Thursday, January 1, 2009

سنة مش فايته

اول شي موضوع مهم عند العزيز اكسزومبي وهم شقران كاتب عنه .. والى جريدة الدار يوزوا دام النفس عليكم طيبه مو فاضين لكم
.
====================
.
ماادري شكتب الف فكره وفكره بس الظاهر موضوع الداو لي الحين مأثر على مخي
.
يعني لو بصير مبصر واقول شنو بيصير اسهل شي هو التوقع .. تلويح باستجواب رئيس الحكومه .. استقالة الحكومه .. حل المجلس .. سرقة كبيره .. اختلاس .. راح تموت شخصيه كبيره .. فنان راح يصيدونه بشقه .. واحد راح ينتحر .. راح تنطفي الكهربا .. راح اتموت عائله بحادث اليم .. كل هذا ممكن ان اقول اني شفته بالبلوره السحريه وراح يصير بالفين وتسعه وشرط اغلبه راح يصير لان لا جديد
.
شنو تمنياتي ب 2009 مو مهم .. ماادري عاد اوباما عشان اقول تمنياتي استريح زين
.
اكتب شعر والا حجي ماادري شلون صاير مو لايق علي نهائيا
.
.
ز
.
اكتب شنو سويت براس السنه ؟؟ لا جديد مثل كل سنه حليب زنجبيل وسوالف وما نفطن ان الساعه صارت 12 الا عقب نص ساعه .. ليش ؟؟ انكون مندمجين بسالفه مالها داعي .. يعني سالفة امس المليون الي فاز فيه المصري وغصب الا انحوله بالجنيه وطلع 20 مليون الا شوي .. وشنو راح يسوي فيهم وعاد كل واحد يحلم يفوز باللوتو وواحد يقول لازم تتبرع والثاني يقول معصي وانا قلت راح اتبرع واشتري هجوم حق روما يعني ماكو سالفه .. ومثل كل سنه وكما هو المعتاد من عشر سنين انطيحله بلي ستيشن الدوري الياباني وانشوف منو الي يفوز باول مباريات السنه اليديده وابشركم امس انا الي فزت وقاعد اضغطهم لاني اخذ روما .. يعني ماكو سالفه نهائيا
.
وبما ان ماعندي سالفه وهالبوست بكبره ماله داعي .. كل عام وانتوا بخير للسنه الهجريه والميلاديه وعساها سنة خير لكم ولاهلكم ولجميع الكويتيين والعالم كله وللكويت بالدرجه الاولى .. اي اكتب هابي نيو يير من الاول وفك روحك من هاللغوه .. صج شايب
.
.
.
والى الي ما مداني امر على مدوناتهم كل عام وانتوا بخير .. والى الدكتوره نعناعه و العزيزان بو محمد وبوراشد الي اهم اول من عايدوني بالبوست الي طاف .. كل عام وانتوا بخير
..
والحين خلوني افكر بالسنه الي مش فايته من اولها غبار ومتوهق ماادري اروح الدوانيه والا المخيم والا انثبر بالبيت تجنبا للكحه والحساسيه .. وبس .. نسللللللللللللللللم عليهم
.
.
اللهـــــــــــــــــــــــــم لا اعتـــــــــــــــــــــــــــــــــــــــــراض

40 comments:

حياتي هدف مو عبث said...

نستراداموس
جنه اسمه جذي مادري
;p
واتمنى لك بالسنة اليديدة عدم التحلطم الزااايد
:pp
هاها ومع الشكر
;)

enter-q8 said...

كل عام و انت بخير
و انثبر خل المرض يفك عنك اشوي
و خف زقاير

حسام بن ضرار said...

كل عام و انت بخير

والله يجعلها سنه سعيده عليك .. آمين

Eng_Q8 said...

حياتي هدف

انجليزي ده يا مرسي ؟؟

مالج امل كل سنه انزيد العيار اشوي
:))

مع العفو :p

Eng_Q8 said...

