Wednesday, March 25, 2009

تحلطم ولاااكن ؟!؟


مالي خلق اكتب شي مرتب ومتسلسل .. 3 مرات كتبت بوست وخليته يولي مو عاجبني بس بتحلطم كيفي بتحلطم


الفرعيات سموها تشاوريه ... يعني صايدين الحركه احفاد انيشتاين اكتشفوا الذره لا واييك بكل فخر انا لا اخرج عن طوع قبيلتي انزين اشلون تطلع عن طوع القانون وتدخل الفرعيه هل القبيله قبل الوطن ؟؟ واشلون اتقارنها مع الاحزاب ؟؟ ماراح اناقش هالنقطه لان الي يناقشون فيها يكتبون ال لكن .. لاااكن .. يعني من صجي اناقش واحد ما يعرف يكتب لكن .. ويكتب بالمجلس .. بل المجلس .. ويقولولي دكاتره ومهندسين


عاكف وبكل فخر مستانس على اخوان الكويت وقبل جم يوم الحربش يقول احنا مالنا شغل بالاخوان واهم شي ان عاكف مرقعها انه ما يبي يتدخل بالشؤون الداخليه تالي يقول اهم شي انهم يبدون مصلحة الاسلام والامه لا خوش شي صج ما تدخل .. يعني اسحب على الكويت بس بطريقة ذربه


ردت الاسطوانه القديمه .. اذا كنت مو اخونجي ولا سلفي ولا مع ربع عبدالصمد وماادري منو بعد .. وكنت مو مع التحالف فانت اتغار منهم وانسان سلبي وما تستحي على ويهك ومو وطني وما تفهم وحسبالك انت شي وانت ولا شي ومحد درا عنك وانت اصلا انسان مهمش .. يا اتصير مع التحالف واتقول تمام يا افندم يا بتصير جذي .. اقول مالت عليكم وعلى تحالفكم زين .. ماادري متى بتسنعون


اذا قلت انا ضد القبليه .. قالولك انت عنصري وفئوي وتكره البدو وسطرولك القصه من اول احنا دافعنا واحنا ماادري شسوينا واحنا اساس الكويت .. ماادري يعني انا فقع مثلا اذا اهو بروحه اساس الكويت .. يبا ندري بكل هالحجي بس يااخي الفرعيه غلط يا اقول وياكم ومع الدواوين وضد البدر ومع الجينكو يا انا فئوي .. تدرون شلون اي انا فئوي شتبون ... عقليه محكوره بقوطي معجون


نيي عاد حق الفلم الثاني الي فقعهم طلع بالمدونات عسى ما احد تكلم عن المهري والا القلاف والا عبدالصمد اطلعوا وعطوك اياها انت طائفي .. يعني يا اصوت حق ذول والا ما اتكلم عنهم يا انا طائفي واهو اكبر طائفي على وجه الارض .. ترى اذا انتوا عندكم هذيل ملائكه .. انا عندي حالهم حال غيرهم ناس ما تستحي ناس طائفيين ناس تمشي على هوا المصلحه .. ف استرييييييييحوا انتوا وياهم .. خاكو ساريت


المصفاة الرابعه زينه والداو هم زينه والي يوقف ضد هالمشروع انسان مو وطني ومع الحكومه .. ترى ذبحتونا خلاص يعني تقرير الديوان ادان المصفاة اسكت خلاص بس شي وراح تراكم يننتونا ترى ماراح توقف الدنيا ... لا ووزير النفط السابق الى يكرهونه الاخونجيه قااااال يبا مالها عائد مادي مشرووووع خسرااان وكان يبي يسكر المصافي الي عندنا يعني شتبون انتوا ؟؟؟؟ ولي تحفظ على الداو ... المراد دورولكم شي ثاني ترى رهانكم خسران حتى ناصر الصانع شكله ماراح ينزل


ليش ما اتصوت حق العوضي ؟؟ .. والله انسان انكشف من مصور اصوتله ليش بعد بروحه عضو خدمات ... يا معود على الاقل احسن من الشيعه ... مو الشيعه يهود وانا ماادري شكو شيعه وسنه بالموضوع ... يعني ماكو غيره؟؟ .. لا يبا عارفينه ... ماادري عارفين منو تشرشل وانا ماادري واحد ما يعرف كوعه من بوعه وماشي ورا الحكومه شبي فيه نسيتوا انه ساحب على المواطنين ... بعد شنسوي ... اقول قلبوا وييهكم


