Monday, May 19, 2008

النتايج من 11-20

تحديث
.
امين عام حزب الامه الخزام استقال وتبعه امين السر د نايف المطيري و د محمد الحضرم رئيس الحزب هم استقال بعد ما استقالوا الاثنين السابقين ..... يعني تفركش الحزب والا كلهم ردوا حق السلف لانهم فازوا بالانتخابات سؤال بريء بس بقول شغله حق واحد يعرف نفسه .... قلتلك لا ادش وياهم ما صدقتني عشان تسمع الحجي مره ثانيه .... عقبال الي في بالي .... بس اذا استقالوا لانهم فشلوا بالانتخابات فهذي خطوه جيده
.
.
------------------------------------------
هذي عدد اصوات المرشحين الي ما حالفهم الحظ وصلتني من خدمة برلماني الي ادز مسجات عشان لحد يقولي ماخذها من ماادري وين ... اشتركوا فيها خوش خدمه حق الي يبي الاخبار بعد شيبون مسويلهم دعايه
الدائره الاولى
11- جمال الكندري 5716
12-الحــــــــريص 5432
13- العــــــــــــقيل 5263
14- بو خمــــــسين 4918
15- المـــــــــــدعج 4890
16- الاذيــــــــــــنه 4816
17- الصــــــــــــالح 3626
18- جاســم الكندري 3480
19- بهبهــــــــــــاني 3076
20- فيصل الدويسان 2848
الدائره الثانيه
11- المــــطوع 3564
12- الشـــمري 3411
13- العنــجري 3397
14- خــــلفــان 3309
15- الشـــــايـع 2669
16- الهـــــبـيده 2592
17- الجـــــاسم 2527
18- سلــــــوى 2215
19- المسيليـــم 1971
20- المحـارب 1955
الدائره الثالثه
11- اســــــــــيل 5173
12- العبدالـهادي 5047
13- معيــــــوف 4808
14- الشــــــــايع 4802
15- رولا دشـتي 4464
16- العــــــــمـر 4266
17- الخــــــرافي 3890
18- التويجــــري 3642
19- السعـــــــــيد 3001
20- الخضــــاري 2937
الدائره الرابعه
11- الخلــــــــيفه 7354
12- مزيـــــــــــد 7345
13- عســــــــكـر 7103
14- دخــــــــــيل 6082
15- الشليــــــمـي 6035
16- الشريعـــــان 4459
17- البصــــــيري 4332
18- المطــوطـــح 3176
19- دهيـــــــــــــم 2790
20- خضـــــــــير 2207
الدائره الخامسه
11- الكنــــدري 10071
12- سعـــــــدون 9691
13- ثويــــــــران 9346
14- الدوســـــري 8078
15- السبيعـــــــي 7349
16- بو خوصــــه 6993
17- الحــــــــمدان 5307
18- عكــــــــــاش 5159
19- العـــــــــنزي 4898
20- خلــــــــــــيل 3294
ليش انا حطيت نتايج المرشحين الباجين ... انا اقولكم ليش ... لان في بعض المرشحين طعنوا بالنتايج ... وتوني شايف الجاسم على تلفزيون الوطن صرح بمقابله ان الفرق وااااايد لما عادوا بعض الصناديق يعني من 200 صـــار تقريبا 900 صوت وهذا فرق شاسع ... والله السعدون ما كان راضي بحركة الكمبيوتر صاج يا بو عبدالعزيز ... ومثل ما قال الجاسم ان اعادة الفرز للاطمئنان ... صحيح نبي نطمئنن ... كنت بكتب بوست عن الانتخابات بس هالخبر عندي اهم من البوست الي بكتبه ... والدوائر الي اطعنوا فيهم لحد الان كل الدوائر الا الدائره الثالثه ... ونحن بالانتظار
والارقام الي حطيتهم عشان انعرف اشكثر راح تفرق الارقام اذا عادوا الفرز لان هالارقام ما شفتها بمكان بصراحه وحبيت احطها اهني لكي نكون انا وانتم بالصوره ... والله يكتب الي فيه الخير ... وبوست الانتخابات انشالله باجر وراح الدوري على روما ذبحنا بو خليل ابراهيموفبش يالله يستاهلون
اللـــــــــــــــــهم لا اعـــــــــــــــــــــتراض

43 comments:

Salah said...

مانبي سعدون حماد ينجح

تراه على طريف

Eng_Q8 said...