انتر

وانت بخير

يعني انثبر

بس ضيقت خللللللق

والله يبيله نقطع بس صعبه

Eng_Q8 said...

حسام

وانت بخير وصحه وسلامه

وعليك وعلى كل من تحب يا رب

Q8EL5AIR said...

انت الظاهر من هالتحلطم والدوخة .. بيييك سكر مو صج !!!


وضغظ بيخليك صج شايب !!


وابر الانسوليين وراك وراك :)



صحة وعافية وهنا ان شاء الله :)



وتحياتي ..


ويسلموااااااااااااااااااا :)

Kuwait said...

لووووووووووووووول
وانت بخيـر مهندس ..
انتوا تتناقشون شنو بيسوي بالمليون واحنا كنا نتناقش شنو وظيفته لان حده كان كاشخ بالبدله لووووووول ;p
وانا اتوقع بـ 2009 يطيح برج التحرير وتشب حريجه بمجلس الامه خو كيفي بلورتي تقول جذي ;D
وسلامات وماتشوف شر @@
وانا اقترح عليك تقعد بالبيت بعد لان الجو مو طبيعي طرنا من الهوا واشياء تتحذف بالشارع زين ما دعمت الي يمي :\

بو محمد said...

و ليش ما تقول تمنياتك، و شنو بس أوباما اللي يقولهم و إلا هو أحسن من الناس؟؟، و إلا ليش رئيس أمريكا؟؟؟
قول و تمنى لأن أنا أدري إن ماكو بتمنياتك شي يسيل دم بشر أو يسلب حقوقه و لكن أنا على علم تام بأن أوباما سيقرر قرار أو يتجاوز عن فعل أو يدعم موقف برغبة منه أو من حزبه من شأنه إسالة دم إنسان برئ شاء أم أبا
و أما عن بقية البوست فأقول روح الدوانية و وسع صدرك و إلا اقعد بالبيت، روحة البر ما تسوى دام عندكم غبار
دمت و الأهل و الأحبة برعاية الله

ساره النومس said...

كل عام وانت بخير

وخل التغيير لهذا العام مقاطعتك للزقارة :)

ادري صعب

esTeKaNa said...

وانته بخير وصحة وسلامة
:)
بما اني توني راده من المخيم
اقولك اقعد بالبيت احسن
الغبار يشيل ويشدخ بهالخيام
ليش العذاب؟
يا زين البيت والله
:Pp~

Purplecious said...

هاهاهاهاها

يا عمي

سنة تفووووووت و لا حد يموت

وبعدين انت مو شايب بس تقعد مع شياب الظاهر وايد (ترى مو نقزه حق بو خالد بعدك شباب) هههههههههههه

كل عام و أنت بخير

:)

Mamloo7a Q8ia said...

كل سنه وانت بصحه وخير
وعساها سنة خير للكل يا رب


الجو عفسه وغبره وبرد سيبيري
شلك بكل هذا
:))

بس said...

كل عام و انت و من يعز عليك بالف خير

و ان شاء الله تكون سنة خير للجميع

:)

الدســتور said...

أول شي كل عام وانت بخير
ثانيا تصدق هالمصري سحب البساط من الداو و المصفاة

قلب طفله said...

لووووووول

هالمصري مش هيكمل هالسنه من

عيونات خلق الله مقرود :P

كل عام و انت بخير خيو

عساها سنة خير و سعاده على الجميع

:)

Mohammad Al-Yousifi said...

كل عام و انت بخير

سؤال

الزنجبيل شنو ؟

Bloggerista said...

منو الهجوم اللي بتشتريه حق روما؟


is it too late to say happy new year?

الزين said...

كل عام وانت بخير


الا قول لي

طلعت لو انثبرت؟؟

بررررررد

الزين said...

كل عام وانت بخير


الا قول لي

طلعت لو انثبرت؟؟

بررررررد

ZooZ "3grbgr" said...

