم قالوا بدال ما نعطيهم حق القوائم الثانيه انوزعه بالجمعيات دام مابقاله شي وينتهي ... شنقول بعد هذا اتحاد طلبتنا جنه وصلوا 27 سنه واهم ماسكين الاتحاد .. اعضاء مجلس امتهم طاحوا واهم لي الحين يفوزون


---------------------------------


هالفيديو موتني من الضحك وكلما اعيده اضحك اكثر ... يقولون والعهده على الراوي ان هذا واحد بدون ومو صاحي كب الماي على هالشخص تالي ربع هالشخص قالوا حق الموصاحي شربه شاي عشان لا يروح يشتكي عليك بالمخفر










اللهــــــــــــــــــــــم لا اعتـــــــــــــــــــــــــــــــراض

28 comments:

Miss-Q8 said...

loooool
الصراحة هالكوبونات متوزعة من الكورس الأول إلي فات .. و الظاهر مثل ما قلت طال عمرك .. طاحت بـ جبدهم
و أزيد عليك يمكن رئيس الاتحاد ساكن بـ منطقتكم :pPp~

أما الفيديو .. بدون ما أشغله عرفته لوووووول
هذا الوالد صار موزع معتمد حق هالفيديو , يميشي و يوّزع فيه بلوتوث على الكل من شافه @@

:)

