Saturday, February 14, 2009

فلاااانتاين مره وحده ؟!؟

تحـــــــــــــديث مهم جدا جدا جدا
.


كان ايميل المهندس ؟!؟!؟ غلط لذا اقتضى التنويه

منو عنده واسطه بالمعهد التجاري برد ادرس



================================


اليوم كنت ناوي اكتب بوست عن استجواب حدس .. قعدت من النوم شربت القهوه مسكت الجريده ولعت الزقاره والا اشوف اعلان بنص الجريده .. فركت عيوني قلت يمكن لي الحين نايم .. طلع الاعلان صج مو عبط .. اقلب الجريده والا القبس ؟!؟!؟ يه شالسالفه





تعوذت من الشيطان وقلت طوف طوف جنك ما تدري ... فتحت الراي العام .. والا الحبيب مرتز .. جنه يقول تكفه اكتب عني





الشاب اللطيف مستانس حسباله عيد ميلاده ذهبي .. يعني بعيد الحب .. انزين شنو الحكمه من الاعلااااااان ؟؟

والله حسبالي صار رئيس قسم والا ياله ولد .. مو خابينه بهالسوالف هالايام








دافع فلوس وحالتك حاله وتستقبل المهنئين عن طريق الايميل ؟!؟!؟!؟!؟


والله من صجك والا تتغشمر


لا وكاتبها فلانتاين





يوم الفالنتاين الي كل سنه انشوف نفس الحجي ناس اتقول احتفلوا وناس اتقول لا تحتفلون


وانا لي الحين ماادري اشلون يحتفلون بفهم ؟َ؟ هل كيف يحتفلون ؟!؟


الي اعرفه المتزوجين اييبون حق بعض ورد وماادري شنو


الحين راح يدشلي عرض واحد ويقول يبا هذا يدعوا للفسق والفجور ؟!؟!؟



مو يالحبيب هالبقره اتعرف هالثور من قبل هالفالنتاين الي ذابح قلبلكم يت على هاليوم يعني ؟!؟


يعني هاليوم الي خلا البنات يستخفون والشباب يراكضون ورا البنات !؟!؟ والا اهم يتعرفون على بعض علشان هاليوم ابي افهم ؟!؟!؟ شهاليوم هذا


على العموم نرجع حق محور حديثنا


بما ان الشاب اللطيف بداها باجر راح تطلعلنا هبه يديده



ديوانيه انتركويت تستقبل المهنئين بالفالنتاين



ديوانيه مقهور المقهوري تستقبل المهنئين بمناسبة الفالنتاين وتعتذر عن قبول العانيه



النائب عاجل يعتذر عن استقبال رواد ديوانيته لعيد الحب



الوزير كاراكوتا يضع عقوبات صارمه على من يغيب بعيد الحب



النائب فريج سعود يطالب بعطله بيوم الفالنتاين



النائب كويتي لايعه جبده يطالب بعدم اعطاء عطله بيوم الحب



مانشيت : الفالنتاين الازمه الجديده بمجلس الامه



مانشيت : استجواب رئيس مجلس الوزراء لسكوته عن موضوع عيد الحب



وهلم جرا



بالنهايه مااقول الي متزوج خلوه يونس مرته ويشتريلها ورده والي خاب روحه على هاليوم اقوله لاتلبس ثوب مو ثوبك


وياشين السرج عالبقر



وهابي فلانتاين ؟!؟



اللهـــــــــــــــــــــــــــم لا اعتــــــــــــــــــــــــــــــــــــــراض

75 comments:

Reem AlHajri said...

LOOOL
يحليله والله ظريف ..

إحم
خوش بوست والله ، لطيف

Anonymous said...

هذا من صجه الحين؟

أخاف إسلوب يديد في الترقيم والمغازل
التي تطرشلي إيميل... يعني حبتني
لان شكو حاط صورته

لا الموضوع مو طبيعي

marshmallows said...

looooooooooooooool

mu 9j

ambi madri shgool 7dii no comment

bs umi tgol "w5ziaaaaaaaaaa"

Blog 3amty said...

