Sunday, March 2, 2008

عندما يبكي الرجل

تحديث
الي يعرف وين احصل حلقة نبيل العوضي الي طافت لازم اشوفها مع اني قايل ماني شايف برنامجه بس هالحلقه لازم اشوفها وهم حيثيات الحكم على البنك الوطني الي صارت فالرجاء من الي عنده معلومات يفيدني فيها .... شكرا
-1-




اصعب دمعه هي الدمعه التي تنزل من عين الرجل ... فالرجل لا يبكي الا حينما يكون مقهورا بحق .. فكيف اذا بكى مواطن كويتي قهرا وهو في هذه الارض ؟؟ اقسم ان قلبي يتمزق حينما ارى رجل كويتي يبكي قهرا

الكويت دائما سباقه بالاعمال الخيريه ... فمن ينسى شعارمن يمسح دمعة هذا المسكين ... ومن ينسى المليارات التي ترسل الى الخارج ومن ينسى النفط والغاز ومن ينسى تسامح الكويت مع الدول التي وقفت ضدها ابان الغزو العراقي الغاشم واخذت تغدق عليهم بالمليارات ... اكاد اجزم انه ليست هناك دوله لم تتبرع لها الكويت سواء حدثت لها كارثه او لا وخيراتها تخطت حدود العالم

ولكن

حينما ارى مواطن كويتي يبكي لكثرة الديون فانني ارثي لحاله فكيف لدوله الخير والعز ان تعطي المليارات وتنسى

مواطنيها انها لمعادله صعبه للغايه

لست ممن ينادي باسقاط القروض ولست ممن ينادي باسقاط فواتير الكهرباء والماء ولست ممن يريد ان تصرف الدوله

النقود يمين وشمال لست ممن يريد اغداق النقود على المواطن بدون وجه حق

لكن حينما نرى كويتيا قد وصل به الحال لكي يناشد ايادي الايدي البيضاء او رؤساء الدول المجاوره هذا مالا ارضاه نهائيا

فكيف لدولة الخير بان تبخل على ابناءها ان لدينا اسر متعففه لا تمد يدها وهي بأمس الحاجه الى الدينار. هناك من لا يجد

اللقمه التي تسد جوعه والله اني لا ابالغ بالموضوع فكم من مواطن قد عرض كليته للبيع وكم من مواطن بكى قهرا و من

مواطن تفرقت عائلته وسجن

تبا لفوائد القروض التي قد تصل الى ماهو اكثر من القرض نفسه .. قد يقول البعض ولماذا هذا الانسان اقترض ؟؟؟ وانا اقول له انت لا تعلم ظروف هذا الرجل فربما كان محتاجا وربما يريد ان يشتري منزلا وربما كان يريد العلاج وربما وربما وربما ... ليس كل الناس هم ميسورين الحال وليسوا ابناء الخدامه لكي لا يحيون حياة كريمه حالهم من حالكم واذا البعض صادها وعشى عياله فهذيل دار عليهم الزمن فالروس نامت والعصاعص قامت وقاموا ياكلون الديره ..... فلماذا تثقلون كاهله ؟؟؟؟ اين البنك المركزي عن هذه البنوك التي تلعن خيره بالفوايد وهناك ميه الف شكل للفوائد؟؟؟

بدال ما انقط حق بره قطوا اهني ... بدال ما تعطون حق الي يحرقون علمنا عطوا حق عيالكم بدال ما تعطون حق ديره مو موجوده بالخريطه عطوا اهلكم بدال ما تعطون الي وقفوا ضدكم واسرائيل وقفت وياكم واهم لا عطوا عيال الديره شنو
كويتي يطر مو عيب ؟؟؟ مو حرام ؟؟؟ ديرة خيرها تارس العالم مو قادره اتعيش هالفقير المسكين شذنبه اذا اهو ما عنده
فلوس ؟؟؟ يموت يوع يعني خلاص ياكل تبن ويموت ؟؟؟؟؟ حدث العاقل بما يعقل ملياااااااراااااااااااااات لي بره واهني ولا
شي؟؟؟؟؟؟؟؟؟؟

ارد واقول انا ضد اسقاط القروض ولكن هناك حالات تصعب على الكافر ... صندوق المعسرين الي يتكلمون عنه وانا كنت ضده انا الحين معاه الف بالميه بس لايصير فيه واسطات وتنفيع والي ما عنده واسطه ينداس .... يا حكومه ترى مالكم الا شعبكم اهم الي بيوقفون صف واحد اذا صار بالديره شي والا الديار الثانيه بتعطيكم طاف النفط هالايام متوفر بس باجر راح يطلع شي ثاني والناس تنسى النفط منو راح يبني الديره منو راح يوقف معاها الي عطيتوهم ؟؟؟ طل .... هالديره مالها الا عياله
ا

