Sunday, January 4, 2009

هم تكفووون نبيييه

هالموضوع مازال مفتوح وبصراحه عجبني اليوزر الي اسمه نحو موسيقى اسلاميه ارقى ؟؟!؟ موسيقى ويقول يا امه ضحكت من جهلها الامم .. والله المفروض انا اقولها وهالمقالات حقهم فوق البيعه .. وسلمولي على الاخوان





==================


اعلان : ندوة علاقة السلطتين الى اين ؟ .. يلقيها الدكتور محمد الفيلي

يوم الثلاثاء 6\1 .. في جمعية الخريجين


==================


بسم الله الرحمن الرحيم


نقدم لكم الآن الوصف التفصيلي لمباراة منتخب الكويت الوطنيييي ومنتخب عمان الشقيييييق


الجمهور : انشالله فايزين انشالله فايزين .. صبولنا شااااي



تنلعب الكره .. ناحية الشماااااااااااال


الجمهور : يالله مساعد يالله شد شد



دفاع ممتاز من منتخبنا الوطنييييييي


الجمهور : كفو كفو



هجمه مرتده عكسيه .. وعجب عجب عجب .... لالالالا ضاااعت ضاااعت ماعلييييييه انشالله اتعوضها


الجمهور : لاااااااااااااا ... ماعليه ماعليه



انتهى الشوط الاول



بسم الله الرحمن الرحيييييييييييم


ننقل لكم الوصف التفصيلي للشوط الثاااااااانيييي


الجمهور : هالمعلق فقر



هجمه لمنتخبنا الوطنيييي عجب عجب عجب ...... لااااااااااا لا يا عجب .. ماعليه ماعليه


الجمهور : هيااا .. لاااااااااااااااااااااااا .. اشفييييييك العب عدل .. زقاير زقااااير وين الزقاااير



هجمه ثااانيه الله الله الله قوووول ... لالالالالا شتسويييي يا عجب شتسوييييي


الجمهور : واله وثول يال @@#$ٌ## شفيه هذااا ... طفاااايه ييبوا الطفاااايه



هجمه لمنتخب عماااان ويصدها الخالدي


الجمهور : جكجكجكجكجك .. زين زين الخالدي عاش الجسور



كورنر .. تنلعب الكره .. قووول قووول قووووووول ... ليش يا حكم ليش يا حكم .. الحكم لغى القوووول


الجمهور : هياااااااااااا قووووووووووووول .. يناقزون ويلمون بعض .. لييييييش شهالحكم هذا @#@]ُ@# حرام والله حرااااام ... كل واحد ولع زقاره ثانيه واهو بايده زقاره



هجمه عجب حطها حطهاااا ... بررره .. بدله يا مدرب بدله يا مدرب .. خلاص مو راضيه ادش وياه


الجمهور : آآآآآآآآآآآآآآآه @#!@#@ُ بدله يا محمد ابراهيم بددددددله شهال #@@ الي حاطه هجووووم نزل الرشيدي نزل لهيب نزل خلود خلف .. ذبحنا ذبحناااااا .. والعيون احمرت والنفس اصبح نار الهشيم وطق مطر من كثر الدخان الي يطلع من الزقاير



سيو سيييييو ... صفر الحكم


الجمهور : اي العب الكووووورنر #@#@ ليش ما لعبت الكورنر .. والله حرااام لعبنا خوش لعب كل من عجب ضيعنا عجب ضيعنا عجب .. ويضربون كف بكف والضغط ارتفع والسكر ارتفع

ولسان حالهم يقول دام هذا لعبنا في امل انعوضها المباراة الثانيه انشالله انشالله المهم لعبنا زين


=====


بصراحه المنتخب صدم الجميع بالمستوى الي قدمه اليوم وخصوصا الشوط الثاني .. مباراة افتتاح مع صاحب الارض والمرشح الاول او الثاني للبطوله ولعبنا فيهم لعب بالشوط الثاني شي جميل


الضغط الي العبوه على الكره مع استبسال الدفاع ولعب بدر المطوع .. كان جميل ومترابط .. تعادلنا نعم لكن بالنسبه لي اداء جميل .. يعني لولا ان عجب ضيع خمس كور ما يضيعها لاعب ناشيء جان الحين فايزين بفارق كبير ولكن لنكن واقعيين احمد عجب من افضل اللاعبين باتخاذ الموقع الممتاز فحتى لو ضيع ماكو غيره سكتوا عنه جود يقول المباراة اليايه


المباراة القادمه يجب ان نصلح الاخطاء الي حصلت .. واتمنى يلعب 4-3-3 ويدخل خالد خلف من الشوط الاول والهجو خلوا عجب واذا ما نفع طلعه ونزل الرشيدي .. بس المدرب ادرى بفريقه وانشالله فايزين


ولازلت اقول تكفووووون نبيييييييييه
.
.
.
اللهــــــــــــــــــــــــم لا اعتـــــــــــــــــــــــــــــــــــــــراض

88 comments:

KQ8 said...

