Friday, March 28, 2008

ما ينفع الكلام

-1-
من مصدر موثوق بعض القبائل تجري الانتخابات الفرعيه خارج البلاد !!!!!!!!!!!!!؟
وبما انهم بيسوونها بره يعني محد راح يحاسبهم ولا احد يقدر يكلمهم ... ولن تستطيع الداخليه او الحكومه بفعل شيء لان الفرعيات قد تمت خارج حدود البلاد ويستطيعون الانكار اذا ما وجهت التهم اليهم ... ان الله لا يغير ما بقوم حتى يغيروا ما بانفسهم ... اذا كانوا اهم جذي اشلون بتغيرونهم ... ماادري شقول بس اتمنى انهم يحطون الكويت جدام عيونهم
-------------------------------------
-2-
علي الراشد صرح بتصريح بجريدة الشاهد وانا لي تعليق عليه
انا معاك بالي قلته عن القوانين قلبا وقالبا ... بس شنو 100 نائب ؟؟؟ انت من صجك والا تتغشمر لا وعشان يطبخون القوانين باللجان الداخليه ... اقول يا علي الراشد انتوا خمسين وكل طبخاتكم محترقه اذا صرتوا 100 بيصير الاكل محروق ومن غير ايدام ... اقول خلك على منع الاختلاط ابرك
-----------------------------
-3-
مسكين الي برجه الحمل والي برجه الثور .... شي يظحك بصراحه دشوا اهني وركزوا على المال كلهم نفس الشي الا هالبرجين ... يعني الي كاتب الابراج اليوم ماله خلق والا شهالحظ الي كلهم نفس الشي .. مادري اشلون الناس اتصدقهم يمكن هذيل اعضاء مجلس امه سابقين يجوز
-------------------------------
اللــــــــــــــهم لا اعتـــــــــــــــــــــــــراض

37 comments:

حمد said...

ماعنده سالفه علي الراشد بما قاله

الاعضاء كافيين وماعندهم شغل وضيق الوقت عندهم سببه المجاملة الاجتماعية الالتزام بالعزاءات والاعراس والالتزام بزيارة الدواوين بشكل مستمر

هذا كله مضيعة للوقت كان من الممكن ان يستثمر النائب شيئ من هذا الوقت في البحث والاطلاع والدراسة وبالتالي ستتحقق الانتاجية .

مع تقديري لعلي الراشد الا انه فعلا لم يوفق في ما طرحه بهذا الخصوص ولو انه قال نفكر بالموضوع ولم يتخذ موقف نهائي .

تحية لك اخي الكريم

Eng_Q8 said...

حمد

صحيح

حياك بس ماقلتلي شنو حل الفرعيات الي تقام بالخارج

Q8Sky said...

زيادة عدد النواب اتوقع انه امر لازم يتم فهذا يقلل من ثقل الحقائب ويخلي في زيادة طردية بعدد الحكومه ، لكن مسألة ال100 نائب اهيا اشوية Over على ما اعتقد.

الفرعيات الخارجية مو اصعب شي انه يتم طلب من قبل الدول اللي تقوم فيها تلك الفرعيات بالتحري عنهم ، اذا صج يبونهم يبونهم وصعبه توصل هالمواصيل.

الابراج عمري ماقريتها سخافات وحجي حق فئه مسكينه يشترون كتبهم بالنسبة لي الحظ اهوه صناعتي .

تسلم على التنويعه الحلوه ؛)

Sn3a said...

خارج البلاد
والله يضحكون
رياييل طول عرض
عيب عليكم والله العظيم

ماشفت مقاله الراشد
بس بالنسبه لي حتى ال 50 نائب وايد يعني
احسب حساب ان نصهم ويمكن اكثر داشين يضبطون امور ربعهم اللي انتخبوهم بالفرعيات

فتى الجبل said...

وبهالشي يثبتون ان قبيلتهم فوق الكويت
وبهذا يثبتون خيانتهم للديرو وقوانينها
بعدين احنا اشدرانا ما يصير تدخل من عيال قبيلتهم السعوديين بالفرعيات ان تمت هناك

kila ma6goog said...

