Saturday, January 3, 2009

عفوا غزه ليست واجب وطني

لم احب ان اكتب عن هذا الموضوع ليس لشيء انما لانه لا يعنيني ومدونتي مختصه بالشأن الكويتي على وجهة الخصوص ولكن بعد ما حصل ما حصل فلي وقفه بهذا الموضوع

عدنان عبدالصمد : المشاركه في مسيرة الغد لنصرة اهل غزة واجب وطني

هذه هي الجمله التي جعلتني اكتب هذا الموضوع .. عفوا غزه ليست وطني ولن تكون يوما ما وطني نعم هم عرب واشقاء وماعرف ايش وهذه الاسطوانه المشروخه الي تنعاد .. على عيني وراسي .. تبون اتساعدونهم ساعدوهم مهما كان حرام اطفال يموتون وحالتهم حاله .. اما انها اتكون واجب وطني فاستريح يا عبدالصمد انت وغيرك



عفا الله عما سلف ليست بقاموسي بصراحه .. فلن انسى ما حصل بالغزو العراقي الغاشم .. هل نسيتم تعاونهم وهم قد وصلوا الى نصف مليون شخص .. نعم ليس كلهم ولكن اغلبهم .. واذا انتوا مو حايشكم شي منهم ترى حاش اخوانكم الكويتيين وحاش اهلهم فهل دم الكويتي اصبح رخيص الى هذه الدرجه ؟؟

الكل يصرخ .. والكل يبجي .. يبا اذا معورك قلبك روح بالي ما يحفظك روح حارب وياهم مو تقعد اتهايط اهني واتحرض اليهال على الجهاد وماادري شنو .. يعني حزب فااااااااااااااشل يتحرش ويقط صواريخه الدايخه على اسرائيل تبونهم يسكتون يعني ؟؟؟؟؟؟؟؟؟؟؟؟ شكو تتحرش بالاساس ؟؟ انت ما تقدر لهم ياخي احقن دماء شعبك وعيش بسلام ولا تتحرش باللي يلعنون خيرك الخير ... ويتحرش واهو جباااااااان ينخش ببيوت العوائل وبين الحريم وتالي يقولون شوفوا اذبحوا الاطفال .. مو انت روح واجه مثل الرياييل تالي تعال تبجبج


واذا ما تحرشوا باسرائيل .. اتشوفهم متكافخين بينهم وبين بعض .. حماس و فتح .. وشوف المجازر وشوف الجثث وشوف الاجرام الي يصير بينهم واهم شعب واحد لا ومحتلينهم اليهود .. والناس توقف يا مع السني والا مع الشيعي واخذ يا تبرعات الي ما توصل حق المحتاجين ياخذها بو عمار وبو كمال وبو سليم ويسفرون فيها عيالهم بره وقصور وسيايير والمحتاجين ماكلين تبن
الي عندنا .. الاخوان المسلمين وايد شادين حيلهم وما ننسى انهم يعيبون على القوميين .. ليش لان حماس اخونجيه يعني لو مو اخونجيه جان طاف .. وطبعا ياهم الاوردر من مصر .. يالله اشتغلوا احنا هنا مش مخلينا نشتغل الحكومه موقفتنا .. يالله اعملوا مزاهرات يعني مظاهرات .. والي اهني شيشوا اليهال وهذيل ما صدقوا على الله حسبالهم شي حلو يعني ويالله يا مظاهرات .. والشيعه مثل الاخ الي فوق يقول واجب وطني اتجاه الشعب طبعا ليش قال شعب لان فتح مو اهي محور الحديث والا جان حاله من حال الاخونجيه .. والسلف طبعا حسبالهم ان الكويت اهي ارض الميعاد الي راح ينشرون الاسلام منها اقول استريحوا انتوا ويا بو جوتي لا ويبي يبيعه بعد .. قمت اشك فيه
طبعا مصر المحروسه اهي المحور الاساسي للموضوع .. ليش مصر سكرت حدودها .. ياخي كيفهم من حقهم مو عندهم 70 مليون يوعان وين بيلحقون وبعدين مصر قالتلهم تحرشوا باسرائيل ؟؟؟ السودانيين تذابحوا راحوا مصر الفلسطن تناحروا راحوا مصر .. كل شي مصر مصر مصر .. وعقب الحروب الي خاضتها عشان عيون فلسطين الحين مصر كخه ويييع مصر خاينه ؟؟؟ طيروا زيييين ... ارفع القبعه حق انور السادات لحقنه دماء شعبه
طبعا ادري بيدشلي اخونجي الحين وبيعطيني محاضره .. اقوله استريح من الحين ولا تناقش الكويت خط احمر لن انسى لن انسى لن انسى ... ولن انسى ما فعله الفلسطينيين بالغزو ولا موقف الاخوان بالغزو سواء الكويتيين والا غيرهم ولن انسى موقف الاتحاد الوطني لطلبة الكويت الي سمى الغزو خلااااااااف نسيتوا والحين يقولون فلسطين اقول استريحوا زين



نتعاطف معهم .. نعينهم .. نواسيهم .. نعم .. اما اتصير قضيه وطنيه لا والف لا فقضايانا اهم .. وبعدين ترى اسرائيل مو اول امس داشه فلسطين توكم تصحون ؟؟؟

لا تأخذكم العواطف ترى اذا راحت ديرتكم الله لا يقوله بيقولون احسن زين يصير فيهم .. والله لو صاير شي باي دوله خليجيه بروح احارب معاهم بدون ما اهايط اهني اما فلسطين والعراق وماادري وين .. سوري ... ديرتي اولى ولا لي شغل فيهم وهم لن انسى ... وانتوا بعد لا تنسووووووووون



اللهـــــــــــــــــــــم لا اعتـــــــــــــــــــــــــــــــــــــراض

102 comments:

Kuwait said...

