Thursday, June 26, 2008

من شخابيطي

بما ان المزاج اسود ... وامس كل شوي ينقطع الارسال من الجزيره ... والخمسين دينار راحت علي .. والمجلس خلص الميزانيه بوقت قياسي عشان يسافرون ... وبما ان المجلس بياخذون اجازه اكثر من طلاب المدارس ؟!؟ ماادري ليش بصراحه ... وبما ان ايطاليا اطلعوا ... وبما اني قاعد اقرى البوستات ومو قاعد اعلق لاني واصل حدي ...وبما ان كاونتر البلوق خربان صارله شهرين ... وبما ان المجلس كانت اولوياته الخمسين والقروض والفرعيات ؟!؟ وبما اني وعدت الاخت العزيزه الزين ببوست مو سياسي .. وبما اني قاعد افكر ببوست وقاعد ابحث اهم شي ابحث عن جم شغله وبما ان اليوم ويك اند وماابي اضيق خلقكم اذا قررت اكتب شي مو سياسي ... فكرت ودورت بين شخابيطي وحصلت هالخاطره
.
ارأف بحـــــالي فقد اضــــاع قلبي من شــــوقه مكـــــــــــانه
.
صــــــــــار ينادي بشوقه وقد ادمى الشوق شـــريانــــــــــــه
.
ضـــــــاق بقلبي كثر الخيال واغلق عتم اللــــيل وجدانــــــــه
.
أمل رؤياك يضوي حياتي وسواد الليل يغرقني بطـــــــــوفانه
.
فقد اصبح حبك دليل وجودي فكيف لا يقابل القلب ربــــــــانه
.
يا اعــدل الناس الا في معاملتي فهل يفقد العادل ميـــــــــزانه
.
اني وهبت صحراء قلبي لك .. وقد غديت بوسطها ريحـــانه
.
فما بالك لا تسقينها فلا اريد ان تــــذبل او تموت عطشــــــانه
.
ان قـــــــــــوانين الحب لا تخالف والا فانها تعد خــيـــــــانه
.
فكوني لقلبي ربـــان يقوده ولا تكوني بتعذيبه قرصــــــــــانه
.
انك بكل شيء مــــــلاك فلا تعتبري قولي اهــــــــــــــــــانه
.
فاطيعي حبنا ولا تكابري وتعوذي من شرور الحب وشيطانه
.
.
.
اللـــــــــــــــــــهم لا اعتـــــــــــــــــــــــــــــــــتراض

38 comments:

مُحَسّدْ said...

التغيير حلو يا حلو :)

كلمات جميلة

Mamloo7a Q8ia said...

ما شاء الله عليك
ابدعت يا مهندسنا

الخيلاء said...

ابدعت

لازم كل ويك اند تشخبط لنا
ملينا من السياسه
:)

Enter-Q8 said...

يا اعــدل الناس الا في معاملتي فهل يفقد العادل ميـــــــــزانه


حيل حيل عجبني هالبيت

Anonymous said...

ماتوقعتك جذي مهندس واايد حلوه الكلمات اكتب لنا من شخابيطك بعد

5roofa said...

@@

دخلت و طلعت من البلوق ولا خمس مرات

اقول غلطانه بالنمرة

اقولة لااا مو معقوول هذا مهندسنااا

امبييييييييييي

من صج انت كااتب هالشي؟؟؟؟

حده مو صج امبي تسلم اييدك

و ليش يارب يماتكتب جذي كلة معصب و تصرخ و تزفناا لوول و تزفهم

تسللللللم ايييييييدك

salamz dear...

Eng_Q8 said...

محسد

شكرا :)

---------------------------------

مملوحه

مشكوره من ذوقج :)

---------------------------------

الخيلاء

من ذوقج

يعني لازم اطلع الاوراق كل اسبوع واعيد الذكريات القديمه

انشالله تامرين امر :)

--------------------------------

بو وليد

يا اعدل الناس الا في معاملتي هذا البيت ماخذه من المتنبي

الباجي انا كاتبه :)

---------------------------------

انيموس

لا توقع يطلع مني :p

انشالله

----------------------------------

خروفه

لوووووووووووووووووول اشدعوه

اي من صج ليش مو لايق :)

الله يسلمج :)

سلام

Kuwait said...

مهندسنــا ,,
ماشاء الله ليش خاش كل هالمواهب وماسك علينا السياسه ;p
التصوير مره
والخواطر مره
وشنو بعد باقي ما ويتنى اياه ؟؟
ننطره منك بالبوست الياي ;)
كلمات روعه ..
والمعنى اروع ..
يعطيك العافيه ..

Najmah said...

الله الله وناااسة
كل مرة نبي جذي
احلى
وامتع
وارررريح
:)

Eng_Q8 said...

كويت

شنسوي بعد

شكرا

الله يعافيج

------------------------------

نجمه

كل مره عاد مااقدر :)

---------------------------------

secret said...

مادري شلي يه على بالك تطلع الشخابيط

ايييييه فاطيعي حبنا ولا تكابري

الزين said...

:)

فكوني لقلبي ربـــان يقوده ولا تكوني بتعذيبه قرصــــــــــانه

انت جذيه دلعتني وبتخليني اطلب اكثر
وين خاش هالشخابيط الرقيقة

والكلام العذب

اهم شي انها قرصانة
تكتسح امواجك
تقصي شراعك
وتخربط والدين الديرة
ومن الركسه ما توتعي الا انت بالحيشان
وعقبها تكسر على 25

وكل السالفة نويبية

:)))

لازم اخوره شوي
عجيب البوست
ومشكور على النقصه
وصلت
وبيت العز ما يخلى يالشيخ

كل ويك اند نبي كسرة هالمود العجيبة
اذا ما عليك كلافه

:)

Eng_Q8 said...

