Sunday, July 6, 2008

هم توارد خواطر ؟؟؟

سكت وايد بس لي متى اسكت ؟؟ يعني لي هالدرجه في توارد خوطر ؟؟ لي هالدرجه الافكار تتوارد .. انتوا شوفوا وانتوا حكموا
.
جريدة اليوم حاطين هالموضوع اليوم .... وهذا بوستي
.
جريدة القبس حاطين هالموضوع بس مو راضي يطلع الملف كامل اهني و اهني .. وهذا واحد وهذا اثنين
.
اذا انا كتبتهم باختصار واهم اكتبوا باسهاب او حطلي نائب مصرح ما تفرق ... يعني هل في لي هالدرجه توارد خواطر ؟؟؟؟؟؟؟؟؟؟ المواضيع والكتابه تأتي من فكره لي هالدرجه تتوارد الافكار ؟؟؟
؟
جم مره اقول توارد خواطر واطوف بس لي متى ..... اترك لكم الحكم ... صج مقهور والله مقهور ما تنبلع والله
.
منو الي ينصف البلوقرز ؟؟؟؟؟؟؟؟؟؟؟ انصفوني يا اخواني واخواتي
.
انزين انا بقول شغله ممكن الافكار تتوارد اذا كان في موضوع الكل يتكلم عنه نعطي مثال الظواهر السلبيه نقدر انسميها مواضيع وقتيه وفي مواضيع عايمه .... خلونا انقول ان الموضوع الي بجريدة اليوم موضوع وقتي والريال مو قصده خلاص انا اسكت عنه... اما سالفة الغبار ؟؟ وخاصة ان الحبيب بلوقر انا لي الحين مو داشه مخي
.
والشيء بالشيء يذكر شوفوا شصار بجريدة القبس اهني و اهني و اهني و اهني وعلى فكره الي يتكلمون عنه الاخوان اهو نفسه الي كاتب الموضوع بالقبس
ز
م
م
اللهم لا اعترااااااااااااااااااااااااااااااااااااااااااااااااض ... حتى هذي زين مايكتبها واحد وهم توارد خواطر

27 comments:

Anonymous said...

مهندس زين ما يحطون صفحه يديده بإسم مدونتك
البووووق صار أشكره عينك عينك !
روح إحفظ حقوقك الأدبيه والفكريه بس اشلون مادري انت دبر عمرك

5roofa said...

امبي هذا مو يعتبر بوق؟؟

انزين في طريقه اذكر مرة قالوها لي انه قبل ما تنزل اي شي تروح تصدقه في مكان

انه يكون باسمك فاي احد يبوقه بعدين او يقلدك تقدر حتى انك ترفع علي قضيه

مادري بعد اذا هالشي الي سامعته صح او لا

بس لا تحرق قلبك خيوو انشالله تنحل المشكلة ولا مالك الا الخاص

معنه حسافه انه تخلي بلوقك خااص بهالمواضيع الحلوة

alah e3enek 5ayoo

salamz...

Enter-Q8 said...

عمو ادمغة خاوية
تبحث عن افكار الاخرين
و تحطها و اذا كلمتها قالولك لا يا توارد يا ان بلور فكرتك بس مولك
يالزميل
ما إلك الا بدر الكويت
http://bader59.com/
هذا اللي كان عارف لهم عدل
يا عمي السلطة الرابعة بأيد الاجانب
فا شنو تتوقع يعرفون شنهي الكويت
اغسل ايدك
يسمعون كلمة منك و كلمة من فلان ويركبونها
اقول انضم و يانا
بحط لنك موضوعك مع الاعلان اللي حاطهم يالزميل

عاجــل said...

سواء كتبت ام لم يكتب هم راح يكتبون
واحيانا بوستاتك تنشط افكارهم فيستعملونها

Eng_Q8 said...

انيموس

احفظها وين بالحزام الازرق والا فنون خليها على الله

--------------------------------

خروفه

مااعرفها والله

---------------------------------

انتر كويت

اي والله صاج .. انا وياك

--------------------------------

عاجل

انا راضي اوكي راح يكتبون

بس هل اذا انكتب هالشي بجريده وانقلته جريده ثانيه عادي ؟

اذا عادي بسكت وبقول توارد خواطر

واذا حاطين المدونات مثل الابر المنشطه وشاخذون منها الي يبون فاهني مشكله بس شنو حلها؟

Anonymous said...

