Thursday, February 28, 2008

I'm Back

عدنا بعد غياب ... لاا اخفي عليكم مدى اشتياقي للكتابه ومدى اشتياقي لكم ... وشكرا من القلب لكل من سأل عني في
غيابي

-1-
ان يوم 25 فبراير يمثل لي شيئا عظيما فكما هو يعتبر يوم الاستقلال وميلاد امي الكويت الغاليه ... وهو ايضا يوم ميلاد امي الغاليه اطال الله بعمرها وانا احتفل بهذا العيد مرتين ففرحتي تتمتزج بامي الكويت وبامي الغاليه وهو شعور لا يمكن ان اوصفه

الى من اهملت نفسها لتربيتي واخوتي الى من سهرت الليالي الى حبي الاول بهذه الدنيا الى من زرعت بقلبي حب امي الكويت الى من توفقني بدعاءها الى من جعلتني اصل الى ما انا عليه
كل عام وانتي بخير يا اغلى انسانه عندي بالدنيا ... امي الحبيبه سامحيني اذا اخطأت بحقك ... سامحيني اذا قصرت . سامحيني اذا عصبت عليج اذا حنيتي علي :) .. سامحيني لاني ادخن وانتي مو راضيه ... سامحيني اذا مر يوم ولم اقبل به رأسك .. سامحيني اذا كنت في بعض الايام غاضب على ما يحل بامي الكويت ولم ابتسم بوجهك ... امي ستظلين الغاليه ستظلين الحب الذي لا يمكن ان احبه لشخص اخر فلن انسى ما فعلتيه لنا ... ومهما قلت من كلمات لن اوفي حقك يا اغلى انسانه ... انني تحت اقدامك يا امي مهما احسست ببرود مشاعري فلا تتوقعين انني لا احبك .. فانت تعرفين انني لا اتقن التعبير عن مشاعري ..... وربي يحفظج ويطولي بعمرج يا يمه
الى امي الاخرى ... الى من اتقطع الما لاجها الى من ابذل الغالي والنفيس لها الىمن ارخص روحي لها الى من نشأت على ترابها الى من اقسمت بوهب نفسي لها

كل عام وانتي بالف خير يا كويتي الغاليه ... وبأيدي ابنائك ستظلين درة الخليج يا اغلى بلد وعسى الافراح تكون سمة ايامك القادمه


----------------------------------------------------


-2-
الزياده 120 دينار كويتي فقط لا غير ؟!!؟ هذا هو الرقم الذي اتى الينا بعد تمخض طويل ودراسات وتدقيق وتمحيص بمشاركة البنك الدولي ... حسب معلوماتي البسيطه ان هناك قانون بمراجعة المعاشات كل سنتين او 3 سنوات على حسب علمي واعتقد ان هذه المراجعه يجب ان تحدد الزيادات المطلوبه التي يحتاجها المواطن على حسب زيادة الاسعار العالميه وما شابه ذلك وهذا يغنينا عن هذه المطالبات بزيادة المعاشات التي تأتي بين الفينة والاخرى
برأيي المتواضع ليست زيادة الرواتب هي المشكله انما المشكله تكمن بتطبيق القوانين .. ان تلاعب بعض ضعفاء النفوس بالاسعار وزيادتها على حسب المزاج هو ما يثقل كاهل المواطن الكويتي البسيط .. وحماية المستهلك التي من المفترض ان تضبط من يتلاعب ووزاة التجاره نايمين بالعسل .. فكيف يا حضرات ان تشتري سلعة من مكان بدينار واحد ومن مكان اخر تشتريها بدينار ونصف ؟؟ وكيف لسلعة ان تقفز من 400 فلس الى دينار وربع ؟؟ بغض النظر عن الغلاء العالمي وكمية الطلب على السلع فان بعض زيادات الاسعار خياليه جدا وتستطيع ان تقارن فرق الاسعار بين السوق الكويتي و السوق السعودي .... وهذه اسعار بعض السلع المتشابهه ولكن تختلف بالاسعار من مكان لي مكان وشكرا للاخ الزميل العزيز على ارسال هذه المعلومات لي




هذا والكويت تعتبر من اقل الدول بالضرائب ... وايضا يجب ان لا ننسى التضخم الحاصل بالكويت فهذا ينبأ بكارثه اقتصاديه اذا ما ظل الوضع على ماهو عليه ... فمعضم المقيمين بالكويت لا يصرفون النقود او شغلونها بالكويت انما تصدر الى الخارج وللاسف ان بعض التجار الكويتيين يفعلون هذا .. ان فتح الاسواق بالكويت بالضوابط والقوانين الصحيحه ممكن ان تساهم ببناء الاقتصاد الكويتي من جديد ويجب ان اذكر هنا ان لا نفتحها بحري مثل دبي لتكون هناك فرص للمواطنين

