Sunday, December 9, 2007

هل يوجد اكثر من سالم ؟

سوري للانقطاع ولكنني كنت مشغول التفكير ... بموضوع اتمنى مشاركتي به
واتأسف على عدم تكملتي للموضوع السابق لكنني سوف اجزئه على فترات .. لكي لا تشعروا بالملل
سالم .. صديق لي منذ 7 سنوات او اكثر جمعتنا الصداقه في ايام الدراسه بالكليه .. كان سالم من محبي التيار الوطني ويؤمن بالحريه والديمقراطيه .. وقد فرقتنا السنين لانه ذهب للدراسه بالخارج لانه لم يكمل الدراسه هنا .. سالم .. عقليه متفتحه ..روح وطنيه .. نقابي من الدرجه الاولى .. وقد انجز سالم ما عجز عنه البعض بانتخابات الاتحاد هناك .. ومما يجب ذكره ان لقاءاتي معه كانت قليله ولكننا دائما حين نتقابل نتحدث عن موضوع واحد .. الا وهو الكويت
اتصل بي بعد ان دعوته لقراءت مدونتي وكان لي معه هذا اللقاء الذي شتت افكاري وجعلني اعيد ترتيب الافكار واليكم بعض مما دار بيننا
سالم: السلام عليكم
انا: هلا بالغالي عاش من شافك
سالم: عاشت ايامك يالغالي
انا: ها قولي شصاير قلت تبيني بموضوع
سالم: ابد ماكو شي بس خوش حجي بالبلوق
انا: السلم قولي في شي صار شي ترى من ذاك اليوم وانا افكر
سالم: لا والله ماكو شي
انا: وانا حسبالي في تجمع او في شي .. ونستني قلت صارت
سالم: لا ما صار شي .. انا هديت هالسوالف
انا: ليش يا معود اذا انت هديت هالسوالف منو عيل الي بيسويها
سالم: والله يا خوي انا اعتزلت زهقت خلاص انا الحين قاعد واقرى بهالكتب ومالي شغل بشي يااخي محد راضي يفهم شسوي
انا: ولييين شنو يعني صفيت بروحي ؟ عاد اخر واحد كنت اتوقعه يزهق انت
سالم: مو حسبي الله على ابليسك موضوع الهجره الي كتبته خلاني احن للديره .. صح كلامك مايصير نخليها لهم لا وهم قصيدة احمد مطر لا تهاجر تخليني اعيش بتانيب الضمير
انا: زيييين اثرت فيك يا معود ترى احنا نحتاج كل واحد هالايام لازم تصير وقفه لازم والحين دورنا بعد اذا ما وقفنا الوقفه الحين متى نوقفها
سالم: اي والله بس شتسوي .. يعني كل ماصار تجمع يتفركش .. صارت مره بين شباب وتفركشت وصارت بين مدونين وهم تفركشت محد صامل يا يبا وقت الصجيه محد يوقف .. وبعدين السالفه يبيلها تنظيم وتخطيط مو قص ولزق
انا: انا وياك بس منو الي بنجمعهم
سالم: والله في ناس وايد بس لازم الي يبدونها يكون هدفهم واحد ويدرون شنو بيواجهون ترى السالفه مو سهله لازم يعرفون انهم راح يحاربون من كل الجهات ويمكن ما تدري منو طقاقك .. انت حسبالك بيخلونك على راحتك ؟
انا: اخزه وانا قاعد ادخن
سالم: تدري يعني انك بتتحارب .. شوف الموضوع يبيله رجال ما يخافون ويكونون على قلب واحد وماتهم المظاهر والترزز الي يدورونه الشباب هالايام . لازم يكون الهدف اسمى من هالسوالف
انا: يالله شناطر سوها وانا اولهم وياك
سالم: لا تتوقع بهالسهوله بتصير لازم اتعرف منو الي معاك ومنو الي ضدك .. الشباب الي يبون هالوقفه هذي لازم يكونون شباب واعين ومتفتحين ويتقبلون الراي الاخر
وترى بقولك شي انها اذا صارت ترى بندش احنا بثوب ابيض محد ماسك علينا شي لا عندنا مناقصات ولا عندنا اراضي ولا شركات احنا بنكون شباب تهمهم مصلحة الوطن فقط لا غير
انا: اي والله صاج وهم لا تنسى الدعم هذا منين انييبه
سالم: السالفة الدعم هذي شيلها من مخك .. لان اولا الي يدعمك يبي يفرض رايه عليك مثل مكا صار للبعض تلقاه مثلا يكتب بمدونه واخر شي دش مكان وخلوه يكتب الي يبونه .. احنا ما نبي جذي مثل ما انت الحين قاعد تكتب رايك ومحد يحاسبك احنا نبي نكون جذي ما نبي احد يحركنا مثل الباجي
