جم مره كتبت ومسحت البوست ماادري اشفيني
على العموم بهالمناسبه اقول ميري كريسماس
والي يقول حرام لا يرد علي مالي خلق عوار راس بصراحه
يعني اشفيها لما انقول لهم ميري كريسماس ؟؟؟؟ والله امس كنت بالنادي لي الساعه 1 بالليل
تقريبا ... فيحليله مدربي مسيحي قلتله ميري كريسميس لا تشوفون اشلون استانس ولمني
يحليله .... حتى خداماتنا لما شفتهم اليوم قلتلهم ميري كريسماس ... لا تشوفون اشلون
استانسوا مساكين
يا ناس يا عالم هذا عيدهم ومثل ما انت تستانس بعيدك هم اهم يستانسون بعيدهم
لا تقطعون حبل الوصل معاهم عشان كلمه .. وهالكلمه تعني لهم الكثير
فعشان جذي
.
MerrY Xmas 
27 comments:
مربي
????
hatha shye6la3??!!?!?
خطأ مطبعي
مدربي لذا اقتضى التنويه
معاك حق يا مهندسنا
براقش
شكرا يا برقوشتنا
ميري كريسماس
ولا تزعل :)
بو شملان
حبيب يا بو شملان :)
هلا يا المهندس
اليوم الصبح بالدوام
مممممممم
طبعا تدرون ان الكهربا انقطعت عن اماكن وايد بالكويت اليوم الصبح و المطافي تفتر تدور الخلل
ههههههههههههههه
الكويت كلها ساعة و هم يفترون ساعتين
ما علينه
داقه علي وحده من صديقاتي
بس صديقتي هذي دينه حدها يعني نقاب و دنيه
مع الكلام جان تقول ما عليج منهم مسوينها قاصدين عشان كريسماس جان اقول لها اليوم
معاي بالدوام امريكي يشتغل رفعت راسي و انا اكلمها جان اقول لها افلان ميري كريسماس
اهو رد علي و اهو يضحك و اللي بالتلفون انهبلت
استغفري ربج و كفرتي و حرام و ما ادري شنو
قلت لها عيدهم شنو اهم يعايدونا ما ادري شخربطت بعد جان اقول لها ميري كريسماس فلانه
جان تقول اعوذ بالله من المنكر و تستغفر ربها و ما ادري شسوي و تالي قالت مع السلامه
قلت لها الله معاج
بس بعرف ليش كل هذا؟؟
يبه انا ما قلت انهم اهم صح انا بس اجاملهم باعيادهم
ما اعتقد فيها شي؟؟
عموما مشكور يا مهندس
:)
ميري كريسماس =p
عاد انا كل سنه خدامتنا تيبلي كيكه و لعبه من زمااااان و كانت تدزلي مسج بس هالسنه سافرت دزيتلها مسج دقت علي تبجي و مشالله انا على طريف قعدت ابجي معاها
ورحت كرسبي كريم باخذ دونات قلته ميري كرسماس حده استانس و قالي وييت راح سوالي دونت يديده حاره ;p
darkness
لا والله ماادري انها انقطعت ؟؟
زين سويتي فيها :))
وميري كريسماس
-----------------------------------
marshmallows
ميري كريسماس
كفو والله ... والااشلون نبي الناس تحبنا ماادري :))
===================================
يا بش مهندس
كلك ذوق , و ميلاد مجيد
و لي مو عاجبة مو ضروري :))
دمت بالف خير
صديقي مهندس
بعد قرايتي لبوستك خذتني الحميةو نزلت بوست في مدونتي الفحيحيل ;)
http://elfahaheel.blogspot.com/
ميري كريسمس و لتكن دعوة للتسامح بين
بني البشر
ان شاء الله تكون سنة خير وسعادة وفرح ياارب علينا وعليك..
عسى بس موزعلان:p
لوووول
Merry Xmas
o Meryyy 3eed
o Merryyyyyyyy kel shay
looool
تصدق وناسه لمه شتوف الناس مستانسه على كلمه حدها بسيطه
تحس انك سويت شي انك انجزت شي حلو
salamz dear friend....
