Sunday, February 3, 2008

العوضي ستار

1
كلمة حق تقال الى شيخ الكتاب محمد مساعد الصالح على اثارة موضوع مشاري الذي تحدثنا عنه مسبقا واقوله هذي مو غريبه عليك يا بو طلال
والشيء بالشيء يذكر ام الولد اطلعت بالجريده قبل جم يوم تناشد وزير الداخيه التدخل لحل الاعتداء الجائر عليهم
ولكن لا حيـــــاة لمـــن تنــــــادي
الله يكون بعونج و ما نستطيع فعله هو اثارة الموضوع لعل وعسى ان نلاقي اذانا صاغيه
---------------------------------------
2
ادري طولت عليكم ... وادري فقدتوني :q ولكن كنت امر بظروف قاهره بداية بالمقابر والعروس والغبار والمرض وقطعة الكيبل .... فكل شي ترتب على بعض وخلاني اغيب هالغيبه ... وانشالله ما تتكرر وعسى الله ما يحرمكم من بوستاتي القصيره والي ما تضيق الخلق
الشهر الي طاف كان شهر حافل بصراحه ... حيث اني صرت من رواد المقابر ... مايمر اسبوع الا ورايح المقبره مرتين ثلاث ... عسى الل يرحمهم برحمته ... ومن كثر ما كنت اروح تخيلوا البواب الي بمقبرة صليبيخات يقولي انزل اشرب شاي ؟؟؟؟؟ شاي بمقبره ..... ما بقى الا حارس مقبرة الرقه او صبحان حاليا انه يقولي خل انقز اليوم ؟؟؟؟
على قولة الوالده يما اشفيك اسم الله عليك انت تشتغل حفار قبور ؟؟؟ اي والله صاجه الوالده العصر حفار قبور وبالليل ملاج ...
المهم ما علينا من كل هالحجي ..
انا لاحظت شغله ... ملاحظها من زمان بس هالمره اثارت انتباهي مع انها لافته انتباهي من زمان ... ليش مقبرة صليبيخات اكشخ من مقبرة صبحان ؟؟؟؟؟
على هونكم لا تستعيلون ... ادري انهم مقابر بس لحظه .... اوكي مقبرة صليبيخات اكبر لان اغلب الكويتيين يندفنون اهناك وهم فيها مقبرة الشيوخ والشهداء ... كل هذا ماخذينه بالحسبه
لكن ليش في شاشات الكترونيه بمقبرة الصليبيخات .. وبمقبرة صبحان حاطين بوردات بيض جنهم مالت اولى ابتدائي ومو حاطين قلم ؟؟؟؟؟؟؟؟؟
يعني الواحد اشدراه وين يصف ؟؟؟؟؟ اشدراه وين يروح
انا صارت فيني تخيلوا اللوحات مو مكتوب فيها شي لان ماكو احد يكتب ولا في قلم ... والناس مايدرون وين يوقفون وقعدنا بالمقبره لي صلاة المغرب ... وترى مو مره وحده بس مرتين ... ليش ما يحطون لها لوحات مثل الصليبيخات ؟؟؟ دريينا انهم تبرعات ... انزين تبرعوا حق صبحان ؟؟؟؟؟؟ والا هالميتين احسن من هالميتين ؟؟؟؟ ميتين بعد اتفرقون بينهم لاحول ولا قوة الا بالله .... وصية اذا مت ادفنوني بصبحان عنااااد مابي صليبيخات ... اسم الله علي وبعد عمر طويل
-------------------------------
3
امس وانا قاعد احوس بين القنوات لاني فاقد التلفزيون من زمان ما شفته ... والا منو ؟؟؟؟؟ ما يبيله نبيل العوضي كل ما اطالع التلفزيون يطلعلي .... المهم الحبيب كالعاده يصرخ ويقول شنو هالكفر ماادري شنو ؟؟؟ انا قلت مفجرين مسيد والا الحبيب يتكلم عن ستار اكاديمي .... والله العظيم قاعد يقول اشياء بالتفصييييل ؟؟؟ اشدرااااااااااااااااااه سؤال يطرح نفسه
يا شيخ يا فاضل اشدراك بالتفاصيل ؟؟؟؟ من كثر ما تكلم خلا الفضول يشتغل عندي وخلاني اطالعه ... لا ويدري ان في وحده عمرها 16 سنه ؟؟؟؟ اذا انا ماادري انت شدراك ؟؟؟؟؟ خلاني اشوفه غصب .... لا ويتكلم عن سوالفهم اشدراك شسولفوا فيه ؟؟؟؟ واخر شي يقول ما عندهم اخلاق واهلهم مو مربينهم ومن هالسوالف ....
