Friday, February 15, 2008

؟؟؟؟؟؟

لاجل كلمة الحق ولاجل محاسبة من طعن باخلاق شباب وبنات الكويت لابد من وقفه
التفاصيل في مدونة وطن النهار
واقول انا اولكم

تحديث بالاسفل

------------------------------

1




شهالحجي الفاضي ؟؟؟؟ شهالكلام ؟؟؟؟؟ من انتم لتشككوا باخلاق المواطنين ؟؟؟؟؟

شنو لقطاء شنو زنا شنو امرا ض؟؟؟؟؟؟؟؟؟؟؟؟؟؟؟؟؟؟ ما تستحون ما تنتخون ؟؟ هذي جامعه والا ديسكو ؟؟؟؟؟؟؟؟؟؟؟؟؟؟

خرجت الينا جمعية الاصلاح بهذا البنيان اليوم حيث انها تعتبر ان الاختلاط يؤدي الى الزنى واللقطاء والامراض والطلاق وايضا يشكك الرجل بزوجته التي تدرس بالنظام المختلط ؟؟؟؟

ان هذا البيان السخيف الهزيل الذي لا يرقى الى ابجديات الاخلاق والطعن بابناء الوطن يجب ان لا يسكت عنه ... فمن هم لكي يشككوا باخلاق الطلاب ؟؟ ومن هم لكي يقولون هذا الكلام ؟؟؟
بحكم دراستي بنظام التعليم المشترك ودراسه اغلب شباب وبنات المجتمع بهذا النظام يجعلني ادافع واستنكر هذا التصريح الخطير ... فانا تخرجت من هذا النظام ولم اشاهد اللقطاء ولا الزنى ولا الطلاق ؟؟؟؟؟ فعن اي مكان هم يتحدثون ؟؟
لقد اباح الاخونجيه لنفسهم الطعن بنا ولن نسكت لهذا الطعن
ترى عيب شهالكلام ؟؟؟؟ علاقة الزملاء والزميلات علاقه اخويه بحته .... وترى كل من يرى الناس بعين طبعه مااحب انزل نفسي لمستوى طرحكم ولكني اجد نفسي مضطر وليسمحلي القاريء على الكلام الذي ساكتبه الان

يا اخونجيه يا سلف اذا كان تفكيركم من السر ولي تحت فهذه مشكلتكم لا تحسبون ان الناس بنفس تفكيركم ترى احنا بشر مو حيوانات عشان انفكر بهالتفكير .... اذا احنا كنا بالجامعه فهدفنا هو التحصيل العلمي مو الزنى والامراض ؟؟؟؟ والكل محترم نفسه وماشي

واذا كان هناك بعض التصرفات من بعض الهيلق لا تحكمون على الكل بنفس الحكم ... لكل قاعده شواذ وهؤلاء هم الشواذ .... وبعدين تعالوا تعالوا يامن تدعون الاخلاق الحميده

الفارس المعظم عندكم مو غارق بكانكون ؟؟؟ السفيه الثاني مو سكران بلبنان ؟؟؟ الفاشل الثالث مو قاعد مع مذيعه لبنانيه ؟؟ كافي بشبابكم ناس منحرفين اخلاقيا ؟؟؟؟ عاد هذي انا شايفها بعيني اخونجي ولحيه وحالته حاله و .... الله يلوع الجبد مو لايق كلش فهناك من شبابكم من هم شااااذ جنسيا ومن بناتكم من هم رايحين فيها ..... ليش ما تكلمونهم ؟؟؟؟؟؟
او بالاحرى ليش احنا ما تكلمنا عنهم ؟؟؟؟؟ تدرون ليش لاننا محترمين وانقول لكل قاعده شواذ وبينما انكم فتحتوا النار على اخواني وزملائي الجامعيين وعلى بناتنا ماراح اسكت
هناك من هم منكم وفيكم منحرفين يا دعاة الظلام ليش ساكتين عنهم ؟؟؟؟ ماراح اتكلم بالتفصيل ترى مو عشانكم .. بس مراعاة لزملائي والقراء والا انتوا مو كفو حشيمه على هالكلمه
شوفوا روحكم بالاول بعدين احكموا على الناس يا متبعين الفكر الضال .... وشوفوا منشدينكم وهم يغنون بالسمرات وانا حاضر سمره يغني فيها واحد من منشدينكم ولما سالته فلان ليش اتغني جان يقولي ياعمي اخاف النشيده مو اغنيه ؟؟؟؟؟