السلف اهم الي ماشين على الدين احسن من الاخوان و و و و ... يااخي نسيت شسووا بالمجلس ترى ما مداه الحبر ينشف من الجرايد .. لا ياخي هذيل ناس اتخاف الله ... الي يخاف الله لا يشارك بقانون وضعي ولا يكون رئيسهم عنده اسهم باماكن فيها خنازير ومشاريب ويرقعها ولا يوقف ضد الناس لمصلحة عرابهم ولا يخلون وزيرهم يلعن خير الديره اكمل والا كافي ؟؟


انا صوتي حق مرزوق والخرافي ... عطني اساس حق هالتصويت العوي ؟؟؟ لا مرزوق زين .. اي بشنو زين ؟؟ زين انه لما انقرص يا وتكلم عن الاستقرار الاقتصادي والعشر آلاف والا عشان عطاك ديسكاونت على الرنج ؟؟؟ والخرافي شتبي فيه ... لا هذا بو عبدالمحسن ... ومنو بو عبدالمحسن اخاف امس لاعب وياه كوت ويايبلك كنافه ... واحد ماعنده غير الله يستر ولا يعرف يدير الجلسات وما تكلم الا على القانون الاقتصادي وسوا الدبكه حق حدس عشان مشاريع غزه شتبووون فييييييه


اغرب تصويت سمعته السنه الي طافت ... دميثير وخلفان والمطوع والشايع ... لاعت جبدي الحقوني ب برييه


الطبطبائي وهايف .. وهايف والطبطبائي واستجواباتهم ... عفوا انتوا شفتوا منو هالاثنين ؟؟؟ اكييييد طبعا وشي طبيعي ان هذي استجواباتهم وهذا اسلوبهم .. يعني مالا داعي التجريح والاشاعات تيارهم يفرض عليهم هالشي ليش مستغربين يعني ؟؟؟ يعني هل تبون محمد هايف يروح ليالي الوطن مثلا ؟؟ نبيل العوضي ممكن بس هايف مستحييييل ... لا تصوتون لهم وفكونا منهم ترى مصخت السالفه


لحظه لحظه شي يديد توه واصلني مسج


احمد الفهد يقوول : الاسره الحاكمه كاي اسره في المجتمع لهم اراؤهم واختلافهم هو امر طبيعي واتهامنا بالمؤامره عند طرح اياستجواب ل ناصر المحمد والتراكم اوصلنا لهذا الحال ولو قطعنا راس الحيه لم يكن ذلك


قل قسم ؟؟؟؟؟ وبعدين منو راس الحيه وضـــــــــــــــــح لو سمحت


وبعدين يقول اطالب المجتمع المدني انه يشارك بكل القطاعات مو بس السياسه


انا بشارك بس بالسياسه لان القطاعات الاخرى تدري منو ماسكها يا شيخ .. يعني السياسه مقصره الحين .. وترى مو كل الكويتيين يقدرون يصيرون تبع .. وعاش التبع اليماني الي اذبحه الزير سالم لما خطب شسمها هذي اخت جساس بن مره


سؤال ملح جدا شنو برنامج المليفي الانتخابي ؟؟؟ وبرنامج الصرعاوي ؟؟؟ وبرنامج البرنامج الثاني على الخط .. جد ناطر شنو برامج المرشحين شبقى بعد ما بقى شي .. وفيصل المسلم اذا برنامجه شيكات واعلام فاسد اشلون راح يطلع حق الاعلام ؟؟


العبدالجادر .. الهطلاني ... الخنفور ..المحيلبي .. مخلد .. عسكر .. العبيد .. الحويله .. الهاجري .. الدبوس .. اتصدقون هذيل كانوا اعضاء بمجلس الامه ؟؟؟ اي ورب الكعبه اعضاء بمجلس الامه الكويتي


وربعنا يبون يحطون نووي ... هلا هلا بالكارثه النوويه الي بتصير .. نفط ويتسرب نووي اشلون بتشتغلون فيه ... خلوه تحت شركه اجنبيه يزاكم الله خير مو ناقصين تسربات نوويه


علي الراشد ؟؟ لاحقين عليك صبرك بالله مو الحين .. بس خلاص .. انا اختفيت


اللهـــــــــــــــــــــم لا اعتــــــــــــــــــــــــــــــــــــراض

66 comments:

abu eldestor said...

طلع اللي بقلبك بعد

Eng_Q8 said...

الدستور

اخاف اذا كملت محد يقرا :) والا قلبي متروووووسه

kuwaitawy said...

