Thursday, April 10, 2008

بتحلطم

شنو عندنا غير التحلطم بهالديره واذا بنسوي شي اطلعتلك الف شغله وشغله وماني قايل شنو الشغلات خلوني ساكت احسن
.
ترى ما عرفنالكم اذا ما نزلوا التحالف مره قلتوا ليش ما ينزلون واذا نزلوا قلتوا ليش منزلين اكيد وراهم شي غير الي يتطنز عليهم ... مع اختلافي مع التحالف ببعض ما يطرحونه ولكن الناس سووا شي المفروض يسوونه ليش كل هالحجي ؟؟ وانا من اهني اقول برافو تحالف مع انهم يمكن يخسرون لكن عجبني المبدأ
.
صالح الملا وصالح الملا واشفيهم التحالف عليه وماادري شنو ؟؟ معرفتي بصالح الملا ان اهو عضو بالنادي العربي وبما اني قدساوي متعصب مااعرف عنه شي ... بس سؤال ليش هالخبه ؟؟ اذا الريال زين راح يفوز وينفع الديره واذا التحالف يبون مرشحين يمشونهم على ما اهم يبون فهذي مشكله عويصه
.
صار الي كنت ناطره ... احرقوا تراكتور الازاله ويا مالنا وبنشوف بلاوي ... الحبيب الي حرقها حسباله حرر فلسطين وصار بطل قومي مايدري انه يخالف القانون ... شهالناس الي يخالف القانون يصير مارتن لوثر كينج ؟؟؟
.
روما اخسروا :( يبا لازم يبيعون النادي لان المدرب اثول هذا حده المركز الثاني ويخب عليه ونبي هجووووم متى يبيعونه حق الامريكي واييب لنا مورينيو ودروغبا و كاكا وابراهيموفيش و كريستيان رونالدو و كنانافارو و بوفون وحمد الصالح ؟؟؟ ودي انفوز بشي زهقت وفريج سعود طايحله تشمت فيني الله يرضى ... لا بد من وقفه وانا اطالب المرشجين يطرحون بيعة النادي بندواتهم ما يصير مانشستر مقزرينها علينا
.
مسكوا 100 وهدوا 200 صادوا ماادري منو وطلعوا فلان بكفاله .. يبا ماراح يصير شي الفرعيات راح تمشي ناس يصوتون بالتلفونات وبالعروس وماادري وين كل يوم نقرا شي اشلون بتصيدونهم .. لا قانون تجمعات ولا غيره راح يحد من السالفه الحل يأتي من داخل القبيله ... والله انا اقول هالعبقريه بالالتفاف على القانون لو نستغلها صح جان عايشين كلنا بالمريخ الحين
.
اشفيها اذا كان احمد الديين مستشار رئيس الديوان ؟؟؟ يعني الريال ما ينزل وكل مستشار مو زين شهالمنطق الاغبر ؟
.
ليش المصري اذا بيكشخ يقولك اشتغل بالخرافي والهندي يقول اشتغل بالملا ؟؟؟؟؟
.
ليش اي واحد ما زار الكويت ولا مره بحياته يقول رحت السالميه ؟؟؟ اشمعى السالميه ؟؟؟
.
ليش ما يبونا نتكلم بالتلفون بالسياره يعني الهاند فري ماراح يشتت الانتباه والا اذا صار حادث يزنطنا وانموت ويفتكون منا ؟؟؟
.
ليش البرامج صايره على افا من يشيل ؟؟؟ وقنوات ماادري من وين طالعه شالي صاير ؟؟ كل هذا عشان منعوا تعليق الصور بالشوارع ؟ اذا كانوا مرشحينا جياكر ليش غصب يبونا انشوفهم .. عشان جذي انا مااطالع الا الجزيره الرياضيه واي ار تي سبورت وام بي سي 3 و العربيه وقناة فتافيت
.
الحين بريزن بريك بينزل والا بننطر لي شهر 9 ؟؟؟ وشسالفة لوست مره يتذكرون الماضي ومره يتذكرون المستقبل اشلون يتذكرون المستقبل ماادري ... لا واخر شي طلع هذاك الي ذبحنا بولده يشتغل فراش بالسفينه الي ماادري مالت منو ... اتصدقون لما اطالع لوست احس بنفس الاحساس لما افكر بالديره
.
ليش الاخونجيه وايد مستانسين بروحهم ؟؟؟
.
ثابت على قيمي هالحمله باطه جبدي ... ليش الصبي عنده لحيه والبنيه ماطـــقت ال6 سنوات لابسه ملفع ؟؟ من متى وهذي قيمنا يعني ؟؟ لا ويسوون محاضرات بالسوق ما حضرت ولا محاضره عشان اقول شنو رايي بس انا ثابت على قيمي وحاط سكسوكه وفيهم خير يقولون لا
.
لما نتبرع حق دوله ب 700 مليون عشان يسوون محطه تقطير مياه انسوي حمـــــلة 447 تكفون شتبونا انقول ترى عندي حل مشكلة الماي والكهربا بس مالي خلق اكتب عنها ذكروني تالي اكتب عنها ... اهم شي ان الحل عندي حلوه الثقه بالنفس
.
ليش الخرافي ما يسوي ندوات ؟؟؟
.
ليش العرزاله صاير وايد يسأل ؟؟؟ يعني انا مقصر الحين
.
ليش انا كاتب هالبوست الي ماله داعي ؟؟؟
.
ليش في ناس مستانسين لان بعض الشيوخ بيسافرون بره الكويت بهالانتخابات ؟؟؟ يعني ماكو احد يشتغل عندهم ؟؟ ماادري اشلون هالناس اتفكر
.
افضل كلمه سمعتها بعد كل هالخبه من عبدالله النيباري لما قال الخمس دوائر فشلت قبل ان تبدأ فشراء الاصوات والفرعيات لازالت موجوده وبقوه صح لسانك وجان زين تنزل راح افقدك انت والربعي الله يرحمه
.
ليش يزعلون ويتهاوشون معاك اذا كان في مرشح يصيرلك نازل الانتخابات وانت تدري ان هالمرشح مو شي بس قاعدته قويه وفرصة فوزه كبيره واساسا انت ما تصوت بدائرته بس اذا وقفت معاه راح تربح المصالح الشخصيه و الكويت راح اتخسر بوجود عضو مثله .. واذا ما وقفت معاه راح اتخسر العلاقات الشخصيه بس الكويت اتفوز ... بس المشكله اذا ما وقفت وياه ونجح بهالحاله انت بتخسر والكويت بتخسر ... شراح اتسوي ؟؟؟ عن نفسي افضل اكون خسران واتوقع الكويت بعد راح اتخسر
.
انا اقول خل اسكت قبل لا اخورها ... قمت اقط خيط وخيط ... لا تلوموني الوضع يخلي الصاحي مينون ... لا صج يبيلي سفره وعلى طاري السفره حمد .. مبروك ما ياك وتتربى بعزك انشالله يا بو ديومه
.
بو راشد اشفيك مقاطعني عسى ما شر
.
اللهم لا اعتـــــــــــــــــــــــــراض
ترى زر عقلي

