Friday, April 4, 2008

مرشح الغفله

-1-
صج اني بعيد عن الساحه السياسيه هالايام ولكن لما اييلك واحد ويقولك لو يشيلون المجلس بكبره احسن شتقول ؟؟؟
نعم لقد وصلت الحاله لبعض الناس انهم بدأوا يفقدون الثقه بمجلس الامه لدرجة انهم يطالبون بالغاءه وهذه مسأله خطيره الاسباب التي جعلت هذا المواطن يتفوه بهذه الفكره معروفه للكل ولكن لماذا يضع اللوم على المجلس ولا يضع اللوم على نفسه ؟
المواطنون هم من اوصلوا المجلس على ما هو عليه وهم من صوتوا للمترديه والنطيحه ومن ثم ياتون ويقولون لا نريد المجلس .. عفوا فعندما يبيع اي شخص صوته او يصوت لفرد من افراد قبيلته او لشخص يعرفه او لشخص خلص له معامله لا يحق له ان يتأفف و يتحلطم على الي صاير ... يا اخي انت الي وصلت هالشكال ليش تتقرطم ؟
دعونا من هذا الان وانا هنا اريد التركيز على هذه الكلمه لو يشيلون المجلس احسن الحكومه ابخص ... عفوا يا اخي الكريم ان المجلس قد وضع لكي يكون اداة لتشريع القوانين والمراقبه ولايصال صوت الشعب للحكومه فاذا انت اردت ان نلغيه فهناك من يريدونه موجود ..... بالنهايه ما اقول الا ان من يريد ان يصل الى هذه الافكار قد نجح مع مرتبة الشرف فهناك من يريد ان ترجع الدوله الى الخلف وان يسرحوا ويمرحوا اكثر من الحين ولا مجلس امه ولا بطيخ وللاسف وصل الى مبتغاه وياخوفي الكل يقول هالكلمه عقب جم سنه .... الله يستر
--------------------------------------
-2-
مع اني قايل بيني وبين نفسي اني ماراح اتكلم عن المرشحين وافضل اني اكون بعيد بهالانتخابات ولكن هالمرشح لما قريت اسمه ضحكت من كثر الصدمه .... ماني قايل اسمه راح اتعرفونه
سمعوا القصه ... في يوم من الايام وهالحجي قبل حروة السنتين كنت قاعد بالدوانيه الفير وماكو شغل وواحد من الربع ماسك اللاب توب يطقطق فيه وانا قاعد اطالع فلم ... المراد صاحبنا كان داش ام اير سي ادري قديييييييم بس الفاضي يعمل قاضي على قولتهم
مااطول عليكم السالفه اشوي والا يقولي تعال بسرعه شوف ... اثاري صاحبنا داش بنك ما يبين انه بنيه والا صبي وواحد داش عليه يغازله وصاحبنا مشى وياه ... المهم الي قاعد يغازله عطاه سايت وقاله شوفه والا شنو اطلعت مدونه وعشان اقربها مو بلوق سبوت شي ثاني :))) المهم المغازلجي يقول حق صاحبي اشرايج بالي انا كاتبه قاله ارفيجي لحظه خل اقرى ... قعدنا نقرا انا وياه والا طرحه مثل ويهه كله سب وقذف يعني انا المعارض واهو ما يدري شالطبخه
طبعا كنا ماندري انها مدونه او بالاحرى انا ما كنت اعرف يعني شنو مدونه .. المهم والا حاط اسمه واسمه نفس اسم المرشح الي نازل الحين .... المهم صاحبي قال حق المرشح المغازلجي والله كلامك مو كله صح انت تجرح ما تنتقد قاله لا وهذا الي المفروض يصير ومن هالحجي ... المهم مرشحنا المغازلجي يبي يرقم رفيجي لوووووووووول وقام يتحايل عشان يرقمه اخر شي قاله انا مرتاح حقج وحسيت اني احبج وابي اكلمج .... ورفيجي يقوله مااقدر اكلمك وتلفوني باسم اخوي جان يقولها عطيني رقم اخوج ابي اخطبج منه ؟؟؟؟؟ طبعا لا تشوفون ويه رفيجي ما فيه ملامح .... ويترجى ويقول انه حبها وما يقدر ينام الا لما يكلمها ويعطيها من الحجي الانشائي يعني انا المثقف مالت عليه اخر شي زهق صاحبي ولمحاسن الصدف ان هم في واحد ثاني رقمه وعطا رقم الي رقمه حق مرشح الغفله وسكر الاير سي ودرناه الدوري الياباني
الاخ الي نازل الحين ويمثل حزب وحالته حاله وعنده مدونه فاشله ومحد يدري عنها ما يستحي ؟؟؟ والله العظيم اني انصدمت وانا اقرى اسمه ... واحد يدش اي ار سي ويكلم بنيه ويقولها شوفي كلامي بالمدونه عقب يقولها احبج وبخطبج هل هذا كفو ان اسمه يترشح ؟؟؟؟؟؟؟ لا وبالدائره الثانيه .... ترى مو الجاسم واحد ثاني .... انا اقوله من هنا ومن تحت قبة هذي المدونه استريح واذا فزت انا راح اطالب بحل مجلس الامه وراح ارفع عليك قضية تحريض على الفسق والفجور لان حرضت الشاب الوسيم الي كان بالدوانيه على انه يكلمك بالتلفون .... حسافه ما شفت ويها جان تبت .... مااقول الا الله يستر على الديره اذا وانت اشكالك قمتوا تنزلون انتخابات .... لو متحرش على الحب والا بالجمعيه عند الخباز قلنا ميخالف اير سي يا الظاااااااالم مالت على الباميه
----------------------------------
خاص الى فريج سعود
مبروك الفوز .... عشان اتعرف ان روحي رياضيه .... بس ترى توتي ما لعب واعتقد لعبنا خوش لعب بس حظكم الي جنه حظ ماني قايل شنو ما خلانا انقول ... على العموم في اياب وانا مو متفائل وايد بس يمكن نتأهل انا اقول يمكن
وهم من هنا ومن تحت قبة هذه المدونه اقول حق بس .... مالج شغل يالخسرانه لو انا منج ما اتابع كره اقول خل فريقج
يرقع روحه بالدوري يالخسرانه
والى شقران اقوله تكفه طق كنترول و اف 5 عشان يطلعلك البوست اليديد ماادري ليش اتعلق على القديم واتخلي اليديد
ادري عتيج الصوف والا يديد البريسم بس مو جذي عاد :))))
والى كويت اقولها اذا بتكتبين بوست ترى عادي كتبي مافي مشاكل :)))) ترى تكملة البوست عليج بالكومنت
والى صديقي الصدوق مهندس سالم ...... السلم تبي شاي لووووووووووووووووووووووووووووووول
واشلون القلوبل وورمينج لووووووووووووووووووووووووووووووول
اهم شي اني كنت بكتب بس حق فريج سعود وكتبت عن الباجي .... الي ما كتبت عنهم يايكم الخير لا تستعيلون على
رزقكم
اللهم لا اعتراااااااااااااااااااااااااااااااااااااااااااااااااااااض