الفرعيات مالها أي حل خارجي

حلها الوحيد يأتي من داخل القبيلة و من الشباب بالذات

و أعتقد ان الكثيرين من أبناء القبائل غير مقتنعين فيها و يمكن مواضيع الأخ شقران توضحلنا هالجانب

kila ma6goog said...

الفرعيات مالها أي حل خارجي

حلها الوحيد يأتي من داخل القبيلة و من الشباب بالذات

و أعتقد ان الكثيرين من أبناء القبائل غير مقتنعين فيها و يمكن مواضيع الأخ شقران توضحلنا هالجانب

Eng_Q8 said...

كويت سكاي

هذا رايك وانا برايي 50 كافي :)

و100 وايد اوفر

صحيح

وانا بعد ما ااومن فيها بس قريتهم بالصدفه وحطيتهم :)

الله يسلمك شكرا

-----------------------------------

سنعه

بعد شتسوين

صحيح

-----------------------------------

فتى الجبل

صحيح كلامك عدل

-----------------------------------

مطقوق

وهذا الي ندعوا له

-----------------------------------

Q8i Blogger said...

خل يسوونها وين مايبون
بس راح تفقد مصداقيتها اذا اهي خارج الكويت

هل تتوقع مثلا مطير في الرابعه الي عدد اصواتهم 27 ألف
تقرد تسوي انتخابات فرعيه !!!!

هذا شي مستحيل

لذلك مع الدوائر الخمس وضغط الحكومه صار هذا شي صعب جداّ

وحتى لو اقدرو يتظمونها ماراح نشوف التزام من كل القبيله بالنتايج .. لأنّ النتايج هذي مو أكيده مع هذا العدد الكبير

يعني مطير بالرابعه .. يبيلهم مندوبين من الامم المتحده عشان يراقبون انتخاباتهم .. عدد هائل .. كلش مو سهل تنظيمها

ويعطيك العافيه

Q8i Blogger said...

على طاري علي الراشد .. اذا يبي 100 نائب
يعني بمقابلهم على الأقل 24 وزير !!!

وين اندورلهم وزارات هذووول !!

ماكو غير وزارات من طقه الحديد والصلب مالت عبد الحسين

حسافتج يا كويت said...

المفروض يشددون الأجرائات الأمنية بالحدود

العرزاله said...

بالنسبه للفرعيات واي تجاوز كان

اذا الحل مايكون بالتوعيه والتعليم فماكو فايده

مو كل شي يحل بالقوه

اما سالفة الابراج فضحكتني حيل

كوبي بيست جذي ماشفت

وبيني وبينك انا عندي كلمه اقولها من زمان بسالفة الابراج

جرب تغطي اسامي الابراج وحاول تقرا حظك اليوم..اذا عرفت ايهو برجك لك اللي تبي

بتشوف ان كل الابراج تمشي مع اللي فيك

:)

wa6an-alnhar said...
This comment has been removed by the author.
wa6an-alnhar said...

من صجهم هذيل ؟
والله حاله !
شي يبط الجبد
هالناس تربوا على هالشي .. لا نقول الزمن والوقت يغيرهم ... بلعكس الزمن قاعد يعزز فيهم هالشي لو تركناهم على هواهم
لازم نوقف وقفة جادة تجاه الموضوع لو نبي الكويت ترد مثل ماكانت و احسن
( قمت اتحلطم...كله منك عاديتني)
:)

مجاميع من قبيلة واحدة
يطلعون من المنافذ بفترة واحدة وبكثافة
يقصدون جهة وحده
يعني السالفة مفهومة

يامال اللي يهد عليهم الانتربول و يسحبونهم مثل مزايين الابل بتهمة تنظيم مخططات للانقلاب على نظام الدولة

(2)

يا علي الله يهديك انتو 50 و محنا ملحقين عليكم هالدور بتصيرون 100 !!
رأفوا بحال الناس :)

انتو 50 و طول الجلسه صراخ و هواش و اللي نايم و اللي يتهاوش يبي وقت زيادة واللي يقرق ماخذته السوالف و يصوت على قوانين بشكل عشوائي و انت بنفسك صوت على قانون عمل المرأه بشكل عشوائي لانك كنت لاهي بالسوالف مثل ماتقول

(3)

صج اللي حاطها ماله خلق
:)

مدونة الدوائر 5 said...

