Monday, December 22, 2008

عاجل ويبط الجبد

تخيل انك تعبان ومريض ودايخ ولايعه جبدك ومالك خلق الدنيا وما تقدر ادخن لان طعم الزقاره مو حلو وبلاعيمك متعافرين مع بعض وناطر الدوام يخلص عشان اترد البيت واتحط راسك واتخمد وانت تعاني من هالمرض البايخ الي ما تدري من وين طلعلك
.
وفجـــــــــــــــــــــــــأه
.
وبدون سابق انذار يوصلك هالخبر
.
العليم : ماضون في الشراكه مع داو كيميكال واجراءاتنا قانونيه و 2 يناير اول يوم عمل لشركة كي_داو
.
.
سؤال.. يعني العليم ما قرى انهم قاصين علينا والي بندفعه عشان حصه من الشركه يساوي سعر الشركه بكبرها ؟؟ ما شاف المقابله التلفزيونيه الي يضحك على الكويتيين وقال انهم صيده بس بالامريكي ؟؟ محد من الي حواليه حجى وقاله يالحبيب حرام هذي فلوس دوله ؟؟ حددددددددس الي ما تبي اتشارك بالحكومه ما تستحي على ويها واتقوله يالحبيب كنسل الشراكه ترى احنا بنصير معارضه ومو وقته هالموضوع ؟؟ والا بيختمونها بهذي وعقب مايبون يشاركون بالحكومه
.
.
الحين رئيس مجلس الورزراء ما يقدر يقوله خلاص مانبي هالشراكه ترى قاصين علينا .. يا جماعه الله يرحملي والديكم ترى ذبحتونا احنا ناقصين يعني ؟؟
.
تدرون اشلون.. زين يسوون فيكم المجلس وعساكم على هالحال واردى خلهم يأذونكم بالطالعه والنازله والي سمعته ان السعدون راح يقدم استجواب على الداو كيميكال واقولها من الحين وقبل لا يسوون ندوات ويدزون ربعهم عشان يخلون هالمشروع مشروع المستقبل الباهر ... وياك يا بو عبدالعزيز ... وحدس استريحي انتي ووزرائج .. ما وراكم الا الفلس
.
.
اللـــــــــــــــــــــــــهم لا اعتـــــــــــــــــــــــــــــــــــــــــــــراض

39 comments:

حياتي هدف مو عبث said...

اقووول خل كي دي دي وكي دي كاو
:p
ما تشوووف شر ودوووم مريض عشان لا إدخن
:p

Bloggerista said...

سلاماااات

Anonymous said...

فعلا عساهم بالحال واردى


شوف هم بحلون المجلس وهذي قمندتهم

Kuwait said...

سلامات مهندسنا وماتشوف شر ..
والعليم بالله على بو وزير مستقيل وشاف ان النواب ما يقدرون يستجوبونه قام يلعب بيده وبريوله ؟؟؟
مادري والله حدس الي حاطتلي شعارها الكويت مسؤوليه مايدرون ان الوزاره بعد مسؤوليه ومحاسبة وزيرهم مسؤوليه وفلوس الديره مسؤوليه ومستقبلنا مسؤوليه !!!!!
مالت على المسؤوليه الي يتحجون عنها على مزاجهم :\
انا انبطت جبدي ..
ان شاء الله تضبط مع بو عبدالعزيز وكل نائب واقف ضد مشروع البوقه هذا وعلى الله يمشي الاستجواب مو مثل سناريوهات كل مره :(

عاجـل said...

راح يستلعنون ويحلونه قبل الحر بشهرين ادري

ZooZ "3grbgr" said...

عيل اكيد وصلك قبل شوي المسج اللي يقول

العميري: الداوكيميكال مشروع عبثي وسنحرك المساءلة السياسية إذا وقعته الحكومة



خير انشاالله


المهم
سلامات ما تشوف شر انشاالله
اجر وعافيه

الزين said...

اللهم لا اعترااااض


وما تشوف شر يالشيخ


شاي زنجبيل اخضر


هذا دواك وعلى الله شفاك

:)

enter-q8 said...

محمد علم مياه
اليوم بينزل تصريح ينفي هالسالفه

@alhaidar said...

أولا ما تشوف شر ..

وثانيا حدس تعرف شلون لما تجرب الانتخابات تلف الموضوع وتطلع نفسها بطلة ..

بالاضافة لاعتمادها على ضعف ذاكرة الكثير من الناس مع الاسف .. وطيبة البعض وسذاجة البعض ..

bo bader said...

سلامتك وما تشوف شر .

الدوا وحدس يضرون بصحتك ، وخر عنهم وانت بخير !!

----

أما عن الاستجواب ، فهذي الحكومة مصرة على ارتكاب الخطايا لدرجة جنها تقول للنواب تعالوا استجوبونا !!

عناد ومكابرة غير طبيعية والهدف تكفير الناس بالديموقراطية .

الله كريم

kuwaitawy said...

اول شي سلامات وما تشوف



ورئيس مجلس الوزراء جدامه طريقين

اما يلغي الصفقه او يواجه الاستجواب من التكتل الشعبي


اذا الغاها زين على زين

واذا قُدٍم الاستجواب جدامه طريقين

اما يصعد المنصه او ما يصعد


اذا صعد المنصه زين على زين

واذا ما صعد جدامه طريقين

اما يقدم استقاله او يكتب كتاب عدم تعاون





هذا سيناريوا متوقع

(( جني سويت دعايه حق زين خخخخ ))

joe said...

عندك اياهم
حيييل فيهم

nanonano said...