عندما يبكي الرجل قهرا في بلده فان هذه كارثه وعندما يطلب المال من رؤساء الدول الاخرى فالكارثه اكبر وعندما يقول
البعض خل يولون فبئس الوطنيه والمواطنه التي تعرفون

عفوا انا ما ارضى اشوف كويتي او كويتيه يبجون بالديره فاذا كان الوضع عادي عند البعض فاعلم ان الوطنيه التي تتحدث
عنها هي مجرد كلام لانك ترضى لابناء جلدتك الذل والمهانه


-------------------------------------------


-2-

معاذ الدويله ابن القائد الحدسي مبارك الدويله كتب مقاله وذيلها باسمه وقبلها كاتب المحامي شكبرها ... بجريدة اليوم

لن ادافع عن علي الراشد ولن اقول ان مسألة منع الاختلاط اهم من القضايا المطروحه على الساحه ... ولكن عندما يقول بقايا العلمانيون هذه كلمة كبيره جد
ا

اذا كانوا الوطنيون هم علمانيون فاعلم ان اغلب الشعب الكويتي علمانيون ... اعلم يا محامي ان العلمانيه هي نظام حكم وليست دين فانا اعلم عندما تقولها فانك تقولها وكأنهم كفار ... وهل عملت احصائيه وعرفت ان العلمانيون متواجدون بهذه لدائره فقط ؟؟؟ وهم قله وبقايا ؟؟؟ مالا تعلمه يا سيدي الفاضل انكم انتم الاقليه انتم من يعتمد على القبائل والعوائل لكي
تصلوا انتم من تتلاعبون بالدين لاجل المصالح الشخصيه والوصول للبرلمان والا نسيتوا تاريخكم يا اخونجيه ؟؟؟ مشكلتنا متطشرين وهادينكم تصولون واتجولون لكن دوام الحال من المحال

وهم لما تتكلم عن الندوه الي سواها اتحادكم الموقر واتقول انها ناجحه وزين ما تحط صورتك وانت اتصفق لهم فانا اقولك
انها فاشله تدري ليش لان منعت البنات من الدخول مع ان قبلها كان في ندوه وبنفس المكان وكانت مختلطه وهم كان في
دكتوره قاعده بينهم شهالنفاق الاجتماعي الي تمارسونه وشنو هالندوه الي مستانس عليها؟؟؟؟؟؟
بسالك سؤال انت مو متخرج من جامعه مختلطه ؟؟؟ والدك مو متخرج من جامعه مختلطه اخوك مو الحين بجامعه
مختلطه ؟؟ اشوف ما صار فيهم شي والا انتوا منزهين ؟؟؟ شوفوا ربعك شقايلين بالجريده المفروض يا محامي انت ترفع
عليهم قضيه لانهم اطعنوا بكل من درس بجامعة الكويت

المهندس

Eng_Q8



------------------------------------------



هالمره الفيديو اهداء خاص حق المراقب :))) ماادري ليش حاس الكلمات لايقه عليه يستاهل مراقبنا خل اندلعه شوي

:p








38 comments:

حلم جميل بوطن أفضل said...

افتكينا من الأب طلع لنا الولد .. جمال يقطع الجمال

Kuwait said...

يعطيك العافيه مهندسنا ..
بالفعل دمعة الرجل صعبه ..
بالنسبه لي دمعة المرأه هي مشاعر وعواطف وأحساسي .. أما دمعة الرجل فهي بالمثابه الأولى تكون عجز وإنكسار وقلة حيله ..
عمر الريال ما بجى الا لما يلاقي ضغوط الدنيا تتحاذف عليه من كل صوب ..
خير الديره اهل الديره أولى فيه ..
أما على سالفة الاخ المحترم وجيكلي على محترم مبارك الدويله سوالنا بلبله على ايامنا بالجامعه على سالفة الاختلاط وهات يا ديج وديايه وتعليق على الطلبه والطالبات أشبه ما يكون بتشبيهات انسان طائش وأخرق ..
ما احترم وجودنا وشب فتيل الفتنه بين القوائم على شنو؟؟
مو عاجبك طلع ولدك وده السعوديه يدرس بدون اختلاط ..
والا عاد بو الوطنيه المحامي ولده لما خلص من الدراسه ياي يتفلسف ؟؟
خل يستريحون بس
تعليقي على الفيديو ..
لوووووول شخباررررررري خذ وخل نترس المشخال ماي .. خذ وخل نترس الشوربه دياي لووووووووووووول أيــام ..
تقبل مروري ..
kuwait

dearkuwait said...