اشفيه الكاتب العظيم الي كله بايقين ابداعاته
خلك واقعي اخوي
انت تتكلم عن الشأن العام وتره الديره متروسه جرايد وكتاب .. ماتبي تشابه بالمواضيع
من كثر مواضيعنا الي بالديره احنا

انت بس الله لو يفكك من شعور العظمه الي انت عايش فيه .. يمكن نرتاح

Blog 3amty said...

مو بوق !

أقتباس !

:P

كويــتي لايــعه كبــده said...

شاللي مضايقك!؟

شيء زين كل ما كتبت شيء كتبوه...
اسغل غباءهم ووجهم

Eng_Q8 said...

انيموس

اول شي انا ما قلت بايقين

ثانيا متى قلت انهم بايقين غير اليوم

ثالثا صحيح انا اكتب عن الشان العام وطبعا مثل ما وضحت ان في مواضيع وقتيه ومواضيع عايمه او منسيه يعني في مواضيع كل الناس تتكلم عنها وفي مواضيع لا من وين لي وين

الي يشوفك يقول اني فؤاد الهاشم كل الكويت تقرى بلوقي شكو شعور عظمه .. شعور عظمه واكتب ببلوق ليش

يمكن نرتاح ؟؟؟ ياخي بترتاح لا ادش عندي اذا مو عاجبك كلش ولا انك ما ترتاح

على العموم شكرا للكومنت

---------------------------------

بلوق عمتي

لا يبا توارد خواطر

Eng_Q8 said...

كويتي

هم نقطه جوهريه اتصدق ما طرت علي

صبا said...

أكيد بينكم إتصال ذهني

؛))

صج حره وشي يقهر انه احد ياخذ افكارك وكتاباتك

أمبي أشكره وعينك عين

اي شي
وسلامتك ولا تتنرفز
بس شلون الواحد يحفظ حقوقه الفكريه
؟؟؟؟

حياتي هدف مو عبث said...

يمكن الحين يحطون مقالة عن توارد الخواطر

:p

الزين said...

انت مو تقول توارد خواطر

عيل ليش زعلان

بعدين ناس مخهم ما يطلع

شيسوون؟؟؟

وانت ماشاء الله عليك متدفق

بس والله السالفة تحر

مشكلتنا ان احنا اشطر ناس نبوق افكار غيرنا

ما عندنا شي اسمه حقوق ملكية فكرية

السالفة عندهم مثل الفيمو سهلة

كوبي وبيست غير شوية كلمات ويصير الموضوع لك

كله بالنهاية شربت

:)

شلونك انت بس
لما الحين تبي يرايير

الله يا حلو الميد هالأيام
شي شي

خلك من اليرايير وخل اطرش لك كود ميد

شقلت؟؟؟

darkness said...

@@

المال السايب يعلم السرقه

:p

secret said...

مشكلة والله تواطر الخوارد
:)

كويتي لايعه كبده أوافقك
نظرة ثاقبة

والله يا مهندسنا ماكو شي يحفظ حقوق الطبع التدوينية للأسف

kila ma6goog said...

اذا ما كان النقل حرفي او شبه حرفي فما اعتقد ان فيها غلط

يعني عادي انت تكتب عن موضوع و الثاني ايي يكتب نفس الموضوع باسلوبه

ما يعتبر سرقة

AnfalQ82 said...

السلام عليكم . كل شي في هالبلد صار ينباق .. يات على خواطر وأفكار .. بس الله يعينك .. ويوفقك بنفس الوقت .. لا تسكت لهم ..وبوق الأفكار إذا دل على شي دل على نجاحك

يعطيك العافية

lawyer said...

يعني قبل لا تكتب و تنزل اي شي

صووووور ووثق نفسك وانت تكتب

شالحااااااااله

!!

حياتي هدف مو عبث said...

عن سؤالي السابق

يعني نفس شجرة الأرز مالت لبنان ؟؟

فتى الجبل said...

انت حاطه قبلهم عدل؟
يعني اهما بايقينا منك
عيل طالبهم بحقوقك الادبية

بـنـت بـطنـهـا said...