ومن اسباب هذه المشكله ايضا التوظيف .. فالحكومه لا تعطي الحوافز لكي يتجه المواطن الى القطاع الخاص .. للاسف ان العمل الحكومي المضمون والمريح هو ما يطمح اليه معظم المواطنين وانتشار البطاله المقنعه بالدوائر الحكوميه دليل على ما نرمي اليه ... خل نحسبها مع بعض لو ان دعم العماله يكون 500 دينار مثلا ونفس هذا الموظف لو انه توظف بالحكومه سيستلم 1000 دينار واذا توظف بالخاص ومع دعم العماله سيكون راتبه 1500 دينار وايضا الفرص تكون له اكثر من الحكومه الا تعتقدون انه سيتجه للقطاع الخاص ؟؟ وبهذا ستوفر الحكومه 500 دينار وستقل لدينا البطاله المقنعه والمطالبات بزيادة الرواتب

لست ملما بالاقتصاد كثيرا فميولي ليست اقتصاديه بتاتا ولكن اذا ما عرض الموضوع على اي اقتصادي ضليع سيجد الحلول المناسبه لهذا الموضوع ... بالنهايه القوانين يجب ان تفعل ضد التجار ويجب على الحكومه ايضا ان تشجع على العمل بالشركات الخاصه مع ضمان حقوق الموظف وبلا بنك دولي وبلا بطيخ ... لكن ماذا نقول اذا لم يكن هناك وزارة تخطيط ؟؟؟؟؟؟؟؟؟؟؟


---------------------------------------

-3-

شاهدت تلفزيون الراي قبل ايام وقد ظهر بالمقابله شخص وقبل اسمه مكتوب ناشط سياسي ... والسبعه حاط عليها قوطيين نشا .... قلت الحين بيتكلم عن الي صاير بالديره فالوضع لا يسر لا عدو ولا صديج ... والا بكل غرور وكبرياء يقول نطالب بوقف ازالات الدواوين ؟؟؟؟؟؟؟؟؟؟؟

هذا ناشط سياسي اقول مالت على السياسه الي اتعرفها ...اخلصت مشاكل الديره عشان اتقول وقفوا ازالة الدواوين وغيره من النواب الي مسوي ندوات وللاسف الناس تارسين المكان وكل من سواله ندوه .... والله لو القرار عن الطاقة النوويه ما سوو جذي .... لا ويبون يقابلون امير البلاد عشان يوقفون الازاله ؟؟؟؟؟؟؟؟؟

يا بشر هذي تعديات على املاك الدوله اشلون تبون تكسرون القوانين ؟؟ باجر واحد يبيع بيته يزيد السعر لان فيه دوانيه عنده مقامه على املاك الدوله .... واذا حاجيتهم قالولك الشاليهات والمزارع ... ترى السالفه بدت بخيمه عاديه وعقب صار كيربي وعقب صار بنيان وطابوق ... وناس تبني وتسكن عزاب وواحد يبني مكاتب وواحد يبني شقه حق ولده اشوي ويمد سور البيت وياخذ الارض
نعلم ان الدواوين من عادات المجتمع وانا اكثر واحد مدمن دواوين ولكن مو بهالطريقه .... وهنا انا اشد على يد الحكومه على تفعيل الازالات وتفعيل القوانين واذا وقفوا الازالات فان الحكومه ستفقد الهيبه والقانون سوف يداس من الجميع احنا في ديرة قااانون ويجب ان نتعامل بالقوانين واذا كل شوي طوفنا سالفه فسلمولي على القوانين


------------------------------------------

-4-

منذ سنوات وانا اقرأ لهذا االشخص فيومي لا يبدأ الا حينما اقرأ مقالته فانا معجب كثيرا بطرحه .. ولا انكر اني تعلمت قراءة المقالات منه .. ومع الايام اصبحت اوافقه واعارضه وهذا ما تعلمته منه انه بو راكان عبداللطيف الدعيج الذي اعتبره معلمي الذي لم التقه بحياتي كانت مقالاته بالايام السابقه جميلة جدا وخاصة هذه المقاله

ولكنني اريد ان اساله بالنسبه لهذه المقاله الا يجب يا بو راكان ان نحاسب كل من ذكرتهم بهذا المقال الا يجب ان يكون الولاء للكويت وليس لاحد اخر ... فكلمة رأي شخصي ممكن ان تكون لمواطن عادي ولكن هؤلاء اعضاء مجلس امه اي انهم ممثلين الشعب بالبرلمان واراؤهم الشخصيه بهذه الاشياء لا يجب ان تؤخذ بحرية شخصيه انما انتماء لاشخاص خارج الكويت وهذا ما لا نرضاه يا بو راكان .... وبردت جبدي بهالمقال الجميل ولك الف تحية


---------------------------------------

-5-


لمنتخب الكويت لكرة اليد اقولهم كفيتوا ووفيتوا واللعب فوز وخساره يعطيكم العافيه يا رجال الكويت






بعد التعادل الي ماله داعي اليوم بين انتر و روما للاسف مااقول الا





-----------------------------------------------------


قرار بلوقي يحمل رقم 33\2008

بعد التعليقات اللاذعه من بعض البلوقرز بان بوستاتي اتضيق الخلق وترفع الضغط و نسبة السكر وتجعل القاريء ينغث واهو يقرا .... قررنا ما يلي وضع فيديو او صورة او اي شيء يرفه عن القاريء بآخر كل بوست على ان تكون هذه المساحه غير مرتبطه بالمواضيع وفيها شي يبعث السرور الى النفس ... ومنها عشان نفتك من حنة وطن النهار وسيليزيا يسري القرار من تاريخه على ان يتم اختيار الاسم في وقت لاحق مع اخذ المشوره من الاعضاء المنتدبين بالبلوق بالكومنت .... وشكرا


رئيس مجلس ادارة بلوق كاسك يا وطن

Eng_Q8






وهذا اول فيديو ...... احلى دعاية عندي







75 comments:

Kuwait said...