انا: اي عاد انا ديني ودين احد يحركني مااستحمل .. شتقول بعد الي المفروض يكونون وطنيين مجمعين ربعهم ولا عندهم شباب وهالاسلاميين مقزرينها على الشباب
سالم: عاد تصدق حزب الامه قالولي نبيك تمسك لجنة الشباب عندنا وانا رفضت .. حتى قالولي خل ربعك ينفعونك قاطينك ولا يدرون عنك ودازين عيالهم يدرسون بره ماجستير ودكتوراه عشان يقظبون من عقبهم وانت خلك جذيه.. والله تحز بالنفس هالسالفه بس الواحد شيقول هالديناصورات امسكوا واقعدوا وما يعطون مجال حق احد الا من ربعهم والمشكله ان الي يعطونهم مجال مو كفو .. هذا غير تغيير المواقف وقاموا يركضون ورا المصالح ... عن اذنك دقيقه
طبعا السلم كان معاي بالسياره وقالي ودني جريدة الوطن عشان بينزل اعلان
وانا واقف والا الحبيب مال الوطن ماني قايل اسمه الله يلوع جبده توه ياي وصافط السياره .. كان ودي انزل وادفنه او اتفل او ادعمه بس تعوذت من الشيطان ... وطول هالوقت انا قاعد افكر بالموضوع
سالم: سوري طولت عليك
انا: لا عادي .. توه الحبيب مر بغيت اسوي بلوه لما شفته
سالم: هاهاهاهاها ما يدري من واقف بره
انا: لو يدري جان صارت طق ههههههه وانا من صجي يايب حق هالجريده الفاشله
سالم: بعد الوالد الا الاعلان يكون بالوطن .. بس والله حراميه نص صفحه 950 دينار لا وداخليه بعد
انا: الله شهالحرمنه
سالم: هذا الشبل من ذاك الاسد
انا: بس انت قتلتني ياخي خليتني افكر بالموضوع واحس انه ماراح نتجمع
سالم: لا انشالله في شباب وايد مثلنا بس يبون من يبديها
انا: يالله خل نبديها
سالم :انطر شوي السالفه يبيلها طولت بال ودراسه
انا: تهقى في احد راح يوقف معانا
سالم: انشالله في شباب فيهم الخير بالديره
هالمناقشه هذي صارت بينا وكان في حجي وايد بس مااذكره كله واساسا انا كنت ساهي وعقلي بعيد
ولكن هنا نقف
هل ممكن يكون هناك تجمع شبابي من خيره شباب الكويت يجتمعون لهدف واحد الا وهو مصلحة الكويت؟
هل ممكن يأتي هذا اليوم الذي نرى فيه هؤلاء الشباب من جميع اطياف المجتمع ليقولوا لا للفساد؟
هل ممكن ان يتحد الشباب ويكونوا قوة ويصوتون لمن يستحق بالانتخابات بعيدا عن التعصب القبلي او الحزبي او الطائفي؟
هو حلم .. واتمنى ان يتحقق ..وكما قال سالم توني تذكرت شقال اذا لم نصبح شمعه تحترق للاخرين سوف تاتي الاجيال الي بعدنا وتؤنبنا على سكوتنا صح كلامه باجر عيالنا بيسئلونا شسويتوا ؟؟ شراح تبرر له سكوتك ؟؟؟ بتقوله ما سوينه شي؟؟ صعبه يا جماعه كلمه قويه .... ف لازم يجتمع الجميع شيعه سنه حضر بدو شباب بنات .. كل من يحب هذه الارض الطيبه ويخاف على مصلحتها ويبديها على مصلحة .. لكل من اراد العيشه الرغيده لابناءه .. لكل من يعيش بشرف وامانه ..
ممكن البعض يقوله علامه هذا ين ؟؟؟ اشفيه قلب كاسترو ؟؟
راح اقوله ما ينيت وكاسترو مو احسن منكم .. نحن من سوف نصنع المسقبل المشرق لهذه الارض نحن من سنقف بوجه الحرامي والمرتشي والمتلاعب بالدوله ونقول لا ... يا جماعه ترى الدوله بشعبها مو بحكومتها
الشعب اهو الي يقرر ولازم تكون هناك وقفه جاده للاصلاح
ادري طولت بالحجي وعدته يمكن كذا مره بس من حر مافيني والله
ابي الصراحه اهي بتصير والا لا ؟؟ واذا صارت راح يكون فيها رجال قد المسئوليه والا لا ؟؟
حلم اتمنى انه يتحقق .. بس هل فيه اكثر من سالم ؟؟؟؟؟
اللهم لا اعتراض