مع تحفظي على ستار اكاديمي لاني اعتقد ان هالبرنامج ماله داعي ويخالف العادات والتقاليد ... ولكن تعال قولي يا شيخ نبيل العوضي
هل من الاخلاق انت تشتغل عند حرامي ؟؟؟؟
هل من الاخلاق ان الواحد ياكل مال حرام ؟؟؟
هل من الاخلاق يا حضرة الشيخ الجليل انك تاخذ فلوس من واحد باق الديرة ؟؟؟
هل من الاخلاق انك تسكت عن الحق وتقعد تمدحه بالتلفزيون ؟؟؟؟
هل من الاخلاق انك ادافع عن فئه بالمجتمع لمجرد انك كنت منهم ؟؟؟
هل من الاخلاق انك تتهم الناس ولا تتهم المسئول عن الاخطاء ؟؟؟
هل من الاخلاق انك تطعن في شرف العوائل لمجرد ان ولدهم راح ستار اكاديمي ؟؟؟
هل من الاخلاق انك تساند الي باق الديره ؟؟؟؟؟؟؟؟؟؟؟؟؟
اساله تحتاج الى اجابه .... انا لا ألوم المغنين او الممثلين ... انا الومك ايها المتشدق بالدين يا من تدعوا الفضيله يامن تدعوا الى الاخلاق ... اجبني على هذه الاسئله ... كيف لك ان تفعل هذا وتطعن في اخلاق الاخرين ... وايم الله اني لافضل المشارك بستار اكاديمي عليك ... هل تعرف لماذا لانه لا ينافق ... لا يتحدث بشيء وهو لا يعمل به ... صدق من قال باب النجار مخلع ... نصيحه اوجهها اليك انظر الى نفسك وما تفعله .... ترى الفلوس الي تاخذها ينبطق عليها المثل اخذ من جيسه وعايده ... فاعد النظر بما تفعل .... انصحك لوجه الله ابتعد عنهم فان ما تفعله لا يرضى به لا الله ولا رسوله ... اتق الله في نفسك
ابي اقولك سالفه يا شيخ يا فاضل صارت حقي انا المواطن البسيط الفقير الى الله وهالسالفه بس حق نبيل لحد يقرا
شوف يا عزيزي قبل اسبوعين تقريبا كنت رايح جمعية الشاميه اشتري زقاير... والا عند الباب كان في واحد ومعاه مصور ... ياني جان يقولي ابي اسوي معاك مقابله ... قلتله انتوا اي قناة قالي الوطن ... قلتله اسف اخوي اسمحلي مااسوي مقابلة مع الوطن ... ومشيت جان يناديني قالي اخوي ليش اشفيك احنا ناخذ ونعطي ... قلتله اولا انت مو كويتي عشان تفهم انا ليش قلت جذي وماخلاني اكمل جان يقولي ليش لازم اكون كويتي عشان افهم ... قلتله حبيبي من الاخر انا مااطلع بقناة حراميه ... صكته البوهه وقالي ليش ومنو قال ... قلتله عفوا اخوي عشان جذي قلتلك انك مو كويتي ولا راح تفهم وانا لا يمكن اشارك بشي ادري انه غلط روح شوفلك احد غيري ... ولو مكملها معاي او علا صوته جان لسبته بالعقال
فما بالك وانت شيخ دين والناس تسمعلك وحالتك حاله وحافظ القرآن ... اخذ العبره يا نبيل العوضي فالله يعرف مافي القلوب وسيحاسبك على مشاركتك لهذه القناة ... وعلى الفلوس الحرام الي تاخذها منه
اللهم اني قد بلغت اللهم فاشهد
------------------------------
4
اليوم في برنامج الدوانيه الي يحطونه مرينا اف ام ... قالوا المناطق الخارجيه فيها تقحيص وناس يطوفون اشاره حمره
سؤال انتوا يا حلوين يالي طايحليله ظغاط بخلق الله وماشفتوا روحكم احنا ناقصينكم ؟؟؟؟ اشلون وانتوا في جهاز اعلامي اتقسمون الديره مناطق خارجيه وداخليه وعلى اي اساس ؟؟؟؟؟؟؟
يعني احنا عيال بطنها .... خلوني ساكت احسن .... اقول ترى عيب هالحجي مو انتوا الي اتقسمون الديره ولا غيركم
الكويت وحده وماكو داخليه وخارجيه .... استريحوا احسن ... وبدال هالسوالف قللوا من الملاقه وقولوا شي ينفع المجتمع ولا تثيرون التقسيمات البغضاء ... مو ناقصنا الا انتوا بعد .. سوو رجيم احسن
--------------------------
اللهم لا اعتراض