هؤلاء هم شبابكم .... وبقولكم شغله ترى الكبت اهو الي يولد الانفجار شوفوا الدول الي حواليكم .... وكلما وضعت القيود كلما زادت المشاكل وزاد الانفجار ... والدليل انظروا لحولكم والى الاماكن الغير مختلطه ... وماراح اقول اكثر حفاظا على مشاعر الاخرين
بالنهاية اتمنى ان يطالب الكل باعتذار من الاخونجيه على كلامهم اليوم لان فيه مساس باخلاق المجتمع وهذا مالا نرضاه على ابناءنا وبناتنا


---------------------------------------
2





عقب كلامه عن المدونين انهم مرضى نفسيين وماادري شنو طالع لنا اليوم بجريدة الرؤيه وحسافه ان المقابله مو موجوده بالنت..... شيقول .... يقول احمد الفهد اقوى رجل بالكويت ولو الي يقولونه عنه صحيح فهو مدعاة فخر له ؟؟؟؟؟

والحبيب ما وقف عند هذا الحد بل نصب نفسه عميد للاسره الحاكمه وقال احمد الفهد اذا كان خرج من الحكومه فهو لم يخرج من الحكم ؟؟؟؟؟؟؟؟؟؟؟؟؟؟؟؟؟ على كيفك انت شالحجي ؟؟


خل احمد الفهد على صوب .... انت منو عشان اتحدد انه ياخذ الحكم والا لا ؟؟؟؟؟ ومنو انت عشان اتقول الي يلاحقون احمد الفهد قله ويبون راسه لان انسان نظيف ؟؟؟ منو انت عشان اتشكك بنوايا الناس ؟؟؟؟؟ ومنو انت عشان اتقول ان الناس على خطا ؟؟؟؟؟ بنشوف شيصير بمحكمة الوزراء
كلمة لفيصل الجناعي استرييييييييييييييييييييييييييييييييييييح وخلك على الرياضه وايد احسن


--------------------------------

3



وزير و 15 نائب متعدين على املاك الدوله ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
صج والله ؟؟؟ منو راح يحاسبهم ومنو راح يتكلم عنهم ؟؟؟؟؟؟؟؟؟؟؟؟؟؟؟؟؟؟؟؟؟؟؟؟

يا من تصوتون انظروا ما هي مخرجاتكم ....... مالت على الباميه

------------------------------

4


اليوم بدا مهرجان هلا فبراير .... وانا قاعد اتغدى قاعد اطالع التلفزيون وشفت الناس طالعين بهالغبار .... ما ينلامون كبت كبببببببببت .... ديرة اتضيق الخلق ....في شباب قاعدين يرقصون بالشارع !!؟ وهذيل يقولولي اخلاق ومنع اختلاط

ما تدرون ان الكبت يولد الانفجار والله اكسروا خاطري مساكين من الكبت قاموا يترقصون بالشارع ..... مو هذا موضوعي
الموضوع المضحك المبكي اهم الاطفال ....المذيع يقولهم غنوا اغنيه حق الكويت يغنون من حبنا لها بنوفر لها ؟؟؟؟؟؟
لا حول ولا قوة الا بالله .... مساكين هالاطفال شهالاغنيه ؟؟؟؟ شنو من حبنا لها بنوفر لها ؟؟؟؟؟ لي هالدرجه حتى الاغنيه الوطنيه فيها فلوس وتوفير ؟؟؟؟ شنو نوفر لها ؟؟؟؟
هذا الي يبوق ما ينكسر قلبه على هاليهال ؟؟ ما يقول انا شسويت ؟؟؟ والا ديره نفطيه تنقطع فيها الكهربا ؟؟؟؟ هزلت هزلت


وين اغانينا قبل كنا نسمع الغناوي الوطنيه بكل وقت وكل واحد يحبله غنايه معينه عن الوطن والحين من حبنا لها بنوفر لها ما عليه يا عيال الكويت مو الي يبوق مو هامته لا ديرتكم ولا انتوا هامينه همه يطفح يا عله زحير ابطنه