42 comments:

bass said...

أي ليش لا وأنا بالشوفة و لا عندي مانع

حمد said...

انا متفاءل جدا بذلك وخصوصا بعد تجربتي مع المدونات واحتكاكي بالزميلات والزملاء المدونين وتلمسي لاصرارهم على التغيير .

فتى الجبل said...

أتمنى يتحقق هالحلم
بس من خلال تقديري المتواضع يحتاج الموضوع لقائد وللأسف نوعية هالقائد حاليا مو موجودة

AnGlOpHiL said...

الدعم المادي مهم !

ديروا بالكم لحد يشيل سلاح !

بعض الاحداث مرت على الكويت كانت قاب قوسين و توصل لأستخدام السلاح..وراها بعض الديناصورات و ربعهم ممن قلبوا الهرم ;)

الله يوفقكم في سبيل الكويت وسط هالأعلام المشوه !!

Someday said...

For sure, talking talking talking and no action in any direction will only result in frustration!!!
But the thing is, it needs a plan!!!, a 9ijeyah plan a smart plan, specific measurable ambitious realistic time based plan!!!
Put steps one after the other and have a timeline, and lets go! sure we want to shape the world we are in!!!!! it’s our country and it’s our responsibility to make the best of it!!!!

Eng_Q8 said...

bass

كفوو

-----------------------------------

حمد

اتمنى هالشي يصير

-----------------------------------

فتى الجبل

كل شي متوفر بهالديره صدقني
لكن منو يصير معاه؟

-----------------------------------
AnGlOpHiL

السلاح المطلوب اهو الصدق والكرامه والعقول المتفتحه وحب الوطن والنيه على التغيير

اجمعين

-----------------------------------

Someday

صحيح
هذي ديرتنا وكلنا لازم نوقف معاها

===================================

S-Q8 said...

الواحد ساعات يمل من اللي يشوفه و يقول شنو لي بعوار الراس هذا كله.. خصوصا لمن يشوف الوضع بالديرة من سيء الى اسوأ.. بس اذا خليت خربت
اذا كل واحد بينحاش ماراح يتغير شي
كل واحد و اولوياته و ضميره

على نفسها جنت براقش said...

اهم شى الاحافير ما يوقفون بطريجكم
وانا على صمون فلافل و بطاط
رخيص و كويس

:)

سدرة العشـــاق said...

و انا مع اختي براقش بييب ماي عصير بيبسي جاي قهوة

و إذا على نزلت المعاش أييب من ستار بكس :)

بس حددوا منو معانا و متى و وين و احنا بالشوفة

:)

5roofa said...

