Friday, July 4, 2008

شريطي

-1-


رئيس مجلس الامه جاسم الخرافي دعم الحاجز الامني عند بوابة وزارة الاعلام ... ما تشوف شر يا بو عبدالمحسن عين عين ما صلت على النبي ويعطيك طولت العمر ويخليك ذخر حق كويتي لايعه جبده انشالله وهالحاجز الامني دخيل لكي يسبب الاذى لمعاليك ومو بعيده ربع السعدون سوو جذي محترين يقولون اشمعنى السعدون بالمستشفى وانت لا ..
ما يهزك ريح والحمدلله ماصارفيك شي ولا بالبنتلي

عقب هالحجي الحلو بياع البنتلي 2150 على خرابها اذا ما راح اتبيعني بسحب كلامي وانت بكيفك واذا البنتلي مالت الحكومه اطالب بشراءها بالمزاد العلني على ان لايزيد السعر عن 2150 دينار والا راح اتقدم بصحيفة استجواب لا لها اول ولا تالي لانهم يفسفسون بالحلال وما يخلون الشعب يشتري سياراتهم

:p


------------------------------------


-2-


العرفج زهرة الكويت القوميه ؟!؟!؟ الفراوله اشفيها ؟؟ اشحلاتها وطحيح بالوفره يالله من فضلك ... ما تبون فراوله عندكم النوير اشفيه النوير اشحلاته ولونه اصفر قدساوي وكفايه عبدالكريم عبدالقادر قال واشمك ريحة النوير ... اطالب بتغيير العرفج ليش عرفج ؟؟ لا وزهره قوميه بعد


------------------------------------


-3-


الظاهر شيبت وانا توني طفل بريء ... ذاك اليوم دقوا علي الربع وقالوا يبون يحجزون سينما عاد انا قلتلهم عندكم هالوقت بس لان وراي عرس والوالد مسافر ولازم اروح بداله ... واحد من الربع دق يبي شغله قلتله مو وقته بروح السينما تالي عندي عرس... اطلع من البيت واروح السينما وانا قاعد احاتي الوقت واقول حق ربعي متى يخلص الفلم وراي عرس .... شهالعرس هذا ؟؟؟... المراد طلعت من السينما وزين ما ركضت لي السياره والشباب يقولولي انطر اشوي قلتلهم لا اتأخر عن العرس ... وصلنا العرس ... دشيت والا لا المعرس مو اهو المعرس والا ابو المعرس مو ابو المعرس ؟؟؟ ها شالسالفه ... الحين انا دشيت الصاله والا اسلم على ابو المعرس وابوس المعرس اتقولون اعرفه من 20 سنه .. وزين ما صورت وياه بعد الشباب راح يفهونها هذي .... طبعا انا ويهي يقط الوان الطيف السبعتعش قعدت شوي وطلعت .. وانا طالع جان ادق على ابوي ... يبا عرس ولد بو فلان الي انت موصيني اروحله باي صاله ؟؟ قالي اسم نفس الصاله الي انا فيها ؟؟؟ جان اقوله يبا هذا مو اهو ... مااشوف الا الوالد ميت ظحك ... لو مو ابوي جان صار كلام ثاني ... والا يقولي يبا هذاك عرسه الاسبوع الياي مو اليوم ... وكمل ضحكته ؟؟ جان يقولي جان دشيت وسلمت على المعرس دام انك نزلت ... قلتله نزلت وزين ما لميته وصورت وياه من الفشله

السؤال ليش كنت مختب على العرس ... لاني لو نسيت او ما رحت جان صارتلي سالفه واستجواب ويمكن يطرح فيني الثقه من الوالد ... المهم ما رحت عرسه الاسبوع الي عقبه كيفه عاد


------------------------------------------


اجازة نهاية اسبوع سعيده .... لا تقولون بعد غثيتكم بهالويك اند .... وشكرا القبس والاخت اسيل على المتابعه

26 comments:

secret said...

شمعنى 2150؟

حسافه والله (ما صورت وياه) لول

انا اعرف ناس بالغلط صوروا مع والد المعرس

:)

كويــتي لايــعه كبــده said...

بنتلي!؟

وانا طول هالفتره على بالي عنده كامري

ما عليه المرة الجاية يروح الاعلام بالبوينج 747 الخاصة بس عسى ما يسوي لنا 9/11 مثل نيو يورك
:)

---

كان "صورت" معاه عن خاطرك
(المعرس مو الخرافي)

كـــــــــــاك

Eng_Q8 said...

