Monday, January 26, 2009

اليوم وامس كلاكيت خمسميه وتسعتعش

بالأمس الناس قالوا اسقطوا القروض قالوا محد قالهم ياخذون قرض
.
بالأمس قالوا طيحوا الفوايد لانها العنت خير المقترضين .. قالوا هذا شغل البنوك في صندوق معسرين تبون والا كيفكم
.
بالأمس طاحت البورصه والي حاطله جم بيزه راح تظاهر .. قالوا محد قالهم يضاربون هذا السوق مره فوق ومره تحت وهذي ازمه عالميه
.
اليوم لما حاشهم الطشار الحين قالوا لازم ندعم الاقتصاد الوطني ؟؟ والسؤال المهم هل يدفعون ضرايب للدوله ؟؟ هل نافعين الدوله بشي اساسا ؟؟ هل شركاتهم فيها اكثر من عشرين بالميه كويتيين ؟؟ يعني الي يضحك انهم يقارنون روحهم بجنرال موتورز الي موظفينها فوق المليون امريكي .. مناقصات .. اراضي .. قروض .. مافي عليهم ضرايب .. وفوق كل هذا يصيرون مسؤولين واعضاء و وزراء .. عفوا شتبون اهي نهيبه ؟؟؟ الحين قمتوا اتصاؤخون واتقولون انقذيني يا ماما حكومه
.
واليوم مثل ما قالوا حق الناس بقولها لهم اولهم الخرافي والغانم .. محد قالكم اتصيرون تجار .. وفلوسنا مو جدر مموش عشان متى ما بغيتوا تغرفون منه غرفتوا
.
..
بالأمس القريب كانوا مع الحكومه وكل شي بالحكومه تمام خصوصا الداو
.
اليوم ضد الحكومه ويبون يستجوبون رئيس مجلس الوزراء .. عفوا هل الناس قواطي عشان اتقصون علينا بهالحجي؟؟
..
؟
بالأمس قبل الانتخابات .. نبي وزير الداخليه .. راح نستجوبه راح انشلعه من مكانه .. صار واحد منهم نائب الرئيس طخوا
.
اليوم نبي وزير الداخليه ؟؟؟ الشباب يلعبون مقصي والا شالسالفه
.
..
بالأمس رئيس اصلاحي رئيس اصلاحي رئيس اصلاحي .. خط احمر خط احمر
.
اليوم محد يبيه ورافعين عليه قضيه
.
..
بالأمس الحكومه زينه ولازم نساعدها
.
اليوم والله موضي الحمود ما تمثلنا
.
..
بالامس الحكومه مع المتدينين والحريه الحريه الحريه
.
اليوم الحكومه زينه بس الاعضاء مؤزمين حتى التحالف بستقيل منه وتحيا الحكومه
.
.
.
بالامس اقتصادنا متين والسباقيتي كفايه
.
اليوم ... ساااكت لا تعليق
.
..
اليــــوم والله ما اصوت حق هذا ولا هذا ولا هذا
.
غدا .. نفس الوجوه سترجع الى الكراسي الخضراء
.
..
وتنعاد السالفه .. كلاكيت المره الخمسميه ونسعتعش
..
.
بالأمس اللهــــــــــــــــــم لا اعتــــــــــــــــــــــــــــــــراض
.
اليوم وباجر ولين الله يفرجها اللهـــــــم لا اعتـــــــــــــــــــراض

51 comments:

nanonano said...

و أنـــــا بعد معاك

باقولهم

الخرافي والغانم .. محد قالكم اتصيرون تجار .. وفلوسنا مو جدر مموش عشان متى ما بغيتوا تغرفون منه غرفتوا

enter-q8 said...

المهم بعد باكر شنو

Eng_Q8 said...

نانو

حياج :p

Eng_Q8 said...

انتر

الي يحب النبي يضرب

Bloggerista said...

اشمعنى مموش مو معدس؟

Eng_Q8 said...