27 comments:

vancouver said...

وايييد اسئله
وانا مثلك ما ادري شنو ايجابتها
بس على طاري لوست
ترى الحين فهمت انا الغمنده
من اسمه
انك تصير لووووست وتضيع مع الاحداث
صج يفر المخ
لووول

بالنسبه لفشل الدوائر الخمس
الفشل هو في مخوخ الناس وعقلياتهم
اذا عندك شعب فاشل
مهما تعطيه من حلول
ماراح ينفع
طول عمرنا كاشخين بعراقة ديمقراطيتنا
بس الصح انه نص الشعب ماعنده نضج بهالمسأله
وانا حدي متفائله واقول النص بس مو اكثر
:\

وصدقت على المصري
كنت مسافره مصر وتقابلت مع شخص
اعرفه هناك
اول ماشافني قالي دا انا دلوقتي باشتغل بشركه الخووورافي
وبنبني فنادء في شرم
لوووول
صاج كاشخ تقول صاحب الشركه
:P

Mohammad Al-Yousifi said...

ابتسم

Eng_Q8 said...

vancouver

اي والله فر مخي

صحيح صحيح

ماادري ليش يكشخون فيها

--------------------------------

مطقوق

مابي :)

----------------------------------

Shaima'a Alkandari said...

تحلطم يبه تحلطم

والله يستر من الياي

تدري ياخوي اقولك شتسوي روووووح حط راسك ونام يوم يبون يصوتون حق الانتخابات عقب مايقررون اليوم ويصير الموعد المحدد طف جهازك ونااااااااام احسن شي لان ماشفت احد يستاهل وماراح نحصل

والحين مو بس قنوات بالتلفزيون خاصه للمرشحين لا يبه حتى الاف ام استحلوه

ومادري شمعنه السالميه يمكن لان قبل فتره كان انطلاقة القز السالميه

والفرعيات صايره صايره يعني بيشوفون ويراقبون شنو ولا شنو ماراح يخلصوووووون

وزين يسووووووون خلهم يربحون محلات التلفونات ويخلون الناس تستخدمون الهاند فري والبلوتوث عاد شكلهم الحين بيزيدون سعره بعد لان الطلب زايد :)


مادرى شقولك بس بانتظار خطتك العجيبه الخاصه بالترشيد

Anonymous said...