1)
أي والله أصعب منظر اذا شفت ريال يبجي
صج قلبي يحترق لأن أدري دموعه ما تنزل عبط أو دلع نفس البنات

2)
وأقول لصاحبنا المحامي الفاهم اشفيك ماتدري إن علي الراشد بكبره محامي لا وبعد قاضي
يعني مو بحاجة لمحامي نفس شكلك يدافع عنه





واي الكليب عجيب خذ وخل
عطوفة وداوودان
أحلى شي في بداية المسلسل لما يكونون جنهم ألعاب صغار وتاخذهم بنت لابسة ملابس المدرسة
:))

كثر من هالمشاهد الاثرية

Salah said...

شنو اللي يخلي الرجل يبكي؟

الديون؟! يمكن بس في الكويت.

cheb_ali said...

1
صدقت شي يحر يعني الفلوس اتوزع يمين ويسار عطو اهل الديره ابرك
بس ماراح اكمل لا اخوره :)

2
هذا الشبل من ذاك الاسد
عيب اقولها بالكويتي :)

3
ماسوت على المراقب
بس زين اتسوي فيه :))

wa6an-alnhar said...
This comment has been removed by the author.
wa6an-alnhar said...

1-

هالارض فيها خير يغطي العالم

الله لا يعوز احد حق احد
:(


-2-

لو الله يفكنا من هالاشكال جان الديره بخير
:S


اللللللله
بوشميييييييييس عطوفه و داووودان
قبــــــــــــــــه
:)

حمد said...

مهندسنا العزيز

هناك موقع لشخص كسب قضية ضد احد البنوك

في الحقيقة هذه القصة تطرح تساؤلات عديدة

http://www.chakbom.com/

----------------

اما بالنسبة للدويلة

ففي الحقيقة هؤلاء وجماعتهم لا يستحقون الرد

الحبيب ينتقد العلمانية وهي الفكرة الوحيدة القادرة على الجمع مابين المسلم وغير المسلم والشيعي والسني تحت مظلة واحدة وهي مظلة الوطن والقانون .

وهذا ما لا فكره الاخونجي ولا الفكر الاسلامي بشكل عام لديه القدرة على تحقيق هذه المعادلة .

يكفي الاشارة الى ان هؤلاء الاخونجية لا يعترفون بالدستور عقدنا الاجتماعي , ويكفي الاشارة الى مواقفهم من حرية اقامة الشعائر الدينية وحرية الاعتقاد والحرية الشخصية وحرية التعبير وحرية الاختيار وحرية البحث العلمي وغيرها الكثير والكثير .

ملاحظات عديدة ومقضضين وفي الحقيقة لا يستحقون الرد .

تحية لك اخي الكريم ..

marshmallows said...

صح القروض لاعبه لعب بالناس انا مومع اسقاطها بس خل يخففونها او يطيحون الفوائد على الناس الي حالتهم ماتسمح انهم يدفعونها مو على الي ماخذها لسفر او سياره
و اذكر منظر الكويتين لما راحو ياخذون الزكاة صج وقتها عورني قلبي شكلهم كان لاتعليق =\

و بالنسبه حق معااذ لااتعب روحك ترى مااردى من المربوط الا المفتلت اهوا و ابوه سيم سيم
يمكن تذكر الندوه الي سواها ابوه من زمان لما قال عن الطلبه انهم ديج وديايه و غلط عليهم الاغلبيه عصبو الا ولده يدافع و مستانس استغفرالله انت شفت شيفته بالاول ؟؟


الللللللللللللللللللللللله جان زين يعيدونه والله ياحلات ذييج الاياام =\

سدرة العشـــاق said...

الشكوى لله

كله بصوب و الفيديو بصوب
من وين مطلعه

:)

Q80 Blogger said...

والله انا اقول حق العلمانيين خل يدشون بالفيديو ويقبون مع داود وانتصار
ههههههه

مهندس اشلونك؟
ادري مقصرين .. بس السموحه

ما اقدر امسك روحي عن التعليق عن الموضوع الاخير الي كاتب عنه !!

