Tuesday, June 24, 2008

تكمله البوست الي طاف

-1-


سمو رئيس مجلس الوزراء بادر باحالة مصروفات ديوان سمو الرئيس لديوان المحاسبه ... ارفع القبعه على احترام رئيس مجلس الوزراء للدور الرقابي للنواب .. وعلى شكر احمد المليفي لهم ... جميل ان يكون هناك احترام متبادل لدور كل جهه .. وبرافو يالمليفي انك تأنيت بالاستجواب وان رئيس الوزراء احال الموضوع لديوان المحاسبه كما طلبت ... رقي بالتعامل ... وهذا ما نطلبه


-------------------------------------


-2-




استانستوا يالله نيي حق ضيقت الخلق... هذي الزياده المقترحه الموجوده بجريدة القبس ..يعني غصب اتوصلون كل المعاشات لي الالف ؟؟؟ شنو ذنب الي معاشه الف ؟؟؟ وبعدين يمكن الي معاشه الف عنده شهاده ووصلتوا الي ماعنده لي نفس المعاش وين العداله ؟؟؟ اتوقع انهم يبون يوحدون المعاشات والعموم يصير معاشه الف للعداله والمساواة بين الناس لبس مدرسة مو معاشات ... بس معرف منو العبقري الي اقترح هالاقتراح ... ودي اساله واعرف اشلون طلع هالفكره العبقريه ؟؟؟


------------------------------------


-3-


هذا الموضوع عاد باط جبدي صج ... يقولكم عشان النواب لايروحون الوزارات بيحطولهم مكان ماادري شسموه نسيت عشان يخلصون معاملات النواب ؟؟؟؟؟ عفوا يعني النائب لازم يخلص معاملات ... جذي يعني لازم كل واحد يصوت حق نائب الخدمات عشان اتخلص معاملته بسرعه ودام هالنائب فايز على تخليص المعاملات يعني ماراح يوافق على الحكومه الالكترونيه وراح انظل على الطوابير والواسطات


سالفة ثانيه راح يحطون حق كل نائب 15 سكرتير ؟؟؟؟ ليش 15 سكرتير ؟؟ اتوقع بوش عنده 5 سكرتاريه هذامرتبط بالموضوع السابق عشان يوظف المفاتيح الانتخابيه عنده ومنها بتزيد مصاريف الدوله على خالي بلاش ... صدق من قال مال عمك ولا يهمك


----------------------------------


-4-


وعلى ذمة برلماني البراك يؤكد على صحة ال 100 مليون التي سلمت لرئيس المخابرات الاردني ... وديوان المحاسبه ينفي ... الحين انصدق منو ؟؟؟ ترى هذي 100 مليون مو 100 دينار


----------------------------------


-5-


وزيرة التربيه توافق على تأجيل العام الدراسي لبعد رمضان ... ام عادل اول مره اشوفج اتجاملين ... للاسف المجامله مو بمحلها كان المفروض انج توقفين ضد هذا القرار الي ماله داعي ... ياما داومنا برمضان وما قلنا شي .. هل هذا خوف من الاستجواب والا شنو ؟ الايام راح اتبين المستخبي


----------------------------------


-6-




الي صار بهالندوه يعد ظاهره سلبيه ... ما حضرت الندوه لارتباطي بتواصل اجتماعي ... وقد عرفت من احد الاصدقاء بانهم تشاجروا هناك ؟!؟ وكان ردي شي متوقع فالمتطرفين بآرائهم اذا ما اجتمعوا سيحدث هذا بالتأكيد مع الاسف .. سوف ااخذ كذا نقطة من الموضوع المنشور بالقبس


الارهاب لم يكن من الظواهر السلبيه ؟!؟ عيل شنو الظواهر السلبيه ؟؟


رد الحربش على البغدادي واتهامه بسب الرسول -ص- لا يمت بالواقع بصله متى سبه هي كلمة قلبت الدنيا ولم تقعدها واتوقع انها اخذت منحنى خاطيء بالتفسير ... هدوا الكتاب كله ووقفوا على هالكلمه والحين يقول سب ؟؟؟ عفوا ترى الدكتور احمد البغدادي دارس الفلسفه الاسلاميه هل تتوقع انك تفهم اكثر منه بهالموضوع بالذات ؟ كفروك يا بو انور واقعدوا


ذكرى المجدلي قالت ما نبي الايدز ينتشر ولا اللواط والا السحاق وانا اتفق معاج بس شكو الظواهر السلبيه بهالموضوع ؟؟؟ الحين الاعضاء اهم راح يحلون هالمشكله ؟؟ واذا شلنا هاللجنه راح ينتشر الايدز ؟؟ غريب هالمنطق ... ومااادري ليييييش كل شي يربطونه بالايدز والجنس