صلاح


يا بو صلوح الدائره بكبرها دايخه اهي راده على سعدون ماادري عاد الباجي شنو

خلنا ساكتين بس

Kuwait said...

يعطيك الف عافيه مهندس ..
الله يهداهم بدال ما يعيدون الفرز خل يعيدون الانتخابات بكبرها ..
ونااااااسه ..
مانبي الي اطلعوا الحين ..
نبي ناس ثانيه ..
وبالمره عشان أصور ;p
تقبل مروري ..
kuwait

Eng_Q8 said...

كويت

ذابحج التصوير

لوووووووووووووووووووووول

زين سوا فيج الشرطي الظاهر حوبة احد حاشتج :p

بوتشخيص said...

مع احترامي للجاسم بس كلامه مأخوذ خيره

الكمبيوتر حل مكان السبورة البيضة بس هذا دور الكمبيوتر يعني أي سبورة راح تشيل أسماء 80 مرشح و يستعملون القلم الشيني ..جان لما الحين الفرز شغال ..
بعدين نفسه السعدون و الجاسم تفهموا دور الكمبيوتر لما صرح المستشار خالد سالم ..

والقاضي ما ياخذ نتايجه إلا من الورقة اللي عنده

و أخيرا ما تعتمد النتايج إلا من قبل اللجنة و توقيع الأعضاء اللي من ضمنهم مناديب المرشحين

أما سالفة الأخطاء اللي ذكره أنا سامع كلام المستشار كان خطأ بطباعة الأسماء مو بالفرز الفرز خلص و توقع من المناديب وتشمعت الصناديق بس كان تصحيح للخطأ المطبعي يعني خطأ فني من الطباع مو من القاضي و لجنته

و سلامتك :)

Eng_Q8 said...

بو تشخيص


وهذا بالضبط الي سمعته

بس كلام الجاسم توه تغير ما يندرى شيصير

الخبر اليوم بفلوس بكره ببلاش :)

Eng_Q8 said...

بو تشخيص

الله يسلمك :)

JuVeNTiNa said...

مشكووور على هالارقام .. و ياريت أسيل فايزة بدال الصانع

Najmah said...

لووول
عقب كل هذاا
وآخر شي يعيدون الفرز
:P
الحمدلله ان دائرتنا مافيها طعن
ماصدقنا متى يخلصون

wa6an-alnhar said...

مهندسنا

هالسنه حظي التعيس خلاني اصير مندوبه بلجنه قاضيها شبه مخرف و كل شوي يشك بالفرز و تييله حاله هستيريه...قفل علينا الباب و خلانا نقعد لي الساعه 5 الفير لين تطمن ان النتيجه صح
:)

قلب طفله said...

صبه حقنه لبن

لو عادوا الفرز ما راح يتغير شي

الله يعين

و تسلم اخوي ع الارقام

Eng_Q8 said...

اليوفي

عفوا

ننطر وانشوف شيصير :)

---------------------------------

نجمه

ياي دوركم يالثالثه :p

---------------------------------

وطن

ولكم باك :)

لووووووووووووووووووووووول

ماعليه خبره

هاردلك :)

مو قلنالج خساره :p

---------------------------------

Eng_Q8 said...

قلب طفله

ما يندرى شيصير :)

الله يسلمج ويعايج وبيت مكه يوديج

Mohammad Al-Yousifi said...

النتايج صدمة

بوتشخيص said...

الجاسم الله يهديه بينه و بين العاشر 1600مو 30 أو حتى 100

يعني بدربيل :) ..

بس طبعا القانون بتيحله إن يطعن اذا شاف في ظلم وقع عليه

Eng_Q8 said...

مطقوق


مو كلهم :)

Eng_Q8 said...

بو تشخيص


الريال قال لكي نطمئن خلوه يطمئن وانا بعد اطمئن :)

Kuwait said...

بعد اذنك مهندسنا ..
أخــوي بو تشخيــص ..
حتى اهني بناشبك ..
تعال إقنعني ..
انت تقول :
(الكمبيوتر حل مكان السبورة البيضة بس هذا دور الكمبيوتر يعني أي سبورة راح تشيل أسماء 80 مرشح و يستعملون القلم الشيني ..جان لما الحين الفرز شغال)
أثناء متابعتي لعملية الفرز من بدت لما من باجر الظهر ..
شفت جم فرعيه ما إشتغل معاهم الكمبيوتر أو خلنا نقول النظام الجديد في جمع الأصوات وإضطروا أن يجمعون الأصوات وتتم عملية الفرز على الطريقه القديمه وهالشي بعد أعلنوه بالتلفزيون وما تأثرت عملية الفرز ..
وبالعكس ما تأخروا وايد ..
وقلــت :
(أما سالفة الأخطاء اللي ذكره أنا سامع كلام المستشار كان خطأ بطباعة الأسماء مو بالفرز الفرز خلص و توقع من المناديب وتشمعت الصناديق بس كان تصحيح للخطأ المطبعي يعني خطأ فني من الطباع مو من القاضي و لجنته)

