Monday, November 24, 2008

نعيب مجلسنا والعيب فينا

تصريحات هنا وهناك واتهامات هنا وهناك .. مسجات تثير الطائفيه تصريحات تؤكد ضخ الاموال لجهات اعلاميه الحديث عن مؤامرات هنا وهناك ولا نعلم ما الحقيقي منها وما هو الغير حقيقي .. كل هذا لان هناك من قدم استجواب الى رئيس مجلس الوزراء
.
الحديث عن المحاور وتهميشها حتى ولو كانت سمج لبن تمر هندي لا تلغي حق النائب بالمسائله وان كان الاستجواب ضعيف فهذا لا يمنع من وقوف اي وزير على منصة الاستجواب فبهذا الاستجواب سيقوي موقفه كما حدث مع الوزيره نورية الصبيح سابقا
.
التفاف النواب ورفضهم لأي استجواب لرئيس مجلس الوزراء لا ينفع رئيس مجلس الوزراء لانهم لم يسمعوا الاستجواب ليبدون آرائهم والنقطه الاخرى هي اقرارهم بأن كل شي ماشي على حسب الأصول وطبعا هذا ليس واقع الحال .. فالحكومه لم تقدم اي مشروع تنموي وايضا الاعضاء على حد سواء .. فالمشكلات الهامشيه هي الشغل الشاغل لهم
.
الحديث عن تعليق الدستور او تأجيل الاستجواب او شابه بالرغم من ثقة الحكومه بنفسها ليس له اي داعي .. فاذا كان رئيس مجلس الوزراء واثق بما يفعله فلن يهزه استجواب او عشر استجوابات وحتى ولو كانت هناك اطراف تريد الاطاحه به على حد زعم البعض فلن يستطيعوا .. امش سيده يحتار عدوك فيك
.
ما نحتاجه الآن هو تفعيل الديمقراطيه ووقوف سمو رئيس مجلس الوزراء على المنصه للرد عليه .. فما يفعله البعض الآن وخصوصا النواب من رفض وطلب تأجيل وغيره .. ومن تصريحات تدمع لها العين من كثر الضحك .. فيأتي الينا خريج الفرعيات ويتغنى بالوطنيه ؟!؟ ويأتي الينا اكبر طائفي ويقول انا ضد الطائفيه ؟!؟ وعضو فايز بشراء الاصوات ويصرح تصريح عبيط ويدعوا الى الحفاظ على الكويت ؟!؟ عضو فاشل حكومي بحت يمشي معاملات ربى لحيته يعلم الناس اشلون يحترمون الديمقراطيه ويتهم زملاءه النواب ؟!؟ والثاني مدعي الحريات وذبحنا على منع الاختلاط ويعددلك مواد الدستور اخر شي يقول انحيله للمحكمه الدستوريه وغير راضي على اي استجواب لرئيس الحكومه .. يالحبيب وين الحريه ووين الديمقراطيه الي ذبحتنا فيها ؟!؟
.
تكفون فكونا من هالتصاريح .. نبي تنميه نبي خطط بديله نبي شي حق المستقبل الي ماندري شراح يكون واذا خلص النفط شنو بنسوي .. شوفوا الحراميه الي قاعدين يبوقون بووووق حسبالهم قاعدين بوزارة ابوهم والا مؤسسة خالتهم .. شوفوا التفرقه الي اتصير بين فئات المجتمع .. شوفوا المدارس شوفوا الصحه المرور الشوارع المباني البلديه الغلاء
.
طبعا انا انفخ بجربة مقظوظه بس تدرون الغلط لا بالحكومه ولا بالنواب الغلط بالشعب الكويتي الي بس يتحلطم .. والله لو حلوا المجلس عشرين مره راح اتشوف نفس الوجيه لا و أردى ولو انحل حل غير دستوري وصارت عقب 100 سنه راح ايونك نواب بنفس الطقه .. ليش ؟؟ منا احنا .. عاد والله كاتب بوست بس ما حطيته لان الحجي الي فيه يجرح لكن هذا واقعنا .. ان الله لا يغير بقوم حتى يغيروا ما بأنفسهم .. هذا هو واقع الحال .. جنه المجلس ملقطينه من الشارع مو اهم مصوتين .. والمشكله الأعظمممممم انهم الحين يوعون ومن يوصل وقت التصويت ترد حليمه حق عادتها القديمه
بصراحه فقدت الأمل بشعب لا يعلم بأن متى ما كان المجلس قوي ووطني ستكون الحكومه اقوى وترى مصلحة الكويت يا ما كتبت على نفس الموضوع وبصراحه هذا الي انا اشوفه الواقع وغيره من حديث عن ماادري شنو حجي فاضي سنعوا روحكم وتصويتكم تالي شوفوا الديره اما جذي ماراح نرسالنا لبر .. وبالنهايه الا الدستور فاذا انتوا مو عاجبكم لا تصوتون وفكونا
.
.
اللهـــــــــــــــــــــم لا اعتــــــــــــــــــــــــــــــــــــــــــــراض

30 comments:

Kuwait said...