اشفهمك انت !
ماتدري ان تحرير فلسطين يبدا من ساحة الإرادة بإستخدام السلاح الفتاك
"جواتيهم "
عزك الله :P
مادري والله عاد اسرائيل بتشوف المظاهرات الي بساحة الارادة وبتقول خلاص يا جماعه شاشوا الكويتيين وقفوا تذبح بالفلسطن :\
صراحه عقولهم صغيره ..
انا اقول بدال الجواتي كل واحد يشيل سلاح وبدال ساحة الإراده يروحون فلسطين ;D

Kuwait said...

@@
أولىىىىىىىىىىىىى

Eng_Q8 said...

كويت

عاد تدرين خالد مشعل مطرش سي دي يشكر فيه دولة الكويت قالوله ليش ما تنشره بالعربيه والجزيره ما رضى

شوفي بس عشان فلوسنا

حسبي الله عليهم

مركبنا said...

اخوي

حقا ليس واجب وطني
بل واجب عقدي ان ننصر هذه الارض مهما فعل البعض

والمسيرات اثرها احنا ادري فيه كاكويتيين تذكرون ايام الغزو شنوا يصير فينا لما نسمع ان في مسيرة صارت بدول من الدول

Eng_Q8 said...

مركبنا

ليس واجب علي والي يمس ديرتي فلا واجب ولا هم يحزنون ما هموني

ولا راح يدرون عنكم لان الاعلام كل حق دول اخرى هذا اولا

وثانيا راح يحرقون علم الكويت كالعاده

وشوف ردي على الاخت كويت

ولا تنسى شنو يصير بالكويتي الي ضروه اهم لما اتشوف هالاستماته عليهم

حياتي هدف مو عبث said...

انا مرتفع ضغطي
يبون احد يسبهم بس مو عارفين شلووووون
:@

Eng_Q8 said...

حياتي هدف

اللهم لا اعتراض وانا اخوج

vancouver said...

كوني صامده طول الغزو

وشفت بعيني خيانه الجلاب الفلسطن واللي سووه بديرتي
عمرررررررررررررررري ماراح انسى

واحييك على كل كلمه كتبتها

واذا اليهود طخوا عنهم
اهمه بروحهم ياكلون بعضهم بعض


وفعلا اهوه مو واجب وطني

ولكن


ولكن

واجب انساني وديني

انه ننصر المسلمين المظلومين باي مكان
وواجب انساني انه نساعد ونواسي الانسان المظلوم


ومع هذا فلسطيني يشتغل بمنظمه التحرير سابقا في اوروبا قالي
بعظمه لسانه
ولا شيء من المساعدات قاعده توصل للي محتاجها فعلا
وهذا سبب حقدهم علينا ترى
طول هالسنين الخير اللي نتبرع فيه يوصلهم فتافيت منه بس

الشكوى لله

ساعة اتعاطف معاهم من كل قلبي
بس اتذكر طوابير الفلسطن بالغزو عشان يغيروون ارقامهم الكويتيه للعراقيه
واتذكر وقوفهم بسيطرات العراقيين
واتذكر الكلام الزفت اللي كتبوه بحق شيوخنا وحق ديرتنا على اسوار المدارس اللي علمتهم

اقول


عساهم بهالحال والله ما يطق بعصا
حوبتنا وحوبه شهدائنا اللي علموا عليهم الجلاب الفلسطن
قاعدين نشوفها فيهم


!

اللي صار مو شويه وصعب ننساه

مستحيييييييييل ننساه

violinist_q8 said...

أفضل موضوع قرأته
فكرت اكتب بنفس الموضوع اليوم و ماشاءالله ماكو شي اكتبه بعدك .
نعم لمساعدة المستضعفين منهم ( لو تأكدنا من وصول المساعدات )
والوقاحه يظهر شخص بالاعلام - قناة العربيه - يطالب دول الخليج بمساعدة ((( ماليه ))) بمبلغ 30 او 40 مليون دولار . كنت اتمنى اقوله شنو راح تستفيد فيهم و انت حاليا تحت قصف ؟ والاهم ان اطنان المواد الغذائيه والادويه قاعد تدخل لهم من الكويت وغيرها . ويطلعلي حقير اليوم مطرش مسج بقناة سكوب ! يقول احنا قلنا بالكيماوي ياصدام صح وانتوا قلتوا ان صدام حامي البوابه الشرقيه يعني انسوا ! همممم يكابرون بالغلط وتبريره لو كان ساكت احسن له .
عموما ماني مطول عليك سلمت يمناك

Eng_Q8 said...

فانكوفر

فما بالج من الي مات عنده احد منهم والا واحد صار مو صاحي هم من و غير البلاوي المتوحشه الي سووها

شكرا :)

Eng_Q8 said...

فيولينيست

شكرا :)

مشكله الي يكابر وانا اخوك

الله يسلمك

a7ibich yl KWT said...

عمرهم ماكسروا خاطري لا اهم ولا العراقيين

وانا مقهووورة حدي
شلون سمحوا لنفسهم يردون العلاقات مع هالناس
و مافكروا بشاعر اهل الديرة واللي تاذوا منهم
مااانبيهم شلوون يدخلونهم ديرتنا مرة ثانية و يفتحون الحدود
في امهات و عوايل ليلحين تبجي عيالها

وشكوا يصرحون بالجرايد و يقولون واجب وطني ؟ من عينهم يتحجو بلسانا

احنا صج مانستحي على كل اللي ايينا و هم ليلحين ندفع فلوس عشان ننسب

الله يكون بعونهم و يكون بعونا !!
و مايشوفون شر

Reem AlHajri said...

الله يحفظ الديره

بو محمد said...