42 comments:

marshmallows said...

الصراحه احلا شي لما ترد من السفر و تقرى اول بوست و يطلع عن المقابر
انا اقول انتحاطط انا وياك و نشتريلهم بلازما و اذا ضاقت فينا نشتري قلم حق اللوحه

سؤااال بسيط جدا
انت ناطر من ورا العوضي شي مفيد ولا سنع ؟

اذكر مره كان خاب عمره و دعايات و المطرب التائب شوفوه بحلقتي و لما شفناه ولا واحد نسيت شسمه مربيله لحيه تخرع و غتره بدون عقال و اسلوب مااااااااااااااكو لا و كان يسب بعد وين الديانه بالموضوع ولا بس تبي بهرجه لا و اخونا المطرب المتدين شافوه عقب الحلقه بجم ساعه بسمره بشاليه


التدخين سبب رئيسي لسرطان الرئه و امراض القلب =\

Eng_Q8 said...

مارشمالو

لووووووووووووووووووووول

يمكن وراه شي

شي متوقع منهم

اسمه خالد الاحمد

ادري بس لازم ادخن

Eng_Q8 said...

نسيت اقولج الحمدلله على السلامه

Selezya said...

mar7baa :)) itss mee baack


1- الموضوع للحين ما اخذ حقه بس في ناس قلوبهم صاحيه وماترضى بهالاعتداء اللي صار واكيد بياخذون حقهم يمكن الاعلام مو مهتم شوي بس مستحيل الداخليه كاشته بالموضوع مووليه

2- اي اي خرعني اكثر مقابر ومقابر ..

3- خله خله مستمتع ترا يعجبني هالنوع اللي يخورها كل شوي يعني اشكره مخربها لوول وخربوك معاهم بعد

4- النقطه الرابعه كانت عن شنو؟ نسيت :) رديت الهوم بيج عشان اتذكر
حرام ترا خوش ناس يونسوني بالطريج انا دايم ارجع البيت على حزتهم ماعندي غيرهم يسولفون لي .. وبعدين مناطق داخليه وخارجيه ترا تعودنا عليهم احنا اوكي فاهمين الكويت وحده بس يعني شغله اخذنا عليها حتى لو مانقصدها

5- لما تكتب بوست خلني يمك لوول يمكن تهدي شوي :P

wa6an-alnhar said...

الصراحه احسن عبارة انقالت بالبوست

(وعسى الله ما يحرمكم من بوستاتي القصيره والي ما تضيق الخلق )

حط خط علي ما تضيق الخلق :))

على طاري نبيل العوضي ... يقولون انه يسشور لحيته :) صج و لا اشاعه؟

حياتي هدف مو عبث said...

شوف أنا ما أدافع عن نبيل العوضي لأنه بنظري إهوا مو غلطان

وبالنسبه عن ستار أكاديمي كل اللي قاله كان مكتوب بالجراايد

وفي نااس تتحجى وتقوول يعني عادي :)

وبعدين إذا في إنسان معاي زين ومحترم نفسه وإهوا بواق ؟؟ هل أقوول عنه بوااق ؟؟ وحراامي ولا مايستحي وووو
جدام الناس ؟؟ وأشهر فيه؟

لأ من الذووق أذكر محاسنه .. وإذا فيه شي غلط أنصحه بينه وبيني .. ومو مجرد هجوووم

العرزالــــــه said...