وانا اشوف المكان منووووووور ..
ولكم باك مهندسناااا
وحشتنا بوستاتك ..
كل عام وامك بخير والله يعطيها طولت العمر وكل عام وامنا الكويت بخير والله يديمها لنا ..
بصراحه اختلطت الافكار علي .. ودي اعلق على كل نقطه
بس صار حوسه بمخي ..
راجع بعد ترتيب افكاري ..
تقبل مروري ..
kuwait

Eng_Q8 said...

kuwait

منور بوجودج

ثانكس :)
ماتشوفيش وحش

وانتي بخير وصحة وسلامه مشكوره يزاج الله خير

تيك يور تايم :)

حياج يا يبا

bo rashed said...

مهندسنا

:)
الله يخليلك الوالده انشالله وكل من يعز عليك ويديم علينا ديرتنا بخير

والزياده لو بنحسبها بحسبة عقل يعني احنا على هالثروة اللي عندنا المفروض يكون كل معيل مليونير ومن غير مبالغه ترى وقالها النفيسي الله يرحمه نص مليون وانقز
:)
الدواويين مالي شغل فيهم دام الديره سبهللا
وبوراكان ما اشتهيه لان قاعد بره الكويت وينظر على كيفه
تعال امسك ارضك علشان نحترم رايك

وبيتزا ايطاليا
لوووووووووول
من وين مطلعه هذا عاد عندهم بيتزا اسمها الفصول الاربعه

وبعدين دير بالك تزعل مره ثانيه
ترا اقول حق ديفيد سانتوس
:P
لك وحشه والله

wa6an-alnhar said...

هلااااا و غلااااا تو ما نور المكان
:)

-1-
كل عام و انت بخير و كويتنا بخير و خالتي ام مهندس بخير
لو ندري ان عيد ميلاد الوالده جان زدنا الزينه :)


-2-
انا بعد ميولي مو اقتصاديه...انا ميولي حلاويه و ككاويه
:)

-3-
يا خوفي يحذفون لهم جم عقال مع تكفى و نخيتك و خشمك خشمك و تنتهي السالفه
:S
اللي فيه ذرة وطنية لازم ما يقبل على نفسه انه يتعدى على شبر مو من حقه


-4-
يا ليت يرجع...احنا محتاجين ناس مثله بينا بالكويت

-5-
هاردلك
:(
بط جبدي الحكم




و بالنسبة لقرار رقم
2008\33

ترا مو أنا مو أنا اللي احن و اقول لا ترفع ضغطنا
:))

الله بيتزا ايطاليا .. ذكرتني بطفولتي
كنت احب بطاطهم اللي مسوي كيرلي
:p

`~MnO YeNSa! ~` said...
This comment has been removed by the author.
`~MnO YeNSa! ~` said...

العـــود احمد :)


كل عام و امك
والله يحفظها لك انشالله وكل عــــــام امنا الكويت بخيــــــر

وعلى ال120 !!! فقط لاغيـــــر
والمشكله انه النواب اهما المخلفين

ومسوين تعديات على املاك الدولة

thanks alot منتخب اليد

kila ma6goog said...

حمدالله عالسلامة

بالنسبة لزيادة الاسعار لا تشتري , هذا هو الحل الاقتصادي الوحيد

التاجر ما يعوره الا ان بضاعته تتكدس

و دام الناس تشتري فهذا معناته ان اسعاره مناسبة للأغلبية من زباينه

سدرة العشـــاق said...

حمدلله علىالسلامة و تو ما نورت المدونة

كل عام و الوالدة بخير و صحة و سلامة و عسى الله يطول بعمرها و يبارك فيه
و يعينك على برها و طاعتها ان شاء الله

بالنسبة لموضوع الدواوين اللي يقولون الديوانية من تراث الكويت اي نعم من تراث الكويت بس كانت من ضمن البيت يعني تنبني معاه مو كيربي و لا فوق أملاك الدولة

الشكوى لله

يعطيك العافية
:)

bass said...