يعطيك العافية ,

~~~

eng-girl said...

لووول

ترى هالكوبونات من الكورس اللي فات

مامنهم فايده

حتى انا هذاك اليوم طالعه من الجمعيه الا الهندي لاحقني قلتله مابي شسوي فيه :P

بس هذا اتحادنا شنسوي ...

تدري شنو المشكله اني اعرف واااايد يصوتون لهم و يذمونهم .. انزين ليش ؟؟ لاتصوتون لهم

يقولولك لالا مايصير .. مانقدر مانصوت لهم

افف يرفعون الضغط


اما الفيديو ....لووووووووووووول

عنييف

:P

Fahad Al Askr said...

على حد علمي

مطعم ليتل سيزر وبوباي مملكوين حق واحد واصل بحدس

زين غير هالمطعمين في شي يسوى نستفيد منه قبل رمضان؟

Eng_Q8 said...

مس كويت

من الكورس الاول ولي الحين ظل عندهم كوبونات ؟!؟ مافي مستجدين مافي طلاب ... منو رئيس الاتحاد اساسا :)

اي عجيب

الله يعافيج

-------------------------

مهندستنا

انغيره هذا الي المفروض انسويه

بيني وبينج يعرفون اشلون يكسبون الناس مو مثل الباجي

---------------------------------

بو عسكر

ممممممممممممم

عدل اشوف ليش حاطين هالمطعمين بس لا وشروط تعجيزيه يعني ماكو خصم بس دعايه

يفتحون قبل المغرب حق الي ما يصومون :p

الزين said...

@@

ما يسوى عليه استكانة شاي



انزين انا شرهانة

وزعلانة

بس ما راح اقول لما تسألني ليش

:(

why me said...

looooooooooooool


حاله كسيفه

Eng_Q8 said...

الزين


ليكون عشان فيروز ؟

-----------------------------

واي مي

حدها

kuwaitawy said...

لوووووووووووووووووووووووول


الفيديو هذا شايفه اكثر من عشرييين مرره


لوووووووووووووووووووووووووول


وكل ما اشوووفه بطني يعورني من الضحك

kuwaitawy said...

لوووووووووووووووووووووووول


الفيديو هذا شايفه اكثر من عشرييين مرره


لوووووووووووووووووووووووووول


وكل ما اشوووفه بطني يعورني من الضحك

J Daily said...

وقفت عالجامعة؟
الرزنامات في وزارتنا ما يتوزعون إلا شهر 8 من كل سنة (:

لما تنتهي السنة يطلعون كل إلي بالمخازن (:

-
واقولك إشرااااب جاااي

Mohammad Al-Yousifi said...

كرم الضيافة

Hamad Alderbas said...

لوووول

ما سوى عليه الجاي بغى اييله مو خوش راشدي :)

الزين said...

لأ

فيروز هذي فوق البيعة

انا ليش اسمي مو موجود ؟؟

مع ربعك اللي على جنب

لماذا؟؟؟

someone_q8 said...

السلام عليكم
بشمهندسنا ولا عليك امر اتجيك على الايميل
لاهنت

enter-q8 said...

توني ادري ان في اتحاد
خو كل اشوي واحد طالع تحت ما ادري اي مسمى
شغل تيش بيش
الا شخبار بطاقة الطالب
اللي حتى اذا انت مو طالب
يسون لك فيها خصم
و كلها محلات بو طقة

اتمنى اشوف الخصومات على الاماكن اللي تستهلك مادة الطالب مو العلاف بس

Eng_Q8 said...

كويتاوي

اي عجيب :)

---------------------------------

يعقوبو

لا ما وقفت على الجامعه بس لو بكتب عن الديره بكبرها ماراح اخلص خلها ستب باي ستب

لوووول تخيل اتصير فيك

--------------------------------

مطقوق

اي زايد العيار

--------------------------------

حمد

عاد عليه ايد مو صج

-------------------------------

الزين

انتي بالقلب والله

انتوا وايد ماشالله

خلاص راح تتغير السياسه واحط هذا الي انتوا حاطينه وهم بحطج باللسته امري بعد

كل شي والا الزين

-------------------------------

انسان كويتي

وعليكم السلام

ابشر

-------------------------------

انتر كويت

اشدراني عنهم يمكن لانهم ربعي ف مضبطيني :p

طل ماراح اتحصل خصومات في ببلاش بس حق ربعهم اسالني

JuVeNTiNa said...

اي والله شربوا شاي ..

هاهاها والله مهابيييل

قلب طفله said...

@@

للحين عندهم من هالكوبونات

من الكورس الاول وين ما تمشي بالكليه

يوزهون و صلوا للجمعيات بعد لوووول


هههههههههههههههههههههه

امبيه الفيديو مو طبيعي

ينعاف هالجاااي :P

فريج سعود said...

انا عندي قصة طويلة عريضة على سالفة هالكوبونات

الفيديو ضحكك
انا موتني قهر

شنو يعني غصب الا تشرب شاي

كويــتي لايــعه كبــده said...

الحمد لله والشكر

على الأثنين الاتحاد واللي بالفيديو

Q8Sky said...

الجمعية اللي ابالي ؟ اذا قلتله ابي زقاير جنك طالب مخدرات ؟

Alromi said...

بعد السي اذا طاح بلجبد جذي يصير فيه
اسمحلي الفيديو حدى عجيب
خخخخخخ لووووووووول
:)
يعطيك العافيه

Anonymous said...

الطول طول نخلة والعقل عقل صخله حاط دوبك دوب الاتحاد ماتخرجت وخذيت ماجستير مايسوى ورق الشهادة ومشوار للجامعة؟ شتبي مجابل اتحاد الطلبة

Kuwait said...

لوووووووووووووووول الفيديو مو صج ..
أما الإتحاد لا تعليق من قبل مو توهم ;p

Shaden said...

ها ها ها

Unknown said...

اول شى حسدتك لانك بس تروح الجمعية حق الزقاير
ثاني شى هالمطعمين بالذات غثيثين وما ينبلعون علشان جذى طايحين بجبد الاتحاد وانا لو من هالاتحاد اوزع فلوس على الطلبة احسن

bakah said...

راعي واجب والله .. :)

ترا عيب واحد يعزمك على شي وتطنشه .. فيها حق .. زين ما ذبحه هههههههههههههههههههه

Eng_Q8 said...

اليوفي

حدهم

----------------------------------

قلب طفله

اشدراني عندهم

ما يحدر كلش :)

--------------------------------

فريج سعود

قولها

اي غصب

------------------------------

كويتي

الحمدلله

------------------------------

كويت سكاي

اي وحده فيهم عاد

---------------------------------

الرومي

الله يعافيك :)

-------------------------------

انيموس

شنسوي ماكو شغل وبعدين الطول هيبه

ولو باخذ دكتوراه الغلط بقول عنه غلط وبعدين الاتحاد معصوم والا شنو ؟؟

ارقى شوي بالحوار حبيبي

---------------------------------

كويت

الشرهه علينا

---------------------------------

شادن

هي هي هي

---------------------------------

مشاري

هذا كان القصد من هالكلمه لازم احركم :)

باباجونز احلى

---------------------------

مطعم باجه

اي عدل عدل :)