Tuesday, August 19, 2008

شوية تعب يا جريدة الراي

جريدة الراي وضعت موضوع الاسبوع الي طاف وكان الموضوع ان هناك 15 كويتيا مسجلين بانهم اشتروا شهادات من جامعات امريكيه .. ولكن لما دشيت على السايت لقيت شي ثاني
.
في اسماء لا يمكن يكونون كويتيين .. بالمعنى الاصح اتوقع بانهم مقيمين بدولة الكويت وقد سجلت الاسامي على هذا المنطلق وهنا يكمن السؤال فاذا كانت الجريدة تريد ان تجعل الاعداد كبيره وعدم التحري عن الموضوع وهي جريدة كويتيه رسميه اعتقد انها صعبه فلا اعتقد ان السبق الصحفي مهم اكثر من المعلومات الدقيقه لجريدة تحتر قراءها وتحترم الامانه الصحفيه .. ويمكن ما كان قصدهم الله واعلم كل شي جايز هالايام
.
كان حريا بالراي قراءة الاسامي قبل قراءة اسم الدوله لان الامانه الصحفيه تحتم المصداقيه بنقل الخبر فمن المستحيل ان يكون كويتيا اسمه جوتيا او جودري ؟!؟ صعبه ترى واذا وجد اهني عاد انا احط مليون وميه وسبعتعش الف وخمسميه وواحد وسبعين علامة استفهام بعد السؤال .. اشلون كويتيين ؟؟؟
.
اتمنى ان يكون لبعضكم فكره عن الموضوع ويحل اللغز الي ميحيرني هل كلهم كويتيين هل تم التحقيق معهم ... اترككم مع السايت هذي القصه وهذي الاسماء بالترتبيب على حسب الدول

.
---------------------------------------

.
الشيء بالشيء يذكر هل الحكومه ملزمه بدفع المكافئات للطلاب البدون الذين يدرسون بالخارج ؟؟ شي غريب بصراحه على اي اساس يطالبون بالمكافآت وليش وشحقه ؟؟ بتقولولي انسانيه ؟!؟ والله اهو ماراح درس بره الا واهو عنده فلوس شكو يطلب من الديره فلوس ... عيال الديره وغصب يعطونهم هالدور يعطونكم لا وتدرسون بره ووين بالبحرين الي امنعوها عن الكويتيين ؟؟؟؟
.
حدث العاقل بما يعقل البحرين وقفوا اغلب جامعاتها عن الكويتيين مجلس الامه ممثل للمواطنييين الكويتيييين الفلوس هي ملك للشعب الكويتي .. اشلون تبون اطالبون اعضاء مجلي الامه عشان يصرفون لكم مكافآت وعلى اي بند الحكومه راح تصرفلكم فلوس وعلى اي اسااااس ... واشلون عندكم جوازات اتسافرون فيها على راحتكم ؟؟ الا اذا عندكم جواز سفر ثاني واهني الدوله تخلي المسئوليه منك لان الي اعرفه ان جواز 17 يعطى لسفره واحد وانتوا اتقولون انكم اتسافرون واتردون والتذاكر غاليه عليكم شي غير طبيعي
.
ممكن اسكت و اوافق هذا التوجه بحاله وحده فقط لا غير الا وهي انهم يكونون ابناء الكويتيات غير هذا اقول اشرايكم بعد تاخذون دعم العماله وتاخذون قروض الزواج وتطالبون باسقاط القروض ؟؟؟ ابتلشنا والله

.

اجازه جم يوم وراد انشالله

.

.

اللـــــــــــــــــــــهم لا اعتــــــــــــــــــــــــــــــــــــــراض

17 comments:

Kuwait said...

مهندسنا بالنسبه للأسامي انت شايف دفعات التجنيس ؟
والله أساميهم لا تمت للعرب بصله مو بس ان كويتيين ..
ويالله إخذ هندي جنسوه قلسطيني عزوه ورزوه وجنسوه ايراني هم نفس القصه باكستاني وغيره وغيره وغيره
كل ذول أساميهم حدث ولا حرج ويامالك من الخير بييك جيل تلاقي فيه ولد مع ولد كومار بنفس الصف وكلهم كويتيين :)
أما على سالفة البدون الي يطالبون بالمكافآت أنا أقول يعني حتى لو درس وبعدين شنو بيسوون بالشهاده ؟
يشتغلون فيها كوافدين !! يعني بالحالتين اهو مو من عيال الديره
هذا الي لازم يفهمونه :D
يعطيك العافيه مهندسنا ما قصرت ..

