Monday, March 10, 2008

يعحبني و يحزنني

البوست اليوم بيكون مختصر شوي ادري انها مو عوايدي ولكن مثل ما يقولون خير الكلام ما قل ودل وبما ان في مواضيع وايد فماني مكثر بالحجي
يعجبني وزير الداخليه بعد الرد السريع على الطبيبه نوال بو شهري بجريدة الراي بعد ذكرها التجاوزات بالادله الجنائيه
يعجيني من طالب باتباع الادله الجنائيه لوزارة العدل لكي تكون محايده
يحزنني ذكر احد المتجمهرين امس امام امن الدوله بان رموزهم الدينيه يجب ان لا يتم التحقيق معهم ؟!!؟ بغض النظر عن رايي بالموضوع ولكن لماذا هذه الهاله على مشايخهم وحينما ننتقد مشايخنا بالمذهب الاخر الوضع عادي يا بشر كلكم مسلميييييين وكلكم كويتيين ؟؟؟
يعجبني الشيوخ الذين ازالوا تعدياتهم على املاك الدوله ... فعلا هؤلاء هم شيوخنا
يحزنني ما يحدث بالكره الكويتيه
يعجبني نبيل العوضي حينما تحدث عن الفضائيات المبتذله ... عشان لا تقولون انا كله ضده
ماادري يعجبني والا يحزنني قرار وزارة الداخليه بالنسبه على الملصقات الي على السياره ؟؟ سؤال وجيه اذا انا اشجع ايطاليا وحاط علمهم يعني ما عندي ولاء وتنسحب سيارتي ؟؟؟؟ انزين انا حالف راح احط علم روما على الجامه الخلفيه اذا فازوا بالدوري او دوري الابطال يعتي ادفع كفاره والا احطه والا شالسالفه ؟؟؟
يحزنني عدم اكتمال النصاب لجلسة المعاقين ... ليش لان ما وراهم اصوات والا ما تبونهم ؟؟
تعجبني جريدة الشاهد هذه الايام خصوصا بتطرقها لمواضيع المال العام سواء لسراق الوطن او المختلسين الصغار
يحزنني ما اشاهده من صراع بين اطياف المجتمع وانشغال الفئات الاخرى بالامور التافهه
يعجبني من لا يريد ان يشق صفوف الوحده الوطنيه ويتحدث عن الامور المهمه
يحزنني هذا التناقض الذي يمارسه البعض فمحمد العوضي ضد الاختلاط اشلون قاعد بالباص مع متفوقات المعهد لديني وهذا ما ذكره بمقاله امس الاول ؟؟؟ حلال عليكم وحرام علينا والا انتوا منزهين ؟؟؟؟


وبس هذا الي طرى على بالي ومالي خلق اروح ادور بالجرايد مره ثانيه دام اني مو معصب اليوم ماابي اخرب المود
--------------------------------------
كلمات احزنتني كثيرا عشية وفاة الدكتور احمد الربعي ارسلها لي صديقي المهندس سالم وسوف انقلها مع بعض التعديلات التي اجريتها عليها
في وطني كان هنالك رجل وطني
كان صاحب موقف وفكر وطني
اليوم بكى قلب وطني
وضاعت كلماتي برثاء هذا الوطني
في وطني كان للكلمة فارس وطني
ورجل سياسي ولا يهمه غيرك يا وطني
من يعزي من اليوم يا وطني
اعزيك او ارثي لرحيل الساحر الوطني




---------------------------------------------

هاردلك اقولها وانا كشرتي من اهني لي اهني الى كل مدريدي وخاصة بس واقولهم لا تتحرشون بالذيابه وهذا خلصنا منه وياويلك يالياي وعقبال الدوري الايطالي ودوري الابطال انشالله





---------------------------------------

بعد تفكير طويل الفيديو اليوم غير ... وله قصه معاي .... اذكر برمضان لما كانوا يحطونه بالتلفزيون كنت متابعه المهم بالحلقه الاخيره مات ... جان اركض واروح فوق السطح واناديه فلاااان فلاااان مثل ماكان يناديه الي معاه طبعا اسبوع وانا ابجي وتوهقت الوالده فيني ... وخذيت دربيل عمي وظليت قاعد فوق السطح لين يانا الغزو وماخلوني اروح فوق السطح ... المهم ما دريت ان فلان مو صج الا لما صار عمري 12 سنه مع اني لي الحين اطالع الغيمه واقول كاهو فلان .... منو فلان ؟؟؟ شوفوه ودوكو كابي دوكو كابي اندرااند ديرا جاجاجاجاجا .... هذي اغنيته بالياباني بس بحط الي بالعربي :)

28 comments:

bass said...

لووووووووووووووووووووووول


أرد أعلق بعديين ، فقط أثبات وجود :))

wa6an-alnhar said...

