Sunday, September 14, 2008

جريدة الآن تتوارد الخواطر

اولا شكرا للانيموس الي حاط اللينك بالبوست الي طاف والا انا ماادري شالطبخه .. انا بسال سؤال حق جريدة الان اي منتدى حاط هالموضوع ثاني شي تتوارد الخواطر بالموضوع وبفكرة الموضوع مو تتوارد بنفس الفيديو طبعا عادي صار عندي مناعه من الموضوع وانا اساسا زهقت كل مره قاعد اتحلطم جني عيوز بايقين عشاها والله زهقت جنه ماعندي سالفه غيرهم كل شوي حاط توارد خواطر لي متى يعني بحط
.
بس عندي سؤال بريء لو اي احد ياخذ موضوع من واحد مع التحالف والا حدس والا بطيخ شراح يكتبون .. طبعا بيحطونه مصدر كالعاده اما الطوفه الهبيطه زي حلاتي وزي الشباب الباجين ياخذون ويعطونهم طاف وحطولك كالعاده مصدر والا منتدى والا مااذكروك بالاساس ... الشرهه مو عليكم علي انا الي ملقيكم بال بس شي يبط الجبد بصراحه بس بشكل عام هناك الكثير من توارد الخواطر بين المدونين والصحف اعتقد انهم لو يحطون لينك المدونه مافيها شي يبا انا بالطقاق لا تحطوني حطوا الباجي والا السالفه على ناس وناس يعني وهذا الي فاقع مرارتي ليش على ناس وناس هل احنا عيال الخدامه مثلا .. وخاصة جريدة الان يعني لو اتحطون مقال كاتب بدون ما تحطون اسمه شيسوي فيكم
.
ماني كاتب شي انعفس المزاج حسبي الله على ابليس واهله.. اللهم اني صائم ... بس نصيحه حق الي كاتب لي بغيت اتكروت موضوع لا تحط نفس الفيديو يالحبيب كروت عدل زدت جم شغله وكلمت نائب ماادري متى اوكي وخذيت اشكثر ياخذ فلوس من الكومنت هم مو مشكله بس اتحط نفس الفيديو .. وبعدين هذي مدونه مو منتدى يالذكي
.
.
اللهـــــــــــــــــم لا اعتــــــــــــــــــــــــــــــــراض

12 comments:

Kuwait said...

مهندسنـــا ..
شنسوي فيك انت مو راضي تحط رسوم حق بلوقك خل الناس تدش بعد ما تدفع نص دينار عشان محد يبوقك الا وانت ماخذ حقك ;p
نصيحه لوجه الله روح صير كاتب واكتب حالك حال هالكتاب البواوقه عالأقل انت تكتب بمصداقيه ومو قاعد تبوق :)
واللهم اني صائم الساعه 2 ونص بالليل ؟؟
للحين انت صايم ؟؟ ;p

صبا said...

صج شي يحر

حط بالك لا يبوقونك

وين نلقاك بعدين ؟؟؟

kuwaitawy said...

هههههههههههه

والله مادري يا مهندسنا

اضحك ولا ابجي


توارد خواطر و مره ثانية بعد؟؟؟؟؟

هههههههههههههههه

Eng_Q8 said...

كويت

لووووووووووووووووووووووووووووووول

الصوم مو بس عن الاكل يا اختي العزيزه اشرايج فيني وانا اسكتج :p

شكلي انا الي راح ادفع النص حق نفسي يعني اخذ من جيسه وعايده

لا انا مااكتب بالجرايد ممنوع :p

----------------------------------

صبا

ورا المحول :p
اذا شفتي واحد يدخن هذا انا
--------------------------------

كويتاوي

اضحك يبا شوارنا :)

مُحَسّدْ said...

جليلين حيا

كويــتي لايــعه كبــده said...

أنا واحد ما عندي مشكلة

ما ياخذون مني لأن مواضيعي ما تتحملها الجرايد
:)

الا اذا الصقر يبي يطب بالخرافي؟
...حياه الله

لووول



انت شفت احد التعليقات اللي تدافع عنك وبطها بوجه المحرر انه بايق الفكره منك بالاسم!؟

Sn3a said...

خنت حيلي يابش مهندس
هذا اكبر دليل ان بلوقك له قيمه ومقدار وكلمتك ثقيله


بس اهم مايستحون
لاتحر عمرك ياخوي
ودز ايميل حق الجريده خل يحطولك اعتذار

Dalal_eng said...

تحقى صدفة جريدة الان تثير الموضوع قبل زيارتة للكويت بجم يوم حق جائزة مبارك الحساوي وفي علاقة لبن طفلة للموضوع لانهم اشارو بمنع دخولة بالمانشيت الرئيسي

Miss-Q8 said...

فقر فكري طال عمرك
إذا اهوا صحفي و ما عنده مادة يكتب عنها ؟ شتبيه يسوي ؟

يبوق : )
ليش لاء ؟

;pP~

حط له تحويلة .. من يوصل بلوقك يتحول على بلوقي خله ينصدم شوي بالمستوى الرديء لوووول


~~~

ZooZ said...

لا تتضايق يفشلون والله
خوش رد من الحربي

eng-girl said...

والله شي يقهر

بس لا تنقهر و عطهم طااف

اي صج

ليش ماتكتب بمجله او جريده ؟
والله ماشالله يعني طرحك وايد حلو

و اهم شي ان حقوقك بتكون محفوظه


و لا تتضايق :)

Eng_Q8 said...

محسد

ذكرتني بالنفيسي الله يرحمه :)

--------------------------------

كويتي مكثر على الفطور ولايعه جبده

نهائيا ما تتحملها

لوووووووووووووول

هذا رجل حبيته

-----------------------------

سنعه

مشكوره :)

ماراح يردون عليه مثل ما قرى البوست خل يقرا هالبوست

-------------------------------

دلال

ماادري المهم ماخذينه مني ومااذكروا المصدر

-------------------------------

مس كويت

اهو كاتب منتديات ليش ما كتب بلوق ؟

مو رمضان ؟

محشومه :)

-------------------------------

زوز

اي والله خوش رد

---------------------------------

مهندسه

مااحب اكتب بمكان ويتحكمون فيني شنو اكتب وشنو مااكتب وبعدين من قالج يبوني :)

---------------------------------