تذكرت عادل امام بفلمه الواد محروس بتاع الوزير لما قال في وزير بالعالم بيمسك وزارتين

وانا اقوله يالزعيم تعال الكويت وبتشوف اكثر كل واحد اسم منصبه اطول من تاريخ حياة اهله

----------------------------------


5

حزب الله الكويتي يقول ان عماد مغنيه شهيد ؟؟؟؟؟ اين الولاء ؟ والمشكله لي تكلمنا قالوا عنصريين ... صكوا على الاخونجيه والسلف ........ هذيل كويتيين بالله ؟؟؟


اقرؤا موضوع عاجل اذا ما تعرفون منو عماد مغنيه
------------------------------------


عاد اليوم كنت بكتب عن الفالنتاين بس منو يكتب وهالبلاوي موجوده ما اقول الا


اللهم لا اعتــــــــــــــــــــــــــرااااااااااااااااااض


--------------------


التحديث


وصلني ايميل من احد الاصدقاء يدعوني للمشاركه بحملة قاطعوهم لمواجهة الغلاء وبما اني ما ارد طلب حق ربعي راح اضع السايت وشعار الحمله مع اني ما قريته عدل لان فيني النوم بس يستاهل الصديق ونحن دائما ندعم الحملات الوطنيه :)












43 comments:

Selezya said...

لوول بخ

مانبي ننطر شلون يعني :p

زين شوي شوي عليه خله على راحته ;)

Eng_Q8 said...

سيليزيا


لووووووووووووووووووووووووووووووووول

ماكو شوي شوي :))) غصب اسويه

بوصالح said...

الله يهيدهم هذيل !! و الله عيب

مفاهيمهم معكوسة

لا تلوم الناس الكبت قوي بالديرة

Someday said...

el song Loool!! ma yenlamoon el Kids!!! walla kasreyn '7a6ry!!! 3ala kil shay!
I think we passed the point of talking ages ago!!! it's about time for acts!!!

Eng_Q8 said...

بو صالح


صاج يا بو صالح

-----------------------------------

سمسم

اي والله

-----------------------------------

wa6an-alnhar said...

مهندسنا خنت حيلي معصبببببب

ما صدقنا نهدي و نصير ريلاكس جم يوم و انزل بوستات حلوه وفرفوشيه الا ردوا و ارفعوا ضغطنا مره ثانيه
:S

(1)

الاخوان نسوا او تناسوا ان اغلبهم خريجيين نظام تعليمي مشترك... و نسوا ايضا ان ابنائهم مسيطرين على اتحاد طلبة يتبع جامعة مختلطة لفترة طويلة من الزمن
زنا؟
امراض جنسية؟
طلاق ؟
شك؟
خيانه؟
الظاهر الاخوان واجهوا هالمشاكل و مروا فيها
الصراحة اذا اهما يعانون من هالاشياء مشكلتهم...
احنا ناس متربين عدل و عندنا كنترول على انفسنا و محنا حيوانات

عسى الله لا يبلينا فيما بلاهم و يحفظ ديرتنا منهم

(2)

المشكلة رقم واحد بالديرة هي وجود ناس من فئة (الطبالين) اللي يعطون الواحد حجم اكبر من حجمه و من ثم يصدق نفسه و يطغى على حساب هالبلد

(3)

اكثر شي ضحكني ان في مخالفه لاحد النواب عبارة عن (غرفة خارجية و مكتب و مطبخ)
الظاهر مسويها احتياط اذا اطردته ام العيال :p

(4)

لا تتحسر على الاغنية الوطنيه اللي صارت للرموز و ليست للوطن... اذا النشيد الوطني اللي لي سمعناه تدمع عيونا صار عند البعض شي عادي :((

(5)

عماد مغنيه .. اسم لا ينساه كل كويتي شريف مخلص حق هالارض
الطائفيه اكسرت ظهورنا
رجائي لبعض الشيعة الابتعاد عن الطائفية و الولاء لايران و لرموز حزب الله لان لي حجت حجايجها مالهم غير هالارض اللي من دونها مايسوون بيـــــــــــزه

مهندسنا :) هد اعصابك

هذيان said...

