Wednesday, December 3, 2008

مليار العليم ووزارة الدويلة للشؤون

-1-
.
الجدال الداير بين دميثير والعليم مضحك .. المهم دميثير انفضح واهو من زمان مفضوح لو يحفظ القرآن بكبره ويصفه محد راح يصدقه .. والعليم زين سوا فيه .. بس يالعليم المصفاة الرابعه وديوان المحاسبه بين التجاوز فيها عقب ما صدعتوا راسنا مو قلنالكم من الاول في تجاوز .. والحين الداوكيميكال
.
بس في شي مر مرور الكراااام ولا احد تكلم عنه .. الا هو مشروع المحطه الجديده التي ستقام بجنوب الكويت وتوفر ما يقراب 3000 ميغا واط .. وبالنظر الى اسعار البترول المنخفضه جدا قالوا ان المشروع راح يكلف حوالي مليار ونص .. ملياااااااار ونص ؟؟؟ شنو نبي نبني دوله ثانيه مو محطه .. يا نواب الامه شوفوا هالمشروع وشسالفته تالي لي طاح الفاس بالراس بتصير مثل المصفاة الرابعه شوفوها من الحين
.
وهذا الخبر ورد بالجريده وماني ذاكر اي جريده قبل جم اسبوع وحاولت اني ادور على الخبر بس ما حصلته بس السعر ببالي من ذاك اليوم 3000 ميغا واط بملياار ونص شغله ما تنسي نهائيا
.
يا معالي وزير الكهرباء والماء و النفط قبل ان تأتي الحكومه الجديده شوف هالموضوع فهذا سيعتبر رد على دميثير وغير دميثير وسيثبت بأنك لا تعلم عن تجاوزات المصفاة الرابعه اللهم اني بلغت اللهم فاشهد
.
===============
.
-2-
.
ما هو السر بالاجتماعات الي تصير بالمزارع ؟؟ الوزير الدويله يجتمع بالقياديين بمزرعته لا ويعد 100 قرار .. وشنو السبب يقولكم بعيدا عن المراجعين يعني 100 قرار بجم ساعه وينك طول الوقت .. لا والله كفو .. وزير ويجتمع بالمزرعه عشان ينحاش من المراجعين وغير هذا اخوه مبارك يساعده بالوزارة .. اشرايكم انسميها وزارة الدويله للشؤون و العمل ؟؟
.
==============
.
اللهـــــــــــــم لا اعتـــــــــــــــــــــــــــــــــراض

22 comments:

Enter-Q8 said...

عمو الدويله عرف انه ماشي
من يوم ما شفته يرعى مهرجان الابل مال الرشايده و قاعد يقول وزارة الشؤون تهتم بهالشغلات
وانا غاسل ايدي
لأن في كم قبيله سوت مهرجان أبل و ما سمعنا عن موظف ارشيف بوزارة الشؤون حضر

Eng_Q8 said...

انتر

مزايين الابل بعد

انزين الارانب اشفيها ليش ما يسوون مزايين ارانب

kuwaiti_cool said...

مهندسنا بخصوص دميثير والعليم
فإن دميثير ارد التوسط بموضوع تأمين الشركه ...المشتركه كي تسحب تأمينها وتقب بعد مااستلمت مايقارب مئه مليون دون تسليم باقي الأعمال
وقال لوزير بصريح العباره انه ماخذ على الموضوع عموله ولما رده قاله انت ماتتسرح بغنم هههههه

اما بخصوص الدويله
وزير الشئون وامين عام قبيله بني عبس!!!الي مادري شلون انتسبوا لها
فسالفته سالفه
وخصوصا مع قوانين الرياضه

بس هم ماينلام طلع حفيد عنتر :)

كويــتي لايــعه كبــده said...

يا اجتماعات المطار يا المزرعة...

الجايه وين؟ بستاربكس


وزين سوا العليم بدميثير

دميثير مثال ممتاز على مستوى الانحدار الممكن

شخص واطي... لكن له جمهور

عاد لا تسأل عن مستوى جمهوره

abu eldestor said...

الجو حلو

و لازم يصير الاجتماع

يا بالقهوة
أو مخيم

القهوة صعبة على وزير

فالحل شنو

أكيد مخيم

:)

سلووم الأقرع said...

لاتلومه لأنها اللحظات الأخيره لعرش عايلة الدويله

Bavaud said...

ولين
وإحنا ما نخلص يعني
كل مشروع فيه بوقة؟

Eng_Q8 said...

كويتي كول

لا مو 100 مليون 11 مليون :)

خبصه

Eng_Q8 said...

برييه

لووووووووووووووول تخيل ستاربكس المطار

شنو مستوى جمهوره :p

Eng_Q8 said...

ابو الدستور

اهم شي الجو حلو

خلاص خلهم يسوون خيمه حق المراجعين ويكنسلون الوزاره

Eng_Q8 said...

الاقرع

اهم شي العرش

Eng_Q8 said...

بافد

شرايك :)

Purplecious said...

يا لهوي با لهوي يا لهوييييييي

تغلط باسمي
!!!!!!!!!!!!

الحين انا متعنيه و كاتبتلك الاغنية كاملة.. لا و حاطتلك لنك بعد و اخرتها تغلط باسمي
!!!!!!!

أنا زعلييييييييت
:(

7amee elDyar said...

كل مشاريع العليم مليارين وانت طالع


اما راعي البعارين الدويلة

فاعتقد انه يطبق الشعار الكويتي


our camel lovely camel

Ni3Na3aH said...

lol.. e wallah shsalfat el mazare3!

alsaronah said...

والله مسخرة هذول الأعضاء الدايخين مايدرون شالسالفة والله ...

اقول أخوي انزل الانتخابات واصوت لك واحد مثلك مايجامل .. لوووول


عيدك مبارك ياعم

Makintosh said...

اي سالفه المزارع سالفه ثانيه
الحين شحقه بانين المجلس ومادري جم تكلفته ولا على البحر ومنظر بديع ) اهم شي بديع) واهم حضرتهم اجتماعات كله بالمزارع وين قاعدين احنا . يعني ما يقدرون يتخذون قرار الا ويمهم ماعز ودياي وكيلو خيار وطماطم

----
النواب حيلهم بينهم

Eng_Q8 said...

بنفسجيه

بالغلط يبا بالغلط

Eng_Q8 said...

حامي

اي راهي راهي

Eng_Q8 said...

نعناعه

يبون يشمون هواء نقي

Eng_Q8 said...

سارونه

اي والله

هيا ضمنا الصوت :p

علينا وعليج عمو

Eng_Q8 said...

ماكنتوش

اي ما يقدرون يتطورون

--

فخار يكسر بعضه