جان زين امبي والله تشيشت من كلامك
ورحت شاطه عمري عند اهلي اقولهم

بس تدري شنو صار زفوني

قالولي الي اكبر منج ما قدرو انتي شبتسوين

تبين تنسجنين ولا تنسحبين امن الدوله لوول

بس والله لو صج صج صج تصير انا معاكم
كل شي عشان الكويت يهون

وانا علي الاكل فطاير و معحنات و كوكيز و شغل عدل لوول

انت ملاحظ كل التفكير الحريمب البلعه

يسلموو على الموضوع الروعه

salamz friend...

Eng_Q8 said...

Ni3Na3aH

عدل وانشالله الكل من اولوياته رفعة الوطن

-----------------------------------


براقش

الاحافير مايقدرون يوقفون بطريجنا بس خوفج من الي مو احافير

اي لازم فلافل تحن حق التابعي وشبراوي

وبعدين انا مااكل فلافل يصير فيني حارج :)))

-----------------------------------


سدرة العشاق

احنها رايحين كشته صح ؟؟

اشفيكم قالبين السالفه اكل باكل؟؟

انتي خلج بالبيت نبي ريلج :p

-----------------------------------
5roofa

تو الناس ليش متشيشه :))))

وبعدين الي اكبر منا ما سووها لان لهم مصالح وما يبون يخربون على مصالحهم اما احنا هدفنا واحد فقط والكل داش طرقا المعاش يعني قاعدين لهم :)

بعدين اشوف صارت قعدة وزارات
الكل يبي ياكل يتردون لنا الكرشه مره ثانيه :)))بسكم اكل سكم


وشكرا بس هذا مو موضوع هذا الي راح يصير انشالله باذن الله

===================================

على نفسها جنت براقش said...

لوووول
اييب لك سفن اب لا تحاتى

قمت بس اقرأ اسمك قبل التعليق ابتسم
:)
مشكور

و طنطا

عالية said...

!!!

عمك اصمخ

على كل حال يعطيك العاافية

..... الفنطـــاس said...
This comment has been removed by the author.
..... الفنطـــاس said...

كلنا ماعندنا مانع ونتمنى انه ننظم لما فيه مصلحة البلد

Eng_Q8 said...

براقش

ابي دايت سبرايت :)))

انشالله دوم هالابتسامه يا يبا
سواء قريتي نكي او ما قريتيه

عفوا
العجمي :)))

-----------------------------------

عاليه

ليش عمك اصمخ ؟؟؟؟؟

اولا يا اختي لو التجمع هذا بيصير وانشالله بيصير مو الا نكون 100 واحد
صدقيني يا اختي لو نجتمع بس 5 كافي لان الواحد منهم بيصير عن 1000

تدرين ليش لانهم على حق ودائما الحق يوصل يا اختي العزيزه

ثانيا لانه ما عندهم شي يبون يتكسبون من وراه سواء انتخابات او غيره راح يصيرون شباب يبون مصلحة البلد

فهل الكويت باعتقادج مافيها هالشباب

اذا قلتي لا فاسمحيلي اقولج غلطانه لان اهل الكويت دائما فيهم الخير وفيهم الرجال والبنات الي يخافون عليها ويبيعون الغالي والرخيص عشانها

هذا ما تربينا عليه وهذا الي لازم انعلمه حق عيالنا بس مو بالاقوال بالافعال انشالله

على العموم الله يعافيج

-----------------------------------

الفنطاس

وهذا العشم يا ولد الفنطاسوشكرا لمرورك

===================================

على نفسها جنت براقش said...

ما عندنا الا ستاتس

:)

و
الدقى

Eng_Q8 said...

لووووووووووووووووووووووووووووول

يبا خلاص نبي ماي نستله الي كله دهن اول مره اشوف ماي وفيه دهن كله من مية النيل




اسوان

على نفسها جنت براقش said...

بنى سويف

وبس لا تداحر زيادة
خلصوا المناطق
شكلى بحول على السودان
:)

شقران said...

مرحبا مهندسنا

سأرسل لك ايميل..اتمنى أن تقرأه

وسوف أعلق لاحقا على الموضوع

تقبل تحياتي

المحـــــب/

شــقـــــران

Selezya said...