ليش يا اخي اختصار الوطنيه بالاختلاط؟
ليش الي يطالبون بالاختلاط وطنيين مثل ماتقول؟

ليش الباجي شنو؟
انا وهذاك وهذيج اذا ماطالبنا بالاختلاط
احنا مانعرف بالوطنيه؟ ولا نحب ديرتنا؟
يا اخي اهي وجهات نظر
واسمحلي .. الدفاع عن العلمانيه شي غلط .. العلمانيه منهج كامل يكاد أن يكون دين يعبده أصحابه
وشوف تركيا .. هذي اهي العلمانيه .. قتل وقذف كل مايوصف باسلامي

ومادري على اي اساس تقول اغلبيه واقليه؟
وهم على اي اساس تقول قبايل وعوايل؟

القوائم الثلاث الأولى بالجامعه مؤيدين للفصل
القائمتين الأوليات في التطبيقي مع الفصل
اتحاد بريطانيا .. مصر .. الاردن .. الخ

اتحاد امريكا تدري اشلون يفوز؟
تبي اراويك الاسامي وأحللك اشلون يتخذون من العوايل غطاء لهم
اشلون ينقون الأسامي نقوه .. ؟

يا اخي هذا تكتيك انتخابي .. يسوونه الوطنيين مثل مايسوونه الخفافيش على حد وصفك


ادري طولتها واهي قصيره
بس الموضوع قوي :)

يعطيك العافيه

Selfridges Girl said...

هايو اولا لو كل من خذى قرض ومشكل نفسه وقال ديرتي ديرت خير جذي نعلم الناس الاتكالية وناخذ قروض وبعدين نطالب كل انسا مسؤول عن تصرفاته هذي مو مشكلة الدولة بس انا اطلب ان ينزلون نسبة الفايدة لانها وايد كبيرة 9.75 جد وايد لو ينزلونها الناس ترتاح.
انا اقول بسنا قروض عشان سفرات وبيوت كبيرة وسياره اوللا لا وبعدين نقول ليش وليش
مسكينة ديرتنا الكل يبي ويبي في اشياء وايد اهم لازم نسويها بيوت خاصة للمعاقين مدارس لايقة لهم خدمات نفس الأوادم . هذي وجهت نظري

كلنا للكويت . والكويت لنا said...

السلام

بصراحة انا حبيت اعلق على الموضوع الاول اللي جد يعور القلب

انا من معارضي اسقاط القروض بس لما سمعت عن صندوق المعسرين قلت والله زين .. لان اكو ناس فعلا ما خذت القرض الا معتازة ..

ليش ما يطبقونه ؟؟ وياليت لو يتطبق يختارون ناس كفء ما تتأثر بالواسطات

طيب ليش ما يستحدثون هيئة يديدة .. ويسمونها هيئة مساعدة المعسرين أو اي اسم سنع .. حلو ..؟؟ مثل هيئة الزراعة ويخلون لها مسئول وموظفين

منها
قضينا على البطالة بالكويت وشغلنا عيالنا ..

ومنها اللي يشتغلون مثلا الباحثين والمحامين اللي في هالهيئة يشوفون الشخص فعلا يستحق وإذا طلع يستحق الهيئة نفسها تروح تسدد ديونه .. وتخليه يكمل حياته طبيعية مثل الناس

وشرايكم بعد يخلون فرع للهيئة بكل محافظة .. عشان يكثرون الموظفين :)..ويكون مو دورها بس دراسة احوال المعسرين .. لا .. يكون لها كذا دور .. مثلا .. لا خلاص ماني مكملة .. لأن لو بتكلم ماراح اخلص ..

والاحلام ببلاش

وبخصوص الفيديو .. احلى شي لما يقولون مدري يلحقنا عداوة ولا من كثر المحبة لووول

يعطيك العافية

حسافتج يا كويت said...

صندوق المعسرين
أسقاط قروض
كهرباء و ماء
فوائد القروض
كلها مسميات أخرجها ممثلين الشعب لدغدغة مشاعر الناخبين ولمصلحة النواب

نعم هناك أسر محتاجة واللة أعلم في حالهم ويستاهلون ولكن ليش وصلوا لهدرجة انا أقولكم ليش

1- تركيبة المجتمع الكويتي كلة يكلف نفسة اكثر من طاقتة و إذا صارلة موقف قوي وقاهر يحتاج فلوس يعجز عن السداد

2- قرارات وصراعات البنوك مع البنك المركزي

3-عدم إتجاة الكويتين لبيت الزكاة ووزارة الشؤون .... ليش لان الكويتي عيب ياخذ من هذولة و موعيب يطر من سالم العلي

4- بيت الزكاة وطريقة توزيع اموالة
واعتقد واللة العالم ان يت الزكاة رصيدة وانا اكتب التعليق هذا يكفي المعسرين وزيد لكن التوزيع معوق