مهندسنا الغالي
أتفق معك بأن قضية غزة ليست واجنا وطنيا و لكنها واجبا أخلاقيا أولا كما يوصي بذالك رب الجلالة سبحانه و تعالي في إعانة الضعيف و المحتاج و المستغيث و كذالك رسوله الأكرم (ص) و هي أيضا واجب إنساني بحت ، فلا ضير في ذالك، و أهل غزة و فلسطين ليسوا كلهم ياسر عرفات كما أن أهل العراق ليسوا كلهم صدام حسين، نحن تعودنا و تربينا على الطيبة و طهارة القلب و إن جار علينا الآخرون، فقلوبنا مفتوحة لهم و إن أغلقوا قلوبهم عنا، و هذا ما يميز السماء الأخلاقي الذي أراده الله سبحانه و تعالى لنا
دمت و الأهل و الأحبة بأحسن الأحوال

Eng_Q8 said...

احبج يا كويت

الله يكون بعون الجميع :)

Eng_Q8 said...

ريم

هلا بالقاطعه

اللهم امين

Eng_Q8 said...

بو حمود

وانا ذكرت الاتي

نتعاطف معهم نعينهم نواسيهم نعم .. اما اتصير قضيه وطنيه لا


وترى مو مظيعنا الا طيبة القلب الي ما انفعتنا بيوم تشردنا فيه كلنا

Bloggerista said...

بردت جبدي بهالبوست


جم سيجارة خذا منك؟

EXzombie said...

القدس واجب وطني؟

القدس واجب عقائدي؟

القدس واجب انساني؟

احنا لو الله يفكنا من القومية و العروبة و باجي الخرابيط الي قاصين على روحكم فيها

ما ادري شنو هالتفلسف في تهويل اهمية المسجد الاقصى و لا باجي الخزعبلات

الي عادين روحهم قيادات فلسطينية ما شفت لهم مؤهلات الا الطرارة و التخوين ببعض

well_serviceman said...

نعم يامهندس.. للأسف اللي عندنا بالديره بسرعه ينسون.. وبسرعه يقولون سامحناهم. لكن تدري ليش؟؟
لنهم كانوا امعززين امكرمين خارج الكويت.. وماشافوا معاناة الشعب الحقيقيه..

وعالعموم... اللي عندنه ما يتعلمون نهائيا.. ياما انقرصنا من فلان وعلنتان.. وعمك أصمخ..

لـــن ننــســى

bo rashed said...

مهندسنا شوف لا تزفني
:P

انا اقولك وجهة نظري للموضوع
وتناقشت بالموضوع عند اخيتي
حياتي هدف مو عبث

انا اقول ان احنا
تعلمنا من صغرنا ان نقول

الله
ثم
الوطن الأمير
الله عز جلاله يقول
في محكم كتابه الكريم
ولاتزر وازه وزر اخرى

انا اتكلم بحكم كوني عقيدتي
اسلاميه بحته
غيري يمكن له راي آخر
بالاسلام اهو حر

نرد على موضوع وطني انا معاك
مو وطني
بس ديني
انت لك وجهة نظر ان الفلسطينيين
لهم موقف مو زين بالغزو
انا معاك وكنت قاعد وشايف

بس اذا بقيسها جذي بقولك
هم انا المفروض ما انسى
اللي سوو الصحابه قبل لايسلمون
بالرسول عليه الصلاة والسلام
قبل اسلامهم
منهم اللي حاول يقتل الرسول
خالد بن الوليد بغزوة احد
ومنهم اللي قتل سيدنا حمزه
هند زوجة بوسفيان
ومنهم الفاروق سيدنا عمر
اللي كان اشد الناس عداوة للاسلام
لي درجة ان نوى ان يقتل الرسول
صلى الله عليه وسلم
بتقولي انا مو الرسول
بقولك انا الرسول قدوتي ومنهجه
حياتي اللي امشي عليه
انا مو قصدي القي محاضره
بس هذي وجهة نظري للموضوع

وايد شمتو فينا بالغزو
من المحيط الهادر الى الخليج الخادر

هل هذا يعني اني اصير شاذ مثلهم
ارد واقول قاعد اتكلم عن نفسي
مالي شغل بغيري

يقولون المعدن الطيب مهما عليه الصدأ
يظل معدن طيب

والكويتيين طول عمرهم معدنهم من انظف
المعادن ودليلك ان الله حافظ هالديره
من عمر مع انها لقمه صغيره بين وحوش داير مدايرها

ادري ان كلامي ما يوافق رايك
والكثير من الاخوه والاخوات

بس هذي الكويت وهذي حلاوتها نختلف
بس نتفق على حبها

ما اقدر اقول ان حياتي هدف
انحرفت عن الطريق الصواب بانتقادها
لحماس او غيرها من الاسلاميين

وهم ما اقدر اقول انك ما معاك
حق انك ماتنسى اللي سوو فينا
البعض ايام الغزو

بس ارد واذكرم بكلام الخالق

ولا تزر وازه وزر اخرى

ويا ويلك ان زفيتني
والله وبالله اروح الزياني واضربلي
اقدعها فراري
وافتر ليل نهار
وماخلي راعية بورش الا الحقها
لين اطيح على الدفينه
لوووووووووووول

تحياتي يا بعد عمري انت
:)

NBQ said...

مساكين.
ما تدرون لو لا غزة وغيرها من الثغرات لكانت الصواريخ تنهال على رؤوسنا ونحن في بيوتنا.
(سواء الصواريخ الفعلية أو الافتراضية)

إنهم خط الدفاع الأول وهم الفائزون بينما نحن الخاسرون بجلوسنا وتواطئنا
وتمرغنا في الدنيا ومتعها وملذاتها وراحتها

ودوام الحال من المحال

السبب الحقيقي لتواطئ الحكومات العربية على غزة
http://www.alraimedia.com/Alrai/Article.aspx?id=102490

Rhazes said...

