Sunday, November 16, 2008

الا الدستور يا سكوووووووب


قسما بالله ما قدرت انام حسبي الله عليك يالي قلتلي شوف قناة سكوب وانا شالي قردني وخلاني اشوفها بروحها الاخبار الي نسمعها تلعن خير الواحد واطير النوم من عينه وتخلي الزقاره مثل الهوا الي انشمه تراكم ذبحتووونا احنا ناقصينكم ؟؟ بكتب بوست لا ارتكب جريمه بأحد
عموما لا انكر ان قناة سكوب وصلت صوت فئه من الشعب وحلت مشاكل بعضهم وهذا شيء لا انكره بل افرح له وادعمه وقد كتبت بوست عن قضيه اوصلتها هذه القناة بالسابق يعني الصح اقول عنه صح لللللللللللللللكن لما يجيني واحد مثل بو عيده يقول حلوا المجلس عفواااااااااااااااااا انا اقوووولك وقف
قناة سكوب التي تغير مسارها من المسار الفني الذي فشل الى مسار سياسي كان ناجح حينما نقلت مشاكل الناس ولكن الآن ظهرت اسطوانه جديده الا وهي مانبي مجلس الأمه .. وطبعا غير الترفيع والتطبيل للاعضاء الي يتماشون مع افكارهم واطروحاتهم الي ماادري اشلون صايره واعتقد شفتوا مقابلة علي الراشد وشصار فيها وايضا الاسطوانه الي قاعد اسمعها الحين ان نائب داز مسج حق ربعه يقول سكوب قناة شوارعيه وهم اذناب ولا اعتقد ان فيصل المسلم عقله صغير عشان يدز هالمسج وماله داعي يدز مسج اصلا وثانيا حتى لو وصلكم اشدراكم اهو دازه دام انه داز هالمسج حق ربعه والا تبون الناس اتقوم معاكم مثل الي قاعدين يدقون وشكووو اتقولوووون الشعب الكويتي اذناب من متى وانتوا اتمثلون الشعب الكويييييتي؟؟؟ وهم تذكرت حلقه كامله لنصرة وزير الداخليه ؟!؟ وماادري ليش ننصره واهو منصور بديرته واذا صار فيه شي بنوقف معاه بدون ما انتوا تتكلمون هذا غير مسرحية بو صقر الي يطب بالبدو ويقول الحضر والحضر واهو اصلا مبين انه مدزوووووز منهم واضحه السالفه بس عشان يثيرون هالقضيه الفئويه المندثره
موضوع تعليق المجلس الذين يتغنون به الآن وحجتهم ماذا فعل مجلس الأمه بالأيام السابقه ويقولون ان الحكومه هي صاحبة الانجازات ويغلقون الخط على من يعارضهم .. مجلس الامه والدستور هما من جعلوكم تتكلمون بهذه الحريه والدستور هو من كفل لكم حرية الرأي مجلس الامه هو من يشرع وليس من ينفذ يا حلوين والآن يأتي الينا بو عيده ولد امس يعلمنا شنو الديمقراطيه وان الشعب غلطان بتصويته وان الدستور لو يعلق احسن ؟؟؟
الا الدستوور الا مجلس الامه هذا الخط الاحمر للشعب الكويتي الذي لا نرضى ان يأتي الينا احد ويتحدث باسمنا ويقول لا نريدهم مو بكييييفكم على اي اساااااااس تتكلم باسمنا اذا دق عليك جم واحد لا تتوقع ان كلنا نبي هالشي .. انت منو عشان تتكلم باسمناااااااا وانت شنو عشان اتقول مانبي مجلس الامه ؟؟؟؟؟؟ والله العظيم مااحب اسب ولا احب اقط حجي يجرح وبين كل كلمه وكلمه اتعوذ من الشيطان .. استغفر الله العظيم
والي قاهرني اكثر هالي يدقون ويخلون بو عيده البطل المغوار وانه احسن من مجلس الامه ؟!؟ وانهم ما يبون المجلس ولا يبون الدستور .. يا بشررررر شهالحجي الفاضي منو بيحفظ حقوقكم منو الي بيراقب منو الي بشرع وبعدين تعالوا مو انتوا مصوتين لهم خلاص عيل اكلوها .. واحد يقول انا بعت صوتي ويسفل بمجلس الامه ومتخلف ثاني مصوت حق قبيلته ويسفل بمجلس الامه وينسى الي صوتلهم واحد وقف مع نائب يشتري اصوات واستمات حقه والحين يقول نبي اصلاح شنو هذااااااا علامكم ؟؟؟؟ دام انكم تدرون انكم غلطانين لا تحطون غلطكم علينا ولا تطالبون بالغاء شي احنا نبيه مو ذنبنا اذا انتوا سفهاء وما تفهمون او بالاحرى تفهمون مصالحكم فقط واذا وقفت حطيتوا حرتكم بالمجلس
لا نرضى لأي شخص بأن يتكلم باسم الشعب الكويتي خصوصا بهالموضوع .. قناة سكوب قولوا صرخوا رفعوا حق نواب كسروا بنواب رشحوا نواب وادري هذي خطتكم المستقبليه وسووا الي تبونه اما هالموضوع لا يحق لكائن من كان ان يتحدث به ويطالب به باسم الشعب الكويتي ... اخيرا يا قناة سكوب بهذا الطرح تثبتون الكلام المزعم الذي قلتوه على لسان النائب