الاخونجيه لو تصب اي معلومه براسهم ماراح تركز عمو هذول إمبرمجين يبيله ري بوووت بلابجين صباغ ايراني
=====
بلا ندوه بلا نيله هذا ياي عشره الشهر يبي يسوي ندوه

=====
خل وصفك حقك اشوه اني ماشفتها ولا ابي اشوفها

حياتي هدف مو عبث said...

حتى الجمهور مدخنين ؟
ولا جمهورك ذوول
:p
وانا قلت ماكو شي اسمه موسيقى بالإسلام
:)
وانا ما اشوف المبارة الا الدقيقه الأخيرة عشان أعرف النتيجة
لأن مستحيل
أشوف ناس تركض ورا الكره
;)

كلنا غزه said...
This comment has been removed by the author.
كلنا غزه said...

صج الجهل بالدين آفه

لعلمك الموسيقى تجوز على شرط عدم غناء الكلمات الممتهنه المثيره وعادي تستغرب من يوزري لأنكم حاكرين الاسلام بالمسايد والسراديب وعقولكم اضيج من انها تستوعب ان الاسلام دين شمولي وتطفرون من شي اسما بديل اعلامي اسلامي

احب ابشرك ان الانشاد الديني قاعد يحقق ارقام خياليه وقبول غير مسبوق باوساط الشباب

وهذا اللي حارق قلوبكم

Anonymous said...

سؤالي

اكو موسيقى اسلامية هابطة؟

Anonymous said...

يعني لو اغني بحبك يا حمار و اغير و احط بدل حمار خيار

و اقول بحبك يا خيار
تصير اسلامية؟

KQ8 said...

يا بو موسيقى اسلاميه

يقولك المثل كل آفه وعليها آفه

يعني الواحد لما يقول قومي وارقصيلي وارفعي البوشيه عادي

مافيها كلمه ممتهنه يابتاع الممتهنه زين..والمعازف والالات الوتريه حلال؟؟!!

وبعدين انت تقول مسايد وسراديب ليش الحبيب يعلمونك الدين بالسطح ؟؟؟

اخلص من الاخر....انت صوفي؟؟!!

وسؤآل محيرني صراحه ويهك ليش قديم؟؟

حياتي هدف مو عبث said...

نحو موسيقى إسلامية رائعة

أنت من صجك ؟ ولا اتغشمر؟
جد جد ترى أتكلم جد
ومنو اللي يقول الموسيقى تجوز من غير كلمات مثيرة ومادري شنو
اخووي استووعب كلام ربك عدل والاية هذه تكفيك ولا تبي فتوى على مزاجك؟
"ومن الناس من يشتري لهو الحديث ليضل عن سبيل الله بغير علم ويتخذها هزوا أولئك لهم عذاب مهين"

وهذا حديث الرسول صلى الله عليه وسلم
"ليكونن من أمتي أقوام يستحلون الحر والحرير والخمر والمعازف"
من صحيح بخاري والدرجة صحيح

فلا تقول ضعيف وهالخرابيط
لأن كلامي واضح وضوح الشمس
:)

وبعدين الكلمات ما لها شغل
ويعني اذا سمعت أغنية عادية ما فيها كلام ممتهن على قولتك ولا مثير
عادي؟؟
يا اخووي العلة بالموسيقى مو بالكلمات
:))

وفعلاً فعلاً الجهل بالدين أفة

أستغفر الله يارب

Anonymous said...

من علامات يوم القيامة و هذا مذكور في الصحيحين يا اهبل
ظهور المعازف

حياتي هدف مو عبث said...

KQ8

هذا مو ويها
وي منشد بعد يستخدم الموسيقى
فاهوا يمكن خذاه قدوة

KQ8 said...

حياتي هدف

شكرا على المعلومه

يعني هذا مايكل جاكسون الاناشيد؟؟

Anonymous said...

اففففف
توني سامع اغنية اسلامية هابطة

Anonymous said...

انزين عطومي موسيقى اسلامية راقية

بس ابيها لويه لزوم البر

حياتي هدف مو عبث said...

KQ8


لأ بوب مارلي

والعفووو

Kuwait said...

@@
يا جماعه اشفيكم على الريال ومعازفه خلوه يعرض فنه واحنا نحكم ;p
وبعدها نحدد ندزه "غزه" بعباره وإلا بطياره على حسب الأداء والعزف والكلمات :\

Eng_Q8 said...

بو طارق

مشكله

===

لووووول الي بيروح خله يروح :)

==

لا حول الله مو انا قايل انت ما تتشيش الا بدورة دامه

Anonymous said...