ليس من حق أحد يا مهندسنا تقييد الحريات يجب ان تجلسوا مع نوابكم وتضغطوا عليهم


أما شهادة عماد مغنية يبدوا ان هناك من يريد جلب جنوب لبنان وجره للكويت وهذا حامض على بوزهم

marshmallows said...

بعد مو ناقص الا يقولوون الكلاسات صارت شقق دعاره

و سالفت هلا فبراير انا اليوم بليل غلطت غلطت عمري و اشتهيت دونات من ركسبي امبي والله لو رايح باليل جان صج ربطت حزام ناسف و فجرت بنفسك بالنص
شقولك طبعا الوصخ موطبيعي الناس تسبح بالوصخ
و الادهى من كل هذا شرطي واقف ينظم الطريج يعني و دايس على الوصخ ولا من بين هالوصخ علم الكويت تخيل انا شوي و ابجي
هذا غير المسيره و هالسعوديين لابارك الله فيهم ولا بالساعه الي دشو فيها حدودنا الله ياخذهم انشالله
غثى
حزتها خليت الدونات و شربت ريدبل شي يبرد شويه

الخيلاء said...

نست جمعيه الاصلاح انه بناتهم و زوجاتهم و امهاتهم تخرجوا من جامعه الكويت و الي يرضى على اهله هالكلام ماعليه شره :)

***

الله والله احنا ترى خطيرين صرنا مجرمين و مرضى نفسين .. كل هذا الانه نقول الصج و انقول كلام اهما مايبون يسمعونه ..

و ترى الاخ وايد عايش الدور

***

الحكومه ابخص :)

×××

فااااشل و يفشل .. من حلات المسيره الي مسوينها ..

اما من حبنا لها فهذي صارت للاسف ثقافه الجيل الصغير .. ثقافه تقشفيه

***

و هذيل ولائهم لعقيدتهم وبس .. الله يستر علينا منهم و يحفظنا بحفظه

***

لو كاتب عن الفالنتاين احلى من هالمغثه .. :)

الله يصلح الحال

حمد said...

عزيزي مهندس

و لديهم المزيد من ( الخمال ) الذي يظهر ويظهر ويظهر كلما على صوتنا :)

تحياتي لك ..

Selezya said...

هالبوست في سب وايد حق ربعي الاخونجيه

:p
jk
يبه الله لا اعتراض

Selezya said...

اللهم*

Eng_Q8 said...

وطن النهار

اي والله ما يخلونا نتهنا

1 الله لا يبلينا ويحفظ الديره منهم ومن اشكالهم

2 كثروا الطبالين هالايام

3 لوووووووووووووووووووووووووووول

4 للاسف :(

5 صحيح

قوليلي اشلون ؟؟

----------------------------------

هذيان

اذا النواب متخلفين شتسوين ؟؟؟

حامض على بوزهم


-----------------------------------

مارشميلوز

اي والله مو ناقص الا هذي


للاسف العلم ينداس ويصير مثل الاوراق

هلا فبراير فاشل لان مافي تنظيم

-----------------------------------

الخيلاء

سفهاء

حده عايش الدور .... واحنا مينانين :p

:)

للاسف الشديد

الله يحفظ الديره


الغثا لاحقنا لاحقنا وهذا واقعنا يالخيلاء

-----------------------------------

حمد

سيعلوا انشالله

تحياتي :)

-----------------------------------

Eng_Q8 said...

سليزيا

تستاهلون محد مخرب الديره الا انتوا :p

bass said...

أسعد الله صباحك

1. بدون تعليق

2. يحليله صبي أحمد حسب الله ، المثل الكويتي يقول العنز ما يشوف .... ؟
عليك التكمله ؟

3. لاحظ النواب الأكثرية ، يا عين على من أقسموا على الخفاظ على الدستور ؟

4. الداد و عليه عليهم ، الكبت يولدج الانفجار ، بس عاد منو يفهم ؟

5. الولاء شيعي و الولاء الشيعي دائما لأيران !؟

6. لا تلومهم ، الأسعار و ايد فرقت ، قارن بين كي دي دي و المراعي و كي دي كاو فرق ؟

دمت بخير

darkness said...