سر

بس بعد على خرابها :>

فكرت فيها لووووووووووول

لوووووووووووووووووووول هذيل مو صاحين

---------------------------

كويتي

ليش كامري لييييييش

هم انا شراي :)

--

لوووووووووووووووووووووووووووووووووووووووووووووووووووووووووووووووووول

لا مو الخرافي

العرزالــــــه said...

كويتي لايعه كبده

لوووووووووول


مهندسنا

من عيني

شفته مره بعرس فيها وشسمه

عليك الباجي عاد

مع ان عيني مو حاره

:p

Eng_Q8 said...

العرزاله


لووووووووووووووووووووووووووووووووووووووووووووووووووووووووول


كل ما اتشوف احد قولي خل نترزق من وراهم :p

الزين said...

ههههه


تعيش وتاخذ غيرها
عاد الإسبوع الياي راح مو تنسى
بس هالمره خل سلامك للمعرس احر
يعني ما يصير الناس اللي تعرفهم واللي ما تعرفهم نفس الشي

وبعدين شفيه العرفج
وايد زين
دليل على وضعنا المعرفج واللي يحتاج حلول عرفجية مطعمة ببعض النويرات

انزين يصير اقترح نبته ثانية
انا ابي اصابع العروس
تعرفهم

ما اعتقد

والبنتلي هذي مااااالتي مالتي مالتي
اصلا اهو قايل لي ايام الإنتخابات عقب ما يمل منها بعطيني ياها هدية
ياماااال الفقر


اقول

شلونك انت بس

why me said...

loooooooooooooooooooooool


ليش مارحت الاسبوع اللي قبله


تعقدت لووووووووووول؟؟

Shaima'a Alkandari said...

:)


حلوه سالفه العرس خبيت عمرك واستعيلت وبالاخير طلعت داش غلط
ماتسوى عليك هاللويه اللى صارت

هذا كله من البنتلى اللى خذت كل تفكيرك :)

على فكره اللنك الاخير موشغال

Eng_Q8 said...

الزين

لا خلاص خلص عرسهم :)
وما رحت

اي والله وضعنا معرفج

اي اعرفها ليش ما تعتقدين ؟؟ من حلاة شكلها عاد :>

لوووووووووووووووووووول

تمام
انتي شخبارج

---------------------------------

واي مي

الكبر شين

اشدراني انا بعد :(

حدي تعقدت

---------------------------------

شيما الكندري

اي والله ما تسوى علي

لالا قبل البنتلي :)

تمت معالجة المشكله :)

شكرا للتنويه

الزين said...

@@

الحين يوم إن تعليقي كله بدليات ليش ما تقولي

افشل صراحه

احم احم

انا بخير وعافية

وبدون بدليات هالمرة

يالله الستر

Eng_Q8 said...

الزين

عادي عادي محد شاف

:p

wa6an-alnhar said...

سلامات سلامات
يابو عبدالمحسن
عين عين
انا اقترح انك تتبرع بالسيارة حق هيلة المكيمي نظير خدماتها الانتخابية والتصفيقية لك
--------------------


ههههههههههههههههههههههههههه

اما سالفة العرس

الحين اهل المعرس يحسبونك من اهل العروس
و اهل العروس يحسبونك من اهل المعرس

بس مشكلة اذا اطلعو المعاريس اهل
!!
:p

--------------------------

انا بعد اشكر اسيل وياك
:p

Eng_Q8 said...

وطن النهار


لا يبا حقي انا توني صافله حجي شحلاااته :p

----

اكيد نسوني :p

----

شتبين تشكرينها

بس انا اشكرها :p

kuwaitawy said...

هههههههههه
الظاهر ماخذ ليسن بالواسطه

enter-q8 said...

اي و الله اشمعنى 2150
يعني بونص نازلك و الا شنو
على فكرة ترى سيارته الشخصية مو مالت الحكومة

اما سالفة العروس تراها هم فيلم
صج
يعني بدال ما تسولف عن الفيلم اللي دشيته سولفت عن الفيلم الاقوى اللي صار معاك
انا عندي مشكله كل العروس تصادف زام ليل و ياي ما ادري ليش

حده حده و تعال غيير باللبس بالدوام
تقول عندي وظفتيين و قاعد اسعى على اكل عيشي

اما القبس فاللأسف
مشرف القسم مال التكنولوجيا و المعلومات مو مضبوط و انا اخوك

و قاعد يحارب اسيل
و خرب عليها الصفحه بعد
و اخر خبر
تم ايقاف الصفحة بسبته
و اللقاء الوهمي اللي زجه بصفحة اسيل مع المدونة المصرية

rai said...

