Monday, September 8, 2008

تكفون ارحموها

طلال الفهد يقول مالي شغل ومرزوق حاط طلال بمخه والتكتل يبون خمس اعضاء والحكومه اتقول شي وبن همام يقول الشيوخ اهم السبب واحمد الفهد يبي يرد عشان ينتشلها من الضياع على قولته واحمد اليوسف يقول عطوني منصب وانا اردها وضعنا بين حانا ومانا ... ومنو المتضرر طبعا الكره الكويتيه لو تقدر تتكلم جان اصرخت و قالت ارحموووووني تكفوووون هدوها ترى وصلت الحضييييض
اللهـــــــــــــــــــم لا اعتـــــــــــــــــــــــــــــــــراض

25 comments:

مُحَسّدْ said...

صراع الأقوياء !

كش ملك said...

انا واحد من الناس ابي يلغون شي اسمة رياضة بالكويت بعد هذى الهزايم
والفضايح

Fskra said...

astanes adesh o alageek et7l6m ;p

no comment kfeet o wafeet enta ;p

Miss-Q8 said...

كان ودي أطبق العنوان و أرحمك من تعاليقي قبل الفطور : )

بس آنا غسلتْ إيدي من منتخبْ الكويتْ لكرة القدم لأنه منتخب فاشل و لواعيبه يفشلون !!
و اتجهت لـ تجشيع منتخب كرة اليد و التنس ;p


<< اخوانها متوقع ينضمون لهم
<< بس إن شاء الله ما يقردونهم :)


يعطيك العافية مهندسنا ,

nanonano said...

أنا قعدت بهالصيفيه مع مدرب المنتخب الأمارتي..و سمعت وجهة نظره بالكره الكويتيه..أتهقى شنو كان موقفي..كان ودّي الأرض تنشق و تبلعني..و المشكله كلامه كان صحيح

Eng_Q8 said...

محسد

ولا واحد فيهم قوي بالعقليه الكرويه

---------------------------

كش ملك

الحل ابتعاد كل المتصارعين على الكراسي والا رساضتنا زينه والدليل رجاال منتخب اليد

-------------------------------

فسكره

انا كل متحلطم :)

اوكي :)

-------------------------------

مس كويت

لووووووووول

اسباب تردي المنتخب معروفه بس لو يفجون عن الكره

--------------------------------

نانو

شنو قال ؟؟

مدرب الامارات ميتسو صح ؟

---------------------------------

ma6goog said...

اكشن

MO3ATH said...

الصوره معبره حدها :)

molok said...

كل اللي اقدر اقوله ..
عافج الخاطر

Sn3a said...

ضيعو كل من ودا يرفع اسم الكويت
اعوذ بالله منهم من بشر
اعوذ بالله

Kuwait said...

خلك على روما :)

Mishari said...

نامو فيها خلاص باي كرة

du3aijiah said...

عماااار ياكويت
والله يرحم أيام فهد الأحمد الله يرحمه
في ذيج الايام وصلنا كاس آسيا..الحين حدنا كاس ماي نشربه والود ودنا نكبه
السموحة اذا غلطنا بس من حر مافينا
وسلامتكم وتعيشون

Dr. Academy said...

احنا نزلنا وايد عن مستوى الحضيض ..

قبل كم سنه كنا بالحضيض بس الحين لا ..

انا اعتقد ان الفيفا راح يجمد الاتحاد للابد ..

وسلامتك ... نبي نرجع التماثيل اللي حاطينهم بالمدونه

هل من معين ؟؟ :)

على نفسها جنت براقش said...

الحل ما يصير الا اذا صار اللعب بكرة مربعه
و زواياها حادة

تلبس براس اللى تبيه و تفكك منه قضاء و قدر

:)

نزعة عدوانيه
:P

Eng_Q8 said...

مطقوق

اكشن بايخ بصراحه

-------------------------------

معاذ

حاظرين :)

---------------------------------

ملوك

حاولت اسامح ولكن ماني بقادر

---------------------------------

سنعه

اعوذ بالله من ابليس واهله

----------------------------------

كويت

هذا الي صاير :)

---------------------------------

مشاري

انشالله ترد

---------------------------------

دعيجيه

عادي اخذي راحتج

الله يسلمج

--------------------------------

دكتور

الله لا يقوله يمكن القادسيه ياخذون كاس اسيا

قريت الموضوع اول ما نزلته بس وين انحطه

--------------------------------

براقش

هلا بالقاطعه

خوش فكره :p

Ni3Na3aH said...

el reyatha hny t3awer el galb o tfashel ;/
ga3den nred wara bkil shay
ya3ny wallah its not rocket science ina el wa7ed yjabil el reyatha wel reyatheyen o yderhom o yehtam feehom
walah fesheelah

كويــتي لايــعه كبــده said...

ء
"ينتشلها من الضياع"

اللي ضيعها منو من اساس ؟!؟

صج الوجه ممسوح!

الشيخ الوحيد في التاريخ الحديث اللي الجمهور نادى باستبعاده "بالأسم" باعتباره فاسد علني

محـــــارة said...

ترى وصلت الحضيض أهوه أكو بلأصل كره عشان توصل انتهت من زمااااان أخر جرح انهاها كأس الخليج 16

صدقني نصيحة من أختك متابعه رياضيه سابقة اعتزل الكرة الكويتية ولاتابع أخبارها لا من قريب ولا من بعيد حتى لو تطلع لك بالرموت غمض عيونك واحلم بوين تروح اليوم

ماراح يتغير المسلسل وكلهم عصابه وحده بس يغيرون ويبدلون الأدوار مابينهم وكل واحد اردى وسوري على هالكلمه بس يستحقونها أحقر من الثاني

فلانصير وايد حلمانين ونقص على روحنا ونقول يمكن تتعدل خلاص ماراح تتعدل لما الحكومة تبيها تتعدل ولما الوضع بالدولة بأمور غير الرياضه يتعدل اهني نقول يمكن تنولد كره يديده ولا حاليا ميته

Eng_Q8 said...

نعناعه

اي والله فشله

ما يبيلها شي والله

-------------------------------

كويتي لايعه جبده

الريال بينتشلها هذا يزاه :p

Eng_Q8 said...

محاره

جذي انغسل ايدنا من كل شي

kuwaitawy said...

الكره الكويتية





من انحطاط الى انحطاط



لكن اللي يضيق خلقي ان اكو لاعبين والله يقدرون ييبون كاس اسيا

لكن ادارة ماكو

Eng_Q8 said...

كويتاوي

اي والله ماكو اداره

maqhor said...

عفوا اخوي اي رياضه؟؟
واذا ممكن ما دام انك متابع الرياضه...اي فنيله برشلونه تقدر تدبرلي وحده

مقاس ميديام ما عليك امر

Eng_Q8 said...

مقهور

الرياضه الكويتيه :)

اوكي مرنا باجر اتحصلها تبي تقليد درجه اولى والا شغل الصين