=1=

ناس فاضيااااااااااااا

=2=

خلينا لك العقل

الحمد لله و الشكر

اهو طبيب نفسي عشان يقيمنا؟

لحظه لحظه اهو قرى لنا اذا كان من المتابعين فهو مجنون لانه يتابع مجانين

و اذا ما كان يتابعنا شدراااه؟؟

منو العاقل و منو المينون؟

احمدك يا رب انك عطيتني عقل و منيته على الكثير و حرمت الاخرين من امثاله

=3=
حاميها حراميها

=4=
تدري هالسنه مهرجان فبراير مو مدعوم من الحكومه و كله جهود خاصه ودي هالسنه ادعمه انا بعد

عيل يعقل مهرجان على مستوى الدوله لا يدعم من الدوله؟؟

صح اني كل سنه مالي شغل فيه و صح انه يفشل بس بدال لا تعدلونه و تضبطونه تشيلون ايدكم؟؟

=5=

بالدرك الاسفل هو و من يترحم عليه باذن الله

ههههههههههههه

فلنتاين مين يا عم؟؟

و التحديث

لا تعليق لانه نفس سالفة مقاطعة الاتصالات و الوطنيه

يبقى الحال على ما هو عليه و على المتضرر التحلطم و التقرطم لين تطق جبده

:)

و بالنسبه للي ما وصل انا مو قادره اوصل للموصل بشوف ليش ما وصل

:(

Sn3a said...

عدس والسلف يبيلهم دعوى تقعدهم ارض ارض
لو في تحرك جاد وقوي على دعوى في يوم معين اكيد الصوت بيوصل
منو هذيل عشان يوصفونا احنا وغيرنا بهالصفات
وكل واحد لحيته لي سرته على شنو؟
عشان القذف والسب

واما الكلام على الجناعي شي ثاني
انتو ماغسلتو ايدكم منه اهو وولده طاف؟


صار الكل شهيد
انا بعرف شلون يحسبون الشهيد؟

Eng_Q8 said...

بس

وصباحج

1 اوكي :)

2 لوووووووووووووووووووووووووووول

3 ملاحظ ;)

4 محد يفهم للاسف

5 لا تعليق

6 الله يكتب الي فيه الخير

وياج :)

-----------------------------------

داركنس

1 الا ناس ما تستحي

2 الحمدلله

3 صحيح

4 انا بفبراير ما اطلع او اسافر فماادري شنو يسوون

5 امين

اشدراني بعد :)))) قلت انغير شوي

والله ماادري

عادي مو مشكله

-----------------------------------

سنعه

يحللون لانفسهم ما يحرمونه على الناس

بط جبدي :)


كل واحد عنده لحيه وخطف وفج واسباح اعراض الاخرين فهو شهيد ؟!!؟؟

-----------------------------------

rai said...
This comment has been removed by the author.
rai said...

1
كل من يرى الناس بعين طبعه

2
القناعي خل يبيع بنك احسله

3
الكل يتجاوز بهديره حتى الغريب
لكن الحجي منو يقدر يحاسبهم

4
هلا فبراير مشروع مهرجان ينافس مهرجان دبي للتسوق
والغبار عقاب رباني على قولة واحد :)

5
عماد مغنية قتل والى مزبلة التاريخ
اما الناس الي حاولت ادافع عنه هذيل ينخاف منهم ومن ولائهم


وكاسك ياوطن
وكثرلنا من هسوالف :)

Eng_Q8 said...

شاب علي

1 عدل

2 ما يقدر ما اطلع فلوس ولا يقدرر يترزز بالجرايد

3 اذا لم يحاسبهم احد فنحن من سيحاسب

4 لوووووووووووووووووووول
والله توقعت راح يطلعلنا الي بيقول جذي تخلللللللللللللللللللللللف
اساسا الكل يدري ان امس غبار
ما يعرفون برد العقارب الظاهر عسى العقرب الي يقرصهم ونفتك منهم

5 اي والله ينخاف منهم

كاسك :)

انشالله

bo rashed said...

مهندسنا انا قايلك من قبل لا تعور قلبك معاهم دايما الجنس عندهم حاضر

ومنو فيصل القناعي
انا اعرف واحد كان اسمه مسيلمه الكذاب
مادري ليش اتذكره لما اشوف هالشي اللي مفروض علينا المسمى بفيصل القناعي

ومالت عللى الباميه والفاصوليا والبيذيان
المنجا لأ
وخل الناس تستانس وتهيص وجان زين اليسا تغني بهلا فبراير
:P
وموضوع مغنيه وحزب الله الكويتي هذا
يذكرني باغنية الست
فكروني ازاي هو انا نسيتك

Anonymous said...