هلا و غلا
welcome back dear

1. اللهم آميين

2. بنسبة لزيادة أشوفها الحمدالله زينة و صدقني ألي ماراح يرضى ب120 ما راح يرضى ب1000 ، أما عن زيادة الأسعار مرحلة و تعدي خاصة أذا بدت تحويلات التجار ألي النيابة ؟

3. الله يسمع منك

4. أقول خل يروح بستريح بوركان
الوطنية و الولاء لا ينجزئان و لعنة الله على مغنية و على من أبنة ؟

5. الله يوفقهم و يرحمهم من شلة أحمد حسب الله

أي والله حسافه تعادلتوا

6. بدون تعليق
وبعدين ترى رضاء الناس غاية لا تدرك ، و دايم سوي ألي يريحك أنت :p

دمت بالف خير

darkness said...

الحمد لله على السلامه

و عودة ميمونه ان شاء الله

و كل عام و انت و الوالده بخير

و ليش زعلت؟؟

و لي عوده اكمل الموضوع

:)

Eng_Q8 said...

بو راشد

الله يسلمك يزاك الله خير

المفروض :)

اي والله سبهللا

والله انا احبه :)

ماكو على عش الغراب

لووووووووووووووووووووووووووول لا ماراح ازعل
ما تشوفش وحش يا بعد قلبي ... يو تو :p

-----------------------------------


وطن النهار

منور بوجودج يالغاليه

وانتي بخير وصحه وسلامه ... بعد قلبي والله وين امي تسمع هالحجي :p


مممممممممم نايس نايس :)

اذا صارت جذي فالحكومه راح تفقد اخر شعره بهيبتها

اي والله صاجه

حتى انا بط جبدي

لا حشا مو انتي من قال انتي :))) المهم شوفيلي اسم حقه توهقت

لووووووووووووووول حتى انا :)

-----------------------------------

منو ينسى

ثانكس :)

مشكوره :)

العموم متخلف وانا اخوج

يعطيهم العافيه

-----------------------------------

مطقوق

الله يسلمك نور البلوق

شكله مافي غير هالحل :))

صحيح وعلى فكره في حملة مسوينها الحين :)

-----------------------------------

سدره

الله يسلمج يا اختي الغاليه :) منور بوجودج

وانتي بخير عسى الله يطولي بعمرج

هل هالمتخلفين يفهمون هالحجي

ونعم بالله

الله يعافيج :)

-----------------------------------

بس

هلا فيج ثانكس :)

المفروض بس 120 في الف علامة استفهام عليها اتوقع هالرقم محطوط عشان النواب يزيدون المعاشات فقط لا غير

انشالله

لا حول الله ندري انهم ما يتجزأون والله بس لازم الكل يتحاسب اهني مربط الفرس

خوش اغاني عليهم حسب الله :)

اوووووووه اشوف اتشجعين فريقي :)
لا تحاولين خسرانه خسرانه

نحن شمعه تحترق لاجل الاخرين :)

-----------------------------------

داركنس

الله يسلمج

مشكوره

وانتي بخير

مو زعلان :)

اوكي ناطرج :))

-----------------------------------

فتى الجبل said...

الف حمدالله على السلامة

Q8Disaster said...

حمدلله عالسلامه

وكل عام وانت بخير والوالده بخير والله يطول بعمرها

Q8Disaster said...

حمدلله عالسلامه

وكل عام وانت بخير والوالده بخير والله يطول بعمرها

Suhail said...

خمس مفالات في واحد ؟
ما في واحد هديه ؟

رائع دائما

Anonymous said...

حمدلله على السلامة أخوي كاسك يا وطن

ولي عودة للتعليق :)

wa6an-alnhar said...

eng_q8

ترا مو انا .. هذي وحده اسمها ام ابزيع وايد تتحلطم تقول افففف البوستات ترفع الضغط و اتييب الحارج

بس مالك شغل فيها هذي من بدا فيها الخراف وهي ان مالقت لها شغل تقوم تتحرش بخلق الله
:p

strawberry said...

هلا هلا هلا وغلا نورت مدونتك الحين الواحد يقدر يعلق ;p

فقدناك يالغالي وطولت بالغيبه
احب اقول حق خالتي كـــل عام واهيه الحب وكل عام واهيه بخير والله يطول بعمرها انشالله وبوسها على راسها وقول لها من بنتج ستروبيري

وكل هام ولكويت بخير انشالله وعسى ربي يحفضها

موضوع الرواتب شكلهم كل يوم قرار باجر اخر شيء الزياده بتكون 10 دينار
المهم نعمه

المهم اذا كانت مواضيعك ترفع الضغط هم عسل على القلب المهم تفشششششش خلأك هون :)

strawberry said...

وكل عام ولكويت بخير انشالله وعسى ربي يحفضها

bass said...

مهتدسنا

لا ما شجع فريقك ؟

أشجعك علشان نكتب ، و نهون عن ألي براسك :))

قصدي تظل تكتب

دمت بخير

حمد said...

عودا حميدا

وكل عام والكويت الحبيبة بخير

someone_q8 said...

