Thursday, March 5, 2009

فضيحة العوضي الجديده ... يالخايس !!؟

.
بعد ما نشرت الورقه على صفحات جريدة القبس واقلبت الديره ... ورقه جنها برشامه تقلب ديره شر البليه ما يضحك
.
عموما .. نشرت الورقه والي حصل حصل والعوضي رقعها وياليته ساكت و ما رقعها .. لان ما عماها الا بط العين بكبرها
.
نشرت
جريدة الشاهد الحديث الي دار بين العوضي والمصور الي صور البرشامه اقصد الورقه
.
مستوى اعضاء مجلس الامه نزل الى هذه الدرجه ؟؟
.
تتمنن عليه عشانه نشر الصوره ؟؟؟
.
وين القسم الي اقسمته على احترام الدستور يا نائب يا فاضل ؟؟؟
.
وين حرية الراي ؟؟؟ وين ووين ووين ؟؟
.
ادري اني انفخ بجربة مقضوضه
.
بس الشرهه على الي صوتوله واذا انحل المجلس ورد اعتقد ان العيب مو بالنواب العيب بالي يوصلون نواب هذا اسلوبهم واهم الله خير شكثرهم بالمجلس
.
اعتقد ان حملة اقسم المفروض اتصير على هالنواب عشان يقسمون مره ثانيه يمكن يوفون بقسمهم .. خير انشاالله
.
.
اللهــــــــــــــــــــــــــــــــم لا اعــــــتــــــــــــــــــــــــــــــــــراض

65 comments:

Kuwait said...

@@
شالمستوى !!
يسويلـه خدمه تالي يمن عليــه ؟؟
ما استحى على ويهه يقول هالحجي :\
يلا باجر بعد بيطلـع العوضي ويرقع ترقيعه مثل ويهه ..
مالت على البـاميـه ..;p

Kuwait said...

اولى اولى اولى ..
وبما انك مهندس فأبي هديتي مخطط بيت ثلاثتلاف متر ;p

مركبنا said...

قصة درامية مبكية

اكيد اخر شئ المصور طلع اخوة
====

فشلة والله وين وصلنا
هذا فوق الشين قوات العين

====

As YoU LiKE said...

المصور مصري
والكلام كويتي

نصدأ مين ياسعادة الموهاندس ؟

enter-q8 said...

قول حق المصور عندي حزام ناسف كان يبيه و الا شي

Eng_Q8 said...

كويت

انا اقول الله لا يحوجنا حقهم

Eng_Q8 said...

كويت

شكو المهندس بالبيت

انا مهندس مو مقاول :p

وبعدين انا مو مهندس مدني حولي الطلب حق واحد ثاني

Eng_Q8 said...

مركبنا

اهم شي ان اخوه

بعد شتسوين

Eng_Q8 said...

از يو لايك

انا اييبلك مصري يتحجى كويتي اكثر من صاحبنا الي اتعرفه

عادي

وبعدين اذا مو مصدق روح اشتك على الشاهد انا شكو

واذا الخبر مو صحيح خله يرفع قضيه

انا ليش مطول السالفه يبا انت وين كنت بالغزو لوووووووووول

Eng_Q8 said...

انتر

لا تقول حزام ناسف

يقولك الارهابيين اليدد قاموا يقصون سبايكي ومجسمين ويدشون بالبلوقات وكل شي يسوون تاليتها خلود تطلع ارهابي مو شي

MaCHBoS said...

حشى مو نائب ياهل بالابتدائي !!

فريج سعود said...

صج صج صج

ما يستحي

ويه عرييييض

مستفسط said...

ما ني قادر اتذكر من منو سامع اخر مره عباره
يالخايس

ولاّدة سابقاً ... رانيا السعد ...رانية المنيفي حسب الأوراق الرسمية said...

في الحوار يبدو أن العوضي له أفضال على المصور

وهذا فيه درس للسياسيين اللي من طقة العوضي أن من يقبل منك دينار أو مساعدة
سيتخلي عنك ويضحي بك كخروف العيد من أجل دينارين ومساعدة أكبر


شكراً للمصور

إمـرأة لا تُنسـى said...

هذا الوزير الوحيد اللي وين ما يطقها عوية.. مش راضية تمشي معاك الأمور قدم استقالتك أحسن

الله مو كاتب لك نصيب

الدســتور said...

ايـــــــــه

الحين عرفتوا منوا الخايس

nanonano said...

مو بس مستوى هابط بالألفاظ

لا و معاير بعد

عاد أنا من صجي أكره اللي يعايرون..أنا سويت لك و أنا حطيت لك

والله عيب عليه

Purplecious said...

هااااو بو وليد ليش حزام ناسف

نسيت السلاح الفتاك الجديد
















الجزمة

تكرمون

حسام بن ضرار said...