فاشينستا

وليش مو مربين ؟

Bloggerista said...

أو يريش؟

مطعم شاطىء الوطية ماكلة فيه أمس عندهم يريش و مربين و مرقوق موووو صج

أنا يوعانة و انت السبب

@alhaidar said...

والله وانت الصاج ..

واكثر شي يقهر ترجع نفس الوجوه ..

بصراحة بديت احس ان احنا كشعب ما نستاهل احسن من هالنواب ..

شكرا على الموضوع القيم ..

Engineera said...

نفس الوجوه !!

احنا ليش نتحلطم واحنا الي قاعد نردهم؟

اللوم علينا قبل لا يصير عليهم :)

Mamloo7a Q8ia said...

للمره الخمسميه ونسعتعش وواحد
اللهم لا اعتراض يا وخيي الغالي
:(

BlogLess said...

بصراحة كلامك يبرد القلب
والبارح بس كنت أدردش مع الوالد بنفس الموضوع
التجار يا حلو غير
ومو التجار الصغار بو محل ومعرض وبسطة
لا
الهوامييييييير
هذوله أطفال الحكومة المدللين
ولن تتوانى
ولن يهنأ لها بال
حتى تطبطب عليهم وتقولهم: آمروا تدللوا
ويا طب طب
وأدلع

well_serviceman said...

مهندس... صح لسانك.. يبتها والله... هالتجار "الكبار" حسالهم فلوسنا مثل جدر العيش.. كل واحد يغرف من صوب

وعلى فكره.. قالوها من قبل.. نص اللي بالشسمه مصالح شخصيه.. لو مو مصلحته.. ولا بالبااااااال

الله كريم

المقوع الشرقي said...

اذا الحكومه للحين متجتفه
اللى بيجي العن
بترحمون على هذيله
:)

Eng_Q8 said...

فاشونيستا

بالعافيه :)

احسن :p

Eng_Q8 said...

الحيدر

اذا ما يبون يغيرون لا يتحلطمون

عفوا :)

Eng_Q8 said...

مهندزه

عفوا منو احنا

اذا انتوا كيفكم انا مالي شغل انا انبح صوتي واقول غيروا لذا لا ينطبق علي كلامج

واللوم عليكم انتوا انا ماليش دعوه رجاء :)

Eng_Q8 said...

مملوحه

وليش مو خمسميه وعشرين ؟ :p

اعجبتني وواحد لوووووول

Eng_Q8 said...

بلوق

واحنا انغني

نار نار نار انا قلبي مشعلل نار

Eng_Q8 said...

ويلي

صح بدنك

يصبر القلب الحزين

Eng_Q8 said...

المقوع

الله يستر

الدســتور said...

ياحبيبي انت بالكويت

Q8EL5AIR said...

القول ماترى لا ما تسمع !!!


خذ وخل ياخوي !!!


وتحياتي ...

ويسلمواااااااااااااااااااا :)

Eng_Q8 said...

الدستور

والله حسبالي باندونيسيا :p

Eng_Q8 said...

كويت الخير

لي متى

يسلمك حبيبي

Mamloo7a Q8ia said...

هههههههههههههه
ما دريت ؟؟؟
لاني صرت شخصيه مشهوره
:)

someone_q8 said...

السلام عليكم
اخوي البشمهندس مافيش فايدة لازم تنطر 20 سنة عشان يتغير الجيل على الاقل يكون فيه تغيير

Eng_Q8 said...

مملوحه

المشكله انج مشهوره بالبيزنس الظاهر هالرقم الي وصلج للعالميه :p

Eng_Q8 said...

انسان كويتي

اذا كان هالجيل مو شي اشلون راح يربون عيالهم

اتوقع اذا راح يتسنعون بعد عشرين سنه راح اتكون الدنيا مطورقتهم عدل

Kuwait said...

