شهالناس

لما تسمع كلام من واحد ثقه عن مرشح ويقولك انه مستغل وضعه سواء كان عضو سابق او عضو مجلس بلدي او اي كان واتشوف هالمرشحين يصرخون ويطالبون بالاصلاح ... والمشكله ان الناس تدري بالي يسوونه ورغم هذا يفوزون هذا غير شرايين الاصوات وغير وغير وغير وغير.. والله لو اكتب الي اعرفه تنصدمون لكن مااحب اكتب شي بدون اثبات واللبيب بالاشارة يفهم

.

ولما اتشوفون ناس اتذم المجلس والحكومه واخر شي بايعين اصواتهم ولما اتشوفون الكفخ الي صاير بين التيارات ولما اتشوفون ناس تعمل على مقولة انصر اخاك ظالم او مظلوم ولما اتشوف بعض من الشيوخ يتدخلون بالانتخابات ولما اتشوفون الوزير يمسك مليون وزاره تذكرت عادل امام بفلم الواد محروس بتاع الوزير لما قال في وزير يمسك وزارتين اقوله تعال الكويت وشوف الوزير يمسك مليون وزاره لا وعادي من الصحه لي المواصلات لي الاوقاف لي الماليه وزير سوبر مان

.

ولما اتشوفون عنوان بالصفحه الاولى كبر صماخ علي دائي ومكتوب يبون يحجبون المدونات المشاغبه وماادري يعني شنو مشاغبه ولما انشوف استماتة البعض على مرشحين ما يدرون زينين والا لا بس لانهم محسوبين على تيارهم وما يصوتون حق ناس تستاهل ولما انشوف قنوات تعتبر دايخه تتكلم عن الانتخابات وانشوف اثنين قاعدين بمحطه يعني يبون يحلون مشاكل البلد وواحد عقاله ميالي يمين والثاني يساروماعندهم سالفه ولما انشوف سقوط اقنعة البعض والناس لي الحين واقفه وياهم

.

هل الكويت مازالت جميله ؟؟؟ الله يرحمك يالربعي ولكن الى متى ونحن نتفائل

يا ناخب ترى صوتك امانه واذا بعت صوتك راح اتبيع عرضك يوم من الايام صوتك شهاده امام الله ان هذا الشخص يستحق الثقه ..... تكفوووووووووون صوتوا هالمره من اجل الكويت

..

.

شكلي راح اصير مثل هذا عقب جم سنه

.

.

اللهــــــــــــــــــم لا اعتــــــــــــــــــــــــــراض