باشمهندز

قاعد تخلي مدونتك تحلى بعيني اكثر واكثر

تدري ليش؟

طول البوست وانت تتكلم عن روما

ههههههههه

عوار قلب

على فكره

حده البوست دمه خفيف

:")

`~MnO YeNSa! ~` said...

ياية
بسرعة
و عبرت
3
اشارات
:Pp

بس بقولك

كل عام و انت بخير
لو انها
مــتأخرة

اعذرني

Eng_Q8 said...

كويت الخير

فال الله ولا فالك

الضغط موجود مع القولون الله يسلمك :)

الله يعافيك

Eng_Q8 said...

كويت

لوووووووووووول مسكين محد ما سولف عنه

اي وايد كاشخ

بلورتج ميد ان تايون

الشر ما اييج

لا رحت الدوانيه انا مااقعد بالبيت :)

لا تطلعين

Eng_Q8 said...

بو محمد

ماعندي الا امنبيه وحده ان الكويت اتصير مثل ما اتمنى وبس :)

هذا الي صار يا بو حمود :)

Eng_Q8 said...

سارونه

وانتي بخير وصحه وسلامه

زين تدرين :p

Eng_Q8 said...

استكانه

هلا هلا باستكانتنا

لا ليش بالبيت الله يخلي الدوانيه :p

Eng_Q8 said...

بنفسجيه

على قولتج

لوووووووووووووول زين ما سمع :p

اي والله خربوا علي طفولتي البريئه

وانتي بخير وصحه وسلامه

Eng_Q8 said...

مملوحه

وانتي بخير

تدرين وانا اخوج انا بو متيح مدور الطلايب :p

Eng_Q8 said...

بس

وانتي بخير

اللهم امين :)

Eng_Q8 said...

الدستور

وانت بخير

اشوه حسبالي بس احنا الفراغه بالديره :p

Eng_Q8 said...

قلب طفله

هلا ابلتنا

حساااااااافه عيني بارده :))

وانتي بخير

Eng_Q8 said...

مطقوق

وانت بخير

سؤال جوهري بصراحه احرجتني

انا اقولك يعني شنو زنجبيل

زنجبيل يعني

Ginger بالانجليزي
Zenzero بالايطالي
Gengibre بالبرتغالي
Gember بالهولندي
بالياباني هاكوموكو
وبالفارسي أدرك

نبات من العائلة الزِّنجبارية، من نباتات المناطق الحارة, وهو عبارة عن درنات (ريزومات) ينبت تحت التربة، تحتوي على زيت طيار، له رائحة نفاذة وطعم لاذع ولونه إما سنجابي أو أبيض مصفر

والزنجبيل له زهور صفراء ذات شفاه أرجوانية ولا يستخرج الزنجبيل إلا عندما تذبل أوراقه الرمحية. ولا يطحن إلا بعد تجفيفه

تحتوي ريزومات الزنجبيل على زيوت طيارة وراتنجات أهمها الجنجرول ومواد نشوية وهلامية.

يكثر في بلاد الهند الشرقية والفليبين والصين وسريلانكا والمكسيك [[باكستان و جاميكا[[ وأفضل أنواع الزنجبيل الجاميكي بجاميكا.

يستعمل كبهار وكتوابل في تجهيز الأطعمة ومنحها الطعم المميز, يضاف إلى أنواع من المربيات والحلوى والمشروبات الساخنة كالسحلب والقرفة. يستعمل من الزنجبيل جذوره وسيقانه المدفونة في الأرض (الريزومات).

يستعمل كمنقوع فشاي الجنزبيل طارد للأرياح ويتناول في النزلات البردية ويفيد في الهضم ومنع التقلصات حيث أنه هاضم وطارد للغازات ويفيد في علاج النقرس، ولا يعطي للحوامل, كما يستعمل الزنجبيل لتوسيع ألأوعية الدموية، وزيادة العرق والشعور بالدفء وتلطيف الحرارة، وتقوية الطاقة الجنسية ،

تعاطيه يوميا يمكن أن يتدخل في امتصاص الحديد والفيتامينات التي تذوب في الدهون كفيتامين K و E و D و A ومشتقات المضادات الحيوية و ديجوكسين و فينوتوين.

