Sunday, October 19, 2008

تشريع الغير مشروع يالمليفي !!؟

تحـــــــــــديث
تصريحات النائبين الرومي والمليفي بشأن استنكارهم ما أتت به للجنه لا اعتقد انه يسكت تساؤلاتنا ... منها كيف لهم ان يعتذروا عن هذي الجلسه .. وهل كانت هذه الاقتراحات مدرجه على جدول الاعمال ؟؟ وهل كانوا على علم بمناقشاها بهذا الوقت .. وهل هم لا يعلمون بما يريده اعضاء هذه اللجنه ؟؟ قولولنا ؟؟
================================
؟
مالي خلق اكتب شي وعقلي فيه مليون شغله ومباراة القادسيه توها باديه ومباراة روما بعد شوي بتبدي يعني المود مو مود كتابه لا وتوني قاعد من النوم .. لكني تفاجئت من مسج وصلني يقول ان التشريعيه البرلمانيه توافق على الغاء قانون تجريم الفرعيات فيما غاب النواب الرومي والمليفي والعميري عن الاجتماع والمسج الثاني مكتوب فيه ان التشريعيه البرلمانيه توزير الصبيح والحمود مخالف للدستور ولقانون الانتخابات لعدم التزامهما بالضوابط الشرعيه
.
على طول فتحت اللابتوب وبدون اي تفكير دشيت المدونه ونيو بوست لانه شي يقهر .. اللجنه التشريعيه الي اتظم .. على مااذكر وصلحولي اذا غلطان لان مالي خلق ادور ... اتظم بجانب الرومي والعميري والمليفي .. ناصر الدويله وعلي الهاجري ومحمد هايف .. قررت هذه القرارات بغياب 3 من الاعضاء وجنه الحبايب ناطرين الزله ومزهبين كل شي بس ناطرين هالثلاثه ما يحضرون ؟؟
,
بعد ايام قليله سوف تأتي لنا لجنه اخرى وباسماء اخرى ولكن هؤلاء الاعضاء أبوا ان يخرجوا من دون انجاز كيف وحامي حمى المسلمين متواجد باللجنه ان هذا لربي ماهو الا كفر بالديمقراطيه وغش على مستوى اعضاء مجلس الامه فكيف لكم يا حضرات ان تتفقوا على ما جرمه غيركم وكيف لكم ان تحكموا بعدم دستورية توزير الصبيح والحمود لعدم التنزامهم بالضوابط الشرعيه ... اي ضوابط شرعيه واي قانون فيه ضوابط شرعيه ؟؟ ؟؟
.
ان ما حدث هو لعب على عقول الناس وان كانت اقتراحات واعتقد يجب ان تكون هناك وقفه جاده امام هذه المهزله البرلمانيه لانها اذا ما مرت مرور الكرام فانها ستسحب معها ما لا يحمد عقباه .. ان الكافرين بالدستور يسعون الى بسط نفوذهم وعدم تجريم افعالهم لكي يصولوا ويجولوا ويبعثوا بالارض فسادا .. فلا طرح غير الخمسين دينار ولا تفكير غير الظوابط الشرعيه ولا انجاز غير تشريع الغير مشروع هذا ما يريدونه .. مجلس الامه لم يتم وضعه لهؤلاء انما لعموم الشعب المؤمن بالحريه والمساوااااة بين ابناء الوطن وهم يريدون ان ينسفوا كل جميل بقي لدينا الى الان
..
و مني الى النائب احمد المليفي .. بما انك عضو باللجنه التشريعيه لابد ان تقف امام هذه المهزله البرلمانيه باسرع وقت ممكن قبل لا تطير الطيور بأرزاقه تكفه يا بو انس لا تخليهم يلعبون على راحتهم
.
.
.
اللهـــــــــــــــــــــــــم لا اعتــــــــــــــــــــــــــــــــــــــراض

15 comments:

بس said...
This comment has been removed by the author.
بس said...

تتصور أن راح يوقف بويهم ؟؟


المصالح احكم ؟


خلها على الله

mo3ath said...

برايهم يعني الفرعيات مو غلط :\

كل ماافكر بالي راح يطلعون من ورا الفرعيات وبيسوونها اشكره عينك عينك يرتفع ضغطي

وبعدين لما تحجب موضي ونورية شنو استفادت الكويت بالضبط ؟

يعني إذا بتيي وحده منثقبه راح تشتغل احسن منهم ولا شنو القصه بالضبط

انغثيت وانا دايخ ، اكره خلطه :\

Bo Jaij said...