الحربش يرد على سيده كبيره بالسن ويقولها هذي مشكلتج يعني جنه مستحقرها ... ترى عيب ... ودي اتكلم بس اخلاقي ما تسمح


الهيئه تعتبر شرف ممممممممممم راح ارد عليك بعدين


ترديد صالح الملا لكلمة الظواهر السلبيه بالشارده والوارده اعتقد انها مو بمحلها ... فنحن الى الان ما عرفنا من هاللجنه الا انهم يبون يسكرون محلات البلي ستيشن ويكافحون الشواذ اشلون ماادري


سياسة التصفيق والهوشه الي صارت وعدم احترام الراي الاخر اعتقد انها من الظواهر السلبيه الي راح اضيفها للستة صالح الملا ... واتمنى من اللجنة دراسة ما ذكره الملا وما ذكرناه هل ما ذكرناه ظواهر سلبيه والا كل شي بمزاجهم ؟


---------------------------------------------


اللـــــــــــــــــــــــــهم لا اعتــــــــــــــــــــــــــــــــــــــــــراض

22 comments:

As YoU LiKE said...

ندوة امس جنك حاضر مهرجان خطابي للإئتلافية :)

يخرب بيتهم عليهم تصفيق الاخونجية :)

الزين said...

واااي

وااااي

ترى طفح الحارج
بس رحم الله والدك

عطني بثور بالحربش على قلة ادبه
صج ادب سزززز

والأخت بتقضى على ظاهرة الشواذ واللواط

اسم الله عليها
شلون بالله
بقلم الكحل لو بالحمرة االأورانج

فيني قته
وسالفة السكرتارية عشان العشيرة والقبيلة وعيال العمومه
وعمااااااة العين

ترى وايد تأزمت
عطوني بريييييه

اينوووو

اي شي

ولا تدري

طااااااااااااف

Mohammad Al-Yousifi said...

الندوة تبين ان الشق عود

عند الطرفين

Eng_Q8 said...

از يو لايك

عيل زين ما حضرت :) مالي خلق ارد ايام الجامعه واتهاوش

--------------------------------

الزين

لوووووووووووووووووووووول

ماادري ليش لما اقرى يور كومنت اظحك

يبا راح اهديج بوست حقج مقج اوكيك ولا تزعلين

--------------------------------

مطقوق

من زمااان ومافي خياط يقدر يرقع الموقف يا بو صلمى

كويــتي لايــعه كبــده said...

1
شيء طيب
نبي المزيد منه

2
اللي معاشه فوق الألف بفضل الله
يسحبون منه 50؟

3
اللي صنع من النواب مخلصين للمعاملات واللي كرس مبدأ الواسطه والمستفيد منها منو؟
مو الحكومه؟
هذه اليوم مستمره بتشجيعها لهذا المفهوم

لا غريب

لكن غلــــط متعمـــد!!!

4
ديوان المحاسبة لا أشك فيه
لكن هناك طرق لاعطاء الفلوس دون ان تبين على الورق وقيودها المحاسبية مضبوطه

البراك ما يهرول عبث

5
واللي مو طلبة؟
نطالب باغلاق كل مرافق البد بشهر رمضان!
خل الانتاجية ومهام الديره توقف...
شدعوه هي الحين ماشية!

واللي يقول لك الكويت راح تصير مركز مالي... لخه طراق واللي يرحم والديك!

6
الملا ممتاز مثل ما عرفناه
البقيه لا تعليق طيب
الجمهور... حدث ولا حرج

الندوة لم تجاوب على اسئلة
بل طرحت جدد في بال الكل

Mok said...

رايك واحترمه

بس اثبت لي امس بالفعل ان الجماعات الدينية هشه

نحتاج الى تنظيم اكثر لنكتسح الساحة البرلمانية

انتظرونا اننا قادمون فعلا وليس قولا

enter-q8 said...

امس دار حديث بالديوانية
قلت ليش ماكو احد من الليبراللين و الشيعة انضموا للجنة
اهي اسمها مو الظواهر الدخيلة علىالمجتمع
شنو الفئات الثانية مو بالمجتمع
المفروض
ادخلها و يكون لي صوتي و في صحافة تنشر اذا هاللجنة سلبية او قاعده تقوم بمهام غير مهامها
و يكون لي دور داخل اللجنة
عموما اللجنة انا قريت الكثير عنها
و اغلبها من طرف واحد و الطرف الثاني يقول مانبيها شنو اهي
عمك اصمخ
حلل قول سوي اعترض على نقاط
ماميش يالزميل

و قلتها امس
ان الندوة لن تخرج بشيئ بسبب الجمهور


جمهور بو هبة
نفس الجمهور اللي تجمعوا اليوم
شفت اشكثرهم

الزين said...