لووووووووووول


احلا فضفضه


احس انه طالع من قلبك حيييل

Eng_Q8 said...

كويتاوي

شلت جم كلمه الي ما تصلح للنشر :p

مركبنا said...

زين سويت فض فض وطلع كل الي بخاطرك
ضيعتنا شنوا نرد عليه

ونقول
هذي الكويت وصل على النبي

Kuwait said...

@@
مهنـدسنـا ..
اذا مشروع الداو شوف الأعضاء اشسووا فيـه هالدور نووي :\
يقـولك مرزوق الغـانم بينـزل بنـفس برنـامجه الانتخابي مال السنه الي طافت @@
يعني هذا أكـبر دليل ان ما سوى منـه ولا شي وبس قاعد سمنديقه ! :\
الصرعاوي صراحه الي انا نسيت أساسا ان كان بالمجلس لا حس ولا خبـر ;s
أما الشـله الي ساطرهم بآخر البوست ذول الظاهر كانوا يحضرون الجلسات واهم بمكاتبهم :)
أحمـد الفـهد خـل يجابل الرياضـه دامها خاربه خاربه ويخلي باقي الامور لأهلها :)
بالأخيـر أقولك متى تكمـل 30 ؟
عشان ترشح مو شرط تنجح ولا شرط ترشح بالمعنى الكامل عالأقل تقيد نفسك وتحطلك مقـر حتى لو بساحة الإراده هاتلك مكرفون واقعد على الدجـه وطب بالمرشحين المو كفـو :)
بوست قوي كالعاده وبالصميم ياريت ما ينباق بعد :\

Eng_Q8 said...

مركبنا

اهيا ديرتنا وفيها الي نبي

Eng_Q8 said...

كويت

اتوقع ينتحرون :p

شي متوقع منه

لا موجود بس ما يتكلم مسوي هدنه الظاهر

يمكن

ما يبي الرياضه

بعد 4 سنين

ليش الحفيتي والا الجويهل :p

المهم نامي النامي يتكلم عن الدستور انا اقترح انج تتكلمين عن الطبخ بطلي دستور

Nikon 8 said...

ههههههههههههههه
كل هذا تحلطم وتقرطم
لا وبعد فيه تكمله
!!!!!
شكلها ولا عضو راح يفلت من تحلطمك
:)

Eng_Q8 said...

نيكون

تحلطم

اي في جزء ثاني

لا الاعضاء نطري عليهم شوي :)

ما شافوا شي

أحمد الحيدر said...

ويييييه دلم دارد ميكونا ..

يعني قلبها متروسة ;p

بس والله صاج يخوي بكل اللي قلنا ..

ما نملك إلا التأييد ..

تحياتي ..:)

Bloggerista said...

البوست مو صج

بدعت يا باش مهندس

someone_q8 said...

السلام عليكم

مافيش فايدة يا بشمهندس
العيب فينا , كل من يغني على ليلاه

bo bader said...

الهطلاني ... الخنفور ..المحيلبي .. مخلد .. عسكر .. العبيد .. الحويله .. الهاجري .. الدبوس
اتصدقون هذيل كانوا اعضاء بمجلس الامه ؟؟؟ اي ورب الكعبه اعضاء بمجلس الامه الكويتي

=====

مع كل الأسف هم أعضاء لأن فيه مثلهم ناس صوتوا لهم !!

أعضاء المجلس انعكاس للشعب ، وهذه هي الحقيقة المرة

بوست رائع ، تحياتي

كويــتي لايــعه كبــده said...

لو بعلق يبيلي اسبوع
يا اخي جزء
ش علق و ش اخلي


بس ما عندي مانع لو تبي تبادل ألقاب كم يوم
وفوقهم البيرييه
:)

حجر كريم said...

لله يعين أهلك

شكلك عاقد النونه من قلب

يبه وسع صدرك

وسم بالرحمن

انا من المدونين
حيل تفائلت

يمكن مو ألحين
بس بعد 15 سنه
أتوقع لو 2 منا طلعوا على الساحه السياسية
بتتعدل ان شاء لله
احنا نحب ديرتنا اكثر من الموجودين

بس شيسلمنا لي 15 سنه؟؟

سوق المناخ said...