اكيد في مو عاجبينك يعني احنا :)


وايد صدقني واكيد ممكن يتحقق هالحلم .. بس مثل ماقلت يبيله وقفة جاده مو بس كلام :)

Selezya said...

مممم انا شسوي؟
ياربي وايد يسئلوني انتي شنو فايدتج بالحياه وكله اتوهق ماعرف شرد
بس لازم اثبت للجميع فايدتي وياكم
يعني ضروري انا اللي تعطوني هذا المايك الكبير واتكلم فيه
ههههههه اضمنلك 100% راح يكون كل الكلام ماله شغل بالمظاهره لوول
اقعد اقول الشغلات اللي اتحلطم فيها دايم بيني وبين نفسي
يمعود قمت اخورها
سوري
عساكم عالقوه كلكم

Q80 Blogger said...

بالنسبة لي .. السالفة مو بكل هل بساطه

انت اذا صج ودك تجمع الكل .. السالفه يبيلها فتره طويله

يعني لو تشوف قروب نبيها خمسه

صار وراها عندنا شباب ضد الفساد

وراها تجمع الكويت

يعني حتى هل شباب انقسموا لي اقسام وشعب

انا مو فاهم شنو راح يكون الهدف الرئيسي بالموضوع
ادري الكويت اهي الهدف

بس كل واحد له نظرته للوصول لهذا الهدف

لازم يكون في اجنده واضحه .. لبعض القضايا

فاذا دش هذا التجمع في كل شي بالوطن .. راح تشوفه ينهدم جدامك

السالفه يبيلها قعده طويله وتنسيق
مو بسيطه

بس الي عجبني بالسالفه وشجعني .. العروض الخياليه الي اعرضوها اهني .. من بطاط وفلافل .. وبيبسي
شغل عدل الصراحه :)

شقران said...

أخي العزيز مهندس كويتي

تحية طيبة

المحادثة بينك وبين سالم كانت جميلة ومعبرة عن واقع حال ،وتم اثارة نقاط مهمة
واللتي منها اثارة فكرة التجمع

وبما أنني أعكف حاليّا على كتابة موضوع يتعلق ببعض النقاط اللتي اثيرت بينك وبين سالم..وهي غياب النُخب والتجمعات المدنية الداعية للتغيير والاصلاح على أرض الواقع فلا بأس أن اطرح بعض من افكار المقالة في مدونتك العامرة..فمواضيعك تستاهل

أخي العزيز..دائما الرجوع للتاريخ مفيد...واقصد هنا التاريخ الانساني بشكل عام

على سبيل المثال..عندما انتقلت اوربا من عصر الظلمات الى عصر النهضة والذي ركز على النزعة الانسانية
Humanism
والذي انجب لنا التغيير الكبير في اوربا وصولا الى الثورات الصناعية المتلاحقة الى أن وصلت اوربا الى ماعليه الآن

مايهمني هنا أن بداية أي تغيير يجب أن يواكبه حركه فكرية تسعى لنشر مالديها من افكار حتى تتم عملية الاستقطاب العامة ومن ثم حالة الاقتناع لدى بقية الشعب

وأهم شيء في هذه الحركة الفكرية أن تكون صادقة النوايا ولاترتجي مصلحة ضيقة كما هو حادث عندنا على الساحة السياسية حاليّا

وكما ذكرت في أحد ردودك حينما قلت العدد الكبير ليس مهم وإنما شخص واحد يكفي عن 1000 شخص

انا هنا لا ابحث عن فلاسفة وإنما ابحث عن رجال ونساء لديهم فكر ويجمعهم حب الوطن والعمل على عليائه

بمعنى أن اهم الخطوات الأولى لإحداث تغيير يكون عبر

أ-وجود أناس متذمرين من الوضع الحالي وينتقدونه

ب-ينتقلوا لمرحلة التفكير في التغيير

ج-من ثم يتجهوا لنشر افكارهم بطريقة او بأخرى حتى تصل للناس

د-بعد ذلك تحدث أهم نقطة وهي عملية الاستقطاب

ولو تلاحظ أخي العزيز أننا جميعا طبقنا الخطوات من أ الى ج دون ان ندري لأنها حركة طبيعية للنزعة الانسانية
فلقد كنّا متذمرين من ما آلة اليه الأوضاع في الكويت، من فساد ومصالح ونزعات جاهلية وانعدام للوطنية لحساب المتعصبين والمتمصلحين