لا مسكين شكلة دقّه من ربعة !

معقولة أهو لطشش لهدرجة؟

well_serviceman said...

لالالا يا مهندس... ضيقت خلقي.. صج وصلنا لي هذي المواصيل؟ ماتوقع.. خوفك واحد فلبيني محتفل؟ :(

esTeKaNa said...

وااي اشوة انك قلت لي ان اليوم عيدميلاده
!!
يالله ولبنا
يالله يمدينا نبارك له
يالله شلوون شلون ما كنا ندري
لووووووول

ما صارت فلنتاين
توه اقول حق اللي تبيع بكاريبو ليش ماكو كيك ولا ساندويتش
تقول فلنتاين
!!
شكو؟

الله يعينا باجر بعد نبي بدل يديده حق عيدالفلنتاين
:Pp~
خوش بوست

Eng_Q8 said...

ريم

جميل جميل :)

Eng_Q8 said...

بلو

والله ما يندرى عنه

Eng_Q8 said...

مارشملو

لووووووووووووول:p

Eng_Q8 said...

بلوق العمه

مو خوش دقه اذا صج دقه

Eng_Q8 said...

ويلي

ماادري

Eng_Q8 said...

استكانه

لووووووووول شفتي اشلون ذكرتج

بوست موفق :p

Kuwait said...

@@
مهندسنا ..
انا والله جم مره أحتفل بعيدميلادي بالعيـد ما حطيت اعلان بالجريده محد قالي ان يصير :\
الحيـن شالـحل ؟؟
ممكن يعيّـدون عيد الفطر الياي بتاريخ ميلادي عشان أحتفل معاهم واحط اعلان بالجريده وأحط الرمز البريدي والعنوان والتلفون والايميل والمدونه خو مره وحده عشان محد يكون له حجه ان ما يهنيني ;p

ZooZ "3grbgr" said...

تتوقع في وحده تنعجب فيه وتضيفه عشان تهنيه بعيد ميلاده؟!؟!؟

اغلب الظن انها مقلب

الله لو انا يسوون فيني مقلب جذي

حتى اشرب من دمهم ما تكفي

!!

الدســتور said...

سبقتني فيه
كنت بكتب عنه بوست
بس ماراح اكتب مثلك
كفيت و وفيت
بوست رائع

joe said...

بالعكس الفلنتاين له ايجابيه انه الفرد ايب هديه حق امه وله اخته وله زوجته

تابع هالبوست وايد حلو

http://bomuhsen.blogspot.com/2009/02/214-2003.html

حسام بن ضرار said...

ههههههههههههههه

شفيه بو سعود؟

و حاط ايميله بعد؟

بيضبط؟

------------

يمعود الشرهه مو عليه، الشرهه على الغبس (القبس) و الحراي (الراي) اللي نشروا اعلانه

خديجة البهاويد said...

خخخخخخخخخخخخخخخخ
الله يخسه ظحكني

والله مو هين بوسعيد ظريف ودمه خفيف
والله صيدة

مركبنا said...

ههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههههه

مبدع اخاف دقه احد مسويها فيه
او واحد من حدس يبي يشغلك عنهم (=

حياتي هدف مو عبث said...

أفففففففف
جمال مو طبيعي
هاهاهاها

الخيلاء said...

اهل العقول براحه :)

والله هالفالنتاين لو ما خبه الاعضاء جان محد درى عنه

Eng_Q8 said...

كويت

يالله متى عيد ميلادج والاعلان علي :p

Eng_Q8 said...

زووز

يمكن :)

مو خوش مقلب

Eng_Q8 said...

الدستور

كل مره انت تسبقني .. قصه بقصه :p

بعد جبدي :)

Eng_Q8 said...

المباركيه

الي بيحتفل يحتفل بكيفه

كل واحد ينام على الجنب الي يريحه

Eng_Q8 said...

حسام

عجيب بو سعيد

اي والله الشرهه عليهم

Eng_Q8 said...

بتاح

اي يا حلوه

Eng_Q8 said...

مركبنا

يمكن يمكن :p

Eng_Q8 said...