سر

مادري لقيت الفايل الي خاشه جدامي وقلت اكتب شوي منهم :)

ايييييييييه :)

---------------------------------

الزين

حاظرين تستاهلين اختي :)

خاشهم بالدرج الي يم راسي :)

لوووووووووووووووووووووووووول

الله يسلمج

انشالله اذا مافي شي صار بالديره راح اكتب :)

---------------------------------

GucciYa said...

مهندس كاسر خاطري والله وحاسه فيك

Eng_Q8 said...

جوتشيه

لوووووووووووووووووول

لا يبا ليش اكسر خاطرج

اذا على الحجي الي فوق اي اكسر الخاطر

اما الي تحت فهذا قبل قبل مو الحين

صبا said...

الله يا عيني

طلعت المواهب

؛ )))

تسلم يامبدع

kila ma6goog said...

عندي مناعة من الرومانسية

Eng.S said...

فكوني لقلبي ربـــان يقوده ولا تكوني بتعذيبه قرصــــــــــانه

ماهذا ياهذا؟
الأخطل الصغير ;p

Eng.S said...

صديقي

دق علي للضرورة حيث ان ميموري تلفوني يطلبك الحله

As YoU LiKE said...

مو جنه هذي القصيدة مادري الخاطرة اللي كتبتها لك قبل شهرين ؟

ليش مانشرت اللي عطيتك قبل هذي .. اقوى ترا.

Fskra said...

.فقد اصبح حبك دليل وجودي فكيف لا يقابل القلب ربــــــــانه

a7laa klaam mashalah :)

thnx wayed a7b ur blog :) thanks again

فريج سعود said...

ارجوك اكتب عن السياسة
:)

why me said...

خوش شخابيط

Selezya said...

منو ملهمتك هالمره

:)

حياتي هدف مو عبث said...

جمــيل جداً

;)

esTeKaNa said...

الله يعافي الزين
والويك اند
والشخابيط
اللي خلتنا نشوف هالابداع يا مهندسنا
:)
كلمات عجيبه
دايما اعتقد الكتابة باللغه العربيه الفصحى فن ورقي مو الكل قادر عليه

Eng_Q8 said...

صبا

:)

الله يسلمج

--------------------------------

مطقوق

انا بعد كاتبه من زمان :)

---------------------------------

السلم

لووووووووووووووووووووووول

الاخطل الطويل :p

تمت المهمه بنجاح :)

----------------------------------

از يو لايك

يا معود لحد يصدق تالي يقولون عنا جييز :p

اذا تبي شخابيطي قول ما يغلون عليك ولا تلفق التهم :p

----------------------------------

فسكره

شكرا شكرا :)

شكرا من ذوقك :)

----------------------------------

فريج سعود

اوكي يالمحلوه تامر امر :p

---------------------------------

واي مي

ثانكس :)

---------------------------------

حياتي هدف

شكرا جدا :)

----------------------------------

Eng_Q8 said...

سلوزه

وحده حلوه ;)

Eng_Q8 said...

استكانه

مشكوره من بعض ما عندكم يا اختي العزيزه :)

من ذوقج :>

قلب طفله said...

رووعه كلماتك تبارك الرحمن

نبي من شخابيطك لا تحرمنا :)

و عسى مزاجك يتعدل للاحسن

تسلم ايدك خيوو :)

wa6an-alnhar said...

ترا انت صاير وايد تتحلطم
:p

صح كيبوردك
:)

Eng_Q8 said...

قلب طفله

مشكوره من ذوقج

انشالله

الله يعافيج :)

----------------------------------

وطن النهار


ومتى ما تحلطمت ؟؟ :)

كاتبها بورقه :))

الله يسلمج

-----------------------------------

عروس الخليج said...

السلام عليكم

لوسمحت لاحظت شي ببلوقك اخر شي كله تكتب اللهم لا اعتراض
وهالسي شدني

الحمدلله ياربي انك ماكتبت شي سياسي لانى اكره السياسه

Shaima'a Alkandari said...

ماشاءالله عليك طلعت مواهب وانا وخيتك

ولاتقول شخابيط هذي ابداعات

أبــو بنــــدر said...

رد للسياسة

كويــتي لايــعه كبــده said...

صح لسانك

اهنيك اذا هذى شخابيطك
:)

الله لا يوريك شخابيطي
:)

بو بندر... حلوه
لووول

Sn3a said...

بش مهندس
شفيهم مو مصدقين ان للمهندسين جانب ادبي

صح لساانك خيو
الكلمات حلوة والتغيير حلو

بانتظار جديدك

Eng_Q8 said...

عروس الخليج

وعليكم السلام

انا دايما اكتب هالكلمه حتى قبل لا اكتب بالبلوق وراح اكتب قصتها انشالله :)

عيل راح تكرهين بلوقي :p

----------------------------------

شيما الكندري

قولي حق فريج سعود

مشكوره من ذوقج

---------------------------------

بو بندر

برد انشالله :)

---------------------------------

كويتي

صح بدنك

حاظرين

لوووووووووووووووووووووول

كل شي منك حلو يالغالي

---------------------------------

سنعه

مادري عنهم اساسا انا جانبي الادبي اكثر من العلمي

صح بدنج :)

--------------------------------