فاتجهنا للتدوين للخروج عن صمتنا وطرح افكارنا بصوت عالي نتداولها فيما بيننا ونقرّب وجهات النظر لأن الارضية المشتركة موجودة وهي الكويت أولا وأخيرا

رأيي الشخصي المتواضع هو انّنا ما زلنا في طور التفكير والمداولة الفكرية للحلول المنطقية لما نحن فيه من مشاكل ، وخلال هذه الفترة يجب أن نعمل جاهدين على استقطاب أكثر عدد ممكن من الناس لزيارة المدونات والاطلاع عليها ، فالكويتيون جميعهم اكتوا بنار الواسطة والفساد الاداري والمالي فلماذا ندعهم للطبقة السياسية والتي تحاول أن تجعلهم تحت عبائتها

الخلاصة إن اهم مرحلة حاليّا هي مرحلة طرح الافكار والاستقطاب حتى تكون التجمعات مبنية على قاعدة متينة وصلبة يصعب تفكيكها لأي سبب كان لأن هدفها رفعة الكويت وأهلها بعيدا عن الايدولوجيّات وتعقيداتها

وآسف جدا على الاطالة

ولك مني خالص التحايا العطرة

أخوك المحـــــب/

شــقـــــران

سدرة العشـــاق said...

هاو شمعنى ... ما تبوني :(

أشكره ؟

شمعنى براقش بتييب أكل يمكن تشرقون شلون؟

بس تدري حتى ريلي ماراح أخليه ... نكمل بعضنا ما تلقى واحد بروحه

من ألحين العنصرية و باجر الطائفية لا باللله كدينا خير.

:(

Eng_Q8 said...

براقش

لووووووووووووووووووول طلعتي مو خبره

الغردقه :))

-----------------------------------

شقران

اوكي
-----------------------------------

Selezya

وراح ابديها يا سيليزيا من اليوم

وانشالله فيه ... لا عاجبتني وايد :)

عادي عادي محد راح يسمع :))) تحلطمي وقولي كلي آذان صاغيه

-----------------------------------

Eng_Q8 said...

Q8i_Blogger

وهذا الي بيصير انشالله

وبالنسبه لنبيها خمس انا بقولك شغله ان هالحركه هذي اتت من الكبار مو من الصغار صحيح كل الي فيها شباب بس كانوا يتحركون وفق ما يقوله الي اكبر منهم
ثانيا انا ذكرت لك ان التجمعات فشلت ... بس قول انشالله ان تجمعنا ماراح يفشل لان راح يكون لهدف اسمى
وشكرا

ومن اليوم انا ببدا .. وراح يوصلكم كل شي اول باول

-----------------------------------

شقران

اخذ راحتك المدونه مدونتك طال عمرك وشكرا على المجامله الحلوه

رد ممتاز جدا ودائما تكون ردودك فوق العاده

بس يا اخ شقران ترى مو كل الناس ادش الانترنت في ناس ما يدشونه كلش

وثاني شي تقسيمتك ممتازه وانا اقول ان لازم نوصل لمرحلة التجمع
وشكرا يا اخوي على الكلام الطيب

Eng_Q8 said...

سدرة العشاق

يبا انتغشمر انتي الخير والبركه والماضي لا ما نتركه

طلعتي زعوله خلاص يبا انتي اولنا مع فطايرج :)))

صبا said...

أحييك على صداقتك بسالم
المثال الطيب لأبناء الكويت
الكويت هي حبنا وهي من نخاف عليه
ولو احنا ما وقنا ضد الفساد وما غيرنا بييدنا كل شيء خاطيء
منو راح يسنعة !! اللى ينافقون
ولا اللى يكرهونها ؟
ويعطيك العافية يا هندسه

Q80MINI said...

Walla lo3at chabd en sktna enqaharna
O en sawena shy yabo quwat 5a9a

Shensawi?