البلد....بلد القانون

و كل شى لازم يمشى على القانون


منو يشرع القوانين؟


عظماء مجلس الأمة



و لأنهم عظماء لازم نقبل بما يرونه مناسب لنا كشعب

نعم الوزيرتين الصبيح و الحمود خالفوا القانون....ما إلتزموا بالضوابط الشرعية و هذى أهم قضية مرت هلى مجلسنا بتاريخه الطويل

لابد من فرض القانون و لو بالقوة....


و الفرعيات ما لا داعى أتكلم عنها لأنها تمس شريحة كبيرة بالبلد و هم يستحقون قانون جديد يحفظ حقوقهم


بلد القانون سيظل بلد القانون

و العظماء سيزدادون عظمة



و ننتظر إفتتاح ستاد جابر

abu eldestor said...

المجلس سيد قراراته
وبالمجلس بيبين

بوتشخيص said...

من سخرية الأقدار إن أعضاء اللجنة وصلوا بطريقة مجرمة و هي الإنتخابات الفرعية .. و الآن أصبحوا يضعوا للجرم قانون و للحرية الشخصية عقوبة ..و يتكلمون عن دستوري و غير دستوري!!


اخ يا زمن!

Kuwait said...

مهنـدسنــا ..
اشرايك بهالحجي :
"
كونا -- قال مقرر اللجنة التشريعية والقانونية في مجلس الأمة النائب الدكتور علي الهاجري ان اللجنة أقرت بالاجماع أثناء اجتماعها هنا اليوم الغاء تجريم الانتخابات الفرعية.
وأضاف الهاجري في تصريح للصحافيين ان "اللجنة وافقت بالاجماع على عدم تجريم الانتخابات الفرعية وألغاء البند رقم 5 من المادة رقم 45 من القانون رقم 358 بشأن انتخابات أعضاء مجلس الأمة".
وتابع ان "أعضاء اللجنة يرون انه من الضروري عدم تجريم الانتخابات الفرعية بما يكفل ارساء العدل بين صفوف المواطنين" معتبرا ان "مثل تلك الانتخابات تجري في شتى دول العالم " على حد قول النائب.
وأشار الى ان "اللجنة أقرت الحقوق المدنية والاجتماعية لغير محددي الجنسية" مطالبا بالاسراع في اقرارها من بقية أعضاء مجلس الأمة .
وذكر في هذا السياق ان "اللجنة قررت تجنيس 2000 من البدون خلال عامي 2008 و2009 مضيفا ان "على الحكومة تنفيذ ما أقرته اللجنة التشريعية من قوانين وقرارات".
"
جيـك ان بالإجماع !!!
اشلون والأعضاء الثلاثه ما احضروا أي اجماع هذا ؟؟؟
الشغله الثانيه : على الحكومه تنفيذ ما أقرته اللجنه !!!
بفهم والمجلس وين دوره وين تصويته والا الاخ خلاص يقرر ويبي الحكومه تنفذ وانتهى الموضوع :\
صراحه بعض العقليات الموجوده بالمجلس ما مرت علينا من قبل :)
الدستور يقول بالماده رقم 79
لا يصدر قانون الا اذا اقره مجلس الامه وصدق عليه الأمير ..
والاخ يقول على الحكومه تنفيذ ما تصدره اللجنه ( جيك على اللجنه مو المجلس ) من قوانين وقرارات !!!
مهندسنا فســرها لي :)

عاجــل said...

انا ما ني عارف هم بدعوا بروحهم
ولا بدعوا فينا

nanonano said...

السؤال شلون يتخلف النائبين عبدالله الرومي و أحمد المليفي عن حضور مثل هذا الأجتماع؟؟!؟
الحين أنا ما أدري بس المفروض أن اللجنه عندها جدول أعمال..و شنو المواضيع اللي راح يتم طرحها..شلون يهيتون أجتماع فيه قرارات مصيريه مثل هذا حق جماعه متطرفه من طقة بو هايف؟؟
ليش مو ماخذين الأمور جديات؟
لجنه تشريعيه..من أهم لجان المجلس..لازم تكون موجود بكل عطسه فيها أو على الأقل يكون أكو تنسيق بينهم منو يحضر و منو ما يحضر..عشان ما تنتهيت السالفه جذي
++++++

hard luck for Roma

JiBLa CiTY said...