أول شي ما تشوف شر

و أنصحك بغرغره طبيعيه..والله وايد زينه

لأن مفعولها جنه مضاد حيوي

طعنها لوعه بس أستحمل

خو غرغره

شاي دافي و تعصر عليه ليمونه و تحوسه بملح

أدري حوسه

بس اللي شفته الأسبوع اللي فات من البلاعيم ما أتمنى حتى حق عدوي..فلا تستهين بالموضوع

ثاني شي..والله العظيم لما ياني المسج مال العليم..بغيت أشوح التليفون..بس قلت مو وقته يتكسر و تعال عابل عشان غباء العليم

ثالث شي..أنا من الحين معاك مؤيده للأستجواب..و أذا فيها تأزيم هذا التأزيم اللي يسوى و خل نشوف النواب الخايفين على كراسيهم شلون بيتميلحون هالمره

Unknown said...

والله العظيم الديره صايره تبط الجبد.......

وكل خبر احلى من الثاني:(


وانت بس شاطر تكتب وتحرق دمك .... واحنا نقرى والضغط يرتفع الف. :)

على فكرة.... محد عرض عليك تكتب بجريدة من قبل؟

فريج سعود said...

وداو بالتي كانت هي الداو

شقران said...

مهندسنا الغالي

صبحك الله بالخير والنوير
:)



المشكلة أن كل مشروع يظهر لنا يتبين لنا بعدها حجم التنفيع واثقال كاهل الدولة من خلال عقود تدخل بين ثناياها صفقات غريبة!؟


والمشكلة إن العليم صرح اليوم بأنهم ماضون في اكمال تنفيذ المشروع

صراحة ما أدري لماذا تذكرت تصريحاته أبان أزمة المصفاة الرابعة والتي أنهاها تقرير دوان المحاسبة

فقد كان المفروض من الوزير وباقي مسؤولي النفط إما أن يردوا على الملاحظات أو أن يتركوا مناصبهم غير مؤسوفٍ عليهم!؟




تقبل مني وافر الاحترام وصادق المودة

شقران said...

نسيت أهم شيء


ماتشوف شر يالغالي...أجر وعافية
:)

Eng_Q8 said...

حياتي هدف

الشر ماييج .. فال الله ولا فالج شنو دوم مريض وكل هذا عشان زقاره

ما سمعت الشاعر الكبير الي مااعرف اسمه الي قال احرق الروح قبل لا تروح واكتب على القلب طفايه

Eng_Q8 said...

فاشونيستا

الله يسلمج من الشر

Eng_Q8 said...

حسافتج

لو يايه على المجلس عادي بس خوفك ان الموضوع فوق موضوع الحل يعني مجلس ثلاث ارباعهم بصامه ليش يحلونه ؟؟
اتوقع هذا الطريق لتكفير الناس بالديمقراطيه

Eng_Q8 said...

كويت

الله يسلمج من الشر

انا اقول الله يستر

Eng_Q8 said...

عاجل

مو احنا بعصر السرعه لازم كل شي يمشي بسرعه

Eng_Q8 said...

زوز

يس يس

مو بس العميري وايد غيره والبراك يقول رئيس الحكومه اهو المسؤول لان العليم مستقيل

يعني يطالبونهم بحضور الجلسات عادي بس يحاسبه لا يقول مستقيل اشلون صايره العنصريه ؟؟

الشر مااييج الله يعافيج ويخليج وبيت مكه يوديج

Eng_Q8 said...

الزين

الشر مااييج

شكرا .. بس تعالي انتي حداقه والا حواي والا شنو بالضبط :p

Eng_Q8 said...

انتر

ما نفى وشوف الجرايد اليوم

Eng_Q8 said...

الحيدر

الشر مااييك

كلهم جذي مو بس حدس

Eng_Q8 said...

بو بدر

الشر ماييك الله يسلمك

مو اهم لاحقيني لاحقيني

يبتها من الاخر يا بو بدر

Eng_Q8 said...

كويتاوي

الله يسلمك

نسيت او يحلون مجلس الامه :))

Eng_Q8 said...

المباركيه

شنو هوشه :)

Eng_Q8 said...

نانو

الشر ما اييج

انجربها ليش ماانجربها احسن من الخل :)

نفس المره الي طافت

Eng_Q8 said...

لونلي

من زماان

شتبيني اسوي يعني اروح اسوي مظاهرات بروحي

من قبل لا اكتب بالمدونه قالولي جريدة الوطن بس طبعا رفضت :)

Eng_Q8 said...

فريج سعود

وشنو الداء ؟

Eng_Q8 said...

شقران

بالنور والعافيه

لي الحين ما عرفت القمنده ؟؟ عاد خابرك فطين يا بو راكان :)

الشر ما يجبك والله يعافيك ويخليك

الزين said...

صبحك الله بالخير

شلونه مهندسنا


ان شاء الله اليوم احسن


:)


انا بتاعة كله

حداقه

وحواي

وساعات اصلح كومبريسارات

انت بس قول شنو تبي

وعصاتي السحرية جاهزة

:))

Eng_Q8 said...

الزين

بالنور والعافيه

الحمدلله على كل حال نحمده ونشكره

مشالله اكيد راضعه من مية النيل والا فيج عرج اعترفي :p

مشكوره على السؤال

KQ8 said...

الظاهر الجماعه استفادوا من اللعبه اللي نزلتها سوني


=====

تدري عاد باللعنه اللي تلعنهم وازمها وكبرها وخلها تنتفخ لما تنبط

Blog 3amty said...

زقوم K !

Eng_Q8 said...

بو طارق

اي سوت شغل

ازمها يا مأزم

Eng_Q8 said...

بلوق عمتي

ك