أول شي لاتعيد غيبتك ترا مانقدر

:)

ثاني شي المقابر اذا ماني غلطان الكيربي بكبره تبرع والله اعلم

ثالث شي نبيل العوضي الله يستر عليه تدري موقفي منه شنو

رابع شي ملوت الدوانيه بمرينا اف ام ابو الملاقه واسأل عنهم نيو

ملاقه بشكل موطبيعي

وبعدين اذا ياك مال الوطن مره ثانيه كلمني لأني موصل حدي هاليومين كله متنرفز

نادني وانا اوريك فيه

سلملم حبوب
:)

Mohammad Al-Yousifi said...

حسين الأحمد مو خالد

بالفن انا مرجع

:)

بولمعه said...

مشكور على التشجيع

كلام مارينا عني انا احسن

واحد يطوف الحمرا ويوقف بالخضرا

ولي شبت اصفر ادق هرنات

قدساوي

bo rashed said...

مهندسنا انا مو قايلك يموتون على الحلو

وهالسنه سترا اكاديمي في حمام سباحه

لاو خلط بعد وما تبيه يتابع

وعاشت ست رولا

وخرا على وديع

وانتو بكرامه
:P

Anonymous said...

السلام عليكم... شلونك مهندس كويتي حبيبي. لكم وحشه والله... المهم.. اخواني سمعنه انه راح تنشال الدواوين اللي خارج البيوت بالكويت.. هل هذا صج ولا بس جذي؟؟ واذا صج.. ليش هالتخلف؟؟؟ وليي متى بنظل متخلفين؟؟؟ ولييش بس عالشباب.. وين انروح اذا ماكو دواوين؟ واليواخير من تحت لي تحت حق ربعهم؟؟؟ وين انروح قولولنه؟؟؟


اخوك الصغير: مساعد مهندس متقاعد

`~MnO YeNSa! ~` said...

استمتع بسوالفكم ... :)

مشكـــــور يا بشمهندس

Someday said...

وعسى الله ما يحرمكم من بوستاتي" القصيره" والي ما" تضيق الخلق"
اهم شي!!!!!!!!!!!!!!!!!

Hathylah el two in marina!! Belthat!! Shouldn’t have a public means to spread their poison aka thoughts!!! “as if they had any!!!” they are a life size display of the word “"اسفاف!!
Ok ma a3ref what it means!!?!?! But I think ina ten6ebeg 3alyhom bel7arf!!!!
When two grown ups!! Yg3edon laugh at people lives!! On air!! On daily basis!! While any one can listen to them, and especially young generation who are easily impressed!! Then they just can’t handle the responsibility and should be cut of immediately!!!!

Btw, the "shop" is open now!
!!مالك عذر

سدرة العشـــاق said...

يعطيك العافية مهندسنا

عظم الله أجركم بموتاكم و الله يرحمهم و يرحمنا و ياهم

اتوقع المقبرة بأسوارها إذا فيها سور تبرع

نبول يبط الجبد ما احبه و ما احب الدينين كلهم من كل المذاهب

زين تسوي بمراسل الوطن وقوات عين بعد يسأل ليش ما تبي تسوي معانا مقابلة

لا تبطي نوبة ثانية
وطول ببوستاتك على كيفك

:)

Eng.S said...

ولكم باك يالحبيب

ويعطيك العافية


بما اني علقت على موضوعك وجها لوجه
فأنا مستثنى من التعليق هنا (;

تحياتي

5roofa said...

الله يساعدها المسكينه كسرت خاطري ام الشاب الي قلت عنه
انشالله اذا ماخذوا حقها ربها ياخذه مسكينه
:(

والله صج فقدناك خيوو و اول مره اسمع في شاشات بالمقابر
:/
مادري والله انا اروح صليبخات بس عمري ما دقتت

سمله عليك انشالله تكبر و تشيب و تشوف عيال عيالك

على نبيل العوضي عادي اقول
no comment

ماحب برنامج الديوانيه مادري اذا اهم زينين او لا بس ماحب البرامج الي يدقون الناس فيها
مادري ليش
:/

بوست حلو يعطيك العافيه خيو

salamz dear friend...