السلام عليكم

مشكور فورزا كابيتانو على المدونه
والصراحه مواضيعك كله ممتازه
والله يوفقك
وانت شفيك على الاختلاط
الاختلاط الكامل مو زين
احنا شبابنا الحين مو اختلاط
وخربانين
الله يستر شنو يصير اذا حطو الاختلاط( اختلاط كامل)
بالمدارس والجامعه

و
خير الامور اوسطها
نفس ماهو مطبق بجامعه الكويت وتحديدا كليه الهندسه ( الله يذكرها بالخير والله يذكر ابو النيف)
ونتمنى يطبق بالجامعه كلها


وفيصل القناعي
ما عرفه شخصيا
ولا ابي اعرفه
شكله الريال كبر وخرف

الله يعطيه الصحه والعافيه


وبالنسبه للمخالفات الوزراء والنواب

الله يهديهم انشاء الله
ويطبقون القانون على انفسهم اول شيء وبعدين يطبقونه على المواطنين


وبالنسبه
لفبراير الخير
ما اقول
الا
هيلي على الكويت هلي يا شمس الاعيادي
طيلي على كل بيت طلي


وبالنسبه لحزب الله الكويتي
وزيرنا رد عليهم امس
واعتقد رده يكفي
ورده يعبر عن راي كل كويتي يحب الكويت


والفالنتين
ما عمري احتفلت فيه ولا راح اختفل فيه وما يجوز تميه عيد الحب



وبالنسبه للحمله الوطنيه لمحاربة الجشع
ما نبيها

انا بعد وياكم


ويالتوفيق بالمدونه

Selfridges Girl said...

Awalan hi
Ya36ek el3afya mawathe3ek wayed 7elwa
Jad we have to find a solution bas elkel yetkalam ow ya3tareth weygol raya in the end mo ana walla ent elly engarer!! Kalamy wathe7.
2-im totally with you about elktela6. Sheno el7ekma elzana ow el7aram mawjod ebkel mokan bel3aks el7aram eljame3y &the classes a93ab mokan aw mosta7el y9er feha shy there is no since bhalkalam bas I’m with every one got his opinion and every one got respect the others opinion mo shar6 namshy belly ygolona bas mo elmafroth enna wala a7ad yjare7 belthany
Plz la tekteb mawathe3 etshaweg weya ba3ath elwa7ed mayla7eg yekteb comment 3ala sheno wala sheno
Yesalmik ow ya7fethik elra7man;)

Eng_Q8 said...

بو راشد

مااقدر يا بو راشد مااعور قلبي يبطون الجبد

واحد من الطمباخيه وصار سياسي


اي صح الا المنجا :p
انا وياك انروح ولو معاهم مريام فارس راح احجز الصفه الاولى كلها :p

عظمه على عظمه يا ست :))

-----------------------------------

اني موس

وعليكم السلام هلا وغلا نورت المدونه :)

وباجر لازم تيي جبد بشوفك :)

مشكور اجمعين

هذا الي انقول عنه التعليم المشترك يا مهندس وهذا الي انطالب فيه

والله يذكر بو النيف بالخير يستاهل بوست اتصدق :)))

يمكن خرف :)

لابد يتحاسبون

وفبراير يا فبراير فبراير يا هلا :))

جان زين يسويها


وانا مااحتفلت فيه :p

وانا وياكم

مشكور اجمعين :)

-----------------------------------
Selfridges Girl

هاي

الله يعافيج ومشكوره

واضح وهم لازم انكون سبب بالقرار وهم بعد في مواضيع حلولها واضحه ومالا داعي انقولها

2 احنا ما نجرح احد بس شفتي اهم شيقولون عفوا انا ما ارضى على بنات وشباب ديرتي واذا مستوى طرحهم نزل راح انزله وياهم لانهم مو كفو حشيمه

مشكوره من ذوقج :)))

راح احاول انشالله :)))

الله يسلمج ويحفظج يا اختي العزيزه شكرا

5roofa said...