بالنسبة حق الفرعية، ترى ياخوك الحكومة تبي جذي، لايغرك اللي صار المرة اللي طافت، ترى بس جذي.
و بالنسبة حق عاكف، بعد شترية من واحد عايش على إحسان الكويت، فلوس توصله و أهو بمكانة، اشيبي أحسن من جذي..
فقرتك الثالثة : أقول كلن يغني على ليلاه، ترى كلها مصالح x مصالح، والرابح أهم والخاسر ديرتك ..
بالنسبة حق الطافية، ترى صارت مثل الدرع حق بعض الناس.. إذا ما عجبهم شي قالوا ترى احنا مساكين و هذا طائفي ولا قبلي، ولا برجوازي و هلم جرة ..
و أنا مثلك اكتفي جذي و أوافقك على الباجي.
:)
سلامتك و اتعيش

بو حامد said...

نايس تحلطم

بس رجاءَ الا الثاني على الخط

ما تقزر الا عليهم بالطريج

well_serviceman said...

مهندس.. والله ضيقت خلقي اكثر مما انا متضايق

علقت على موضوع احد الاخوان بالنسبه لعدنان عبدالصمد.. ووصلتني ايميلات ومسجات من بعض الناس بأني طائفي.. الظاهر الشباب نسوا اني .....

ومثل ما قلت.. ماعندكم سالفه وقلبوا ويهكم

الا ماقلتلي مهندسناا... ليش ماتصوت حق القلاف؟ لووووووول

الزين said...

عقليه محكوره بقوطي معجون

:)))


هذا نوع يديد توه نازل السوق
!!

بدعت فيهم
بس تصدق من زمان ما قريت تحلطم ونيس هالشكل



وعلى طاري الحويله
ولبه يلحق على الوسايط وتوظيف ربعه بالقطاع النفطي

بغيت اقول كلمة بس خفت يقولون عني مثل ما قالوا عنك



يالله وناطرين على الراشد


وقبل لا امشي


صباح الخير

Barrak said...

انت قلت اللي انا ابي اسمعه

كلامك برد جبدي


خلاص عشاك اليوم علي


درر درر

esTeKaNa said...

عاد انا يايه اركض بقولك ترا لاكن كاتبها غط اكتبها لكن
:)))
الله يحفظك ويبرد قلبك يارب
وصباحك ورد

ABC said...

كادر الباشمهندسين !!!!!!!!!!!!!!


الحين تحلطم من قلب

: )

لُهَيْمانيٌّ said...

ويقولولي دكاتره ومهندسين

ما فهمت النقطة هذي عدل، هل قصدك ان حتى دكاترهم ومهندسينهم ما يعرفون يكتبون، شفت العنصرية وين وصلت فيك، حتى انصاف مثل الناس ما فيه، اذا انت حاسدهم على انهم يخاشرونك في الكادر قوللهم قولولهم اقصد قول لهم، عشان هم يقولولك اقصد يقولون لك رايهم في الكلام هذا.

Eng_Q8 said...

الحيدر

دلم اعرفها بس الباجي لا زين ترجمت

حياك

Eng_Q8 said...

بلوقنيستا

انتي وينج غاطه ؟

ميرسوو

Eng_Q8 said...

انسان كويتي

وعليكم السلام والرحمه

انا مالي شغل لا تحطني وياكم :p

Eng_Q8 said...

بو بدر


ونسيت العبدالجادر :p

من ناحية مره مره

Eng_Q8 said...

برييه

اشرايك فيني وانا ادودهك :p

والله يبيله اتصدق

Eng_Q8 said...

حجر كريم

لا عادي اذا حمقت اقعد بروحي والا اطلع مااقعد :p

وايد 15 واااايد قولي 5 عشان ابلعها

Eng_Q8 said...

المناخ

قصدك الداخليه ؟؟ انا غاسل ايدي منهم منذ مبطي

اييييه الله كريم والمشكلع يحبونهم على شنو مااادري

اي والله صدقت

درعهم بكسره على راسهم

الله يسلمك :)

Eng_Q8 said...

بو حامد

هذا احلى برنامج عندي على الاقل مشاكل وحلول مو مثل بو عيده

Eng_Q8 said...

ويلي


روح ميامي :p

مو بدائرته :p

Eng_Q8 said...

الزين

توه يديد بتي احجزلج كرتون ؟

شفتي اشلون تحلطمي فيه نكهة

خل يقولون الي يقولونه والي مو عاجبه يطق راسه بالطوفه بسنا مجاملات على حساب الوطن

صباح الغبار

Eng_Q8 said...

البرك


بعد جبدي البرك شهادة اعتز فيها واعلقها بالدوانيه

خلاص تم ابي جاوتشو

على طول اضرب عالعالي لا تعطيني ويه :p

Eng_Q8 said...