@@
مهندسنـا
محد يدش الا وله مصلحـه وفوق الجميع مصلحته :)
وذول وين مصالحهم تلاقيهم مثل الشسمه شسمونه وراها ;p
امس والله مصالحهم مع الحكومه تلاقيهم يرفعون فيها واليوم مصالحهم عكس الحكومه قاموا اغسلوا فيها الأرض احنا شعب غالبيته العظمى شريحه مصلحجيه هذا المختصر المفيد :(

kuwaiti_cool said...

رغم اني كتبت عن نفس الموضوع
لكن قلمك له نكهه عجيبه
متألق ومتميز كالعاده

اما عن رأيي فيهم فقد اهديتهم قصيده عبدالرحمن بن مساعد
التي يقول مطلعها
احترامي للحرامي
صاحب المجد العصامي
مدونه ممتازه

فريج سعود said...

بالمس واليوم وباجر

الوضع مثل ما هو

واذا مو عاجبك تقاعد وهاجر

واخذني وياك

الزين said...

هممممم

عجبتني سالفة جدر المموش


:)

KQ8 said...
This comment has been removed by the author.
KQ8 said...

نفس الاسطوانه تتكرر كل سنه خلاص حتى المفروض ما انتعب نفسنا بكتابة بوستات نطلع القديم ونحطه ونخلص...!!!

Eng_Q8 said...

كويت

مانقول كلهم انقول كلهم الا جم واحد :)

Eng_Q8 said...

كول

مشكور من ذوقك حبيبي ومنكم نستفيد

انا مااحترمهم :p

شكرا

Eng_Q8 said...

فريج سعود

للاسف مااقدر

Eng_Q8 said...

الزين

ذكرتج بالحداق :p

Eng_Q8 said...

بو طارق

هم فكره

كويــتي لايــعه كبــده said...

""
وفلوسنا مو جدر مموش عشان متى ما بغيتوا تغرفون منه غرفتوا
""

منو يقول مو جدر!؟

اسأل اللي بيده الملاس

Eng_Q8 said...

كويتي لايعه جبده


مع دقوس والا بدون دقوس ؟

ساره النومس said...

يتعبون الواحد والله ...

حط لنا مقهى برا مدونتك خل نشرب لنا شاي بعد هالمواضيع :D

kuwaitya_7saweya said...

اممممم
راح يوصل كلاكيت ألف و أميه

ونفس الحجي بعيدون ويزيدون فيه

بس صج اللهم لااعتراض

Blog 3amty said...

أعداء الأمس حلفاء اليوم

كويــتي لايــعه كبــده said...

مع تحيلق الناس وبدون مستحى

شلك بالدقوس

شقران said...

مهندسنا الغالي

لاتطوفك مباراة نادال مع بو فيرداسكو

المباراة مولعة
:)))


------------

بالنسبة للموضوع

عمي...اذا رفعت عقالي تحية لك..يرضيك؟


واذا مايرضيك،،،إخذ العقال والغترة والقحفية بعد
:))




كلام موزون يعبر عن مدى القلق الذي يعترينا من تحويل ازمة اقتصادية الى ازمة ضخ أموال عامة لشركات خاصة..عدد موظفيها الكويتيين يمثلون ارقام احادية من المجموع الكامل



الله يستر لا يتم تزريق المشروعين

اسقاط القروض وضخ الاموال في شركات دون دراسة وافية لهذه الشركات


اظن هذا اللي بيصير!؟





تقبل مني وافر الاماني الطيبة...لك مو لنادال
:p

Eng_Q8 said...

طموحه

واحد شاي للمعلمه طموحه وصلحوا

Eng_Q8 said...

حساويه

ما انلام صح :)

Eng_Q8 said...

بلوق العمه

يا عمي ما يفهمون هالحجي

Eng_Q8 said...

كويتي

نعم نعم

زين يخليك تاكل اكثر

Eng_Q8 said...

شقران

ما شفتها :)

يا بعد جبدي اخجلتم تواضعي