:/

1
لول تصدق عماتي الي يعني ملتزمات شوي معصبين على الموضوع و يتكلمون اليوم و محتجين شلون يتكلمون عن اعراض لناس جذي

استغفر الله مادري يني يبونا شنو نصير عان يبطلون هالمشاكل

2

ويييييييي الحين انا مجرميين

امبي منصججججججججج؟؟
تدري انقهرت
وين قاعدين

استغفر الله شفيهم ينوو الناس

3

اي امبي اليم شفت الجريده لوول بدعو الصراحه
ولا حاطين بيوتهم كلهم بالقبس يعني فضيييحه موطبيعية

4

تصدق بالمدرسة هم مه اقولهم ل نغن اغنيه عن الكويت يغنونها لول اتغفر لله شر البيه ما يضحك

تصدق قمت اعلمهم اذا صار في احتياط عندي اغنية وطن النهار و اعلمهم الحركات

بدل ما يغنون من حبا لها على الاقل يغنون ترث كويتي اصيل

:D

تصدق على الاسعار وحده تسولف تقول انه قت على شره من الشركات تسال ليش مغلين الاسعار
تقول رد عليها عادي ل نسويهم مليواحنا مو محتاجينكم بس انتوا محتاجنه و شنو

انبطت جبديييييييييييي
قلت صج ج يعني ان ما كنت وي بالموضوع بس من صج ماني شاريه منهم
شنو قلة الادب هذي


اخر شي سووري على التاخير و عطيك العافيه
salm dear friend...

Eng_Q8 said...

1 محد يرضى على عيال الديره

2 ومعقدين وميانين :)

3 ما يهمهم

4 كفو كفو اهم شي هالاغنيه لاني اموت فيها

5 اهم شي قلة ادب لوووووووووووووووول

عادي يبا

سلامز اختي العزيزه

wa6an-alnhar said...

يا جماعة بدا التحرك الفعلي

باجر الاحد الساعة 6 مساءا سنتواجد عند مخفر الروضة لرفع قضية قذف ضدهم

Eng_Q8 said...

وطن النهار

خير انشالله يعطيج العافيه

strawberry said...

nice post ya36ek el3afya

msaown roo7hom kelsh?
shno man3 el25tla6?
chan men el2owal emna3o
el5arabe6 kel mokan ma yat 3ala eljam3a wetha fy shay `3al6 ga3den ysaoona el6alba b9ra7a menhom ohma yfat7oon 3yonhom 3ala hal5arabe6
sheno zena shno lo8a6a
wen ga3den hatha ta5llllllllllf
waid ybal`3oooooon
ana 3endy e8tra7 waid 7elooooooooooooooooooooooo lhom

ysaoon dera llbnat wesafrona welshabab y`9loon hnyyyyyyyy
y7ajbna yna8bona ma nsoooog ma n6la3 mako soooog ysaoon lena mojam3at 5a9a wella kel wa7da ta6leb malabsha men elbet tao9eeeeeeel manazel

hatha elt5alf o0 ana awal ensaaaaaaaana 3ala halkora el2ar`9ya arfeeeeeeeeeeeee`9 hatha el8anoooon

o0 ana ma3ak kel elt7l6m welkalam elly gelth 9a7 welly mo 3ajba mo majboor ygra

goooooood post i like it so much

Anonymous said...

كلمة السر ... الشفرة :P

بيـــــــــــــــض الخنفق

(حملة ضد تأبيــن مغنية بالكويت !!!)

(1)
كانا كلنا دشينا و تخرجنا ..

وشزينا

!!!!! شنو زنا شنو امراض
بسم اللـــــــــــــــه
ولا تستحون ولا تنتخون

نطالب بالاعتذار

(2)
وعلى كلمة فيصل الجناعي
على قولتك
.. بس ما اعرف اقولها عدل انتوا الشباب اقوى و فيها
action

استرييييييييييييييييييح

ولا الرياضه بعد
والله يسامحه

(3)
مالت على الباميه حيـــــــــل :P



(4)
الاغنيه الوطنيه فيها فلوس ابييييييييييييه
ترى والله الوضع بيجي

(5)
هذيل كويتيين بالله ؟؟؟
ميتة من القهــــــــــر ليش ليـــــــش ..
هالكثر الكويـــــــــت رخيصة ..و لا لما تبون تصيرون كويتيــن تصيرون ولما ما تبون !!! ليش ؟؟

حيــــــــــــــــــــــــل
اللهم لا اعتــــــــــــــــــــــــــرااااااااااااااااااض

بيض الخعنفق

S-Q8 said...