Let me begin by saying that a neutral point of view must be taken when dealing with this matter. This means no religion, no race and no emotions involved.

The people of Gaza are indeed suffering, some are completely innocent whilst others have brought this upon themselves. Israel is doing a great disservice to itself by brutally bombarding Gaza and I can only guess this means they are scared. They are scared of Hamas and have decided to finish them off for good. The people of Gaza made a mistake by trusting the thugs called Hamas, we cannot hold them against this error forever. Therefore, we must indeed sympathise but we must be careful so they do not trick us again.

مركبنا said...

مثل ماقلت ياخوي
الاستماته مو عليهم

عليها
على فلسطين
فهي جزء من عقيدتنا وجزء من ايمانا بالله وجزء من حبنا للاسلام


يبا تعوذ من بليس
اذا العراق تبرعات الكويتية تارستهم ولا وبنوا لهم محطات كهرباء واحنا مابنينا حق عمرنا

يا اخي
الحروب العالمية خلصت وكاهم الاعداء صاروا ربع

ياخوي
المسيرات والرفض قاعد تطلع من داخل اسرائيل واحنا نقول اهم سووا فينا اذا العدو قاعد يرفض ويطالب بالوقف احنا نقول كيفهم ومالنا شغل فيهم

ياخوي
انزين وين باجي دول الضد كانا نسيناها
وكاهي حليموه توها رايحة بمهمة رسمية ببدلتها الستان الاحمر الضارخ !!!!!
ومحد قالها شئ

وكان طلبتنا تارسين دول الضد
وكان علاقتنا الدبلوماسية
انفتحت حتى مع العدو


احبج يالكويت

enter-q8 said...

عمو ما هقيتك بتنزل هالموضوع
ما ادري شنو اللي حدك عليه
بس عذرك معاك
كنت متوقع تحط ابو جاكيت وردي و دشداشه شتوية ونعال عزك الله
لكن ما عليه
بالامانة انت عارف شنو توجهي او تعليقي للموضوع يالزميل
و ما اقدر اضع تعليق بعد طرحك و مو من طبعي اقول اي و الله اي و الله الا اذا كان في اضافه مع او ضد
لكن بالامانة دخولي
كان للنظر اذا كان هناك اي احد من المتهطرقين الجدد علشان اعطيه على راسه
لن شكله ما ينفع معاهم الا جذي
و اتمنى اي احد فيهم خصوصا لبيسة الحفظات كما اطلق عليهم العلامة فؤاد الهاشم قدس مخه
لذا بالانتظار

Dionysus said...

thanx 3ala hal post
chan zain alnas yefhmon

عثماني said...

اشهد انك اصبت كبد الحقيقة

بردت جبدي

خوش كلام يا خوي

أبو جيج يدور نعاله said...

قضية غزة تناولها الأخوة و الأخوات المدونين بإسهاب و أعطوا صورة واضحة لمقدار الظلم الذى تعرض له الكويتيين على أيدى القيادات الفلسطينية بكافة فصائلها بأيام الغزو البغيض....ببساطة لم و لن ننسى ....نعم نتعاطف مع القتلى الأبرياء الفلسطينيين و القتلى الأبرياء الإسرائليين..بأعيننا هم بشر و سواسية....و لا فرق إذا هذا يتكلم عربى و الثانى عبرى.....و لن ننجرف خلف أجندات الأحزاب الإسلامية و شعاراتها الزائفة.

ساره النومس said...

بعد عدة مشاورات مع نفسي اشوف اني اتابع ديرتي وايد اهون

strawberry cheese cake said...

rbee ma y6g b 39aa....al7mdella ya rbee..eldnya dwaara..alla y36eek alf 3afya 3ala hal post...shkel el nas bel kwt en'3slat m5oo5hm..3sahm ma ynsoon bs ele 9aar...a55 3ala lkuwait

KQ8 said...

بعد ؟؟!!عبدالصمد دش على الخط

اخوي لا هي واجب وطني ولا اخلاقي ولا انساني كل هاللي شايشين الحين ومسوين هوليله وافلام هنديه..اخرتها بيتخوزقون خازوق محترم

فتح تبيها من الله ان حماس تندق من اسرائيل وتختفي هم الاثنين وصارت بينهم وصار تذبح وطقني وطقك وارواح راحت اشوف محد من الاشاوس بطل حلجه

صيروا مثل قطر يامالكم الحجه..وضبطوا مع اسرائيل وبلا هالفوقيه اللي ماراح تودي ولا اتييب

Eng_Q8 said...

فاشونيستا

:)

والله مااذكر بس اذكر كل شوي احذف اللابتوب واتعوذ من الشيطان :)

بس اكيد فوق العشر زقارات

Eng_Q8 said...

اكسزومبي

على قولتك

Eng_Q8 said...

ويل

لن ننسى

Eng_Q8 said...

بو راشد

لووووووووووووووووووووووووول حسبي الله على ابليسك لا ماني زافك :p


ومن قالك اني مو مسلم ؟ :)

جميل جميل .. ولكن يا بو راشد عسى الله يطولي عمرك هذا مختلف اختلاف كلي عن هالموضوع ؟!؟ اذا بتقسها على ايام الرسول عليه الصلاة والسلام راح اقولك ان الدين اولا ماكان منتشر وكان في بداياته وثانيا كانوا على ضلاله وثالثا الي ذكرتهم اصبحوا من قادة المسلمين .. بو راشد الرسول عليه الصلاة والسلام كان ينشر الدعوه وهذا يختلف عن ما هو حاصل الان فالموضوع ليس نشر دعوه انما موضوع مسني ومسك

وبعدين بو راشد انا قلت بالبوست انواسيهم انساعدهم ماعليه هذا من انسانيتنا ولكن اها اتقون قضيه وطنيه لا ولف لا لو شنو يصير خلاص نتبرع وخلاص اشمعنى الكويت يعني ؟؟ والدول العربيه كلها ساكته

بو راشد وانا اخوك رحمتنا موجوده فينا ولكن الي يسوونه الحبايب غلط صاروا فلسطينيين كثر من الفلسطن نفسهم

لا تنسووووون

لووووووووووووووووووووووووووووووووووووووووووووول

لا اهي مو خفيفه واتحب سيارتي :p

حسام بن ضرار said...
This comment has been removed by the author.
Eng_Q8 said...