المهندس

بالنسبة لخبر اقامة الفرعيات خارج البلاد مصدرها مدونة الدوائر 5 واتمنى
منك ان تذكر المصدر مره اخرى

http://5-q8.blogspot.com/

الخبر على اليمين المدونة

Eng_Q8 said...

الدوائر الخمس

عفوا اخوي مع احترامي للمدونه انا الخبر مو ماخذه من مدونه او صحيفه او اي مكان اخر الخبر اتاني من شخص له ثقل بقبيله من القبائل .. فالمعلومه شخصيه بحته ... واني دائمه اذكر المصدر اذا ما اخذته من اي مصدر اعلامي سواء مدونه او صحيفه لذا اقتضى التنويه

بو محمد said...

مهندسنا الغالي

على قولتك، إذا صار المطبخ متروس عليمية هبابهم يقلون بيض لا بالله يعنا بس إن شاء الله ايون طبابيخ فاهمين هالمره و يطيبون خاطرنا بطبخات كل وحده تقول الزود عندي

دمت و الجميع بحفظ الله و رعايته

مُحَسّدْ said...

اشوف كلامه منطقي

كم عدد السكان سنة 1961 وكم عددهم الحين ؟

بلد صغير جدا مثل البحرين لديه 40 مقعدا نيابيا !!

5roofa said...

يعطييك العاافيه خيوو مثل ما عودتناا دايما

مواضيع جديده و لها مصاداقيتها و خاليه من اي نوع من النقل او التحريف

يعطيك العااافيه و تسلم ايدك خيوو

:D

salamz dear....

Kuwait said...
This comment has been removed by the author.
marshmallows said...

اصلا الفرعيات وصلت لي القوائم الجامعيه و هالخبر ماخذته من رفيجتي تشتغل بقائمه بالجامعه

و عن سالفت ال 100 نائب هالخبر ماخذته من eng-q8
الي اهوا ماخذه من جريدة الشاهد
اهما 50 و هوشات بالمطاره بعد الحين 100 ياسلااام

حبيت الي يهدون كل المواضيع و المشاكل و يناقشون من وين يبت الخبر و على اليمين بعد ناااس غريبه

Kuwait said...

عسى ما شر مهندسنا اليوم البوست شويه ..
مخفف تحلطم مع ان الي صاير ما يكفيه تحلطم لما باجر .. :P
أول شي سالفة الفرعيات ..
أعتقد ان الفرعيات تقام بتدبير من كبارها " شيخ القبيله " وهم من وعد بعدم تكرار ما يحدث ..
ولكن ينطبق عليهم المثل القائل : اشوف كلامك يعجبني اشوف افعالك أستغرب ..
لو هالفرعيات تهمها الديره جان ما راحوا يشتغلون ضد الديره بره الديره ..
لما متى نرضى بحكومات تحت الحكومات ..
دام بلشوا بتطبيق القانون اذا يجب البحث عن حلول رادعه ..
شنو يصير لو اسوي اتفاقيه مع دول الخليج تكون بين وزراء الداخليه منع الفرعيات أثناء الانتخابات ..
بعايلتنا دايما يصير تجمع بين فتره وفتره يجتمع فيه كل العايله كلقاء فقط لا فترة انتخابات ولا شي بس اهلنا بالسعوديه والكويت يجتمعون بدون مبالغه بكل مره سواء الاجتماع بالسعوديه او بالكويت الاجهزه الامنيه تييهم وتسأل عن سبب التجمع ومرات يحضرون جزء من التجمع وبالفتره التاليه بعد صاروا اهلنا يعطون خبر حق الاجهزه الامنيه ان في تجمع للعايله بالمكان الفلاني والوقت الفلاني ..
ندش على الموضوع الثاني ..
كلهم خمسين نائب وعافسين الديره بالواسطه والاستجوابات هالمره يصيرون 100 !!
عز الله ان اجتماعات المجلس بتظل لما نص الليل وهم ما خلصوا نقاشات ومداحر ونجره ..
اما قصة الابراج فهي نكتة الموسم ..
لو تلاحظ ترى حتى الصحه كلهم لا ياكلون دهون ولحوم حمرا ..
ياجماعه صيااااااااااااااام اليوم ترى ..
بس عشان الي كاتب الابراج ..
لوووووووووووووووول
------------
بتكلم عن شغله ثانيه بعد اذنك مهندسنا ..
اخوي الدوائر الخمس ..
مع احترامي للمدونه واخبارهاوجهدكم ..
لكن في أخبار بالفعل توصلني قبل المدونه ..
ومن مصادر موثوقه ومقربه من الخبر نفسه ..
واعتقد مو كل خبر ينقال بالمدونات معناه من مدونة الدوائر الخمس ويجب ذكر ان المصدر منها ..
على فكره في الكثير من الاخبار تكون عندنا ولكن لا نذكرها الا لوقتها وتوصلنا من مصادر مقربه من المرشحين أنفسهم ..
عندك مثال أحد المرشحين انا شفت خبر عنه بمدونة الدوائر الخمس بينما المرشح لا يزال يفكر بأمر الترشيح نفسه ولا تزال اللجان الخاصه فيه ومفاتيحه الانتخابيه بانتظار قراره الاخير لان امر ترشيحه لا يزال معلق ..
يعني الاخبار مو محتكره لمدونة الدوائر الخمس ..
لان فعلا أمر غريب انك داش وتطلب وضع المدونه كمصدر يعني ماكو الا مدونة الدوائر الخمس تنسب لها كل الاخبار !!
عموما ..
يعطيك العافيه مهندسنا ..
وهذا التعليق مالي تكلمه حق بوستك اليوم لان قصير لووووول
تقبل مروري ..
kuwait :)