.
اللهــــــــــــــــــــــــــــم لا اعتـــــــــــــــــــــــــــــــــــــــراض

27 comments:

حياتي هدف مو عبث said...

هذا متى بحلقة اليوم ؟
بسألك تعرف جم رقمهم؟
إذا أدق من موبايل لأ مابي
رصيدي يخلص عليهم لا ماابي
:))

enter-q8 said...

شوف الفيلم الجديد
مال عبدالصمد على سكوب
اليوم بتفنن فيهم
بس ناطر بلوق عمتي

Eng_Q8 said...

حياتي هدف


اييييي قبل شوي خاله طيروا النومه من عيني حسبي الله عليهم

اشدراني عن رقمهم

Eng_Q8 said...

انتر كويت

شفته

حياتي هدف مو عبث said...

خالد

عندي امتحان يغث بااجر
وابي اسلي رروحي
متى الفيلم؟
وساعة جم؟


مهندس

تنام العصر ليش ؟

enter-q8 said...

حطي سكوب كل اشوي يعيدونه

Eng_Q8 said...

حياتي هدف

بعد الواحد متى ينام يعني ؟؟؟

nanonano said...

وبعدين تعالوا مو انتوا مصوتين لهم خلاص عيل اكلوها .. واحد يقول انا بعت صوتي ويسفل بمجلس الامه ومتخلف ثاني مصوت حق قبيلته ويسفل بمجلس الامه وينسى الي صوتلهم واحد وقف مع نائب يشتري اصوات واستمات حقه والحين يقول نبي اصلاح شنو هذااااااا علامكم ؟؟؟؟


شكـــــــــــــــــرا
بالضبط شنو هالأستهبال اللي أهمه فيه

ودّي بس يسمعون

العيب فيكم يا في حبايبكم
أمّه الدستور يا روحي عليه..يا روحي عليه

Eng_Q8 said...

نانو

عفوا

والله لو شايفه هالحلقه جان طلعتي من طورج عاد انا طفارتي احد يتكلم عن تعليق الدستور او المجلس

حياتي هدف مو عبث said...

توه واحد دق على المليق السعيد
يقوله أدق 7 و8 مرات ما تردون
ويوم السالفة فيها المسلّم رديتوا
لا تشوف أسلوب اليهال اللي تكلم فيه السعيد

الله يعينكم إذا تشوفون هالقناة
واايد ..

والنااس تنام بليل
متى يعني

والمجلس لو كله مو صاحيين
هم نبيه
:P

Eng_Q8 said...

حياتي هدف

انا ما اطالعها وايد بس اليوم واحد قالي شوف

اي عادي هذي سوالفهم

في شي اسمه قيلوله وبالانجليزي ناب

esTeKaNa said...

اسم الله عليك الرحمن الرحيم
!!
واي حسيتك محتر من قلب
وانا مت من الحرة وياك
المشكلة تدري شنو؟
لما اسمع اللي يدقون
واللي يعلقون
اقول ياربي هذيله صج كويتين

فعلا هالقناه بكل ما فيها سواء كانت فنيه ،سياسيه،ولو تصير بس دعايات بكل احوالها ما تمثلناااااااا

Kuwait said...

