البورصه طايحه .. اصور بالجريده واحد ببيع زوليته وواحد يبجي وواحد ماسك ورقه ماادري شكاتب فيها .. والكل يحلل والعموم معصب .. اتروح الدوانيه مالهم الا البورصه اتروح الجمعيه تشتري زقاير المصري يقولك اخبار البورصه ايه واتروح الدوام هادين الشغل ويتكلمون عن البورصه تقرا الجرايد النواب كل من وقام يفتي من يوتيوب لي بورصه الكل يفهم ماشالله ماكو احد يقول ماادري مع انها مو عيب كلمة مادري .. على العموم بما اني لست ضليع بالبورصه ولا مضارب فيها ولا اعرف خباياها بكل صراحه .. اعجبتني مقالتين ولازم احطهم الاولى بقلم الزميل فرناس والثانيه بقلم عبداللطيف الدعيج .. ليش اعجبوني لانهم ردوا على تساؤلي الي اهو شنو ذنب الي مو مضارب بالبورصه .. وماادري ليش الكل خاف على مصلحته وقام يتكلم عنها .. تدرون شلون شكلي بكتب الف بوست عن كادر المهندسين مو العموم يتكلم عن البورصه
.
واترككم مع فرحة القناة العراقيه بالاستيديو الاخباري لما ارتفعت بورصتهم ... عندهم بورصه والا لأ مادري بس لا تشوفون الدقيقه 4 دقايق و10 ثواني وفوق لانه سب طبعا ادري ان اكثركم راح يطوف الفيديو ويطالع هالدقيقه .. اتهقون كل استيديوها الاخبار جذي ؟؟
اللهــــــــــــــــم لا اعتـــــــــــــــــــــــــــــــــــــراض
24 comments:
مهندسنا
الفرحة هذي قديمة بمناسبة فوزهم بكاس آسيا
وبالنسبة لكادر المهندسين أبشرك مابقى شي أيام قليلة وبتشوف
هناك موافقة من اعلى المستويات
بو الدستور
وانا حسبالي عشان البورصه :p
انشالله الله يسمع منك العموم قام يتكلم عشان مصلحته ليش احنا منطمين بس بصراحه انا متشائم تدري ليش من رئيس جمعية المهندسين يايهم ببوست لا تحاتي :))
واحد شحليله متثيقل والثاني رايح فيها :\
كويت
واحد عنده اسهم والثاني لأ :p
أنا بعد مــــــادري
:)
لووووووووووووول
مو قادر يقعد على حيله
هذا ليلحين يقدم أخبار؟؟ اتوقع ماله ويه .. الا جان ويه مغسول بمرق
وايد عجبني طرح المدون فرناس
والله الموضوع مو بس بالبورصه..الموضوع الخوف من مرحلة الكساد اللي ياي
ذاك الوقت حتى البنشرجي ما راح يلاقي أحد يصلح عنده
مادري ليش تخطر ببالي قصة سيدنا يوسف ويا العزيز
:)
" سبع بقرات"
خل ايمعون العدد الي يبونه وبتشوف شلون البورصه بترتفع لما تكلموا عن اغلاق البورصه او وقف التداول شفت شلون خافوا التجار او عمدة السوق ؟ اكبر دليل ان الهبوط متعمد والرفع قريب وخل عينك على بورصة شهر 12
اما بورصة العراق فيكتبون على صبورة والاخ الي يكتب بس شاف الكاميرا عليه رفع السهم خمس مرات بعشرين ثانية ههههه
يحليلهم
كواولة ماكو فايدة :P
باش مهندز
البورصة رايحه حمر
وانا مع فرناس
مع اني ما اقدر هذا بالدوام
يموتون من القهر
ذكروني باسقاط القروض
حتى اللي معارض الاسقاط
اذا عليه قرض
بيصير يفكر كذا مرة
ويقول أسكت مع اني مو عاجبني
يمكن يطيحونهم واستفيد
يعني هناك ما نطيح القروض
وهني نغطي خسارة الهوامير؟؟
أما الفيديو
مالت على الداونلود البطئ
خلاني اشوف الرقص كله
واخر شي سب بالعراقي
وانا قاعده بالصالة
والصوت حده عالي
لووول
خوش مقالتين
الله يعطيك العافية
خربها حلم قندرة
قاعد يرقص ببداية الفيديو
الله يهداه .. مابطل رقص للحين !