Heyaaaaaaaaaaaaaaaaa

yalla waiting

.........

:)

كويــتي لايــعه كبــده said...

حياك الله انت والحضور عندي بمحاولة لتعريف الظواهر السلبية

MaCHBoS said...

تخيل فتى الجبل ما دخلوا عايلتي اللي معاي قالوا بس رجال بعدين دشينا و الاخونجيه بس خز يعني الله يلعنكم او كفار داشين بيننا !!

المهم الندوه كانت عجيبه و التخلف اللي فيها عجيب و الزياده عادي اللي عنده شهاده و تعب عادي كلها ورقه عااادي !!!!!

و د.نورية الصبيح اكبر غلطه سوتها اخرة التعليم يعني قبل كله نداوم برمضان ليش هالسنه غير اتمنى ترد من قرارها لانه اكبر غلطه سوتها و يمكن تستجوب عليها !!

و حق خالد بن عيسى السلطان

اقوول شخبااار مراكز سلطان اللي تبيع واقي ذكري مو المفروض يكون المركز في حشمه و تضحك علينا !!

بس said...

الشكوى الله من الدينين


الله يحط حيلهم بينهم

بو محمد said...

ما عليه يا مهندسنا
يظل الصبر مفتاح الفرج
التشنج لا يحل مشكلة
إن شاء الله تلين الأمور
أشوه أنك ما رحت
جان عداد ضغطك قام يزفن
حار أخبرك
:-)

secret said...

من أيام الوسط و نقول احنا أصحاب الطرح و النقاش و احترام الرأي الآخر

ما شفت امس غير المجهلة البايخة بصراحة

و لا كان اكو احترام للرأي الآخر

الناس هدت كل شي و بس قضبت سالفة والله الملا قال خوش كلام
اي خوش كلام؟
ليش قال حق الحربش كلمتين على سالفة المرأة الكبيرة انها حسبة والدته
اشوف قمنا نلعب على العواطف
شنو فلسنا؟

انا اشبه ربعنا امس بالمنتخب الحالي ما عدى عجب و جراغ .. ما فيهم واحد زين بس شنسوي مجبورين نوقف وياهم

عاجـل said...

مناظرة سلبية

الخيلاء said...

اي والله الا بويصلونها الف
يعني ما استفدنا من الكوادر شي

حسبي الله على بليس و اهله

شنو كل دور انعقاد بيزيدون الرواتب


جنه ماكو مشكله الا الرواتب و باجر الاسعار اتشلل و يردون يطنطنون غلاء الاسعار و الحكومه

Kuwait said...

بالنسبه حق تأجيل المدارس ليش ما يعطلونا معاهم ؟
مالنا رب احنا بعد !! :(
وعلى طاري الظواهر السلبيه بدال ما يجابلون الظواهر الي تخلينا نتقدم طايرين يدون شي سخيف يشغلون عمرهم فيه ويتهاوشون عليه والعالم يمشي لجدام واحنا واقفين بمكانا واذا خطينا خطوه فتأكد ان قاعدين نخطيها للورى ..
لجنة فاشله ومن طرح الفكره ومن اشترك في اللجنه ناس هامشيه تبحث في القشره وتنسى المضمون ..
تشغل نفسها بالأمور التافهه وتنسى الأمر الأكثر اهميه المتعلق بالتنميه والتطوير الاقتصادي وايجاد مصادر دخل بديله ..
اللــهم لا إعتــراض ..
يعطيك العافيه مهندسنا ..
والنوت والقلم خشيتهم من الحين بالجنطه لك روووب ماكو ..
وللعلم بس القلم فاشل مو حلو خطه قلت أعطيك خبر بس ;p

Eng_Q8 said...