انا ما اتفق مع اسلوب العوضي ولا عاجبني اداءه بالمجلس كونه بصام

لكن اسلوب هالمصور حده رخيص و مستهجن اخلاقياً بالتجسس بواسطة زووم الكاميرا

@alhaidar said...

كنت مسافر ومادري شسالفة ..

بالقبس هالورقة ؟

خل أروح أتطقس :)))

Zaydoun said...

الله يهداك... كل سنة وكل دورة يقسمون النواب والوزراء والشيوخ على صون الدستور، وبعدين يكشتون فيه

كويــتي لايــعه كبــده said...

عفية على النواب السنعين بدرجة صبيان عند الحكومة واخلاق عديمين التربية

يتهدد على مصور مسكين يترزق الله
ويتمنن عليه
هذا وهو ما عمل الا واجبة بعد

فعلا ما يستحي
لا من فعلته ولا من الاستمرار بنفس الاخلاق الواطية

زين سوت الجريده بنشر اللي حصل
خل الناس تشوف لمن صوتت

Eng_Q8 said...

حمود

اي صف

Eng_Q8 said...

فريج سعود

لازم انحرم المرق

Eng_Q8 said...

مستفسط

انا سامعها اول امس :p

Eng_Q8 said...

ولاده

يا عيني عليج

وشكرا للمصور

Eng_Q8 said...

امراه

كان وزير الحين رد عضو :)

لا تصوتوله

Eng_Q8 said...

الدستور

منو ؟ :p

Eng_Q8 said...

نانو

الي عمره ما تبخر

Eng_Q8 said...

بنفسجيه

مو حقي الكومنت

Eng_Q8 said...

حسام

هذا مو تجسس كل شي يدور داخل قاعة عبدالله السالم ممكن ان ينقل للشعب لانه بيت الشعب اولا وثانيا هذا حق لنا والمصور ما غلط

ويزاه الله خير انه كشف الموضوع للعامه

Eng_Q8 said...

الحيدر

تطقس يبا تطقس

Eng_Q8 said...

زيدون

الي ما يوفي بالقسم ..... اتوقع فهمتها

Eng_Q8 said...

برييه

بالزبط

حسام بن ضرار said...

معلش مهندسنا

الكلام اللي تفضلت فيه ينطبق على الكلام العلني اللي يدون في محاضر المجلس

النقاشات و الاقتراحات و غيره

لكن هالورقه ما كتبها صاحبها إلا يبي يضفي عليها صفة السرية بغض النظر عن مدى اخلاقية محتواها

حاله حال النائب او واحد من الحضور لما يساسر زميله

و رايك احترمه بالنهايه

Sn3a said...

لحظه شفيه المصور وايد ساكت ومايرد على هذا
خايف منه يعني ولا شنو؟


بعدين انا اضحك على ريال يقول يالخايس
لوووول
احس هالكلمه البنات يقولونها لما يتناجرون
;P


بس الحين هذا نائب وبرستيج
جذيه اسلوبه
وين ويوه اللي صوتوله
بشوف رده فعلهم

Anonymous said...

أثنينهم غلطانين
أهوا والمصور اللي ما يخاف الله

العوضي اتمنى ما نشوفه مره ثانيه بالمجلس

بعد هالصورة أعتقد لازم ما يرز لنا ويهه مره ثانيه مو كافي الفشله؟؟

لكن اللهم لا اعتراض
والله يصلح مجلسنا

Q80 Blogger said...

الشاهد !!

لقيت الصاجين عاد

well_serviceman said...

ليش تفضح العوضي يالخايس؟ لووول.. مهندسنا دربالك ترى العوضي يمشي ويقول يالخايس.. الشرهه مو عليه.. الشرهه عالمصور اللي ماعرف يرد عليه عدل..

حياتي هدف مو عبث said...

عوّضني
:p


انزين ليش سألت متى اتخلص الحملة ؟

الـبـيـرق said...

الـشـاهـد مـا يـنـوخـذ مـنـهـا لا حـق و لا بـاطـل

:)

chandal/danchal!! said...

وي منجب... شبترييه منه؟؟؟

chandal/danchal!! said...

انت شفت صورة الشمالي بالقبس ثاني يوم؟؟؟؟

زين ما بلع القرطاس

soor said...

ياما تحت السواهي دواهي :)
يقول ننسف التعديلات ..
ضحكني وآنا ماودي أضحك ..

جديد المدونة :
وين بتروح يا سمو الرئيس ؟!
alsoorst.blogspot.com

Unknown said...

مهندسنا

وين القسم الي اقسمته على احترام الدستور يا نائب يا فاضل ؟؟؟

للأجابة على سؤالك أخي الكريم حاول أحتساب عدد المرات التى يسافر فيها معظم نواب مجلس الأمة خلال فترة عضويتهم لأداء فريضة الحج والعمرة

وبعد الحج والعمره يردون ... أبيض !!