فتى الجبل said...

مهندس..الشاشات الالكترونية بمقبرة الصليبيخات تبرع من مواطن مو من الدولة..يعني لو رادة على البلدية جان ما شفت لا المبنى الكيربي ولا الشاشات ولا المكيفات
عاد انت تبرع حق مقبرة صبحان ونبي وآنا أتبرع حق مقبرة اليهرا
أما نبيل فاهوا مسكين كان يطالع البرنامج مو بقصد الاطلاع على عورات الأوادم لا انت فاهمه غلط اهوا قصده يشوف أشكالهم وبعدين بروح لهم لبنان ويهديهم للطريج القويم

Eng_Q8 said...

سيليزيا

مرحبتين ولكم باك يالغاليه :))

1 انا الي اشوفه انها كاشته

2 :p

3 انا اختربت ؟؟؟؟ اشلون

4 لا ما تعودنا عليها وخل يستريحون ولا تصفين وياهم وخلج وياي

5 خلاص من البوست الياي :)

Eng_Q8 said...

وطن النهار

عاد هذي حاطها حقج :))) زين صدتيها

لا يسويها فيرم

-----------------------------------

حياتي هدف

اذا مو غلطان جاوبي على الاسئله ؟!!!؟

لا مو مكتوب انا اقرى كل الجرايد
واهو شقعده مع ناس تتحجى؟؟؟


لحظه لحظه لحظه
هوووب هووووووب

شهالحجي؟؟؟؟؟؟؟؟؟؟؟؟؟؟؟؟؟؟؟؟؟؟؟؟

اي ذوق اي بطيخ ؟؟؟؟؟؟؟؟؟؟؟؟؟؟؟؟؟؟

حرامي واذكر محاسنه ؟؟؟؟؟؟؟؟؟؟ بأي دين هذي منين يبتيها ؟؟؟؟؟؟؟؟؟؟

وبعدين شنصح فيه ؟؟؟؟؟؟؟؟؟؟



عفوا عفوا اختي شهالحجي ؟؟؟ خلاص عيل خل ابوقج بذرابه وباحترام ؟؟؟؟

عيل كل حرامي يبوق ويصير محترم عشان ننصحه
اللهم صلي على محمد وعلىا ال محمد

ويرضى على روحه ياكل مال حرام ؟؟؟؟

شهالشيخ البو طقه هذا ؟؟؟

فكري فيها عدل اختي

ولا تخلين اشخاص يتحكمون بعقلج

اساسا الي قلتيه شي ما يدش المخ شقولج بعد والله صدمتيني

-----------------------------------

MaNaYeR said...

بالنسبه للمقابر انا عادي ماتفرق معاي .. اذا في تفرقة بالمقابر انا اقول كل واحد يندفن في حديقة بيتهم احسن على الاقل عند اهلي وبينهم ماحس اني غريبه هناك ماعرف احد ابي عندهم

...

نبيل العوضي سبحان الله انا مو متاثره بالكلام الي قلته انته او اي احد كان ضده بس انا من شفت هالانسان وانا مو مرتاحتله .. يعني لما تكلم عن العماير وشقق الايجار لمده يوم او بالساعات هذي الحلقه الوحيده الي شفتها لقيت ان اسلوبه قمه بالانحدار .. يعني يقول راقبوهم وشوفو بناتكم خله الاهل يشككون في بناتهم يقول راقبوهم وين يروحون وين يجون لا يقصون عليكم رايحين الجامعه واهما مادري وين رايحين .. يعني شي يخرع وعيب وقله ادب وتقليل احترام بالناس .. انا ماعجبني من نفسي يعني احس في خلل في هالانسان من وجهة نظري انا