انا تابعت المباريات مادري عن شي

:)

فريج سعود said...

لو كاتب لك بوستين ثلاث علما تخلص المباراة احسن لك

4 - 0

يا الظالم

حتى قول بالغلط ماكو

مورينهو لعب بحسبتكم

وحارسكم ما العبه وياي بملعب الهيئة بكيفان

حـمد said...

وهذيل بالله ليش غايبين ؟

Eng_Q8 said...

بس

كلي ثقه فيه

------------------------------

معاذ

لا مو غلط بل حق من حقوقهم :\

انا ارتفع وخلص

استفادت مرضاة حامي حمى الاسلام

طبعا احسن خاشه ويها

صارلي جم يوم اعاني من هالخلطه

--------------------------------

بو جيج

طبعا طبعا

اصلا هالقضيه اهم شي بالدنيا حتى لو برميل النفط ينباع بدولار

اي مو الكل يقول انا ابي احفظ حقوقي

يا كال العظمه الي يغصون فيها قول امين

استاد جابر ؟؟ انا اقول يسوونه متحف

--------------------------------

ابو الدستور

اول القصيده كفر ... بس ننطر احنا عندنا شي غير النطره

---------------------------------

بو تشخيص

زمن اغبر

----------------------------------

كويت

انتي شفتي منو قاعد يتحجى ؟؟؟

لا ودكتور بعد

دكتور بالعلاقه بين الشعب المصري والكويتي ... شنو يعني محد يدري حتى انشتاين راح اين من هالدكتوراه الي ماخذها

اي ركزي على الاجماع

خليني ساكت لا اسب الحين
لانها واصله لي خشمي

----------------------------------

عاجل

الاثنين طال عمرك

---------------------------------

نانو

اشدراني عنهم ؟؟؟؟

ليش متخلفين ليش

المفروض ان في جدول اعمال واساسا مااعتقد هالقرارات موجوده بجدول الاعمال نهائيا

انا ناطر تصريحات الي ما حضروا

وبعدين خلينا انكون واقعيين انا اعتقد انهم سووها بدون لا جدول اعمال ولا بطيخ لانهم بالهوا سوا وقالوا دام هالثلاثه غايبين خلونا انخلص الموضوع

-

روما ؟؟ اييييييييييه انا مو مترقع هالشهر كللللللللللللللش

--------------------------------

جبله

زين سويت

-------------------------------

فريج سعود

ليش تبي تسمع حجي ما ينقال من صجك انت .. الحمدلله الحمدلله الحمدلله اني ماارتكبت جريمه

الا مو مورينيو

الا الحمار بو قرعه ياخي غبييي شكو تلعب تااااادي ؟؟؟ شكووو وعنده بيزارو وملعب بيروتا ولا الدفاع شواااااارع هالبقره الحول لوريا نادي الشباب ما ياخذونه

لازم ينباع النادي ياعمي والله راح يموتوني ناقص عمر ويغيرون هالمتخلف

والا ليش الطواله خل يعتزل توتي واطلع خبل اذا ما رديت اشجع ميلان واخلص

وحارسنا الله يستر منه بمباراة تشيلسي

يامعود خلهم على ال4 لا يطقونا 7 ثانيه الله يستر

اتصدق كنت على طريف .. خلاص بحجز وبروح المباراة الحمدلله ما قطيت فلوسي على الفاضي عاد شوف شيصير فيني وانا اهناك

-------------------------------

حمد

ماادري عنهم

molok said...

شوف طال عمرك ..
أنا هني ماراح اتكلم عن صحة القانون ولا لا ..
أنا راح اتكلم ان التصويت على القانون تم بالاجماع .. المكشكلة هي في غياب النواب الثلاثة مو بوجود الباقي ..

بعدين مثل ماان احنا ارتضينا بالديموقراطية .. فخلاص راح نرضى باقرارات اللي راح تطلع نتيجة تصويتنا ..

مشكور وموفق..

Eng_Q8 said...

ملوك

ولازم انعرف ليش مو حاضرين

الديمقراطيه الي بالكويت للاسف محد يعرف يستخدمها

حياك