Monday, December 29, 2008

مليارات

مليارات بتروح حق البورصه و ولا واحد بطل حلجه وقال ليش ؟؟؟؟؟
.
مليارات اتروح على مناقصات للتنفيع فقط
.
مليارات ياخذونها الوكــــالات من هالشق لي هالشق وولا واحد قال الغوها
.
مليارات تدش بجيب هذا وذاك وولا واحد قال وين راحت فلوسنا
.
مليارات ضاعت على مشاريع ماستفدنا منها ولا ب 10 دنانير
.
مليارات كانت مخشوشه بقدرة قادر ضاعت وولا شنب قال وينهي
.
مليارات صرفت على دورات وعلى رحلات وعلى مؤتمرات ولا انفعت الديره بشي
.
مليارات اتروح حق مرشحين يقطونها على الناخبين عشان يفوزون وولا ريال قال من اين لك هذا
.
مليارات انباقت ... وتم حفظ القضيه
.
مليارات انقطت على مشاريع ما خلصوا لي الحين .. واذا خلص مشروع طلع غلط
.
مليارات اتروح لاصحاب الكروش على شكل اراضي وغيره فقط لان هذا ولدنا
.
مليارات تنصرف على دراسة مشاريع .. وولا واحد منهم تم
.
مليارات تنصرف على مباني .. والموظفين كل غايبين والمبنى ما يكفي
.
مليارات تنصرف كمعاشات لناس ما اداوم نهائيا .. وتنصرف كبدلات لناس ماعندهم شهادة متوسطه
.
مليارات اتروح حق دول ثانيه ولا ترد
.
مليارات اتروح كمساعدات واهني في ناس مو لاقيه تاكل
.
مليارات راحت بسبب اخطاء وهم محد تكلم
.
الحين 7 مليارات كانت بتروح حق مشروع تنموي قالوا بوقه ومن منو من ناس ما تدري وين الله قاطها والثاني معلوماته غلط بغلط ولخرها يشكرون رئيس الوزرا وامس كانوا يقولون مو زين ؟؟!؟ شهالاعضاء ؟
.
مصنع درابيل ويخب علينا والشرهه مو عليكم على الي حرق نفسه وسعى للمشروع من الاول خلكم على الخمسين دينار و ترس بطن التجار
.
عطوني سيجاره ... مـــــــــــــافيش فـــــــــــــــــــايده
.
.
اللهـــــــــــــــــــــــــــــــم لا اعتــــــــــــــــــــــــــــــــــــــــــــــــــــراض

40 comments:

@alhaidar said...

أؤيدك إن مليارات قعد تروح .. غلط ..

ومشروع داو كيكال ممكن كان مفيد للكويت .. ممكن ..

لكن ما أؤيدك بأن دام سكتنا على ذيك المليارات لازم نسكت عن هذي ..

بالعكس لازم ما نسكت عن شي ..

أما النواب فما يستاهلون حتى نذكرهم .. للأسف المتردية والنطيحة ( إلا من رحم ربي ) اهم نوابنا ..

اهم إفرازات الشعب إذا كنتو ناسين ..

والله المستعان ..

Eng_Q8 said...

الحيدر

شكو تسكت ؟؟

اقرى الموضوع الي تحت

حبيبي مشروع من احسن ما يكون شكو نسكت والا ما نسكت ؟؟

افرازات مريضه ويبيلها جوي

Bloggerista said...

بسك سجاير يا ماما

ارحم نفسك

Eng_Q8 said...

فاشونيستا

مش لما يرحمونا هم اول

Anonymous said...

هذا الشي يدل على شي واحد


فلوسنا مافيها بركة




وولعلي معاك

Eng_Q8 said...

حسافتج

لا والله فيها بركه بس حسبي الله عليهم

يود احلى زقاره على شرف التخلف

bo bader said...

احنا مع الداو وغيرها من المشاريع الميليارية صرنا مثل القاصر اللي ورث ملايين ، ان خليته على كيفه راح يلعب بالفلوس ويفسفسها على أي شي ما يسوى !!

علشان جذي الواحد ما يقدر يأتمن وزراءنا على ألفين دينار ، مو ميليارات !!