قناة الوطن خلقه من طلعت ما دشت مزاجي

وستار اكاديمي شفيه ؟؟ والله مافي شي هذيل طلاب الوضع عندهم عادي .. يعني الي يبي يشوف يشوف والي ما يبي وعلى قولته اخلاقه ما تسمح ماهو مجبور يطالع .. ستار اكاديمي حاله حال فلم اجنبي او فيديو كليب يعني شي عادي ليش هالكم الهائل من الاستنكار .. في اشياء تستحق الاعتراض هذيل على الاقل يدرون انهم مراقبين من الكاميرات وشوي شوي في اشياء ما عليها مراقبه ومحد متكلمممم .. و حتى لو كان ما يناسب الوطن العربي لكل واحد حرية شخصيه


بالنسبه لدوانيه هذيل يمكن قصدهم البر مادري

لاتزعل اضحك الله يرحملي والديك .. ليش
كله معصب

عادي استقبل المواقف بضحكه أأأأأأأأدد الدنيا


سوري طولتها
باي

Eng_Q8 said...

العرزاله

انشالله حياتي :*

اي صح تبرع

حدهم ملاقه

اوكي دزلي رقمك :)

سلملم :)

-----------------------------------

مطقوق

حسين والا خالد المهم هذا الي حط اللحيه تالي سوه سمره

زين قلتلي :)))

-----------------------------------

بو لمعه

تستاهل

كيفك قدساوي

-----------------------------------

بو راشد

لوووووووووووووووووووووووووول

صاج صاج

لوووووووووووووووووووووووووووول

بشجع المغربيه :p

-----------------------------------

ول سيرفس مان


هلا وغلا بو جااااسم لك وحشه يالغالي

اشدوه لا ادق ولا تسال والا الجو حلو عندك :)))))))

ترى يايك عقب جم شهر انطرني :)


اي بشيلونهم ... يا عمي مالك شغل حجي فاضي اذا شالوا مالت بيتكم راح اقولك

انأجر شقيق ونقعد يعني دوانيه

-----------------------------------

منو ينسى

واستمتع بمتابعتج :)

عفوا :)

-----------------------------------

Eng_Q8 said...

سمسم

هم كومنت حقج مقج :))

حلاو مو كومنت

اي اشحلات بوستاتي ما اتضيق الخلق :p

اي والله مللللق وضحكتهم اتبط الجبد ماادري اشلون يطلعونه دوامه هذا

صاجه صاجه بكل الي قلتيه :)

لووووووووووووووووووووووووول

اوكي :))))

Eng_Q8 said...

سدرة

الله يعافيج

اجرنا واجرج يزاج الله خير

اي والله تبرع بتبرع

شعور متبادل :)))

افا عليج وانا اخيج المره اليايه بالعقال :))

انشالله :))

صج :))))) خلاص خذيت الموافقه من سدره عيل ترقبي اطول بوست بالتاريخ :p

-----------------------------------

مهندس

ميرسي يالحبيب

اله يعافيك

لووووووووووووووووووووووووووووووووول

مو مشكله :)))

تحياتي

-----------------------------------

ابله خروفه

اي خنت حيل تكسر الخاطر

ما تفقدين غالي

في بلازما بعد :))

انشالله ما تروحين

مشكوره

اوكي :))

اها زين لا تسمعينهم احسن :)


من ذوقج حلا بتعليقج اختي العزيزه

سلامز :)

-----------------------------------

فتى الجبل

اي نو ذات برو

خلاص بتبرع بقلم عشان يكتبون فيه

اي زين ماادلها ولا ابي اد مقبره الجهرا يا معود خوفك يحوشني جفاف وانا رايح


لاااا ظلمته اتصدق اي خل يروح يهديهم بس ماله شغل بالمغربيه احرق لحيته ان كلمها :p

===================================

Eng_Q8 said...

مناير

انتي منين طلعتي بين الردود

يالله على حظج كومنت حقج مقج :)))

قولي لم مهندس يالله خله لمه

قرقيعان مو كومنت

المهم

اي والله اندفن بحديقتنا معزز مكرم

انزين والي ساكن بعماره شيسوي؟؟

-

كتبت عن هالموضوع قبل فتره اذا بتشوفينه قوليلي :)

-

زين احسن شي انها ما دخلت مزاجج

-

صح الي بيشوفه خل يشوفه والي ما يبي يحط قناة المجد او الانوار عشان لحد يزعل :p

-

اي بر الله يهداج

يبيله اخذ كورس عندج ... مااعرف اضحك :))))

اخذي راحتج اليت بيتج
باي :)))

MaNaYeR said...