خطوبة خطبها نصيب تعتبر اغنية اسلامية راقية؟؟

بعد نصيب داش من الباب يخطب

اكيد تصنيفها اسلامي راقي

Eng_Q8 said...

حياتي هدف

الكل دخن

انا ادري عنهم

انتي مع الطلبه ويخب عليج :p

Anonymous said...

قصدي صبوحة

ZooZ "3grbgr" said...

كل واحد ولع زقاره ثانيه واهو بايده زقاره


هههههههه

شهالمبالغة

لا يكون صج تسوونها

لووووووول


بعدين ترى في بدالي بالبوست

الضعط الي العبوه على الكره مع استبسال الدفاع ولعب بدر المطوع .. كان جميل ومترابط .. تعادلنا نعم لكن بالمسبه لي اداء جميل


احم احم

:")

Eng_Q8 said...

رويشد الاخونجيه

وصج اللعب بالدين طاعون

لعلمك ماكو شي اسمه اغاني معازف

ابشرك انا مو مغني عشان ينحرق قلبي

الحين عبدالكريم حلال والا حرام ؟

Eng_Q8 said...

زوز

احم احم

ميخالف من القهر


اي صج هذا الي صار :))

شكرا للتصحيح

KQ8 said...

شيخ مقهور ممكن تعرف لنا وللساده والسيدات والآنسات المشاهدين والحضور معنى اغنيه اسلاميه هابطه

Eng_Q8 said...

مقهووور


صبوحه حرام

تدري ليش لان خطبها عشان بيتزوجها مسيار لووووووووووووووووووووووووووووووووووووووول

Anonymous said...

انا الشباب يقولون اسمع خالد الملا
ما من وراه سيئات

الحين عرفت قصدهم

Eng_Q8 said...

اي والله اشلون هابطه شيخنا ؟

Anonymous said...

يقول موسيقى اسلامية راقية

طيب لو هابطه؟؟
هو فيه اغاني اسلامية هابطه؟؟؟

انا عارف بيجيبوا الاسامي دي منين

Eng_Q8 said...

مقهور

الجمهور عوز كده

Eng_Q8 said...

كويت

اهم شي مواهبه

خل يسوون ستار اكاديمي اسلامي بعد

Kuwait said...

@@

http://www.6rb.com/songer/x/kw/almolla/almolla-ya_mostajeeb_lilda3i-samra.ram

مقهور أفتينا هل هي أغنيه اسلاميه راقيه ! :P

Eng_Q8 said...

كويت


هالاغنيه مكروهه

Kuwait said...

والسبب ؟
لووووووووووول
الإغنيه تقول
يا مستجيب للداعي ..
جب دعواتي بإسراعي ..
واشفي جميع أوجاعي ..
يا مرجى يا رحمان

:P

Eng_Q8 said...

كويت

السبب ان خالد الملا يغنيها :p

violinist_q8 said...

هذاااا مستر بلو مو ازيرق

اتفق معاك بكل شي قلته خصوصا لما دافع الجمهور عن عجب و بعدين قالوا طفايه لوول بس الصراحه اخر فرصه حطها صح ! بس لو لاعبها فووق بدل اليمين ..وعندي ملاحظه ان مااااكو نص قاعد يلعبون باصات طويله او عرضيات يا محمد ابراهيم المنتخب ماعندهم مهارات فرديه يغيرون اللعب وبدر قاطه هجوم ووظيفته يرد نص عشان يستلم كره ياخي بدال لا تلعب وليد علي رجع بدر مكانه و دخل فرج مع عجب.. خالد خلف زين بس ياخوفي من انانيته قاعد اتخيل لو معرض الكره الي شاتها مو يمكن تدخل قول ؟
وينك يا حمد الصالح

Dr. Academy said...

عجب يا عجب ..

على قول شحاته هذا العجيب مو عجب .. ضيع كرات ما تتضيع ..

المباراه اليايه اهم و احلى مع العقده البحرين ..

انشالله يقدمون مستوى قوي و نفوز لان البحرين مستواهم مو صج

سوالف said...

سؤال حق أبو الموسيقى الإسلاميه الراقيه :
شنو حللوا الموسيقى ؟؟؟ أنا خبري إن الموسيقى أي " المعازف " حرام !!!؟ والا خبري عتيج !!؟
يعني عادي أسمع موسيقى كلاسيكيه ؟ بتهوفن حللتوا معزوفاته ؟؟ خو بعد ما فيها أغاني ولا كلام
افيدونا جزاكم الله خير
دودهتونا حسبي الله عليكم

nanonano said...

والله أنا أتفق معاك بشده و بعمق..لعبهم كان زين..و بالنسبه لي مشجع على الأقل أني أشوف و اشجعهم..لأن مساكين اللاعبين يستاهلون..لأنهم مبين أنهم كانوا يايبين اليهده

Bloggerista said...