استكانه

هالمره صدتج :p

شفتي اشلون طلعت وزارة الداخليه صاجه لما قالت العجله من الندامه

صباحج شربت بيذان :)

Eng_Q8 said...

اي بي سي


لوووووووووووووووول يا عمي في اشياء اهم

Eng_Q8 said...

لهيماني

احلى شي بالدنيا انك ما فهمتها وعلقت عليها شي طيب

اولا كادر المهندسين تصرفه الدوله مو يطلع من جيبهم عشان يايني حظرتك تقول يخاشرونك واساسا مافي كادر

ثانيا هذا دليل انك تعاني من عقدة الزنوج لانك على طول قلت عنصريه

ثالثا الموضوع واضح وصريح راجع دكاترتهم ومهندسينهم الي بالمجلس واتعرف شنو قصدي

وبعدين يا حبيبي انت اثبت كلامي بهذا الكومنت شكرا

Enter-Q8 said...

هذا مو تحلطم هذا انفجار
على قولة احمد اليوسف وسع صدرك
هدي بالك لان اللي قاعد تقوله صاير
ولكن وقت التصويت للأسف يصير شي ثاني

Eng_Q8 said...

انتر

كراكوتا :p

اهم شي احمد اليوسف

بعد شنو بيصير مافي اردى من الي صاير

qadema said...

صح لسااانك
افقد الامل نفسي وارتاح:p

بو محمد said...

تحلطم و تقرطم على كيفك
:-)
تدري شبسوي أنا
انا إذا ييت الكويت، بامشي من بيتنا لي ساحة العلم بوزار و فنيله حفر
و من أوصل الساحة بخرط الوزار
علشان إذا قالوا ما أستحي ما أعصب
يا عمي
المصطلحات ببلاش
و شيل على خمسين

دمت و الأهل و الأحبة برعاية الله

لُهَيْمانيٌّ said...

هههههههههههههههههه حلوة عقدة الزنوج

لا ابدا ، ما اعاني من اي عقدة انا انسان واثق من نفسي ولي في الديرة مثل ما لك ولا ينقصني عنك اي شي، لكن انا انتقد طريقة انتقادك للاخر لانها حيل مجحفة وغير منصفة ، انت ناقصك انك تتحلى بميزة الانصاف وتحكم على الناس من دون الا يجرمنّك شنئان بعضهم على الا تعدل، هذي النقطة اللي ابي اوضحها، وبالنسبة للكادر انا ماني مهندس بس اعرف انهم اقروا لكم كادر سابق ما ادري متى بالضبط وعليكم بالعافية، بس اللي اعرفه انكم تطالبون بزيادة لكنهم ما اقروها بحجة ان عدد المهندسين الكويتيين تضاعف خلال سنوات قليلة بفضل شهادات مصر والاردن وسلوفاكيا والله يعينكم :)

Q80 Blogger said...

الديره كلها تتحلطم .. وبعدين !!
قولنا الزين دامك تعرفه

عطني اربع اصوات بالاولى .. اتحداك



والجليله اخت جساس البكري

M.AlQallaf said...

أحسن شي الواحدما يروح الانتخابات !! هذيلي مو كفو واحد يضيع وقته عليهم !!

Hashemy said...

اهم شي يامهندس انك طلعت اللي بقلبك لاتخلي شي بخاطرك ولو انك ماخليت شي لول

المشكله يامهندس ان احنا اللي تحترق قلوبنا على المجلس والحكومه واوضاع البلد

واهم المسؤولين ولا ابالهم وعادي يطلعون ويصرحون والابتسامه ترس الحلج ولا جنهم بالديره! ومنا وفينا المفروض

EXzombie said...

يا المفتاح

ليش ما يبت طاري السعدون......؟!؟

يا مسير يا موجه يا خروف

يا طائفي يا قبلي يا عنصري

يا مو وتني

و تبا للتبولة

المتابع said...

مثل ما قلت انت عقليتك محكورة بقوطي معجون وانت ما تختلف عن كل اللي انتقدتهم ، هم تبي الناس تمشي عل كيفك واللي مو عاجيك تتطنز عليه بطريقة خالية من الاحترام ، سؤال ابيك تقولى شنو مواصفات الشخص اللي يعجبك لانه الظاهر انك لا يعجبك العجب ولا الصيام في رجب ،تعرف وين المشكلة ، المشكلة في عقدة الافضلية عندك وعند غيرك ان كل فئة او كل شخص يعتقد انه الاقضل وان غيره ما يفهم وحرام حتى يتكلم معاه ويعيش معاه في نفس الكوكب

justice maker said...