صعب أني أثق بحسن تصرفهم بأي مشروع ضخم ، وباكر يسحبهم موظف من جلسة مجلس الأمة ولا فيهم واحد يفكر شنو اللي صار !!

ناطرين رحمة رب العالمين سبحانه ...

ساره النومس said...

بس كافي والله عورت قلبي


وين القوانين .؟؟؟؟ اذا الكبار ما احترموا القوانين شخلوا حق الشعب ؟؟ سايبة اهي سايبة ؟؟

Kuwait said...

مهنـدسنـا ..
لا تنسى بعد المليارات الي تروح حق المجاملات والنفاق الاجتماعي وكل وفد ايينا لازم نردهم حاملين ومحملين بالهدايا :)
ولا تنسى المليارات الي تروح على حملات فاشله من طقة ترشيد وراقي بأخلاقي وغيرها ..
ولا تنسى المليارات الي تنقط على الخطوط الجويه الرديه ..
ولا تنسى المليارات الي تنقط على مخططات المشاريع وتاليتها بالادراج اذا مو بزباله مكرم السامع ..
والمليارات الي نسوي فيها مدارس وشوارع ومحطات كهربا ومدن كامله ومستشفيات حتى امدادات الماي ما خلينا على الدول وديرتنا عين عذاري !

@@
يصير ندخن مره وحده بالعمر ؟
:P

Blog 3amty said...

حسودي طلعت مهندسنا !

هالحرامية ما عندهم عيال يبون وبيوت يبون يوكلونهم .. عطهم فرصتهم بالحياة !

enter-q8 said...

انزين انت تشوفه تنموي غيرك مايشوفه تنموي و هم نفس الحالة و بتصير حالها حال اللي قلت فوق
لا تقعد تتحلطم
داو ماكو
بح

enter-q8 said...

بو عيده امس يقول عنك خفاش
بما انك واحد من المافيا و قعد يتحسبن عليك
و يقول صورة الجنسية مزورة

حياتي هدف مو عبث said...

هو ايه دوووخان حضرتك ؟

العدالة الكويتية said...

متابعتي قاصرة
ولكني لمست شجاعة أدبية كبيرة هنا
وهي عملة نادرة في وطننا

و"العملة الجيدة تطرد العملة الرديئة" كما تقول القاعدة

فعلاً ملياراتنا للصرف بالهواء سريعة
ولكنها على المشاريع ذات المردود
تتعطل، وتحفظ، وتتخذ مادة للتجاذب

رأس مالنا في النفط
وقد أوصلنا رسائل خاطئة لهذا القطاع
قلنا لهم: السياسة فوق رأيكم الفني

ولا حول ولا قوة إلا بالله

تحذيرالكتروني: السجائر والتبغ سبب رئيس لأمراض الرئة واللثة والبلاعيم :)

Mamloo7a Q8ia said...

اي والله مليارااات
شي يحر ويضيق الخلق

خلهم نواب العازه
يراكظون ورا مصالحهم

بس لو سمحت يا وخيي
قلبك .. شرايينك.. جهازك التنفسي
التدخين يضر بصحتك
ننصحك بالامتناع عنه

شقران said...

مهندسنا العزيز

الدرابيل أحلى بكثير وواجد علينا مصنع...كافي كم محل أحسن
:)


خلها على الله ولاتعصب تراك غالي ونخاف عليك



مع وافر الأماني الطيبة

الدســتور said...

في هالأوقات العصيبة
ماتنفع معاك الزقارة

@alhaidar said...

ليش معصب اول شي ؟ هدي :)))))

ترى مو انا اللي لاغي المشروع مالي شغل :)))

المشروع برايك ممتاز .. بس يمكن الحكومة شايفة غير جذي بعد انخفاض اسعار النفط ..

:)

Q8EL5AIR said...

هذولي يبيلهم مو زقارة .. يبيلهم تيزاب وتشب فيهم .. !!


للاسف صارت الكويت صندوق ذهب مفتوح للشاردة والواردة ..


والي يحب الني يبوق !!


ومحدش شايف !!


وتحياتي ..


ويسلمواااااااااااااااااا :)

EXzombie said...