5- المارد بيت التمويل الكويتي ماقصر صج انة من حقة لكن ساعد في هذي الازمة

6- البنوك والربا

7-عدم الوعي عند الكويتيين والصرف فلا ننسى ان الشريحة المعسرة الان هي من ال40 الى 55 سنة
وهي الشريحة التي انولدت على طفرة النفط والتثمين وابهاتهم شبعوا من المناخ فعاشوا ويبون يعيشون على ذيك الايام متناسين ان الدنيا ماتدوم على حال

واخيرا
دام الديرة تقط فلوسها برة بالزين والشين اعيالها اولى ولكن اولى بالخدمات والمستشفيات والشوارع والجامعات ووووو مو صناديق و اسقاط

Selezya said...

:( حناااام

bo rashed said...

مهندسنا

بعد صاروخك الجو ارض اللي ضربتني فيه

راح اعلن مقاطعه معاك مدتها

بوست ونص
:P
وبعدين ربعنا امهات القروض مساكين

اللي بيكشخ واللي بيشتري بيت يبه

طيحوهم مو احسن لاتروح حق رؤوف وبوالعبد اهي رايحه رايحه
خل تروح حق حمد وصالح

واتعب على شنبات داود بالكليب

Eng_Q8 said...

حلم جميل

اي والله

-----------------------------------

كويت

الله يعافيج
صحيح

المفروض اهل الديره اولى

اذكرها كنت بالكليه وقتها :)

اي والله ود ولدك السعوديه

لوووووووووووووووووووووووووووووول

شرايج وانا متذكر خذ وخل :p

حياج :)

-----------------------------------

دير كويت

1 اي والله عوروا قلبي

2 :)

لووووووووووووووووووول

انشالله :)

-----------------------------------

صلاح

اي والله يمكن بس بالكويت

-----------------------------------
cheb ali
1 لووووووووووووووووووووووووووووول عادي كمل مظبط المراقب اليوم :>

2 لوووووووووووووووووووووووووووووووول

3 خل يستانس ولدنا :p

-----------------------------------

وطن النهار

1 للاسف يا وطن اهل الديره اعتازوا حق الغير

2 ماراح يفكنا

:)

-----------------------------------

حمد

صحيح سمعت عنه بالرادو اليوم وشكور على اللنك لاني بعرف التفاصيل طول عمرك مرجع يا حمد شكرا :)

--

صحيح بس بط جبدي

صحيح ودائما العلمانيه هي الحل بس منو يفهم

حياك :)
-----------------------------------

مارشميلو

هل الحكومه تستانس لما اتشوف كويتي يروح بيت الزكاة ؟؟؟ سؤال يطرح نفسه


اي اذكر ... ما اقول الا مدام سيم سيم مدام مدام سيم سيم مدام :)

عندي اياه تبينه :p

-----------------------------------

سدره

ونعم بالله

حاظرين مو اخوج لي الحين يقول كنديشن يعني اعجبج بهالسوالف :p

-----------------------------------

Q80 Blogger

يانا المعارض لووووووووووووووووول :)

محنا قابين :p

هلا وغلا مسموح يالي اتعذر :)

علق يبا علق :)

اولا انا ولا مره ربطت الاختلاط بالوطنيه

ولكن الاخ يقول ان بقايا العلمانيين
موجودين بهالدائره ؟؟؟ وكلنا نعلم ان اغلب القوى الوطنيه الموجوده على الساحه طبعا اهم بهالمنطقه وانا ادري يا بلوقر اهو قصده ان كل وطني علماني خلنا من موضوع منع الاختلاط ولكن عندما اتقول الوطني اهو علماني واتقولها وانت تطنز فهذا ما ينسكت عليه ... واحب اقول اذا كانت العلمانيه اهي الي اتفيد الكويت فانا علماني واذا كانت الشيوعيه اهي الافضل للكويت فانا شيوعي واذا كانوا الاخونجيه اهم الافضل للوطن فانا اخونجي

لا نخلط الاوراق والوطنيه ليست حكرا على احد بس كلامه كان فيه الغام بايخه ورديت عليها

تركيا ما وصلت على ماهي عليه الا من العلمانيه وانا بصراحه مو مطلع على الي صاير ولكن الي اعرفه ان مرت الرئيس محجبه ومحد قال شي ؟!!؟

اسال المحامي على اي اساس ... وانا علىاساس الي اشوفه من ناس لا تشارك بانتخابات وساكتين وشوف نسبة التصويت بالانتخابات وانت راح اتعرف :)