مهندسنا ..
السؤال يقول ليش تردى الحال ؟؟
ليش الناس صارت مصالحها تطغى على مصلحة الوطن ؟؟
وليش الديره صارت آخر همهم ؟؟
سواء النواب أو الشعب أو الحكومه ..
كل منهم صار يدور مصلحته :)

Eng_Q8 said...

كويت

سألي شعبج

المتهـافت said...

حالة التأزيم الحالية سببها الشعب نفسه هو المسؤول عن اختياراته
وهو الوحيد الملام عليها

bo bader said...

"سنعوا روحكم وتصويتكم تالي شوفوا الديره"

المختصر المفيد !!

Eng_Q8 said...

متهافت

بالظبط

Eng_Q8 said...

بو بدر

هذا واقعنا يا بو بدر

Enter-Q8 said...

عمي الحل الوحيد اهو توصيل النواب الحاليين مره ثانية طبعا مو الجنرال و ربعه
و على فكرة انحرق كرته عقب زيارته ديوانية لقى فيها مالقى
و الشي اللي يدور ان حتى لو واحد نظيف من فخذ الدويلة ما راح ينجح و السبب الجنرال و اخوانه

الحل بحل الحكومة

فريج سعود said...

هذا يسمونه استغفال او استعباط او است...ء

Eng_Q8 said...

انتر

الحل بحل العقول اول شي

Eng_Q8 said...

فريج سعود

عليك نور يالمبيوق :p

kuwaiti_cool said...

الحل بحل الحكومه وتغيرها جذري يابش مهندس

Manal said...

الى ان يغيروا ما باتفسهم

:(

abu eldestor said...

الا الدستور
صح لسانك

بانوراما said...

الحل ان نقطع الأيد الخفية

الي تتحكم بالحكومة

من وراء الستار

Eng_Q8 said...

كويت كول

بحل كل شي وانا اخوك

Eng_Q8 said...

منال

متى تتغير

Eng_Q8 said...

الدستور

صح بدنك

Eng_Q8 said...

بانوراما

مممم وهم الحل بعقولنا

vancouver said...

المشكله انه في جميييييع الاحوال
الشعب يتحلطم

ويستمر بالتحلطم
بدال ما يغير من الواقع شيء


:\\

JiBLa CiTY said...

مالك الا الدائرة ال1

كويــتي لايــعه كبــده said...

واذا خلص النفط شنو بنسوي ..

ما راح يخلص. أبدا! شفيك انت؟

شوفوا الحراميه الي قاعدين يبوقون بووووق حسبالهم قاعدين بوزارة ابوهم والا مؤسسة خالتهم ..

ليش هم قاعدين وين؟
والا مو متقاسمين البوقات وياهم يعني؟

شوفوا التفرقه الي اتصير بين فئات المجتمع ..

مو هم اللي وراها؟
فرق تسد شلون قايله؟

شوفوا المدارس شوفوا الصحه المرور الشوارع المباني البلديه الغلاء

منو التجار؟
منو أصحاب الفرار؟
شنو مبدأ تعارض المصلحه؟

Twinkle said...

أنا تصدق ولا مرة صوت بالإنتخابات و إذا حلو المجلس ما أعتقد راح أصوت

لأنه شنو بسوون لنا يعني

و نفس ما قالو, الناس أهما اللي أختارو هالأعضاء, والصكه صارت فينا أحنا

Shaima'a Alkandari said...

:)


شنو تتريا من ناس باعوا صوتهم
وشنو تتوقع من انسان شرا ضمير غيره وتربع عالكرسي

تهقه الكويت تكون بالمقام الاول عنده؟


النهايه

حل للمجلس



والحجي لي بعد جم سنه صارت انتخابات بيكونون الناس صاحييين وشايلين فكرة المصالح وضميرهم صاحي يوم ينتخبون

Eng_Q8 said...

فانكوفر

شعب دايخ

Eng_Q8 said...

جبله

اردى واردى

Eng_Q8 said...

كويتي

انت قولي منو

Eng_Q8 said...

تونكل

يبيلنا نفضه

Eng_Q8 said...

شيماء


مااعتقد

Shaima'a Alkandari said...

تصدق حتى انا مااعتقد

لان اللى يبيع مره بيبيع مليون مره

Eng_Q8 said...

شيما

بالزبط