ويشرب مع الحليب بالشتا لانه يدفي


صار معلوم ؟؟

Eng_Q8 said...

مطقوق

وانت بخير

سؤال جوهري بصراحه احرجتني

انا اقولك يعني شنو زنجبيل

زنجبيل يعني

Ginger بالانجليزي
Zenzero بالايطالي
Gengibre بالبرتغالي
Gember بالهولندي
بالياباني هاكوموكو
وبالفارسي أدرك

نبات من العائلة الزِّنجبارية، من نباتات المناطق الحارة, وهو عبارة عن درنات (ريزومات) ينبت تحت التربة، تحتوي على زيت طيار، له رائحة نفاذة وطعم لاذع ولونه إما سنجابي أو أبيض مصفر

والزنجبيل له زهور صفراء ذات شفاه أرجوانية ولا يستخرج الزنجبيل إلا عندما تذبل أوراقه الرمحية. ولا يطحن إلا بعد تجفيفه

تحتوي ريزومات الزنجبيل على زيوت طيارة وراتنجات أهمها الجنجرول ومواد نشوية وهلامية.

يكثر في بلاد الهند الشرقية والفليبين والصين وسريلانكا والمكسيك [[باكستان و جاميكا[[ وأفضل أنواع الزنجبيل الجاميكي بجاميكا.

يستعمل كبهار وكتوابل في تجهيز الأطعمة ومنحها الطعم المميز, يضاف إلى أنواع من المربيات والحلوى والمشروبات الساخنة كالسحلب والقرفة. يستعمل من الزنجبيل جذوره وسيقانه المدفونة في الأرض (الريزومات).

يستعمل كمنقوع فشاي الجنزبيل طارد للأرياح ويتناول في النزلات البردية ويفيد في الهضم ومنع التقلصات حيث أنه هاضم وطارد للغازات ويفيد في علاج النقرس، ولا يعطي للحوامل, كما يستعمل الزنجبيل لتوسيع ألأوعية الدموية، وزيادة العرق والشعور بالدفء وتلطيف الحرارة، وتقوية الطاقة الجنسية ،

تعاطيه يوميا يمكن أن يتدخل في امتصاص الحديد والفيتامينات التي تذوب في الدهون كفيتامين K و E و D و A ومشتقات المضادات الحيوية و ديجوكسين و فينوتوين.

ويشرب مع الحليب بالشتا لانه يدفي


صار معلوم ؟؟

Eng_Q8 said...

فاشونيستا

والله سؤال وجيه

مممممممممممم

والله في وايد التيرناتيف

عندج ابراهيموفيش
دروغبا
توريس
ديفيد فيا
احمد عجب :p

عادي يا معوده ما افرقت :) المهم هابي نيو يير

Eng_Q8 said...

الزين

وانتي بخير

رحت الدوانيه :>

Eng_Q8 said...

زوز

اي والله عوار قلب رووووماااااا :)

مشكوره من ذوقج

Eng_Q8 said...

فيروز

عسا ما فيهم كاميرات :p

وانتي بخير

معذوره يبا :)

`~MnO YeNSa! ~` said...

انزين
شنو
يعني بالكويتي
"يرنزبيل "

:Pp

الصراحة خوش تفسير
اذا ما فهمت شي
بيي هني على طول
بسألك
و هم بطوف اشارات
المرور كلها
:Pp

Eng_Q8 said...

فيروز

يرنزبيل جنزبيل بطيخ كله يودي بس باللغه العربيه الفصحى زنجبيل :)

حاظرين بشتغل موسوعه :p

لا يبا تعال قطوع خوش ياده حاط ورا المدونه لا اشارات ولا بطيخ