السلام عليكم
الحمدالله على السلامة
وحياك الله اخوي
وبعدين مو كل ساعة طالع وامخلي البلوق , اركد واقعد وتحلطم مثل ما تبي بس لا تطول بالغيبات ولا تره افرض عليك الغنايم :)

شوف بشمهندس الديرة ماشية عالبركة , واللي يدري يدري واللي ما يدري يقول خمطة عدس ,
وشباب اليد هذول اللي المفروض انرزهم ونعطيهم اللي يبون لانهم دايما يبيضونها
مو شباب كرة القدم اللي يرفعون الضغط ومايدرون وين الله قاطهم
تحياتي يا حلو

dearkuwait said...

ولكم باك
من طول الغيبات ياب الغنايم



كل عام و والدتك بخير وصحة وعافية
والله يخليها لك ويخليك انت للكويت
:)



خوش دعاية يوعتني قمت آكل بيتزا بس مالت سابليه مو مالت بيتزا ايطاليا

Salah said...

مهندسنا الغالي

الحمد لله على السلامة

وكل عام والوالدة بألف خير

وان شاء الله هدية عيد ميلادها السنة الجاية انك تقطع التدخين

تحياتي

هـــدب said...

أهلا فيك و برجعتك مية هلا
البلوق كله فرحان بردتك
وكل عام والوالده بخير والله يعطيها طولت العمروالصحه وراحة البال
ونبيك ماتزعل ونبي انشوفك دايما متواجدونبي نشاط اقوي بكتاباتك
ويله شد حيلك يا انج المدونين

Ni3Na3aH said...

welcome back:)
wallh montakhab el yad... bayethaw el wayh o zyadah o ya36eehom el 3afyah!
wel fal 7ag montakh korat el Qadam.. ysawoon shay ybardon el galb feeh shway!
el da3ayah 3ajeebah... yarketh b7amas LOL

Selezya said...

شدعوه انا حنانه؟:p

:)) ولكمم باك يالغالي ولهنا والله

1- كل عام والوالده بخيرر وعاافية لو ادري جان سويتلها بارتي تينن محد يدخلها غيرها وغيرك وغيري :p
وديرتنا بعد عسا الله يحفظها ويخليها لنا
2- زياده تييب المرض ماعندنا شي سنع هني :)

3- صراحه انا مع منع ازالة الدواويين ولللكن ولكن ولكن بشرط ان الدولة تفرض ضريبه على كل واحد متعدي وبجذي الاثنين يستفيدون حالنا حال دول العالم

4- قريت هالمقال مسبقاً وخوش كلام :)

5- شسالفة ؟ فايزين؟ يحليلهم

6-لوووول اخخخييه ابي بيتزا

7- لووووول عجبني رقم القرار احسه طلع معاك بالغلط
زين ترا انا ماحن :p (مبين)

8- صج صج صج ولكم باك مره ثانية :)

Eng_Q8 said...

فتى الجبل

الله يسلمك من الشر :)

-----------------------------------

كويت ديزاستر

الله يسلمك

مشكور الله يطولي بعمرك :)

-----------------------------------

سهيل

في فيديو :p

مشكور :)

-----------------------------------

انيموس

الله يسلمك

حياك :)

-----------------------------------

وطن النهار

لوووووووووووووووووووووووووووووول

الكبر شين يا ام ابزيع :p

-----------------------------------

ستروبيري

هلا فيج منوره بوجودج
ما تفقدين غالي

مشكوره ترى وصلتها :)
الله يحفظ الديره

الحمدلله على كل حال

مشكوره :>

-----------------------------------

بس

اها اوكي يعني اتقصين علي :p

-----------------------------------

حمد

شكرا
عسى الله يحفظ الديره
-----------------------------------

انسان كويتي

عليكم السلام والله يسلمك من الشر

انشالله :)))

مافي تخطيييييط

اي والله رجال يستاهلون اما شباب القدم لا تعليق

شكرا :)

-----------------------------------

دير كويت

ثانكس :)

يزاج الله خير :)

مافي على عش الغراب :)))) شكلج مالحقت عليها

-----------------------------------

صلاح

الله يسلمك :)

مشكور يزاك الله خير

انشالله

-----------------------------------

هدب

هلا فيج ... مشكوره .. انا الي فرحان بوجودكم :)

يزاج الله خير ويطولي بعمرج

انشالله :)

-----------------------------------

نعناعه

ثانكس :)

اي والله بيضوها

شباب القدم ؟؟؟؟ يبيلها رياييل وانا اخوج

اي يحليله احب هالدعايه :)

-----------------------------------

Selezya said...

طحناا عليهم قاعدين يردون
:p

Selezya said...

الحين دوري صح

Eng_Q8 said...

سلوزه

اي :p

توله عليج العافيه :)

السنه اليايه :)

خل يدفعون فواتير الكهربا عشان يدفعون ضرايب ترى الكويتيين ما ينعطون ويه والله

اووووووه تطور قمنا نقرا مقالات نايس نايس :)

تأهلوا كاس العالم بس خسروا نهائي كاس آسيا

انييبلج بيتزا انتي تامرين امر

لا بالغلط :) انا احب رقم 33 :) انزين انتي ما تحنين :)

صج صج صج مشكوره يالغاليه:)

Eng_Q8 said...