ان بي كيو

والله انت المسكين الي تحفظ الحجي واتردده

واذا بتستشهد استشهد بواحد غير محمد العوضي يزاك الله خير

الله يعينكم على عقولكم

حسام بن ضرار said...

يمعود شتقول شتخلي

انا صاير لي اسبوع مقزرها ضحك على هالموجات الاخوانيه

ما بقى سبه، ما بقى إتهام، ما بقى تخوين ما قطوه علي

ما بقى إلا يمشون على سنة سيد قطب و يكفروني جنهم ما يدرون

قمة المصخره اللي يتفلسف و يقول لك: اهل غزه يقتلون و انتوا تتفلسفون على مواقفهم من الغزو و انتوا مرتاحين ببيوتكم

اقول له: بدال تفلسفك هذا شمقعدك بينا تامر و تنهى و تسوي وصايه علينا؟

قوم حرك مقعدتك و روح جاهد هناك و قدم شي بدال لا تلغي على راسنا

يهال تحركهم احزابهم بالريموت كنترول

عقولهم مستعبده لإحزابهم، و اهم راضين بالعبوديه

طبعاً استثني منهم العقال و اللي يناقشون بإحترام

Eng_Q8 said...

وايس ون

اخطأوا او لم يخطأوا مجرمين او بلطجيه ما هموني

بكيفهم

انا قاعد اتكلم عن الكويتيين الي صاروا فلسطينيين ونسوا لي صار

Eng_Q8 said...

مركبنا

واجب ديني من متى ؟


وبعدين اذا بتتكلمين عن الحروب العالميه فاثارها لي الحين موجوده وثانيا الشعوب ما ردت علاقاتهم الا بعد زوال الجيل القديم لانهم الجديد الي عقبه نسى وماشاف الي صار

ومن قالج اني مع التبرع للعراق او اسقاط قروضهم نتبرع انسانيا ميخالف غير هذا لا والف لا لا العراق ولا دول الضد

لا نزايد على حب الكويت

يمكن انتي ما حاشج شي بس ترى حاش غيرج

واعيدها دم اي كويتي يسوى غزه وابو غزه والعالم كله

ولن ننسى

Eng_Q8 said...

انتر

لا تلومني بو وليد جن الي ماتوا عندنا ولا شي والحين يبجون على فلسطين

روح حاارب روح وفكنا ياخي

مالك شغل انا قاعدلهم بالمرصاد :p

Eng_Q8 said...

خايرها

يو ولكم :)

هذي يبيلها احساس مو فهاميه

لو احد مت عندهم جان ماقالوا هلحجي

بس شتقول عن يهال الاخوان والقومجيه

Eng_Q8 said...

عثماني

يا بعد جبدي :)

لازم يحسون على دمهم وانا اخيك

Eng_Q8 said...

الوزير القائد المكافح المهيب الركن طيار رقيب عقيد ابو جيج


صحيح صحيح لا فض فوك وزيرنا

اقول ماتبي مدير اداره شي :p

Eng_Q8 said...

سارونه

المفروض كلنا انسوي جذي :)

Eng_Q8 said...

بيبي

الله يعافيج

لا تتشمتين لان مو من شيم الكويتيين التشمت

والله يعينهم

والله يحفظ الكويت من كل مكروه

Eng_Q8 said...

بو طارق

صاج صاج عمو

Eng_Q8 said...

حسام

قاعد اشوفك :)

صاج صاج يا زميلي المبريالي الصهيوني الكافر الملحد عب الامريكان كلنا صرنا جذي :))

اذبحونا ويقولون عقدة الغزو

اي انا متعقد من الغزو شيبون ابي واحد يزايد على هالموضوع

Hamad Alderbas said...

اسخف ماقيل هو تصريح محمد الدلال من حدس الذي طالب دول الخليج بوقف تدفق النفط للضغط على العالم متناسيا ان فكرة وخطة احتلال الخليج في حال لو اوقف تدقف النفط جاهزة وقابلة للتنفيذ !.

Kuw_Son said...

خلك في نفسك أحسن و عيش حياتك كمواطن كويتي :) غيرك عايشين لنفسهم ككويتيين و عايشين لغيرهم و مرتاحين بعد

الله يعينك على نفسك

Eng_Q8 said...

حمد

واحنا شلون ناكل بالله ؟؟؟

اشرايهم بعد نعطيهم النفط واهم يتصرفون فيه بمزاجهم

يبيلهم عين حمرا الظاهر

Eng_Q8 said...

كويتي سون

طبعا اعيش ككويتي

وانت خلك لحزبك

وروح حارب هناك بلا صيحه وعوار راس

والي مو عاجبه انه كويتي خل يتوكل على الله

الله يعينك على غسيل المخ الاخونجي

Anonymous said...