Eng.S said...

صديقي

القناعه بسلبيات الفرعيات
هي الحل لمنعها
واقامتها بالسعودية او غيره .. كلام غير واقعي و مأخوذ خيره
وصدر على شكل مزاح :))


تحياتي يا ذرب
يا بو بوست 30 سم
;p

فريج سعود said...

حلها الوحيد يحطون لهم بطول بجناطهم ويتبلون عليهم
بطول مهياوة لا تروح بعيد

Aldenya said...

100
مرة وحده !!

موعشان تصير السالفة سمردحة



واخبار اليوم
عندنا بالدوام
كتاب ماغي فرح
كل يوم وحده تقرالنا برجك اليوم
والمصيبة
ان في البعض يصدقون ويؤمنون بكلامها بطريقة غريبة

الحمدلله والشكر

:/

Selezya said...

لوول يحليلهم غصب طيب يسون هالفرعيات
عااد منوو بيطلع منهم اخخخ على اللي بيطلعون ناس والله ما تفتهم ولا تفّهم

--

شلون الكومنتس بعد مارديت ؟ ماصار احلى ؟ :p

الخيلاء said...

الديره صايره فلم هندي

و الابراج الظاهر من الضغط محد طل عليهم قبل النشر لول

vancouver said...

ههههههه
اكو احد لما اليوم يقرا الابراج وهالخرابيييييط
لووووول

مو المشكله انهم يسوون الفرعيات
المشكله انهم فخورييييين
!



تشكرات على البوست مهندسنا

`~MnO YeNSa! ~` said...

خارج حدود البلاد
من صجهم ؟
والله الكويت ما تستاهل ..


100
!! معقوله


اللـــهم لا اعتـراض

سدرة العشـــاق said...

وافواااااادي

الله يحفظج يا كويت

صبا said...

مصلحتهم وقبليتهم فوق مصلحة الكويت

الله يعينا

خوش بوست

someone_q8 said...

السلام عليكم
اخوي البشمهندس
الفرعيات سواء طبقوا القانون ولا لأ راح يسوونها يسوونها ماكو فايده , لان هالشيء عندهم يعتبر اساسي ويعتبر رمز لقوة القبيلة , واللي ماكلها الكويت
بالنسبة لعلي الراشد هذا رأيه واحترام رأي الطرف الآخر مطلوب , كيفه يقول اللي يقوله ولا تنسى احنا بموسم انتخابات كل يدلو بدلوه , لكن من يبي يطبق كلامه ؟؟؟؟؟؟ هل هم اغلبية ولا اقلية , هذا الميدان ياحميدان
لك مني كل تحية واحترام

Eng_Q8 said...

