Monday, November 3, 2008

مدون في عالم الكتب

بعد الاخ العزيز المدون براك ..الان الزميل العزيز فرناس نشر كتابه الاول وهو بعنوان السلفيه والعلمانيه اشكالات الرؤى والممارسات .. نبارك له هذا الكتاب ونتمنى له التوفيق والكتاب متواجد بمكتبة البــخاري .. حولي شارع المثنى خلف مجمع البرازيليا


مدون آخر ينطلق باصدار كتاب خاص به ... وبانتظار كتب اخرى اولهم كتاب فهد العسكر .. لا ويبون يحجبون المدونات ويبون يراقبونها حاصلكم احد ينشر كتاب .. شفت ناس يطمسون المواهب والافكار بس مثل الي عندنا مافيش بالدنيا كلها .. تخلف بعيد عنكم

اقروها بالمصري اللــــــــهم لا اعتــــــــــــــــــــــراض

24 comments:

david santos said...

Wonderful!!!
Congratulations!!!
Have a nice week.

Fahad Al Askr said...

أبشرك، دشينا المراحل الأخيرة، ما بقى إلا اعتمدا النسخة الأخيرة قبل الطبع

nanonano said...

أنا شخصيا قاعذه أنطر كتاب العزيز فهد العسكر
لأني أموت على الروايات

حياتي هدف مو عبث said...

قريتها بالمصري

:p

شفت اليوم البوست بمدونة فرناس

وعسى إن يكون هالكتاب بداية لكتب أخرى له ولمدونيين أكثر غيره كذلك


مبادرة طيبة منك

:)

nanonano said...

fahad al askr :

فهد أنا قاعده أنطر..من الحين ترا راح أحن
و أنتو (أقصد زملاء و زميلات التدوين) ما تعرفون طحنتي

عتيج الصوف said...

شئ يبعث الفخر و السرور

لكل الزملاء المدونين التوفيق في نشر ما يكتبونه

و الذي يبعث على الفخر عندما نجد من يتابع و يقرأ هذه الكتب

Eng_Q8 said...

بو سانتوس

اشرايك بس انظبطك وينك من زمان فقدتك تعال حولي واشتر الكتاب

==================================

فهد العسكر

انا ابي نسخه موقعه كيفك عاد

==================================

نانو

انا راح اشتري كل كتاب يصدر من المدونين

=================================

حياتي هدف

انشالله انشوف اكثر من كتاب

==================================

عتيج الصوف

نفتخر فيهم

Kuwait said...

وانت وين كتابك ؟؟؟

Eng_Q8 said...

كويت

رحم الله امرء عرف قدر نفسه انا وين والكتب وين

EXzombie said...

متى ينزلون بالاردن....؟!؟

و لا لازم انطر لين ايي الكويت و اخذ التواقيع مرة وحدة

أندلسي said...

انا عندي

كتاب



و ناطر




المدير يوقعه


;p~~

يخرب بيت الملاقة ادري.

نبارك للاخ فرناس وقصته ويا مكتبة قرطاس ومكتبة البخاري عجييبه وغريبة.

ZooZ "3grbgr" said...

يستاهلون الشباب
منها لاعلى انشاالله
وهالله هالله بالنسخ الموقعه للمدونون

KuWaIt MaStEr said...

ماسمعت في الي يقول هده خله يتحدى ؟

Eng_Q8 said...

اكسزومبي

انطر
وبعدين خلاص ياخي رد من الاردن

==================================

اندلسي

الجو مأثر عليك :p

يستاهل

==================================

عقر بقر

انا شريته بدون توقيع

==================================

كويت ماستر

لا سمعته

Sn3a said...

ماشاءالله

الله يوفقكم جميعا
بصراحه ناس تشرفت اني اشترك وياهم بهالعالم
وبانتظار كتاب فهد العسكر لان شكله بيرجعني لقراءه الكتب
وكتابك انت بعد مهندس
الجرايد باقو منك مقالاتك
سولك كتاب
تهقى ينزلون عمود كل يوم (اقتباس) منك

صبا said...

الف مبروك ويستاهلون كل خير

ومن جد وجد

وانا بعد بانتظار العسكر وتوقيعه

يا ويله ان ما وقع لي

ارد روايته وما اشتريها وتطيح بجبده

؛))


مهندس

اشفيك علي السانتوسي

داش يقولك وانا بعد نابغه وبنزل كتاب هده ...خله يتحدي

:))

تحياتي ويعطيك العافيه علي تشجيع شباب المدونات
والفال لك
ولا تزف ديفد
:p

Eng_Q8 said...

سنعه

يستاهلون .. وبيني وبينج بوستات فهد ماكنت اقراها لاني كنت بقراهم مره وحده وزين يت منه انه يسوي كتاب :)

لا يبا انا ماليش لا بالكتب ولا بالجرايد اهني شزيني :))

===================================

صبا

يستاهلون كل خير فرناس و العسكر

هذا راح يحطونه بجينيس اكثر واحد يعلق وبنفس التعليق بعد

لا يبا انا ما اقايش وياهم

ليش ما ازفه اخاف اتحبينه تولعتي بصورته

kuwaitawy said...

بالتوفيق لفرناس


وفهد العسكر

Eng_Q8 said...

كويتاوي

يستاهل

Salah said...

مبروك لفرناس

ويعطيك العافية مهندسنا

Spur said...

congrats to Fernas
and thanks for telling us about it.. i didnt know that

شـقـــــران said...

مهندسنا العزيز


احترم كثيرا زميلنا العزيز فرناس فهو يحافظ على الاحترام في جميع اطروحاته وافكاره واتمنى له كل الخير، سأحاول اقتناء الكتاب بأقرب فرصة ممكنة


ويسعدني كثيرا أن يترجم المدونون أفكارهم الى أوراق ملموسة ومحسوسة



--------

اشعند بوسانتوس مرتز فوق بالتعليقات
:)





مع خالص التحية القلبية

marshmallows said...

اعتراااز مو اعتراض

وناسه بروح اشتريه بس مادليت =\

Eng_Q8 said...

صلاح

الله يعافيك

===================================

سبير

نوت ات اول

==================================

شقران

بصراحه كتاب يستاهل القراءه بدون مجامله

شرايك فيه منورني اليوم الظاهر بينزل فرعية البلدي :p

==================================

مارشميلو

انا ادليج

جبال المهلب في تقاطع عقب المطاعم وفي كشري جحا على مااذكر

كسري يمين ويصير المهلب وراش وكشري جحا على يسارج

امشي سييييده تالي بتشوفين المكتبه على اليمين بين مكتبات وايد