لووول سلم هندوس يالله خله لأمه يالللله

طلعلك بالقرعه هههاهاهاهه

هندوس يعني قاعده ادلعك ، جنه هذي طائفة ؟ مادري ديانه .، لا يبه استغفر الله

اذا معارض على الدلع بسميك هندس

عموما

شددعوه ماستاهل كومنت بروحي

سولي دعايه ترا انا يديده على البلوقات

يعني بكل بوست تكتبه قط اسمي بالغلط جذي لوول تمويه تمويه

Eng_Q8 said...

مناير


لوووووووووووووووووووووووووووووول


تامرين امر احلى دعايه

هندوس ها

الله يسامحج

المشكله اني احب هالاسم ما نقدر انزعلج
وانتي كتبي بوست عشان خلق الله يقرون

حياتي هدف مو عبث said...

لأ كان مكتوب جريدة الأنباء أو الراي

وترى في ووايد شباب يكلمون العووضي ويقولوله شنو اللي مو عاجبهم

وهذا حصل جدامي :)

وإذا تبي سالفة البووق .. أنا أقوولك أنت تشتغل بشرركه ومدير الشرركه بااق من مدير شركه 2 .. وانت تشتغل عنده وتاخذ أجر .. ؟؟ هل تقوول لأ ماراح أخذ لأنه كان باايق من قبل ؟؟

وبعدين يمكن بطل يبووق :)

وأنا ما أخلي أحد يتحكم بعقلي لا شيخ ولا سيد ولا بياع خمر

لكن أفكر بالمنطق

وبعدين لو إهوا غلطان .. الله بحاسبه سواء اهوا ولاالصبااحي البوااق

وصدقني لو تشووف الأثر من كلام العوضي راح تفهمني

يعني شنو ستار أكاديمي ؟ ولا مخيم كله مصخره وناس واطية

ناقصين فساد ؟؟ أو خل ندفن رووسنا

ونقوول لالا ما يصير ننحجى

Salah said...

"وعسى الله ما يحرمكم من بوستاتي القصيره والي ما تضيق الخلق"

:)


الحمدلله على السلامه

Eng_Q8 said...

حياتي هدف

بس مو مكتوب الي قال عنه

اذا مو عاجبهم ليش يطالعون بالاساس ؟؟

اي ماراح اخذ

كل شي الا المال الحرااام

حلوه هذي بطل خلاص كل بيبوق ويبطل

يا اختي العزيزه الشرف والامانه ان ظاعت من الانسان فقد ظاع معها

واذا انتي بتساليني بقولج ماراح اشتغل معاه ويحترق اهو وفلوسه مو احنا الي انبيع مبادئنا عشان حفنة دنانيير

فما بالج وهذا بايق شعب كاااامل بااايق ديييره ؟؟؟؟؟ مو شركه دييره

باقني وباقج واحنا باحلك الظروف

هل امد ايدي حقه ؟؟؟؟

يخسي تنقطع ايدي قبل لا اسويها

اختي العزيزه
يجب ان تعلمي ان من يدعوا الى شيء يجب ان يعمل به لكي لايكون منافق

وانا مالي شغل بستار اكاديمي ولا اواطنه اساسا ولكن وين الاثر في كلامه واهو ما يفعله ؟؟


واذا بتفكرين بالمنطق راح اتشوفين منو الصح ومنو الغلط

لسنا نحن من ندفن رؤوسنا

-----------------------------------

صلاح

الله يسلمك

-----------------------------------

الخيلاء said...

1-

هذي السالفه الي محد عارف لها راس من كرياس .. و الداخليه معطيتها طاف من قلب



2-

شهرك يشبه شهري .. كان ابد مو خوش بدايه للسنه اليديده و انتهى بوفاة احدى الاقارب .. الله يرحمها



3-

ما احب الي يتخذون الدين سبيل للشهره مو بس نبيل كل واحد يتستر بالدين و يبي ينشهر و يكون عليه طلب ..