التحالف نزلوا اسيل العوضي لضغوطات وليس مبدا الى قبل يومين كانوا مصرين اغلاق القائمة على الخالد والشايع لكن بسبب ضغوطات الشباب وتايدهم لصالح الملا ذهبوا الى عنصر النسائي حتى لا تتسع ذائرة التذمر

Eng_Q8 said...

شيما الكندري

اي والله بتحلطم :)

الله يكتب الي فيه الخير

مااقدر انام

اي سمعته محسسني عبدالكريم ايام شبابه

لا انطلاقة القز الصالحيه وحولي

صح

يقولون وصل 6 دنانير الله لا يخسر

انشالله قريب :)

----------------------------------

عرباوي

كل شي جايز وشكرا على المعلومه

----------------------------------

Selezya said...

loooooooooooooooooooooool ambeeeeeeh :D

ana bjaweb 3la ely ya3jbny

a7laa shay mbc3 loooooool way bareeeee2 :p bs wathe7 enk mtab3 mbc action b3d :p


( thabet 3la qeyamy )
looool taaadry msween sh`3la `3l6 .. hatha bo le7ya ely tgol 3anah 9ara7 7ada wa7ed mazyoon lool al7en agra el jomla wla a6ale3 el mazyon? 9ara7a le7ad elaan a6al3 el 7lo ya 7elwah :Pp

safrny m3ak :(


baaaash
the end :p

Eng_Q8 said...

سلوزه

انزين :)

لا ام بي سي اكشن كل الي يحطونه قديم :) احلى شي ام بي سي 3 احلى توم وجيري ودكسر ليبلروتي

لوووووووووووووووووووووووووووول

حياج تعالي

اوكي :)

فتى الجبل said...

هاردلك على روما..ترى اسباليتي حده مدرب جبان..فريق بدلاء وخايف منهم...والله والنعم بمانشستر
اما سالفة التحالف مع صالح الملا فآنا مادري شنو مصدر الخلاف بينهم
بس اعتقادي ان التحالف نزل 3 مرشحين بالثالثة يعني اذا ترشح الملا الصوت الرابع ممكن يكون حقه

Kuwait said...

ليش أنا يايه أكتب كومنت وشفت كومنت ثاني وهونت أكتب ؟؟ ;p
صج افتر مخي انا بعد ونسيت حتى شنو قريت بعد الي شفته..
تقبل مروري ..
kuwait

حياتي هدف مو عبث said...

ثابت على قيمي هالحمله باطه جبدي ... ليش الصبي عنده لحيه والبنيه ماطـــقت ال6 سنوات لابسه ملفع ؟؟ من متى وهذي قيمنا يعني ؟؟ لا ويسوون محاضرات بالسوق ما حضرت ولا محاضره عشان اقول شنو رايي بس انا ثابت على قيمي وحاط سكسوكه وفيهم خير يقولون لا


ـــــــــ


نقصد بالقيم .. القيم الإسلامية والثبات مع وجود المتغيرات الدخيله
بس شنو القيم اللي تتكلم عنها ؟؟

يعني ليش دايمًا الشي الزين ما تبونه

:)

على نفسها جنت براقش said...

مادرى من وين ابدأ

لكن الكلام اللى انت كاتبه حديث الكويت الحين
فاكيد اكو مؤيد و اكو معارض

و الكثير من المتحلطمين

:)

Anonymous said...

يبيلك واحد يقرى عليك :)

ولد الديرة said...

يعني من قيمنا نانسي عجرم و اليسا انييبهم يتخضخضون :)

شدعوة مهندسنا

من يرحم هذا المواطن

سلفي يبي يكمكم

ليبرالي يبي يفصخ

اخواني مدري شيبي

رحمة على والدينكم ولكم نبغي نعيش بدون تحلطم :>

5roofa said...

واااااااااااااي

سمله علييك تره مبين حدددك

لوست مااقريت لانه للحين قاعده اطالعه لول لمه اعرف اقولك

الباجي كله اقولك جواب واحد

مادري لوول
:P

هدي هدي خيووووووووو سافر روح غير جو شي شم هوى اي شي تره ان استمريت على هالحاله بتين رسمي

salamz dear....

عاجـل said...