عزيزي

لاول مرة أختلف معاك

هل اللي وقفوا مع صدام هم انفسهم الذين يحرقون اليوم بصواريخ إسرائيل؟؟

إذا كانت الإجابة نعم 100 بال100

فأنا معك

ولكن ليسوا جميعا

واللي قاعد يصير اليوم إبادة عرقية شاملة

اعتقد يج ان نجاهد معهم ولو بالمال

فهم مسلمون
وإن اخطاوا

ومن عفا واصفح فأجرة على الله

حنا نبي الاجر مانبيهم

حكامهم سفل أن ادري ولكن هناك اطفال ابرياء شنو ذنبهم

وشكرا مهندسنا العزيز

Eng_Q8 said...

حسافتج

اي اهم

وخلنا انقول 90 بالميه عشان لا نظلم

والله محد قالهم يتحرشون بخلق الله

اباده والا مو اباده


ناس ما اتعيش بسلام واذا ما تحررشوا بالاسرائيليين تذابحوا بينهم وبين بعض

انا ما قلت لا تعطونهم

قلتلكم عطوهم واسوهم غير هذا لا والف لا هي ليست قضيه وطنيه

وحسافتج لما فلسطن يذبحون احد يصيرلك صدقني ماراح اتقول هالحجي

ذنبهم ان احزابهم الخمه ينخشون مثل الحريم بين البيوت لو رياييل ما ينخشون بين بيوت المدنيين

تحياتي

Kuw_Son said...

الموضوع و مافيه
"خالف تعرف" .. و انت حدك مبسوط

أحترم رايك .. لكن أسلوبك يا عزيزي شوي حاد

لو توطي على الموجة و تنزل لمستواي المتواضع و تحاورني أكون شاكر لك ..
أما تاخذني باللوية فأنا أعتذر عن المشاركة :)

Dr. Academy said...

عالجرح يا باش مهندس ..

يعني الجانب الانساني يخلينا نتعاطف مع الاطفال و الابرياء ..

لكن سؤال ..

ابي اهم ليش ما تعاطفوا مع الاطفال الكويتيين اللي تيتموا بسبب بلاغ من فلسطيني للجنود العراقيين عن افراد الجيش او الشرطه او حتى المدنيين اللي كان عندهم كاميره فيديو او اله كاتبه ..

ليش اطفال الكويتيين مو اطفال و الا لان احنا يهود الخليج مثل ما اخوانا العرب يسمونا ..

انا ما اقول الا الله كريم

enter-q8 said...

الفزعه الكويتية معروفه و الطيبة الكويتية معروفه
و القيم الاسلامية الكويتية معروفه
و العروبة الكويتية معروفه
فقط قارنها بالذات
مع مواقف غزة
هذا اللي ابيه

قارن الموقف الاسلامي مما حدث لدولة الكويت

قارن الموقف العربي لما حدث بالكويت

قارن الانسانية لما حدث بالكويت

و انظر الى بقاع العرب كلها

من اقام عزاء الكلب صدام وجراوته

عفوا ليس بقاع العرب
بل بفلسطين اي بلده التي اقيم بها العزاء

لا تصنع المعروف بغير اهله
وما زالت الكويت تصنع المعروف

المغيض بالامر ان الفزعه هنا يراد بها صبغ الانسانية لحماس
و الدينية لحماس
و العربية ايضا لحماس


انها تسيس معاناة

لا اعلم اذا الفلسطنيين منشقين على انفسهم و ربعنا الاخوانجية بيصيرون فلسطن اكثر من الفلسطن

روحوا و ولعوا بنفسكم بجاز امام احدى السفارات
و الجاز و الكبريت علينا

EXzombie said...

مهدسنا

متعودين عليهم باللف و الدوران، هل يستطيع ان يقنعني احد فيهم ان الهياط و الجواتي الي ترفع و الحملات الي تثار لنصرة غزة ليست سوى تحريك شعبي لمساندة حزبية

يعني الاخوان فرع الكويت مسوين هالهيصة علشان الاخوان فرع فلسطين

و الي بيقول لي اسلام و يقص على روحه، احب اذكره سويتوا نص و لا ربع الي قاعد تسوونه لما اسرائيل ضربت لبنان، و لا علشان الاهبل كان حسن نصر الله فباللعنة فيهم، و لكن لأنه الاهبل الحين اهو اخونجي فحرام و واجب انساني و اخلاقي و ديني

هل سويتوا نص الي قاعد تسوونه من ردح حق دارفور؟

انزين هل شفنا فيكم عاقل يقول انه فقراء الكويت و ايتام الكويت و ارامل و اهالى شهداءنا و اسرانا احق بهذه الاموال من قادة فتح او حماس او حتى الجن الاحمر؟

ديرتنا اولى و اهم و الي يطلب منا انه نعيش لوحدنا الظاهر نسوه انه لازم نعمل لكويتنا، و كويتنا محتاجة الكثير منا، فبدال لا نبني محطة كهرباء بلبنان و لا فلسطين و بحماقة تدمر المحطة هذي بس تصعيد طفولي غير مسئول، نحن احق بمحطة الكهرباء هذه

و يا ريت ترحمونا من اللغوة و تلبسون حزبيتكم علم الكويت و راية الاسلام

Eng_Q8 said...

كويت سون

حلوه خالف تعرف كثر منها .. تدري منو يسوي هالسوالف :)

وطبعا مبسوط تدري ليش ؟؟

لاني عايش ككويتي

الكويتي الي يساعد الاخرين بدون منه

الكويتي الي يعطي بدون ما يقول انا عطيت

الكويتي الي ما ينطر شكر من احد

الكويتي الي ما ما يسيس معاناة الاخرين

الكويتي الي لا ينسى ما فعله اي احد بديرته ورغم هذا يقول ساعدوهم

الكويتي الي مواقفه العربيه تشرف العرب مجتمعين

الكويتي الي عنده دم الكويتي يسوى الدنيا كلها

وهذي مو لويه يا حبيبي هذا واقع

وعلى فكره ترى الموجه مو عاليه بس الواقع شي اليم

كفاكم مزايدات

Eng_Q8 said...

