تحديـــــــــــــــــــــــــــــث
.
مقاله مهمه للمرحوم الدكتور احمد الربعي طيب الله ثراه يوضح مواقف القيادات الفلسطينيه
الله يرحمك برحمته
لا تزايدوا رجاء فالتاريخ واضح
.
=================
كان ودي اخلي البوست الي طاف اكثر بس كاس الخليج راح يبدا ولازم نتكلم عنه
وبما اني صرت امبريالي وصهيوني مثل ما وصلني بالايميل وبما ان العوضي قال هالكلمه .. والدلال قال وقفوا النفط ماادري من وين بنعيش اذا وقفناه .. وبما اني عايش ككويتي وافتخر اني عايش ككويتي.. الموضوع الي طاف لازال مفتوحا ومن له كلمه فليكتبه هناك وراح اتابع التعليقات ... وهم ارد واقول لن ننسى
========================
تكفون نبيه .. يا شباب والي يرحملي والديكم تكفون لعبوا من قلب تكفون نبي لعب رجولي تكفون فرحوا اهل الكويت الي من زمان مو فرحانين
طالبوا برفع الايقاف لين انرفع الايقاف .. يالله سووا شي
مالكم عذر احسن لاعبين الكويت ماخذينهم بعد ماكو غيرهم ومدربكم مقزرها على مستوى اسيا مو بس بالخليج
واسامه حسين موجود .. والملك فيصل الدخيل موجود وين ايامك يالملك .. والكل معاكم
تكفوووووون نبيه وانشالله فايزين باجر .. مع اني مو متفائل بس انشالله انشالله اتييبونه لا تخيبون ظن الكويتيين فيكم
اللــــــــــــــــــــــــهم لا اعتــــــــــــــــــــــــــــــــــــــــــراض
62 comments:
طل بعينهم اييوبونه
تكفون مانبي.......الفشله
بو طارق
تفائل تفائل
اذا فازوا باجر الدرب سالك بناخذه انشالله
والله اتمنى اييبونه بس مارتجي منهم شي
الاهم ان وليد علي مايفلم و يسوي روحه دينيلسون .
بس التي شيرت مايدعوا للتفائل كللللش
عالاقل خل يلبسون تي شيرت سيدني الي لعبوا فيه قبل احسن من هذا
يااارب يفوزون
:)
وان ما فازو كله منك
والجواب ثاني سطررر
:p
فيولينيست
لووووووووووووول
انشالله ما يفلم
ورب الكعبه تونا بالدوانيه انسولف عن التي شيرت
انا اتفائل بالازرق بالازرق ياخي تفائل لبس سيدني :))
قول انشالله بس
wallah wedee akoon metfa2la nafsek wagool tekfon nabeeeh...
ana agool tekfooon latfashloona o te6le3oon awal naas ;/
حياتي هدف
انا لوفيني لياقه جان لعبت بس الزقاير ذابحتنا :p
اي سطر بالظبط ؟
نعناعه
تفائلي يا دكتوره
انشالله فايزين انشالله
o b3deen 9ij shal mkha6a6.. 3aysheen el door.. roo7hom argentineya!
نعناعه
يمكن بدر المطوع يصير ميسي :p
اخييييييي يالأزرق خليتهم يترجونك ياشقول ؟؟
انا شايلة من هالموضوع نهائيا .. مالي خلق تزيد الشيبات براسي :P
أخوي مو الشيوخ ولا الناس اهي الي تقرر انت مسلم ولا كافر ... شنو نسوا وجود الله ؟؟ تناسوا الي اكبر منهم واهو الي يقرر مو اهم ..
مالك شغل فيهم بس وريح اعصابك يالغالي...
تبي الأزرق يفوز ؟؟ الله كريم خيييو الله كريم
بداية طيبة للأزرق إن شاء الله
تعادل إيجابى
1-1
هدف الكويت من فاول سيسجله جراغ أو ندا
السارونه
شفتي الزمن
انشالله يفوزون :)
ومن قالج اني شايل همهم وانا اخوج احلى طاف وسلام مربع بس تدرين فيني احب اتحرش :p
قولي انشالله
الوزير المهيب الركن طيار رقيب شاصي عقيد بو جيج
هم زين :)
عجب يا عجب
احبه هاللاعب
ومتفائل بوجوده لدرجة اني متفائل بأن ربعنا بياخذون الكاس
حمد
عجب يا عجب
انشالله من بؤك لي باب السما
لبس ديوم ازرق باجر :)
انت قول آمين بس
أظن من الواجب إيقاف بطولة كأس الخليج اضطراريًا بعد بدء الهجوم البري على قطاع غزة المحاصر
اليوم قصف مسجد "المقادمة" في غزة على رؤوس مصلي صلاة المغرب، وقتل 15 مصلي بين رجل وطفل
ولا حول ولا قوة إلا بالله
أتمنى نوصل للنهائي ونخسر بشرف
وما أتمنى نفوز بهالكاس
وعسى أي منتخب ثاني يفوز فيه ثلاث مرات ويمتلك الكاس ويفكنا منه.