امبي صج؟؟؟
الحمد الله والشكر
قطيعه لوع جبدي بسخافته
جنون البقر
والبورصه اشوه بعيده عنها
ولا جان مت من القهر والحرررره
وتستاهلون الكادر
والحمدلله علي السلامه
هذي تسميها قناة :D
على قولتك العموم يطوف :p
يبه افضل شى تدور وظيفة ما يعتمد معشها على النفط
نجار
طباخ
حداق
بياع ورد
اي شى
انا ودي اسأل أحد هالسؤال
بس خايفة ياكلوني بقشوري
:\
الحين معلش ...
التجار خسروا والتجاره ربح وخساره والكل عارف
هالشيء
بس المواطن ماراح يستفيد ابدا من هالوضع
??
واقصد المواطن البسيط
يعني لما الاراضي ينزل سعرها ويصير عنده امل يشتري..
لما العرض يزيد عن الطلب ويضطر التاجر يخفض سعره ...عشان يلقى شراي
عقب النهب اللي نهبوه
الناس كل هالسنين
هذا مو في صالح المواطن البسيط
?
تكفى دورلي الاجابه مهندسنا وقوللي
:))
السلام عليكم
الله يعوض اللي خسر في البورصة
وهالعراقي الظاهر من زمان يبي يرقص بس ماقدر :)
ابن الجنق
بورصة
شنو اصل هالكلمة
الكل يتكلم ولاعت جبدي وانا اسمع او اقرا عن البورصه
بو عرقه ماكو فايده
مادري ليش كل الفيديوز عندك ما يشتغلون
:(
مهندسنا
صح لسانك و سلمت يمينك
بنفسجيه
اشدراني عنه خل اشوف تلفزيون الكويت عشان اشوف تلفزيونهم
----------------------------------
نانو
طرح ممتاز
فال الله ولا فالج .. انزين انا ششتغل ؟؟
------------------------------
ولد جبله
ممممممممممممم تبي اقولك ليش :p
---------------------------------
اندلسي
اشتري يعني ؟؟
لوووووووووووول حلوه
--------------------------------
فاشون
نهائيا
---------------------------------
عقر بقر
انا راضي اصير زبيدي :p
انا حاط تنبيه .. عيارتج انتي بتسمعين السبه :p
------------------------------
بوصلوح
الله يعافيك
--------------------------------
مستر از
ماادري
--------------------------------
صبا
دام قلتي نستاهل الكادر صوتي لج :p
----------------------------------
معاذ
اهم شي ان الكومنت الي طاف بروحه نزل ما علينا انكمل
معاذ
يطوف ليش ما يطوف
-------------------------------
المشري
ليش لأ انا اقول انبيع علج عند الاشارات
------------------------------
فانكوفر
ولكم باك اول شي :)
لا تخافين اهني محد ياكلج
الاجابه اني اتفق مع سؤالج :))
------------------------------
انسان كويتي
وعليكم السلام
خله يعبر :))
---------------------------------
فريج سعود
اهي جنق والا جلق ؟؟
-------------------------------
بو وليد
اصل الكلمه تركي :p
--------------------------------
حساويه
لا تلوعين جبدج امهم توظفتي ؟؟
خليهم يستانسون
-------------------------------
حياتي هدف
الظاهر كمبيوترج اسلامي ما يطلع غناوي :p
-------------------------------
بس
صح بدنج والله يسلمج
Post a Comment