35 comments:

حمد said...

هذا مغازلجي

انا واحد يايني بيوصني على واحد بينزل بدايرتنا نسيت اسمه

مابي اقول هالواحد مشهور بشنو

والله العظيم مبي اقول احتراما لديمقراطيتنا

Eng_Q8 said...

حمد

دزلي اياه ايميل :))

Kuwait said...

مهندسنا ..
بصراحه الصج الصج انا من الي يأيدووون إيقاف نشاط مجلس الامه ..
مو قاعدين نشوف أي تحسن في مخرجات الانتخابات ولا قاعدين نشوف أي انجاز يذكر ولصالحنا ..
كل مالنا وللأردى .
كل مالنا وينداس علينا ..
كل دوله عزت ورزت مواطنينها على حسابنا وبديرتنا ..
وربعنا بالمجلس لاهين بالاختلاط والدواوين والاستجوابات ..
واذا تقولي ليش ما نلوم انفسنا لان احنا الي وصلناهم ..
انا اقولك لا مو احنا الي وصلناهم ..
احنا نتحلطم على الناس الي تدش المجلس ماعندها انجاز تسويه لصالحنا والناس منو الي وصلها ؟؟
الجواب ربعهم وقبيلتهم وجم واحد مسوي فيهم معروف وامشي له معامله ..
وطبعا كل ذول دام امصوتين له فأكيد مستانسين لوصوله ومستحيل يتحلطمون على أداءه بالمجلس حتى لو كان هو والكرسي واحد ..
ومرشح الغفله واشكاله ما يوصلون المجلس الا بالتحايل على القانون وانت عارف شراء الاصوات والفرعيات وهذي كلها ضد القانون ..
انا وانت والبعض الي ننادي بإختيار الافضل أصواتنا ما تفرق بالحسبه لان الكثره تميل لربع مرشح الغفله ..
كل من يصوت لمصلحته أولا وليس لمصلحة هالديره ..
انت عشان تمنع مرشح الغفله وربعه ان يوصلون المجلس يبيلك أول شي تغير فكر الناخبين وحاليا مع الناخبين هالحاليين هالشي صعب ..
لكن لما تبدا من الحين بتوعية الجيل الجديد وتأسسه بسلوك انتخابي ايجابي راح تشوف بعد عشر وعشرين سنه اشلون المجلس بيصير ..
ويالله هذي تكملة البوست ;P
جم تعطيني ؟؟؟
لوووووووووووووووووووووول
يعطيك العافيه مهندسنا ..
تقبل مروري ..
kuwait

Salah said...