انا ليلحين مو فاهمة الحكم ليش ما حسب القول


بس و الله الخالدي ما قصر, الله يستر من الياي

الدســتور said...

معاهم معاهم
:)

ShaymoOona said...

تعليقك على المبارات صج صج شرحت مشاعرنا عجب من يوم اصابته و مخه ضارب ....اوووووه يالازرق

joe said...

جنهم قواطي حليب كي دي دي قاعدين يركضون

Fankooshy said...

بعلق عالمنتخب
احمد عجب هداف جيد وياما سجل من ارباع لفرص واسعدنا مع الاصفر والازرق
بس مبين امس انه ماكان بيومه وتركيزة ضايع بسبب رهبة المباراة الافتتاحية ومبين انه مو متعود على جو البطولة لانه اول مره يلعبها
بس مث ماقلت المفروض محمد ابراهيم يبدله من نص الشوط الثاني بعد ماشاف انه مو متوفق وينزل لهيب عشان يتسفيد من خبرته جدام الدفاع العماني اللي كان ضعييييف
بس نشالله خيرها بغيرها
وانشالله اييبووووونه

شكرا :)

Unknown said...

نسيت إتقول إنه الحبايب كانوا نازلين الملعب لابسين سكارف الفلسطن
ليش إحنا فلسطن أكثر من الفلسطن نفسهم
أبعدين شاكوا إحنا مع الفلسطن

وسؤال أخير شنو top ten
الأناشيد

كلنا غزه said...

!!!!! إكلمكم جد و تردون طنازه

الموسيقى مو حرام ومحد حرمها الا مشايخ السعودية

دوماً اقول ان الخطأ ليس بالموسيقى
ولكن الخطأ في طريقة تقديمها فأرى ان الموسيقى ليست حراما وانما طريقة تقديمها هي التي تحدد ذلك

الموسيقى وسيله من وسائل الدعوه وغايتنا نشر الرسائل الساميه و زرع القيم في اوساط الشباب

المشكله عندكم نظرتكم القاصره والضيقه للدين

مقهور بدال الطنازه والاستخفاف بعقولنا اتحداك إتييب نص شرعي صريح يحرم المعازف

كلنا غزه said...

احمد سالم

افهم انك تحسد اهل غزه على معاناتهم؟
اقل ما يمكن اللاعبين عمله هو لبس الكوفيه الفلسطينيه

المفروض إلغاء الدوره تضامننا مع جرح الامه النازف في غزة الإباء

enter-q8 said...

انا ما ابي الكاس ابي هالمستوى جدام فرق الخليج
عساهم على القوة عيالنا
و انظلم بدر المطوع
اللي لقبة اللحين
يا متعبهم

اما شلة حماس فالف قندرة على راسهم يمكن يرجع مخهم و يعرفون شنو يتكلمون عنه

حياتي هدف مو عبث said...

نحو موسيقى اسلامية راقية

ليش ما ترد على كلامي ؟
حطيت لك أية وحديث
:)
وشكو مشايخ السعودية
هاهاها
يمكن انت تمشي ورا مشايخ مصر
عدل ؟
واي دعوه يا بو دعوة
!!!!
عمري ما سمعت ان الرسول صلى الله عليه وسلم
ولا احد من صحابته ولا اهل بيته
استخدم موسيقى للدعوة ؟؟؟

وترد على مقهور تبي نص يحرم المعازف؟؟

انا كتبت لك شووف الكومنت مالي
لا تسوي نفسك ما شفته
:)


وبعدين خل عنك فتاوي مشايخ السعودية ومصر والكويت والامة كلها

باجر انت اتحاسب عن نفسك
وهالشيخ ما راح ينفعك
ترى
:)
وانت تبي تسمع موسيقى تبي تسمع روك بعد
مالي شغل فيك
بس لا اتقط تقول
الاسلام ما حرم الموسيقى والموسيقى تجوووز

ترى والله حرام عليك هالكلام

:))

Kuwait said...

لووووووووووووووول
موسيقى اسلاميه أفضل ..
ما أشوفك رديت على الحديث الي حطته حياتي هدف عن الرسول صلى الله عليه وسلم ..
بعدين من متى صارت الموسيقي وسيله من وسائل الدعوه الساميه حدث العاقل بما يعقل يا أخي انت قاعد تمسخر نفسك بهالحجي ..
انت روح ييب نص آيه تقول ان المعازف حلال !!
ياخ أخي الحلال بيــن والحرااام بين مو أمس واليوم تطلع لنا انت وتقول حلال عشان تبي تغني وتسمع أغاني ومنت عارف اشلون ..
يعني بالعقل أبي أفهم لاعبينا لو لبسوا الكوفيه مالت الفلسطن على قولتك فلسطين بتحرر؟؟
والا اذا ألغوا دورة الخليج اسرائيل بتوقف الاباده الي صايره بغزه !!!!!
شالحـــكمه ان احنا نوقف حياتنا واسرائيل ما درت عنا :\

Kuwait said...