أنا بعد سمعت كلام القاضي العنزي الي أعاد عملية جمع النتايج بالدائره الثانيه نتيجة الطعن من قبل المرشح المطوع ..
لكــن سـؤالي ..
الخطأ المطبعي المقصود وحسب ما صرحوا وحسب ما فهمت أنه خطأ في الترتيب الأبجدي للأسماء ..
فهل هذا الخطأ كان في الأوراق الخاصه بالناخبين التي يدلون بها أصواتهم أم الترتيب الخاص بالكمبيوتر ؟؟
واذا كان خاص بالترتيب الي بأوراق تصويت الناخبين فـ أليس من الأجدر إعادة فرز الأوراق وإعادة عملية الفرز ؟؟
وإذا كان المقصود هو الترتيبالخاص بالكمبيوتر والي على أساسه فقط قاموا بجمع الأرقام النهائيه لكل فرعيه وجمعها مع نتائج اللجان الأصليه فقط فلو كان الكمبيوتر فيه خطأ فقط بتغيير الترتيب الأبجدي ليش عيل تغيرت النتيجه ؟؟
عدد الأصوات ليش تغير بعد ما أعادوا جمع النتائج اذا كان الخطأ فقط مطبعي !!
من بعد ما كان الخرافي الأول صار الثاني ؟؟
الخلل كان في عملية الجمع ككل أعتقد هذا هو الخلل ..
عموما من حق المرشحين الطعن في عملية الفرز ..
حق وكفله الدستور حتى وان كانت النتيجه نفسها ما تغيرت بعد إعادة التأكد من النتائج ..
هذي اهي الديمقراطيه ..

اعتذر على الإطاله ..
وناطره تعليقك ..
مهندسنا ميخالف داشه عرض انا ;p
تقبل مروري ..
kuwait

Eng_Q8 said...

كويت


الحمدلله هالبوست حق بو تشخيص مو حقي :p

Kuwait said...

مهندسنا ..
تبي أكتبلك بوست انت بعد ؟
;p
ترى ما وراي شي
لوووووووووووووووووووول

Eng_Q8 said...

كويت

ودي اعرف وين اداومين شنو ما تنامين ؟؟؟


قولي انا فيني فقر سهر وماخذ اجازه وسهران انتي شمقعدج اتبادلين دوامات ؟

Kuwait said...

لأ ما أبادل دوامات ..
بس أبادل بقل النوم ..
ودي أصير هذا نظام الي ينامون 10 ساعات متواصل ..
ماشاء الله عليهم ..;p
راضيه بو 5 ساعات متواصل والله ..
لوووووووووووووووووووووول

Eng_Q8 said...

كويت


اها الله يعينج

عيل بحرج بروح انام تصبحين على خير

مو 10 ساعات 15 ساعه :)

موتي حره :p

بوتشخيص said...

kuwait ..

استعنا على الشقى بالله بسمالله الله و أكبر لوول كل هذا تعقيب ..

المهم ..

عزيزتي النتيجة النهائية بيد اللجنة مو بالكمبيوتر الكمبيوتر انشالله يكتب مليون بس الورقة اللي بيد القاضي جم مكتوب فيها هذا هو اللي يعتمد ..

فالكمبيوتر قاعد يجمع ما يفرز ..

حاله حال السبورة كانوا اول يشخطون و هم كانت في أخطاء بس كانت تعتمد ورقة القاضي و اللجنة ..

كلام العنزي واضح .. الفرز خلص و اعتمدت نتيجته و تشمعت الصناديق و مافي خلاف عليه ..

الخطأ المطبعي بالورقة اللي يكتبون فيها النتايج واللي اتعلق على كل صندوق مو بالفرز فرقي بهالموضوع ..

يعني القاضي عطى النتايج حق فني الطباعة علشان يطبع النتايج فأخطأ خطأ مطبعي بس النتايج محفوظة بيد القاضي و معتمدة من قبل اللجنة اللي فيها جميع المرشحين اللي وقعوا على المحضر ..