سلامة عقلك
ترى في مجال تحط اسئلة بعد

عبثي said...

أفكار حمد بشكل ٍأكثر وضوحاً

http://www.alraimedia.com/Templates/frNewsPaperArticleDetail.aspx?npaId=37922

أو

http://www.alraialaam.com/PdfFiles/10510/p19.pdf

بوتشخيص said...

مااااكو فايدة هذا جين في ال دي ان اي مالنا إسمه التحلطم لووول :)


تحياتي

bo rashed said...

ما عاش من يقاطعك مهندسنا

ولو ياخوي

عمرك شفت واحد يزعل من اهله وربعه واخوانه

على راسي من فوق يا مهندسنا

بس تعال بقولك شرايك بالدكتوره اسيل

يعني مو كان المفروض يأهلونها ويقدمونها

للناس من فتره طويله علشان الناس

يعرفونها ويتقبلونها
يعني من حقنا نتسائل ياخوي؟

العرزالــــــه said...

هممممم

العرزاله ها

انا تعاطفا وياك ولأن مانشستر شنص بطوف الاجابه على اسئلتك ومنها ليش العرزاله كله يسأل

:p

rai said...

ههههههههه
يامعود سافر احسلك
بس ماراح اقولك اخوايك ولا شي باجر تمسكها ممسك :)

بقولك

كاسك ياوطن ينسي الهم :)

bass said...

اشفيها اذا كان احمد الديين مستشار رئيس الديوان ؟؟؟ يعني الريال ما ينزل وكل مستشار مو زين شهالمنطق الاغبر ؟


أنتهى الاقتباس


هذة المعلومة كانت غايبة عن ناس كثيريين حبيت يعرفونها ؟

وأذا الديين في 25 كان ناجح 60 صوت تتوقع بالخمس جم راح تكون أصواته ؟؟

وهم بعد لاحظ أن يكتب في الجريدة العفنة التي تنافس الوثن في وصاختها :)


الا بش مهندس

والله خسارة روما عافستك و مسويتلك أزمة :p

الخيلاء said...

مهندسنا

اسم الله عليك

كل هذا من خساره روما

ماتسوى عليك

:p

Anonymous said...

سلامة عقلك


واللة ما تنلام

بو محمد said...

مهندسنا الحبيب
لا تعور راسك أبد
في الوقت المناسب تلاقي كل الأجابات تبرز أمامك و تتجلى بكل وضوح
دمت برعاية الله

Aldenya said...

انا بسأل


لو واحد كان ضايع اوعليمي بالسياقة
وقام دق على ابوه او اخوه او حتى واحد من ربعة
عشان يدليه ويوصف له المكان
نيي انعاقبة بهالقانون

لو وحده ضاعت بالديرة
تتم تضيع بالشارع لغاية ماتوصل الحدود
بحجة تطبيق هالقانون

؟؟؟


والهاند فري حل المشكلة
؟؟؟؟


عجب عجااااب

Eng_Q8 said...

فتى الجبل

شنسوي بعد

وانا دريت

---------------------------------

كويت

شالسالفه ؟!؟
سلامة مخج

----------------------------------

حياتي هدف

ترى انا مو بو لهب ولا انتوا عايشين بقريش ترى ذبحتونا

----------------------------------

براقش

نعم نعم

----------------------------------

محسد

ييبلي نبيل العوضي

-----------------------------------

ولد الديره

كيفك بتحلطم :)

----------------------------------

خروفه

اوكي :)

----------------------------------

عاجل

اكمل يعني اخاف اخورها والله

----------------------------------

عبثني

اوكي

----------------------------------

بو تشخيص

صح :)

----------------------------------

بو راشد

حبيب يا بو راشد ولو منت غالي ما تشرهت عليك

تسائل يبا تسائل ... انا اساسا لو بصوت بصوت حق الملا عناد فيهم

---------------------------------

العرزاله

اوكي :*

---------------------------------

بو علوه

لووووووووووووووووووووول

اي جذي احلى :)

---------------------------------

بس

من حقه انه ينزل على الاقل احسن من جم واحد ذكرتيهم

وبالنسبه للجريده الي يكتب فيها ترى ولا مره كتب شي من طرح الجريده الدايخه

اي والله يا خوج :)

--------------------------------

الخيلاء

لا والله مو من روما من الي شفته

---------------------------------

حسافتج

الله يسلمك

انت الي فاهمني

---------------------------------

بو حمود

متى ؟؟ اذا فات الفوت ما ينفع الصوت

----------------------------------

الدنيا

اي لازم هاند فري والا توصل البصره :)

----------------------------------