وترى محد يروج حق هالبرامج التافهه الا رجال الدين بلحملات الي يشنونها عليهم


4-

ترى التدخين مو زين و يضر الجسم :)


5-

مذيعين الدوانيه .. ساعات ايقولون شي يسوى و ساعات خرابيط .. على حسب الموضوع ..

و بعدين الحين التفرقه و العنصريه صايره موضه بالديره .. الله يستر علينا

Eng_Q8 said...

الخيلاء

1 لان ما وراها ظهر

2 عظم الله اجرج

3 مي تو ... اي والله حسبي على ابليسه خلاني اشجع المغربيه :p

4 شكرا للمعلومه :p

5 ولا مره قالوا شي يسوى ملاقه في ملاقه
الله يستر عليها

vancouver said...

اولا اسم الله عليييييييك لا تفاول على عمرك

والله يجزاك خير
على روحاتك المقابر
ترى كلها اجر
:)

موتني ضحك على الوالده لما قالتلك تشتغل حفار قبور
لوووووووووووول

بالنسبه للعوضي
اتمنى لو كلااااااامك يوصله بطريييييقه ما

اتمنى والله


ويوز عن التدخين
لانها اسرع طريق للمقبره
الله يحفظك

Eng_Q8 said...

vancouver


الله يسلمج


الله يرحمهم برحمته

دمها خفيف طالعه علي :p


على ايدج قوووليله جود نكسب فيه اجر


اسم الله علي لي طولة العمر

حمد said...

مساكين ميتين مو قادرين يسيطرون على الفضائيات :) .

تحياتي لك

Anonymous said...

نبيل العوضي يطلع يسب الاوادم ويكفر الناس ويقول البنات عاهرات والشباب مو متربين والدنيا وصخه والعالم عيالت كلب واخر شي يقولك ولا ترموا بالمحصنات والدين علمنا مكارم الاخلاق والناس تصدقه
دبش

بولمعه said...

ديد ديد

بولمعه عنده موضوع يديد

صج دعله

Selezya said...

امبيه مهندس راح يصيدونك لجنة مراقبة المدونات وراح يقطونك بالسجن وتعيش باجي عمرك هناك وخلاص ماتقدر تكتب ولا تططلع اللي بقلبك وراح تقعد تدخن باليوم الف مره لمن خلاص تنتهي

حراام

:( معور قلبي حالك بالمستقبل
بس بعتذر لك من الحين اذا ماييت وزرتك بالسجن ..
اسمحلي ها

bass said...

يا بش مهندس

لم اتابع قضية مشاري ، و لا اعرف تفاصيلها ؟

ما قط رحت ؟

اعتقد لو تطلع يم باب بيتكم تلاقيه
الفلووووووووووووووس ؟

مرينا أف ام
يا كرهم ما احبهم ، ساخفين ؟

دمت بخير

Eng_Q8 said...

حمد

شكلهم بيسيطرون علينا

-----------------------------------

حمودي

اي والله دبش

-----------------------------------

بو لمعه

تم قبول النداء

-----------------------------------

Eng_Q8 said...

سيليزيا


شفتي اشلون اخر عمري ادش السجن

نطري موضوعي اليديد :))

لا يالخاينه تبيعيني عشان سجن منو اييبلي قرص عقيلي ؟؟؟؟

Eng_Q8 said...

بس

ولكم باك فقدناج

كنت كاتبها قطاعي وبعيد اكتبها بالبوست اليديد

يا زينج وانتي رايحه اتعزين اكيد ماراح اتروحين

وشنو الي مخلي الناس تستخف غير الفلوس

مي تو :p

وياج

bu-saad said...

شلونك باش مهندس!! عساك بخير:)


1- اهم شي حفار قبور بالنهار و ملاج
بليل ههههههههههههه


2
-ما ادري شسالفة الوطن تراني غشيم بهالسوالف

!!!!
3_ لو خليت خربت
وانا الي فهمته جنك ما تبي دعاة دين!!! الانسان خطاء و لا تضن ان نبيل ملاك نازل من السماء


حياك:)