أما استدلالج إن النتايح بالتلفزيون كانت مختلفة فشي طبيعي أصلا حتى المذيعين قاعدين يقولون دايما هذه نتيجة مو معتمدة هذا اجتهاد منهم في تجميع الأصوات بس النتيجة النهائية يعلنها القاضي ..

يا عزيزتي لا تسوون الكبيوتر مشكلة خو في بروجكتر و الكل مراقب و الكل شاهد ..

والكل له حق يطعن في حالة رأيته إن في أخطاء :)

بوتشخيص said...

kuwait

خلاصة الموضوع ..

الفرز اليدوي العلني هو السائد حتى في وجود الكمبيوتر ..

الكمبيوتر مكان السبورة بس

يعني أي سبورة هذه بتشيل أسماء 80 مرشح بالدائرة الوحدة :)؟ هذه لازم تدش موسوعة غينيس

ومعلوماتج ماهي صحيحة في فرعيات تأخر الفرز لخلل بالكمبيوتر وانطروا لين صلحوه و كملوا و في فرعيات حصل خطأ و أعادوا الفرز وهذا شي عادي جدا يحصل في كل إنتخابات حتى في عدم وجود الكمبيوتر بس مادري ليش وايد مضخمينها السعدون و الجاسم !

و هم بناشبج لين أقنعج :)

تحياتي

Kuwait said...

بو تشخيص ..
لا مو هذا الموضوع ..
الموضوع ان الخطأ حسب ما انقال إن خطأ مطبعي بالترتيب الأبجدي ..
شكو هذا بالنتايج ؟؟
أما اذا الخطأ فقط بطباعة الطباع عيل ليش تم إعادة الجمع من أول ويديد وتأخر إعلان النتيجه إلى الظهر ..
وشفناهم واهم ماسكين الآلات الحاسبه ومن أول ويديد يجمعون بالأرقام !!
دام النتايج موجوده عند القاضي وكل الغلط فقط كان بالطباعه عيل ليش ما انقلوها بس من الورقه الي عند القاضي ؟؟
الي صار ان تم إعادة الجمع ..
وعلى سالفة النتايج غير مؤكده ..
صح كانت غير مؤكده ولكنها كانت أول بأول على الكويت ..
صح الوطن كانوا يقولون انها اجتهاداتهم بالجمع ..
لكن تلفزيون الكويت كانوا ينقلون من اللجان نفسها ..

بوتشخيص said...

هم تلفزيون الكويت كانوا يقولون هذا اجتهاد ..

عزيزتي ..

الصناديق كانت مسكرة و مشمعة بالشمع الأحمر الخطأ مو بالفرز انسي الفرز و هذا كلام القاضي لما رد على المذيع قاله الخطأ مو بالفرز الخطأ مطبعي ..



يعني هذه الصناديق فوق الأربعين و عليها أسماء المرشحين و فيها أرقام النتايج

اللي تأخروا فيها هي ( إعادة جمع الأصوات من كل فرعية ) مسألة تجميع مو فرز تكفين فهميني لووول ..

يعني ببساطة مثلا..

فرعية فيها 1000
و الثانية 200
و الخامسة 3456

هذا اللي يقصد الفرز خالص و النتيجة معروفة بس لازم يطلعونها بدقة ما يصير يغلط .. فعشان جذي اضطروا يجيكون على كل فرعية و نتايج كل مرشح فيها مع ترتيب الأسماء و نتايجهم

هي مسألة تجميع لأرقام مؤكدة و نهائية مو أكثر و هذه وايد تصير بكل انتخابات
ماله شغل الكمبيوتر فيها

As YoU LiKE said...

الثالثة مخلينها على الجويهل
اذا محد يدهن سيره .. وحياتكم يطعن بالانتخابات وتنعاد :)

Q80 Blogger said...

ماكو خطأ بالفرز
الخطأ من تلفزيون الكويت

لو يعيدون الفرز سبعين مره .. هذي اهي النتايج

مو امس كتبنا الدستور

من اكثر من اربعين سنه واحنا بهالانتخابات .. الطعن ماله داعي
هذي النتايج تقبلوها

وحتى لو صار خطأ في الكمبيوترات وحسبة الاصوات فيها
الي تم اعتماده ماكان على الورق
وهذا الي يصير عادة !!

ما اعتقد كلش في اي خلل

هذي النتايج المفروض الكل يتقبلها


حزب الأمه فكره عظيمه .. لكن مو بوقتها للأسف
أتمنى منهم جميعا الرجوع للتجمع السلفي .. وينسون الخلافات البسيطه الي بينهم

شقران said...