كويتي

1 جان زين

2 الا 140 من التامينات الله لا يخسر

3 اكيد متعمد

4 مممممم مااعرف بالمحاسبه :)

5 بلخه طراق عاد مقهور بطق احد

6 صحيح اطرحت الكثير من الاسئله

----------------------------------


موك

ميرسي

طبعا كل شي يحتاج الى تنظيم

ننطر :)

---------------------------------

بو وليد

اي والله على ماميش

كلامك صحيح ميه بالميه

---------------------------------

الزين

انشاله :)

----------------------------------

كويتي

انشالله

----------------------------------

مجبوس

انا مو فتى الجبل :)

بس انا وياه واحد

لووووووووووووووول اهم شي كفار

اها

يمكن تستجوب

عادي خل يبيع :)

----------------------------------

بس

والنعم بالله

انشالله

----------------------------------

بو حمود

لوووووووووووووووووووووووووووول

اي والله زين ما رحت

---------------------------------

سر

الوسط لي الحين رابع ؟ :)

للاسف ما فلسنا بس فلسونا

لا مو مجبورين

--------------------------------

عاجل

بمعنى الكلمه

----------------------------------

الخيلاء

المشكله ان مو محصلين شي :(

---------------------------------

كويت

هلا وغلا بالامريكيه

صحيح صحيح

الله يعافيج

يا تييبين الروب يا مابي شي

---------------------------------

wa6an-alnhar said...

من قال لك انهم تهاوشو؟
:p

secret said...

مهندسنا الحبيب

ما اقصد مجبورين بمعنى مغصوبين

اقصد ما كان عندنا احد غيرهم نعتمد عليه فشنسوي حطينا فيهم الامل

و بصراحة اللي بين لي ان وايد من اللي يايين (فزعة) بس

كأنهم ضد اللجنة عناد بس ولا عارفين يوصلون اي نقطة

Ω Suki Candy Ω said...

أبوي انته

شوف سالفه ال 50 احسه مجرد الضحك على الذقون لانه ماقدرون ينزلون او يحطون رقابه على التجارة اذا حددو شمعنا فلان وعلان كأنهم يهال في الروضه
اهم شي الي بو 10 دنانير يوصل ال 1000

والله مصخرة حتى الخدم صار معاشاتهم احسن منا ويطلعون اكثر مني ومنك من غير المعاش والبخشيش واقول يمدحون الطراره ولا شرايك

اهم شي مكان خاص للنواب ويمكن مايندرى خمس نجوم تقول فندق مو وزارة ولا على روسهم ريشه واهم شي تخليص المعاملات بيني وبينك كنت اتمنى تطبيق الحكومه اللكترونيه اب اقرب وقت ممكن لكن عقليه الرجعيه لبعض النواب لخسارة معرفه فلان اب علان وتوصيه فلان على علان هاذي الي بتدمرنا وانا اقولك من الحين انته موكويتي وموعايش اذا ماعندك فيتامين وااااااااااو
الديرة صايرة لغة الفيتامين واو والفلوس اذا ماعندك فلوس ومصالح وشركه ماتسوى شي

اهم شي ال 15 نائب حتى ملكه بريطانيا مافكرت فيها واهم شي المفتاح الانتخابي انا اقول لك من الحين عندهم فلوس زايدة ويبون يوزعونها على بعض

ايي سالفه ال 100 مليون وين راحت وشنو سالفتها شاكه اختلاس من النوع الثقيل او بوقه محترمه:)

بيبني وبينك يبا المجامله في هالايام تغنيك من عوار الراس الي يعور راسك الي ماله داعي.

على طاري الندوة
- في فئة من الناس لين توصل في تدين لدرجة معينه تفتي وتحرم على راحتها.

- لعدم فهمها في الثقافه الجنسية مع احترامي سامحني على بقول الظاهر متعلمه الجنس بالطرق المتعارف عليها:)

- على ردة على السيدة الكبيرة بالسن انا لي تعليق واحد ودلاله على انه عاق حق امه و ابو من خلال طريقه التعامل معاهم

- الهيئة قصدك انا ببرد جبدك افا عليك مو بس انته الي راح ترد عليه الكل حاقد عليهم لوتشوف بلوجنا عتاويه انا منزله فيديو عن طريقه التعامل مع الجلط تعال سؤال الي يمسكونهم هالهئية وين يودونهم يعني ماكو مخافر نفس الداخليه معسكرات جهاد ولاشنو؟؟

- انزين هذا شغلهم يلاحقون الي لاحول ولاقوة فيهم ونفس الوقت البلاي ستشين هذا الي قادرين عليه ليش مايشفون الي يبوق المال العام ، الرشاوي ، المجاهدين الي خربوا سمعه الكويت والي بيحطونا بال بلاك لست همه بس هالشغلات. ناس محدودة التفكير

Barrak said...

عندنا مشكله بهالبلد اسمها احترام الراي والراي الآخر

Eng_Q8 said...

وطن

شخص عزيز على قلبي :)

----------------------------------

سر

فاهمك :)

----------------------------------

جوتشيه

اللهم لا اعتراض

----------------------------------

البرك

محد يحترم احد

---------------------------------