انا ناطره البوست المـــــو سياسي
:)
قلبك ما يطاوعك يا مهندس

منظر التجمهر امام مبنى امن الدوله شي يثير الخوف ... عسى الله يطفي هالفتنه و يحفظ هالارض


اعتقد قرار الملصقات يخص الملصقات اللي تثير الطائفيه
حط علم روما على مسؤوليتي
بس اذا اسحبوا سيارتك مالي شغل
:p

انا بعد حز بخاطري عدم اكتمال النصاب بجلسة المعاقين
:(
و اللي يقهر و يبط الجبد لي اطلعوا بوسائل الاعلام اكشخوا بقضايا المعاقين


يعطيك العافيه يا باش مهندس

Eng_Q8 said...

بس

اوكي :)

-----------------------------------

وطن النهار

انشالله قريب :)

انشاالله

لوووووووووووووووووووووووووووووووووول على طول خونتي :)

اي والله يلعبون بمشاعر هالفقاره

الله يعافيج :)

-----------------------------------

هذيان said...

جميعنا لا يختلف بأحقية أن تكون الأدلة الجنائية لوزرة العدل
ولكن مهندسنا لما هذا الوقت بالذات التي أختارته الدكتورة وهل حقيقة أننا دولة قد نصل إلي هذا المستوى من البوليسية

فقط حق اراد به باطل

شكرآ يا مهندسنا

Eng_Q8 said...

هذيان

والله ماادري يا هذيان ولكن موضوع يستحق النظر فيه سواء كان هناك غرض او لا وانا ماادخل بالنيات

عفوا

Mohammad Al-Yousifi said...

يعجبني بوستك المختصر المفيد

Eng_Q8 said...

مطقوق

شكرا من ذوقك :)

darkness said...

الله جونغر جونغر البطل المغوااااار


:)

dearkuwait said...

أي والله أنا بعد وياكم
يحزنني إن المعتوق صار بطل والناس يتجمهرون ويعتصمون عشانه
والله شكلهم اليوم بالجريدة يثير القلق ما كأنهم تحالف أو حزب هذيل شكلهم شعب اشكثثثرهم
اللهم احفظ كويتنا منهم








كنت تروح فوق السطح تقول فلاااان فلااان .....ويلا فلااااح فلااااح واطير حمام؟؟؟؟



عسى ماشر الهذرة قليلة في هالبوست
شكلك مالك خلق

Anonymous said...

يعجبي ما أعجبك ويحزنني ما أحزنك
وأشد ما يحزنني في ما كتبت عن الكرة الكويتية ذات التاريخ العريق ولكن لهم يوم واللة فوقهم

كما أود أن اسجل إعجابي واقول
تعجبني مدونة كاسك يا وطن
ويحزنني إن إسمي حسافتج يا كويت

على نفسها جنت براقش said...

لوووول
كاتب معلقه و تقول مختصر

عسى بس لقيت فلان اللى تناديه
:)

وردة حب said...

هههههههههههههههههههه

الله يستر عليهم

شكرااا حبيبتي

Eng.S said...

صديقي

عسى الله يجيب العواقب سليمة
الكويت ماتستاهل اللي قاعد يصير فيها

بالنسبة للمعاقين
لأنه ما وراهم اصوات ..
نسوا ان لهم رب كريم راح يحاسبهم



تحياتي

Anonymous said...

حاليا .. الكثير من الأشياء في الكويت تجلب الكآبة

Peace said...

كل هذا مختصر
!

الحين انا قلت بقرا سطرين
:)

انا انصحك و اقول ما له داعي
تقرا جرايد و تتابع الاخبار
عشان لا تضيق خلقك

صبا said...

الحمد لله ان مزاجك حلو

والمود تمام انشالله دوم

خوش بوست ويعطيك العافيه

Kuwait said...

يعطيك العافيه مهندسنا على البوست والأعصاب البارده نوعا ما اليوم :P
تدري انا يعجبني البوست المختصر ويحزنني عصبيتك ..
تعجبني وطنيتك .. وتحزنني أوضاع الديره هاليومين ..
يعجبني الي ذبحنا بالغبار كل شي مغبر طلعه وحطه لنا ونثر علينا الغبار وشيش الحساسيه .. ويحزنني ان كل هالاشياء الي قاعد تحطها اندثرت وراح زمنها :(
قواك الله عالبوست ..
وناطرين البوست الياي
تقبل مروري ..
kuwait

someone_q8 said...

السلام عليكم
ماشاء الله اليوم كتابتك وايد هادية وامبين ان ضغطك الحمدالله ثابت ومعتدل :)))

خلها على الله لو خليت حربت ياخوي :)

Anonymous said...

على طاري جونقر

تدري أني ليلحين ما شفت الحلقة الاخيرة
كلة من خالتي قالتلي تعال معاي الجمعية ماني مطولة ورحت معاها و طولت وطافتني
ولي يومك هذا وأنا ما شفتها

ذكرتني واللة بذيك الأيام
كانوا يحطونة الساعة 5 العصر
وكنت اشوفة مخدامتنا تيب الحليب مع البسكوت وكان يبرد الحليب وتفتفت البسكوت و أنا مبطل حلجي

مشكور على البوست الرائع

Anonymous said...