كويت بلوقر

ترى مو 27 الف كلهم ينتخبون ترى الي يصوت بالقرعه ممكن الف يصوتون

مافي شي مستحيل كل شي ممكن يصير

انا اصير وزير الحديد وانت وزير الصلب ليش انحط وزارتين مع بعض :)

الله يعافيك

----------------------------------

حسافتج

لو شنو يسوون لي بغوا يسوون الفرعيه بيسوونها

----------------------------------

العرزاله

صحيح

حده ما يعرف يكروت :)

منو يصدق هالسوالف الله يهداك

-----------------------------------

وطن النهار

لوووووووووووووووووووووول

صرت مرض معدي تحلطمي يبا تحلطمي

اي وللله قوليله

حده :)

----------------------------------

بو حمود

انشالله

انا اقول يسوون دوره بقناة فتافيت والا عند الشيف رمزي عشان تطلع الطبخه صح

-----------------------------------

محسد

رايك ونحترمه :)

بس اذا على عدد السكان يعني الصين المفروض يصير عندهم مليون نائب

----------------------------------

خروفه

الله يعافيج :)

----------------------------------

مارش ميلو

نعم نعم

----------------------------------

كويت

شكرا على البوست :p

----------------------------------

السلم

قلتلك منو الي راح :)

حاظرين الذرابه عندنا :)

----------------------------------

فريج سعود

مااحب المهياوه

----------------------------------

الدنيا

يلعبون صيده مصيده بالمجلس :)

الحمدلله والشكر

ما قلتيلي شنو برجج :p

-----------------------------------

Eng_Q8 said...

سلوزه

لا يبا غلطانه اشزينهم :p

يهبل :p

Eng_Q8 said...

الخيلاء

منو البطل عاد

اشرايج فيني وانا اصيده :p

----------------------------------

فانكوفر

انا :p

اي والله فخورين

تعفوات :)

-----------------------------------

منو ينسى

اي والله

اللهم لا اعتراض :)

-----------------------------------

سدره

امين

----------------------------------

صبا

شكرا :)

----------------------------------

كويتي

عليكم السلام والرحمه

صحيح

اذا هذا دلوه عيل الله يستر من الي داخل الدلو

----------------------------------

شـقـــــران said...

مهندسنا العزيز

بداية أشكر العزيز كله مطقوق على الاشارة حول موضوعنا الحالي

كما أود أن أبين للذي تداخل هنا من أصحاب مدونة الخمس دوائر..والقائمون عليها شباب وأخوة لنا ومن أحبتنا ونحن نشكر لهم مجهوداتهم

ولكن أود أن ابين أن مهندسنا العزيز دائم الاشارة الى المصادر في كل مواضيعه

وإن كان هناك خبر منتشر فهذا لا يعني أن من نشره في المدونات يعتبر صاحب أحقية ويجب أن نشير له لأن مصادر المعلومات متعددة

فما يأخذ من زيد يمكن أن يصل للآخرين عبر عبيد

وهذا لايعني أنه ليس لكم مصادر في مدونة الخمس دوائر وإنما هي أخبار تتداولونها ونحن على أرض الواقع وفي التدوين نتداولها مثلكم


والأشارة لها ترجع الى صدق من نقل الموضوع عنكم


نرجع للموضوع المطروح

بالنسبة للفرعيات خارج أرض الكويت..فهذا لايعدو عن كونه اشاعة وليس لها أدلة...حيث أنها صعبة جدا جدا..ولايجب أن نأخذ كل أمر على أنه جدي ويمكن حدوثه


على الراشد واقتراحه..هو نفسه يعلم أنه صعب المنال..ولا أعرف لماذا طرحهه..سوى أن تكون سذاجة منه!!؟


الأبراج....لا اتابعها



وتقبل مني فائق الاحترام والتقدير


المحــــــــــب/

شــقـــــران

Eng_Q8 said...

شقران

شكرا

والله كل شي جايز يا شقران