اعرف سوالف الانتخابات واعرف شنو يسوون بالضبط ويكون بعلمك انا كنت ضد الي يسوونه بانتقاء الاسامي وهذا بدوي وهذا حضري

انزين طلبة بريطانيا اذا مو عاجبهم الاختلاط ليش قاعدين اهناك ؟؟؟؟؟؟

طلبة مصر والاردن :)) نو كومنت اخاف يزعلون مني :)

البيت بيتك والمكان مكانك وانت الي داش واحنا الي طالعين اخذ راحتك عزيزي :)

-----------------------------------

Selfridges Girl

هايو هيه :)

وجهة نظر احترمها

بس الغايب عليج يا اختي العزيزه ان في ناس صج محتاجين خلي القروض الي يستخدمونها لاشياء استهلاكيه

في ناس محتاجه الفلس الحمر في ناس تبي بيت شنو يعني يسكن بالشارع ؟؟ في ناس بتعالج وفي وفي وفي

لحد يشوف نفسه ويقارن نفسه بالناس نزلوا لي تحت شوفوا الشارع والله ان في ناس ما تحصل اللقمه واهم كويتيين بطن وظهر ودار عليهم الزمن

وديرتنا مو مسكينه ديرتنا فيها خير يغطي الدنيا وهذا الي حاصل وهالفقاره المساكين اولى من الي بره

-----------------------------------

كلنا للكويت

وعليكم السلام والرحمه

فكرة حلوه والله وليش سكتي كملي كملي :))

والله فكره حلوه وهم نشرها على المحافظات جميله جدا والله يستاهلون عيال الديره وانشالله احد يسمع


انتي الوحيده الي صدتي ليش انا حاط الفيديو :))))))))))))))

هالجمله اهي مربط الفرس مدري يلحقنا عداوه والا من كثر المحبه :))

حياج

-----------------------------------

حسافتج يا كويت

صحيح احنا نحتاج الى الخدمات والمستشفيات وووووو

ولكن اختلف معاك بكذا نقطه

1 مو الكل يكلف نفسه فوق طاقته

2 بيت الزكاة ووزارة الشؤون يعطونك بالقطاره واذا عطوك اكثر شي 100 دينار وهذا ما نسمعه من الحالات التي تظهر بالوسائل الاعلاميه

3 مو الربا قصدك ان مافي قانون يمسكهم مافي قانون يحاسبهم

وشكرا على المرور

-----------------------------------

Eng_Q8 said...

سليزيا

اكسروا خاطرج يبا

اي والله حنام

Eng_Q8 said...

بو راشد

لوووووووووووووووووووووووووووووول

ما سويت شي والله :)))))))

لا يبا لا تقاطع مالنا غناة عنك :)


اي والله صاج


عجيبه الشنبات :p

-----------------------------------

حمد said...

عزيزي مهندسنا

تسكر الموقع :(

عموما ستجد التفاصيل على هالرابط من موقع الان

http://www.alaan.cc/client/pagedetails.asp?nid=10278&cid=30

واعتقد بأن القصة بدأت تنتشر مع الصحف كما يقال امتنعت عن نشر القصة

ما يبون يبطلون باب :)

على كل

الريال اعرفه شخصيا بس مالي خلق اسوي مقابلة وتتسكر المدونة

لوول

تحية لك

Eng_Q8 said...

حمد

اشكرك على التواصل

ما تتسكر واذا سكروها مدونتي تحت امرك

اتمنى انك اتشوف حيثيات الموضوع عدل يا حمد

شكرا :)

فتى الجبل said...

آنا معاك ان بعض الحالات واهيا قليلة يجب دراسة ظروف تعسرهم بالسداد
لكن الغالبية تعثر لمجرد انه يبي الحكومة تدفع عنه
اما حدس او الاصلاح او الاخوان او اكبر المنافقين بالارض فهذيلي دايما يفسرون الامور على مشهاتهم لأنهم منبع النفاق

Kuw_Son said...

http://www.altariq2009.com/?p=264
http://www.altariq2009.com/?p=262

و عيش :)

Eng_Q8 said...

فتى الجبل

وهذيل الي اتكلم عندهم يا نهاش ترى حرام والله يموتون يوع بديرتهم اما الباجي كيفهم

صاج

-----------------------------------

ولد الكويت

اوكي :)

-----------------------------------

loco said...

loool nice video

حسافتج يا كويت said...