اليوم مو مدخن صح؟

فتى الجبل said...

الاحزاب المتاسلمة دايما تعتبر نفسها فوق القانون وما تطيح ابدا بالغلط
والاكثر انهم يعتبرون قوادهم آلهة لا يجوز المساس فيها

شقران said...

مهندسنا العزيز
مساك الله بالخير

قبل الدخول في تفاصيل الموضوع
أعجبني تعليق العزيز حسافتج ياكويت
ولكأنه يصف حالنا أمام المسلسل وخصوصا سالفة الساعة 5 العصر

وعودا على ثنايا الموضوع

فحقيقة انت الذي تعجبني وليس هم

كما انني من مؤيدي نقل الادلة الجنائية لوزارة العدل وهذا هو الأصح

اما ماقلته الدكتورة فلست من هواة التصعيد الاعلامي دون ادلة وعليه لن اصدق أو أكذب حتى نرى الادلة الملموسة وخصوصا أن فيها قضية تحرش وسمعة رجل على المحك

وماشاء الله أراك تمتدح الشيخ نبيل العوضي

حقيقة فعلا أثبت إنك إنسان ديموقراطي :)

أما الملصقات فإنني كنت منذ زمن مع ازالتها ولازلت لأنها بدأت تأخذ أبعادا طائفية ومذهبية

ولاعزاء لملصقات روما

ونشكر المهندس سالم على كلماته في رثاء رجل لم تحزن عليه الكويت فقط

بل أن رسائل الرثاء تناثرت من جميع أصقاع الأرض

وهذا ما رأيته من تعليقات على الخبر في مواقع اخبارية كالعربية وصحف خليجية ودولية كالشرق الأوسط

فلقد كان الناس من كل حدب وصوب يتاوسون ويعزون بعضهم في فقيد رجل

لايجود الزمان بمثله دائما..بل كل عقود وعقود


ولك مني خالص التحية القلبية


المحــــــــــب/

شــقـــــران

marshmallows said...

يعجبني كل الكلام الي قايله

يصعقني انك مادريت الا لما صار عمرك 12

Eng_Q8 said...

داركنيس

:)

----------------------------------

دير كويت

الله يحفظ الديره

لا مااحب الحمام ولا اعرف فلاح اعرف جونقر :)

ماشر بس التغيير زين وانا اخوج :)

-----------------------------------

حسافتج يا كويت

شكرا :)

الاعجاب متبادل

-----------------------------------

براقش

هذي معلقه حرام عليج ظلمتتيني اصلا هذي تعتبر خاطره :)

لا طلع رسوم متحركه :)

-----------------------------------

وردة حب

عفوا حبيبي !؟؟

-----------------------------------

السلم

اي والله ما تستاهل

صحيح

حياك

-----------------------------------

محسد

انظر الى الجانب المشرق

خل اقول حق نفسي بالاول :)

----------------------------------

بيس

اي مختصر :p

مااقدر للاسف :)

-----------------------------------

صبا

مشكوره :)

الله يعافيج

-----------------------------------

الكويت

هلا وغلا الله يعافيج :)

:)

الله يقويج وحياج :)

-----------------------------------

انسان كويتي

وعليكم السلام والرحمه

الحمدلله :)

عدل

-----------------------------------

حسافتج يا كويت

عندي اياه كامل اعطيك اياه :)

-----------------------------------

Eng_Q8 said...

سلوزه

غلط :)

Eng_Q8 said...

فتى الجبل

للاسف هذا الي حاصل

-----------------------------------

شقران

بالنور والعافيه حيالله القاطع

بعد قلبي من ذوقك :)

كل شي يبين بالنيابه ما يندرى متحرشين والا لا

اعجبك :) من زمان ديمقراطي بس محد يصدق

كل شي الا روما كيقهم عاد :p

صحيح الله يرحمه برحمته

حياك يالغالي :)

-----------------------------------

مارشميلو

لان الطفل على ايامنا يظل طفل لي ال14 مو الحين يطق ال 9 سنين يعرف كل شي

-----------------------------------

كلنا للكويت . والكويت لنا said...

Eng_Q8 يعطيك العافية

بصراحة لو تقعد مع نفسك أكثر .. وحط خانة باللي يعجبك وخانة ثانية باللي ما يعجبك أعتقد راح تنصدم

لأن الحاصل بالديرة ان الشغلات اللي مو عاجبتنا وايد .. واللي عاجبتنا تنعد على الأصابع

وعساك عـ القوة

Eng_Q8 said...

كلنا للكويت

ادري وحطيت وانصدمت للاسف

بس الواحد شيسوي يا يبا خلينا نتفائل

الله يقويج