مهندسنا العزيز
صبحك الله بالخير

أول شي برد على بوصلوح

ليش ماتبي سعدون حماد...حرام عليك..أصلا سعدون عقلية استراتيجية تكتيكية مهنية لولبية والبلد خسرت الكثير بسبب سقوطه

بوصلوح..مو على طريف...قول قطّــع مجاديف طريف
:)

ناريخه بالطعون أكثر من ترشيحاته
:))))))))



نرجع حق مهندسنا

شكلها هالطعون بتصير مهنه..الربع كلهم بيطعنون..ولكن من ظلم فله حق الطعن

وإن كنت أرى أن صاحب الطعون دائما مايخسر في حالة اعيدت الانتخابات كما عودنا التاريخ النيابي



وراح الدوري ياتوتي
:)




مع وافر الاحترام والمودة




المحـــــــــــــــــب/


شــقـــــران

فتى الجبل said...

مشكور على النتايج اللي انت حاطها
بس ماعتقد ان اكو اعادة للانتخابات
اما حزب الامة فكان التبرير للاستقالة مو زوال الحزب انما لدراسة اسباب الفشل واهوا عدم وصول اي مرشح للحزب للمجلس ومن ثمة انتخاب اعضاء يدد بالحزب
طبعا اكبر سبب لعدم فوزهم اهوا عدم دخولهم الانتخابات الفرعية

كويــتي لايــعه كبــده said...

كيف حالك مهندسنا

بالنسبه للنتائج فهناك اخطاء وباقل تقدير شكوك
والطعون بالدرب لا محاله

سوف تتغير النتائج بعض الشيء

اقول كلامي هذا بالرغم من تواصلي مع مصدر رفيع جدا وذو صله بعمليه الانتخابات من ناحيه فنيه وقوله لي انه لا يوجد مشكله من ناحية استخدام الكمبيوتر بدلا من الصبوره البيضاء

كان الخطأ من الجمع من الطباعه او اي شيء آخر فهو موجود والطعن حق دستوري سوف يستخدمه البعض بسبب هذه الشكوك


اما حزب الامه
فهو محاولات تنظيميه داخل المجتمع القبلي ومشكلته الطبيعيه هي عدم انسجامه مع العقليه العامه بهذا المجتمع.

اجواء الدوله كلها ازدادت شحنا والكل تخندق بقبيلته وطائفته وطبقته وعائلته وحزبه المدعوم من الخارج وذلك بسبب فقدان الثقه بالقانون والدوله المدنيه ان تكفل لك حقك من ما ادى بالنهايه الى تعصب بجميع لخنادق وظهور الرموز المتطرفه.

نرجع الى المجتمع القبلي ونرى عدم قبولهم بمن يروج الوسطيه والمنطق بالتعامل والعمل المنتج نحو المصالح المباشره والعامه ايضا. بل نلاحظ توجههم لمن حلف بالاستجواب لوزير الداخليه ولرئيس الوزراء ومن كابروا بكسر القانون عن طريق الانتخابات الفرعيه وما شبه. وصلوا الى درجة التشكيك بولاء الاشخاص الذين لم يشاركوهم افعالهم الهمجيه.

هذا المناخ خلقته الحكومه ليس فقط الآن عن طريق ما فعلوه بالفرعيات بشكل مستفز متعمد من قبل بعض المنقسمين عن الساطه بل منذ السنوات الأخيره بتواصل. هذا المناخ مؤثر على جميع الخنادق بنفس الدرجه. انظر الى الشيعه وانظر الى التجار. من همشوا هم الكفاءات الوسطيه.

هذا المناخ المشحون هو نتيجه محاولات مستمره لتشويه الديمقراطيه وتفكيك المجتمع وهم بالفعل نجحوا نجاحا نسبيا.

حسبي الله ونعم الوكيل عليهم

اسمحلي طولت بالتعليق

ملاحظه: تعليقي عن حزب الامه هو ملاحظاتي وتحليلي وانا لسن من هذا الحزب ولا ذو صله به على شان محد يحط في باله.

بـنـت بـطنـهـا said...

والله تحسفت على الزامل والفزيع من الأولى
وسلوى الجسار من الثانية ومنصور المحارب
واسيل العوضي والخالد من الثالثة
ومحمد الخليفة من الرابعة
وبوخوصة من الخامسة

عسى الله يطرح في النواب الحاليين البركة ويسخرهم لخدمة وطنهم باذن الله
شكرا لك انجنير

Kuwait said...