على فكره يا أخ موسيقى اسلاميه أفضل ..
يعني الحين أغنية يامستجيب للداعي مو حرام لما نسمعها ما نستاثم ؟
;p

حياتي هدف مو عبث said...

كويت

جائزة لأنها لا تحتوي على كلام ممتهن
:p

من صجج انا اتوقع هالاخ العزيز
سامع فتوى انا مادري عنها
وابي فتوى تجيز سماع المطرف
دوري لي كويت
:pp

enter-q8 said...

موسيقى اسلامية
كأنه يقول

قليل منه مفرح للقلب

نفس ما ذكر في الانجيل المحرف
اخلصت السوالف

Kuwait said...

حياتي هدف ..
لووووووووووووووووول
سلمج الله هالناس يبون أي شي بس يحلل تصرفاتهم ..
مثلا عندج هالفتوى :
يذكر الشيخ عبد الله بن يوسف الجديع .. أنه توصل بعد دراسة فقهية وحديثية موسعة وشاملة لكل التفاصيل والسياق التاريخي والتطبيقات المعاصرة إلى أن الغناء باستخدام كل الآلات الموسيقية دون استثناء هو جائز شرعاً وليس هناك ما يحرمه بل وذكر جواز غناء المرأة للرجل أيضاً
أي أن استخدام الالات الموسيقية ـ دون استثناء ـ هو فعل جائز شرعاً . .

انتي متخــيــله الفتوى ؟؟؟
بكيف مخه هذا والا شنو ؟؟
يطلع بروحه و من بين كل هالمشايخ عشان يشرع !
مثل بعض فتاوي أئمة الأزهر الله يهديمهم الي طلعولنا بم فتوى مال طق بـخيازرين عليها المصيبه ان في ناس تقتنع بهالفتاوي بمزاجها :D

حياتي هدف مو عبث said...

هههههههههههههههههههه
كويت لالا الفتوى صج؟

وهذوول مساكين يقصوون على روحهم
وعلى بالهم يقصون على رب العالمين
ومن فتوى اللي حاطتها
أعتبر سماع المطرف حلال بلال
:p

موسيقى راقية

وينك ابيك اترد على كلامي
:)

Kuwait said...

حياتج هدف @@
ترا الشيخ قال غناء المرأه للرجـل مو العكـس @@
في هذي الحـاله غناء نوال جائز اما غناء المطرف لا يجوز شرعا ;p

Eng_Q8 said...

فيولينيست

عشان جذي اقول لازم يلعبون 4-3-3-

عشان لا يتعب بدر اكثر من جذي وعشان اتكون القوه الهجوميه احسن :)

وينك يالمرعب والملك :)

Eng_Q8 said...

اكاديمي

انشالله

Eng_Q8 said...

سوالف

يحول السؤال حق موسيقى

Eng_Q8 said...

نانو

يستاهلون التشجيع

Eng_Q8 said...

فاشونيستا

اللاعب الثاني كان داز لاعب عماني

لعبه عاديه بس لغاه وله الحق :(


هذا الجسور :)

Eng_Q8 said...

ابو الدستور

يستاهلون

Eng_Q8 said...

شسمونه

حتى بالزقاير :p

Eng_Q8 said...

المباركيه

انلبسهم وردي مثلا ؟

Eng_Q8 said...

فانكوشي

نعم نعم

انشالله :)

Eng_Q8 said...

احمد سالم

بعد شنقول

اشدراني :)

Eng_Q8 said...

موسيقى

يعني الحين مو عاجبينك مشايخ سعوديه ؟؟؟؟؟؟؟

اي ما الومك اتموتون على مشايخ هو حرام بس يجوز من طقت رضاع المرأه للرجل

اهم شي ان انت لي اتقول محسسني بن باز

والمشكله عندكم اهو اللعب بالدين استغفر الله واتوب اليه

عطوك نص شرعي رد

==

والله غلطانين معطينك ويه شكو نلغي الدوره وشكو مقهورين من غزه

===

انزين اغنية قف بالطواف حلال يعني

Eng_Q8 said...

انتر

اي والله يا متعبهم يستاهل

==

يبا هذيل ما ينفع معاهم الحج غسيل المخ شي مو طبيعي

Eng_Q8 said...

حياتي هدف


سمعي اغنية قف بالطواف مالت المطرف

ترى حلال لانها اسلاميه :)

هالفتوى حقج مقج

Eng_Q8 said...

كويت

اشحارج يبا الموسيقى حلال :p

بوتشخيص said...
This comment has been removed by the author.
بوتشخيص said...