ميري كريسماس للمسلمين قبل المسيحيين
ولا سيدنا عيسى بس لهم ؟
احسنت
ميري كريسماس لاخوانا المسحيين وتقبل الله طاعتهم :)
Merry Xmas
;)
كل كرسمس وانتو بخير :>
فكرتك جميله وليش لأ مانشاركهم اعيادهم
هذا لزيادة المحبه بين الديانتين
احنا من ناحيتنا خداماتنا المسيحيات نعطيهم اجازه بالكرسميس يستاهلون طول السنه كد وتعب مافيها شي اذا احتفلو بعيدهم
يا بعد جبدي يا مهندس
ميري كريسماس و هابي نيو يير
واللي مو عاجبه يشرب من ماي البحر ولا يذلف يعتكف تحت الدري نفس الميانين
فعلا مشاركة الأفراح و المناسبات السعيدة فطرة و صفة انسانية جميلة نفتدها في الكويت بسبب مزايين البعاريين و شريبة الوزر
*وزر = تكرمون بول البعير
Merry Christmas
الكلمة الطيبة صدقة و الابتسامة صدقة و احنا اهني اللهم يا كافي جنك تسبهم لي قلت كلمة حلوة و لا ابتسمت
:)
مو حرام
بارك لهم وآنا معاك
bass
بعد جبدي والله من ذوقج ثانكس :)
ميلاد مجيد
وياج :)
-----------------------------------
مهندس
موفق يالزميل
ميري كريسماس
-----------------------------------
عاليه
انشالله
لا زعلان وين القصص :)))
-----------------------------------
ابله خروفه
ميري كل شي
صاجه
سلامز :)
-----------------------------------
فريج سعود
هلا وغلا الحمدلله على السلامه حج مبرور وذنب مغفور
لا يبا مو بس لهم يا حجي سعود :)
-----------------------------------
حمد
شكرا
:)))
منا ومنهم صالح الاعمال
-----------------------------------
سليزيا
ميري كريسماس ابوي انتي
-----------------------------------
Q8Disaster
وانت بخير
شكرا
يستاهلون اجازه :))
-----------------------------------
عتيج الصوف
ميري كريسماس ومهابي نيو يير 2 يا بعد قلبي
لووووووووووووووووووووووووووووووول
والله مو بس من هذيل من الكل للاسف الديره كلها خربانه مو بس فئه منهم
-----------------------------------
سدرة
صاجه
-----------------------------------
فتى الجبل
كفو
===================================
هلا مهندس
علي طاري الميلاد المجيد
كل سنه اشتري هدايا حق الخدم لهالمناسبه؛
امس وديت الخدم الكنيسه
يحليلهم
ماتصدق اشكثر استانسو
لا ورجعو معاهم كيك
احب اشاركهم بهالمناسبه
ما احتفل معاهم ولكن من باب المجامله
؛)وميري كريسمس طال عمرك
العزيز مهندس كويتي
مساك الله بالخير
بالنسبة للموضوع هذا فلي وجهة نظر فيه واللي اتمنى انها ماتخالف دينا
من ناحيتي فأنا اهني الشعوب الثانية باعيادهم سواء كانوا مسيحيين او من ديانات أخرى
وذلك لأن ديننا دين تسامح
فعندما تحل علينا أعيادنا نراهم يتسابقون فيهنؤونا
فلماذا لا نكون أحسن منهم ونبين لهم ان ديننا يحثنا على المحبة والإخاء
فلكل مسيحي أقول له
Merry Christmas
واتمنى من الله أن يعطيني على قد نيتي
أخوك المحـــــب/
شــقـــــران
اهم شي لا تلمك الخدامة
يالله ميري كريسماس :))))
إشرايك تروح الكنيسه وتحتفل معاهم ؟
دام عندك الدين دين تسامح
شقران
صحيح :))
-----------------------------------
فيرجو
لا لاتخافين ماخذ احتياطاتي :))
-----------------------------------
حياتي هدف
انا ما قلت احتفل قلت ابارك لهم
===================================
e7na ne7tfil bil christmas oo eb baitna 7a6een el shayara ya3ni shfeeha etha el wa7ed y7tfil bil christmas hal nas y7trmoon a3yadna oo e7na lazim nbadelhom el e7tram oo fog kel wa7ed 7a8id merry christmas adree 7addi lag le2ani tawni 6aye7 3ala ur blog ;p keep up the great work
Post a Comment