:)

وهارد لك على خسارة روما

أتوقع متعودين الحين!

:)

Eng_Q8 said...

كويت

اعارضج بجم شغله بس خوش تكمله :)

----------------------------------

صلاح

شتبييييي خلاص انسى السالفه :)

----------------------------------

Q8i Blogger said...

والي يبي يعرف منو المرشح هذا
شيسوي بالضبط؟

سدرة العشـــاق said...

ابي اعرف اسم هالمرشح


شلون ؟

Eng_Q8 said...

بلوقر

يفكر :)

----------------------------------

سدره

انتي اتصوتين بالثالثه اشتبين فيه :)

فكري :)

----------------------------------

Eng.S said...

مرشحك هذا جني عرفته
للتأكيد دز لي اياه مسج


لوووووووول

انت انسان أفه جاي

خلص الدورة و مر .. الجاي بس للمتفوقين
;))

Selfridges Girl said...

hatha wala shy wagt lentekhabat ye9er 3arth men eljensain walla e7na ensakher kel shy beldenya 3ashan elmot3a.
modawentik betkon akthar 7arara wagt elentekhabat ana agol kather men grean tea:)
allah y3en galbik

الخيلاء said...

-1-

هذيل ماعندهم سالفه
مايدرون الناس اشكثر حاربوا
و سوا المستحيل عشان هالمجلس
عشان الديمقراطيه و الدستور




-2-

اهو بقى احد ماترشح بهالمجلس
الله يستر علينا من هالانتخابات
ان شاء الله اتكون خير علينا و على ديرتنا



-3-

متى يخلصون هالبطولات
ترى ذبحونا
صكو علينا مغير تبديل بهالكروت من قناه لي قناه

يعني انا شذنبي اتصفح النت على تعليقات وصرخات امتعاض او تشجيع

واحد مدمن دوري انجليزي
وحده اتحب الارسنال
اخرعاشق لليوفي
الثاني برشلوني من قلب

و انا اشجع الضد دائما و ابدا لوول

:)

حسافتج يا كويت said...

أنا بالجائرة الثانية

يامعود لمح عشان ما أعطية

انزين له أمل ينجح ولا لا؟؟

kila ma6goog said...

عسى بس ما كان اوبريتر؟

Anonymous said...

الفقرة الثانية انا اعتبرها حرية شخصية وامر عادي خل يقول حق البنات شرايكم في مدونتي!شنو المشكلة؟ وبالنسبة يببي يخطب البنت او ميت عليها وين المشكلة؟

يدخل ايرسي عادي حرية شخصية وين المشكله؟ يتكلم مع البنات اعتقد كلنا نتكلم مع البنات في مسنجر واي برنامج شاتنج؟

اخوي المهندس لا يخفي عليك كل انسان تمر عليه اخطاء يعني ماله داعي نحاسب الماضي

Eng_Q8 said...

صديقي

اوكي :)

لووووووووووووووووووووووووووووول

انشالله عقب باجر

----------------------------------

Selfridges Girl

يسلملي قلبج :)

----------------------------------

الخيلاء

1 اي والله ماعندهم سالفه

2 انشاللله

3 وانا اشجع روما

----------------------------------

حسافتج

لا مااتوقع يفوز الا اذا سواها البخت جايز

----------------------------------

مطقوق

لا عنده فويس :p

----------------------------------

انيموس

صحيح حريه شخصيه انا معاك وخل يدخل وين ما يدخل ويكلم بنات العالم كلهم كيفه .. تدري فيني انا مالي شغل شسوى والا ما سوى

بس ياخوي اذا كان الحبيب يقول حق واحد وحسباله وحده احبج عشان يوصل الي يبيه شنو تتوقع منه يسوي عشان يوصل لمجلس الامه ؟؟؟

هالشخص هذا اذا كان هذا اسلوبه ويعمل الصح والغلط عشان يوصل مو كفو يمثل الامه لان الله يعلم شراح يسوي لي قضب الكرسي

بس هم يبط الجبد اكو واحد يغازل جذي غازل عدل :p
الخفه مو زينه
----------------------------------

vancouver said...

الصراحة السالفة ماتنبلع
يعني معقوله واحد يجازف ويغازل ويهين اسمه اشكره
لهدرجه غبي
مو معقوووول
شاللي يضمن لك انه مو واحد بس يبي يشهر بهالشخص لاسباب شخصيه
يعني اوكيه شفتوا المدونه باسمه
بس اي واحد يقدر يسوي مدونه باي اسم يبيه صح
ما ادري السالفة فيها شيء
:\\
مع تحيات المحقق كونان
:)

5roofa said...

loool

فشله امبي بس انزين
تره ماعرفت منوو قولنا اول حرف
:p

salamz dear friend...