بو تشخيص ..
لا انا قادره أوصل لك الي براسي ولا انت قادر تفهم قصدي ..
أوكي كان خطأ مطبعي ..
ليش اقعدوا يعيدون بجمع النتايج مره ثانيه ويتأكدون منها ؟؟
دام النتائج الصحيحه عند لقاضي ..
جان فكوا عمرهم وخذوا ورقة القاضي واعلنوا النتايج بدال ما يعطلونا على خطأ بالطباعه والنتيجه الصحيحه موجوده !!!!
أوكي الخطأ المطبعي يكون بنـقل الأرقام إذا الأرقام الصحيحه موجوده
والأرقام المطبوعه إهيا الخطأ ..
هالخطأ يقدرون يعدلونه بدقايق مو بساعتين وآله حاسبه وأوراق الفرعيات كلها والأصليات بعد ..
عموما وعلى فكره ..
خلال مسيرة الديمقراطيه الكويتيه كثير من الطعون قدمت ..
1992
1997
وأذكر في انتخابات سنة 1999 طعن خالد العدوه وبالفعل بعد ما حكمت المحكمه الدستوريه بصحة إبطال الانتخابات وتم إجراء الانتخابات التكميليه شهر 1 \2000 فاز خالد العدوه ( الطاعن ) مقابل سعدون حماد ..
هذا الي في بالي حاليا ..
عسى وصلت المعلومه!

عايشة العلي said...

لا تعليق بس انا مستعده اراهن على انه المجلس راح ينحل مره ثانيه منو يراهن معاي :p

5:20 said...

أخ يا اسوووولة واللة يا الصانع أمك داعيتلك

5roofa said...

يعطيك العافيه خيوو

salamz dear..

Anonymous said...

شوف منو بيطعن وانت تعرف اذا الريال صاج والا ما عنده سالفة

بس said...

نسيت نتيجة روما مهندسنا

Blog 3amty said...

مجهود طيب

قواك الله

فريج سعود said...

اليوم يوم الفوز العب يا الحمر العب

Eng_Q8 said...

كويت و بوتشخيص


كيفكم انا مالي شغل :p

---------------------------------

از يو لايك

من حقه :p

--------------------------------

بولوقر


راح يبين كل شي بالايام القادمه

بوجهة نظري فكره مو ممتازه لانهم لبسوا السلف رداء الديمقراطيه الي مو راكبه عليهم

---------------------------------

شقران

بالنور والعافيه

من صجك سعدون زين ؟!؟!؟!؟!؟!؟!؟!؟!؟؟!؟!!؟!؟؟!؟!؟!؟!؟!!؟
اكييد تتغشمر اي استراتيجيه؟؟؟

الا سعدون فاز :p

اي والله راح يا توتي

---------------------------------

فتى الجبل

عفوا :)

اعادة فرز مو انتخابات :)

الزبده حزب فاشل بعدين راح اقولك ليش

----------------------------------

كويتي لايعه جبده

يجمل حالك

نعم نعم

تحليل رائع

طول كثر ما تقدر المدونه مدونتك يا يبا :)
يا عضو حزب الامه :p
--------------------------------

بنت بطنها

والله كل الي قلتيهم ما هموني الا المحارب والله هذا الي حرام خسر ... بس الدائره الثانيه وما ادراك مالدائره الثانيه راح اقترح عليه ينزل بالثالثه لان طرح هذا الرجل اهو الي عجبني وأثر فيني من بد كل المرشحين
وسلوى هم تستاهل لكن الواقع يفرض نفسه ما يبون مره

---------------------------------

عايشه العلي

كل التكهنات اتقول جذي ولكن لا تنسين انتي بالكويت بلد العجائب ما يندرى

----------------------------------

خمس وثلث

:)

----------------------------------

خروفه

الله يعافيج

----------------------------------

محسد

اوكي انشوف :p

---------------------------------

بس

اي نتيجه فيهم وشكو ترى ما بارينا الانتر

شكلج مو متابعه بس جذي بطفريني

اشلون النصر بس لوووووووووووووووول
----------------------------------

كويت شيلي

الله يقويك

---------------------------------

فريج سعود

فورزا البلوووز

----------------------------------

شقران said...

مهندسنا العزيز

إنت من جدك سعدون زين...قاعد اتغشمر مع بوصلوح
:)))


مع وافر الاحترام والمودة



المحــــــــــــب/


شــقـــــران