Eng_Q8 said...

بعد شنسوي

اي والله صاجه

الله يعافيج

kuwaitawy said...

والله يا مهندسنا




مثل ما قالت الاخت كويتية

اسامي دفعة التجنيس لا تمت للكويت بصله




وعادي اتوقعها من الراي يمكن ماكانو دقيقين



تحياتي لك ولا تطول الغيبه

Anonymous said...

من متى كان للراي مصداقية
مالكها بزنسمان ويبي كل اموره سالكه
وتبي يصير عنده مصداقية

بخصوص الطلبة البدون .. النواب يلهثون ورى اصوات اقاربهم الكويتيين

بوتشخيص said...

الشكوى لله شي يحر والله

why me said...

انا مع كويت


وترد بالسلامه

molok said...

مهندسنا ..

مثل ماقالت كويت .. صارت الاسامي تغشك .. يعني من متى في كويتي اسمه خان ..!!

والبدون .. يبه الموضوع كله مطالبات في مطالبات .. شافوا الكل يطالب .. قالوا احنا بعد وياكم .. :)

موفق ومشكور

كويــتي لايــعه كبــده said...

أغلب الأسماء لغير كويتيين

بعدين انت حاط الراي والموضوعية المهنية بنفس الجملة؟

انت الغلطان

بـنـت بـطنـهـا said...

امبيه انت مجيك جم واحد PHD بس؟؟؟
جنسية يديدة وبي اج دي وايي يتوظف بالبترول وخلني انا وياك وربعنا من وزارة الشؤون لي وزارة الاعلام لي وزارة الأوقاف لول

انا ما اقول إلا

الغريب اللي تمسكن
يا من اقصاه وتمكن
خذ مكاني ويوم دكن
دق في قاعي وتد

ويقولون يا كويتيين ليش تتحلطمون لول يعني نتحلطم ولا نموت من القلب والضغط والسكر؟؟

البارت الثاني من البوست نفس السؤال اللي طرحته على نفسي شلون قاعد يسافرون اساسا؟
بس تبي الصج؟
لو عندنا جامعات بالديرة وفيها كل التخصصات والمراحل مو جان زينه لنا ولهم؟

الله يرحم حالهم وحالنا

Anonymous said...

بالنسبة حق الاسامي
ترى احتمال في اخطاء بنقل الاسماء خصوصا اذا قريت القصة ..وزارة الخارجية الامريكية رفضت نشر الاسماء يعني تغيير حرف او حرفين الواحد يضيع و يمكن نقل الاسماء حق الجريدة صار بالتليفون.

اما البدون و مطالباتهم
شي طبيعي..يبا نص نوابنا عندهم اهل بدون ولا يعني ما تدري؟
يبا باجر البدون له اولوية بكل شي واحنا راح نصير مواطنين من الدرجة الثانية

Salah said...

بالسلامة ان شاء الله

S-Q8 said...

tro7 wetred bel salamah
bs inshallah going somewhere nice;)

enter-q8 said...

الامانه الصحفيه تحتم المصداقيه بنقل الخبر
الراي عاد
هههههه
*******************

اما موضوع البدون
مره قلت حق عضو انت اللي منتخبينك البدون و الا كويتيين
قالي قضية انسانية
قلت له معليش
بس احنا كم واحد و مشاكلنا ما خلصت لا صحة لا تعليم لا بلاوي
خلصنا بالاول و بعدين شوف جماعتك

************

للحين يرطي على بالي كاركتير
علي فرزات

لما يقول الجالية الكويتية ترحب بكم في دولة الكويت

kuwaitforus said...

ترى عادي اسماينا صارت ماتنعرف

Barrak said...

تروح وترد بالسلامه
وكاسك

صبا said...

وينك من غير شر ؟؟


طولت يا خوي ورمضان قرب ...


اجازه موفقه يارب
انشالله تستمتع فيها صح

شقران said...

مهندسنا العزيز

علامك طولت يالغالي


ناطرينك



مع خالص التحايا