Eng_Q8 said...

فانكوفر

اولا امبين من كلامه ان اهو نفسه ... وبعدين تعالي ماادري منو هذا عشان ينتحل شخصيته (اعجبتني هذي ينتحل شخصيته )
ماادري وايد معروف بصراحه عشان يقول انا هذا والمشكله جيكر :)) يعني ماكو مجال لانتحال الشخصيه

وانا نقلت الي صار بالضبط واذا السالفه ما تنبلع فهذا يدل على ثوارة هذا المرشح وشكرا :)

مع تحيات توغو موري

---------------------------------

خروفه

اذا انتي بالدائره الثانيه راح اقولج :)

----------------------------------

Mishari said...

اول شى قوووود لك مانشتسر

رياييل:)))

ثاني شى المغازلجي
انواع بالكويت هذا خله مغازلجي مودرن :))

bass said...

مهندستا


من حر ما في يوفك ؟


:))))))))))))

ناطره الاياب ؟

دمت بخير

PureQ8 said...

هذا يدل أن انسان مو متربي ولا ريال كبير بالعمر وفاتح له بلوق حق سوالف بطالية ويتحرش في بنات خلق الله هذا شتريا منه !!

والله على الدنيا السلام اللي هاذي النماين قامت ترشح روحها لمجلس الأمه

Selezya said...

انا الدائرة الرابعه .. تقولي ولا لا؟

wa6an-alnhar said...

-1-

اي والله يا مهندس هالناس يبيون يكفرون الناس بالديمقراطيه و المجلس واخيرا اوصلو لمبتغاهم
:(



-2-

لووووووووووووووووووووووول
عرفته عرفته
:p


-3-

مادري شسالفه ولا اعرف توتي
بس اعرف فريج سعود
:)

Eng_Q8 said...

مشاري

لا حول اللللللللللله بنخسرووووون انشالله بس خل توتي يلعب

اي مودرن الا مغازلجي هيلقي

-----------------------------------

بس

ماراح تقزر عليج اذا تأهلنا

----------------------------------

كويتي بيور

اي والله صاج

----------------------------------

Eng_Q8 said...

سلوزه

متى طلعتيلي انتي ؟؟؟

وانتي شكو فيه ؟ :)

------------------------------------

Eng_Q8 said...

وطن

1 للاسف وصلوا

2 منو :)

3 راح اعرفج عليه :)

ezain_kilah said...

لوووووووووووووووووووووووووووووول

والله العظيم إن مافي لول تكفي

الله يسامحك ... خليت دموعي تصب من الضحك

والله يا بشمهندس العاهات وايد-بعيد الشر عنك- وبو طبيع ما يغير طبعه, اللي تعود على هالخرابيط ما يهدها لو شنو المنصب اللي يوصل له او الشهادة اللي يمسكها, الواحد لو بيتحجى عن هالسوالف مو بيشيب شعر الولدان إلا بيصلعون مولية... ولا رياييل طوال الشوارب كل واحد فيهم منصب وإسم وخير من الله, يتصرفون جنهم مراهقين مو شايفين شي إسمه بنية؟! ... خلنا ساكتين يا معود

الله يستر عليهم وعلى الديرة اللي ماسكينها

Eng_Q8 said...

الزين كله

الله يستر على الديره :)

Najmah said...

1
صح لسانك


2
طبعا انا ماعرفت منو لأني صج مادري عن شي
بس امبيه انصدمت
مابقى احد مارشح نفسه

Eng_Q8 said...

نجمه

صح بدنج

المترديه والنطيحه قاموا يترشحون وانا اخوج

وردة حب said...

لووووووووووووووووووول

منو منو عفيا اول حرف لووووووووووووووول

Eng_Q8 said...

وردة حب


ماراح اقول :)

Anonymous said...

انا ودي اعرف ليش الفضول اغلبهم يبون يعرفون المرشح شنو الفايده من هالشي انا ويا اختي فانكوفر واتمنى لا تزعل من كلامي

دير بالك الانسان مو معصوم من الخطأ

Anonymous said...

نبي نعرف منو هذا ؟! لأن جليل حيا ومو كفو واحد ينتخبه!

الله يستر على الديره من هالأشكال اللي ما تخاف ربها

Eng_Q8 said...

انيموس الاول

ماادري

رايك واحترمه ومحد معصوم ولكن عقلية الحبيب مو مستوى عضو بمجلس الامه

--------------------------------

انيموس الثاني

الله يستر على الديره

--------------------------------