هذه فتوى القرضاوي

http://www.qaradawi.net/site/topics/article.asp?cu_no=2&item_no=392&version=1&template_id=8&parent_id=12
ترى مافي إلا حديث واحد و مختلف عليه ساوى بين شارب والزاني و القاتل و المعازف .. و أذكر شيخ نسيت اسمع لكن علمه غزير حاربوه إلى درجة ان كانوا بيخرجونه من المله و بعض من حاربه هم تلامذته علشان ذكر أن من غير المعقول أن يتساوى شارب الخمر و القاتل و الزاني مع اللي يسمع أغاني أو يعزفها

ترى أصل الأشياء اللإباحة لا تحرمون كل شي و لا تبيحون كل شي :)

وشوفي فطرة الإنسان في الطفل الصغير و إذا تفاعل مع إغنية أو سمعنا سيمفونية من غير رقص و كلام بذيء أشلون أثرها على النفس ..

لحد يقول تلهي عن الطاعة .. اللي بقلبه الصلاة ما تطوفه


هذا رأيي و ماراخ أفتح موضوع فرعي و نداحر بعض لوول
ولكم رأيكم اللي أحترمه

Kuwait said...

بو تشخيص ..
اذا تشوف الحديث الحديث نصه واضح وما يصير احنا نسمع فتوى الشيخ الي فتواه تعجبنا :\
عندك شيخ الازهر الي تكلم عنه مهندسنا الي اجاز رضاع المرأه للرجل عشان يكون محرم لها !!!
العقل شيقول والقران شيقول والسنه شتقول الأحاديث فيها واضحه :)
الحديث يقول :
قال رسول الله صلى الله عليه وسلم:( ليكونن من أمتي أقوام يستحلون الحر و الحرير و الخمر و المعازف... )
اكثر من نص يستحلون ؟؟؟
ما قال حلال قال يستحلون يعني شي محرم ويستحلونه لأنفسهم ..
وعن رسول الله صلى الله عليه وسلم أنه قال:« ليكونن في هذه الأمة خسف، وقذف، ومسخ، وذلك إذا شربوا الخمور، واتخذوا القينات، وضربوا بالمعازف»
قال صلى الله عليه وسلم: «إن الله حرم على أمتي الخمر، والميسر، والمزر، والكوبة، والقنين، وزادني صلاة الوتر» (صحيح، صحيح الجامع 1708)

وروى الترمذي في سننه عن جابر رضي الله عنه قال: « خرج رسول الله صلى الله عليه وسلم مع عبد الرحمن بن عوف إلى النخيل، فإذا ابنه إبراهيم يجود بنفسه، فوضعه في حجره ففاضت عيناه، فقال عبد الرحمن: أتبكي وأنت تنهى عن البكاء؟ قال: إني لم أنه عن البكاء، وإنما نهيت عن صوتين أحمقين فاجرين: صوت عند نغمة لهو ولعب ومزامير شيطان، وصوت عند مصيبة: خمش وجوه وشق جيوب ورنة » (قال الترمذي: هذا الحديث حسن، وحسنه الألباني صحيح الجامع 5194).

ووايد الكلام بهالموضوع ..
باجر أرد أناجرك فيه لوووول
لما تكون حياتي هدف اهني بعد ;p

KQ8 said...

المهم ماجاوبتنا يابوموسيقى

انت صوفي؟؟

بوتشخيص said...

كويت ..

لوول ماني مناجر أحد لول مالي خلق بتاتا قلت قولي هذا و استغفر الله لي و لكم :)

Kuwait said...

بو تشخيص ..
لازم نناجرك انا وحياتي هدف مو امخلين أحد ;p
مع اني أسمع أغاني لوووووووووووول
بعدين احنا نناجر عشان الأخ بو موسيقى اسلاميه راقيه يستوعب الموضوع :)

حياتي هدف مو عبث said...

بو تشخيص

خل الفتوى على صوب والحديث اللي ذكرته
بالقرآن مكتوب من يشتري لهو الحديث

وَمِنَ النَّاسِ مَنْ يَشْتَرِي لَهْوَ الْحَدِيثِ لِيُضِلَّ عَنْ سَبِيلِ اللَّهِ بِغَيْرِ عِلْمٍ وَيَتَّخِذَهَا هُزُواً أُولَئِكَ لَهُمْ عَذَابٌ مُهِينٌ * وَإِذَا تُتْلَى عَلَيْهِ آيَاتُنَا وَلَّى مُسْتَكْبِراً كَأَنْ لَمْ يَسْمَعْهَا كَأَنَّ فِي أُذُنَيْهِ وَقْراً فَبَشِّرْهُ بِعَذَابٍ أَلِيمٍ


وكل التفاسير والموثوقة طبعاً
تؤكد على إن اللهو الحديث معناه الغناء

وقال أبو الصهباء سألت ابنَ مسعود - رضي الله عنه - عن قوله تعالى: ((وَمِنَ النَّاسِ مَنْ يَشْتَرِي لَهْوَ الْحَدِيثِ))

فقال: والله الذي لا إله غيره هو: الغناء - يرددها ثلاث مرات-.