يامعود جان صورت وياه على الاقل تطلع بشي :)
ولا الصراحة محد يعاااااف "تصوير" العروس :))

marshmallows said...

2151

لووول اشفيك العرفج نبتة رومانسيه
و بعدين يقولون كندا و مادري وين عندهم نبته شوفو الفرق عرفج عاد =\
تخيل احد ايبلك بوكيه عرفج

لوووووووووووووول سالفت العرس موصج لوووووووووووووووول احسن
حدها عجبتني

Unknown said...

شوف مدام عزوبي وتراكض على العروس عيل ابشر يايلك الفرج قريبا وراح تتأهل
مبروك مقدما:)

قلب طفله said...

مهندسنا

البنتلي بتلقاها يم باب بيتكم
هديه من الخرافي ع الحجي الحلو بس
عاد انت تقبلها بخرابها :P

_---_---_---_---_

و هم انا اطالب بالنوير
كثرة المطالبه تحقق المطالب :)

_---_---_---_---_

لوووووووووووول

تعيش و تحضر عروس خيوو

Eng_Q8 said...

كويتاوي

اخاف الي متوظف عند البوابه متوظف بالواسطه

----------------------------------

بو وليد

لا والله بس انا عاينت السياره ولقيت انها تسوى هالسعر :p

الله يعينك على دوام الشفتات الحمدلله انا صباحي

لووووووووووووووووووووول اهم شي اكل عيشي

راح يكون لي وقفه بهالموضوع يمكن انا قبست عليهم :p

-------------------------------

بو علوه

لوووووووووووووووووووووول

بغيت اتهور واسويها

--------------------------------

مارشملو

اي وايد رومانسيه اتذكرنا بالبر لما يخلص الفحم

ليش احسن :(

---------------------------------

مشاري

لا يبا الظاهر لي الحين لازم العب بلنتيات ... خمس سنين وانا على هالحال ولي الحين ولله الحمد عزوبي :)))

---------------------------------

قلب طفله

لا يبا انا شراي هدايا ما اخذ

يبي خل يستفيد لا وزايده 50 دينار بعد

اي والله اشحلاته النوير

مشكوره وانشالله يصير فيج مثل ماصار فيني :p

فريج سعود said...

بس يحسب عليك انك ماسويت الواجب مع المعرس
كان المفروض ما تقصر حتى لو ما تعرفه

حياتي هدف مو عبث said...

شنو يعني قومية ؟

فتى الجبل said...

الخرافي لا تخاف عليه
تمرة ما يضرها اللاحوس

someone_q8 said...

السلام عليكم
افا بشمهندس صرت شريطي ؟؟؟؟؟
2150 فقط ؟

كسرت بالرايل الله يهداك

************************
وبالنسبه للعرس مو منك من التحلطم :)
مرة ثانية حط الموعد بالنوته في التلفون
ولا تتحلطم وايد عشان اتركز :)
ولااتصير طماع وتاخذ السيارة بهالمبلغ وقوله اتبيعها سكراب ؟؟؟ :)

Eng_Q8 said...

فريج سعود

بعرسك انشالله احلى واجب :p

---------------------------------

حياتي هدف

يعني قوميه ؟ :)

اشلون اشرحها هذي قوميه الله يسلمج يعني مالتنا حقنا ومقنا واحنا نختص فيها يعني لي شفتيها تدرين ان العرفج ترمز حق الكويت

والقوميه يايه من كلمة قوم اي مجموعه من الناس وصاوا قوم

بس بعد هذا اهو فهمتي :p

-------------------------------

فتى الجبل

خل يبيعني البنتلي بس :.)

--------------------------------

انسان كويتي

لا ومراعيه بالسعر :p

اي والله خلاص كبرنا لازم انحط نوت ... انا ماادري شراح اسوي لي صرت شايب اتوقع راح يقطوني دار العجزه

لووووووووووووووووووووووووووووول
سكراب سكراب :)

---------------------------------

BKK said...

Inata 4asal.

You dont want the Bently... You would end paying up so much to service it. Of course if he gives it to you with the sevice package it would be your lucky day.

I hate weddings. I always wear suits so I always have to be prepared to wear the 3 piece attire on my head (Tuxido mo '3itrah o I3gal, lol).

I envey you. STAY SINGLE. You will always have a great life with or without the Bently.