حياتي هدف

هابي فالنتاين :p

Eng_Q8 said...

الخيلاء

على قولتج

Purplecious said...

لووووووووووووووووووول

لالالالالا مو من صجه

أخاف دقه من ربعه

متراهنين يخلونه يغير يوم ميلاده من 14\2

الى

2\14

ههههههههههههههه

Eng_Q8 said...

بنفسجيه

يمكن :))

a7ibich yl KWT said...

ولله في خلقه شؤون
أبي أمه شرايها بالاعلان اللي مرتز فيه ولدها
تهقا بالديوانه ماضغطوه ربعه؟
Happy V's day ;)

ساره النومس said...

لوووووووووووووووول هذا حده مستانس وياصورته :p

آخر عبط والله

كويــتي لايــعه كبــده said...

يا شين السرج على البقر وهابي فالنتاين ما يركبون مع بعض

---
والاخ بو الاعلان ترى شغل تضبط
ضبط الله سبير شفر على راسه

طرشوا له ايميل
:)

واحد مرة صادفته حاط اعلان سيارته للبيع
حاط نوع السيارة وموديلها وصورتها
ورقم تلفونه واسمه المو صجي
قلت له ليش؟
قال لي هذا شغل تضبط والبنات تدق

والاحلى منها ان السيارة الكشخة كذب
اصلا ما يملك هالسيارة

---
"النائب كويتي لايعه جبده يطالب...ء"
يا فرحة الخرافي والشلة
:)

كويــتي لايــعه كبــده said...

بمراجعتي للي طافني من مواضيعك السابقة

حدي متحسف على اني ما شاركت بـ"كفاكم يا اخونجيه" وما أقول الا بيض الله وجهك ووجه العزيز حسام بن ضرار والاخوة والاخوات اللي ما نسوا وما سكتوا

حسافة

كويــتي لايــعه كبــده said...

الأخت كويت تستحق الذكر والشكر ايضا
ما بغيت انساها بعد ما مريت على مداخلاتها

على كثر ما فيه مطبلين وناس ما تستحي بهالبلد
هناك انتم لوضعهم في مكانهم

كفوا

Eng_Q8 said...

احبج يا كويت

ماادري :)

Eng_Q8 said...

طموحه

كيفه :)

Eng_Q8 said...

كويتي

تركب تركب

بطرشله :p

لووووووووووول من صجه هذا

اذا صرت نائب اتوقع راح يزر عقلهم

=================================

جايك ببوست ثاني :p

==============================

كل الي شاركوا يستاهلون الثناء

حلوه الثناء

Ma3an Le'3aden aFthal said...

ambeeeh
بــــــــــــــدع
loooooool

enter-q8 said...

أطالب النائب ناصر الدويله بتصريح او استجواب لوزير الاعلام
او تحويل الموضوع للجنة الطواهر السلبية

nanonano said...

مهندسنا

لا يطــــــــــوفك

اليوم منزل تنويه

أيميله أمس خطأ

هاهاهاهاها
هاهاهاهاها

الظاهر ما راح يصير لنا سالفه الا الأخ

lawyer said...

انااااااااا عندي احسااااااس ان السالفه دقه


مدري ما اتووووووقع صصصصج ابدا

Anonymous said...

استغفر الله

تخلف

بس كاسر خاطري بصراحة

يا انه احد مسويها فيه مقلب و اهو مو موجود بالكويت... يا انه هذا الرجل سفيه


ودمت بخير وسلام

Najmah said...

@@
من صججججججه
!!
لووووووووووووووووول
واهم شي الايميل
:P

EXzombie said...

هابي شاني يا طائفي

المهم ماني قايل شي بخصوص الاخونجية و عيد الحب علشان لا تزعل

بس عندي سؤال خبيث

اللنكات ليش في اسامي ماغطها اطول من اسامي ثانية، في معايير ولا السالفة تكتل؟

Mamloo7a Q8ia said...

ههههههههههههههه
ابداع هالطيب
الاخ ماكو شغل
الفضاوه زايده


بس صدقني يا خوي
سنتين ...ولا ثلاث
وتلاقيه نائب في المجلس

:)

S-Q8 said...