والسبب الشماغ المليق اللي عليه
واللي يبي ينسى بكيفه
أما أنا فلم ولن أنسى
الحين ينطون لك روبوتات الحركات الاسلاميه و يقولون لك:
انت تستانس بالمباريات و اهل غزه يتذبحون
مالت عليهم، ما بقة آدمي ما دشوا بأخلاقه
---------------
يمعود ما نبيهم ياخذون الكاس، بس نبيهم يغلبون قطر و الامارات يطلعون حرتنا
حطيت تعليقي و ما انتبهت إلا بعدين لتعليق اللي اسمه - اخبار الاتحاد
اقول شرايه بعد نوقف الماي و الكهرباء تضامناً مع غزه؟
و ربي هزلت و نعلت و تنعلت
no way
كويتاوي
امين
الاتحاد
وما نيل المطالب بالتمني
وانشالله المنتخب فايز
http://hamasgaza.wordpress.com/
وهذي فوق البيعه غير مقالة الربعي
انا كويتي
يبا انشالله نقاب مو شماغ بس خلنا انفووز :))
لن ننسى
الله يسمع منك
يا رب يا رب يا رب
حسام بن ضرار
لجونا يااخي
كيفي بطالع مباريات واهم شكو
قول انشالله بس
---
طالت وشمخت
حسافتج
تفائل :)
مملوحه
انشالله :)
يا شباب الخليج
ترى ضيعتوا الطريج
حسافة على هالاجساد الفتية
تضيع وتذبل على لعب وطمباخية
وين الأنفس السمية
وين النفس الأبية
تراكم ضيعتم الطريج
ترى غزة مو في هالفريج
وآآآه يا الأزرق آآآآه
ان بي كيو
اخوي تبي تروح غزه روح ترى يدلونك الطريج
وانشالله المنتخب فايز
عمو ان بي كيو
ماتبي مراويس بالمره
لا حول ولا قوة الا بالله
ترى غثوني الاخومجية
تدري شنو سبب لهفتهم على غزة؟؟
القضية الوحيدة التي يعتقدون انها ستكسبهم الشارع الكويتي
ترى و انا اخوك هم محتاجين اي شي الحين
وافهم يا فهيم
NBQ:
صكيت على اللاجئ العاطفي
مقهور
واهم هذي حسرانين فيها
منو ينسى ؟؟
بو طارق و حسام بن ضرار
يعني يبون يحمسونا
قديييييمه هالحركات
مهندسنا العزيز
أقتبس من مقال المرحوم الدكتور الربعي رحمة الله عليه
"في وسط هذه الاجواء يقوم صدام باحتلال الكويت، وفي اجواء كهذه كانت الناس في الكويت تتطلع الى كلمة حق، وخاصة من اولئك الذين وقفنا معهم من منطلق الواجب، "
إنتهى الإقتباس
السؤال
ما هو الواجب الذي تكلم عنه الكاتب؟
و هل ما زال هذا الواجب قائما؟
إذا الواجب كان قوميا فالقومية أمر لا يعترف به من له أدتى ذرة من الخلق لأن القومية تبرر لك الوقوف مع الباطل ضد الحق لنصرة من ينتمي لنفس القومية، و هذا ما فعله من طبلوا لصدام عندما احتل الكويت لأنهم كانوا يرونه عز العرب و كونه على باطل لا يضر لأنه يقف أمام الأمريكان و هم
الأمر الثاني، إذا كان هذا الواجب دينيا أو أخلاقيا فنفس الواجب الديني و الأخلاقي يحتم دعم المظلوم و مساعدته، هنا تختلف طريقة المساعدة و منها ما أوردت مشكورا في مقالك السابق
تفاعل الناس مع قضية غزه تفاعل إنساني بحت، و إن استغل هذا البعض لتحقيق بعض المكاسب فإن ذالك لا يفسد روح القضية
أنا أعلم تماما بأن وجهة نظرك منبعها الموقف من احتلال الكويت
و الذكرى الأليمة التي ما زلت تحملها في قلبك
و لكن ثق تماما بأن هناك الآلاف ممن ذاقوا العذاب ألوان و المر أقداح و عجنوا مع الموت ما زالوا لا يقبلون ما يحدث في غزه و ليس فقط غزه بل كل بقاع الأرض و منها الكويت من ظلم لأنه ذاقوه رأوه و عاشوه و لذالك هم لا يرضون به
و لا تزعل من وجتة نظري تراني أمون؟
و الا أنا غلطان؟
:-)
و على طاري المنتخب
إذا فازوا بالخامس بوزع برميت على الجيران، شي يديد ما مر عليهم من أول