انا اول شي قلت صدفة

تالي لما جيكت على المجموعة كلها لقيت ان الوضع مأساة

حتى الأفكار صارت تنباق عينك عينك

لا تسكت .. ولازم كلنا ما نسكت .. وين قاعدين ؟؟

marshmallows said...

احلا قضيه تشلخهم فيها
و انا اصير شاهده افا عليييك
بس بشرط البنتلي لي

شوف اكتب بوست و طب بالحكومه بطريقه غير مباشره و خل ينشرونه بالجريده عشان يتطشرووون

Mamloo7a Q8ia said...

شهالحاله الكسيفه اللي وصلنا لها؟؟
حتى الافكار والكتابات تنباق؟؟؟
يا حسرتنا
:(
الله يحفظنا
البوق صار شي سهل

شـقـــــران said...

مهندسنا العزيز
كيف الحال
:)



لقد اطلعت على الروابط التي وضعتها علما بأنني اذكر مواضيعك القديمة التي طرحت بعض الاشكاليات فيها


وحقيقة بدأ الشك عندي يتحول الى يقين بأن هناك من يأخذ مواضيعه من المدونات دون ذكر اصحابها

كما أنني اذكر أنه حينما اخذت المنتديات الالكترونية حيزا كبيرا من النجاح في بدايات ظهورها القوي أخذ الكثير من الصحفيين يسرقون افكار المواضيع بل أن بعضهم ينسخ الموضوع نسخا ويضع عليه اسمه في صفحات الجرايد!!؟؟


أعتقد أن الحقوق الفكرية للمدونين في خطر مالم تكن هناك وقفة جادة منا كمدونين ناحية فضح كل من يسرق مواضيعنا



شخصيا أقترح انشاء مدونة جديدة يديرها مجموعة من المدونين تهتم بالسرقات الفكرية لمواضيع المدون الكويتي

من حيث رصدها لكل سرقة ومن ثم وضعها في هذه المدونة المختصة ومن ثم تعميم السرقة واعلانها لدى كافة أو أغلب المدونين حتى يتم فضح من يحاول أن يتجرأ على حقوق المدون الكويتي




وتحياتي لك

الزين said...

وآنا مع اقتراح اخوي شقران

@@

انت وينك

اخاف عقب ما باقوا افكارك

باقوووك انت بكبرك

ترى ما عندنا ندفع فدية

:$

Eng_Q8 said...

صبا

يسجلهم بالحزام الازرق او الوسام او فنون خليها على ربج

---------------------------------

حياتي هدف

يسوونها

---------------------------------

الزين

مو زعلان ابي رايكم بس :)

شربت بيذان بعد

لا مااحب الميد جان في جنعد اوكي

اتصدقين عاد لي الحين ما كليت ميدم

---------------------------------

داركنس

على قولتج :)

---------------------------------

سر

للاسف

---------------------------------

مطقوق

انا قلت سرقه ؟؟؟ ما قلت سرقه قلت افكار وثاني شي انا قلت انتوا حطموا يعني انا ما حكمت وانا راضي بالحكم ولو كان قاسي

اهم شي قاسي :)

----------------------------------

انفال

شكرا :>

---------------------------------

لوير

اشدراني

وبعدين انتي محاميه سوي شي واذا ربحنا راعي النصيفه سالم

----------------------------------

حياتي هدف

يس :)

---------------------------------

فتى الجبل

الموضوع بكبره كان لغايه ان منو يحمي حقوق المدون فقط لا غير والي بياخذ خل ياخذ اطالب ايه يا عم

----------------------------------

بنت بطنها

قاعدين بالكويت وانا خيج :)

---------------------------------

مارشملو

خوش فكره

--------------------------------

مملوحه

من زمان سهل بس مستسعبينه

----------------------------------

شقران

اقتراح ممتاز ويستاهل التطبيق

--------------------------------

الزين

كاني كاني :)

منو المينون الي امه داعيه عليه يبوقني ... راح اطيح بجبده حتى على بوقته راح اتحلطم لووووووووووول

الأندلسي said...

ياركم الله ياشباب الديرة

الحكومة تضيق عليكم

والجرايد تبوق مواضيعكم

ولكم الله