هذا بالضبط اللي بقولة عن عن بيت الزكاه لازم نعرف الملايين وين تروح؟؟ ليش يعطون بالقطارة

وبالنسبا للربا أنا قاصد اقول الربا لأن الربا حرام والحرام مايورث إلا الفقر والحرام و هم البنوك تتعامل مع الفوائد المركبة وهذا يزيد الطين بلة

وبيت التمويل الكويتي ياخذ شي إسمة التورق
ماطاح إلا إنبطح
كلة خوارة بخوارة

someone_q8 said...

السلام عليكم
اشلونك بشمهندسنا
شوف ياخوي
الكلام اللي قلته عن الريال اللي يبجي انا معاك لكن لو انشوف الاغلبية اللي ماخذه قروض راح تلقاها يا حق الشحاطه ولزوم الوجاهه الماصخه , او الاخ الحبيب يبي يدش البورصة ولما يخسر يقعد يتحلطم , ولا تلقاه يشتري بيت اعلى من دخله الشهري ومعاشه ما يكفي
انا معاك ان فيه ناس خذوا قروض للحااااجة الماسة مثل المرض او الديون المتراكمة او لأمور خاصة محد يدري عنها الا سبحانه
لكن هذول اقلية والماخذ للقرض حق التفلسف اغلبية

بالنسبة للعلمانية والوطنية والربط بينهم , انا ما احب اخلط بينهم لان كل منها له حكم خاص
اللي يبي العلمانية بالديرة له وجهة نظر احترمها , وايضا انا لي وجهة نظر ان الدين الاسلامي دين شامل وغير ناقص عشان ناخذ انظمة من دول العالم الاخرى
وحتى لو ما كان الدين امطبق بشكله الصحيح في بعض الدول فهذا مو معناته انه دين يأخذ عليه وانه ناقص
ارد واقول الدين الاسلامي دين غير ناقص من جميع النواحي سواء السياسية او الاجتماعية او الاقتصادية او الشرعية
لك مني كل تحية واحترام :)

الخيلاء said...

اهما ما توقعوا انه الناس بتستنكر البيان بهالقوه

فالحين قاعدين يحاولون يهدون الامور
خاصه انه ناس منهم و فيهم استنكروا الكلام بس بينهم و بين بعض مو جدامنا :)

اما الرقيب فا صج لجنا و خبنا لوول

Anonymous said...

http://www.emanway.com/multimedia/video//be/ak.WMV


:)))))

Anonymous said...

http://www.emanway.com/multimedia/video//be/ak.WMV


:)))))

mantovani said...

تحياتي لك

و لكاسك الجميل

اما بعد:

اخوي انا اتفق معاك ان الكويت تصرف يمين و شمال , على اللي يسوى و اللي ما يسوى ..

البلد نفسة يبجي و يدمع على هالحال
لا مرافق مثل الناس ,,, و لا بنية تحتية
فوضى فوضى

الدولة اخر شي قامت تدعي الفقر و قلة الكهربا , مع ان كل اهل الاختصاص يقولون ان الكهربا جنها البخت

---

المشكلة في نسبة لا يستهان فيها
من اهل الكويت الاحباء

منهم العسكريين و المدرسين
و صغار السن من الموظفين الحديثين التعيين
مافي عندهم ثقافة ائتمانية
و لا في سبب يشجعهم انهم يفهمون شنو يعني ائتمان

المهم اطيب خاطري

المهم الموتر

المهم جاكوزي في حمامات بيت الحكومة !!

المهم لبسي ماركات

المهم اروح اسافر و انقط على البنات

-----

الشعب اولوياته غلط

الشعب غير واعي

لو الانسان عنده سجل ائتماني معتمد من الدولة ... تقيمة من خلاله
جان احنا بخير

---

اعزائي

انا ما اتكلم عن اللي اخذ قرض علشان يشتري كلية يزرعها بجسمه

و لا تكلمت عن اللي ماخذ قرض لضرورة قصوى

الكلام اللي انا اقولة تقدرون تتأكدون منه من مسؤول حساباتكم في البنوك اللي تتعاملون معاها

سألوه : هل الشعب عارف مصلحته ؟؟؟



---

اعتذر على الاطالة

مانتوفاني

حمد said...