:-)
منتخبنا ما ألهب فيه لعب سكيك مو دورة الخليج
بو حمود
اتمون انت تمون
وضحت ان احنا لسنا مع القتل الي صاير بس ارد واقول هي ليست قضيه وطنيه :)
اما بالنسبه للقوميه فاني اكرهها جدا جدا جدا :)
والمقاله حطيتها لتبيان مواقف الاحزاب الفلسطينيه فقط لا غير :)
لووووووووووووووول راح يقولوك از ذات دراجز :p
انشالله ناخذه
أخبار الإتحاد
اتهقى جم جم اليوم؟
----
والله يا مهندسنا انا مشتط عالبطوله و بنفس الوقت مهيأ نفسي للخسارات :)
بس انشالله اباركلك الساعة 7 بإذن الله
أخبار الإتحاد
ترى عبدالعزيز الشايجي صاحبكم الإخونجي رايح يؤازر المنتخب جان نصحته وقتله من الواجب إنك تطالب بإلغاء البطولة مو تروح تشجع المنخب
كاس الخليج اهم من غزة و من مناهق الي توهم عرفوا الانسانية و الاخوة و الاسلام، و ثبت عليهم لما شافوا انها مكشوفة لعبتهم على حبل الدين و العقيدة فروا لك على الانسانية
الي يبي يقثنا و لا بيفتي من طيزه علينا حزة البطولة ترى بكفر فيه
مو ناقصين ملاقة و كدر
!والله هذي فنايلهم؟
جد يعني؟
يا شباب الخليج
ترى ضيعتوا الطريج
حسافة على هالاجساد الفتية
تضيع وتذبل على تفجيرات انتحارية
و سوالف اضرنطية
و صواريخ اخونجية
تراكم ضيعتم الطريج
ترى بيادر السلام مو في هالفريج
وآآآه يا الجوتي آآآآه
وينكم يا الاخونجية
وينكم يا الضرنطية
ما تحاربون الصهيونية
ليش بس ترفعون لنا الاحذية
وين الاقدام
و لا بس كلام
و ليش الفلسطنة
مو كافي الشخصنة
حفلاتهم كانت على افا من يشيل
و هوساتهم كانت تهليل و تطبيل
للي في عيالنا شرع تقتيل
و في ابارنا اشعل فتيل
ما تاكلون تبن و تسكرون هالسبيل
و تمنعون فلوسنا عن سياسي عميل
و لا لأنه اخونجي... اصيل
او انه قيادي فتحاوي ثقيل
تغرقونه من حلال عيالنا بهبل
و تحرقون على عيال الديرة الامل
مو احسن لو تعبدون لكم هبل
او تروحون الصفاة تلعبون تيل
فيني النوم و لا جان كملت النقاش
و ما تركته الا لما "اخبار الاتحاد" ينحاش
و تصبحون على خير
شوف انا متفائل انهم بيقدمون مستوى بس
اما الكاس
فاظن قلت لك الاجابة مالت فوزي ابراهيم
الله كريم ان شاء الله نطلع الثوالث راضيين من عقب الاخير :)
ربك فوق ان شاء الله نفوز اليوم
keeping our fingers crossed
هم أقول قلوبنا معاهم
باش مهندس
تفائل الكل اب يبدي البطوله والاقوال اللي له والي عليه 0 وحضنا من حض غيرنا وبمالملعب كل شي يطلع
بس وين بتطالع اللعب؟
اشرايك انحط شاشه اب ساحة الارادة؟
ليش فانيلة المنتخب جنهم قواطي حليب كي دي دي قاعدين يركضون ؟
نحتاج لعقول تحاكي عقل المرحوم احمد الربعي ..
الاراءالحاليه تفتقر للمنطقيه ! و كلٍ يهتف لـ زاويه معينه ..
الله يرحمه ..
:
:
و الأزرق الله يعينه
و اعذرنا عالقطاعه ، تدري الدنيا مشاغل
;p
بو تشخيص
كادت يا بو تشخيص
--
لا الشايجي كيفه اي واحد ثاني لأ
اكسزومبي
جان يخورها بو سعيد الآآآن
مزنه
اسمعوج وغيورهم
اكسزومبي
صح لسانك :p
انتر
في امل
بس
شكلنا بنوصل :)
فاشونيستا
هالسوالف تنفع حق روما مو حق عجب :(
بو الدستور
عوروا قلوبنا
كويت سكاي
لوووووووووووووووول
يبيله والله خوش مكان
المباركيه
غيروها غيروها ما اقزرت عليهم مساكين
ريم
الله يرحمه ... ولو خليت خربت :)
معذوره يبا معذوره :)
بذمتك على هالنتيجه جم كرز هفيت
Post a Comment