سليزيا

لوووووووووووووووووووووووووووووووووووووووووووووووووووووووووووووووووووووووووووووووووووووووووووووووول

اخاف المراقب دازج علي :p

مو شي اخر شي تطلعين مباحث

Selezya said...

نيهاهاهاهاها

امبله بس ماقول

بس لا انا العصفورة قالتلي مو المراقب

Eng_Q8 said...

سلوزه

سلميلي على العصفوره وقوليلها مشكوره انها خلتج ادشين عندنا :)

Selfridges Girl said...

mokanek kbeeeeeeeeeeeer
kel 3am ow waldetik ebkhair yarab
ana a6leb mennik kil yom etbos rasha wetlimha wetwanesha plz plz plz mahma kent mathgho6 plz saw elly agola el2om ma tet3awath walla
marra thanya la t6awel chethy jad we miss u walahna 3ala nama6ek eseyasy. ow walla ma te7taj masa7a tarfehya ana mo wayed belseyasa bas ilove ure blog 3ashan oho chethy belkahraba elly feh my blog romance shahad marat funny ent seyassy 3alam blogger methel garden kel modawana laha nakhatha elkha99a u know :)ok marrat a7es nafsy chenny hendya kella badlyat:P

بو محمد said...

مهندسنا العزيز الغالي
عودا أحمدا إن شاء الله
وكلي ترقب لجديدك
و الله يحفظ لك الوالدة من كل سوؤ و شر و يزقها و يالك و كل المسلمين جنانه و رضوانه هذا للحظة و سامحنا على القصور
كل الأماني بالتوفيق

Eng_Q8 said...

Selfridges Girl


مشكوره :)

مكوره عسى الله يطولي بعمرج

انشالله ماعندي غيرها هذي الغاليه :)

توله عليج العافيه :)

اذا مو عاجبكم اشيلها بس قلت تغيير يعني
ومشكوره على المجامله الجميله

صحيح صحيح :)

لا ماعليج انطوف البدليات :>

-----------------------------------

بو حمود

شكرا :)

وانا ايضا بانتظار جديدك

مشكور يزاك الله خير

ما من قصور يا بو حمود

ولك ايضا:)

-----------------------------------

Selfridges Girl said...

يا د نيتي يا عمري انتي يا غلاي
يا أغلى ما في الكون يالحبيبه
يا وردة الجوري انتي يا دواي
يا نيض قلبي يا يما يالحبيبه
دعاج لي يا امي تراه منياي
ورضاكي من رضا ربي وتوفيقه
حبك سكن قلبي وروحي ودنياي
يا أول حب بقلبي شاف طريجه
أصبحك بالخير انتي يا دواي
وامسيك بالورد كلله ورحيقه
كلمات اهديها لكل ام فكل ام تستحق كلمات اسمى من ما وصفتها به لتمجيد اعمالهن التي لا تحصى
امي كم تمنيتك ان تسمعي ما كنت اخبئه لك حتى تدق الساعه لكي ارتله على مسامعك ولكن ساعتك كانت اقرب
لكنني متاكدة انك سعيدة بتقديمي اياها لكل ام ولتبجيلي لكل ام واولهم وطني التي لا طالما كنتي تحدثيني عنه ومن غيرك يا وطن يحتضننا بعد غياب امهات خرجن من ارحامهن يبقى الوطن الام التي تحيى لترعى اجيالا من بنيها فلا يسعنى اللا الولاء لك يا وطني يا وطن النهار يادرة البحار يا موج البحار ياشعلة تضيء بصائر الأحرار

Eng_Q8 said...

Selfridges Girl

كلمات رائعه وعسى الله يرحمها برحمته

هالكلمات حرام تنحط بكومنت لازم تنحط بابوست بروحها

يعطيج العافيه

Selezya said...

لوووول توهقت !!
شسلملك عليها طارت خلاص
المشكله هذا سلام ولازم يوصل !! بصير مينونه اسلملك على عصفوره عصفورة يمكن تطلع وحده منهم اهي اللي قالتلي :p
انا شقاعده اكتب ؟
:D حدي ضايعه

Eng_Q8 said...

سلوزه

لووووووووووووووووووووووووووووووووول

اشفيج اسم الله عليج

خلاص يبا انا بسلم عليها اليوم الفير :p

Selezya said...

شمعنه الفير يعني :s

ماكو عصافير هالحزة؟

Eng_Q8 said...

لا نايمين :)

Selfridges Girl said...

ما نمتوا
انا اليوم كنت رايحة حديقة الحيوان مادري ليش غلطة عمري قاعدة اشوف الصور الماساوية لووول
كسروا خاطري الحيوانات شكلهم بؤساء وين جمعية الرفق بالحيوان عنهم:)

حياتي هدف مو عبث said...

بالنسبه للدواوين

لازم يدفعون فلووس إذا بياخذ ارض اكثر من ارضه

لأن الحق حق لو على منو كان

ولكن ما يصيير يهدمون الدواوين بطريقة غير حضاارية

بإختصاار يعطون مهله وبعدها يزال اجباري او يدفع فلووس

واييي اذا تشووف سالفة الديوانية تافهه وفي مواضيع اهم منها .. هم في نااس شافوا موضوع الاصلااح اهم من موضوع مغنية

يعني كل واحد عنده شي مهم وشي اهم


والله يحفظ لك الوالدة ويجعلك من البارين فيها

Eng_Q8 said...

