Tuesday, December 23, 2008

الازمه الجديده

كارثه .. مصيبه .. طامه
.
انها الازمه الجديده التي ستدخل التاريخ
.
اهم من المصفاة الرابعه واهم من الداو كيميكال واهم من عناد الحكومه واهم من مشاكل البلد
.
تخيلوا انها اهم من الغلاء الفااااحش رغم نزول سعر البرميل
.
لا يبا اهي اهم من الخطه الخمسيه والسبعيه والعشريه والخمستعشيه
.
اصلا الي ماراح يوقف مع الاستجواب راح يكون انسان مو وطني وتابع حق متنفذين
.
ومن الممكن انه يكون متمصلح وراح ياخذ من هالسالفه دينار ونص
.
تدرون شالسالفه ؟؟
.
.
اصبوحه شعريه اقامتها ثانويه العدان بنات .. يقولكم يا طويلين العمر ومحفوظين السلامه انها القصائد الي انقالت كلها حب وغزل بشكل يتنافى مع اهداف التربيه والتعليم بحضور المدرسات والطالبات
.
.
شفتوا اشلون الموضوع قوي ويستحق استجواب وزيرة التربيه
.
والله ما تستحون كبرتوا الموضوع وخليتوه موضوع الساعه وخبيتونا اخر شي اصبوحه بثانويه وفيها قصايد حب وغزل .. يعني من الاول الثانويه مو عندهم امتحانات ؟؟ شكو يسوون اصبوحه .. ثانيه الوزيره شكو بالسالفه اذا درت وما اتخذت الاجراءات ذيج الساع تحجوا .. وبعدين الاخوه المتكلمين واهم على طول ساكتين هدييييتوا كل شي ووقفتوا على هذي لا كفو عليكم اشلون البنات يسمعون حب وغزل .. لازم يسمعونهم قلطات .. انتوا ضايعين والتربيه ضايعه وضيعتوا الديره اكثر من ماهي ضايعه .. لا ادوخون روسنا واتصرحون وشوفوا المشاكل الي لاعنه خيرنا بلا اصبوحه بلا هم وسلملي على البتينجان ... قلنا ازمها بس على شي يسوى مو اصبوحه مااتعرف اتأزم اسكت ..و صبح صبح يا عم الحج .. ولا زلت مريضا وهالسوالف اتمرض اكثر
.
.
اللــــــــــــــــــــــــــــهم لا اعتــــــــــــــــــــــــــــــــــــــــــــــــراض

44 comments:

Eng_Q8 said...

تنويه

مثل ما قال البراك امس ان العليم وزير مستقيل وان الي يتحمل المسؤوليهو سمو رئيس مجلس الوزراء يعني الي يبي يستجوب يستجون رئيس الحكومه

تخيلوا رئيس حكومه يستجوبونه عشان اصبوحه

نواب بطيخ

nanonano said...

مهندسنا..ما عرفت لهم؟

ييجوا على الهايفه و يتصدّروا

Bloggerista said...

يخرب بيت السخافة

Eng_Q8 said...

نانو

عارفلهم وانا اخوج

مو تشوفين سمونا مافيا اعلاميه

http://www.aldaronline.com/AlDar/AlDarPortal/UI/Article.aspx?ArticleID=27270

وهذا موضوع باجر مو عورهم الحجي الي قلناه عن مالك جريدتهم

Eng_Q8 said...

فاشونيستا

ويقولون ان احنا سخيفين ويهال وما نفهم

يالله ماعليه الايام بيننا

Zaydoun said...

من صجك؟؟؟ تكفى قول لي انك تتغشمر

Eng_Q8 said...

زيدون

شوف الجريده باجر :))

Zaydoun said...

اذا هذا رأي وزارة التربية في النساء

".. بين العلم أن المرأة تختلف عن الرجل، وخاصة مع بلوغها سن الشباب حيث يعروها "المحيض" الذي تتأثر به أفعالها ومشاعرها، فتطرأ عليها مجموعة من العوارض منها "تبلد الحس" وتكاسل الأعضاء وتخلف في "الفطنة" وتقل قوة تركيز الفكر لديها!! واشد على المرأة زمان الحمل.... ولهذا جعل الدين القوامة للرجل على المرأة"!!

كتاب"التربية الإسلامية" الصف 12 وزارة التربية الكويتية

شلون تبونهم يقرون شعر؟؟؟

المقوع الشرقي said...

الناس بايش و عبله بالغنم0000ولهي يلهي
ت ل ه ي ت ن

الدســتور said...

طــــوف
بس للدار ماراح نطـــوف

Eng_Q8 said...

زيدون

اي والله اشلون

المهم انت بالمافيا لا تنحاش :p

Eng_Q8 said...

المقوع

على قولتك الناس وين واهو وين

enter-q8 said...

ابك و احنا بناتنا مودينهم يدرسون و الا يسمعون قصيد احبك وما احبك و عيون حلوة و عسلية
ابك استح بس
عمي لا تدقق

Eng_Q8 said...