مهندسنا العزيز

عاد الموقع للعمل

وهو موقع خالد الزامل الذي كسب الحكم في قضيته المرفوعه على البنك الوطني

http://www.chakbom.com/

Eng_Q8 said...

loco

ثانكس :)

-----------------------------------

حسافتج يا كويت

ربا تورق مرابحه كلهم نفس الشي والا اشلون البنك راح يربح ؟

-----------------------------------

انسان كويتي

وعليكم السلام والرحمه

يا اخوي ما تقدر اتقول اقليه والا اكثريه ترى اغلب الكويتين ما يتكلمون ويقولون ما عندنا وترى الي اتقول عنهم ياخذون قرض عشان الشحاطه مو وايد وجم ياخذ اساسا مستحيل واحد ياخذ 50 الف عشان يتشيحط... على العمومو انا مالي شغل بهذيل انا اتكلم عن الي مو لاقين ياكلون صج

وجهة نظر احترمها

حياك يالحبيب :)

-----------------------------------

الخيلاء

واشدراج شصاير بينهم اخاف متعاونه :p

خليه يخبنا انا مستانس عليه

-----------------------------------

انيموس

مشكوووور :)

-----------------------------------

mantovani

حياك الله ياخوي

ياما تكلمنا عن هالموضوع بس عمك اصمخ

اتفق معك

كلامك صحيح

ارد واقول انا مااتكلم عن هذيل انا اتكلم عن الي حياتهم صعبه ومحتاج

وشكرا للمورور وبالعكس اخذ راحتك

-----------------------------------
حمد

شكرا :)

-----------------------------------

`~MnO YeNSa! ~` said...

قد تجدي الابتسامة

:)))

bass said...

الشكوى لله

الظلم الضغوط العجز تخلي حتى الصخر يبكي


الدويلة

نفي ألي أفغنستان ، و يفكونا
واهم يرتاحون و أحنا نرتاح

لووول

دمت بخير

Eng.S said...

صديقي

شنو تعريف الوطن؟؟
تراب ..بحر.. ابراج .. كونكريت

الوطن بعياله .. كرامة الوطن من كرامتهم

ودمعه رجل كويتي مقهور تساوي عندي الكويت و مافيها

نعم هناك الكثير من اخذوا قروض للكماليات و ظلمو فئة كبيرة حدتها العازة بتصرفاتهم
لكن ما يمنع ان الدولة تجد حل فوري لكل محتاج من ابناءها

قالها المرحوم عبدالله السالم "كل ماتحت الأرض من ثروات حق لمن هو فوق هذه الأرض"

يا اخي مانقول طيحوا القروض ..بس حطوا حد لجشع البنوك
ليش تحرمون الناس العيش بحياة كريمة؟؟


بالنسبة للدويلة جونيور

لكل داء دواء يستطب به.. الا الحماقة اعيت من يداويها

طاف مسكين


تحياتي
بوست روعه ..لا عدمناك
:)

Eng_Q8 said...

منو ينسى

بويه منو عاد :)

-----------------------------------

بس

ونعم بالله بس لازم انشوف لنا حل

المفروض

دوم هالضحكه

-----------------------------------

السلم

متفق معك كالعاده

يمناك :p

Happy BirthDay 2 u :*
-----------------------------------

Q80 Blogger said...

اول شي ضيقت خلقي يا اخوي لأنك قلت محنا قابين

انا قلت العلمانيين

هل تعد نفسك علماني؟

ثانيا
انت ترد على الغلط بغلط
تقول الوطنيين الي يطالبون بالاختلاط .. لأنه يصف الوطنيين بالعلمانيين
!!!!

المفروض تكون افضل منه وأذكى

الوطنيه ماتختصر بوضوع معين على ما اعتقد


اما بالنسبه لتركيا .. فمادري شنو قصدك بالي وصلوله
بعد ماكانو منبع الخلافه ويحكم نصف الارض
اصبحت دوله .. عملتها بسعر التراب

هدفها الاساسي هدم كل ماهو اسلامي .. هذي العلمانيه الي يدعو لها البعض
تدري انهم يمنعون الحجاب من البرلمان والأماكن الرسميه!!

اما مرت الرئيس .. فهذا الشي توه صار .. بعد فوز حزب العداله والتنميه بالانتخبات
والذي يمتكل جذور اسلاميه قويه .. لذلك تجد زوجة الرئيس محجبه
وقبل اسابيع تم الغاء قانون منع الحجاب العلماني الظالم من قبل هذا الحزب الشريف


ومافهمت وجهه نظرك بالانتخابات وفوز القوائم المؤيده للفصل الصراحه !!

اما كلامك عن خطط الانتخابات .. فانا ادري انك مو جاهل بهل امور خصوصا وانك خريج جامعه الكويت
بس حبيت اذكرك .. لأنه الموضوع مو حصر على التيارات الاسلاميه
هذا تكتيك يسوونه الوسط الديمقراطي واتحاد امريكا مثل ماتسويه اي قائمه ثانيه

وشكرا على صدرك الوسيع
ورايح اعلق على الموضوع اليديد :)
وهم معارض :)