وذكر ابن كثير عن الحسن البصري : نزلت هذه الآية في الغناء والمزامير


وهذا الحديث عن الرسول صلى الله عليه وسلم
لَيَكُونَنَّ من أمتي أقوامٌ يستحلون الحِرَّ والحَرِيرَ والخَمرَ والمَعازفَ

طبعاً في ناس يقولون ضعيف مع انه ثابت وذكره البخاري في الصحيح وأكد عليه ابو داوود و وابن ماجة والترمذي
ونسيت بعد منو :/

وعن أبي مالك الأشعري- رضي الله عنه- أنه- عليه الصلاة والسلام- قال : ليشربن ناس من أمتي الخمر ويسمونها بغير اسمها، يعزف على رؤوسهم بالمعازف والقينات، يخسف الله بهم الأرض ويجعل منهم القردة والخنازير
رواة احمدد


عن عمرانَ بنِ حُصينٍ أن رسول الله- صلى الله عليه وسلم- قال :
في هذه الأمة خسفٌ ومسخٌ وقذفٌ، فقال رجل من المسلمين: يا رسول الله ومتى ذاك ؟ قال : إذا ظهرت القينات – أي المغنيات – والمعازف وشُربت الخمور
رواه الترمذي وصححه الألباني


وقال النبي- صلى الله عليه وسلمإنَّ الله حرم على أمتي الخمر، والميسر، والكوبة، والغبيراء
* الكوبة اهيا الطبل

وعن أنس- رضي الله عنه- قال: قال رسول الله- صلى الله عليه وسلم- صوتانِ ملعونانِ في الدنيا والآخرة : مزمارٌ عند نغمة، ورنةٌ عند مصيب

:)

ولو تلاحظ تحريم الغناء والموسيقى والمعازف ... كان قبل عدة اشياء من التحريم كالشرب
لأن الغناء والموسيقى بداية كل شر
وتلهي الانسان مهما كان مهتم بصلاته
وهذا الشي ممكن يأكدة من كان يسمع اغاني وبطل
وطبعاً الهوى ما ننسى تأثيرة
:)


وكل شي حررر يسمع او لأ
بس أنا انغيث على الطيب بو موسيقى اسلامية
يقول الاسلام ما حرم هالشي
:)


تعبت كويت ساعديني
:p

حياتي هدف مو عبث said...

وكل انسان اقصد

سوري
://

بوتشخيص said...

حياتي كويت

بس يبه بس

انا بصير زنديق بروحي لول
:)

بس لا زلت أقول مافي تحريم في القرآن
والآية لا تثبت الغناء :)
وأغلب الأحاديث مذكوره ضعيفة الإسناد
---
هذا فتوى الشيخ النشمي


الغناء إن كان خاليا من آلات الطرب ، وكان بكلام غير مثير للغرائز ولا بذيئا فهو جائز ولو كان غزلا إن كان عفيفا ، وإن صاحبه الدف وما اليه من أنواعه فهو جائز أيضا وان كان الغناء لمناسبة زفاف او قدوم عزيز ونحوه فهو مندوب اليه بما سبق .
وان كان الغناء بالات الطرب المسمى بالمعازف والالات الموسيقية كالكمان والناي ونحوهما فهو من المختلف فيه بين مبيح ومحرم ، فهو من المشتبه به ، فالاولى تركه .
كما يحرم الغناء ان كان مصاحبا لاختلاط الرجال بالنساء او كان فيه كشف للعورات

وهذه فتواه في حكم الغناء في العيد ...


الأصل أن الغناء جائز في أيام العيد لأن عائشة رضي الله عنها قالت ( دخل علي رسول الله صلى الله عليه وسلم وعندي جاريتان تغنيان بغناء بعاث ، فاضطجع على الفراش ، وحول وجهه ، ودخل أبو بكر فانتهرني وقال : مزمارة الشيطان عند النبي صلى الله عليه وسلم ؟ فأقبل عليه رسول الله صلى الله عليه وسلم فقال : ( دعهما ، فلما غفل غمزتهما فخرجتا وكان يوم عيد ) ـ البخاري 2/440 ومسلم 2/609 ـ وعن أنس رضي الله عنه قال : ( كانت الحبشة يزفون بين يدي رسول الله صلى الله عليه وسلم ويرقصون ويقولون : محمد عبد صالح " أي في لغتهم" ) ـ أخرجه أحمد 3/153 ـ ، وهذا اذا كان الغناء بمصاحبة الدف ونحوه كالطبل ، وأما المعازف وهي الأدوات الموسيقية فمحل خلاف ، من الفقهاء من يمنعها مطلقا ، ومنهم من يجيزها مطلقا ، ومنهم من يكرهها . ولا خلاف في حرمة ذلك اذا كان الحفل فيه منكرات مثل اختلاط الرجال بالنساء او ان تكون الكلمات ماجنة .