سؤال وايد أفكر فيه وما ألقاله إجابه ..
ليش أغلب الي يتصلون بهالقناة ويرفعون فيها نظام بو فلان وام فلان وكلش كلش فلان وتالي اسم قبيله الي يعني تضيع عشان اتعرف هذا منو والا يدقلك واحد محمد عبدالله ..
زين جم محمد عبدالله بالكويت وهذا أي واحد فيهم الي قاعد يرفع لكم ؟؟
هل محمد عبدالله الي من الشعب أو محمد عبدالله الي انتوا حاطينه يدق عليكم ويرفعلكم !!!!
ثاني شي ليش الريال الي يقول الحق فجأه ينقطع الخط !!
والي صاف معاهم يخلص كلامه وتسمع كلام الي معاه بالصاله واهم للحين امجلبين فيه ؟؟؟؟؟؟؟
والله تبي الصج مو الي أمس واليوم صار كويتي وللحين حتى ما يصوت بيعلمنا بالدستور والمجلس ومو هو الي يطالب بالحل ..
أقول بو عيده وغير بو عيده خل يحط لسانه بحلجه ويقعد في بيتهم وايد أشرف له ..
امشي أحسن لاني لو كتبت بعد ما راح أخلص ولا باجر من الحره الي فيني :(

سدرة العشـــاق said...

.

طاف طوف و لا تحر قلبك بس ادعي لهالديرة اللي حرام هالاشكال عايشين فيها حسبي الله عليهم

الشكوى لله

JiBLa CiTY said...

اللي يبي يتسلى يحط هل قناة وقناة فلاش ام البلاش

الفكرة اللي انا اشوفها من منظوري بارك الله فيك

ان هالقناتين وغيرها من القنوات تتعمد اثارة الفتن والمشاكل من أجل المسجات والمكالمات

بشكل رئيسي ناهيك عن الأمور الأخرى والمصالح الخاصة

وستار لأشياء أخرى وماخفي اعظم

وتابع المسجات في هالقناة والوطن كذلك مبين ان كثير من المسجات مفتعلة من الكنترول لابتزاز الناس ورفع ضغطهم وبالتالي يخلونهم يدزون مسجات
وهات يا فليسات
والحسابة بتحسب

واحسن حل لهم انك تطنش
:)

kuwaitawy said...

قناة فاشلة ومن يشوفها ويصدق الحجي فاااشل




انا شفت حلقه وحده بس حق بوعيده لأني ماكنت بالكويت من يوم طلع هذا اللي اسمه بوعيده


لكن الحلقه اللي شفتها

كان يتكلم عن النائب القلاف (الذي اكن له احترام) لكنه تكلم وامتدح النائب الى حد التصنيم وانه ابو الوطنية

اي على عيني وعلى راسي

لكن كلامهم وااااضح


تطبيل في تطبيل

لدرجة ان كل واحد يدق على بوعيده يقوله ما شفت حلقة القلاف والله خوش ولد وابو الوطنية


من بعدها قررت اني ما اشوف هالقناة الفاشله

الدســتور said...

الصورة قوية
:)
أشكــــــــرك

Eng_Q8 said...

استكانه

مو مو باط جبدي الا الي يدقون

Eng_Q8 said...

كويت

صوتج وصل

Eng_Q8 said...

سدره

مااقدر اطوف

Eng_Q8 said...

جبله

يزاك الله خير

Eng_Q8 said...

كوتاوي

ودميثير والدويله ابطال الوطنيه عندهم

Eng_Q8 said...

دستور

الله يخلي بو وليد

عفوا

ديرة بطيخ said...

ليش حار نفسك

هذي قناة تعيسه ولفئه معينه بالمجتمع واهم بس الي يطالعونها فلاتطالعها وفك نفسك وخلهم بجهلهم

وترى صوتك وصل :)

سلام

Eng_Q8 said...

ديره بطيخ

خلاص من اليوم طااااف

Spur said...

وايد يتصنع و يصارخ و يتعبر

اييب لي الغامت :(

Eng_Q8 said...

سبر

مي تو :)