ابو الدستور

كل من بوستك الي طاف لووووووووووول

الدار راحت فيها

Eng_Q8 said...

انتر

لووووووووووووول

ماعليه بو وليد

المهم انا دون كرليوني

@alhaidar said...

ههههههههههههه

ما تشوف شر انشالله :)

Zaydoun said...

أي مافيا؟! وليش ليلحين ما قبضت شي من أحد؟؟؟

Eng_Q8 said...

الحيدر

الشر مااييك

Eng_Q8 said...

زيدون

عليييييينا هالحركات

والمعاش الي تاخذه ؟؟

http://www.aldaronline.com/AlDar/AlDarPortal/UI/Article.aspx?ArticleID=27270

شوف

كلنا مافيا وكلنا ما نفهم وكلنا مدزوزين

عاجـل said...

ذكروني بخالد المريخي وقصايده

الظاهر ما يدرون بأصبوحات كلية الاداب

Q8EL5AIR said...

اووووووووووووه ..


لا شي جايد هذا .. ما ينلامون والله على الاستجواب !!


موبس استجواب هذي فيها حكومة اتطير !!


" وانا اقول طول هالمدة شنو الي

ناقصنا .. طلعت هالامسية وانا ما


ادري " !!!


وتحياتي ...


ويسلمواااااااااااااااا :)

bo bader said...

المثل المصري يقول : سابوا الحمار ومسكوا البردعة !!

وينطبق علينا بالضبط !!

nikon 8 said...

أكيد الناظرة تعبت مع البنات وشافت إن هالموضوع هو الوحيد اللي يجذبهم
:)
وبعدين الجمهور عايز كده
:)

بس said...

لوووووووووول

و شيوخ الدين لما يحوسون بمدارس البنات عادي ؟ و بعدين الشعر بس عن العشق و الغرام ؟؟ اللهم لك الحمد على التخلف و الجهل ؟

نهج البرد لبشار ابن برد شعر كانت معلقة على الكعبة

على ابن ابي طالب كرم الله وجه
كان شاعر

والله انهم خمة من صج عاد

Kuwait said...

لوووووووووووووووووووووول
عاد والله تدري انا ماعرفت الأغاني الهابطه الا من المدرسه ..
اتذكر اغنية القلب المحتاس الي أسخف منالسخافه نفسها كانوا يحطونها يوميا بإذاعة المدرسة الصبح :\

kuwaitawy said...

نواب بطيخ


وحكومة رقي

KQ8 said...

يعني فيه سكس بواح ولا نوو

حياتي هدف مو عبث said...
This comment has been removed by the author.
حياتي هدف مو عبث said...

انا مع الشعر الغزلي العفيف هاهاها
:)

على فكرة كنت أضحك على الكومنت السابق
مو صج ترى

Anonymous said...

الديرة صاية مريس واللة

وما تشوف شر

بس طولتها


خو فلونزا يومين وانقز

ZooZ "3grbgr" said...

جان زين هامهم الشعر ومحترين على نشر الثقافه بين مدارس حشو الكوسا

اللي حارهم ان الاصبوحه اخترقت حاجز منع الاختلاط

أبي أفهم بس

يعني الحين هدوهم بروحهم مع البنات؟!؟!؟

مصخره

لو الله يفكنا من هايف بن قريش شرطي المجلس

JuVeNTiNa said...

هذي بالضبط مشكلتنا يهدون الاشياء المهمه و يركزون عالتوافه

لما تنحل مشاكلنا الاقتصاديه و السياسيه و الاسكانيه و نحل مشاكل الصحه و البدون و غيرها و نكون فاضيين راح نناقش الاصبوحه !!

صج صج صج تفااااااااااااااهه

Eng_Q8 said...

عاجل

لو يدرون جان سكروا كيفان بكبرها

Eng_Q8 said...

كويت الخير

اصبوحه مو امسيه لو امسيه جان عادي بس اصبوحه جايده

يسلمك حبيبي

Eng_Q8 said...

بو بدر

بالزبط

Eng_Q8 said...

نيكون

ما يندرى عنهم

Eng_Q8 said...

بس

وانا اشوف البلوق منور

بس عندنا يا مرحبا يا مرحبا

قوليلهم

Eng_Q8 said...

كويت

شهالمدرسه الدايخه

انا اخر مره سمعت الاذاعه كانوا يحطون وطن النهار

Eng_Q8 said...

كويتاوي

على قولتك

Eng_Q8 said...

بو طارق

مااعرفش

Eng_Q8 said...

حياتي هدف

اشلون ترهم هذي

يعني يقول مااجمل عينيك جزاج الله خير .. وما احلى خديك ماجوره ؟؟

خارها بو طارق :p

Eng_Q8 said...

حسافتج

مو انا رقيق مااستحمل المرض :p

Eng_Q8 said...

زوز

المهم انها الازمه اليديده

Eng_Q8 said...

اليوفي

من ناحية تفاهه تفاهه