Selfridges Girl

الله ودي اروح اتصدقين :)

ماكو نوم :>

-----------------------------------

حياتي هدف

لا يبا لازم يزيلونها عطوهم مهله وخلاص
والقضيه مهمه لانها تمثل فرض هيبة القانون

اما بالنسبه لاولويات القضايا تخلف من شخص لاخر


مشكوره

-----------------------------------

Selezya said...

وختيي نايمين
خلاص اششش لا نقعدهم
:X

Eng_Q8 said...

سيليزيه

اوكي :>

Selfridges Girl said...

وييع نمر نايم و اسد محشش
الفيل امبييي انا اطول مننا
ولونه مو رادي لونه مصدي
انا ما توقعت الوضع ماساوي انصدمت
تعال يقول شي في بالفيس بوك احد نفس ايدك اللي على علم شكيت فيك :)
بس طلعت بنت هم شكيت مادري ليش لووول ايهو احسن لما اكتب شذي وللا عربي انجليزي ايهو اخف بدليت؟

Eng_Q8 said...

Selfridges Girl

لوووووووووووووووووووووووووووول

حتى الحيوانات طايح حظهم بهالديره لاحول الله

ماعندي فيس بوك ان حدي ايميل وبلوق ويو تيوب :)

جذي احسن من الانجليزي :)

Selfridges Girl said...

yalla namaw baskom sahar
warakom ashya2

Eng_Q8 said...

Selfridges Girl

انا ما وراي شي

Selfridges Girl said...

amby mo gadra anam:P

Eng_Q8 said...

Selfridges Girl

حياج الدوانيه احلى بلي ستيشن :p

Selfridges Girl said...

wee3 ma7eb play station hatha akraha :P
ana t3alamt men london hand ow kowt ow sebeta ow nethala
black jack bas mo beflos eb te6eresh loool ayam
bat3awath men ebles ow anam a7sally 7efathan 3ala 3iony ow jamalhom:P

Eng_Q8 said...

Selfridges Girl

عجييييب كوت ونذاله وهند

مو هينه

نوم العوافي يبا

darkness said...

صباح الخير

@@

اشوف امس السهره صباحي اهني

انزين ليش ما قعدتوني من النوم اسهر معاكم


:(

=1=
يا رب يخلي لنا الكويت و يحفظها من كل شر و يخلي لك الوالده و يرزقك رضاها و يطول عمرها بالطاعه و صحه دايمه

=2=
شنو الفايده من الزياده؟ اذا الاسعار شابه نار يعني ماكو فايد لو مو زايدين جان اهون
و الحين الكل يبي يتقاعد خلال هالفتره

يقولون لك لو عشر سنين ما انزاد 120 دينار و القرار اللي صدر ما بين ان هالزياده محسوبه اشلون
يعني هل ترحل مثل ما اهي بعد التقاعد و الا تطيح اذا تقاعدت؟؟

=3=
هههههههههه

امبيه احلف؟

يعني ناشط سياسي هذا كلامه

كدينا خير

:(

=4=
الله كريم

=5=
الحكم يبي له طق
:@



قرار رقم
2008\33
ههههههههههههه

زوغه القرار

:)

Someday said...

حمدالله على السلامه!
انا اصلا نسيت شنو كنت بعلق!!
اصف بالدور؟!؟!؟
اخخخخخ بس! حسافه!!! لو معلقه بالبوست الي طاف على المراثون الي تكتبه!!!
ماكنت ادري انك كنت تحقق الامنيات!!!

Shaima'a Alkandari said...

ولكم باااااااك ياخوي

وبالعكس انت هنى تفضفض

وانشالله تبقى الكويت شامخه دام فيها ناس تهمهم ديرتهم

والله يحفظ امك يارب ويخليها لكم

وكل عام واهي بخير

وحلو كلامك لها والاعتذار لشخص تحس انك قصرت معاه او زعلته بشي


وسالفه الزياده وغلا الاسعار شي يضحكني كل مااسمع هالطاري مادري ليش

وبعدين بيراجعون قرارهم مال الد\واوين لاسباب عديده :)

Eng_Q8 said...

داركنس

صباح الانوار

ماادري ... بس طافتج السهره :)

1 مشكوره عسى الله يطول بعمرج

2 الله اعلم

3 خوش ناشط :)

4 الله كريم

5 حده

شكرا :>

-----------------------------------

سمسم

الله يسلمج
لا تخطرين :p

توقعي الغير متوقع

-----------------------------------

شيما الكندري

ثانكس :)

انشالله

مشكوره

ليش اتضحكج

اجلو القرار :(

-----------------------------------

هذيان said...

من طول الغيبات

ولهنا عليك ومرة ثانية يا مهندسنا لا تطول علينا

أشتقنالك

Eng_Q8 said...