5roofa said...

تبي الصج اليوم رحت و تكلمت عن الموضوع عند المدرسات

لووول حدي مشتطه عاد انا لا اشتط على شي
قلت اسولف يعني اشوف شنو رايهم
مع العلم انه اغلبهم بمثل عمري او يعني اكبر باربع او خمس سنين مو اكثر

تدري شنو سموني
;/

ماتصدق والله حزت بخاطري و اخترعت
قالولي شفيج صايره ارهابيه
:(

يعني الحين الي يبي الخير حق ديرته صار ارهابي

جان انصدم و انقهر و اسكت عاد انا لحد يدقرني اعفس الدنيه فوق و تحت لوول


salamz friend...

Eng_Q8 said...

صبا

الله يعافيج ويخليج

-----------------------------------

Q80MINI

انطر وراح اقولك شراح انسوي :))


-----------------------------------

5roofa

احيي فيج هالروح يا اختي العزيزه

والي اوصفج بالارهابيه اهو الارهابي

ارهابي من يشوف الغلط ويخلي البلد تنفجر من الفساد

ارهابي من يعلم بالخطأ ولا يتكلم

ارهابي من يأكل من خير هذا البلد ولا يرد الجميل


للاسف ان بعض الناس يشوفون الاصلاح ارهاب

احنا مانبي نسوي بلبله بالديره ولا نبي انغير السياسه احنا اندور على الاصلاح اصلاح المجتمع ككل لان الدوله شعب ازم الشعب اهو الي يوعى

يعطيج الف عافيه على الوقفه

اذا صار شي وانشالله قريب اول وحده بقولها انتي :))

وسدرة العشان عشان ما تزعل علينا

===================================

بيت القرين said...

ما راح نوقف وبنقول لأ

بيت القرين said...

ما راح نوقف وبنقول لأ

Unknown said...

هذى الاسئلة متكررة مع كل جيل والكل يحس ان اللى سبقه قدم اكثر منه بس
الواحد صدقني يسوي اللى يرضي ضميره
ومثل سالم كثيرين

سدرة العشـــاق said...

بيي أصلا بس ماني يايبة شي بس هونت

كل يوم لكم كلمة ...

أدري أنا مو لله عشان فتى الجبل قول الصج

:P

teasing :P

ezain_kilah said...

بارك الله فيك وبرفيجك
بس السؤال اللي يطرح نفسه الحين... شلون؟

Anonymous said...

حلم جميل.. واحنا بانتظاره
وكل شي بوقته حلو

آآخ من بعض شبابنا هالأيام.. هذا انت قلتها: ما همهم غير الترزز.. حقيقة شي ينرفز..وين المسؤلية؟ تصدق كان عندي ربع هديتهم والسبه جذيه

حقيقة مقالتك تسوى ذهب

Eng_Q8 said...

بيت القرين

كلنا بقول لأ

-----------------------------------

Mishari

ايدك بايدك دلني عليهم انا ابيهم

-----------------------------------

سدرة العشاق

لا يبا هم انتي عزيزه وغاليه يا يبا

ولا تييبين شي وقفتج تكفي
action :)
-----------------------------------

ezain_kilah

انا بديتها الحين

وانشالله اذا تم كل شي على خير راح اكتب شنو سويت ماني مستبق الاحداث

الله يسلمج ويباركلج شكرا

-----------------------------------

Dirwazah

بيتحقق ووقته قريب انشالله

شكرا على الكلمات الحلوه وحياك الله

===================================

Aldenya said...

أفتخر فيك و بسالم وبكل الشباب اللى ينبض بروحهم
" إسم الكويت "

قواكم الله

rai said...

مدونة رائعة ومقالات اروع من كاتب لايريد ان يصبح شيطان اخرس .

تقبل تحياتي

بالمناسبة استاذنك بالسماح لي بانزال صورة لا للطائفية في مدونتي

Eng_Q8 said...

Aldenya

شكرا الله يقويج


-----------------------------------

cheb_ali

شكرا ويعطيك العافيه

اخذ راحتك حبيبي

===================================