قال اصلاح قاااااال
ماكو اسلوب

و الصراحة ماقدر اقاطع
KDD

Eng_Q8 said...

ستروبيري

ثانكس

انا اعترض

خل يسفرونا احنا ويخلون البنات بالديره :p

مشكوره ويعطيج العافيه :)

-----------------------------------

انيموس

لووووووووووووووووووووووووووووول

فرخ الخعنفق

1 نطالب بالاعتذار

2 ويسامح الجميع :)

3 لووووووووووووووووووووووووول

4 حده يبجي

5 اللهم لا اعتراض

بيض الخعفق :)

-----------------------------------

نعناعه

ماادري عن منو قصدج بس مشكوره

لا تقاطعين انا ما على الرسول الا البلاغ

وشكرا
-----------------------------------

strawberry said...

looooooooool tabeha men allah tsafer ;p

فتى الجبل said...

بالنسبة لحدس فكل يرى الناس بعين طبعه
أما الجناعي فما أرد عليه لأنه فداوي شيوخ
وأخيرا يا عل أيامنا كلها أفراح وكلها هلا فبراير

Eng_Q8 said...

ستروبيري

جنج تدرين :p

----------------------------------

فتى الجبل

انشالله اتكون كلها فرح

-----------------------------------

سدرة العشـــاق said...

كله بصوب

و اللي يقولون عن الجلب عزكم الله شهيد

يعلكم ما تتهنون لا بدنيا و لا بآخرة و تموتون كلكم بتفجير ارهابي

حرقوا اعصابنا يعل الله يحرقهم بنار جهنم

اشتطيت من حر ما في قلبي والله

بعثرة مشاعر said...

ضحكتني سالفة اليهال يغنون من حبنا لها
لووووول


أما عن اللي يقولون ان عماد شهيد
هذيل الوطنية = صفر عندهم
الله يستر منهم

عاجـل said...

يا فلانتان يا بطيخ
السالفة خربت

Anonymous said...

اخوي مهندس كويتي لااااااا تلومهم هذول الاخونجيه... هذول ملعوب بعقولهم... وحتى هذول اللي يقولون عن عماد انه شهيد.. هذول ولائهم للأسف حق ديره ثانيه مو لديرتهم اللي عازتهم وكارمتهم... ولاااتحرمنا من هالمواضيع النار ياخوك.. واللهم لا اعتراض!!!

اخوك: مساعد مهندس متقاعد

Eng.S said...

اولا : شصار على موضوع الاعتصام .. هل رفعتم قضية؟
احييك و احي من وقف بالأعتصام ..
لازم يعرفون انه مو طوفه هبيطة

ثانيا:
فيصل الجناعي.. او الدوبي العود
يحتاج الى لسعه اهو و جمعيته الدايخة
هوسوا علية شوية ;)
ثالثا: اغنية الاطفال .. هي نعم النشيد للعهد الجديد

كل عام و انتوا بفقر
;)

Najmah said...

عيل طلعنا مجرمين
:p


شدعوه كبت
انا ماشوف فيه كبت :))

عماد مغنيه
هالسالفه احرقت اعصابي
والله انصدمت انصدمت انصدمت
كان ودي اشق الجريدة من الحرة اللي بقلبي
آه يالكويت الله يعينج

Eng_Q8 said...

سدرة

سلامة قلبج و والله يلوم الي يلومج

-----------------------------------

بعثرة مشاعر

شر البليه ما يضحك

الله يستر

-----------------------------------

عاجل

اي والله اخربت
صج ما عندي سالفه

-----------------------------------

متقاعد

حبيب يا بو جاسم :)

انت هد بالك وحط بالك على دراستك

-----------------------------------

الزميل

راح اكتب بوست

من ناحية يحتاج يحتاج

وانت بفقر وبصحة بسلامه

اسم الله علينا من الفقر فال الله ولا فالك

-----------------------------------

نجمه

مجرمين وانتي صكيتي على محمود المليجي :p

انا اشوف كرفايه :p

جان شقيتيها

-----------------------------------