: )

qadema said...

ما أستغرب
الكويت أفضل بدون مجلس
كان على أيام أبو الاستقلال مجلس للكويت
الحين صار مجلس للنواب

Eng_Q8 said...

حسام

وجهة نظر احترمها :)

Eng_Q8 said...

سنعه

لانه مصري

اتوقع يصوتوله عادي

Eng_Q8 said...

مومينتام

اشدعوه ما يخاف من الله

الحين العوضي يبوقنا عادي والمصور ما يخاف من الله عشنه حط الصوره

؟؟؟؟

Eng_Q8 said...

بلوقر

اذا الجريدة اتجذب جان رفع عليها قضيه وهالسالفه سامعها قبل لا يحطونها سو هذا الي صار


وولكم باك

Eng_Q8 said...

ويلي

شتبيه يقول انسان وافد يدور لقمة العيش

Eng_Q8 said...

حياتي هدف

لانها اتغثني واتلوع جبدي بصراحه :)

Eng_Q8 said...

البيرق

انا اخذ :)

Eng_Q8 said...

جندل

نوثينق :)

---

اي لوووووووووووووووووووووول

Eng_Q8 said...

سور

خله ينسف خله الشرهه على الي مصوتيله

Eng_Q8 said...

ا ب ت

اتصدق ما طرت على بالي عيل لازم انطلع قانون ممنوع اداء الفرائض :p

Eng_Q8 said...

قديم

صل على النبي شنو افضل ؟؟؟؟؟

lollipop said...

aham shay eni mo fahma shay

qadema said...

اكيد افضل
ليش شماخذين من المجلس الحين
كله استجوابات
وبوق وآسفه على هالحجي بس جنهم يهال كل واحد اتصيد على الثاني ومسوينها كتل وناسين الديرا ومشاكلها
بدون المجلس احسن واذا بصير مجلس اصير نفس اول اللي الديره والشعب اول الاهتمامات

Eng_Q8 said...

لوليبوب

احسنلج

Eng_Q8 said...

قديمه

اولا اول الشعب مو من الاول الاهتمامات واقري التاريخ عدل

ثانيا المجلس حق مشروع للشعب الكويتي

ثالثا اذا المجلس مو عاجبكم صوتوا للناس الي تستاهل عشان يعجبكم

رابعا المجلس هو انعكاس لاختيارات الشعب فاذا كان غير موفق فهذه اختيارات الشعب اذا فالشعب هو الفاسد وليس المجلس وهذا ليس بصحيح فالشعب ليس فاسدا

خامسا الشعب ليس فاسد انما هي عدم الدرايه الكامله للديمقراطيه وسياسة التصويت والافضليه وهذا بسبب نقص الثقافه السياسيه

سادسا الحياة البرلمانيه هي عصب المجتمع الكويتي والهواء الذي تنفس منه وهو الايطار الذي يحكم بيننا وبين السلطه التشريعيه فكيف نلغيه ومن سيحكم وسيراقب ؟؟

الخلاصه مجلس الامه حق مشروع للامه والانقلاب على الدستور حتى ولو كان هناك اخطاء لا يحق لاي احد فهذا حق مكتسب ويجب علينا ان نختار الاعضاء المناسبين بدلا ان نطالب بالغاء المجلس

ودمتي سالمه

qadema said...

ايام المجلس قبل الشعب اول الاهتمامات الحين البوق والاستجوابات همهم واكبر مثال حدس
وادري ان المجلس حق مشروع للشعب الكويتي
وانا آخر وحدا ابي الانقلاب على الدستور انا مع الدستور قلبا وقالبا
ومن صار لنا حق بتصويت ما صوت ولا راح اصوت لين تيي ناس تهتم بالكويت مو بوق الكويت
انزين اذا اللي يحكم ويراقب مو سائلين بديره جنهم يهال وانت حطيتلنا اسلوب كلامهم وغيرا وغيرا من اللي شفنا وصارلهم سنين على هالحال لي متي راح نصبر؟
انا ما صوت لاني ما اعرف الزين من الشين بس حجي الناس فامتنعت عن التصويت
نبي مجلس ايام قبل ما في ناس تخاف من ناس وما في إنتمائية لغير هالديرة
نبي مجلس يشتغل حق هالديره
لازم كل الشعب يدرس ثقافة سياسية قبل لا يصوت جود يعرفون يختارون نواب صح

Eng_Q8 said...

قديمه

اذا بتمشين على حجي الناس ترى ماراح اتصوتين طول عمرج :)

qadema said...

عدل كلامك بس
انا قصدي ان ما ينعرف اذا كلام الناس صاج ولا جاذب عشان جذي ما امشي عليه
ولا اصوت
انا الحين ماني شايفه احد يبي المجلس عشان الكويت الاغلب يبي مصلحته

Eng_Q8 said...

قديمه

انشالله موجودين