هذيان

توله عليج العافيه :)

شكرا :>

Peace said...

كل عام و الوالده بخير
و كل عام والكويت الام الغاليه بخير



ان شاء الله تبطل تدخين
علشان الوالده

Eng_Q8 said...

بيس

مشكوره :)

انشالله

marshmallows said...

اول شي كل عام وخالتي بخير والله يخليها لك
ويخليك لها انشالله
وبالنسبه للزياده عاادي بس انا موغاثتني الا 50 الوافدين
و القطاع الخاص لما سوو دعايه خلوها هده خله يتحدى
انا حتى لو كنت مقتنعه فيه و شفت هالدعايه بهون




اهم شي الدعايه ;p
خطيييييييييييره

Eng_Q8 said...

marshmallows

وانتي بخير مشكوره

لازم يعطونهم

اي والله دعايه فاشله

ما لحقتي على هالدعايه ؟

فريج سعود said...

كل عام وامنا وامك بخير

Eng_Q8 said...

فريج سعود

وانت بخير

كلنا للكويت . والكويت لنا said...

حياك الله أخوي مرة ثانية

بصراحة ما ندري نعلق على شنو ولا شنو :)

1 / اول شي ننعاد عليكم الفرحة وعلى جميع الكويتيين .


2 / بخصوص الزيادة وارتفاع الأسعار .. كل الناس قاعدة تتكلم وتعترض .. معقولة محد يقدر يتحرك ؟؟؟ انا من جد مستغربة .. إلا إذا الحكومة راضية على هـ الشغلة يبقى ما نقدر نتكلم احم احم يا المراقب شلونك :)

3 / والدواوين وإزالة الدواوين .. خلصت مشاكل الديرة ووقفت على الدواوين .. يبا شوفوا لنا شصار على اللي أبنوا مغنية .. وخلواسالفة إزالة الدواوين تالي !! غريبة



ويعطيك العافية كاسك يا وطن

بعثرة مشاعر said...

الحمد لله عالسلامة
و الله يخليلكم الوالده

ماكو أغلى منها

Eng.S said...

مرحبا ومية مرحبا بعودتك ياصديق
ولهانيين عليك من قلب ترى :)

زيادة الأسعار
عندنا استغلال من التاجر بشكل مقزز يا اخي
يعني يقولون تكلفة نقل و زيادة اسعار النفط وو...الخ
بالذمة منتجات الكي دي دي
قوطي الحليب يباع بالبحرين ب 150 فلس بحريني
وهنا بالكويت ب 150 فلس كويتي
شلون ..ترهم مادري

بالنسبة لأبوراكان
فقد اثبت علو كعبه و بعد نظرته بالأحداث السابقة

وانا افخر ايضا بمتابعتي له من تعلمت القراءة

تحياتي

Eng_Q8 said...

كلنا للكويت

الله يحييج

ماعليه :)

1 انشالله

2 لووووووووووووووووووووووووووول يسلم عليج المراقب

3 لو يايه على مغنيه جان الامر هين

الله يعافيج

-----------------------------------

بعثره

الله يسلمج

مشكوره

اي والله

-----------------------------------

الرفيق الزميل الصديق

هلا فيك :)
توله عليك العافيه

ما ترهم

صحيح

حياك

ومتى الفلنتاين الي بمدونتك بيخلص؟

-----------------------------------

Anonymous said...

ياحيالله مهندس كويتي... ياخوك احساس بايخ لمن ماتكون بالديره تاريخ 25 و 26 فبراير عشان تحتفل بديرتك بهالمناسبات الطيبه.... عالعموم... مبروكييين وكل عام وانتو بخير... احنه اهني اختبصنه يوم سمعنا عن اللي صاير بالديره... كل واحد مايعرف راسه من ريوله قام يتهجم عالثاني.. ويسمي نفسه "ممثل لطائفه" والله انت لا تمثل طائفتي ولا طائفه غيري... بعد هذا اللي ناقص.. واحد من هالخمه يسموونه شهيد!!! اللهم لا اعتراض!!!
وعلى فكره.. سلملي على بوعلي وقرص خدوده...
اخوك: مساعد مهندس متقاعد

Eng_Q8 said...

مهندس متقاعد

هلا بو جاسم هلا بريحة امريكا

وكل عام وانت بخير يا عني خلك اهناك اشتبي بالديره والا بترش فوم :p

اي والله ياخوك الديره قلبت فوق حدر الله يستر

ترى قرصته :p

زهب الشغل جم شهر ويايك :)

Anonymous said...

هههههه مهندس كويتي.. وهذي بوسه على خديدك الحلو :**** ... ياخوك مهما يكون حلاته الواحد يكون بديرته وقت هالمناسبات الطيبه.. وبيني وبينك.. اكثر شي مشتاقله اهي الدواوين.. وقعدة الحش والسوالف الصبح اللي صوب الكفتيريا اللي اب شسمه... :))))
يااااا حياااك الله.. الشغل زاهب وكل شي متوفر طال عمرك...

اخوك: مساعد مهندس متقاعد