من المرتزقة ذو الندبة
مافيا فرع كوبا

الى المرتزقه بيذان
مافيا بالدوتشي

اسلم تسلم، صلي و انعم اشرب و انهم و ماراح تندم
ربعك كثار دمهم حار كلامهم نار

ملياراتك فشر، راحوا القمر، طاروا للشجر، و انصرفوا على السهر

الوضع كسلطة بسبة ضعف ناصر المحمد، لو اهو قوي جان مشت الصففات

S-Q8 said...

i choose not to ruin my new year's eve eb mawathee3 el 7elwa ele ga3da t9er bil deera...so
happy new year :)

بو محمد said...

مهندسنا
شوف، محد بيحرق الكويت إلا ناسها نفسهم، لعب على الكيف و الباجي صم بكم و بس شعارات، يعني ما يدرون من وين كانت و منين يات الفلوس و وين بتروح و من له، يدرون، بس أكو مشعاب إذا نزل على ظهر واحدهم يسدحه بالأرض، فيقول لك خل نسكت أحسن،
الله يعين
عام مبارك إن شاء الله عليك و على الأحبة و الأهل و الجميع إن شاء الله

bo rashed said...

ايييييه

البورش واصحابه

انت آخر واحد يسولف عن المليارات

يا رفيجها
:P

مريت اسلم وابارج
بالنيو راس
:)

Eng_Q8 said...

بو بدر

رحمتك يا رب

بس ترى كان خوش مشروع :)

هابي نيو يير

Eng_Q8 said...

سارونه

سلامة قلبج

اي سايبه

وسمعي فروم ساره وذ لوف :p

Eng_Q8 said...

كويت

مو ناسي


لقفي وحده ما تضر :p

Eng_Q8 said...

بلوق العمه

لوووووووووووول شفت اشلون طلعت حسودي

اي صاج صاج زقوم انشالله

Eng_Q8 said...

انتر

الي ما يشوفه تنموي ما يدري شالسالفه

اهم شي انك مستانس

==


وانا شكو بصورة جنسيته

مو كفو هذا وانا مدافع عنه عند بلوق العمه واهو طلع خوش ولد وشالها حلاته انشهر فيه عشان انصير خفافيش عدل

Eng_Q8 said...

انتر

اي نسيت اقولك بوعيده اسالوه عن الغناوي جان يقول مافي غير الغناوي القديمه

والحبيب طلب اغنيه انا ما انساك لو تنسى يعني قديم

اقول استريح بو عيده شوي

Eng_Q8 said...

حياتي هدف

مااعرفش يا بيه

Eng_Q8 said...

العداله

شكرا

خلها على ربك

انا ماشي على الشاعر الكبير الي مااعرفه الي قال ... احرق الروح قبل لا تروح .. واكتب على القلب طفايه

حياك

Eng_Q8 said...

مملوحه

جن الفلوس وارثينها وراثه مو فلوسنا حسبي الله عليهم

عادي عادي على الاقل اموت على شي يسوى مو بس جذي ميت بدون سبب :p

Eng_Q8 said...

شقران

على قولتك

يا بعد راسي :*

Eng_Q8 said...

بو الدستور

شنو عيل الي ينفع ؟

Eng_Q8 said...

الحيدر

اي معصب ياخي ما يصير الي يعرف بالمشروع والي ما يعرف يقول الغوه وبوق وماادري شنو

يعني انت لما تتكلم عن شي اعلامي راح اتعرف احسن مني لانك اعلامي وانا لما اتكلم عن شي فني راح اعرف احسن منك بحكم اني فني

على العموم بوسلي كوثر وهابي نيو يير

Eng_Q8 said...

كويت الخير

حياك


يسلمك

Eng_Q8 said...

اكسزومبي

سلطة ماصخه بعد

Eng_Q8 said...

نعناعه

حطيتلج واحد ثاني ولا تزعلين دكتورتنا

هابي نيو يير :)

Eng_Q8 said...

بو حمود

صاج

ومبارك عليك يالغالي

Eng_Q8 said...

بو راشد

لووووووووووووووول

يووز عني

يبا اقساط اقساط :p

حبيب وهابي نيو يير :*