الأمر مختلف عليه و ليس من المسلمات ..
من وجهة نظري طبعا :)

أنا مع القول مو كله حرام ولا كله حلال و هي الأوقع

لأن كل تحريم له سبب منطقي إلا الغناء ..شنو الضرر اذا استمعت لموسيقى هادئة مثلا .. بالعكس تبعث للهدوء و الإرتياح .. شاللي يخليني افكر بشي شين مثلا!


طيب مثل مالغناء بداية كل شر على سبيل المثال

ترى حتى التدوين ممكن يلهي و يصير مدخل شر ..ممكن انا اكتب تعليق و يصير ود مع احد البنات و تتعمق المسألة و لك أن تتخيلي شنو ممكن يصير ... طبعا أنا اهني أتكلم بمنطق كل من يقول ان الغناء مدخل شر؟ مو تفهموني غلط فقط مثال للتوضيح ..

نحرم التدوين بعد؟


لكل منا عقل وقلب و نية

وأنا قرأت الدلائل و أستفتيت قلبي و نيتي بيني و بين الله و يارب تكون نيتي
سليمة


قتلكم مالي خلق مداحر بتاتا و كل واحد كاتبلي بوست

لكم دينكم ولي دين لول اشدعوة :)
أقول قولي هذا و استغفر الله لي و لكم :)

----
ملاحظة: بعيد عن الموضوع أنا من الناس اللي ينادون بأخذ الفتوى من أهل البلد لأنها الأنسب .. فما يصلح في المملكة على سبيل المثال لا يمكن يصلح لأمريكا

ومشكلتنا بعد الغزو تحديدا تأثرنا كثيرا بعلماء المملكة .. مع كامل إجلالي و احترامي لعلمهم و إخلاصهم للدعوة .. رحم الله من توفي منهم و أطال الله في عمر من هو على قيد الحياة

بوتشخيص said...

ترى ماني راد على ولا وحده فيكم :/

لكم دينكم ولي دين لوول عفسنا مدونة الريال السموحة مهندسنا :)

-mate said...

يوم الأربعاء المقبل يبيضونها ياااااررب

wa6an-alnhar said...

مهندس

اشفيهم ترا اذبحونا مع غزه يبا مو اول ولا اخر مره بينطقون فيها
تبونا ندفن روحنا بالحيا علشانهم ؟؟؟
اشوف يوم احنا قاعدين ننهان و اعيال يتذبحون اهما كانو يردحون ولا احد نطق بكلمه


اقووووووووووول
المباراة اليايه
kw vs bah
يا حسرتي اخاف انفلع لاااااااااااه

;p

و اووووه يالازرق طمطم العب بالساحه طمطم
هذي موسيقى اسلاميه لحد يقولي فيها شي يخدش حياؤكم
;p

Unknown said...

موسيقى
والله مو المفروض الدوره إلي تلغى
إنت وين googel عنك
إنت إلي لازم تلغى

Kuwait said...

لوووووووووووووووووووول
بو تشخيص حتى انا كلا أستفتي قلبي وقلبي الله خير كلا بايعها :p

Eng_Q8 said...

حياتي هدف
كويت
بو تشخيص


اخذوا راحتكم بس سكروا الدريشه لي خلصتوا :p

Eng_Q8 said...

ميت

انشالله

Eng_Q8 said...

وطن

اييي الله يعينج اذا خسرنا

اهم شي طمطم لووووووووووول

Eng_Q8 said...

احمد سالم


ماادري عنه وين

EXzombie said...

بما اني مرتد بحكم المحكمة عن المذهب الكاثوسنشيعي، و اصبحت احد اتباع مذهب باب الشقة الي هم انا احد مؤسسينه

نحن نستقي تعاليم مذهبنا من باب الشقة، و لما طلبنا الفتوى من الباب طلعنا فتوى تبيح سماع كل شي و اي شي، و ذبحتونا يا عالم انا مشتهي رصاص باذني انتو شقاثكم، و هذا بو اغاني اسلامية، و الي يرحم والديك ما تستحي، مو قثيتونا كل شي لزقتوه بالدين، العسل لزقتوه بالاسلام و صار عسل البركة و يعالج عن طريق الكورتيزون الي فيه كل الامراض، و ماي مقري عليه و ما ادري شنو و السياسة دشيتوا فيها و كفرتوا العالم

شرايكم تاكلون تبن و تروحون تستشهدون كلكم و تفكونا من حنتكم

اتوقع تذكرة كويت قاهرة ارخص و اسهل من كويت البوسنة او جورجيا، شمنطركم ما تذلفون و تفجرون نفسكم في سبيل الله

Eng_Q8 said...

اكسزومبي

هدي بالك :)