الدستور كفل حرية التحلطم

تحلطم على كيفك

ولا نملك الا التأييد بكل ماقلت :)

شكرا لك

Sn3a said...

كل هذا بقلبك يابش مهندس
زين انك طلعته

والله انا ماحب ولا واحد يبت طاريه
احترم الخرافي ان يقدر يهدي الاوضاع في حاله الازمان
مرزوق ماشفت منه شي

عبدالصمد ولاري
اففف تدري شنو اتمنى
ان تروح عليهم نومه اخر يوم تقديم ترشيح
صج صج صج اتمنى هالشي

Mishari said...

كااااااااااااااااااااااك

كل هذا واللهم لا اعتراض؟

شخليت

؟؟؟؟؟؟؟؟؟؟؟؟؟؟؟؟؟؟؟؟؟

عاش عاش باش مهندس وعطني زقارة من باكيتك :))

حياتي هدف مو عبث said...

كل هذا ومالك خلق تكتب ؟

بعدين اشفيك على القبايل ؟
صج انك عنصري ومحتر منهم
ولا عندك انصاف ولا ارباع
:)


اهيا اوقفت على لكن ولا لااكن
نص الربع ما يفرق بين الضـ والظـ

يعني يصير ضلم
ظباب
هههههههههههههههههههه

فريج سعود said...

اي والله خاكوسرت

كل هذا ومالك خلق ؟

برنامج حصاد الاسبوع المر

Eng_Q8 said...

قديمه

لا لفقدان الامل :)

Eng_Q8 said...

بو محمد

باعها بو حمود

Eng_Q8 said...

لهيماني

زين اعجبتك

عفوا مو انت الي اتعلمني اشلون اكتب و ولا احد يزايد علي بانصافي

اذا انت شخص جديد وقريت بس هالبوست فهذا شأنك ولا ترمي التهم جزافا وكل كلمه قلتها بهالبوست واضحه وصريحه مو عاجبتك براحتك بس هذا الواقع

انت تدري منو ياخذ هالشهايد :) وهم مره ثانيا تثبت الكلام الي قلته ببوستي :)))))

Eng_Q8 said...

بلوقر

كيفي يااخي بتحلطم حتى التحلطم مو عاجبكم ننتحر احسن

مو شرط اربع اصوات

اعتقد لو صوت واحد وحق واحد زين اتريح ضميرك والا شرايك ؟

عدل الجليله يا اني مااحبها ودرت الريال

Eng_Q8 said...

القلاف

لازم انروح حتى لو ورقه بيضا بس انروح

Eng_Q8 said...

هاشمي


اتصدق مخلي وايد وهذا غيض من فيض

اتصدق قلوبنا محروقه اكثر منهم

Eng_Q8 said...

اكسزومبي

لووووووووول

الحين انا صرت مفتاح الله يالدنيا

كل هذا عشان قلت السعدون لازم يفوز

اووووكي

عناد عليك احلى بوست حق بو عبدالعزيز وصلحوااااا

وتبا للبيذان

Eng_Q8 said...

المتابع


هلا بالاخ حل غير دستوري وبعدين دستوري وبعدين مدافع عن مرزوق اتصدق انت حالتك كسيفه ... غير نكك

اولا لو عقلي محكور بقوطي معجون جان صرت مثلك :)

ثانيا وين غير الاحترام ؟؟ وبعدين تعال انت شكو ؟؟

انا ما اوجه الناس كلن عقله براسه ويعرف خلاصه .. واذا انا كنت اقدر اوجه الناس ما اتشوفني قاعد واكتب ببلوق :)

اقول بو كوكب

اي عندي عقدة الافضليه شعندك

يا عمي طيييييييييييييييير

Eng_Q8 said...

جستس

اي صح الدستور كفلي :p

شكرا

عفوا

Eng_Q8 said...

سنعه

يهدي ؟؟؟؟ سنعه انتي ترى مو عايشه بالكويت

وانا شفت منه بلاوي :)

وهالكلام لازم ينطبق على مرزوق والخرافي بعد

Eng_Q8 said...

مشاري

اي بعد شسوي


القف

Eng_Q8 said...

حياتي هدف

مالي خلق اكتب شي مصفف ومترااابط اقري عدل

شفتي اشلون طلعت عنصري :p

خليها على ربج

Eng_Q8 said...

فريج سعود


مالي خلق اكتب حجي مصفف ومترابط كليتوني

خوش اسم حق عنوان بوست