دكتور

احنا الطوفه الهبيطه

اللهم لا اعتراض

Eng_Q8 said...

انتر

وشنو ردهم على هالكومنت بالله ؟

Eng_Q8 said...

اكسزومبي

ديرتنا اولى صح لسانك

KQ8 said...

بوسعيد

اخاف صج بس

صج لي قالو حنا شعب عاطفي مسرع ما ننسا الطراقات اللي ياتنا من الاخوان ومن الفلسطن ومن باقي الترعه العربيه

اعنبوكم اللي ما ذاق الغزو بالكويت ولا حس فيه خله يعض على هبرة اللسانه بلا هالتنظير اللي اكل عليه الدهر وشرب ثم......تريع

حياتي هدف مو عبث said...

بو راشد
مافهمت قصدك؟
:/
ـــ
ما اقدر اقول ان حياتي هدف
انحرفت عن الطريق الصواب بانتقادها
لحماس او غيرها من الاسلاميين


الدراسة مأثرة
;p




مهندس كيفي بكتب تعليق
عندك مانع؟
ولا لازم ارفع حووووذاائي
:ppppp

Eng_Q8 said...

بو طارق

ما ذاقوا الي ذقناه

Eng_Q8 said...

حياتي هدف

لا يبا ما عندي مانع تيك يور راحتج :p

Hamad Alderbas said...

مهندسنا العزيز

بالنسبة لموضوع النفط

فيا ريت لو السالفة على شناكل وبس

بالسبعينات يوم قللت دول الخليج انتاجها للنفط انطرحت في امريكا بقوة خطة احتلال الخليج , وهذه الخطة غير مستبعدة اعادة احيائها ان تكرر الموضوع .

Eng_Q8 said...

حمد

الله يستر يا معود احنا مو ناقصين

مشكله الي يبي يوصل باي طريقه اخونجيه ما منهم فايده

أخبار الاتحاد said...

نعم فتح - عباس أبو جزمة - وقفوا مع صدام فهما حزبان علمانيان متطابقان

نعم مصر - بعد أن أوقعتنا بالمكيدة يوم الأربعاء - وقفت معنا حتى التحرير

لدرجة أننا سمعنا مرارًا "دا إحنا اللي حررنا الكويت" من هواتف العملة

ولكننا لا نأخذ الشعوب بجريرة الأنظمة، خصوصًا إذا كانت أنظمة ديكتاتورية

وإذا كنت لا تنسى بحسب قولك، وهو قول جميل، فلا تنسى موقف حماس من الغزو أيضًا

حماس كانت - بجانب لبنان - أول من رفضه
بينما كانت دولة خليجية تبث سباق هجن

ولذلك استقبل سمو الأميرالراحل جابر الأحمد الشهيد أحمد ياسين ورفاقه "بعد" التحرير، تكريمًا لموقف "حماس" من الغزو، رغم ما سببه لها موقفها من إزعاج في الشارعين الأردني والفلسطيني، فدستور "حماس" صيغ في الكويت، وخالد مشعل درس ودرّس في الكويت، وغير ذلك من أمثلة

قد تنتقل الآن لنقطة أخرى أو عذر آخر
ولكنني أحببت الرد على هذه النقاط

Eng_Q8 said...

اخبار الاتحاد

اقرأ التحديث بالموضوع الجديد

مقالة الربعي وسلملي على حماس

Anonymous said...

بهذي معاك حق

بس الرحمة حلوة

Eng_Q8 said...

حسافتج

واحنا رحومين وما قلنا خل يولون عطوهم فلوس واسوهم بس لا تكون قضيه وطنيه او حياة او موت وان نكون فلسطن مثل الفلسطينيين

سوالف said...

السؤال : هل فعلا المقصوده غزه ؟؟؟؟
او اسقاط النظام الحالي في " مصر " ؟؟؟
اقول لكل من تنطلي عليه فكرة الوقوف مع الفلسطينيين ضد اليهود ... المقصوده هي " مصر " فهل تقبل في المشكاركه ضد " مصر " وتسليم مقاليد الحكم إلى "الإخوان " !؟؟
والا شكو المظاهرات عند السفاره المصريه !!؟ مالكم شغل ... محد تكبد خساير بشريه في الحروب ضد إسرائيل كثر مصر ... ومن الطبيعي إنها تشوف مصلحتها ومصلحة شعبها في السلام مع إسرائيل .... وهذا " شأن خاص في مصر " ومو شغلكم يا حدس و يا غير حدس ... بسنا حروب وعداوات ومظاهرات وسب وفتن
وبسكم من الكلام الفاضي عن القوميه العربيه
وبسكم من الكلام عن الدين
بسكم ... بسكم
عيشوا بسلام
وفكونا
نبي الأمن والأمان
نبي نفكر بأشياء تفيد بلدنا
نبيكم تفكرون ... وتشتغلون ... وتتظاهرون لمصلحة " الكويت " الكويت وبس
وسلامتكم

كلنا غزه said...

افرحوا بكرتكم التي تركلها الاقدام فهذا مدى ما تستطيعون تحقيقه

ما اقسى القلوب التي لم تحركها آهات الثكالى و أنات اليتامى و زفرات الايامى

يا امة ضحكت من جلها الامم

Eng_Q8 said...

سوالف

هم ممكن والا مصر المحروسه ما نرضى عليها :))

والمهم الكويت شكرا :)

Eng_Q8 said...

نحو موسيقى اسلاميه راقيه !!؟



يعني شتبينا انسوي انروح انفجر بروحنا مثلا ؟؟

توكل على الله انت وموسيقتك

اهو في موسيقى اسلاميه عشان اتصير راقيه ؟؟؟

الله يعينكم على التخلف والله الجاهل الي مكاتشف موسيقى اسلاميه

حياتي هدف مو عبث said...

