الوطن والزياده العبيطه

1

اطلعتلنا جريدة الوهم اليوم بموضوع ماادري شسميه .... المهم يقولك عندهم المسوده الزيادات الي كانت عند الاعضاء والي راح تقدم بالاجتماع مع البنك الدولي الي ماادري شدخله بالموضوع .... والزياده اتت على النحو التالي

اكثر من الف 100 دينار ......... من 750 لي 1000 150 دينار ..... من 500 لي 750 200 دينار ..... اقل من 500 300 دينار

حلو الكلام .... انزين حسبه بسيطه من واحد مو اقتصادي ... راح احط كل فئه وشلون راح اتكون الزياده وبختار ارقام عشوائيه ..... اوكي ..... شوفوا

1010------->1110

990------->1140

760-------->910

740-------->940

510--------->710

490--------->790

لاحظوا المعاشات المتقاربه ... يعني الي معاشه 490 صار معاشه اكثر من الي معاشه 510 ب80 دينار ؟؟؟؟؟؟؟؟؟؟؟؟

خل نفترض ان المعلومه الي كاتبتها الجريده صحيحه ... نمشي على قد عقولهم

شهالظلم؟؟؟؟ ومنو الذكي الي قرر هالقرار ؟؟؟؟ يعني الحبيب ما حسبها والا بس حطها ومشى ؟؟؟؟ شنو ذنب الي معاشه خل نفرض 500 دينار ويصير معاش واحد معاشه 490 اكثر منه ؟؟؟؟؟؟؟؟؟؟؟؟؟؟؟؟؟ دخلوها بمخي ... اوكي انا ما افهم فهموني ؟؟؟؟؟ وين العداله بالموضوع ... وبعدين الي معاشه 300 دينار زادوه دبل معاشه ؟؟؟؟؟؟؟؟؟؟؟؟؟؟؟؟؟؟؟؟ انزين الي معاشه 300 دينار شهادته متوسطه وتدبل معاشه ... والدكتور الي صار اصلع من كثر الدراسه تعطونه 100 دينار؟؟

شهالقانون بالطيخ ؟؟؟؟؟؟ يعني انتوا ما تبون الناس تتعلم وكل من خلص المتوسطه خل يشتغل ومعاشه يصك 800؟؟؟ الحين الي يداوم بمكتب مثل الي يداوم ميداني ؟؟؟؟ والي يداوم 10 ساعات نفس الي يداوم 6 ساعات ؟؟؟؟؟ حدثوا العاقل بما يعقل

صج صج اذا كان هذا الخبر صحيح ... فهذي كارثه مصيبه ... زياده اتفشل بصراحه ظلم ظلم ظلم ظلم ظلم ظلم ظلم بمعنى الكلمه لاهم منصفين المعاشات المتقاربه ولا هم منصفين الاعمال الشاقه قلنا بطيخ بس مو جذي خلوا البطيخ حلو شوي ..... لابد يكون اهناك نسبه وتناسب ما يصير اتقول هاكم الزياده واتخلي الطبيب حاله حال الضابط

الحين خل نتكلم جد ... الحبيب الي حاط الخبر بالوطن الظاهر ساقط بالرياضيات ... انزين انت تبي اتسوي بلبله بالبلد جذب عدل حط شي يدخل المخ .. السياسه لما حطت الخبر حطت الزيادات للمناصب العليا 150 والبكالريوس 100 والدبلوم 70 ..... انتوا على اي اسااااااااااااااااااااااااس حسبتوا هالحسبه ... احسبها عدل يالطيب ...والا بس ودكم الناس تشتري الجريده عشان تقرا الخبر... وتسوون بلبله بالبلد .... يا متخلفين في انترنت الحين الا جان بتسوون موقعكم بفلوس هذا شي ثاني

عموما انا حطيت رايي بكلا الحالتين والي يصير خل يصيرمع ان اليوم اليوم الشمالي مصرح بالقبس ان لي الحين ما حددوا الفئات ولا خذوا شي من البنك الدولي ... لكن كل شي جايز بهالديره توقعوا الغير متوقع

--------------------------------------------

2

دق علي واحد من الربع وقالي ترى طيحوا 50% من فوايد القروض ... ما صدقته فكلمنا واحد يشتغل بالوطني وقال لا يبا بنطيح نص بالميه ؟؟؟؟ من خمسين لي نص ... وهم في واحد يقول يمكن بيطيحون 25% وواحد قال لا يبا بيطيحون كل الفوايد ..... بشوف الوطن باجر شراح اتقول .... يمكن يطيحون القرض عن الي معاشه 490 والي معاشه 510 بيدفع غصبن عليه .... اشاعات مالها والي بهالديره

------------------------------------------

3

موضوع لي الحين شاغل بالي بصراحه

في البوست الي قبل الي طاف كتبت عن سالفة مشاري الي المباحث داشين بيته وطاقين اخوه وداشين على اخته وعقب طقوا رفيجه .... ووزاره الداخليه لا اسمع لا ارى لا اتكلم ؟؟؟؟؟؟؟؟؟؟؟؟؟؟؟؟؟ حمودي ترى مو عنك

نطرت وايد وقلت اليوم باجر عقبه بيطلع الوزير وراح يقول انه راح يحاسب المباحث الي سوو جذي وراح يحاسب الصحفي الي صار ضابط مباحث ودش بيت خلق الله .... لكن لا حياة لمن تنادي والموضوع انغمت

ولا كاتب كتب عنه ... ولا جريده اكتبت شصار ولا مدونه كتبت عنه ؟؟؟؟؟ ليش ؟؟؟؟؟ سؤال يطرح نفسه

لما انتهكت حقوق البعض ومنهم من انتهك اشياء نهى عنها الدستور الكل وقف وياه .... انزين الي ماله شغل وما سوى شي وانتهكت حقوقه ليش محد تكلم عنه ؟؟؟؟؟؟ والا لانهم مو معروفين ولا وراهم ظهر

نحن نعيش في دولة قانون والقوانين يجب ان لا تنتهك ... ويجب على وزارة الداخليه ان تنظر بالموضوع

المشكله ان وزير الداخليه اليوم مصرح ان راح يطير نجوم الي سب وحده معاه بالدوام .... انزين والا انتهك حرمة البيت وطق ناس مالهم شغل بالموضوع ما تحاسبه ليش؟؟؟؟؟؟ ليش ما تتأكد ان الموضوع صج والا جذب ؟؟؟؟ يمكن مو صج ويمكن صج .... اتمنى ان يتم البحث بالموضوع ... واعتقد ان محد يرضى يدشون عليه المباحث واهو نايم ويدشون على اهله الغرفع واهم نيام .... والله لو في رشاش لا ارشهم فيه شكو ادشون على الحريم ؟؟؟؟؟؟؟؟؟؟

اتمنى ان تظهر الحقيقه قريبا .... والله يعين الي ما وراه ظهر بهالديره

اللهم لا اعتراض