LoOoOoOoOoL..
la la mo 9ij..
khaf a7ad msawe feeh dagah!!

Selezya said...

ههههههههههههههههه اخ ياقلبي
لا لا مو صج مستحيل ..ياحلوه كاشخ
لوول ياربي الناس ينت وقعدت

الجريدة شلون رضت تنزل اعلان جذي؟

هابي فالنتاين :P

Eng_Q8 said...

غد افضل

حده :)

Eng_Q8 said...

انتر

طالب طالب

Eng_Q8 said...

نانو

تم اتخاذ الاجراءات :p

شورانا :)))

Eng_Q8 said...

لوير

ليش ما تتوقعين :p

ترى بهالزمن كل شي جايز

Eng_Q8 said...

الموت

ماادري سأليه :p

Eng_Q8 said...

نجمه

اندر سكور بعد :p

Eng_Q8 said...

اكسزومبي

شكرن :p

شكو خبيث

عادي على حسب المود مره امغط ومره ما امغط

Eng_Q8 said...

مملوحه

اذا صار عضو انا راح انتحر بساحه الصفاة واشهد يا تاريخ

Eng_Q8 said...

نعناعه

الله اعلم بس مو خوش دقه كلش

Eng_Q8 said...

سلوزه

عيارتج تبين تقنعيني انج ما سويتيله أد :p

امس الفالنتاين مو اليوم :)

Anonymous said...

هالفيلم للحين؟

حسام بن ضرار said...

طلع بو إسعيييد مهندس؟

ما اقول الا الله يسامح اللي فتحوا الاعتراف بجامعات الاردن و مصر

soor said...

أهم شي أن الحبيب المهندس منزل تنويه ..
صح لسانك يا بن ضرار ..
الله يسامح من فتح الاعتراف بجامعات الأردن ومصر والحين البحرين ياية بالدرب :)
مشكور عالموضوع .. كنا نحتاج تغيير جو ..

جديد المدونة :
"طلال السعيد .. أنت عن الوطنية بعيد !!"
alsoorst.blogspot.com

Al-Majida said...

هههههههههههه

وصلنا لهالدرجة!!^^
وأزيدك من الشعر بيت
بجريدة الأهرام يكتبون "اهداءات وشعر حق الموتى بالنعي!!"
ماشاء الله
وضع لا نحسد عليه

العيب على الجريدة اللي قبلت انها تنشر بدون فلترة!!

*****

مدونتك ليها هيبة..مجرد احساس:)!!

Eng_Q8 said...

بلو

لي باجر :p

Eng_Q8 said...

حسام

من مصدر موثوق طلع مو مهندس :)

Eng_Q8 said...

سور

العفو اي لازم انغير جو شوي :)

راح اشوفه انشالله

Eng_Q8 said...

روح المحبه

ما اقرى الاهرام :p

اي والله العيب بالجريده

كل المدونات لهم هيبه :)

Coffee said...

LOL!!
شكله دقه! بس كل شي جايز هاليومين
حلاته اعلان من بنت وتنحط صوره ايد ماسكه ورده حمرا وصبغ اظافر احمر وانشوف شيصير بالشباب ايميلها كل دقيقه تفظيه
تســــــــــــــلم والله ضحكني البوست مغازل نوع يديد

Eng_Q8 said...

قهوه

لا مو دقه دش مدونة مقهور :)

Ra-1 said...

Hahahha :)

vancouver said...

الشهر الياي
بنزل اعلان بالجرايد
لاني بحتفل بسانت باترك داي
(عيد ايرلندي)

كيفي
وباستقبل التهاني
بمدونتي

بس اول تهنئه
ابيها
منك
:Pp

Eng_Q8 said...

روان

:)

Eng_Q8 said...

فانكوفر

لوووووووووووووووول

ليش اتقلدين لييش :p

خلاص انا اول وااحد

العدالة الكويتية said...

الحمد لله الذي عافانا مما ابتلاه به وفضلنا على كثيرٍ ممن خلق تفضيلا.