نحو موسيقى اسلاميه راقيه

منصدمة !!!

ما كو شي إسمه موسيقى بالإسلام
:)

Eng_Q8 said...

حياتي هدف

ويقول يا ضحكت من جهلها الامم

بدال ما يخترع شي ينفع المجتمع يقول موسيقى اسلاميه

قايلج ما منهم فايده

KQ8 said...

يا باشا يابو موسيقى اسلاميه

هل كيف موسيقى واسلاميه؟؟

ثم سؤال اخر هل يسمح بعمل دويتو مع هيفاء وهبي اذا كانت ملتزمه اللبس الشرعي

Anonymous said...

ايش يعني موسيقى اسلامية؟

Anonymous said...

بعد البحث و التحري
اكتشفنا ان الموسيقى الاسلامية هي مشابهة للدي جي الاسلامي الذين هبوا فيه الاخوه في الكويت

و جزاكم الله خيرا

Anonymous said...

لمن يريد الموسيقى الاسلامية الراقية و الاصيلة
المنشد
يوسف عمر
وقصيدة مات اللمبجي

http://www.youtube.com/watch?v=Kdii90prGyU

KQ8 said...

يا شيخ مقهور

افتنا بالله عليك

هل يصح سماع ام كلثوم وهي تغني قصيده مدح النبي وهل تعتبر من الموسيقى الاسلاميه

KQ8 said...

http://www.youtube.com/watch?v=MThoK4WMYTA

تلحين رياض السنباطي

Anonymous said...

بعد سؤال الشيخ مقهور قدس سره عن الموسيقى الاسلامية و هل هي حلال

اجاب الشيخ: في حال الموسيقى لا يصاحبها رقص مختلط فهي تجوز بشرط الراجل يرقص اول و بعدين الستات

Anonymous said...

هذا موسيقى اسلامية

و الثاني يقول اناشيد بايقاعات

بالله ما فهمنا

ما دام راضين بالدقدقة

ليش تبون تمنعون حفلات هلا فبراير؟

Anonymous said...

هل يجوز السماع لاغنية بحبك يا حمار ؟

KQ8 said...

شكرا جزيلا فضيله الشيخ مقهور

===
ردا على استفساركم وبعد سؤال الشيخ عمر باشا سلطح بابا قدس الله بطنه وطول خشمه ونفخ براطمه فقد افاد مكتبه ان التغني بإغنيه بحبك ياحمار جائز شرعا لإن بها وصف لاحد مخلوقات الله وهذا يعتبر من الغناء الحلال الزلال

KQ8 said...

تهقى لو راس السنه الشقيق سوت دقدقه اسلاميه تصير كبسات؟؟

Anonymous said...

سؤال حلو


اكو موسيقى اسلامية هابطه؟؟؟

كلنا غزه said...

مقهور

والله اسم على مسما

فرق بين الغناء الهابط وبين الغناء العفيف احنا نقدم النوع العفيف الراقي من الموسيقى واهيا تحث للخير وتدعو للقيم

هذا مثال

http://www.youtube.com/watch?v=bJQDO7_avV4

لاتحسب الدين لحيه ودشداشه قصيره ومسيد

الدين اشمل من انكم تستوعبونه

KQ8 said...

زين يالحبيب

تقول "احنا نقدم" يعني ادق عليك اتيني المخيم تسويلي سمره اسلاميه

وبعدين فيه رقص اسلامي ؟؟

Anonymous said...

اخلص
بكم طقتكم اذا نييبكم المخيم نبي سمرة؟

انا اتوقع بعد كم سنه تحللون الويسكي

KQ8 said...

مقهور يصير وسكي اسلامي قلاص واحد مايسكر عاااادي

تخيل انت قاعد على البار والبار تندرواحد من الاخوان المصاروه وعلى يبهته ختم النسر من الصلاة ويوقولك تشرب ائيه يافندم وتقوله عطنا نبيذ اسلامي

Eng_Q8 said...

موسيقى


خلينا الدين حقك يا بو دين

يا عمي طالع منو يعلمنا دينا

انزين اقول الموسيقى الاسلاميه اتفطر برمضان ؟؟

Eng_Q8 said...

مقهور و بوطارق


عادي راح يصير ديسكو اسلامي بعد

سوالف said...

Eng_Q8

أنا بعد ما أرضى على مصر ....
قصدت من كلامي إن اللي يصوتون ويصرخون لنصرة اخوانهم الفلسطينيين في غزه ... مو علشان سواد عيون إخوانهم الفلسطينيين ولا هم يحزنون !!! المقصوده هي " مصر " وإشاره للإخوان بالإنطلاق لقلب النظام في مصر !!!
مجرد تحليل متواضع :)

سوالف said...

وبالكويتي غزه مو واجب وطني ... مو مواجب وطني

Eng_Q8 said...

سوالف

فاهم قصدك والله :)

نعم ليست واجب وطني

KQ8 said...

١٠٠

كويــتي لايــعه كبــده said...

أحييك مهندسنا على الشجاعة في الطرح
وعلى الصراحة التامة

واحيي من علق بعدم نسيان الغزو على الكويت

حدي متحسف على تأخري على طرح هالموضوع لأن الكلام اللي عندي مو شوية على خيانة الفلسطن والانسانية الون وي فقط اللي ما شفنا منها شيء

لكن سوف يكون هناك المزيد في الايام القادمة لا محالة

لم ولن ننسى
دقق... ""لن"" ننسى

Eng_Q8 said...

كويتي

شكرا شكرا :p

احنا فيها وكل تأخيره فيها خيره :)

لننننننن ننسى